📅 2017-yil 30-iyun · Vazirlik va idoralar hujjatlari · Oliy va oʻrta maxsus taʼlim vazirligining oʻrta maxsus, kasb-hunar taʼlimi markazi vazirlar mahkamasi huzuridagi davlat test markazi bandlik va mehnat munosabatlari vazirligi
Rasmiy matn. Rasmiy hujjat. Tahririy izohlar kiritilmagan.
📅 2017 йил 30 июнь · Вазирлик ва идоралар ҳужжатлари · Олий ва ўрта махсус таълим вазирлигининг ўрта махсус, касб-ҳунар таълими маркази вазирлар маҳкамаси ҳузуридаги давлат тест маркази бандлик ва меҳнат муносабатлари вазирлиги
Расмий матн. Расмий ҳужжат. Таҳририй изоҳлар киритилмаган.
📅 30 июня 2017 г. · Документы министерств и ведомств · Центра среднего специального, профессионального образования Министерства высшего и среднего специального образования Государственного центра тестирования при Кабинете Министров Министерства занятости и трудовых отношений
Официальный текст. Официальный документ. Редакционные примечания не включены.
📅 30 June 2017 · Ministry and agency documents · Oliy va oʻrta maxsus taʼlim vazirligining oʻrta maxsus, kasb-hunar taʼlimi markazi vazirlar mahkamasi huzuridagi davlat test markazi bandlik va mehnat munosabatlari vazirligi
Official text. Official document. Editorial notes are not included.
ЎЗБЕКИСТОН РЕСПУБЛИКАСИ ОЛИЙ ВА ЎРТА МАХСУС ТАЪЛИМ ВАЗИРЛИГИНИНГ ЎРТА МАХСУС, КАСБ-ҲУНАР ТАЪЛИМИ МАРКАЗИ ЎЗБЕКИСТОН РЕСПУБЛИКАСИ ВАЗИРЛАР МАҲКАМАСИ ҲУЗУРИДАГИ ДАВЛАТ ТЕСТ МАРКАЗИ ЎЗБЕКИСТОН РЕСПУБЛИКАСИ БАНДЛИК ВА МЕҲНАТ МУНОСАБАТЛАРИ ВАЗИРЛИГИНИНГ
Қарори
Ўрта махсус, касб-ҳунар таълими муассасалари директор ўринбосарлари, педагог ва муҳандис-педагогларнинг бўш лавозимларни эгаллаш учун уларни танлов асосида танлаб олиш тўғрисидаги низомга ўзгартириш ва қўшимчалар киритиш ҳақида
Ўзбекистон Республикаси Президентининг 2017 йил 14 мартдаги ПҚ-2829-сон «Ўрта махсус, касб-ҳунар таълими муассасалари фаолиятини янада такомиллаштириш чора-тадбирлари тўғрисида»ги қарорига мувофиқ Ўзбекистон Республикаси Олий ва ўрта махсус таълим вазирлигининг Ўрта махсус, касб-ҳунар таълими маркази, Вазирлар Маҳкамаси ҳузуридаги Давлат тест маркази ва Бандлик ва меҳнат муносабатлари вазирлиги қарор қилади:
1. Олий ва ўрта махсус таълим вазирлигининг Ўрта махсус, касб-ҳунар таълими маркази, Вазирлар Маҳкамаси ҳузуридаги Давлат тест маркази ва Меҳнат ва аҳолини ижтимоий муҳофаза қилиш вазирлигининг 2005 йил 24 мартдаги 04/ҚҚ, 01-76, 01/1184-сон қарори (рўйхат рақами 1461, 2005 йил 28 март) (Ўзбекистон Республикаси қонун ҳужжатлари тўплами, 2005 й., 12-13-сон, 96-модда) билан тасдиқланган Ўрта махсус, касб-ҳунар таълими муассасалари директор ўринбосарлари, педагог ва муҳандис-педагогларнинг бўш лавозимларни эгаллаш учун уларни танлов асосида танлаб олиш тўғрисидаги низомга иловага мувофиқ ўзгартириш ва қўшимчалар киритилсин.
2. Мазкур қарор расмий эълон қилинган кундан эътиборан кучга киради.
