📅 2017-yil 10-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 10 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 10 августа 2017 г. · Постановления Президента
Официальный текст. Официальный документ. Редакционные примечания не включены.
📅 10 August 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Заргарлик саноатини давлат томонидан қўллаб-қувватлаш чора-тадбирлари тўғрисида
Асрлик миллий анъаналарга асосланган маҳаллий заргарлик ишлаб чиқаришларни тиклаш ва ривожлантириш, бунинг асосида янги иш ўринларини яратиш, аҳолининг юқори сифатли заргарлик буюмларига бўлган эҳтиёжини қондириш ва юқори қўшилган қийматга эга маҳсулотларни ишлаб чиқаришни таъминлаш, шунингдек, «Инсон манфаатлари ва халқ билан мулоқот йили»да 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини амалга ошириш Давлат дастурини ижро этиш мақсадида:
1. Қуйидагилар заргарлик саноатини янада ривожлантиришнинг асосий вазифалари ва йўналишлари этиб белгилансин:
биринчи, республика аҳолисини ўсиб келаётган эҳтиёжини қондиришни таъминлашда маҳаллий заргарлик буюмларини ишлаб чиқаришни сезиларли ошириш. қимматбаҳо металлар ва қимматбаҳо тошлар ишлатилишининг тартиб-таомилларини соддалаштириш ҳисобига заргарлик саноатини янада шакллантириш ва ривожлантириш;
иккинчи, ташқи ва ички бозорларда рақобатдош юқори бадиий заргарлик буюмларини ишлаб чиқаришни таъминлаш, шу жумладан, анъанавий миллий ҳунармандчилик ва нақшлардан фойдаланган ҳолда якка тартибдаги дизайнерлик ишланмаларини яратиш;
учинчи, қимматбаҳо тошларни кейинчалик уларни қайта ишлаш, шу жумладан, қимматбаҳо металлардан бир вазндаги қуймалар, заргарлик ва бошқа буюмларни тайёрлашда замонавий технологик ускуналар ва инновацион ишланмаларни татбиқ этиш бўйича амалий тажрибага эга потенциал инвесторлар ва тўғридан-тўғри хорижий инвестицияларни жалб этиш ҳисобига мавжуд ресурслардан фойдаланишни кенгайтириш;
тўртинчи, заргарлик ишлаб чиқариш тармоқларида ўрта махсус, касб-ҳунар таълим муассасаларида ёш мутахассислар бўлган — технологлар, дизайнерлар, рассомлар ва бошқа талаб этилаётган мутахассислар тайёрлаш ҳисобига соҳанинг кадрлар салоҳиятини мустаҳкамлаш.
2. Белгилансинки, 2017 йилнинг 1 октябридан юридик шахслар ва якка тадбиркорлар томонидан заргарлик ва бошқа қимматбаҳо металлардан турли буюмлар тайёрлаш (кейинги ўринларда — заргарлик буюмлари) Ўзбекистон Республикаси Марказий банки ҳузуридаги Қимматбаҳо металлар агентлиги томонидан бериладиган лицензия асосида мазкур фаолият турига бериладиган Давлат проба палатаси томонидан бериладиган рўйхатдан ўтган рухсатнома бекор қилинган ҳолда амалга оширилади.
