📅 2017-yil 31-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 31 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 31 июля 2017 г. · Постановления Президента
Официальный текст. Официальный документ. Редакционные примечания не включены.
📅 31 July 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ШАРҲ
Товарлар (ишлар, хизматлар)нинг давлат ва корпоратив харидлар тизимини янада ислоҳ қилиш чора-тадбирлари тўғрисида
Ички тармоқ ва тармоқлараро кооперацияни ривожлантириш, тадбиркорлик субъектларига ўзлари ишлаб чиқарган маҳсулотларни сотишда кўмаклашиш, маҳаллийлаштириш жараёнларини кенгайтириш, аҳолининг бандлиги ва саноат маҳсулотлари ҳажмининг ўсишини таъминлаш мамлакат иқтисодиётини жадал ривожлантиришнинг энг муҳим шартларидан ҳисобланади.
Ушбу мақсадда тузилган «Халқаро саноат ярмаркаси ва Кооперация биржаси Дирекцияси» давлат корхонаси (кейинги ўринларда Дирекция деб юритилади) томонидан кўргазма-ярмарка савдоларини ташкил этиш, уларда иштирок этишга товарлар (ишлар, хизматлар) етказиб берувчиларни жалб этиш бўйича муайян ишлар амалга оширилди.
Шу билан бирга, ўтказилган таҳлиллар Дирекция фаолиятини ташкил этишнинг амалдаги тартиби давлат ва корпоратив харидларнинг очиқлиги ва шаффофлигини лозим даражада таъминламаётганлигини кўрсатди.
Хусусан, тендерлар ўтказмасдан тўғридан-тўғри шартномалар асосида Кооперация биржаси доирасида асбоб-ускуналар, бутловчи буюмлар, қайта ишланган хом ашё ва материалларнинг харидини амалга оширишга имкон берувчи амалдаги тартиб турли хил коррупция кўринишлари, шу жумладан, олдиндан белгиланган етказиб берувчилар билан шартномалар тузиш мақсадида биржалардан фойдаланиш учун шароит яратмоқда.
Кўргазма-ярмарка тадбирларини ўтказишнинг тартиб-таомиллари, энг аввало, кичик бизнес субъектларининг товарлар (ишлар, хизматлар) етказиб бериш учун давлат ва корпоратив буюртмаларни олишга бўлган имкониятларини, оқибатда соғлом рақобат муҳитини янада ривожлантиришни лозим даражада таъминламаяпти.
Дирекция томонидан тузилган шартномаларни таҳлил қилиш ва улар асосида тегишли лойиҳаларни Маҳаллийлаштириш дастурига киритиш юзасидан таклифларни шакллантириш, маҳаллий хом ашё базасида тайёр маҳсулотларни маҳаллийлаштиришни кенгайтириш учун саноат кооперациясининг роли ва аҳамиятини ошириш бўйича асосий вазифалар амалда бажарилмаган.
Бундан ташқари, Дирекция фаолиятига илғор ахборот-коммуникация технологияларининг паст даражада жорий этилганлиги давлат ва корпоратив харидларнинг очиқлиги ва шаффофлигини таъминлашга салбий таъсир кўрсатмоқда.
Шартномаларни рўйхатга олишнинг самарасиз тизими, тузилган шартномалар ижросини назорат қилишнинг таъсирчан механизмлари мавжуд эмаслиги аксарият ҳолларда қабул қилинган шартнома мажбуриятлари ва тасдиқланган тармоқ жадвалларининг бажарилмаслигига сабаб бўлмоқда.
Ўзбекистон Республикасининг Давлат бюджети, давлат мақсадли жамғармалари маблағларидан самарали фойдаланилишини, рақобатнинг янада ривожланишини ҳамда тадбиркорлик субъектлари учун товарлар (ишлар, хизматлар) етказиб беришга давлат ва корпоратив буюртмалардан тенг фойдаланиш имкониятини, шунингдек, мазкур жараённинг очиқлиги ва шаффофлигини таъминлаш мақсадида:
1. Ўзбекистон Республикаси Иқтисодиёт вазирлиги, Молия вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Инвестициялар бўйича давлат қўмитасининг «Халқаро саноат ярмаркаси ва Кооперация биржаси Дирекцияси» давлат корхонасини тугатиш тўғрисидаги таклифига розилик берилсин.
