📅 2017-yil 2-avgust · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 2 август · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 2 августа 2017 г. · Указы Президента
Официальный текст. Официальный документ. Редакционные примечания не включены.
📅 2 August 2017 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон Республикаси темир йўл транспорти ходимлари кунини нишонлаш тўғрисида
Ўзбекистон Республикаси давлат мустақиллигининг дастлабки йилларидан бошлаб темир йўл соҳасини ривожлантиришга бўлган катта эътибор натижасида мазкур тармоқда юксак марраларга эришилмоқда. Бугунги кунга келиб темир йўл транспорти тизими ўз тараққиётининг янги босқичига кўтарилди.
Темир йўл транспорти соҳасини тубдан ислоҳ қилиш, мураккаб тоғ ва чўл шароитларида янги темир йўлларни барпо этиш, тезюрар поездлар ҳаракатини ташкил қилиш, темир йўлларни электрлаштириш, юк ва йўловчи ташиш вагонларини ишлаб чиқариш бўйича йирик лойиҳаларнинг амалга оширилиши нафақат транспорт инфратузилмасини ривожлантириш, балки бутун мамлакатни тараққий эттиришга хизмат қилмоқда.
Мамлакатимиз иқтисодиётида стратегик аҳамиятга эга бўлган «Навоий-Учқудуқ-Нукус-Султонувайстоғ», Амударё узра қурилган кўприк, «Тошгузар-Бойсун-Қумқўрғон» ва «Ангрен-Поп» темир йўлларининг қурилиши Ўзбекистонда мустақил, ягона темир йўллар тармоғини шакллантириш имконини яратди.
Мустақиллик йилларида юртимизда темир йўл соҳаси мураккаб тикланиш ва ривожланиш йўлини босиб ўтди. Натижада мамлакатимизнинг барча минтақаларини бир-бири билан ишончли ва самарали боғлайдиган ҳамда халқаро транспорт йўлакларига чиқиш имконини берадиган темир йўл транспорти коммуникацияларининг мустақил, ягона ва яхлит тизими барпо этилди.
«Ангрен-Поп» темир йўли ва туннелининг қурилгани ва фойдаланишга топширилгани Фарғона водийси вилоятларини республикамизнинг қолган ҳудудлари билан мустаҳкам боғлади, ушбу темир йўл Хитой-Марказий Осиё-Европа янги темир йўл транзит йўлагининг ажралмас ва муҳим бўғини бўлиб хизмат қилади.
Ўзбекистонда мустақиллик йилларида темир йўл транспорти коммуникацияларини ва инфратузилмасини янада ривожлантиришга 7,5 миллиард долларлик капитал қўйилмалар, шу жумладан, 2,4 миллиард доллар миқдорида хорижий инвестициялар йўналтирилди.
«Ўзбекистон темир йўллари» акциядорлик жамияти томонидан янги темир йўлларни қуриш ва реконструкция қилиш, ҳаракат хавфсизлигини таъминлаш имконини берадиган инновация лойиҳаларини тармоққа жорий этиш, янги иш ўринлари яратиш, соҳа учун замонавий билимли кадрлар тайёрлаш, уларнинг малакасини ошириш, бунинг учун тегишли шарт-шароитлар яратиш ва бошқа ижтимоий масалаларни ҳал этишга алоҳида эътибор қаратилмоқда.
Темир йўлларда юк ва йўловчиларни ташиш ҳажмини ошириш, темир йўл инфратузилмасини ривожлантириш борасида охирги йилларда эришилган ютуқларни ҳисобга олиб ҳамда соҳа мутахассисларини қўллаб-қувватлаш мақсадида, шунингдек, соҳада меҳнат қилаётган кенг жамоатчиликнинг таклифларини инобатга олиб:
1. 2017 йилдан бошлаб август ойининг биринчи якшанба куни «Ўзбекистон Республикаси темир йўл транспорти ходимлари куни» деб эълон қилинсин.
2. Ўзбекистон Республикаси Вазирлар Маҳкамаси, Қорақалпоғистон Республикаси Вазирлар Кенгаши, Тошкент шаҳри ва вилоятлар ҳокимликлари, «Ўзбекистон темир йўллари» АЖ, мутасадди вазирлик, идора, хўжалик бирлашмалари ва ташкилотлар Ўзбекистон Республикаси темир йўл транспорти ходимлари кунини соҳага мос тарзда, тантанали равишда ўтказишни таъминласинлар.
3. Ўзбекистон Миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига Ўзбекистон Республикаси темир йўл транспорти ходимлари кунини нишонлаш билан боғлиқ тадбирларни кенг ёритиш тавсия этилсин.
4. Ўзбекистон Республикаси Вазирлар Маҳкамаси икки ой муддат ичида «Ўзбекистон Республикаси темир йўл транспорти ходимлари куни»ни нишонлаш бўйича тегишли қонун лойиҳасини ишлаб чиқсин ва Ўзбекистон Республикаси Олий Мажлиси Қонунчилик палатасига киритсин.
