📅 2017-yil 2-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 2 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 2 августа 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 2 August 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Тошкент тўқимачилик ва енгил саноат институти тузилмасида Формали кийим-бошни лойиҳалаштириш бўйича илмий лаборатория фаолиятини ташкил этиш чора-тадбирлари тўғрисида
Ўзбекистон Республикаси Президентининг «Ўзбекистон Республикаси вазирликлари, идоралари ва ташкилотларининг формали кийим-бошларини ишлаб чиқиш, стандартлаштириш, тасдиқлаш ва тайёрлаш механизмини тартибга солиш чора-тадбирлари тўғрисида» 2017 йил 27 февралдаги ПҚ-2800-сон қарори ижросини таъминлаш юзасидан Вазирлар Маҳкамаси қарор қилади:
1. Ўзбекистон Республикаси Олий ва ўрта махсус таълим вазирлиги томонидан Тошкент тўқимачилик ва енгил саноат институти тузилмасида юридик шахс мақомисиз Формали кийим-бошни лойиҳалаштириш бўйича илмий лаборатория (кейинги ўринларда Илмий лаборатория деб аталади) ташкил этилганлиги маълумот учун қабул қилинсин.
2. Қуйидагилар:
Илмий лаборатория мутахассислари меҳнатига ҳақ тўлаш бўйича харажатлар (уларни моддий рағбатлантириш ва ижтимоий қўллаб-қувватлаш харажатлари бундан мустасно) — Ўзбекистон Республикаси республика бюджети маблағлари;
Илмий лабораториянинг илмий ходимлари меҳнатига ҳақ тўлаш, илмий ходимлари ва мутахассисларини моддий рағбатлантириш ва ижтимоий муҳофаза қилиш, шунингдек формали кийим-бошни лойиҳалаштириш, сарфлаш материаллари, хом ашё, дастурий маҳсулотлар, махсус адабиётлар харид қилиш ҳамда техник жиҳатдан тартибга солиш соҳасидаги норматив ҳужжатларни ишлаб чиқиш бўйича харажатлар — буюртмачилар — вазирликлар, идоралар ва бошқа ташкилотларнинг маблағлари;
Илмий лабораторияни зарур лаборатория асбоб-ускуналари ва приборлар билан жиҳозлаш (шу жумладан махсус лаборатория мебели ва инвентарь) — Инновацион ривожланиш ва новаторлик ғояларини қўллаб-қувватлаш жамғармаси маблағлари ҳамда халқаро молия институтлари ва хорижий ташкилотларнинг грантлари;
Илмий лабораторияни мебель ва ташкилий техника билан жиҳозлаш (махсус лаборатория мебели ва инвентардан ташқари), шунингдек зарурат туғилганда лаборатория хоналарини таъмирлаш ишларини олиб бориш — Илмий лабораториянинг буюртманомалари ва асосланган ҳисоб-китоблари бўйича Тошкент тўқимачилик ва енгил саноат институтининг бюджетдан ташқари маблағлари Илмий лаборатория фаолиятини молиялаштириш манбалари этиб белгилансин.