2. Ўзбекистон Республикаси Ташқи савдо вазирлиги Адлия вазирлиги ҳамда Хусусийлаштирилган корхоналарга кўмаклашиш ва рақобатни ривожлантириш давлат қўмитаси билан биргаликда Дирекцияни тугатиш бўйича қонун ҳужжатларида белгиланган тартибда зарур чораларни кўрсин.
3. Ўзбекистон Республикаси Президенти ҳузуридаги Лойиҳа бошқаруви миллий агентлиги Молия вазирлиги, Иқтисодиёт вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитаси билан биргаликда икки ой муддатда товарлар (ишлар, хизматлар)нинг давлат ва корпоратив харидлар тизимини тубдан такомиллаштириш бўйича, шу жумладан, Ўзбекистон Республикаси Лойиҳа бошқарувининг ягона миллий ахборот тизими доирасида давлат харидлари ягона ахборот порталини ҳамда ресурслар ягона миллий маълумотномасини яратиш орқали уларнинг очиқлиги ва шаффофлигини оширишга қаратилган таклифлар киритсин.
4. Ўзбекистон Республикаси Инвестициялар бўйича давлат қўмитаси, Ташқи савдо вазирлиги Адлия вазирлиги, бошқа манфаатдор вазирликлар ва идоралар билан биргаликда бир ой муддатда:
«Ўзэкспомарказ» Миллий кўргазма мажмуасининг кўргазма-ярмарка фаолиятини янада ривожлантириш бўйича таклифларни;
қонун ҳужжатларига ушбу қарордан келиб чиқадиган ўзгартиш ва қўшимчалар тўғрисидаги таклифларни Ўзбекистон Республикаси Вазирлар Маҳкамасига киритсин.
5. Вазирликлар ва идоралар бир ой муддатда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.
6. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Лойиҳа бошқаруви миллий агентлиги директори зиммасига юклансин.
Ўзбекистон Республикаси Президентининг «Товарлар (ишлар, хизматлар)нинг давлат ва корпоратив харидлар тизимини янада ислоҳ қилиш чора-тадбирлари тўғрисида»ги қарорига
Ички тармоқ ва тармоқлараро кооперацияни ривожлантириш, тадбиркорлик субъектларига ўзлари ишлаб чиқарган маҳсулотларни сотишда кўмаклашиш, маҳаллийлаштириш жараёнларини кенгайтириш, аҳолининг бандлиги ва саноат маҳсулотлари ҳажмининг ўсишини таъминлаш мамлакат иқтисодиётини жадал ривожлантиришнинг энг муҳим шартларидан ҳисобланади. Ушбу мақсадларда кўргазма-ярмарка савдолари, шу жумладан, ҳар йили ташкил этилаётган Халқаро саноат ярмаркаси ва Кооперация биржаси доирасида ўтказилмоқда. Шу билан бирга, ўтказилган таҳлиллар кўргазма-ярмарка савдоларини ташкил этиш ва ўтказишга масъул бўлган «Халқаро саноат ярмаркаси ва Кооперация биржаси Дирекцияси» давлат корхонаси (кейинги ўринларда Дирекция деб юритилади) фаолиятида жиддий камчиликлар мавжудлигини, бу эса давлат ва корпоратив харидларнинг очиқлиги ва шаффофлигини таъминлашга салбий таъсир этаётганлигини кўрсатди. Хусусан, тендерлар ўтказмасдан тўғридан-тўғри шартномалар асосида кўргазма-ярмарка савдолари доирасида асбоб-ускуналар, бутловчи буюмлар, қайта ишланган хом ашё ва материалларни харид қилишнинг амалдаги тартиби турли хил коррупция кўринишлари, шу жумладан, реал бозор конъюнктурасини инобатга олмасдан шартномалар тузиш, нархларни ошириш ва сифатсиз маҳсулотларни етказиб бериш учун шароит яратмоқда. Кўргазма-ярмарка савдоларини ўтказишнинг тартиб-таомиллари, энг аввало, кичик бизнес субъектларининг давлат ва корпоратив буюртмаларни олишга бўлган имкониятларини лозим даражада таъминламаяпти, бу эса бозорда соғлом рақобатни ривожлантиришни чеклаб қўймоқда. Кўрсатилган муаммолар битимларни тузишнинг шаффоф механизми йўқлиги, ушбу соҳага илғор ахборот-коммуникация технологияларини жорий этиш бўйича ишларнинг етарли эмаслиги сабабли кучаймоқда. Бундан ташқари, илгари ўтказилган халқаро саноат ярмаркалари ва кооперация биржалари доирасида тузилган шартномалар ижро этилиши якунларининг таҳлили шартнома