📅 2017-yil 24-iyul · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 24 июль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 24 июля 2017 г. · Указы Президента
Официальный текст. Официальный документ. Редакционные примечания не включены.
📅 24 July 2017 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон Республикасида лойиҳа бошқаруви тизимини жорий этиш чора-тадбирлари тўғрисида
Мамлакатимизда иқтисодиётни ҳар томонлама ва жадал ривожлантириш, макроиқтисодий барқарорликни мустаҳкамлаш, хорижий инвестицияларни фаол жалб этиш юзасидан кенг кўламли ишлар, шунингдек саноатни модернизация қилиш ва замонавий юқори технологияли ишлаб чиқаришни барпо этиш бўйича йирик лойиҳалар амалга оширилмоқда.
Шу билан бирга, таҳлиллар комплекс ижтимоий-иқтисодий ривожлантириш бўйича вазифаларнинг самарали бажарилишига, мамлакатимизда амалга оширилаётган ислоҳотларга ғов бўлаётган омилларни ўз вақтида аниқлаш ва бартараф этишга тўсқинлик қилаётган қатор камчиликлар мавжудлигини, хусусан:
биринчидан, давлат аҳамиятига молик лойиҳаларни ишлаб чиқиш ва амалга ошириш жараёнини сифатли ташкил этиш, мувофиқлаштириш, мониторинг ҳамда назорат қилишни таъминловчи лойиҳа бошқарувининг ягона тизими мавжуд эмаслигини;
иккинчидан, лойиҳаларни амалга ошириш суръати ва самарадорлигини тезкор кузатиш имконини берувчи илғор ахборот-коммуникация технологияларининг бошқарув жараёнига етарлича жорий этилмаганлигини;
учинчидан, давлат ва ҳудудий дастурларни, инвестиция лойиҳаларини ишлаб чиқиш ҳамда амалга оширишда очиқлик ва шаффофлик даражасининг пастлиги мазкур соҳада молиявий маблағлар мақсадсиз ва самарасиз сарфланиши, шунингдек турли хил суиистеъмолчилик ҳолатларини келтириб чиқараётганлигини;
тўртинчидан, давлат харидларини амалга ошириш тартиб-таомиллари шаффофлигини таъминловчи давлат органлари, хўжалик бошқаруви органлари, давлат корхоналари ва ташкилотлари (кейинги ўринларда давлат органлари ва бошқа ташкилотлар деб юритилади)нинг маълумотлар базалари билан интеграция қилинган ягона ахборот майдонининг мавжуд эмаслигини;
бешинчидан, амалга оширилаётган лойиҳаларнинг мақсадга мувофиқлиги, асослантирилганлиги ва рентабеллигини таҳлил қилиш ҳамда баҳолаш, шунингдек уларнинг қийматини ошириб кўрсатиш ва бошқа суиистеъмолчиликлар аломатларини аниқлаш бўйича ишлар самарадорлигининг пастлигини;
олтинчидан, товарлар, ишлар ва хизматларнинг ҳақиқий бозор қийматини аниқлаш имконини берадиган ягона классификатор ишлаб чиқилмаганлигини кўрсатмоқда.
Шу билан бирга, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида давлат органлари фаолияти, шу жумладан давлат харидларини амалга ошириш соҳасида очиқлик ва шаффофликни таъминлашга алоҳида эътибор қаратилган.
Лойиҳа бошқарувининг ягона ахборот тизимини яратиш орқали давлат ва ҳудудий дастурлар, инвестиция лойиҳалари амалга оширилишини, молиявий маблағлар сарфланишини бошқариш механизмларининг самарадорлиги ва шаффофлигини янада ошириш, шунингдек 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифалар ижросини таъминлаш мақсадида:
2. Ўзбекистон Республикаси Президенти ҳузуридаги Лойиҳа бошқаруви миллий агентлиги Ўзбекистон Республикаси Истиқболли лойиҳалар миллий агентлиги (кейинги ўринларда — Агентлик) этиб қайта ташкил этилсин.