5. Мазкур Фармоннинг ижросини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси А.Ж. Раматов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 2 август,
ПФ-5128-сон
Oʻzbekiston Respublikasi Prezidentining
Farmoni
Oʻzbekiston Respublikasi temir yoʻl transporti xodimlari kunini nishonlash toʻgʻrisida
Oʻzbekiston Respublikasi davlat mustaqilligining dastlabki yillaridan boshlab temir yoʻl sohasini rivojlantirishga boʻlgan katta eʼtibor natijasida mazkur tarmoqda yuksak marralarga erishilmoqda. Bugungi kunga kelib temir yoʻl transporti tizimi oʻz taraqqiyotining yangi bosqichiga koʻtarildi.
Temir yoʻl transporti sohasini tubdan isloh qilish, murakkab togʻ va choʻl sharoitlarida yangi temir yoʻllarni barpo etish, tezyurar poyezdlar harakatini tashkil qilish, temir yoʻllarni elektrlashtirish, yuk va yoʻlovchi tashish vagonlarini ishlab chiqarish boʻyicha yirik loyihalarning amalga oshirilishi nafaqat transport infratuzilmasini rivojlantirish, balki butun mamlakatni taraqqiy ettirishga xizmat qilmoqda.
Mamlakatimiz iqtisodiyotida strategik ahamiyatga ega boʻlgan “Navoiy-Uchquduq-Nukus-Sultonuvaystogʻ”, Amudaryo uzra qurilgan koʻprik, “Toshguzar-Boysun-Qumqoʻrgʻon” va “Angren-Pop” temir yoʻllarining qurilishi Oʻzbekistonda mustaqil, yagona temir yoʻllar tarmogʻini shakllantirish imkonini yaratdi.
Mustaqillik yillarida yurtimizda temir yoʻl sohasi murakkab tiklanish va rivojlanish yoʻlini bosib oʻtdi. Natijada mamlakatimizning barcha mintaqalarini bir-biri bilan ishonchli va samarali bogʻlaydigan hamda xalqaro transport yoʻlaklariga chiqish imkonini beradigan temir yoʻl transporti kommunikatsiyalarining mustaqil, yagona va yaxlit tizimi barpo etildi.
“Angren-Pop” temir yoʻli va tunnelining qurilgani va foydalanishga topshirilgani Fargʻona vodiysi viloyatlarini respublikamizning qolgan hududlari bilan mustahkam bogʻladi, ushbu temir yoʻl Xitoy-Markaziy Osiyo-Yevropa yangi temir yoʻl tranzit yoʻlagining ajralmas va muhim boʻgʻini boʻlib xizmat qiladi.
Oʻzbekistonda mustaqillik yillarida temir yoʻl transporti kommunikatsiyalarini va infratuzilmasini yanada rivojlantirishga 7,5 milliard dollarlik kapital qoʻyilmalar, shu jumladan, 2,4 milliard dollar miqdorida xorijiy investitsiyalar yoʻnaltirildi.
“Oʻzbekiston temir yoʻllari” aksiyadorlik jamiyati tomonidan yangi temir yoʻllarni qurish va rekonstruksiya qilish, harakat xavfsizligini taʼminlash imkonini beradigan innovatsiya loyihalarini tarmoqqa joriy etish, yangi ish oʻrinlari yaratish, soha uchun zamonaviy bilimli kadrlar tayyorlash, ularning malakasini oshirish, buning uchun tegishli shart-sharoitlar yaratish va boshqa ijtimoiy masalalarni hal etishga alohida eʼtibor qaratilmoqda.
Temir yoʻllarda yuk va yoʻlovchilarni tashish hajmini oshirish, temir yoʻl infratuzilmasini rivojlantirish borasida oxirgi yillarda erishilgan yutuqlarni hisobga olib hamda soha mutaxassislarini qoʻllab-quvvatlash maqsadida, shuningdek, sohada mehnat qilayotgan keng jamoatchilikning takliflarini inobatga olib:
1. 2017-yildan boshlab avgust oyining birinchi yakshanba kuni “Oʻzbekiston Respublikasi temir yoʻl transporti xodimlari kuni” deb eʼlon qilinsin.
2. Oʻzbekiston Respublikasi Vazirlar Mahkamasi, Qoraqalpogʻiston Respublikasi Vazirlar Kengashi, Toshkent shahri va viloyatlar hokimliklari, “Oʻzbekiston temir yoʻllari” AJ, mutasaddi vazirlik, idora, xoʻjalik birlashmalari va tashkilotlar Oʻzbekiston Respublikasi temir yoʻl transporti xodimlari kunini sohaga mos tarzda, tantanali ravishda oʻtkazishni taʼminlasinlar.
3. Oʻzbekiston Milliy teleradiokompaniyasi, Oʻzbekiston Milliy axborot agentligi va boshqa ommaviy axborot vositalariga Oʻzbekiston Respublikasi temir yoʻl transporti xodimlari kunini nishonlash bilan bogʻliq tadbirlarni keng yoritish tavsiya etilsin.