мажбуриятлари ва тасдиқланган тармоқ жадвалларининг бажарилиши тўлиқ таъминланмаётганлигини кўрсатди. Мазкур ҳолат кўргазма-ярмарка савдоларида тузилган шартномаларни ижро этиш жараёни устидан лозим даражада назорат ўрнатилмаганлигидан, уларни тузишда, шу жумладан, Дирекция ишини ташкил этишдаги хатолар оқибатида содир этилган суиистеъмолчиликлар мавжудлигидан далолат бермоқда. Шу билан бир қаторда, Дирекция томонидан тузилган шартномаларни таҳлил қилиш ва улар асосида тегишли лойиҳаларни Маҳаллийлаштириш дастурига киритиш юзасидан таклифларни шакллантириш, маҳаллий хом ашё базасида тайёр маҳсулотларни маҳаллийлаштиришни кенгайтириш учун саноат кооперацияси роли ва аҳамиятини ошириш бўйича асосий вазифаларнинг бажарилиши амалда таъминланмаган. Кўргазма-ярмарка савдоларини самарали ўтказиш учун павильон майдонлари ва бошқа инфратузилмаларнинг етарли эмаслиги етказиб берувчиларнинг талабларини тўлиқ даражада қаноатлантирмаган, шунингдек, уларнинг иштирокчилари доирасини, айниқса, кичик бизнес субъектлари ҳисобидан кенгайтириш имконини бермаган. Баён этилганлар инобатга олиниб, Ўзбекистон Республикаси Президентининг ушбу қарори билан Дирекция тугатилди. Бу борада Ўзбекистон Республикаси Президенти ҳузуридаги Лойиҳа бошқаруви миллий агентлигига Ўзбекистон Республикаси Молия вазирлиги, Иқтисодиёт вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитаси билан биргаликда икки ой муддатда товарлар (ишлар, хизматлар)нинг давлат ва корпоратив харидлари тизимини тубдан такомиллаштириш бўйича таклифлар киритиш топширилди. Таклифлар Ўзбекистон Республикаси Лойиҳа бошқарувининг ягона миллий ахборот тизими доирасида давлат харидлари ягона ахборот портали ҳамда ягона миллий ресурслар маълумотномасини ташкил қилиш орқали мазкур тизимнинг очиқлиги ва шаффофлигини оширишни назарда тутиши лозим. Таъкидлаш жоизки, Ўзбекистон Республикаси Лойиҳа бошқарувининг ягона миллий ахборот тизими Ўзбекистон Республикаси Президентининг 2017 йил 24 июлдаги «Ўзбекистон Республикасида лойиҳа бошқаруви тизимини жорий этиш чора-тадбирлари тўғрисида»ги Фармони ижроси юзасидан ташкил қилинмоқда ҳамда ҳар бир ресурснинг (товарлар, ишлар ва хизматларнинг) ҳақиқий бозор қийматини шакллантириш имконини берадиган Ресурслар ягона миллий маълумотномасини жорий этишни, шунингдек, давлат харидларининг шаффофлиги ва суиистеъмолчиликларнинг олдини олишни таъминлайдиган ягона автоматлаштирилган тизимни яратишни назарда тутади. Умуман олганда, Ўзбекистон Республикаси Президенти томонидан қабул қилинган қарор давлат ва корпоратив харидлар жараёнининг очиқлиги ва шаффофлигини янада ошириш, кўргазма-ярмарка савдоларидан қонунга хилоф мақсадларда фойдаланиш имкониятларига чек қўйиш, тузиладиган шартномаларнинг ижроси устидан назоратни таъминлашга, пировард натижада бюджет маблағларидан самарали фойдаланиш, рақобатни янада ривожлантириш ҳамда тадбиркорлик субъектларининг давлат ва корпоратив харидларда иштирок этиши учун тенг имкониятлар яратишга кўмаклашади.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 31 июль,
ПҚ-3166-сон
Oʻzbekiston Respublikasi Prezidentining
Qarori
SHARH
Tovarlar (ishlar, xizmatlar)ning davlat va korporativ xaridlar tizimini yanada isloh qilish chora-tadbirlari toʻgʻrisida
Ichki tarmoq va tarmoqlararo kooperatsiyani rivojlantirish, tadbirkorlik subyektlariga oʻzlari ishlab chiqargan mahsulotlarni sotishda koʻmaklashish, mahalliylashtirish jarayonlarini kengaytirish, aholining bandligi va sanoat mahsulotlari hajmining oʻsishini taʼminlash mamlakat iqtisodiyotini jadal rivojlantirishning eng muhim shartlaridan hisoblanadi.