Қуйидагилар Агентликнинг устувор вазифалари ва фаолият йўналишлари этиб белгилансин:
крипто-активлар айланмаси, капитал бозори ва суғурта бозори соҳаларини, электрон тижорат, лотерея ҳамда Интернет бутунжаҳон ахборот тармоғида таваккалчиликка асосланган ўйинларни ташкил этиш ва букмекерлик фаолиятлари соҳаларида ягона давлат сиёсатини ишлаб чиқиш ва амалга ошириш;
крипто-активлар айланмаси ва капитал бозори соҳаларида инвесторларнинг ҳуқуқлари ва қонуний манфаатларига риоя этилишини таъминлаш;
суғурта бозорининг профессионал иштирокчиларининг суғурта муносабатлари иштирокчиларининг ҳуқуқлари ва қонуний манфаатларини ҳимоя қилишни таъминлашга қаратилган фаолияти устидан назоратни амалга ошириш;
жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролларини тарқатишни молиялаштиришга қарши курашиш бўйича чораларни ишлаб чиқиш ва амалга оширишда иштирок этиш;
давлат бошқаруви ва турли ижтимоий-иқтисодий соҳаларга маълумотларнинг тақсимланган реестри технологиясини ва бошқа энг янги технологияларни жорий этиш бўйича лойиҳаларни ташаббус қилиш ва илгари суришга кўмаклашиш.
3. Белгилансинки:
Агентликка Ўзбекистон Республикаси Президенти томонидан лавозимга тайинланадиган ва лавозимдан озод этиладиган директор раҳбарлик қилади;
Агентлик директори Ўзбекистон Республикаси Президенти билан келишилган ҳолда Агентлик директори томонидан лавозимга тайинланадиган ва лавозимдан озод этиладиган уч нафар ўринбосарга, шу жумладан, бир нафар биринчи ўринбосарга эга бўлади;
Агентлик директори, унинг биринчи ўринбосари ва ўринбосарлари мақоми, тиббий ва транспорт таъминоти шартлари бўйича тегишли равишда вазирга, вазирнинг биринчи ўринбосарига ва вазир ўринбосарларига тенглаштирилади;
Агентлик ходимлари Агентлик директори томонидан лавозимга тайинланади ва лавозимдан озод этилади;
Агентлик ходимлари меҳнатига ҳақ тўлаш шартлари Агентлик директори томонидан белгиланади;
Агентликда Хизматчиларнинг асосий лавозимлари ва ишчилар касблари классификатори ҳамда Меҳнатга ҳақ тўлаш бўйича ягона тариф сеткасининг тариф коэффициентларини қўллаш тавсиявий тусга эга.
5. Ўзбекистон Республикаси Ташқи ишлар вазирлиги Агентликнинг буюртмаларига асосан Агентликка юклатилган вазифаларни бажариш мақсадида жалб қилинаётган хорижий мутахассисларга кириш визалари расмийлаштирилишини таъминласин.
6. Ўзбекистон Республикаси Ички ишлар вазирлиги Агентликнинг буюртмаларига асосан Агентликка юклатилган вазифаларни бажариш мақсадида жалб этилаётган хорижий мутахассисларга давлат божи ундирилмасдан кўп марталик визалар расмийлаштирилиши, берилиши ва муддати узайтирилишини, шунингдек уларни вақтинча турган жойи бўйича рўйхатга олиниши ҳамда муддати узайтирилишини таъминласин.
7. Ўзбекистон Республикаси Бандлик ва меҳнат муносабатлари вазирлиги Агентликнинг буюртмаларига асосан Агентликка юклатилган вазифаларни бажариш мақсадида юқори малакали хорижий мутахассисларни республикага жалб қилишга рухсатномалар берилишини (узайтирилишини), шунингдек жалб этилаётган хорижий мутахассисларга Ўзбекистон Республикаси ҳудудида меҳнат фаолиятини амалга ошириш ҳуқуқига тасдиқномалар берилишини (узайтирилишини) таъминласин.