Ўзбекистон Республикаси Олий ва ўрта махсус таълим вазирлигининг Ўрта махсус, касб-ҳунар таълими маркази, Ўзбекистон Республикаси Вазирлар Маҳкамаси ҳузуридаги Давлат тест маркази, Бандлик ва меҳнат муносабатлари вазирлигининг 2017 йил 30 июндаги 54/ҚҚ, 16/ҚҚ ва 21-Қ/Қ-сон қарорига ИЛОВА
Ўрта махсус, касб-ҳунар таълими муассасалари директор ўринбосарлари, педагог ва муҳандис-педагогларнинг бўш лавозимларни эгаллаш учун уларни танлов асосида танлаб олиш тўғрисидаги низомга киритилаётган ўзгартириш ва қўшимчалар
1. Муқаддиманинг биринчи хатбошиси қуйидаги таҳрирда баён этилсин:
«Мазкур Низом Ўзбекистон Республикаси Президентининг 2005 йил 28 февралдаги Р-2146-сон «Академик лицей ва касб-ҳунар коллежлари директорлари аттестацияси тўғрисида»ги Фармойиши, Ўзбекистон Республикаси Вазирлар Маҳкамасининг 2001 йил 4 октябрдаги 400-сон «Ўрта махсус, касб-ҳунар таълими муассасалари учун педагог кадрлар тайёрлаш тизимини такомиллаштириш чора-тадбирлари тўғрисида»ги ва 1998 йил 13 майдаги 204-сон «Ўзбекистон Республикасида Ўрта махсус, касб-ҳунар таълимини ташкил этиш чора-тадбирлари тўғрисида»ги қарорларига мувофиқ академик лицей ва касб-ҳунар коллежларининг бўш (вакант) директор ўринбосарлари ҳамда касб-ҳунар коллежларининг бўш (вакант) ўқитувчи ва ишлаб чиқариш таълими усталари лавозимларига танлов ўтказиш тартибини белгилайди.».
2. 1-банд қуйидаги таҳрирда баён этилсин:
«1. Академик лицей ва касб-ҳунар коллежларининг директор ўринбосарлари ҳамда касб-ҳунар коллежларининг ўқитувчи ва ишлаб чиқариш таълими усталари (бундан буён матнда директор ўринбосарлари ва педагог деб юритилади) лавозимларига номзодлар танлов асосида қабул қилинади. Танлов бўш (вакант) лавозимларга эълон қилинади.».
3. Қуйидаги мазмундаги «1 1 » банд билан тўлдирилсин:
«1 1 . Директор ўринбосари ёки педагог лавозими бўшаганидан кейин 10 кун ичида:
директор ўринбосарлари лавозимига — Ўрта махсус, касб-ҳунар таълими ҳудудий бошқармаси томонидан оммавий ахборот воситаларида ва Ўрта махсус, касб-ҳунар таълими ҳудудий бошқармасининг расмий веб-сайтида;
педагог лавозимига — касб-ҳунар коллежи томонидан оммавий ахборот воситаларида ва касб-ҳунар коллежининг расмий веб-сайтида (агар мавжуд бўлса) танлов ўтказиш тўғрисида эълон берилади.».
4. 2-банд қуйидаги таҳрирда баён этилсин:
«2. Директор ўринбосарлари ва педагог лавозимларига танлов мазкур Низомга асосан тузиладиган танлов ўтказиш бўйича комиссия томонидан ўтказилади.».
5. 4 ва 5-бандлар қуйидаги таҳрирда баён этилсин:
«4. Академик лицейларнинг директор ўринбосарлари лавозимларига ўтказилаётган танловда (асосан умумтаълим фанлари ёки педагогика фанлари бўйича) илмий даражага (илмий унвон) эга бўлган шахслар ҳамда педагогик соҳа бўйича бакалавр ёки магистр даражасига эга ёхуд дипломли мутахассислар иштирок этишлари мумкин.
