UzbekAI

Ўзбекистон Республикаси Президентининг

Фармони

Ўзбекистон Республикаси қурилиш соҳаси ходимлари кунини нишонлаш тўғрисида

Мамлакатимизда қурилиш ва бунёдкорлик ишларига қаратилаётган юксак эътибор натижасида соҳада улкан ютуқлар қўлга киритилмоқда. Шаҳар ва қишлоқ аҳоли пунктларининг меъморий қиёфасини тубдан янгилаш, уларни замонавий шаҳарсозлик талаблари асосида ривожлантириш ҳамда аҳолининг уй-жой ва ижтимоий-маиший шароитини яхшилашга қаратилган комплекс чора-тадбирларнинг амалга оширилиши натижасида бугунги кунда мамлакатимиз улкан қурилиш-бунёдкорлик майдонига айланди.

Мазкур қурилиш-бунёдкорлик ишларини амалга ошириш учун республикамизда 23,8 мингта пудрат ташкилотлари, 31 та бош лойиҳа институти ва 1000 га яқин лойиҳа ташкилотлари фаолият кўрсатмоқда. Мамлакатимизда қурилиш соҳаси учун малакали кадрлар тайёрлаш бўйича 3 та архитектура ва қурилиш институти фаолият олиб бормоқда. Шунингдек, 12 та олий таълим муассасаси ҳамда 390 та касб-ҳунар коллежида қурилиш соҳаси учун мутахассис кадрлар тайёрланади.

2017 йилда республикамиз бўйича барча манбалар ҳисобидан жами 37,5 триллион сўм ҳажмда қурилиш ишлари бажарилиб, ўтган йилга нисбатан 120,5 фоизга ўсиш кузатилади. Натижада жорий йилда жами 15 мингта арзон намунавий уйлар, 191 та арзон кўп қаватли уйлар ва 2,5 мингта ижтимоий соҳа объектлари фойдаланишга топширилади.

Тасдиқланган мақсадли дастурлар доирасида арзон намунавий уй-жойлар, кўп қаватли уйлар ва ижтимоий соҳа объектларидан ташқари, йирик иншоотлар ва инфратузилма объектлари ҳам фойдаланишга топширилмоқда. Жумладан, сўнгги йилларда Тошкент шаҳрида «Бунёдкор» стадиони, «Хаятт Риженси» меҳмонхонаси, «Инҳа» университети филиали, «Минор» масжиди, Фарғона шаҳрида санъат саройи ва футбол стадиони, Жиззах шаҳрида стадион ва универсал спорт комплекси, Урганч шаҳрида универсал спорт комплекси ва Навоий давлат кончилик институти бино-иншоотлари замонавий шаҳарсозлик талаблари асосида барпо этилди.

Қурилиш соҳасини жадал ривожлантириш, қурилишда янги технологиялар ва энергия тежамкор материалларни қўллаш, қурилиш-пудрат ва лойиҳа ташкилотларининг моддий-техник базасини мустаҳкамлаш ва улар учун малакали кадрлар тайёрлаш тизимини кучайтириш соҳа ривожининг янги даврини бошлаб берди.

Соҳада кенг кўламли ислоҳотларнинг амалга оширилиши натижасида бугунги кунга келиб қурилиш соҳаси ўз тараққиётининг янги босқичига кўтарилди.

Республикада амалга оширилаётган қурилиш ва бунёдкорлик ишларини жадаллаштириш, бугунги кунда соҳада қўлга киритилаётган ютуқларни кенг тарғиб этиш ва соҳада фаолият олиб бораётган мутахассисларни рағбатлантириш мақсадида, шунингдек, соҳада меҳнат қилаётган кенг жамоатчиликнинг таклифларини инобатга олиб:

1. 2017 йилдан бошлаб август ойининг иккинчи якшанба куни «Ўзбекистон Республикаси қурилиш соҳаси ходимлари куни» деб эълон қилинсин.

2. Ўзбекистон Республикаси Вазирлар Маҳкамаси, Қорақалпоғистон Республикаси Вазирлар Кенгаши, Тошкент шаҳри ва вилоятлар ҳокимликлари, «Давархитектқурилиш» қўмитаси, мутасадди вазирлик, идора, хўжалик бирлашмалари ва ташкилотлар «Ўзбекистон Республикаси қурилиш соҳаси ходимлари куни»ни соҳага мос тарзда ва тантанали равишда нишонлашни таъминласинлар.

3. Ўзбекистон Миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига «Ўзбекистон Республикаси қурилиш соҳаси ходимлари куни»ни нишонлаш билан боғлиқ тадбирларни кенг ёритиш тавсия этилсин.

4. Ўзбекистон Республикаси Вазирлар Маҳкамаси икки ой муддат ичида «Ўзбекистон Республикаси қурилиш соҳаси ходимлари куни»ни нишонлаш бўйича тегишли қонун лойиҳасини ишлаб чиқсин ва Ўзбекистон Республикаси Олий Мажлиси Қонунчилик палатасига киритсин.