10. Ўзбекистон Республикаси Адлия вазирлиги бир ой муддатда:
Ўзбекистон Республикаси Молия вазирлиги, Ахборот технологиялари ва коммуникацияларини ривожлантириш вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитаси ҳамда Бош прокуратураси билан биргаликда Ўзбекистон Республикаси Президентининг «Ўзбекистон Республикаси Президенти ҳузуридаги Лойиҳа бошқаруви миллий агентлиги фаолиятини ташкил этиш тўғрисида»ги қарори лойиҳасини ва Ўзбекистон Республикаси Лойиҳа бошқарувининг ягона миллий ахборот тизимини жорий этиш бўйича комплекс чора-тадбирларни киритсин;
Ўзбекистон Республикаси Молия вазирлиги ва бошқа манфаатдор вазирликлар ҳамда идоралар билан биргаликда қонун ҳужжатларига мазкур Фармондан келиб чиқадиган ўзгартиш ва қўшимчалар тўғрисидаги таклифларни Ўзбекистон Республикаси Вазирлар Маҳкамасига киритсин.
11. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Бош прокурори И.Б. Абдуллаев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 24 июль,
ПФ-5120-сон
Oʻzbekiston Respublikasi Prezidentining
Farmoni
Oʻzbekiston Respublikasida loyiha boshqaruvi tizimini joriy etish chora-tadbirlari toʻgʻrisida
Mamlakatimizda iqtisodiyotni har tomonlama va jadal rivojlantirish, makroiqtisodiy barqarorlikni mustahkamlash, xorijiy investitsiyalarni faol jalb etish yuzasidan keng koʻlamli ishlar, shuningdek sanoatni modernizatsiya qilish va zamonaviy yuqori texnologiyali ishlab chiqarishni barpo etish boʻyicha yirik loyihalar amalga oshirilmoqda.
Shu bilan birga, tahlillar kompleks ijtimoiy-iqtisodiy rivojlantirish boʻyicha vazifalarning samarali bajarilishiga, mamlakatimizda amalga oshirilayotgan islohotlarga gʻov boʻlayotgan omillarni oʻz vaqtida aniqlash va bartaraf etishga toʻsqinlik qilayotgan qator kamchiliklar mavjudligini, xususan:
birinchidan, davlat ahamiyatiga molik loyihalarni ishlab chiqish va amalga oshirish jarayonini sifatli tashkil etish, muvofiqlashtirish, monitoring hamda nazorat qilishni taʼminlovchi loyiha boshqaruvining yagona tizimi mavjud emasligini;
ikkinchidan, loyihalarni amalga oshirish surʼati va samaradorligini tezkor kuzatish imkonini beruvchi ilgʻor axborot-kommunikatsiya texnologiyalarining boshqaruv jarayoniga yetarlicha joriy etilmaganligini;
uchinchidan, davlat va hududiy dasturlarni, investitsiya loyihalarini ishlab chiqish hamda amalga oshirishda ochiqlik va shaffoflik darajasining pastligi mazkur sohada moliyaviy mablagʻlar maqsadsiz va samarasiz sarflanishi, shuningdek turli xil suiisteʼmolchilik holatlarini keltirib chiqarayotganligini;
toʻrtinchidan, davlat xaridlarini amalga oshirish tartib-taomillari shaffofligini taʼminlovchi davlat organlari, xoʻjalik boshqaruvi organlari, davlat korxonalari va tashkilotlari (keyingi oʻrinlarda davlat organlari va boshqa tashkilotlar deb yuritiladi)ning maʼlumotlar bazalari bilan integratsiya qilingan yagona axborot maydonining mavjud emasligini;
beshinchidan, amalga oshirilayotgan loyihalarning maqsadga muvofiqligi, asoslantirilganligi va rentabelligini tahlil qilish hamda baholash, shuningdek ularning qiymatini oshirib koʻrsatish va boshqa suiisteʼmolchiliklar alomatlarini aniqlash boʻyicha ishlar samaradorligining pastligini;
oltinchidan, tovarlar, ishlar va xizmatlarning haqiqiy bozor qiymatini aniqlash imkonini beradigan yagona klassifikator ishlab chiqilmaganligini koʻrsatmoqda.