5. Касб-ҳунар коллежларининг:
директор ўринбосарлари лавозимларига ўтказиладиган танловда илмий даражага (илмий унвон) ёки педагогик (касбий-таълим) ёхуд таълим муассасасининг йўналиши бўйича бакалавр ёки магистр даражасига эга, шунингдек дипломли мутахассислар иштирок этишлари мумкин;
умумтаълим фанлари бўйича педагог лавозимини эгаллаш учун танловда илмий даражага (илмий унвон) ёки педагогик мутахассислик бўйича бакалавр ёки магистр даражасига эга ёхуд дипломли мутахассислар иштирок этишлари мумкин;
махсус фан ва касбий таълим (амалиёт) педагог лавозимига ўтказиладиган танловда таълим муассасаси йўналиши ва ихтисосликларига мос келадиган илмий даражага (илмий унвон) ёки бакалавр ёхуд магистр даражасига эга, шунингдек дипломли мутахассислар иштирок этади. Халқ ҳунармандчилиги, спорт ва маданият йўналишларидаги касб-ҳунар коллежларининг касбий таълим (амалиёт) педагог лавозимини эгаллаш учун танловда ишлаб чиқариш корхоналарининг юқори разрядли ходимлари ва миллий ҳунармандчилик усталари, шунингдек спорт устаси ёки маданият соҳасида унвонга эга ўрта махсус маълумотга эга мутахассислар иштирок этишлари мумкин.».
6. 7-банддаги «ўтказилаётган» деган сўз «ўтказиладиган» деган сўз билан алмаштирилсин.
7. 9-бандда :
«Таълим муассасалари» деган сўзлар чиқариб ташлансин;
«графиги Ўзбекистон Республикаси Олий ва ўрта махсус таълим вазирлиги Ўрта махсус, касб-ҳунар таълим маркази ёки» деган сўзлар «жадвали Ўрта махсус, касб-ҳунар таълими ҳудудий бошқармалари ёхуд» деган сўзлар билан алмаштирилсин.
8. 10-банд ўз кучини йўқотган деб ҳисоблансин.
9. 11-бандда :
биринчи хатбошидаги «қилингандан кейин:» деган сўзлар «қилинган кундан бошлаб 20 кун ичида:» деган сўзлар билан алмаштирилсин;
учинчи хатбошидаги «таълим муассасасига» деган сўзлар «касб-ҳунар коллежига» деган сўзлар билан алмаштирилсин.
10. 12-банднинг олтинчи — саккизинчи хатбошилари қуйидаги таҳрирда баён этилсин:
«4 х 6 см ўлчамдаги 4 дона рангли фотосурат;
директор ўринбосари лавозимларига номзоднинг таълим муассасасига бўлажак раҳбарлик фаолияти бўйича ихтиёрий шаклда ёзилган режаси (концепция).
Номзодга ҳужжатлар қабул қилиб олинганлиги ҳақида тилхат берилади.».
11. Қуйидаги мазмундаги «12 1 » банд билан тўлдирилсин:
«12 1 . Танлов номзодлардан ҳужжатларни қабул қилиш тугагандан кейин 15 кун ичида ўтказилади.».
12. 13 — 16-бандлар қуйидаги таҳрирда баён этилсин:
«13. Директор ўринбосари лавозимига танлов ўтказиш учун Ўрта махсус, касб-ҳунар таълими ҳудудий бошқармаси бошлиғининг ёки бўйсунувида таълим муассасаси бўлган вазирлик ёки идора раҳбарининг буйруғи, педагог лавозимига танлов ўтказиш учун эса, касб-ҳунар коллежи директорининг буйруғи билан танлов комиссиялари тузилади.
14. Ўрта махсус, касб-ҳунар таълими ҳудудий бошқармаси ёки бўйсунувида таълим муассасаси бўлган вазирлик ёки идора, шунингдек касб-ҳунар коллежи раҳбари томонидан тайинланадиган масъул ходим номзодларнинг ҳужжатларини ўрганиб чиқади ва танлов комиссиясига тақдим қилади.
15. Танлов комиссияси таркиби камида 5 кишидан иборат бўлади.
16. Танлов комиссияси кўпчилик томондан очиқ овоз бериш йўли билан танлов натижалари бўйича қарор қабул қилади. Овозлар тенг бўлган тақдирда комиссия раисининг овози ҳал қилувчи ҳисобланади. Танловни ўтказиш ва танлов натижалари танлов комиссияси баёни билан расмийлаштирилади.».
13. 18-банддаги «номзодлар билан таълим муассасаси» деган сўзлар «номзод билан касб-ҳунар коллежи» деган сўзлар билан алмаштирилсин.