Ushbu maqsadda tuzilgan “Xalqaro sanoat yarmarkasi va Kooperatsiya birjasi Direksiyasi” davlat korxonasi (keyingi oʻrinlarda Direksiya deb yuritiladi) tomonidan koʻrgazma-yarmarka savdolarini tashkil etish, ularda ishtirok etishga tovarlar (ishlar, xizmatlar) yetkazib beruvchilarni jalb etish boʻyicha muayyan ishlar amalga oshirildi.
Shu bilan birga, oʻtkazilgan tahlillar Direksiya faoliyatini tashkil etishning amaldagi tartibi davlat va korporativ xaridlarning ochiqligi va shaffofligini lozim darajada taʼminlamayotganligini koʻrsatdi.
Xususan, tenderlar oʻtkazmasdan toʻgʻridan-toʻgʻri shartnomalar asosida Kooperatsiya birjasi doirasida asbob-uskunalar, butlovchi buyumlar, qayta ishlangan xom ashyo va materiallarning xaridini amalga oshirishga imkon beruvchi amaldagi tartib turli xil korrupsiya koʻrinishlari, shu jumladan, oldindan belgilangan yetkazib beruvchilar bilan shartnomalar tuzish maqsadida birjalardan foydalanish uchun sharoit yaratmoqda.
Koʻrgazma-yarmarka tadbirlarini oʻtkazishning tartib-taomillari, eng avvalo, kichik biznes subyektlarining tovarlar (ishlar, xizmatlar) yetkazib berish uchun davlat va korporativ buyurtmalarni olishga boʻlgan imkoniyatlarini, oqibatda sogʻlom raqobat muhitini yanada rivojlantirishni lozim darajada taʼminlamayapti.
Direksiya tomonidan tuzilgan shartnomalarni tahlil qilish va ular asosida tegishli loyihalarni Mahalliylashtirish dasturiga kiritish yuzasidan takliflarni shakllantirish, mahalliy xom ashyo bazasida tayyor mahsulotlarni mahalliylashtirishni kengaytirish uchun sanoat kooperatsiyasining roli va ahamiyatini oshirish boʻyicha asosiy vazifalar amalda bajarilmagan.
Bundan tashqari, Direksiya faoliyatiga ilgʻor axborot-kommunikatsiya texnologiyalarining past darajada joriy etilganligi davlat va korporativ xaridlarning ochiqligi va shaffofligini taʼminlashga salbiy taʼsir koʻrsatmoqda.
Shartnomalarni roʻyxatga olishning samarasiz tizimi, tuzilgan shartnomalar ijrosini nazorat qilishning taʼsirchan mexanizmlari mavjud emasligi aksariyat hollarda qabul qilingan shartnoma majburiyatlari va tasdiqlangan tarmoq jadvallarining bajarilmasligiga sabab boʻlmoqda.
Oʻzbekiston Respublikasining Davlat budjeti, davlat maqsadli jamgʻarmalari mablagʻlaridan samarali foydalanilishini, raqobatning yanada rivojlanishini hamda tadbirkorlik subyektlari uchun tovarlar (ishlar, xizmatlar) yetkazib berishga davlat va korporativ buyurtmalardan teng foydalanish imkoniyatini, shuningdek, mazkur jarayonning ochiqligi va shaffofligini taʼminlash maqsadida:
1. Oʻzbekiston Respublikasi Iqtisodiyot vazirligi, Moliya vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Investitsiyalar boʻyicha davlat qoʻmitasining “Xalqaro sanoat yarmarkasi va Kooperatsiya birjasi Direksiyasi” davlat korxonasini tugatish toʻgʻrisidagi taklifiga rozilik berilsin.