Shu bilan birga, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida davlat organlari faoliyati, shu jumladan davlat xaridlarini amalga oshirish sohasida ochiqlik va shaffoflikni taʼminlashga alohida eʼtibor qaratilgan.
Loyiha boshqaruvining yagona axborot tizimini yaratish orqali davlat va hududiy dasturlar, investitsiya loyihalari amalga oshirilishini, moliyaviy mablagʻlar sarflanishini boshqarish mexanizmlarining samaradorligi va shaffofligini yanada oshirish, shuningdek 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalar ijrosini taʼminlash maqsadida:
2. Oʻzbekiston Respublikasi Prezidenti huzuridagi Loyiha boshqaruvi milliy agentligi Oʻzbekiston Respublikasi Istiqbolli loyihalar milliy agentligi (keyingi oʻrinlarda — Agentlik) etib qayta tashkil etilsin.
Quyidagilar Agentlikning ustuvor vazifalari va faoliyat yoʻnalishlari etib belgilansin:
kripto-aktivlar aylanmasi, kapital bozori va sugʻurta bozori sohalarini, elektron tijorat, lotereya hamda Internet butunjahon axborot tarmogʻida tavakkalchilikka asoslangan oʻyinlarni tashkil etish va bukmekerlik faoliyatlari sohalarida yagona davlat siyosatini ishlab chiqish va amalga oshirish;
kripto-aktivlar aylanmasi va kapital bozori sohalarida investorlarning huquqlari va qonuniy manfaatlariga rioya etilishini taʼminlash;
sugʻurta bozorining professional ishtirokchilarining sugʻurta munosabatlari ishtirokchilarining huquqlari va qonuniy manfaatlarini himoya qilishni taʼminlashga qaratilgan faoliyati ustidan nazoratni amalga oshirish;
jinoiy faoliyatdan olingan daromadlarni legallashtirishga, terrorizmni moliyalashtirishga va ommaviy qirgʻin qurollarini tarqatishni moliyalashtirishga qarshi kurashish boʻyicha choralarni ishlab chiqish va amalga oshirishda ishtirok etish;
davlat boshqaruvi va turli ijtimoiy-iqtisodiy sohalarga maʼlumotlarning taqsimlangan reyestri texnologiyasini va boshqa eng yangi texnologiyalarni joriy etish boʻyicha loyihalarni tashabbus qilish va ilgari surishga koʻmaklashish.
3. Belgilansinki:
Agentlikka Oʻzbekiston Respublikasi Prezidenti tomonidan lavozimga tayinlanadigan va lavozimdan ozod etiladigan direktor rahbarlik qiladi;
Agentlik direktori Oʻzbekiston Respublikasi Prezidenti bilan kelishilgan holda Agentlik direktori tomonidan lavozimga tayinlanadigan va lavozimdan ozod etiladigan uch nafar oʻrinbosarga, shu jumladan, bir nafar birinchi oʻrinbosarga ega boʻladi;
Agentlik direktori, uning birinchi oʻrinbosari va oʻrinbosarlari maqomi, tibbiy va transport taʼminoti shartlari boʻyicha tegishli ravishda vazirga, vazirning birinchi oʻrinbosariga va vazir oʻrinbosarlariga tenglashtiriladi;
Agentlik xodimlari Agentlik direktori tomonidan lavozimga tayinlanadi va lavozimdan ozod etiladi;
Agentlik xodimlari mehnatiga haq toʻlash shartlari Agentlik direktori tomonidan belgilanadi;
Agentlikda Xizmatchilarning asosiy lavozimlari va ishchilar kasblari klassifikatori hamda Mehnatga haq toʻlash boʻyicha yagona tarif setkasining tarif koeffitsiyentlarini qoʻllash tavsiyaviy tusga ega.
5. Oʻzbekiston Respublikasi Tashqi ishlar vazirligi Agentlikning buyurtmalariga asosan Agentlikka yuklatilgan vazifalarni bajarish maqsadida jalb qilinayotgan xorijiy mutaxassislarga kirish vizalari rasmiylashtirilishini taʼminlasin.