3. Заргарлик буюмлари ишлаб чиқарувчиларига қимматбаҳо металларни сотиш механизми қуйидагича белгилансин:
заргарлик буюмларини ишлаб чиқарувчилар заргарлик буюмларини ишлаб чиқариш ҳажмини кўрсатган ҳолда қимматбаҳо металларга бўлган эҳтиёжини назарда тутувчи, Ўзбекистон Республикаси Марказий банки томонидан тасдиқланадиган шаклда буюртманомаларни ваколатли тижорат банкларига шакли бўйича йўллайдилар;
ваколатли тижорат банклари заргарлик буюмлари ишлаб чиқарувчиларнинг эҳтиёжларидан келиб чиққан ҳолда Ўзбекистон Республикаси Марказий банкига қимматбаҳо металларнинг зарур ҳажмда ажратиш тўғрисидаги буюртманомани юборадилар;
Ўзбекистон Республикаси Марказий банки ваколатли тижорат банклар буюртманомалари бўйича қимматбаҳо металларни платина кўринишида 100 граммдан бошлаб, Лондон қимматбаҳо металлар биржасининг эрталабки факсинг баҳосидан келиб чиққан ҳолда, дастлабки тўлов тўлиқ тўлаш шартида миллий валютада ажратади (қимматбаҳо металларнинг соф оғирлигини қайта ҳисобланиб);
ваколатли тижорат банклари заргарлик буюмлари ишлаб чиқарувчиларига 1 фоиздан кўп бўлмаган миқдордаги маржани ундирган ҳолда кейинчалик қайта сотиш ҳуқуқисиз қимматбаҳо металларни сотадилар.
4. «Фонон» давлат илмий-ишлаб чиқариш корхонаси 2017 йил 1 октябрдан бошлаб (кейинги ўринларда — «Фонон» ДИИЧК) Ўзбекистон Республикаси Марказий банки томонидан бериладиган қимматбаҳо металлар ҳисобидан давальческий асосида тайёрланадиган қимматбаҳо металлар ҳисобига платиналарини тегишли вазнда ишлаб чиқаришни таъминласин.
5. Ўзбекистон Республикаси Иқтисодиёт вазирлиги:
Ўзбекистон Республикаси Марказий банки ва Молия вазирлиги билан биргаликда 2017 йилнинг 1 октябридан бошлаб тегишли балансларда Ўзбекистон Республикаси Марказий банки захираларидан заргарлик буюмлари ишлаб чиқарувчиларига қимматбаҳо металлар сотишини назарда тутсин;
Молия вазирлиги Ўзбекистон Республикаси Марказий банки ва Заргарлар уюшмаси билан биргаликда 2017 йилнинг 1 октябригача бўлган муддатда 2017 — 2021 йилларда заргарлик саноатини янада ривожлантириш чора-тадбирлари Дастурини Ўзбекистон Республикаси Вазирлар Маҳкамасига киритсин.
6. Ўзбекистон Республикаси Марказий банки Иқтисодиёт вазирлиги, Молия вазирлиги билан биргаликда бир ой муддатда:
қимматбаҳо металлардан заргарлик буюмларини ишлаб чиқариш фаолиятини лизенциялаш тўғрисидаги Низомни;
заргарлик буюмларини ишлаб чиқариш учун қимматбаҳо металларни сотиш ва ҳисоб-китобларини амалга ошириш тартиби тўғрисидаги Низомни ишлаб чиқсин ва Ўзбекистон Республикаси Вазирлар Маҳкамасига киритсин.
7. Ўзбекистон Республикаси Марказий банки (М. Нурмуратов):
2017 йилнинг 1 октябригача республика ҳудудларида заргарлик буюмларига проба ва тамғани белгилашни амалга оширадиган Давлат проба палатасининг филиалларини белгиланган тартибда ташкил этишни таъминласин;
Ўзбекистон Республикаси Молия вазирлиги билан биргаликда маблағларнинг йўналтирилган қисми Давлат проба палатаси ихтиёрига келиб тушишини назарда тутган ҳолда, палатанинг моддий-техника базасини мустаҳкамлаш учун улардан мақсадли фойдаланишни ҳисобга олиб, проба тўловининг белгиланган ўлчамларини кўриб чиқиш бўйича Ўзбекистон Республикаси Вазирлар Маҳкамасига таклифлар киритсин.