14. 19-банддаги «хулосасидан» деган сўз «қароридан» деган сўз билан алмаштирилсин.
Ўрта махсус, касб-ҳунар таълими маркази директори М. ХОЛМУХАМЕДОВ
Вазирлар Маҳкамаси ҳузуридаги Давлат тест маркази директори М. КАРИМОВ
Бандлик ва меҳнат муносабатлари вазири А. АБДУХАКИМОВ
Тошкент ш.,
2017 йил 30 июнь,
Тошкент ш.,
2017 йил 30 июнь,
Тошкент ш.,
2017 йил 30 июнь,
54/ҚҚ-сон
16/ҚҚ-сон
21-Қ/Қ-сон
OʻZBEKISTON RESPUBLIKASI OLIY VA OʻRTA MAXSUS TAʼLIM VAZIRLIGINING OʻRTA MAXSUS, KASB-HUNAR TAʼLIMI MARKAZI OʻZBEKISTON RESPUBLIKASI VAZIRLAR MAHKAMASI HUZURIDAGI DAVLAT TEST MARKAZI OʻZBEKISTON RESPUBLIKASI BANDLIK VA MEHNAT MUNOSABATLARI VAZIRLIGINING
Qarori
Oʻrta maxsus, kasb-hunar taʼlimi muassasalari direktor oʻrinbosarlari, pedagog va muhandis-pedagoglarning boʻsh lavozimlarni egallash uchun ularni tanlov asosida tanlab olish toʻgʻrisidagi nizomga oʻzgartirish va qoʻshimchalar kiritish haqida
Oʻzbekiston Respublikasi Prezidentining 2017-yil 14-martdagi PQ-2829-son “Oʻrta maxsus, kasb-hunar taʼlimi muassasalari faoliyatini yanada takomillashtirish chora-tadbirlari toʻgʻrisida”gi qaroriga muvofiq Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi, Vazirlar Mahkamasi huzuridagi Davlat test markazi va Bandlik va mehnat munosabatlari vazirligi qaror qiladi:
1. Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi, Vazirlar Mahkamasi huzuridagi Davlat test markazi va Mehnat va aholini ijtimoiy muhofaza qilish vazirligining 2005-yil 24-martdagi 04/QQ, 01-76, 01/1184-son qarori (roʻyxat raqami 1461, 2005-yil 28-mart) (Oʻzbekiston Respublikasi qonun hujjatlari toʻplami, 2005-y., 12-13-son, 96-modda) bilan tasdiqlangan Oʻrta maxsus, kasb-hunar taʼlimi muassasalari direktor oʻrinbosarlari, pedagog va muhandis-pedagoglarning boʻsh lavozimlarni egallash uchun ularni tanlov asosida tanlab olish toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.
2. Mazkur qaror rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi, Oʻzbekiston Respublikasi Vazirlar Mahkamasi huzuridagi Davlat test markazi, Bandlik va mehnat munosabatlari vazirligining 2017-yil 30-iyundagi 54/QQ, 16/QQ va 21-Q/Q-son qaroriga ILOVA
Oʻrta maxsus, kasb-hunar taʼlimi muassasalari direktor oʻrinbosarlari, pedagog va muhandis-pedagoglarning boʻsh lavozimlarni egallash uchun ularni tanlov asosida tanlab olish toʻgʻrisidagi nizomga kiritilayotgan oʻzgartirish va qoʻshimchalar
1. Muqaddimaning birinchi xatboshisi quyidagi tahrirda bayon etilsin:
“Mazkur Nizom Oʻzbekiston Respublikasi Prezidentining 2005-yil 28-fevraldagi R-2146-son “Akademik litsey va kasb-hunar kollejlari direktorlari attestatsiyasi toʻgʻrisida”gi Farmoyishi, Oʻzbekiston Respublikasi Vazirlar Mahkamasining 2001-yil 4-oktabrdagi 400-son “Oʻrta maxsus, kasb-hunar taʼlimi muassasalari uchun pedagog kadrlar tayyorlash tizimini takomillashtirish chora-tadbirlari toʻgʻrisida”gi va 1998-yil 13-maydagi 204-son “Oʻzbekiston Respublikasida Oʻrta maxsus, kasb-hunar taʼlimini tashkil etish chora-tadbirlari toʻgʻrisida”gi qarorlariga muvofiq akademik litsey va kasb-hunar kollejlarining boʻsh (vakant) direktor oʻrinbosarlari hamda kasb-hunar kollejlarining boʻsh (vakant) oʻqituvchi va ishlab chiqarish taʼlimi ustalari lavozimlariga tanlov oʻtkazish tartibini belgilaydi.”.