6. Oʻzbekiston Respublikasi Ichki ishlar vazirligi Agentlikning buyurtmalariga asosan Agentlikka yuklatilgan vazifalarni bajarish maqsadida jalb etilayotgan xorijiy mutaxassislarga davlat boji undirilmasdan koʻp martalik vizalar rasmiylashtirilishi, berilishi va muddati uzaytirilishini, shuningdek ularni vaqtincha turgan joyi boʻyicha roʻyxatga olinishi hamda muddati uzaytirilishini taʼminlasin.
7. Oʻzbekiston Respublikasi Bandlik va mehnat munosabatlari vazirligi Agentlikning buyurtmalariga asosan Agentlikka yuklatilgan vazifalarni bajarish maqsadida yuqori malakali xorijiy mutaxassislarni respublikaga jalb qilishga ruxsatnomalar berilishini (uzaytirilishini), shuningdek jalb etilayotgan xorijiy mutaxassislarga Oʻzbekiston Respublikasi hududida mehnat faoliyatini amalga oshirish huquqiga tasdiqnomalar berilishini (uzaytirilishini) taʼminlasin.
10. Oʻzbekiston Respublikasi Adliya vazirligi bir oy muddatda:
Oʻzbekiston Respublikasi Moliya vazirligi, Axborot texnologiyalari va kommunikatsiyalarini rivojlantirish vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi hamda Bosh prokuraturasi bilan birgalikda Oʻzbekiston Respublikasi Prezidentining “Oʻzbekiston Respublikasi Prezidenti huzuridagi Loyiha boshqaruvi milliy agentligi faoliyatini tashkil etish toʻgʻrisida”gi qarori loyihasini va Oʻzbekiston Respublikasi Loyiha boshqaruvining yagona milliy axborot tizimini joriy etish boʻyicha kompleks chora-tadbirlarni kiritsin;
Oʻzbekiston Respublikasi Moliya vazirligi va boshqa manfaatdor vazirliklar hamda idoralar bilan birgalikda qonun hujjatlariga mazkur Farmondan kelib chiqadigan oʻzgartish va qoʻshimchalar toʻgʻrisidagi takliflarni Oʻzbekiston Respublikasi Vazirlar Mahkamasiga kiritsin.
11. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Bosh prokurori I.B. Abdullayev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 24-iyul,
PF-5120-son
Президента Республики Узбекистан
Указ
О мерах по внедрению системы проектного управления в Республике Узбекистан
В стране осуществляется масштабная работа по всестороннему и ускоренному развитию экономики, укреплению макроэкономической стабильности, активному привлечению иностранных инвестиций, а также реализуются крупные проекты по модернизации промышленности и строительству современных высокотехнологичных производств.
Вместе с тем анализ показал наличие ряда недостатков, препятствующих эффективному выполнению задач по комплексному социально-экономическому развитию, своевременному выявлению и устранению факторов, сдерживающих реализуемые в стране реформы, в числе которых:
первое, отсутствие единой системы проектного управления, обеспечивающей качественную организацию, координацию, мониторинг и контроль за процессом разработки и осуществления проектов государственного значения;
второе, недостаточное внедрение в управленческий процесс передовых информационно-коммуникационных технологий, позволяющих оперативно отслеживать ход и эффективность реализации проектов;
третье, низкий уровень открытости и прозрачности разработки и осуществления государственных, региональных программ и инвестиционных проектов, обуславливающий нерациональное и неэффективное расходование финансовых средств, а также различные злоупотребления в данной сфере;
четвертое, отсутствие единого информационного пространства с интегрированными базами данных государственных органов, органов хозяйственного управления, государственных предприятий и организаций (далее — государственные органы и иные организации), обеспечивающего прозрачность процедур осуществления государственных закупок;
пятое, низкая эффективность работы по анализу и оценке целесообразности, обоснованности и рентабельности реализуемых проектов, а также выявлению признаков завышения их стоимости и других злоупотреблений;
шестое, отсутствие единого классификатора товаров, работ и услуг, позволяющего определять их реальную рыночную стоимость.
При этом в Стратегии действий по пяти приоритетным направлениям развития Республики Узбекистан в 2017 — 2021 годах особое внимание уделено обеспечению открытости и прозрачности деятельности государственных органов, в том числе в сфере осуществления государственных закупок.
