📅 2017-yil 4-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 4 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 4 августа 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 4 August 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил институти фаолиятини ташкил этиш чора-тадбирлари тўғрисида
Тадбиркорлик субъектларининг ҳуқуқлари ва қонуний манфаатларини ҳимоя қилиш кафолатларини кучайтириш, уларнинг фаолиятига давлат органлари асоссиз аралашувининг олдини олиш, хусусий мулк дахлсизлигининг ҳуқуқий механизмларини янада мустаҳкамлаш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакили институтини таъсис этиш тўғрисида» 2017 йил 5 майдаги ПФ-5037-сон Фармонига мувофиқ Ўзбекистон Республикаси Президенти ҳузурида Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил институти (кейинги ўринларда Тадбиркорларнинг ҳуқуқларини ҳимоя қилиш бўйича вакил деб аталади) таъсис этилганлиги маълумот учун қабул қилинсин.
2. Ўзбекистон Республикаси Молия вазирлиги:
2017 йилда Тадбиркорларнинг ҳуқуқларини ҳимоя қилиш бўйича вакил аппаратига жорий таъминот, идора мебели, компьютер техникаси, ташкилий техника сотиб олиш учун асосланган ҳисоб-китоблар бўйича Ўзбекистон Республикаси Вазирлар Маҳкамасининг захира жамғармасидан маблағлар ажратсин;
2018 йилдан бошлаб Тадбиркорларнинг ҳуқуқларини ҳимоя қилиш бўйича вакил аппаратига жорий таъминот, хорижий тиллардаги адабиётларни сотиб олиш, журналларга ва бошқа даврий нашрларга обуна бўлиш учун Ўзбекистон Республикаси Давлат бюджетидан ҳар йили маблағлар ажратишни назарда тутсин;
Тадбиркорларнинг ҳуқуқларини ҳимоя қилиш бўйича вакил аппарати ходимларига транспорт хизмати кўрсатишга лимитлар ажратилишини таъминласин.
3. Белгилансинки, қуйидагилар:
техник кўмаклашиш маблағлари, халқаро ва хорижий ҳукумат, ноҳукумат ташкилотларнинг грантлари;
қонунчиликда тақиқланмаган бошқа манбалар Тадбиркорларнинг ҳуқуқларини ҳимоя қилиш бўйича вакил аппаратини молиялаштиришнинг қўшимча манбалари ҳисобланади.
4. Тадбиркорларнинг ҳуқуқларини ҳимоя қилиш бўйича вакил аппаратини транспорт воситалари билан таъминлаш белгиланган лимитларга мувофиқ Ўзбекистон Республикаси Президенти Администрацияси Молия-хўжалик департаменти томонидан амалга оширилади.
5. Ўзбекистон Республикаси Инвестициялар ва ташқи савдо вазирлиги Ташқи ишлар вазирлиги билан биргаликда Тадбиркорларнинг ҳуқуқларини ҳимоя қилиш бўйича вакил фаолиятини моддий-техник ва ахборот билан таъминлаш учун техник кўмаклашиш маблағлари, халқаро ва хорижий ҳукумат, ноҳукумат ташкилотларнинг грантларини жалб этиш масаласини халқаро ва хорижий ташкилотлар билан ишлаб чиқишда Тадбиркорларнинг ҳуқуқларини ҳимоя қилиш бўйича вакил аппаратига кўмаклашсин.
6. Ўзбекистон Республикаси Ташқи ишлар вазирлиги:
Тадбиркорларнинг ҳуқуқларини ҳимоя қилиш бўйича вакил аппарати ходимларининг хорижий мамлакатларга чиқиб илғор хорижий тажрибани ўрганиши, шунингдек хорижий экспертларни таклиф қилишни ташкил этиш масаласини халқаро ва хорижий ташкилотлар билан ишлаб чиқишда Тадбиркорларнинг ҳуқуқларини ҳимоя қилиш бўйича вакил аппаратига кўмаклашсин;
Тадбиркорларнинг ҳуқуқларини ҳимоя қилиш бўйича вакилнинг буюртманомалари бўйича Тадбиркорларнинг ҳуқуқларини ҳимоя қилиш бўйича вакилнинг фаолиятини моддий-техник ва ахборот билан таъминлаш бўйича лойиҳаларни амалга оширишда иштирок этаётган, шунингдек тажриба алмашаётган хорижий мутахассисларга консуллик йиғимлари ва бошқа йиғимлар ундирилмасдан кириш визалари расмийлаштирилишини таъминласин.