2. Oʻzbekiston Respublikasi Tashqi savdo vazirligi Adliya vazirligi hamda Xususiylashtirilgan korxonalarga koʻmaklashish va raqobatni rivojlantirish davlat qoʻmitasi bilan birgalikda Direksiyani tugatish boʻyicha qonun hujjatlarida belgilangan tartibda zarur choralarni koʻrsin.
3. Oʻzbekiston Respublikasi Prezidenti huzuridagi Loyiha boshqaruvi milliy agentligi Moliya vazirligi, Iqtisodiyot vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi bilan birgalikda ikki oy muddatda tovarlar (ishlar, xizmatlar)ning davlat va korporativ xaridlar tizimini tubdan takomillashtirish boʻyicha, shu jumladan, Oʻzbekiston Respublikasi Loyiha boshqaruvining yagona milliy axborot tizimi doirasida davlat xaridlari yagona axborot portalini hamda resurslar yagona milliy maʼlumotnomasini yaratish orqali ularning ochiqligi va shaffofligini oshirishga qaratilgan takliflar kiritsin.
4. Oʻzbekiston Respublikasi Investitsiyalar boʻyicha davlat qoʻmitasi, Tashqi savdo vazirligi Adliya vazirligi, boshqa manfaatdor vazirliklar va idoralar bilan birgalikda bir oy muddatda:
“Oʻzekspomarkaz” Milliy koʻrgazma majmuasining koʻrgazma-yarmarka faoliyatini yanada rivojlantirish boʻyicha takliflarni;
qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisidagi takliflarni Oʻzbekiston Respublikasi Vazirlar Mahkamasiga kiritsin.
5. Vazirliklar va idoralar bir oy muddatda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.
6. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Loyiha boshqaruvi milliy agentligi direktori zimmasiga yuklansin.
Oʻzbekiston Respublikasi Prezidentining “Tovarlar (ishlar, xizmatlar)ning davlat va korporativ xaridlar tizimini yanada isloh qilish chora-tadbirlari toʻgʻrisida”gi qaroriga
Ichki tarmoq va tarmoqlararo kooperatsiyani rivojlantirish, tadbirkorlik subyektlariga oʻzlari ishlab chiqargan mahsulotlarni sotishda koʻmaklashish, mahalliylashtirish jarayonlarini kengaytirish, aholining bandligi va sanoat mahsulotlari hajmining oʻsishini taʼminlash mamlakat iqtisodiyotini jadal rivojlantirishning eng muhim shartlaridan hisoblanadi. Ushbu maqsadlarda koʻrgazma-yarmarka savdolari, shu jumladan, har yili tashkil etilayotgan Xalqaro sanoat yarmarkasi va Kooperatsiya birjasi doirasida oʻtkazilmoqda. Shu bilan birga, oʻtkazilgan tahlillar koʻrgazma-yarmarka savdolarini tashkil etish va oʻtkazishga masʼul boʻlgan “Xalqaro sanoat yarmarkasi va Kooperatsiya birjasi Direksiyasi” davlat korxonasi (keyingi oʻrinlarda Direksiya deb yuritiladi) faoliyatida jiddiy kamchiliklar mavjudligini, bu esa davlat va korporativ xaridlarning ochiqligi va shaffofligini taʼminlashga salbiy taʼsir etayotganligini koʻrsatdi. Xususan, tenderlar oʻtkazmasdan toʻgʻridan-toʻgʻri shartnomalar asosida koʻrgazma-yarmarka savdolari doirasida asbob-uskunalar, butlovchi buyumlar, qayta ishlangan xom ashyo va materiallarni xarid qilishning amaldagi tartibi turli xil korrupsiya koʻrinishlari, shu jumladan, real bozor konyunkturasini inobatga olmasdan shartnomalar tuzish, narxlarni oshirish va sifatsiz mahsulotlarni yetkazib berish uchun sharoit yaratmoqda. Koʻrgazma-yarmarka savdolarini oʻtkazishning tartib-taomillari, eng avvalo, kichik biznes subyektlarining davlat va korporativ buyurtmalarni olishga boʻlgan imkoniyatlarini lozim darajada taʼminlamayapti, bu esa bozorda sogʻlom raqobatni rivojlantirishni cheklab qoʻymoqda. Koʻrsatilgan muammolar bitimlarni tuzishning shaffof mexanizmi yoʻqligi, ushbu sohaga ilgʻor axborot-kommunikatsiya texnologiyalarini joriy etish boʻyicha ishlarning yetarli emasligi sababli kuchaymoqda. Bundan tashqari, ilgari oʻtkazilgan xalqaro sanoat yarmarkalari va kooperatsiya birjalari doirasida tuzilgan shartnomalar ijro etilishi yakunlarining