8. Белгилансинки, давлат фойдасига ўтказилган қимматбаҳо ва қимматбаҳо металлардан тайёрланган буюмлар, ярим қимматбаҳо ва қимматбаҳо тошлар ва марваридлар, эгасиз қимматбаҳо буюмлар, топилмалар, шунингдек, давлат фойдасига эгалари томонидан бериб юборилган қимматбаҳо буюмлар (археологик ва музей буюмлари ёки музей коллекцияси, шунингдек, маданий қадрга эга буюмлардан ташқари) миллий валютада тўлиқ олдиндан ҳақ тўлаш шартларида қуйидаги тартибда «Фонон» ДИИЧКга сотилади:
қимматбаҳо металлар учун — Лондон қимматбаҳо металлар биржасининг эрталабки факсинг баҳосида ва Марказий банк курсида ҳақни тўлаш ҳисобварақасида ёзилган санада;
ярим қимматбаҳо ва қимматбаҳо тошлар ҳамда марваридлар учун — «Фонон» ДИИЧКнинг тегишли харажатларини қоплаган ҳолда баҳолаш ташкилотларининг белгиланган тартибда ўтказилган баҳоси асосида.
Ўзбекистон Республикаси Молия вазирлиги Марказий банк билан биргаликда бир ой муддатда қимматбаҳо металл парчалари, ярим қимматбаҳо ва қимматбаҳо тошлар ҳамда марварид кўринишидаги давлат фойдасига айлантирилган бойликларни сотиш тартибини Ўзбекистон Республикаси Вазирлар Маҳкамасига тасдиқлаш учун киритсин.
10. 2018 йилнинг 1 январидан бошлаб:
чакана савдо тармоқларида сотиладиган заргарлик буюмларига бўлган акциз солиғи;
устав фондида (устав капиталида) давлат улуши бўлган корхоналар томонидан амалга ошириладиган ва «Ўзбекистон Республикаси божхона ҳудудида қайта ишлаш» божхона режимида сақланадиган аффинация қилинадиган қимматбаҳо металларни қайта ишлаш жараёнларининг техник иқтисодий асосланишини Ўзбекистон Республикаси Ташқи савдо вазирлиги билан келишиш тартиби бекор қилинсин.
12. Ўзбекистон Республикаси Иқтисодиёт вазирлиги, Молия вазирлиги, Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси ҳамда Тошкент шаҳар ҳокимлигининг Тошкент шаҳри, Учтепа тумани, Заргарлик кўчаси, 46-Б уйда жойлашган «1-Заргарлик корхонаси» давлат корхонаси комплекси мулкини замонавий заргарлик ишлаб чиқаришни ташкил этиш бўйича инвестиция лойиҳасини амалга ошириш учун «Асака» акциядорлик-тижорат банкига топшириш тўғрисидаги таклифи қабул қилинсин.
Ўзбекистон Республикаси Вазирлар Маҳкамаси икки ой муддатда мазкур объект негизида рақобатдош замонавий заргарлик буюмларини ишлаб чиқариш билан бирга 2018 йилнинг охирига қадар ишга туширишни ташкил этиш бўйича қарор қабул қилсин.
13. Ўзбекистон Республикаси Марказий банки (М. Нурмуратов) Адлия вазирлиги (М. Икромов), бошқа манфаатдор вазирликлар ва идоралар билан биргаликда бир ой муддатда:
қонун ҳужжатларига мазкур қарордан келиб чиқадиган ўзгартиш ва қўшимчалар тўғрисидаги таклифларни Ўзбекистон Республикаси Вазирлар Маҳкамасига киритсин;
ўзлари қабул қилган норматив-ҳуқуқий ҳужжатларини ушбу қарорга мувофиқлаштиришни таъминласин.
14. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, молия вазири Б.А. Ходжаев ва Ўзбекистон Республикаси Марказий банки раиси М.Б. Нурмуратов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 10 август,
ПҚ-3199-сон
Oʻzbekiston Respublikasi Prezidentining
Qarori
Zargarlik sanoatini davlat tomonidan qoʻllab-quvvatlash chora-tadbirlari toʻgʻrisida
Asrlik milliy anʼanalarga asoslangan mahalliy zargarlik ishlab chiqarishlarni tiklash va rivojlantirish, buning asosida yangi ish oʻrinlarini yaratish, aholining yuqori sifatli zargarlik buyumlariga boʻlgan ehtiyojini qondirish va yuqori qoʻshilgan qiymatga ega mahsulotlarni ishlab chiqarishni taʼminlash, shuningdek, “Inson manfaatlari va xalq bilan muloqot yili”da 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini amalga oshirish Davlat dasturini ijro etish maqsadida:
1. Quyidagilar zargarlik sanoatini yanada rivojlantirishning asosiy vazifalari va yoʻnalishlari etib belgilansin:
birinchi, respublika aholisini oʻsib kelayotgan ehtiyojini qondirishni taʼminlashda mahalliy zargarlik buyumlarini ishlab chiqarishni sezilarli oshirish. qimmatbaho metallar va qimmatbaho toshlar ishlatilishining tartib-taomillarini soddalashtirish hisobiga zargarlik sanoatini yanada shakllantirish va rivojlantirish;
ikkinchi, tashqi va ichki bozorlarda raqobatdosh yuqori badiiy zargarlik buyumlarini ishlab chiqarishni taʼminlash, shu jumladan, anʼanaviy milliy hunarmandchilik va naqshlardan foydalangan holda yakka tartibdagi dizaynerlik ishlanmalarini yaratish;
uchinchi, qimmatbaho toshlarni keyinchalik ularni qayta ishlash, shu jumladan, qimmatbaho metallardan bir vazndagi quymalar, zargarlik va boshqa buyumlarni tayyorlashda zamonaviy texnologik uskunalar va innovatsion ishlanmalarni tatbiq etish boʻyicha amaliy tajribaga ega potensial investorlar va toʻgʻridan-toʻgʻri xorijiy investitsiyalarni jalb etish hisobiga mavjud resurslardan foydalanishni kengaytirish;
toʻrtinchi, zargarlik ishlab chiqarish tarmoqlarida oʻrta maxsus, kasb-hunar taʼlim muassasalarida yosh mutaxassislar boʻlgan — texnologlar, dizaynerlar, rassomlar va boshqa talab etilayotgan mutaxassislar tayyorlash hisobiga sohaning kadrlar salohiyatini mustahkamlash.
2. Belgilansinki, 2017-yilning 1-oktabridan yuridik shaxslar va yakka tadbirkorlar tomonidan zargarlik va boshqa qimmatbaho metallardan turli buyumlar tayyorlash (keyingi oʻrinlarda — zargarlik buyumlari) Oʻzbekiston Respublikasi Markaziy banki huzuridagi Qimmatbaho metallar agentligi tomonidan beriladigan litsenziya asosida mazkur faoliyat turiga beriladigan Davlat proba palatasi tomonidan beriladigan roʻyxatdan oʻtgan ruxsatnoma bekor qilingan holda amalga oshiriladi.
3. Zargarlik buyumlari ishlab chiqaruvchilariga qimmatbaho metallarni sotish mexanizmi quyidagicha belgilansin:
zargarlik buyumlarini ishlab chiqaruvchilar zargarlik buyumlarini ishlab chiqarish hajmini koʻrsatgan holda qimmatbaho metallarga boʻlgan ehtiyojini nazarda tutuvchi, Oʻzbekiston Respublikasi Markaziy banki tomonidan tasdiqlanadigan shaklda buyurtmanomalarni vakolatli tijorat banklariga shakli boʻyicha yoʻllaydilar;
vakolatli tijorat banklari zargarlik buyumlari ishlab chiqaruvchilarning ehtiyojlaridan kelib chiqqan holda Oʻzbekiston Respublikasi Markaziy bankiga qimmatbaho metallarning zarur hajmda ajratish toʻgʻrisidagi buyurtmanomani yuboradilar;
Oʻzbekiston Respublikasi Markaziy banki vakolatli tijorat banklar buyurtmanomalari boʻyicha qimmatbaho metallarni platina koʻrinishida 100 grammdan boshlab, London qimmatbaho metallar birjasining ertalabki faksing bahosidan kelib chiqqan holda, dastlabki toʻlov toʻliq toʻlash shartida milliy valyutada ajratadi (qimmatbaho metallarning sof ogʻirligini qayta hisoblanib);
vakolatli tijorat banklari zargarlik buyumlari ishlab chiqaruvchilariga 1 foizdan koʻp boʻlmagan miqdordagi marjani undirgan holda keyinchalik qayta sotish huquqisiz qimmatbaho metallarni sotadilar.