7. Тадбиркорларнинг ҳуқуқларини ҳимоя қилиш бўйича вакил аппарати:
Ўзбекистон Республикаси Вазирлар Маҳкамасининг қарорлари ва фармойишлари, Ўзбекистон Республикаси вазирликлари, давлат қўмиталари ва идоралари томонидан қабул қилинган норматив-ҳуқуқий ҳужжатлар;
Ўзбекистон Республикаси Иқтисодиёт ва молия вазирлиги, Камбағалликни қисқартириш ва бандлик вазирлиги, Ички ишлар вазирлиги, Миллий статистика қўмитаси, Солиқ қўмитаси, Иқтисодиёт ва молия вазирлиги ҳузуридаги Божхона қўмитаси, Бош прокуратура, Олий суднинг статистика ахбороти;
Ахборот ва оммавий коммуникациялар агентлигининг Оммавий коммуникациялар масалалари бўйича марказининг бюллетенлари ва йиллик маълумотномалари;
Ўзбекистон Республикаси Президенти Администрацияси ҳузуридаги Иқтисодий тадқиқотлар ва ислоҳотлар маркази хорижий матбуот шарҳлари ва таҳлилий маърузалари, Ўзбекистон Республикаси Иқтисодиёт ва саноат вазирлиги ҳузуридаги Прогнозлаштириш ва макроиқтисодий тадқиқотлар институти ва Ўзбекистон Республикаси Молия вазирлиги ҳузуридаги Бюджет-солиқ тадқиқотлари институтининг таҳлилий материаллари мажбурий тартибда юбориладиган реестрга киритилсин.
8. Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги Тадбиркорларнинг ҳуқуқларини ҳимоя қилиш бўйича вакил аппаратини босма ва китоб маҳсулотларининг (ҳуқуқий, ижтимоий-сиёсий ва иқтисодий нашрлар) бепул назорат нусхасини оладиган ташкилотлар рўйхатига киритсин ва Тадбиркорларнинг ҳуқуқларини ҳимоя қилиш бўйича вакилнинг буюртманомалари бўйича ахборот-таҳлилий ва илмий маҳсулотлар нашр этилишига кўмаклашсин.
9. Ўзбекистон Республикаси Ахборот технологиялари ва коммуникацияларини ривожлантириш вазирлиги Тадбиркорларнинг ҳуқуқларини ҳимоя қилиш бўйича вакил аппаратининг сўрови бўйича белгиланган тартибда:
Тадбиркорларнинг ҳуқуқларини ҳимоя қилиш бўйича вакил аппарати алоқанинг зарур турлари ва воситалари, шу жумладан Ҳукумат алоқаси билан жиҳозланишини, шунингдек бутунжаҳон Интернет ахборот тармоғидан кенг полосали фойдаланишини;
Ўзбекистон Миллий кутубхонаси билан биргаликда Тадбиркорларнинг ҳуқуқларини ҳимоя қилиш бўйича вакил аппаратининг Ўзбекистон Миллий кутубхонасининг ахборот-кутубхона фондидан ва етакчи хорижий лицензион ахборот-кутубхона ресурслари фондларидан доимий равишда электрон фойдаланишини таъминласин.
10. Белгилансинки, Тадбиркорларнинг ҳуқуқларини ҳимоя қилиш бўйича вакил аппарати юридик шахс ҳисобланади, Ўзбекистон Республикасининг Давлат герби тасвири туширилган ва ўз номи ёзилган муҳрга ва бланкаларга, шунингдек қонунчиликка мувофиқ очиладиган банк ҳисоб рақамларига эга бўлади.
12. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Қўчқоров ва молия вазири Б.А. Хўжаев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2017 йил 4 август,
587-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakil instituti faoliyatini tashkil etish chora-tadbirlari toʻgʻrisida
Tadbirkorlik subyektlarining huquqlari va qonuniy manfaatlarini himoya qilish kafolatlarini kuchaytirish, ularning faoliyatiga davlat organlari asossiz aralashuvining oldini olish, xususiy mulk daxlsizligining huquqiy mexanizmlarini yanada mustahkamlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakili institutini taʼsis etish toʻgʻrisida” 2017-yil 5-maydagi PF-5037-son Farmoniga muvofiq Oʻzbekiston Respublikasi Prezidenti huzurida Tadbirkorlik subyektlarining huquqlari va qonuniy manfaatlarini himoya qilish boʻyicha vakil instituti (keyingi oʻrinlarda Tadbirkorlarning huquqlarini himoya qilish boʻyicha vakil deb ataladi) taʼsis etilganligi maʼlumot uchun qabul qilinsin.