2. 1-band quyidagi tahrirda bayon etilsin:
“1. Akademik litsey va kasb-hunar kollejlarining direktor oʻrinbosarlari hamda kasb-hunar kollejlarining oʻqituvchi va ishlab chiqarish taʼlimi ustalari (bundan buyon matnda direktor oʻrinbosarlari va pedagog deb yuritiladi) lavozimlariga nomzodlar tanlov asosida qabul qilinadi. Tanlov boʻsh (vakant) lavozimlarga eʼlon qilinadi.”.
3. Quyidagi mazmundagi “1 1 ” band bilan toʻldirilsin:
“1 1 . Direktor oʻrinbosari yoki pedagog lavozimi boʻshaganidan keyin 10 kun ichida:
direktor oʻrinbosarlari lavozimiga — Oʻrta maxsus, kasb-hunar taʼlimi hududiy boshqarmasi tomonidan ommaviy axborot vositalarida va Oʻrta maxsus, kasb-hunar taʼlimi hududiy boshqarmasining rasmiy veb-saytida;
pedagog lavozimiga — kasb-hunar kolleji tomonidan ommaviy axborot vositalarida va kasb-hunar kollejining rasmiy veb-saytida (agar mavjud boʻlsa) tanlov oʻtkazish toʻgʻrisida eʼlon beriladi.”.
4. 2-band quyidagi tahrirda bayon etilsin:
“2. Direktor oʻrinbosarlari va pedagog lavozimlariga tanlov mazkur Nizomga asosan tuziladigan tanlov oʻtkazish boʻyicha komissiya tomonidan oʻtkaziladi.”.
5. 4 va 5-bandlar quyidagi tahrirda bayon etilsin:
“4. Akademik litseylarning direktor oʻrinbosarlari lavozimlariga oʻtkazilayotgan tanlovda (asosan umumtaʼlim fanlari yoki pedagogika fanlari boʻyicha) ilmiy darajaga (ilmiy unvon) ega boʻlgan shaxslar hamda pedagogik soha boʻyicha bakalavr yoki magistr darajasiga ega yoxud diplomli mutaxassislar ishtirok etishlari mumkin.
5. Kasb-hunar kollejlarining:
direktor oʻrinbosarlari lavozimlariga oʻtkaziladigan tanlovda ilmiy darajaga (ilmiy unvon) yoki pedagogik (kasbiy-taʼlim) yoxud taʼlim muassasasining yoʻnalishi boʻyicha bakalavr yoki magistr darajasiga ega, shuningdek diplomli mutaxassislar ishtirok etishlari mumkin;
umumtaʼlim fanlari boʻyicha pedagog lavozimini egallash uchun tanlovda ilmiy darajaga (ilmiy unvon) yoki pedagogik mutaxassislik boʻyicha bakalavr yoki magistr darajasiga ega yoxud diplomli mutaxassislar ishtirok etishlari mumkin;
maxsus fan va kasbiy taʼlim (amaliyot) pedagog lavozimiga oʻtkaziladigan tanlovda taʼlim muassasasi yoʻnalishi va ixtisosliklariga mos keladigan ilmiy darajaga (ilmiy unvon) yoki bakalavr yoxud magistr darajasiga ega, shuningdek diplomli mutaxassislar ishtirok etadi. Xalq hunarmandchiligi, sport va madaniyat yoʻnalishlaridagi kasb-hunar kollejlarining kasbiy taʼlim (amaliyot) pedagog lavozimini egallash uchun tanlovda ishlab chiqarish korxonalarining yuqori razryadli xodimlari va milliy hunarmandchilik ustalari, shuningdek sport ustasi yoki madaniyat sohasida unvonga ega oʻrta maxsus maʼlumotga ega mutaxassislar ishtirok etishlari mumkin.”.
