📅 2017-yil 14-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 14 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 14 июля 2017 г. · Постановления Президента
Официальный текст. Официальный документ. Редакционные примечания не включены.
📅 14 July 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
низом
тавсифи
тавсифи
тавсифи
«Меҳнат фахрийси» кўкрак нишонини таъсис этиш тўғрисида
Мамлакатимизнинг иқтисодиёт, ишлаб чиқариш, илм-фан, маданият, таълим, соғлиқни сақлаш, юриспруденция ва бошқа соҳаларида кўп йиллар давомида ҳалол ва самарали меҳнат қилган нафақа ёшидаги юртдошларимизни, шунингдек, ишламасдан, ҳаётини оилалар мустаҳкамлигини сақлаш, фарзандларимизни жамият олдида масъулият, миллий ва умуминсоний қадриятларга, катталарга ва ёш авлод вакилларига ҳурмат, она-Ватанга муҳаббат, истиқлол ғояларига садоқат руҳида тарбиялаш ишларига бағишлаб, жамиятимизда ҳурмат қозонган оналарни муносиб тақдирлаш мақсадида ҳамда Ўзбекистон Республикаси Президентининг 2016 йил 28 декабрдаги «Ўзбекистон фахрийларни ижтимоий қўллаб-қувватлаш «Нуроний» жамғармаси фаолиятини янада такомиллаштириш чора-тадбирлари тўғрисида»ги ПФ-4906-сонли Фармонига асосан:
1. «Меҳнат фахрийси» кўкрак нишони таъсис этилсин.
2. Қуйидагилар:
«Меҳнат фахрийси» кўкрак нишони тўғрисидаги Низом 1-иловага мувофиқ;
«Меҳнат фахрийси» кўкрак нишони ва унинг гувоҳномасининг тавсифлари 2 , 3-иловаларга мувофиқ;
«Меҳнат фахрийси» кўкрак нишони билан тақдирланган шахслар яшайдиган хонадонлар ва уй-жойлар эшикларига ўрнатиладиган белги (кейинги ўринларда — «Меҳнат фахрийси» белгиси)нинг тавсифи 4-иловага мувофиқ тасдиқлансин.
3. Ўзбекистон Республикаси Вазирлар Маҳкамаси «Меҳнат фахрийси» кўкрак нишонлари, уларнинг гувоҳномалари ва «Меҳнат фахрийси» белгиларининг тайёрланишини таъминласин.
4. Ўзбекистон Республикаси Молия вазирлиги «Меҳнат фахрийси» кўкрак нишонлари, уларнинг гувоҳномалари ва «Меҳнат фахрийси» белгиларини тайёрлаш учун зарур пул маблағларини Ўзбекистон Республикасининг республика бюджети ҳисобидан ажратсин.
5. Ўзбекистон Республикаси Адлия вазирлиги бошқа манфаатдор вазирлик ва идоралар билан биргаликда бир ой муддатда норматив-ҳуқуқий ҳужжатларга ушбу қарордан келиб чиқадиган ўзгартиш ва қўшимчаларни киритсин.
6. Мазкур қарорнинг ижросини назорат қилиш Ўзбекистон Республикасининг Бош вазири А. Арипов зиммасига юклансин.
Ўзбекистон Республикаси Президентининг 2017 йил 14 июлдаги ПҚ-3133-сонли қарорига 1-ИЛОВА
«Меҳнат фахрийси» кўкрак нишони тўғрисидаги
1. «Меҳнат фахрийси» кўкрак нишони (кейинги ўринларда — кўкрак нишони) билан мамлакатимизнинг иқтисодиёт, ишлаб чиқариш, илм-фан, маданият, таълим, соғлиқни сақлаш, юриспруденция ва бошқа соҳаларида кўп йиллар давомида ҳалол ва самарали меҳнат қилган нафақа ёшидаги юртдошларимиз, шунингдек, ишламасдан, ҳаётини оилалар мустаҳкамлигини сақлаш, фарзандларимизни жамият олдида масъулият, миллий ва умуминсоний қадриятларга, катталарга ва ёш авлод вакилларига ҳурмат, она-Ватанга муҳаббат, истиқлол ғояларига садоқат руҳида тарбиялаш ишларига бағишлаб, жамиятимизда ҳурмат қозонган оналар тақдирланадилар.
2. Ушбу Низомнинг 1-бандига мувофиқ:
I даражали кўкрак нишони билан камида 35 йиллик меҳнат стажига эга шахслар;
II даражали кўкрак нишони билан камида 30 йиллик меҳнат стажига эга шахслар;
III даражали кўкрак нишони билан камида 25 йиллик меҳнат стажига эга шахслар, шунингдек, жамиятда ҳурмат қозонган ишламайдиган оналар тақдирланадилар.
3. I даражали кўкрак нишони юқори даражали ҳисобланади. II ёки III даражали кўкрак нишони билан тақдирланганлар кейинчалик унинг юқори даражалари билан босқичма-босқич мукофотланиши мумкин. Бир даражадаги кўкрак нишони такроран берилмайди.
4. Кўкрак нишони билан тақдирлашга оид таклифлар, ташкилий-ҳуқуқий шаклидан қатъи назар, давлат ва нодавлат ташкилотлари томонидан Ўзбекистон фахрийларининг ижтимоий фаолиятини қўллаб-қувватлаш «Нуроний» жамғармаси (кейинги ўринларда — «Нуроний» жамғармаси)нинг Қорақалпоғистон Республикаси, вилоятлар ва Тошкент шаҳри бўлимларига берилади.
5. «Нуроний» жамғармасининг Қорақалпоғистон Республикаси, вилоятлар ва Тошкент шаҳри бўлимларининг таклифлари ҳар йили 25 декабргача «Нуроний» жамғармасининг Васийлик кенгашига тақдим этилади.