3. Белгилансинки:
Илмий лаборатория илмий ходимларининг лавозим маошлари бюджет маблағлари ҳисобига фундаментал, амалий тадқиқотлар ва инновацион ишлар илмий-техник дастурларини амалга оширишда иштирок этувчи илмий-тадқиқот муассасаларининг илмий ходимлари базавий лавозим маошлари миқдорига тенглаштирилади;
Илмий лабораториянинг илмий ходимлари ва мутахассисларини моддий рағбатлантириш ва ижтимоий муҳофаза қилиш тартиби Ўзбекистон Республикаси Олий ва ўрта махсус таълим вазирлиги билан келишган ҳолда Тошкент тўқимачилик ва енгил саноат институти томонидан белгиланади;
Илмий лаборатория томонидан формали кийим-бошларни лойиҳалаштириш бўйича кўрсатиладиган хизматлар нархи Тошкент тўқимачилик ва енгил саноат институти томонидан қонун ҳужжатларида белгиланган тартибда белгиланади;
Илмий лабораторияни зарур лаборатория ускуналари ва приборлар (шу жумладан махсус лаборатория мебели ва инвентарь), мебель ва ташкилий техника билан жиҳозлаш тузиладиган шартномаларнинг ҳажмидан ҳамда буюртмачи билан келишилган формали кийим-бош ва фарқлаш белгиларини лойиҳалаштиришга техник топшириқларнинг ўзига хослигидан келиб чиқиб илмий тадқиқотларни бажариш устуворлиги ҳисобга олинган ҳолда амалга оширилади;
Илмий лаборатория фаолиятини амалга ошириш учун Тошкент тўқимачилик ва енгил саноат институтининг бюджет ва бюджетдан ташқари маблағлари бўйича алоҳида ғазначилик шахсий ҳисобварақлари очилади, белгиланган тартибда алоҳида харажатлар сметаси (бюджет маблағлари бўйича), шунингдек даромадлар ва харажатлар сметаси (бюджетдан ташқари маблағлар бўйича) тасдиқланади;
Илмий лаборатория томонидан ишлаб чиқиладиган ва буюртмачилар томонидан тасдиқланадиган формали кийим-бошни тайёрлаш бўйича техник жиҳатдан тартибга солиш соҳасидаги норматив ҳужжатлар тегишли вазирликлар, идоралар ва бошқа ташкилотларнинг формали кийим-бошларини тайёрлашда қўллаш учун мажбурий ҳисобланади.
Ўзбекистон Республикаси Олий ва ўрта махсус таълим вазирлиги Бандлик ва меҳнат муносабатлари вазирлиги ҳамда Молия вазирлиги билан келишган ҳолда бир ой муддатда Илмий лаборатория мутахассислари меҳнатига ҳақ тўлаш миқдорларини белгиланган тартибда ишлаб чиқсин ва тасдиқласин.
4. Ўзбекистон Республикаси Молия вазирлиги 2017 йилда «Таълим» тармоғи бўйича Ўзбекистон Республикаси Давлат бюджети параметрларида назарда тутилган бюджет маблағлари доирасида ушбу қарорни амалга ошириш учун зарур бўлган маблағларни ажратсин, 2018 йилдан бошлаб эса «Фан» тармоғи бўйича Ўзбекистон Республикаси Давлат бюджети параметрларида назарда тутсин.
5. Ўзбекистон Республикаси Президентининг «Ўзбекистон Республикаси вазирликлари, идоралари ва ташкилотларининг формали кийим-бошларини ишлаб чиқиш, стандартлаштириш, тасдиқлаш ва тайёрлаш механизмини тартибга солиш чора-тадбирлари тўғрисида» 2017 йил 27 февралдаги ПҚ-2800-сон қарорига 1-иловада назарда тутилган вазирликлар, идоралар ва ташкилотларга Илмий лаборатория томонидан формали кийим-бош намуналарини лойиҳалаштиришга танлов (тендер), электрон савдолар ўтказмасдан ва «Республика товар-хомашё биржаси» АЖнинг махсус электрон порталида эълон жойлаштирмасдан Тошкент тўқимачилик ва енгил саноат институти билан, истисно тариқасида, шартномалар тузишга рухсат берилсин.
6. Илмий лаборатория Тошкент шаҳри, Яккасарой тумани, Шоҳжаҳон кўчаси, 5-уй манзили бўйича Тошкент тўқимачилик ва енгил саноат институти биносида жойлаштирилсин.
Ўзбекистон Республикаси Олий ва ўрта махсус таълим вазирлиги Давлат архитектура ва қурилиш қўмитаси, «Ўзбекенгилсаноат» АЖ, Молия вазирлиги, Иқтисодиёт вазирлиги билан биргаликда Тошкент тўқимачилик ва енгил саноат институти ҳудудида Илмий лаборатория биносини қуриш зарурлиги тўғрисидаги масалани уч ой муддатда ўрганиб чиқсин ва натижалари бўйича, ижобий хулосага келинганда, молиялаштириш манбалари ва амалга ошириш муддатлари бўйича Ўзбекистон Республикаси Вазирлар Маҳкамасига таклифлар киритсин.