5. Мазкур Фармоннинг ижросини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» акциядорлик жамияти бошқаруви раиси А.Ж. Раматов зиммасига юклансин.

Ўзбекистон Республикаси Президенти Ш.МИРЗИЁЕВ

Тошкент ш.,

2017 йил 7 август,

ПФ-5136-сон

lex.uz

Oʻzbekiston Respublikasi Prezidentining

Farmoni

Oʻzbekiston Respublikasi qurilish sohasi xodimlari kunini nishonlash toʻgʻrisida

Mamlakatimizda qurilish va bunyodkorlik ishlariga qaratilayotgan yuksak eʼtibor natijasida sohada ulkan yutuqlar qoʻlga kiritilmoqda. Shahar va qishloq aholi punktlarining meʼmoriy qiyofasini tubdan yangilash, ularni zamonaviy shaharsozlik talablari asosida rivojlantirish hamda aholining uy-joy va ijtimoiy-maishiy sharoitini yaxshilashga qaratilgan kompleks chora-tadbirlarning amalga oshirilishi natijasida bugungi kunda mamlakatimiz ulkan qurilish-bunyodkorlik maydoniga aylandi.

Mazkur qurilish-bunyodkorlik ishlarini amalga oshirish uchun respublikamizda 23,8 mingta pudrat tashkilotlari, 31 ta bosh loyiha instituti va 1000 ga yaqin loyiha tashkilotlari faoliyat koʻrsatmoqda. Mamlakatimizda qurilish sohasi uchun malakali kadrlar tayyorlash boʻyicha 3 ta arxitektura va qurilish instituti faoliyat olib bormoqda. Shuningdek, 12 ta oliy taʼlim muassasasi hamda 390 ta kasb-hunar kollejida qurilish sohasi uchun mutaxassis kadrlar tayyorlanadi.

2017-yilda respublikamiz boʻyicha barcha manbalar hisobidan jami 37,5 trillion soʻm hajmda qurilish ishlari bajarilib, oʻtgan yilga nisbatan 120,5 foizga oʻsish kuzatiladi. Natijada joriy yilda jami 15 mingta arzon namunaviy uylar, 191 ta arzon koʻp qavatli uylar va 2,5 mingta ijtimoiy soha obyektlari foydalanishga topshiriladi.

Tasdiqlangan maqsadli dasturlar doirasida arzon namunaviy uy-joylar, koʻp qavatli uylar va ijtimoiy soha obyektlaridan tashqari, yirik inshootlar va infratuzilma obyektlari ham foydalanishga topshirilmoqda. Jumladan, soʻnggi yillarda Toshkent shahrida “Bunyodkor” stadioni, “Xayatt Rijensi” mehmonxonasi, “Inha” universiteti filiali, “Minor” masjidi, Fargʻona shahrida sanʼat saroyi va futbol stadioni, Jizzax shahrida stadion va universal sport kompleksi, Urganch shahrida universal sport kompleksi va Navoiy davlat konchilik instituti bino-inshootlari zamonaviy shaharsozlik talablari asosida barpo etildi.

Qurilish sohasini jadal rivojlantirish, qurilishda yangi texnologiyalar va energiya tejamkor materiallarni qoʻllash, qurilish-pudrat va loyiha tashkilotlarining moddiy-texnik bazasini mustahkamlash va ular uchun malakali kadrlar tayyorlash tizimini kuchaytirish soha rivojining yangi davrini boshlab berdi.

Sohada keng koʻlamli islohotlarning amalga oshirilishi natijasida bugungi kunga kelib qurilish sohasi oʻz taraqqiyotining yangi bosqichiga koʻtarildi.

Respublikada amalga oshirilayotgan qurilish va bunyodkorlik ishlarini jadallashtirish, bugungi kunda sohada qoʻlga kiritilayotgan yutuqlarni keng targʻib etish va sohada faoliyat olib borayotgan mutaxassislarni ragʻbatlantirish maqsadida, shuningdek, sohada mehnat qilayotgan keng jamoatchilikning takliflarini inobatga olib:

1. 2017-yildan boshlab avgust oyining ikkinchi yakshanba kuni “Oʻzbekiston Respublikasi qurilish sohasi xodimlari kuni” deb eʼlon qilinsin.

2. Oʻzbekiston Respublikasi Vazirlar Mahkamasi, Qoraqalpogʻiston Respublikasi Vazirlar Kengashi, Toshkent shahri va viloyatlar hokimliklari, “Davarxitektqurilish” qoʻmitasi, mutasaddi vazirlik, idora, xoʻjalik birlashmalari va tashkilotlar “Oʻzbekiston Respublikasi qurilish sohasi xodimlari kuni”ni sohaga mos tarzda va tantanali ravishda nishonlashni taʼminlasinlar.