6. Тақдим этилган таклифларни кўриб чиқиш ва кўкрак нишони билан тақдирлаш учун номзодларни танлаб олиш тартиби «Нуроний» жамғармасининг Васийлик кенгаши томонидан белгиланади.
7. Кўкрак нишони билан тақдирлаш «Нуроний» жамғармаси Васийлик кенгашининг қарори билан амалга оширилади.
Кўкрак нишони билан тақдирлаш тўғрисидаги қарор «Нуроний» жамғармасининг ахборот воситаларида эълон қилинади.
8. I даражали кўкрак нишони билан мукофотланган шахслар базавий ҳисоблаш миқдорининг тўрт баравари миқдорида, II даражали кўкрак нишони билан мукофотланган шахслар базавий ҳисоблаш миқдорининг уч баравари миқдорида бир йўла тўланадиган пул мукофоти оладилар.
Бир йўла тўланадиган пул мукофотлари «Нуроний» жамғармаси маблағлари ҳисобидан амалга оширилади.
9. Кўкрак нишони, унинг гувоҳномаси ва пул мукофоти «Наврўз» байрами арафасида «Нуроний» жамғармаси Васийлик кенгашининг раиси (ёки унинг топшириғига биноан бошқа масъул шахслар) томонидан тантанали вазиятда топширилади.
10. Кўкрак нишони билан мукофотланган шахслар Ўзбекистон Республикаси Соғлиқни сақлаш вазирлиги томонидан белгиланадиган тартибда тиббий хизматдан имтиёзли фойдаланиш ҳуқуқига эга бўладилар.
11. Кўкрак нишони давлат мукофотларидан кейин кўкракнинг чап томонига тақилади.
Ўзбекистон Республикаси Президентининг 2017 йил 14 июлдаги ПҚ-3133-сонли қарорига 2-ИЛОВА
«Меҳнат фахрийси» кўкрак нишонининг
«Меҳнат фахрийси» кўкрак нишони диаметри 34 миллиметрли доира шаклида бўлиб, мис қотишмасидан тайёрланади:
I даражали кўкрак нишони тилла рангда;
II даражали кўкрак нишони кумуш рангда;
III даражали кўкрак нишони бронза рангда бўлади.
Кўкрак нишонининг олд томонида қанотларини ёзган Ҳумо қуши тасвири акс эттирилган. Унинг тепа қисмида кўкрак нишони даражасини ифодалайдиган бўйи 4 миллиметрли «I», «II» ёки «III» — рим рақамидаги сон ва диаметри 1,8 миллиметрли саккиз қиррали юлдуз жойлашган. Ушбу тасвирнинг умумий баландлиги 22 миллиметрни, эни 23 миллиметрни ташкил этади.
Кўкрак нишонининг олд юқори қисмида саккиз қиррали юлдузлар оралиғида икки қаторда ҳарфларнинг баландлиги 2 миллиметр бўлган «MEHNAT», «FAXRIYSI» ёзуви жойлашган.
Кўкрак нишонининг орқа томони марказида тўрт қаторда ҳарфларнинг баландлиги 2 миллиметр бўлган «KOʻP YILLIK», «HALOL», «MEHNATI», «UCHUN» ёзуви жойлашган.
Унинг атрофи диаметри 30,7 миллиметр бўлган нақш билан ҳошияланган.
Кўкрак нишонининг қалинлиги 2,2 миллиметр.
Тасвирлар ва ёзувлар қабариқдир.
Кўкрак нишонининг олд ва орқа томонларининг четлари қабариқ доира билан ўралган.
Кўкрак нишони ҳалқа ва илмоқчалар ёрдамида тўғри тўртбурчак шаклидаги қадағичга уланган.
Қадағичнинг эни — 26 миллиметр, бўйи — 17 миллиметрдан иборат. Қадағич эни 22 миллиметрли шойи лента билан қопланган бўлиб, лентанинг ўртасидан эни 8 миллиметрли оқ йўл, икки четидан эса ҳар бирининг эни 7 миллиметр бўлган кўк рангли йўл ўтган.
Қадағичнинг орқа томонига кўкрак нишонини кийимга тақиб қўйиш учун тўғноғич кўринишидаги мослама ўрнатилган.
«Меҳнат фахрийси» кўкрак нишони
Ўзбекистон Республикаси Президентининг 2017 йил 14 июлдаги ПҚ-3133-сонли қарорига 3-ИЛОВА
«Меҳнат фахрийси» кўкрак нишони гувоҳномасининг
«Меҳнат фахрийси» кўкрак нишони гувоҳномаси 160х110 миллиметр ўлчамдаги китобча шаклида бўлиб, 240 г/кв.м. қалинликдаги офсет қоғоздан тайёрланади.
Гувоҳноманинг ташқи томони (биринчи ва тўртинчи бетлари) яшил рангда бўлиб, плёнка билан қопланган.
Гувоҳноманинг биринчи бети эни 7,5 миллиметрли, ички бурчаклари айлана шаклида бўлган оқ рангли ҳошия билан ўралган.
Гувоҳноманинг юқори чеккасидан (биринчи бети) 35 миллиметр пастда, марказда оралиғи 3,5 миллиметрли икки сатрдан иборат матн жойлашган. Биринчи сатрда «Mehnat faxriysi», иккинчи сатрда «koʻkrak nishoni» («Times new Roman Bolt» шрифти, 17-кегль) сўзлари ёзилган. Ундан 6 миллиметр пастда «GUVOHNOMASI» (катта ҳарфларда, «Times new Roman Bolt» шрифти, 17-кегль) сўзи ёзилган. Ёзувлар зарҳал рангида акс эттирилган.