2. Oʻzbekiston Respublikasi Moliya vazirligi:
2017-yilda Tadbirkorlarning huquqlarini himoya qilish boʻyicha vakil apparatiga joriy taʼminot, idora mebeli, kompyuter texnikasi, tashkiliy texnika sotib olish uchun asoslangan hisob-kitoblar boʻyicha Oʻzbekiston Respublikasi Vazirlar Mahkamasining zaxira jamgʻarmasidan mablagʻlar ajratsin;
2018-yildan boshlab Tadbirkorlarning huquqlarini himoya qilish boʻyicha vakil apparatiga joriy taʼminot, xorijiy tillardagi adabiyotlarni sotib olish, jurnallarga va boshqa davriy nashrlarga obuna boʻlish uchun Oʻzbekiston Respublikasi Davlat budjetidan har yili mablagʻlar ajratishni nazarda tutsin;
Tadbirkorlarning huquqlarini himoya qilish boʻyicha vakil apparati xodimlariga transport xizmati koʻrsatishga limitlar ajratilishini taʼminlasin.
3. Belgilansinki, quyidagilar:
texnik koʻmaklashish mablagʻlari, xalqaro va xorijiy hukumat, nohukumat tashkilotlarning grantlari;
qonunchilikda taqiqlanmagan boshqa manbalar Tadbirkorlarning huquqlarini himoya qilish boʻyicha vakil apparatini moliyalashtirishning qoʻshimcha manbalari hisoblanadi.
4. Tadbirkorlarning huquqlarini himoya qilish boʻyicha vakil apparatini transport vositalari bilan taʼminlash belgilangan limitlarga muvofiq Oʻzbekiston Respublikasi Prezidenti Administratsiyasi Moliya-xoʻjalik departamenti tomonidan amalga oshiriladi.
5. Oʻzbekiston Respublikasi Investitsiyalar va tashqi savdo vazirligi Tashqi ishlar vazirligi bilan birgalikda Tadbirkorlarning huquqlarini himoya qilish boʻyicha vakil faoliyatini moddiy-texnik va axborot bilan taʼminlash uchun texnik koʻmaklashish mablagʻlari, xalqaro va xorijiy hukumat, nohukumat tashkilotlarning grantlarini jalb etish masalasini xalqaro va xorijiy tashkilotlar bilan ishlab chiqishda Tadbirkorlarning huquqlarini himoya qilish boʻyicha vakil apparatiga koʻmaklashsin.
6. Oʻzbekiston Respublikasi Tashqi ishlar vazirligi:
Tadbirkorlarning huquqlarini himoya qilish boʻyicha vakil apparati xodimlarining xorijiy mamlakatlarga chiqib ilgʻor xorijiy tajribani oʻrganishi, shuningdek xorijiy ekspertlarni taklif qilishni tashkil etish masalasini xalqaro va xorijiy tashkilotlar bilan ishlab chiqishda Tadbirkorlarning huquqlarini himoya qilish boʻyicha vakil apparatiga koʻmaklashsin;
Tadbirkorlarning huquqlarini himoya qilish boʻyicha vakilning buyurtmanomalari boʻyicha Tadbirkorlarning huquqlarini himoya qilish boʻyicha vakilning faoliyatini moddiy-texnik va axborot bilan taʼminlash boʻyicha loyihalarni amalga oshirishda ishtirok etayotgan, shuningdek tajriba almashayotgan xorijiy mutaxassislarga konsullik yigʻimlari va boshqa yigʻimlar undirilmasdan kirish vizalari rasmiylashtirilishini taʼminlasin.