7. «Ўзбекенгилсаноат» АЖ, Тошкент тўқимачилик ва енгил саноат институти Ўзбекистон Республикаси Инвестициялар бўйича давлат қўмитаси билан биргаликда Илмий лабораторияни юқори технологик лаборатория ускуналари ва бошқа ускуналар билан жиҳозлаш учун халқаро молия институтлари ва хорижий ташкилотларнинг грантларини жалб этиш юзасидан тизимли ишлар олиб борсинлар.
8. Мазкур қарорнинг бажарилишини назорат қилиш Ўзбекистон Республикаси Олий ва ўрта махсус таълим вазири И.У. Маджидов зиммасига ва Ўзбекистон Республикаси Вазирлар Маҳкамасининг Таълим, илм-фан ва ёшлар сиёсати масалалари ахборот-таҳлил департаментига юклансин.
Ўзбекистон Республикасининг Бош вазири А. АРИПОВ
Тошкент ш.,
2017 йил 2 август,
575-сон
Oʻzbekiston Respublikasi Vazirlar Mahkamasining
qarori
Toshkent toʻqimachilik va yengil sanoat instituti tuzilmasida Formali kiyim-boshni loyihalashtirish boʻyicha ilmiy laboratoriya faoliyatini tashkil etish chora-tadbirlari toʻgʻrisida
Oʻzbekiston Respublikasi Prezidentining “Oʻzbekiston Respublikasi vazirliklari, idoralari va tashkilotlarining formali kiyim-boshlarini ishlab chiqish, standartlashtirish, tasdiqlash va tayyorlash mexanizmini tartibga solish chora-tadbirlari toʻgʻrisida” 2017-yil 27-fevraldagi PQ-2800-son qarori ijrosini taʼminlash yuzasidan Vazirlar Mahkamasi qaror qiladi:
1. Oʻzbekiston Respublikasi Oliy va oʻrta maxsus taʼlim vazirligi tomonidan Toshkent toʻqimachilik va yengil sanoat instituti tuzilmasida yuridik shaxs maqomisiz Formali kiyim-boshni loyihalashtirish boʻyicha ilmiy laboratoriya (keyingi oʻrinlarda Ilmiy laboratoriya deb ataladi) tashkil etilganligi maʼlumot uchun qabul qilinsin.
2. Quyidagilar:
Ilmiy laboratoriya mutaxassislari mehnatiga haq toʻlash boʻyicha xarajatlar (ularni moddiy ragʻbatlantirish va ijtimoiy qoʻllab-quvvatlash xarajatlari bundan mustasno) — Oʻzbekiston Respublikasi respublika budjeti mablagʻlari;
Ilmiy laboratoriyaning ilmiy xodimlari mehnatiga haq toʻlash, ilmiy xodimlari va mutaxassislarini moddiy ragʻbatlantirish va ijtimoiy muhofaza qilish, shuningdek formali kiyim-boshni loyihalashtirish, sarflash materiallari, xom ashyo, dasturiy mahsulotlar, maxsus adabiyotlar xarid qilish hamda texnik jihatdan tartibga solish sohasidagi normativ hujjatlarni ishlab chiqish boʻyicha xarajatlar — buyurtmachilar — vazirliklar, idoralar va boshqa tashkilotlarning mablagʻlari;
Ilmiy laboratoriyani zarur laboratoriya asbob-uskunalari va priborlar bilan jihozlash (shu jumladan maxsus laboratoriya mebeli va inventar) — Innovatsion rivojlanish va novatorlik gʻoyalarini qoʻllab-quvvatlash jamgʻarmasi mablagʻlari hamda xalqaro moliya institutlari va xorijiy tashkilotlarning grantlari;
Ilmiy laboratoriyani mebel va tashkiliy texnika bilan jihozlash (maxsus laboratoriya mebeli va inventardan tashqari), shuningdek zarurat tugʻilganda laboratoriya xonalarini taʼmirlash ishlarini olib borish — Ilmiy laboratoriyaning buyurtmanomalari va asoslangan hisob-kitoblari boʻyicha Toshkent toʻqimachilik va yengil sanoat institutining budjetdan tashqari mablagʻlari Ilmiy laboratoriya faoliyatini moliyalashtirish manbalari etib belgilansin.