Гувоҳноманинг ички томони (иккинчи ва учинчи бетлари) «Тангир» тасвири туширилган оч ҳаво рангда бўлиб, офсет усулида чоп этилган.
Ички томонининг чап қисмида (иккинчи бети), марказда кўкрак нишонининг аслига тенг ўлчамдаги рангли тасвири акс эттирилган.
Гувоҳноманинг ички ўнг томони (учинчи бети) юқори чеккасидан 8 миллиметр пастда, марказда «GUVOHNOMA» (катта ҳарфларда, «Times new Roman Bolt» шрифти, 10-кегль) сўзи ҳамда гувоҳнома тартиб рақами учун «№» белгиси ва 15 миллиметрли чизиқ жойлашган.
«GUVOHNOMA» сўзидан 11 миллиметр пастда мукофотланган шахснинг фамилияси, исми ва отасининг исмини қайд этиш учун оралиғи 8 миллиметрли учта чизиқ тортилган.
Пастки чизиқдан 5 миллиметр қуйида, марказда оралиғи 1,5 миллиметрли тўрт сатрдан иборат матн жойлашган. Биринчи сатрда «Oʻzbekiston faxriylarining ijtimoiy», иккинчи сатрда «faoliyatini qoʻllab-quvvatlash», учинчи сатрда «Nuroniy» jamgʻarmasi», тўртинчи сатрда «Vasiylik kengashining» («Times new Roman Bolt» шрифти, 10-кегль) сўзлари ёзилган. Ундан 4 миллиметр пастда оралиғи 4 миллиметр бўлган икки сатрдан иборат матн жойлашган. Биринчи сатрда «20__ y. «___» ___________dagi», иккинчи сатрда «____-sonli Qaroriga asosan» («Times new Roman Bolt» шрифти, 10-кегль) сўзлари ёзилган.
Ундан 5 миллиметр пастда, марказда оралиғи 5 миллиметрли икки сатрдан иборат матн жойлашган. Биринчи cатрда «Mehnat faxriysi» сўзи ҳамда кўкрак нишонининг даражаси ҳақидаги ёзув («Times new Roman Bolt» шрифти, 12-кегль), иккинчи сатрда «koʻkrak nishoni bilan mukofotlandi» («Times new Roman Bolt» шрифти, 10-кегль) сўзлари ёзилган.
Сўнгги сўзлардан 9 миллиметр пастда, чап томонда оралиғи 2 миллиметрли икки сатрдан иборат матн жойлашган. Биринчи сатрда «Vasiylik kengashi», иккинчи сатрда «raisi» («Times new Roman Bolt» шрифти, 10-кегль) сўзлари ёзилган.
«Меҳнат фахрийси» кўкрак нишони ГУВОҲНОМАСИ
Ўзбекистон Республикаси Президентининг 2017 йил 14 июлдаги ПҚ-3133-сонли қарорига 4-ИЛОВА
«Меҳнат фахрийси» кўкрак нишони билан тақдирланган шахслар яшайдиган хонадонлар ва уй-жойлар эшикларига ўрнатиладиган белги
«Меҳнат фахрийси» кўкрак нишони билан тақдирланган шахслар яшайдиган хонадонлар ва уй-жойлар эшикларига ўрнатиладиган белги 210х80 миллиметр ўлчамли тўртбурчак шаклида бўлиб, мис қотишмасидан тайёрланади.
Белгининг чап томонида қанотларини ёзган Ҳумо қуши ва унинг тепасида кўкрак нишони даражасини белгиловчи «I», «II» ёки «III» — рим рақамидаги сон ҳамда саккиз қиррали юлдуз тасвири акс этган. Ушбу тасвирнинг умумий баландлиги 55 миллиметрни, эни 51 миллиметрни, рим рақамидаги соннинг бўйи эса 9 миллиметрни ташкил этади.
Белгининг ўнг томонида ҳарфларнинг баландлиги 5,6 миллиметр, сатрлар оралиғи 3,8 миллиметр бўлган олти сатрли матн жойлашган.
Биринчи cатрда «Bu yerda» сўзи ҳамда кўкрак нишонининг даражаси ҳақидаги ёзув, иккинчи сатрда «Mehnat faxriysi» koʻkrak nishoni», учинчи сатрда «bilan taqdirlangan fuqaro», тўртинчи ва бешинчи сатрларда катта ҳарфларда мукофотланган шахснинг фамилияси, исми ва отасининг исми, олтинчи сатрда «istiqomat qiladi» сўзлари ёзилади.
Белгининг қалинлиги 1,5 миллиметр.
Тасвирлар ва ёзувлар ботиқ шаклда бўлиб, белгининг четлари тўғри чизиқлар билан ўралган.
«Меҳнат фахрийси» кўкрак нишони билан тақдирланган шахслар яшайдиган хонадонлар ва уй-жойлар эшикларига ўрнатиладиган белгилар
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 14 июль,
ПҚ-3133-сон
Oʻzbekiston Respublikasi Prezidentining
Qarori
nizom
tavsifi
tavsifi
tavsifi
“Mehnat faxriysi” koʻkrak nishonini taʼsis etish toʻgʻrisida
Mamlakatimizning iqtisodiyot, ishlab chiqarish, ilm-fan, madaniyat, taʼlim, sogʻliqni saqlash, yurisprudensiya va boshqa sohalarida koʻp yillar davomida halol va samarali mehnat qilgan nafaqa yoshidagi yurtdoshlarimizni, shuningdek, ishlamasdan, hayotini oilalar mustahkamligini saqlash, farzandlarimizni jamiyat oldida masʼuliyat, milliy va umuminsoniy qadriyatlarga, kattalarga va yosh avlod vakillariga hurmat, ona-Vatanga muhabbat, istiqlol gʻoyalariga sadoqat ruhida tarbiyalash ishlariga bagʻishlab, jamiyatimizda hurmat qozongan onalarni munosib taqdirlash maqsadida hamda Oʻzbekiston Respublikasi Prezidentining 2016-yil 28-dekabrdagi “Oʻzbekiston faxriylarni ijtimoiy qoʻllab-quvvatlash “Nuroniy” jamgʻarmasi faoliyatini yanada takomillashtirish chora-tadbirlari toʻgʻrisida”gi PF-4906-sonli Farmoniga asosan:
1. “Mehnat faxriysi” koʻkrak nishoni taʼsis etilsin.