4. Oʻzbekiston Respublikasi Vazirlar Mahkamasi ikki oy muddat ichida “Oʻzbekiston Respublikasi temir yoʻl transporti xodimlari kuni”ni nishonlash boʻyicha tegishli qonun loyihasini ishlab chiqsin va Oʻzbekiston Respublikasi Oliy Majlisi Qonunchilik palatasiga kiritsin.
5. Mazkur Farmonning ijrosini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 2-avgust,
PF-5128-son
Президента Республики Узбекистан
Указ
О праздновании Дня работников железнодорожного транспорта Республики Узбекистан
Благодаря огромному вниманию, уделяемому с первых дней государственной независимости Республики Узбекистан развитию железнодорожного транспорта, в этой базовой отрасли экономики страны достигнуты высокие и значимые результаты. В настоящее время отрасль железнодорожного транспорта уверенно вступила в новый этап на пути своего развития.
Коренное реформирование железнодорожной отрасли и последовательная реализация крупномасштабных инвестиционных проектов по строительству новых железных дорог в сложных горных и пустынных условиях, организации высокоскоростного движения пассажирских поездов, электрификации железных дорог, строительству новых грузовых и пассажирских вагонов способствовали развитию не только транспортной инфраструктуры, но и всей республики в целом.
Строительство железнодорожных линий «Навои-Учкудук-Нукус-Султанувайстаг», «Ташгузар-Бойсун-Кумкурган», «Ангрен-Пап» и моста через реку Амударью, имеющих стратегическое значение для экономики нашей страны, создало прочную основу для формирования целостной и самодостаточной железнодорожной отрасли независимого Узбекистана.
За годы независимости железнодорожная отрасль нашей страны прошла многосложный путь восстановления и нового развития. В результате выстроена и слаженно функционирует единая система железнодорожных транспортных коммуникаций, позволяющая надежно и эффективно связать комфортным железнодорожным, в том числе высокоскоростным сообщением, все регионы нашей страны, обеспечивающая выход к международным транспортным коридорам.
Построенные и введенные в эксплуатацию железнодорожная линия «Ангрен-Пап» и новый тоннель, которые гармонично вписались в качестве неотъемлемого и важного звена в маршрутную сеть нового железнодорожного транзитного коридора Китай-Центральная Азия-Европа, надежно обеспечивают регулярное сообщение между Ферганской долиной и остальными территориями республики.
За период независимости на дальнейшее развитие железнодорожных транспортных коммуникаций и сопутствующей инфраструктуры в Узбекистане направлены капитальные вложения в объеме 7,5 миллиарда долларов, в том числе иностранные инвестиции — 2,4 миллиарда долларов.
Постоянно в зоне приоритетного внимания акционерного общества «Узбекистон темир йуллари» находятся вопросы строительства новых и реконструкции существующих железных дорог, реализации в отрасли инновационных проектов, позволяющих обеспечивать стабильный уровень безопасности движения и создавать новые рабочие места, а также вопросы, связанные с организацией подготовки высококвалифицированных современных специалистов, переподготовки и повышения квалификации кадров с формированием максимально благоприятных условий для их дальнейшего профессионального и карьерного роста, последовательного решения других социальных вопросов.
В целях закрепления и дальнейшего развития достигнутых за последние годы успехов в наращивании объемов пассажирских и грузовых перевозок железнодорожным транспортом, комплексного совершенствования железнодорожной инфраструктуры, обеспечения всесторонней и действенной поддержки работников отрасли, а также, учитывая поступившие обращения от многочисленных членов трудовых коллективов организаций железнодорожной отрасли:
1. Объявить, начиная с 2017 года, первое воскресенье августа Днем работников железнодорожного транспорта Республики Узбекистан.
2. Кабинету Министров Республики Узбекистан, Совету Министров Республики Каракалпакстан, хокимиятам областей и города Ташкента, АО «Узбекистон темир йуллари» совместно с причастными министерствами, ведомствами, хозяйственными объединениями и организациями обеспечить проведение празднования Дня работников железнодорожного транспорта Республики Узбекистан с учетом профессиональных традиций в торжественной обстановке.
3. Рекомендовать Национальной телерадиокомпании, Национальному информационному агентству Узбекистана и другим средствам массовой информации широкое освещение мероприятий, связанных с празднованием Дня работников железнодорожного транспорта Республики Узбекистан.
4. Кабинету Министров Республики Узбекистан в двухмесячный срок обеспечить разработку соответствующего проекта Закона Республики Узбекистан «О праздновании Дня работников железнодорожного транспорта Республики Узбекистан» и в установленном порядке внести его в Законодательную палату Олий Мажлиса Республики Узбекистан.
5. Контроль за исполнением настоящего Указа возложить на Первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова.
Президент Республики Узбекистан Ш. МИРЗИЁЕВ
г. Ташкент,
2 августа 2017 г.,
№ УП-5128