tahlili shartnoma majburiyatlari va tasdiqlangan tarmoq jadvallarining bajarilishi toʻliq taʼminlanmayotganligini koʻrsatdi. Mazkur holat koʻrgazma-yarmarka savdolarida tuzilgan shartnomalarni ijro etish jarayoni ustidan lozim darajada nazorat oʻrnatilmaganligidan, ularni tuzishda, shu jumladan, Direksiya ishini tashkil etishdagi xatolar oqibatida sodir etilgan suiisteʼmolchiliklar mavjudligidan dalolat bermoqda. Shu bilan bir qatorda, Direksiya tomonidan tuzilgan shartnomalarni tahlil qilish va ular asosida tegishli loyihalarni Mahalliylashtirish dasturiga kiritish yuzasidan takliflarni shakllantirish, mahalliy xom ashyo bazasida tayyor mahsulotlarni mahalliylashtirishni kengaytirish uchun sanoat kooperatsiyasi roli va ahamiyatini oshirish boʻyicha asosiy vazifalarning bajarilishi amalda taʼminlanmagan. Koʻrgazma-yarmarka savdolarini samarali oʻtkazish uchun pavilyon maydonlari va boshqa infratuzilmalarning yetarli emasligi yetkazib beruvchilarning talablarini toʻliq darajada qanoatlantirmagan, shuningdek, ularning ishtirokchilari doirasini, ayniqsa, kichik biznes subyektlari hisobidan kengaytirish imkonini bermagan. Bayon etilganlar inobatga olinib, Oʻzbekiston Respublikasi Prezidentining ushbu qarori bilan Direksiya tugatildi. Bu borada Oʻzbekiston Respublikasi Prezidenti huzuridagi Loyiha boshqaruvi milliy agentligiga Oʻzbekiston Respublikasi Moliya vazirligi, Iqtisodiyot vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi bilan birgalikda ikki oy muddatda tovarlar (ishlar, xizmatlar)ning davlat va korporativ xaridlari tizimini tubdan takomillashtirish boʻyicha takliflar kiritish topshirildi. Takliflar Oʻzbekiston Respublikasi Loyiha boshqaruvining yagona milliy axborot tizimi doirasida davlat xaridlari yagona axborot portali hamda yagona milliy resurslar maʼlumotnomasini tashkil qilish orqali mazkur tizimning ochiqligi va shaffofligini oshirishni nazarda tutishi lozim. Taʼkidlash joizki, Oʻzbekiston Respublikasi Loyiha boshqaruvining yagona milliy axborot tizimi Oʻzbekiston Respublikasi Prezidentining 2017-yil 24-iyuldagi “Oʻzbekiston Respublikasida loyiha boshqaruvi tizimini joriy etish chora-tadbirlari toʻgʻrisida”gi Farmoni ijrosi yuzasidan tashkil qilinmoqda hamda har bir resursning (tovarlar, ishlar va xizmatlarning) haqiqiy bozor qiymatini shakllantirish imkonini beradigan Resurslar yagona milliy maʼlumotnomasini joriy etishni, shuningdek, davlat xaridlarining shaffofligi va suiisteʼmolchiliklarning oldini olishni taʼminlaydigan yagona avtomatlashtirilgan tizimni yaratishni nazarda tutadi. Umuman olganda, Oʻzbekiston Respublikasi Prezidenti tomonidan qabul qilingan qaror davlat va korporativ xaridlar jarayonining ochiqligi va shaffofligini yanada oshirish, koʻrgazma-yarmarka savdolaridan qonunga xilof maqsadlarda foydalanish imkoniyatlariga chek qoʻyish, tuziladigan shartnomalarning ijrosi ustidan nazoratni taʼminlashga, pirovard natijada budjet mablagʻlaridan samarali foydalanish, raqobatni yanada rivojlantirish hamda tadbirkorlik subyektlarining davlat va korporativ xaridlarda ishtirok etishi uchun teng imkoniyatlar yaratishga koʻmaklashadi.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 31-iyul,
PQ-3166-son
Президента Республики Узбекистан
Постановление
Комментарий
О мерах по дальнейшему реформированию системы государственных и корпоративных закупок товаров (работ, услуг)
Развитие внутриотраслевой и межотраслевой кооперации, оказание содействия субъектам предпринимательства в сбыте продукции собственного производства, расширение процессов локализации, обеспечение роста занятости населения и объемов промышленной продукции являются важнейшими условиями ускоренного развития экономики страны.