2. Quyidagilar:
“Mehnat faxriysi” koʻkrak nishoni toʻgʻrisidagi Nizom 1-ilovaga muvofiq;
“Mehnat faxriysi” koʻkrak nishoni va uning guvohnomasining tavsiflari 2 , 3-ilovalarga muvofiq;
“Mehnat faxriysi” koʻkrak nishoni bilan taqdirlangan shaxslar yashaydigan xonadonlar va uy-joylar eshiklariga oʻrnatiladigan belgi (keyingi oʻrinlarda — “Mehnat faxriysi” belgisi)ning tavsifi 4-ilovaga muvofiq tasdiqlansin.
3. Oʻzbekiston Respublikasi Vazirlar Mahkamasi “Mehnat faxriysi” koʻkrak nishonlari, ularning guvohnomalari va “Mehnat faxriysi” belgilarining tayyorlanishini taʼminlasin.
4. Oʻzbekiston Respublikasi Moliya vazirligi “Mehnat faxriysi” koʻkrak nishonlari, ularning guvohnomalari va “Mehnat faxriysi” belgilarini tayyorlash uchun zarur pul mablagʻlarini Oʻzbekiston Respublikasining respublika budjeti hisobidan ajratsin.
5. Oʻzbekiston Respublikasi Adliya vazirligi boshqa manfaatdor vazirlik va idoralar bilan birgalikda bir oy muddatda normativ-huquqiy hujjatlarga ushbu qarordan kelib chiqadigan oʻzgartish va qoʻshimchalarni kiritsin.
6. Mazkur qarorning ijrosini nazorat qilish Oʻzbekiston Respublikasining Bosh vaziri A. Aripov zimmasiga yuklansin.
Oʻzbekiston Respublikasi Prezidentining 2017-yil 14-iyuldagi PQ-3133-sonli qaroriga 1-ILOVA
“Mehnat faxriysi” koʻkrak nishoni toʻgʻrisidagi
1. “Mehnat faxriysi” koʻkrak nishoni (keyingi oʻrinlarda — koʻkrak nishoni) bilan mamlakatimizning iqtisodiyot, ishlab chiqarish, ilm-fan, madaniyat, taʼlim, sogʻliqni saqlash, yurisprudensiya va boshqa sohalarida koʻp yillar davomida halol va samarali mehnat qilgan nafaqa yoshidagi yurtdoshlarimiz, shuningdek, ishlamasdan, hayotini oilalar mustahkamligini saqlash, farzandlarimizni jamiyat oldida masʼuliyat, milliy va umuminsoniy qadriyatlarga, kattalarga va yosh avlod vakillariga hurmat, ona-Vatanga muhabbat, istiqlol gʻoyalariga sadoqat ruhida tarbiyalash ishlariga bagʻishlab, jamiyatimizda hurmat qozongan onalar taqdirlanadilar.
2. Ushbu Nizomning 1-bandiga muvofiq:
I darajali koʻkrak nishoni bilan kamida 35 yillik mehnat stajiga ega shaxslar;
II darajali koʻkrak nishoni bilan kamida 30 yillik mehnat stajiga ega shaxslar;
III darajali koʻkrak nishoni bilan kamida 25 yillik mehnat stajiga ega shaxslar, shuningdek, jamiyatda hurmat qozongan ishlamaydigan onalar taqdirlanadilar.
3. I darajali koʻkrak nishoni yuqori darajali hisoblanadi. II yoki III darajali koʻkrak nishoni bilan taqdirlanganlar keyinchalik uning yuqori darajalari bilan bosqichma-bosqich mukofotlanishi mumkin. Bir darajadagi koʻkrak nishoni takroran berilmaydi.
4. Koʻkrak nishoni bilan taqdirlashga oid takliflar, tashkiliy-huquqiy shaklidan qatʼi nazar, davlat va nodavlat tashkilotlari tomonidan Oʻzbekiston faxriylarining ijtimoiy faoliyatini qoʻllab-quvvatlash “Nuroniy” jamgʻarmasi (keyingi oʻrinlarda — “Nuroniy” jamgʻarmasi)ning Qoraqalpogʻiston Respublikasi, viloyatlar va Toshkent shahri boʻlimlariga beriladi.
5. “Nuroniy” jamgʻarmasining Qoraqalpogʻiston Respublikasi, viloyatlar va Toshkent shahri boʻlimlarining takliflari har yili 25-dekabrgacha “Nuroniy” jamgʻarmasining Vasiylik kengashiga taqdim etiladi.
6. Taqdim etilgan takliflarni koʻrib chiqish va koʻkrak nishoni bilan taqdirlash uchun nomzodlarni tanlab olish tartibi “Nuroniy” jamgʻarmasining Vasiylik kengashi tomonidan belgilanadi.
7. Koʻkrak nishoni bilan taqdirlash “Nuroniy” jamgʻarmasi Vasiylik kengashining qarori bilan amalga oshiriladi.
Koʻkrak nishoni bilan taqdirlash toʻgʻrisidagi qaror “Nuroniy” jamgʻarmasining axborot vositalarida eʼlon qilinadi.