3. Belgilansinki:
Ilmiy laboratoriya ilmiy xodimlarining lavozim maoshlari budjet mablagʻlari hisobiga fundamental, amaliy tadqiqotlar va innovatsion ishlar ilmiy-texnik dasturlarini amalga oshirishda ishtirok etuvchi ilmiy-tadqiqot muassasalarining ilmiy xodimlari bazaviy lavozim maoshlari miqdoriga tenglashtiriladi;
Ilmiy laboratoriyaning ilmiy xodimlari va mutaxassislarini moddiy ragʻbatlantirish va ijtimoiy muhofaza qilish tartibi Oʻzbekiston Respublikasi Oliy va oʻrta maxsus taʼlim vazirligi bilan kelishgan holda Toshkent toʻqimachilik va yengil sanoat instituti tomonidan belgilanadi;
Ilmiy laboratoriya tomonidan formali kiyim-boshlarni loyihalashtirish boʻyicha koʻrsatiladigan xizmatlar narxi Toshkent toʻqimachilik va yengil sanoat instituti tomonidan qonun hujjatlarida belgilangan tartibda belgilanadi;
Ilmiy laboratoriyani zarur laboratoriya uskunalari va priborlar (shu jumladan maxsus laboratoriya mebeli va inventar), mebel va tashkiliy texnika bilan jihozlash tuziladigan shartnomalarning hajmidan hamda buyurtmachi bilan kelishilgan formali kiyim-bosh va farqlash belgilarini loyihalashtirishga texnik topshiriqlarning oʻziga xosligidan kelib chiqib ilmiy tadqiqotlarni bajarish ustuvorligi hisobga olingan holda amalga oshiriladi;
Ilmiy laboratoriya faoliyatini amalga oshirish uchun Toshkent toʻqimachilik va yengil sanoat institutining budjet va budjetdan tashqari mablagʻlari boʻyicha alohida gʻaznachilik shaxsiy hisobvaraqlari ochiladi, belgilangan tartibda alohida xarajatlar smetasi (budjet mablagʻlari boʻyicha), shuningdek daromadlar va xarajatlar smetasi (budjetdan tashqari mablagʻlar boʻyicha) tasdiqlanadi;
Ilmiy laboratoriya tomonidan ishlab chiqiladigan va buyurtmachilar tomonidan tasdiqlanadigan formali kiyim-boshni tayyorlash boʻyicha texnik jihatdan tartibga solish sohasidagi normativ hujjatlar tegishli vazirliklar, idoralar va boshqa tashkilotlarning formali kiyim-boshlarini tayyorlashda qoʻllash uchun majburiy hisoblanadi.
Oʻzbekiston Respublikasi Oliy va oʻrta maxsus taʼlim vazirligi Bandlik va mehnat munosabatlari vazirligi hamda Moliya vazirligi bilan kelishgan holda bir oy muddatda Ilmiy laboratoriya mutaxassislari mehnatiga haq toʻlash miqdorlarini belgilangan tartibda ishlab chiqsin va tasdiqlasin.
4. Oʻzbekiston Respublikasi Moliya vazirligi 2017-yilda “Taʼlim” tarmogʻi boʻyicha Oʻzbekiston Respublikasi Davlat budjeti parametrlarida nazarda tutilgan budjet mablagʻlari doirasida ushbu qarorni amalga oshirish uchun zarur boʻlgan mablagʻlarni ajratsin, 2018-yildan boshlab esa “Fan” tarmogʻi boʻyicha Oʻzbekiston Respublikasi Davlat budjeti parametrlarida nazarda tutsin.
5. Oʻzbekiston Respublikasi Prezidentining “Oʻzbekiston Respublikasi vazirliklari, idoralari va tashkilotlarining formali kiyim-boshlarini ishlab chiqish, standartlashtirish, tasdiqlash va tayyorlash mexanizmini tartibga solish chora-tadbirlari toʻgʻrisida” 2017-yil 27-fevraldagi PQ-2800-son qaroriga 1-ilovada nazarda tutilgan vazirliklar, idoralar va tashkilotlarga Ilmiy laboratoriya tomonidan formali kiyim-bosh namunalarini loyihalashtirishga tanlov (tender), elektron savdolar oʻtkazmasdan va “Respublika tovar-xomashyo birjasi” AJning maxsus elektron portalida eʼlon joylashtirmasdan Toshkent toʻqimachilik va yengil sanoat instituti bilan, istisno tariqasida, shartnomalar tuzishga ruxsat berilsin.