7. Tadbirkorlarning huquqlarini himoya qilish boʻyicha vakil apparati:
Oʻzbekiston Respublikasi Vazirlar Mahkamasining qarorlari va farmoyishlari, Oʻzbekiston Respublikasi vazirliklari, davlat qoʻmitalari va idoralari tomonidan qabul qilingan normativ-huquqiy hujjatlar;
Oʻzbekiston Respublikasi Iqtisodiyot va moliya vazirligi, Kambagʻallikni qisqartirish va bandlik vazirligi, Ichki ishlar vazirligi, Milliy statistika qoʻmitasi, Soliq qoʻmitasi, Iqtisodiyot va moliya vazirligi huzuridagi Bojxona qoʻmitasi, Bosh prokuratura, Oliy sudning statistika axboroti;
Axborot va ommaviy kommunikatsiyalar agentligining Ommaviy kommunikatsiyalar masalalari boʻyicha markazining byulletenlari va yillik maʼlumotnomalari;
Oʻzbekiston Respublikasi Prezidenti Administratsiyasi huzuridagi Iqtisodiy tadqiqotlar va islohotlar markazi xorijiy matbuot sharhlari va tahliliy maʼruzalari, Oʻzbekiston Respublikasi Iqtisodiyot va sanoat vazirligi huzuridagi Prognozlashtirish va makroiqtisodiy tadqiqotlar instituti va Oʻzbekiston Respublikasi Moliya vazirligi huzuridagi Budjet-soliq tadqiqotlari institutining tahliliy materiallari majburiy tartibda yuboriladigan reyestrga kiritilsin.
8. Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi Tadbirkorlarning huquqlarini himoya qilish boʻyicha vakil apparatini bosma va kitob mahsulotlarining (huquqiy, ijtimoiy-siyosiy va iqtisodiy nashrlar) bepul nazorat nusxasini oladigan tashkilotlar roʻyxatiga kiritsin va Tadbirkorlarning huquqlarini himoya qilish boʻyicha vakilning buyurtmanomalari boʻyicha axborot-tahliliy va ilmiy mahsulotlar nashr etilishiga koʻmaklashsin.
9. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Tadbirkorlarning huquqlarini himoya qilish boʻyicha vakil apparatining soʻrovi boʻyicha belgilangan tartibda:
Tadbirkorlarning huquqlarini himoya qilish boʻyicha vakil apparati aloqaning zarur turlari va vositalari, shu jumladan Hukumat aloqasi bilan jihozlanishini, shuningdek butunjahon Internet axborot tarmogʻidan keng polosali foydalanishini;
Oʻzbekiston Milliy kutubxonasi bilan birgalikda Tadbirkorlarning huquqlarini himoya qilish boʻyicha vakil apparatining Oʻzbekiston Milliy kutubxonasining axborot-kutubxona fondidan va yetakchi xorijiy litsenzion axborot-kutubxona resurslari fondlaridan doimiy ravishda elektron foydalanishini taʼminlasin.
10. Belgilansinki, Tadbirkorlarning huquqlarini himoya qilish boʻyicha vakil apparati yuridik shaxs hisoblanadi, Oʻzbekiston Respublikasining Davlat gerbi tasviri tushirilgan va oʻz nomi yozilgan muhrga va blankalarga, shuningdek qonunchilikka muvofiq ochiladigan bank hisob raqamlariga ega boʻladi.
12. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov va moliya vaziri B.A. Xoʻjayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 4-avgust,
587-son
Кабинета Министров Республики Узбекистан
Постановление
О мерах по организации деятельности института Уполномоченного при Президенте Республики Узбекистан по защите прав и законных интересов субъектов предпринимательства
В целях усиления гарантий защиты прав и законных интересов субъектов предпринимательства, предупреждения необоснованного вмешательства государственных органов в их деятельность, дальнейшего укрепления правовых механизмов неприкосновенности частной собственности Кабинет Министров постановляет:
1. Принять к сведению, что в соответствии с Указом Президента Республики Узбекистан от 5 мая 2017 года № УП-5037 «Об учреждении института Уполномоченного при Президенте Республики Узбекистан по защите прав и законных интересов субъектов предпринимательства» учрежден институт Уполномоченного при Президенте Республики Узбекистан по защите прав и законных интересов субъектов предпринимательства (далее — Уполномоченный по защите прав предпринимателей).