8. I darajali koʻkrak nishoni bilan mukofotlangan shaxslar bazaviy hisoblash miqdorining toʻrt baravari miqdorida, II darajali koʻkrak nishoni bilan mukofotlangan shaxslar bazaviy hisoblash miqdorining uch baravari miqdorida bir yoʻla toʻlanadigan pul mukofoti oladilar.
Bir yoʻla toʻlanadigan pul mukofotlari “Nuroniy” jamgʻarmasi mablagʻlari hisobidan amalga oshiriladi.
9. Koʻkrak nishoni, uning guvohnomasi va pul mukofoti “Navroʻz” bayrami arafasida “Nuroniy” jamgʻarmasi Vasiylik kengashining raisi (yoki uning topshirigʻiga binoan boshqa masʼul shaxslar) tomonidan tantanali vaziyatda topshiriladi.
10. Koʻkrak nishoni bilan mukofotlangan shaxslar Oʻzbekiston Respublikasi Sogʻliqni saqlash vazirligi tomonidan belgilanadigan tartibda tibbiy xizmatdan imtiyozli foydalanish huquqiga ega boʻladilar.
11. Koʻkrak nishoni davlat mukofotlaridan keyin koʻkrakning chap tomoniga taqiladi.
Oʻzbekiston Respublikasi Prezidentining 2017-yil 14-iyuldagi PQ-3133-sonli qaroriga 2-ILOVA
“Mehnat faxriysi” koʻkrak nishonining
“Mehnat faxriysi” koʻkrak nishoni diametri 34 millimetrli doira shaklida boʻlib, mis qotishmasidan tayyorlanadi:
I darajali koʻkrak nishoni tilla rangda;
II darajali koʻkrak nishoni kumush rangda;
III darajali koʻkrak nishoni bronza rangda boʻladi.
Koʻkrak nishonining old tomonida qanotlarini yozgan Humo qushi tasviri aks ettirilgan. Uning tepa qismida koʻkrak nishoni darajasini ifodalaydigan boʻyi 4 millimetrli “I”, “II” yoki “III” — rim raqamidagi son va diametri 1,8 millimetrli sakkiz qirrali yulduz joylashgan. Ushbu tasvirning umumiy balandligi 22 millimetrni, eni 23 millimetrni tashkil etadi.
Koʻkrak nishonining old yuqori qismida sakkiz qirrali yulduzlar oraligʻida ikki qatorda harflarning balandligi 2 millimetr boʻlgan “MEHNAT”, “FAXRIYSI” yozuvi joylashgan.
Koʻkrak nishonining orqa tomoni markazida toʻrt qatorda harflarning balandligi 2 millimetr boʻlgan “KOʻP YILLIK”, “HALOL”, “MEHNATI”, “UCHUN” yozuvi joylashgan.
Uning atrofi diametri 30,7 millimetr boʻlgan naqsh bilan hoshiyalangan.
Koʻkrak nishonining qalinligi 2,2 millimetr.
Tasvirlar va yozuvlar qabariqdir.
Koʻkrak nishonining old va orqa tomonlarining chetlari qabariq doira bilan oʻralgan.
Koʻkrak nishoni halqa va ilmoqchalar yordamida toʻgʻri toʻrtburchak shaklidagi qadagʻichga ulangan.
Qadagʻichning eni — 26 millimetr, boʻyi — 17 millimetrdan iborat. Qadagʻich eni 22 millimetrli shoyi lenta bilan qoplangan boʻlib, lentaning oʻrtasidan eni 8 millimetrli oq yoʻl, ikki chetidan esa har birining eni 7 millimetr boʻlgan koʻk rangli yoʻl oʻtgan.
Qadagʻichning orqa tomoniga koʻkrak nishonini kiyimga taqib qoʻyish uchun toʻgʻnogʻich koʻrinishidagi moslama oʻrnatilgan.
“Mehnat faxriysi” koʻkrak nishoni
Oʻzbekiston Respublikasi Prezidentining 2017-yil 14-iyuldagi PQ-3133-sonli qaroriga 3-ILOVA
“Mehnat faxriysi” koʻkrak nishoni guvohnomasining
“Mehnat faxriysi” koʻkrak nishoni guvohnomasi 160x110 millimetr oʻlchamdagi kitobcha shaklida boʻlib, 240 g/kv.m. qalinlikdagi ofset qogʻozdan tayyorlanadi.
Guvohnomaning tashqi tomoni (birinchi va toʻrtinchi betlari) yashil rangda boʻlib, plyonka bilan qoplangan.
Guvohnomaning birinchi beti eni 7,5 millimetrli, ichki burchaklari aylana shaklida boʻlgan oq rangli hoshiya bilan oʻralgan.
Guvohnomaning yuqori chekkasidan (birinchi beti) 35 millimetr pastda, markazda oraligʻi 3,5 millimetrli ikki satrdan iborat matn joylashgan. Birinchi satrda “Mehnat faxriysi”, ikkinchi satrda “koʻkrak nishoni” (“Times new Roman Bolt” shrifti, 17-kegl) soʻzlari yozilgan. Undan 6 millimetr pastda “GUVOHNOMASI” (katta harflarda, “Times new Roman Bolt” shrifti, 17-kegl) soʻzi yozilgan. Yozuvlar zarhal rangida aks ettirilgan.
Guvohnomaning ichki tomoni (ikkinchi va uchinchi betlari) “Tangir” tasviri tushirilgan och havo rangda boʻlib, ofset usulida chop etilgan.