6. Ilmiy laboratoriya Toshkent shahri, Yakkasaroy tumani, Shohjahon koʻchasi, 5-uy manzili boʻyicha Toshkent toʻqimachilik va yengil sanoat instituti binosida joylashtirilsin.
Oʻzbekiston Respublikasi Oliy va oʻrta maxsus taʼlim vazirligi Davlat arxitektura va qurilish qoʻmitasi, “Oʻzbekyengilsanoat” AJ, Moliya vazirligi, Iqtisodiyot vazirligi bilan birgalikda Toshkent toʻqimachilik va yengil sanoat instituti hududida Ilmiy laboratoriya binosini qurish zarurligi toʻgʻrisidagi masalani uch oy muddatda oʻrganib chiqsin va natijalari boʻyicha, ijobiy xulosaga kelinganda, moliyalashtirish manbalari va amalga oshirish muddatlari boʻyicha Oʻzbekiston Respublikasi Vazirlar Mahkamasiga takliflar kiritsin.
7. “Oʻzbekyengilsanoat” AJ, Toshkent toʻqimachilik va yengil sanoat instituti Oʻzbekiston Respublikasi Investitsiyalar boʻyicha davlat qoʻmitasi bilan birgalikda Ilmiy laboratoriyani yuqori texnologik laboratoriya uskunalari va boshqa uskunalar bilan jihozlash uchun xalqaro moliya institutlari va xorijiy tashkilotlarning grantlarini jalb etish yuzasidan tizimli ishlar olib borsinlar.
8. Mazkur qarorning bajarilishini nazorat qilish Oʻzbekiston Respublikasi Oliy va oʻrta maxsus taʼlim vaziri I.U. Madjidov zimmasiga va Oʻzbekiston Respublikasi Vazirlar Mahkamasining Taʼlim, ilm-fan va yoshlar siyosati masalalari axborot-tahlil departamentiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 2-avgust,
575-son
Кабинета Министров Республики Узбекистан
Постановление
О мерах по организации деятельности Научной лаборатории по проектированию форменной одежды в структуре Ташкентского института текстильной и легкой промышленности
Во исполнение постановления Президента Республики Узбекистан от 27 февраля 2017 года № ПП-2800 «О мерах по упорядочению механизма разработки, стандартизации, утверждения и изготовления форменной одежды министерств, ведомств и организаций Республики Узбекистан» Кабинет Министров постановляет:
1. Принять к сведению, что Министерством высшего и среднего специального образования Республики Узбекистан в структуре Ташкентского института текстильной и легкой промышленности образована Научная лаборатория по проектированию форменной одежды (далее — Научная лаборатория) без статуса юридического лица.
2. Определить источниками финансирования деятельности Научной лаборатории в части:
расходов по оплате труда специалистов Научной лаборатории (за исключением расходов по их материальному стимулированию и социальной защите) — средства республиканского бюджета Республики Узбекистан;
расходов по оплате труда научных сотрудников, материальному стимулированию и социальной защите научных сотрудников и специалистов Научной лаборатории, а также по проектированию форменной одежды, приобретению расходных материалов, сырья, программных продуктов, специальной литературы и составлению нормативных документов в области технического регулирования — средства заказчиков — министерств, ведомств и других организаций;
оснащения Научной лаборатории необходимым лабораторным оборудованием и приборами (включая специализированную лабораторную мебель и инвентарь) — средства Фонда поддержки инновационного развития и новаторских идей, а также гранты международных финансовых институтов и иностранных организаций;
оснащения Научной лаборатории мебелью и оргтехникой (за исключением специализированной лабораторной мебели и инвентаря), а также проведения при необходимости ремонтных работ помещений лаборатории — внебюджетные средства Ташкентского института текстильной и легкой промышленности по заявкам и обоснованным расчетам Научной лаборатории.