2. Министерству финансов Республики Узбекистан:
выделить в 2017 году аппарату Уполномоченного по защите прав предпринимателей по обоснованным расчетам средства из резервного фонда Кабинета Министров Республики Узбекистан на текущее содержание, приобретение офисной мебели, компьютерной техники, оргтехники;
предусматривать, начиная с 2018 года, ежегодное выделение средств из Государственного бюджета Республики Узбекистан на текущее содержание аппарата Уполномоченного по защите прав предпринимателей, на приобретение литературы на иностранных языках, подписку на журналы и другие периодические издания;
обеспечить выделение лимитов на транспортное обслуживание работников аппарата Уполномоченного по защите прав предпринимателей.
3. Определить, что дополнительными источниками финансирования аппарата Уполномоченного по защите прав предпринимателей являются:
средства технического содействия, гранты международных и иностранных правительственных, неправительственных организаций;
иные источники, не запрещенные законодательством.
4. Принять к сведению, что обеспечение транспортными средствами аппарата Уполномоченного по защите прав предпринимателей осуществляется Финансово-хозяйственным департаментом Администрации Президента Республики Узбекистан в соответствии с установленными лимитами.
5. Министерству инвестиций и внешней торговли совместно с Министерством иностранных дел Республики Узбекистан оказать содействие аппарату Уполномоченного по защите прав предпринимателей в проработке с международными и иностранными организациями вопроса привлечения средств технического содействия, грантов международных и иностранных правительственных, неправительственных организаций для материально-технического и информационного обеспечения его деятельности.
6. Министерству иностранных дел Республики Узбекистан:
оказать содействие аппарату Уполномоченного по защите прав предпринимателей в проработке с международными и иностранными организациями вопроса организации изучения его работниками передового международного опыта с выездом в зарубежные страны, а также приглашения иностранных экспертов;
по заявкам Уполномоченного по защите прав предпринимателей обеспечить оформление въездных виз иностранным специалистам, участвующим в реализации проектов по материально-техническому и информационному обеспечению деятельности Уполномоченного по защите прав предпринимателей, а также обмену опытом, без взимания консульских и иных сборов.
7. Включить аппарат Уполномоченного по защите прав предпринимателей в реестр обязательной рассылки:
постановлений и распоряжений Кабинета Министров Республики Узбекистан, нормативно-правовых актов, принятых министерствами, государственными комитетами и ведомствами Республики Узбекистан;
статистическая информация Министерства экономики и финансов, Министерства по сокращению бедности и занятости, Министерства внутренних дел, Национального статистического комитета, Налогового Комитета, таможенного комитета при Министерстве экономики и финансов, Генеральной прокуратуры, Верховного Суда Республики Узбекистан;
бюллетеней и ежедневных сводок Центра по вопросам массовых коммуникаций Агентства информации и массовых коммуникаций;
обзоров зарубежной прессы и аналитических докладов Центра экономических исследований и реформ при Администрации Президента Республики Узбекистан Института прогнозирования и макроэкономических исследований при Министерстве экономики и промышленности Республики Узбекистан и Института бюджетно-налоговых исследований при Министерстве финансов Республики Узбекистан.
8. Агентству информации и массовых коммуникаций при Администрации Президента Республики Узбекистан включить аппарат Уполномоченного по защите прав предпринимателей в перечень организаций, получающих бесплатный контрольный экземпляр печатной и книжной продукции (правовые, социально-политические и экономические издания) и оказывать содействие в издании информационно-аналитической и научной продукции по заявкам Уполномоченного по защите прав предпринимателей.
9. Министерству по развитию информационных технологий и коммуникаций Республики Узбекистан по запросу аппарата Уполномоченного по защите прав предпринимателей обеспечить в установленном порядке:
оснащение аппарата Уполномоченного по защите прав предпринимателей необходимыми видами и средствами связи, включая правительственную, а также широкополосным доступом к всемирной информационной сети Интернет;
совместно с Национальной библиотекой Узбекистана постоянный электронный доступ аппарата Уполномоченного по защите прав предпринимателей к информационно-библиотечному фонду Национальной библиотеки Узбекистана и фондам ведущих зарубежных лицензионных информационно-библиотечных ресурсов.
10. Определить, что аппарат Уполномоченного по защите прав предпринимателей является юридическим лицом, имеет печать и бланки с изображением Государственного герба Республики Узбекистан и со своим наименованием, а также банковские счета, открываемые в соответствии с законодательством.
12. Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова.
Премьер-министр Республики Узбекистан А. АРИПОВ
г. Ташкент,
4 августа 2017 г.,
№ 587