Ichki tomonining chap qismida (ikkinchi beti), markazda koʻkrak nishonining asliga teng oʻlchamdagi rangli tasviri aks ettirilgan.
Guvohnomaning ichki oʻng tomoni (uchinchi beti) yuqori chekkasidan 8 millimetr pastda, markazda “GUVOHNOMA” (katta harflarda, “Times new Roman Bolt” shrifti, 10-kegl) soʻzi hamda guvohnoma tartib raqami uchun “№” belgisi va 15 millimetrli chiziq joylashgan.
“GUVOHNOMA” soʻzidan 11 millimetr pastda mukofotlangan shaxsning familiyasi, ismi va otasining ismini qayd etish uchun oraligʻi 8 millimetrli uchta chiziq tortilgan.
Pastki chiziqdan 5 millimetr quyida, markazda oraligʻi 1,5 millimetrli toʻrt satrdan iborat matn joylashgan. Birinchi satrda “Oʻzbekiston faxriylarining ijtimoiy”, ikkinchi satrda “faoliyatini qoʻllab-quvvatlash”, uchinchi satrda “Nuroniy” jamgʻarmasi”, toʻrtinchi satrda “Vasiylik kengashining” (“Times new Roman Bolt” shrifti, 10-kegl) soʻzlari yozilgan. Undan 4 millimetr pastda oraligʻi 4 millimetr boʻlgan ikki satrdan iborat matn joylashgan. Birinchi satrda “20__ y. “___” ___________dagi”, ikkinchi satrda “____-sonli Qaroriga asosan” (“Times new Roman Bolt” shrifti, 10-kegl) soʻzlari yozilgan.
Undan 5 millimetr pastda, markazda oraligʻi 5 millimetrli ikki satrdan iborat matn joylashgan. Birinchi catrda “Mehnat faxriysi” soʻzi hamda koʻkrak nishonining darajasi haqidagi yozuv (“Times new Roman Bolt” shrifti, 12-kegl), ikkinchi satrda “koʻkrak nishoni bilan mukofotlandi” (“Times new Roman Bolt” shrifti, 10-kegl) soʻzlari yozilgan.
Soʻnggi soʻzlardan 9 millimetr pastda, chap tomonda oraligʻi 2 millimetrli ikki satrdan iborat matn joylashgan. Birinchi satrda “Vasiylik kengashi”, ikkinchi satrda “raisi” (“Times new Roman Bolt” shrifti, 10-kegl) soʻzlari yozilgan.
“Mehnat faxriysi” koʻkrak nishoni GUVOHNOMASI
Oʻzbekiston Respublikasi Prezidentining 2017-yil 14-iyuldagi PQ-3133-sonli qaroriga 4-ILOVA
“Mehnat faxriysi” koʻkrak nishoni bilan taqdirlangan shaxslar yashaydigan xonadonlar va uy-joylar eshiklariga oʻrnatiladigan belgi
“Mehnat faxriysi” koʻkrak nishoni bilan taqdirlangan shaxslar yashaydigan xonadonlar va uy-joylar eshiklariga oʻrnatiladigan belgi 210x80 millimetr oʻlchamli toʻrtburchak shaklida boʻlib, mis qotishmasidan tayyorlanadi.
Belgining chap tomonida qanotlarini yozgan Humo qushi va uning tepasida koʻkrak nishoni darajasini belgilovchi “I”, “II” yoki “III” — rim raqamidagi son hamda sakkiz qirrali yulduz tasviri aks etgan. Ushbu tasvirning umumiy balandligi 55 millimetrni, eni 51 millimetrni, rim raqamidagi sonning boʻyi esa 9 millimetrni tashkil etadi.
Belgining oʻng tomonida harflarning balandligi 5,6 millimetr, satrlar oraligʻi 3,8 millimetr boʻlgan olti satrli matn joylashgan.
Birinchi catrda “Bu yerda” soʻzi hamda koʻkrak nishonining darajasi haqidagi yozuv, ikkinchi satrda “Mehnat faxriysi” koʻkrak nishoni”, uchinchi satrda “bilan taqdirlangan fuqaro”, toʻrtinchi va beshinchi satrlarda katta harflarda mukofotlangan shaxsning familiyasi, ismi va otasining ismi, oltinchi satrda “istiqomat qiladi” soʻzlari yoziladi.
Belgining qalinligi 1,5 millimetr.
Tasvirlar va yozuvlar botiq shaklda boʻlib, belgining chetlari toʻgʻri chiziqlar bilan oʻralgan.
“Mehnat faxriysi” koʻkrak nishoni bilan taqdirlangan shaxslar yashaydigan xonadonlar va uy-joylar eshiklariga oʻrnatiladigan belgilar
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 14-iyul,
PQ-3133-son
Президента Республики Узбекистан
Постановление
ПОЛОЖЕНИЕ
ОПИСАНИЕ
ОПИСАНИЕ
ОПИСАНИЕ
Об учреждении нагрудного знака «Меҳнат фахрийси»
В целях достойного поощрения соотечественников пенсионного возраста за многолетний добросовестный и плодотворный труд в сфере экономики, производства, науки, культуры, образования, здравоохранения, юриспруденции и в других отраслях страны, а также неработающих матерей, посвятивших жизнь делу сохранения крепкой семьи, снискавших уважение в обществе и воспитавших детей в духе ответственности перед обществом, уважения к старшему и младшему поколению, национальным и общечеловеческим ценностям, любви к Родине, преданности идеям независимости и в соответствии с Указом Президента Республики Узбекистан от 28 декабря 2016 года № УП-4906 «О мерах по дальнейшему совершенствованию деятельности Фонда «Нуроний» по социальной поддержке ветеранов Узбекистана»:
1. Учредить нагрудный знак «Меҳнат фахрийси».