3. Установить, что:
должностные оклады научных сотрудников Научной лаборатории приравниваются к размерам базовых должностных окладов научных работников научно-исследовательских учреждений, участвующих в реализации научно-технических программ фундаментальных, прикладных исследований и инновационных работ за счет бюджетных средств;
порядок материального стимулирования и социальной защиты научных сотрудников и специалистов Научной лаборатории определяется Ташкентским институтом текстильной и легкой промышленности по согласованию с Министерством высшего и среднего специального образования Республики Узбекистан;
стоимость оказываемых Научной лабораторией услуг по проектированию форменной одежды определяется Ташкентским институтом текстильной и легкой промышленности в порядке, установленном законодательством;
оснащение Научной лаборатории необходимым лабораторным оборудованием и приборами (включая специализированную лабораторную мебель и инвентарь), мебелью и оргтехникой осуществляется с учетом приоритетности проведения научных исследований исходя из объема заключаемых договоров и специфики технических заданий на проектирование форменной одежды и знаков различия, согласованных с заказчиком;
для осуществления деятельности Научной лаборатории открываются отдельные казначейские лицевые счета Ташкентского института текстильной и легкой промышленности по бюджетным и внебюджетным средствам, с утверждением в установленном порядке отдельной сметы расходов (по бюджетным средствам), а также сметы доходов и расходов (по внебюджетным средствам);
нормативные документы в области технического регулирования по изготовлению форменной одежды, разрабатываемые Научной лабораторией и утверждаемые заказчиками, являются обязательными для применения при изготовлении форменной одежды соответствующих министерств, ведомств и других организаций.
Министерству высшего и среднего специального образования Республики Узбекистан по согласованию с Министерством занятости и трудовых отношений и Министерством финансов Республики Узбекистан в месячный срок в установленном порядке разработать и утвердить размеры оплаты труда специалистов Научной лаборатории.
4. Министерству финансов Республики Узбекистан выделить в 2017 году средства, необходимые для реализации настоящего постановления в пределах бюджетных ассигнований, предусмотренных в параметрах Государственного бюджета Республики Узбекистан по отрасли «Образование», а начиная с 2018 года предусматривать в параметрах Государственного бюджета Республики Узбекистан по отрасли «Наука».
5. Разрешить министерствам, ведомствам и организациям, предусмотренным в приложении № 1 к постановлению Президента Республики Узбекистан от 27 февраля 2017 года № ПП-2800 «О мерах по упорядочению механизма разработки, стандартизации, утверждения и изготовления форменной одежды министерств, ведомств и организаций Республики Узбекистан», в порядке исключения, заключать договоры с Ташкентским институтом текстильной и легкой промышленности на проектирование Научной лабораторией образцов форменной одежды без проведения конкурсных (тендерных), электронных торгов и размещения объявлений на специальном электронном портале АО «Республиканская товарно-сырьевая биржа».
6. Разместить Научную лабораторию в здании Ташкентского института текстильной и легкой промышленности по адресу: г. Ташкент, Яккасарайский район, улица Шохжахон, дом 5.
Министерству высшего и среднего специального образования совместно с Государственным комитетом Республики Узбекистан по архитектуре и строительству, АО «Узбекенгилсаноат», Министерством финансов и Министерством экономики Республики Узбекистан в трехмесячный срок изучить вопрос необходимости строительства на территории Ташкентского института текстильной и легкой промышленности здания Научной лаборатории и по итогам, при положительном заключении внести в Кабинет Министров Республики Узбекистан предложения по источникам финансирования и срокам реализации.
7. АО «Узбекенгилсаноат», Ташкентскому институту текстильной и легкой промышленности совместно с Государственным комитетом Республики Узбекистан по инвестициям проводить системную работу по привлечению грантов международных финансовых институтов и иностранных организаций для оснащения Научной лаборатории высокотехнологичным лабораторным и иным оборудованием.
8. Контроль за исполнением настоящего постановления возложить на министра высшего и среднего специального образования Республики Узбекистан И.У. Маджидова и Информационно-аналитический департамент по вопросам образования, науки и молодежной политики Кабинета Министров Республики Узбекистан.
Премьер-министр Республики Узбекистан А. АРИПОВ
г. Ташкент,
2 августа 2017 г.,
№ 575