3. Oʻzbekiston Milliy teleradiokompaniyasi, Oʻzbekiston Milliy axborot agentligi va boshqa ommaviy axborot vositalariga “Oʻzbekiston Respublikasi qurilish sohasi xodimlari kuni”ni nishonlash bilan bogʻliq tadbirlarni keng yoritish tavsiya etilsin.

4. Oʻzbekiston Respublikasi Vazirlar Mahkamasi ikki oy muddat ichida “Oʻzbekiston Respublikasi qurilish sohasi xodimlari kuni”ni nishonlash boʻyicha tegishli qonun loyihasini ishlab chiqsin va Oʻzbekiston Respublikasi Oliy Majlisi Qonunchilik palatasiga kiritsin.

5. Mazkur Farmonning ijrosini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” aksiyadorlik jamiyati boshqaruvi raisi A.J. Ramatov zimmasiga yuklansin.

Oʻzbekiston Respublikasi Prezidenti Sh.MIRZIYOEV

Toshkent sh.,

2017-yil 7-avgust,

PF-5136-son

lex.uz

Президента Республики Узбекистан

Указ

О праздновании Дня работников сферы строительства Республики Узбекистан

Благодаря огромному вниманию, уделяемому осуществлению строительных и созидательных работ в нашей стране, достигаются большие успехи в сфере строительства. В результате реализации комплексных мер по коренному обновлению архитектурного облика городов и сельских населенных пунктов, их дальнейшему развитию в соответствии с современными градостроительными требованиями, а также по улучшению жилищных и социально-бытовых условий населения наша страна сегодня превратилась в огромную строительную площадку.

Для реализации этих строительных и созидательных работ в республике осуществляют свою деятельность 23,8 тысячи подрядных организаций, 31 головной проектный институт и около 1000 проектных организаций. Кроме того, подготовкой квалифицированных кадров для строительной отрасли занимаются 3 архитектурно-строительных института, в 12 высших учебных заведениях и 390 профессиональных колледжах осуществляется обучение специалистов для сферы строительства.

В 2017 году по республике за счет всех источников осуществлены строительные работы на 37,5 триллиона сумов, вследствие чего общий объем по сравнению с прошлым годом составил 120,5 процента. В результате в текущем году будут введены в эксплуатацию 15 тысяч доступных типовых жилых домов, 191 многоэтажный жилой дом и 2,5 тысячи объектов социальной сферы.

Кроме доступных типовых жилых домов, многоэтажного жилья и объектов социальной сферы в рамках утвержденных целевых программ также вводятся в эксплуатацию крупные сооружения и объекты инфраструктуры. В том числе за последние годы возведены в соответствии с современными градостроительными требованиями такие объекты, как стадион «Бунёдкор», гостиница «Хаятт Риженси», здание филиала университета Инха и мечеть Минор в Ташкенте, Дворец искусств и футбольный стадион в Фергане, стадион и универсальный спортивный комплекс в Джизаке, универсальный спортивный комплекс в Ургенче, а также здания и сооружения Навоийского государственного горного института.

Ускоренное развитие строительной отрасли, использование в строительстве новых технологий и энергоэффективных материалов, укрепление материально-технической базы строительных подрядных и проектных организаций, а также усовершенствование системы подготовки квалифицированных кадров стали новым этапом в развитии сферы.

В результате осуществления в сфере широкомасштабных реформ сегодня строительная отрасль выходит на новый уровень своего развития.

В целях ускорения осуществляемых в республике строительных и созидательных работ, широкой пропаганды успехов, достигаемых в сфере строительства, и стимулирования специалистов, а также с учетом предложений широкой общественности, работающей в строительной сфере:

1. Объявить начиная с 2017 года второе воскресенье августа Днем работников сферы строительства Республики Узбекистан.

2. Кабинету Министров Республики Узбекистан, Совету Министров Республики Каракалпакстан, хокимиятам областей и города Ташкента, Госархитектстрою совместно с заинтересованными министерствами, ведомствами, хозяйственными объединениями и организациями обеспечить проведение празднования Дня работников сферы строительства Республики Узбекистан с учетом профессиональных традиций в торжественной обстановке.

3. Рекомендовать Национальной телерадиокомпании, Национальному информационному агентству Узбекистана и другим средствам массовой информации широкое освещение мероприятий, связанных с празднованием Дня работников сферы строительства Республики Узбекистан.

4. Кабинету Министров Республики Узбекистан в двухмесячный срок обеспечить разработку проекта соответствующего Закона Республики Узбекистан «О праздновании Дня работников сферы строительства Республики Узбекистан» и внести в Законодательную палату Олий Мажлиса Республики Узбекистан.

5. Контроль за исполнением настоящего Указа возложить на первого заместителя Премьер-министра Республики Узбекистан — председателя правления акционерного общества «Ўзбекистон темир йўллари» А.Ж. Раматова.

Президент Республики Узбекистан Ш.МИРЗИЁЕВ

г. Ташкент,

7 августа 2017 г.,

№ УП-5136

lex.uz