В целях дальнейшего повышения эффективности и транспарентности механизмов управления реализацией государственных и региональных программ, инвестиционных проектов, расходованием финансовых средств посредством создания единой информационной системы проектного управления, а также во исполнение задач, определенных Стратегией действий по пяти приоритетным направлениям развития Республики Узбекистан в 2017 — 2021 годах:
2. Преобразовать Национальное агентство проектного управления при Президенте Республики Узбекистан в Национальное агентство перспективных проектов Республики Узбекистан (далее — Агентство).
Определить приоритетными задачами и направлениями деятельности Агентства:
выработку и реализацию единой государственной политики в сферах оборота крипто-активов, рынка капитала и страхового рынка, электронной коммерции, деятельности по организации лотерей, а также игр, основанных на риске во всемирной сети Интернет, и букмекерской деятельности;
обеспечение соблюдения прав и законных интересов инвесторов в сферах оборота крипто-активов и рынка капитала;
осуществление контроля за деятельностью профессиональных участников страхового рынка, направленного на обеспечение защиты прав и законных интересов участников страховых отношений;
участие в разработке и реализации мер по противодействию легализации доходов, полученных от преступной деятельности, финансированию терроризма и финансированию распространения оружия массового уничтожения;
инициирование и содействие в продвижении проектов по внедрению технологии распределенного реестра данных и других новейших технологий в государственное управление и различные социально-экономические сферы.
3. Установить, что:
Агентство возглавляет директор, назначаемый на должность и освобождаемый от должности Президентом Республики Узбекистан;
директор Агентства имеет трех заместителей, в том числе одного первого, назначаемых на должность и освобождаемых от должности директором Агентства по согласованию с Президентом Республики Узбекистан;
директор Агентства, его первый заместитель и заместители по статусу, условиям медицинского и транспортного обслуживания приравниваются соответственно к министру, первому заместителю министра и заместителям министра;
работники Агентства назначаются на должность и освобождаются от должности директором Агентства;
условия оплаты труда работников Агентства определяются директором Агентства;
применение в Агентстве Классификатора основных должностей служащих и профессий рабочих, а также тарифных коэффициентов Единой тарифной сетки по оплате труда носит рекомендательный характер.
5. Министерству иностранных дел Республики Узбекистан обеспечить по заявкам Агентства оформление въездных виз иностранным специалистам, привлекаемым для выполнения возложенных на Агентство задач.
6. Министерству внутренних дел Республики Узбекистан обеспечить по заявкам Агентства оформление, выдачу и продление многократных виз, а также регистрацию по месту временного пребывания и продление ее срока иностранным специалистам, привлекаемым для выполнения возложенных на Агентство задач, без взимания государственной пошлины.
7. Министерству занятости и трудовых отношений Республики Узбекистан обеспечить по заявкам Агентства выдачу (продление) разрешений на привлечение в республику высококвалифицированных иностранных специалистов для выполнения возложенных на Агентство задач, а также выдачу (продление) привлекаемым иностранным специалистам подтверждений на право трудовой деятельности на территории Республики Узбекистан.
10. Министерству юстиции Республики Узбекистан в месячный срок:
совместно c Министерством финансов, Министерством по развитию информационных технологий и коммуникаций, Государственным комитетом по содействию приватизированным предприятиям и развитию конкуренции и Генеральной прокуратурой Республики Узбекистан внести проект постановления Президента Республики Узбекистан «Об организации деятельности Национального агентства проектного управления при Президенте Республики Узбекистан» и комплекс мер по внедрению Единой национальной информационной системы проектного управления Республики Узбекистан;
совместно с Министерством финансов и другими заинтересованными министерствами и ведомствами внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего Указа.
11. Контроль за исполнением настоящего Указа возложить на Премьер-министра Республики Узбекистан А.Н. Арипова и Генерального прокурора Республики Узбекистан И.Б. Абдуллаева.
Президент Республики Узбекистан Ш. МИРЗИЁЕВ
г. Ташкент,
24 июля 2017 г.,
№ УП-5120