Созданным в этих целях государственным предприятием «Дирекция Международной промышленной ярмарки и Кооперационной биржи» (далее — Дирекция) проделана определенная работа по организации выставочно-ярмарочных торгов, привлечению к участию в них поставщиков товаров (работ, услуг).
Вместе с тем, проведенный анализ показал, что действующий порядок организации деятельности Дирекции не обеспечивает должный уровень открытости и прозрачности государственных и корпоративных закупок.
В частности, действующий порядок, позволяющий осуществлять закупку в рамках Кооперационной биржи оборудования, комплектующих изделий, переработанного сырья и материалов на основе прямых договоров без проведения тендеров, создает условия для различного рода коррупционных проявлений, в том числе использования биржи в целях заключения договоров с заранее определенными поставщиками.
Процедуры проведения выставочно-ярмарочных мероприятий не обеспечивают должный уровень доступа к государственным и корпоративным заказам на поставку товаров (работ, услуг), прежде всего, субъектов малого бизнеса и, как следствие, дальнейшее развитие здоровой конкурентной среды.
Дирекцией практически не обеспечено выполнение основных задач по проведению анализа заключенных договоров и формированию на их основе предложений по включению соответствующих проектов в Программу локализации, повышению роли и значения промышленной кооперации для расширения локализации готовой продукции на базе местного сырья.
Кроме того, на обеспечение открытости и прозрачности государственных и корпоративных закупок негативно влияет низкий уровень внедрения передовых информационно-коммуникационных технологий в деятельность Дирекции.
Неэффективная система регистрации, отсутствие действенных механизмов контроля за исполнением заключенных договоров зачастую приводят к невыполнению принятых договорных обязательств и утвержденных сетевых графиков.
В целях обеспечения эффективного использования средств Государственного бюджета Республики Узбекистан, государственных целевых фондов, дальнейшего развития конкуренции и равного доступа субъектов предпринимательства к государственным и корпоративным заказам на поставку товаров (работ, услуг), а также открытости и прозрачности данного процесса:
1. Согласиться с предложением Министерства экономики, Министерства финансов, Государственного комитета по содействию приватизированным предприятиям и развитию конкуренции, Государственного комитета по инвестициям Республики Узбекистан о ликвидации государственного предприятия «Дирекция Международной промышленной ярмарки и Кооперационной биржи».
2. Министерству внешней торговли совместно с Министерством юстиции и Государственным комитетом по содействию приватизированным предприятиям и развитию конкуренции Республики Узбекистан в установленном законодательством порядке принять необходимые меры по ликвидации Дирекции.
3. Национальному агентству проектного управления при Президенте Республики Узбекистан совместно с Министерством финансов, Министерством экономики, Государственным комитетом Республики Узбекистан по содействию приватизированным предприятиям и развитию конкуренции в двухмесячный срок внести предложения по коренному совершенствованию системы государственных и корпоративных закупок товаров (работ, услуг), в том числе направленные на повышение их открытости и прозрачности посредством создания единого информационного портала государственных закупок и единого национального справочника ресурсов в рамках Единой национальной информационной системы проектного управления Республики Узбекистан.
4. Государственному комитету по инвестициям, Министерству внешней торговли совместно с Министерством юстиции, другими заинтересованными министерствами и ведомствами в месячный срок внести в Кабинет Министров Республики Узбекистан:
предложения по дальнейшему развитию выставочно-ярмарочной деятельности Национального выставочного комплекса «Узэкспоцентр»;
предложения об изменениях и дополнениях в законодательство, вытекающих из настоящего постановления.
5. Министерствам и ведомствам в месячный срок привести принятые ими нормативно-правовые акты в соответствие с настоящим постановлением.
6. Контроль за исполнением настоящего постановления возложить на Премьер-министра Республики Узбекистан А.Н. Арипова и директора Национального агентства проектного управления при Президенте Республики Узбекистан.