2. Утвердить:
Положение о нагрудном знаке «Меҳнат фахрийси» согласно приложению № 1 ;
Описание нагрудного знака «Меҳнат фахрийси» и удостоверения к нему согласно приложениям № 2 , 3 ;
Описание именных табличек с надписью о проживании лиц, награжденных нагрудным знаком «Меҳнат фахрийси», устанавливаемых на дверях их квартир и жилых домов (далее – табличка «Меҳнат фахрийси»), согласно приложению № 4 .
3. Кабинету Министров Республики Узбекистан обеспечить изготовление нагрудных знаков «Меҳнат фахрийси», удостоверений к ним и табличек «Меҳнат фахрийси».
4. Министерству финансов Республики Узбекистан выделить необходимые денежные средства для изготовления нагрудных знаков «Меҳнат фахрийси», удостоверений к ним и табличек «Меҳнат фахрийси» за счет республиканского бюджета Республики Узбекистан.
5. Министерству юстиции Республики Узбекистан совместно с заинтересованными министерствами и ведомствами в месячный срок внести изменения и дополнения в нормативно-правовые документы, вытекающие из настоящего постановления.
6. Контроль за исполнением настоящего постановления возложить на Премьер-министра Республики Узбекистан А.Арипова.
ПРИЛОЖЕНИЕ № 1 к постановлению Президента Республики Узбекистан № ПП-3133 от 14 июля 2017 года
о нагрудном знаке «Меҳнат фахрийси»
1. Нагрудным знаком «Меҳнат фахрийси» (далее — нагрудный знак) награждаются соотечественники пенсионного возраста за многолетний добросовестный и плодотворный труд в сфере экономики, производства, науки, культуры, образования, здравоохранения, юриспруденции и в других отраслях страны, а также неработающие матери, посвятившие жизнь делу сохранения крепкой семьи, снискавшие уважение в обществе и воспитавшие детей в духе ответственности перед обществом, уважения к старшему и младшему поколению, национальным и общечеловеческим ценностям, любви к Родине и преданности идеям независимости.
2. Согласно пункту 1 настоящего Положения нагрудным знаком награждаются:
I степени — лица, имеющие трудовой стаж не менее 35 лет;
II степени — лица, имеющие трудовой стаж не менее 30 лет;
III степени — лица, имеющие трудовой стаж не менее 25 лет, а также неработающие матери, снискавшие уважение в обществе.
3. Высшей степенью нагрудного знака является I степень. Награжденные нагрудным знаком II или III степени в дальнейшем могут награждаться его более высокими степенями поэтапно. Повторное награждение нагрудным знаком одной и той же степени не производится.
4. Предложения по награждению нагрудным знаком вносятся государственными и негосударственными организациями, независимо от их организационно-правовой формы, в отделения фонда по поддержке общественной деятельности ветеранов «Нуроний» Узбекистана (далее — фонд «Нуроний») в Республике Каракалпакстан, областях и городе Ташкенте.
5. Предложения, вносимые отделениями фонда «Нуроний» в Республике Каракалпакстан, областях и городе Ташкенте, сдаются ежегодно до 25 декабря в Попечительский совет фонда «Нуроний».
6. Порядок рассмотрения предложений и отбора кандидатов на награждение нагрудным знаком устанавливается Попечительским советом фонда «Нуроний».
7. Награждение нагрудным знаком производится на основании решения Попечительского совета фонда «Нуроний».
Решение о награждении нагрудным знаком публикуется в средствах информации фонда «Нуроний».
8. Лица, награжденные нагрудным знаком I степени, получают единовременное денежное вознаграждение в размере четырехкратной базовой расчетной величины. Лица, награжденные нагрудным знаком II степени, получают единовременное денежное вознаграждение в размере трехкратной базовой расчетной величины.
Выплата единовременных денежных вознаграждений осуществляется за счет средств фонда «Нуроний».
9. Вручение нагрудного знака, удостоверения к нему и денежного вознаграждения производится в торжественной обстановке председателем Попечительского совета (или по его поручению другими ответственными лицами) накануне праздника «Наврўз».
10. Лицам, награжденным нагрудным знаком, в соответствии с порядком, установленным Министерством здравоохранения Республики Узбекистан, предоставляется право на льготное медицинское обслуживание.
11. Нагрудный знак носится на левой стороне груди, после государственных наград.
ПРИЛОЖЕНИЕ № 2 к постановлению Президента Республики Узбекистан № ПП-3133 от 14 июля 2017 года
нагрудного знака «Меҳнат фахрийси»
Нагрудный знак «Меҳнат фахрийси» изготавливается из медного сплава, имеет форму круга диаметром 34 миллиметра:
нагрудный знак I степени — золотистого цвета;
нагрудный знак II степени — серебристого цвета;
нагрудный знак III степени — бронзового цвета.
На лицевой стороне нагрудного знака изображена птица Хумо с распростертыми крыльями. Над головой птицы расположена обозначающая степень нагрудного знака римская цифра «I», «II» или «III» высотой 4 миллиметра, над цифрой — восьмигранная звезда диаметром 1,8 миллиметра. Общая высота всего изображения составляет 22 миллиметра, ширина — 23 миллиметра.
В верхней части лицевой стороны в два ряда между восьмигранными звездами расположена надпись «MEHNAT», «FAXRIYSI», высота букв — 2 миллиметра.
На оборотной стороне нагрудного знака по центру в четыре ряда расположена надпись «KOʻP YILLIK», «HALOL», «MEHNATI», «UCHUN», высота букв составляет 2 миллиметра.
По окружности проходит орнамент диаметром 30,7 миллиметра.
Толщина нагрудного знака — 2,2 миллиметра.