6. 7-banddagi “oʻtkazilayotgan” degan soʻz “oʻtkaziladigan” degan soʻz bilan almashtirilsin.
7. 9-bandda :
“Taʼlim muassasalari” degan soʻzlar chiqarib tashlansin;
“grafigi Oʻzbekiston Respublikasi Oliy va oʻrta maxsus taʼlim vazirligi Oʻrta maxsus, kasb-hunar taʼlim markazi yoki” degan soʻzlar “jadvali Oʻrta maxsus, kasb-hunar taʼlimi hududiy boshqarmalari yoxud” degan soʻzlar bilan almashtirilsin.
8. 10-band oʻz kuchini yoʻqotgan deb hisoblansin.
9. 11-bandda :
birinchi xatboshidagi “qilingandan keyin:” degan soʻzlar “qilingan kundan boshlab 20 kun ichida:” degan soʻzlar bilan almashtirilsin;
uchinchi xatboshidagi “taʼlim muassasasiga” degan soʻzlar “kasb-hunar kollejiga” degan soʻzlar bilan almashtirilsin.
10. 12-bandning oltinchi — sakkizinchi xatboshilari quyidagi tahrirda bayon etilsin:
“4 x 6 sm oʻlchamdagi 4 dona rangli fotosurat;
direktor oʻrinbosari lavozimlariga nomzodning taʼlim muassasasiga boʻlajak rahbarlik faoliyati boʻyicha ixtiyoriy shaklda yozilgan rejasi (konsepsiya).
Nomzodga hujjatlar qabul qilib olinganligi haqida tilxat beriladi.”.
11. Quyidagi mazmundagi “12 1 ” band bilan toʻldirilsin:
“12 1 . Tanlov nomzodlardan hujjatlarni qabul qilish tugagandan keyin 15 kun ichida oʻtkaziladi.”.
12. 13 — 16-bandlar quyidagi tahrirda bayon etilsin:
“13. Direktor oʻrinbosari lavozimiga tanlov oʻtkazish uchun Oʻrta maxsus, kasb-hunar taʼlimi hududiy boshqarmasi boshligʻining yoki boʻysunuvida taʼlim muassasasi boʻlgan vazirlik yoki idora rahbarining buyrugʻi, pedagog lavozimiga tanlov oʻtkazish uchun esa, kasb-hunar kolleji direktorining buyrugʻi bilan tanlov komissiyalari tuziladi.
14. Oʻrta maxsus, kasb-hunar taʼlimi hududiy boshqarmasi yoki boʻysunuvida taʼlim muassasasi boʻlgan vazirlik yoki idora, shuningdek kasb-hunar kolleji rahbari tomonidan tayinlanadigan masʼul xodim nomzodlarning hujjatlarini oʻrganib chiqadi va tanlov komissiyasiga taqdim qiladi.
15. Tanlov komissiyasi tarkibi kamida 5 kishidan iborat boʻladi.
16. Tanlov komissiyasi koʻpchilik tomondan ochiq ovoz berish yoʻli bilan tanlov natijalari boʻyicha qaror qabul qiladi. Ovozlar teng boʻlgan taqdirda komissiya raisining ovozi hal qiluvchi hisoblanadi. Tanlovni oʻtkazish va tanlov natijalari tanlov komissiyasi bayoni bilan rasmiylashtiriladi.”.
13. 18-banddagi “nomzodlar bilan taʼlim muassasasi” degan soʻzlar “nomzod bilan kasb-hunar kolleji” degan soʻzlar bilan almashtirilsin.
14. 19-banddagi “xulosasidan” degan soʻz “qaroridan” degan soʻz bilan almashtirilsin.
Oʻrta maxsus, kasb-hunar taʼlimi markazi direktori M. XOLMUXAMEDOV
Vazirlar Mahkamasi huzuridagi Davlat test markazi direktori M. KARIMOV
Bandlik va mehnat munosabatlari vaziri A. ABDUXAKIMOV
Toshkent sh.,
2017-yil 30-iyun,
Toshkent sh.,
2017-yil 30-iyun,
Toshkent sh.,
2017-yil 30-iyun,
54/QQ-son
16/QQ-son
21-Q/Q-son