к постановлению Президента Республики Узбекистан «О мерах по дальнейшему реформированию системы Государственных и корпоративных закупок товаров (работ, услуг)»
Развитие внутриотраслевой и межотраслевой кооперации, оказание содействия субъектам предпринимательства в сбыте продукции собственного производства, расширение процессов локализации, обеспечение роста занятости населения и объемов промышленной продукции являются важнейшими условиями ускоренного развития экономики страны. В этих целях проводятся выставочно-ярмарочные торги, в том числе в рамках организуемых ежегодно Международной промышленной ярмарки и Кооперационной биржи. Вместе с тем проведенный анализ показал наличие существенных недостатков в деятельности государственного предприятия «Дирекция Международной промышленной ярмарки и Кооперационной биржи» (далее — Дирекция), ответственного за организацию и проведение выставочно-ярмарочных торгов, что негативно влияет на обеспечение открытости и прозрачности государственных и корпоративных закупок. В частности, действующий порядок закупки в рамках выставочно-ярмарочных торгов оборудования, комплектующих изделий, переработанного сырья и материалов на основе прямых договоров без проведения тендеров создает условия для разного рода коррупционных проявлений, в том числе заключения договоров без учета реальной рыночной конъюнктуры, завышения цен и поставки некачественной продукции. Процедуры проведения выставочно-ярмарочных торгов не обеспечивают должного доступа к государственным и корпоративным заказам, прежде всего субъектов малого бизнеса, что ограничивает развитие здоровой конкуренции на рынке. Указанные проблемы усугубляются отсутствием прозрачного механизма заключения сделок, недостаточностью работ по внедрению передовых информационно-коммуникационных технологий в данную сферу. Кроме того, анализ итогов исполнения договоров, заключенных в рамках прошедших ранее международных промышленных ярмарок и кооперационных бирж, показал, что выполнение договорных обязательств и утвержденных сетевых графиков не обеспечивается в полном объеме. Данное обстоятельство свидетельствует об отсутствии должного контроля за процессом исполнения договоров, заключаемых на выставочно-ярмарочных торгах, наличии злоупотреблений при их заключении, совершаемых в том числе вследствие упущений в организации работы Дирекции. Наряду с этим Дирекцией практически не обеспечено выполнение своих основных задач по проведению анализа заключенных договоров и формированию на их основе предложений по включению соответствующих проектов в программы локализации, повышению роли и значения промышленной кооперации для расширения локализации готовой продукции на базе местного сырья. Недостаточность площади павильонов и иной инфраструктуры для эффективного проведения выставочно-ярмарочных торгов не в полной мере удовлетворяет спрос поставщиков, а также не позволяет расширить круг их участников, особенно за счет субъектов малого бизнеса. С учетом изложенного данным постановлением Президента Республики Узбекистан ликвидирована Дирекция. При этом Национальному агентству проектного управления при Президенте Республики Узбекистан совместно с Министерством финансов, Министерством экономики, Государственным комитетом Республики Узбекистан по содействию приватизированным предприятиям и развитию конкуренции поручено в двухмесячный срок внести предложения по коренному совершенствованию системы государственных и корпоративных закупок товаров (работ, услуг). Предложения должны предусматривать повышение открытости и прозрачности данной системы посредством создания единого информационного портала государственных закупок и единого национального справочника ресурсов в рамках Единой национальной информационной системы проектного управления Республики Узбекистан. Следует отметить, что Единая национальная информационная система проектного управления Республики Узбекистан создается во исполнение Указа Президента Республики Узбекистан от 24 июля 2017 года «О мерах по внедрению системы проектного управления в Республике Узбекистан» и предусматривает в том числе внедрение единого национального справочника ресурсов, позволяющего формировать объективную рыночную стоимость каждого ресурса (товара, работы и услуги), а также организацию единой автоматизированной системы государственных закупок, обеспечивающей их прозрачность и предотвращение злоупотреблений. В целом принятое Президентом Республики Узбекистан постановление будет способствовать дальнейшему повышению открытости и прозрачности процесса государственных и корпоративных закупок, исключению возможностей использования выставочно-ярмарочных торгов в противоправных целях, обеспечению контроля за ходом исполнения заключаемых договоров и, в конечном итоге, эффективному использованию бюджетных средств, дальнейшему развитию конкуренции и созданию равного доступа субъектов предпринимательства к государственным и корпоративным заказам.
Президент Республики Узбекистан Ш. МИРЗИЁЕВ
г. Ташкент,
31 июля 2017 г.,
№ ПП-3166