Изображения и надписи выпуклые.
Края лицевой и оборотной сторон нагрудного знака окаймлены бортиком.
Нагрудный знак при помощи ушка и кольца соединяется с прямоугольной колодкой. Ширина колодки — 26 миллиметров, высота — 17 миллиметров.
Колодка обтянута шелковой лентой шириной 22 миллиметра. В центре — белая продольная полоса шириной 8 миллиметров, по бокам — голубые полосы шириной 7 миллиметров.
На оборотной стороне колодки имеется приспособление в виде булавки для крепления нагрудного знака к одежде.
Нагрудный знак «Меҳнат фахрийси»
ПРИЛОЖЕНИЕ № 3 к постановлению Президента Республики Узбекистан № ПП-3133 от 14 июля 2017 года
удостоверения к нагрудному знаку «Меҳнат фахрийси»
Удостоверение к нагрудному знаку «Меҳнат фахрийси» представляет собой книжку размером 160х110 миллиметров, изготовленную из офсетной бумаги плотностью 240 г/м.кв.
Лицевая сторона удостоверения (первая и четвертая страницы) припрессована пленкой, имеет фон зеленого цвета.
Первая страница удостоверения оформлена рамкой белого цвета толщиной 7,5 миллиметра с закругленными внутренними уголками.
Вниз от верхнего края удостоверения (первая страница) на 35 миллиметров, по центру, с интервалом 3,5 миллиметра расположен текст в две строки: первая строка «Меhnat faxriysi», вторая — «koʻkrak nishoni» (шрифт «Times new Roman Bolt», кегль 17). Ниже на 6 миллиметров — надпись «GUVOHNOMASI» (буквы заглавные, шрифт «Times new Roman Bolt», кегль 17). Надписи выполнены в бронзовом цвете.
Внутренняя часть удостоверения (вторая и третья страницы) выполнена в небесно-голубом цвете с нанесением рисунка «Тангир» и отпечатана офсетным способом.
В левой части внутренней стороны удостоверения (вторая страница) по центру расположено цветное изображение нагрудного знака в натуральную величину.
В правой части внутренней стороны удостоверения (третья страница) на 8 миллиметров ниже верхнего края, по центру, расположена надпись «GUVOHNOMA» (буквы заглавные, шрифт «Times new Roman Bolt», кегль 10), знак «№» и далее линия длиной в 15 миллиметров для указания порядкового номера удостоверения.
Ниже на 11 миллиметров надписи «GUVOHNOMA» с интервалами в 8 миллиметров расположены три линии для указания фамилии, имени и отчества награждаемого лица.
На расстоянии 5 миллиметров от нижней линии по центру расположен текст в четыре строки с интервалом в 1,5 миллиметра. Первая строка содержит надпись «Oʻzbekiston faxriylarini ijtimoiy», вторая — «faoliyatini qoʻllab-quvvatlash», третья — «Nuroniy» jamgʻarmasi», четвертая — «Vasiylik kengashining» (шрифт «Times new Roman Bolt», кегль 10). Ниже на 4 миллиметра расположен текст в две строки с интервалом в 4 миллиметра. Первая строка содержит надпись «20__ y. «___» ___________dagi», вторая — «____-sonli Qaroriga asosan» (шрифт «Times new Roman Bolt», кегль 10).
Далее, ниже на 5 миллиметров, по центру размещен текст в две строки с интервалом в 5 миллиметров: первая строка — «Mehnat faxriysi» с указанием степени нагрудного знака (шрифт «Times new Roman Bolt», кегль 12), вторая — «koʻkrak nishoni bilan mukofotlandi» (шрифт «Times new Roman Bolt», кегль 10).
Слева, на 9 миллиметров ниже последних слов, расположена надпись в две строки с интервалом 2 миллиметра: первая строка - «Vasiylik Kengashi», вторая - «raisi» (шрифт «Times new Roman Bolt», кегль 10).
Удостоверение к нагрудному знаку «Меҳнат фахрийси»
ПРИЛОЖЕНИЕ № 4 к постановлению Президента Республики Узбекистан № ПП-3133 от 14 июля 2017 года
именной таблички с надписью о проживании лиц, награжденных нагрудным знаком «Меҳнат фахрийси», устанавливаемых на дверях их квартир и жилых домов
Именные таблички с надписью о проживании лиц, награжденных нагрудным знаком «Мехнат фахрийси», устанавливаемых на дверях их квартир и жилых домов, изготавливаются из медного сплава и имеют форму прямоугольника размером 210х80 миллиметров.
В левой части таблички изображена птица Хумо с распростертыми крыльями, над головой которой расположена обозначающая степень нагрудного знака римская цифра «I», «II» или «III», над цифрой — восьмигранная звезда. Высота всего изображения составляет 55 миллиметров, ширина — 51 миллиметр, высота цифр — 9 миллиметров.
В правой части таблички расположен текст из шести строк, высота букв — 5,6 миллиметра, интервалы между строк — 3,8 миллиметра.
Первая строка содержит надпись «Bu уerda» и степень нагрудного знака, вторая — «Mehnat faxriysi» koʻkrak nishoni», третья — «bilan taqdirlangan fuqaro», четвертая и пятая — фамилию, имя и отчество награжденного, заглавными буквами, шестая — «istiqomat qiladi».
Толщина таблички — 1,5 миллиметра.
Изображения и надписи выгравированы, взяты в рамку.
Именные таблички с надписью о проживании лиц, награжденных нагрудным знаком «Меҳнат фахрийси», устанавливаемых на дверях их квартир и жилых домов
Президент Республики Узбекистан Ш. МИРЗИЁЕВ
г. Ташкент,
14 июля 2017 г.,
№ ПП-3133