4. “Fonon” davlat ilmiy-ishlab chiqarish korxonasi 2017-yil 1-oktabrdan boshlab (keyingi oʻrinlarda — “Fonon” DIICHK) Oʻzbekiston Respublikasi Markaziy banki tomonidan beriladigan qimmatbaho metallar hisobidan davalcheskiy asosida tayyorlanadigan qimmatbaho metallar hisobiga platinalarini tegishli vaznda ishlab chiqarishni taʼminlasin.
5. Oʻzbekiston Respublikasi Iqtisodiyot vazirligi:
Oʻzbekiston Respublikasi Markaziy banki va Moliya vazirligi bilan birgalikda 2017-yilning 1-oktabridan boshlab tegishli balanslarda Oʻzbekiston Respublikasi Markaziy banki zaxiralaridan zargarlik buyumlari ishlab chiqaruvchilariga qimmatbaho metallar sotishini nazarda tutsin;
Moliya vazirligi Oʻzbekiston Respublikasi Markaziy banki va Zargarlar uyushmasi bilan birgalikda 2017-yilning 1-oktabrigacha boʻlgan muddatda 2017 — 2021-yillarda zargarlik sanoatini yanada rivojlantirish chora-tadbirlari Dasturini Oʻzbekiston Respublikasi Vazirlar Mahkamasiga kiritsin.
6. Oʻzbekiston Respublikasi Markaziy banki Iqtisodiyot vazirligi, Moliya vazirligi bilan birgalikda bir oy muddatda:
qimmatbaho metallardan zargarlik buyumlarini ishlab chiqarish faoliyatini lizensiyalash toʻgʻrisidagi Nizomni;
zargarlik buyumlarini ishlab chiqarish uchun qimmatbaho metallarni sotish va hisob-kitoblarini amalga oshirish tartibi toʻgʻrisidagi Nizomni ishlab chiqsin va Oʻzbekiston Respublikasi Vazirlar Mahkamasiga kiritsin.
7. Oʻzbekiston Respublikasi Markaziy banki (M. Nurmuratov):
2017-yilning 1-oktabrigacha respublika hududlarida zargarlik buyumlariga proba va tamgʻani belgilashni amalga oshiradigan Davlat proba palatasining filiallarini belgilangan tartibda tashkil etishni taʼminlasin;
Oʻzbekiston Respublikasi Moliya vazirligi bilan birgalikda mablagʻlarning yoʻnaltirilgan qismi Davlat proba palatasi ixtiyoriga kelib tushishini nazarda tutgan holda, palataning moddiy-texnika bazasini mustahkamlash uchun ulardan maqsadli foydalanishni hisobga olib, proba toʻlovining belgilangan oʻlchamlarini koʻrib chiqish boʻyicha Oʻzbekiston Respublikasi Vazirlar Mahkamasiga takliflar kiritsin.
8. Belgilansinki, davlat foydasiga oʻtkazilgan qimmatbaho va qimmatbaho metallardan tayyorlangan buyumlar, yarim qimmatbaho va qimmatbaho toshlar va marvaridlar, egasiz qimmatbaho buyumlar, topilmalar, shuningdek, davlat foydasiga egalari tomonidan berib yuborilgan qimmatbaho buyumlar (arxeologik va muzey buyumlari yoki muzey kolleksiyasi, shuningdek, madaniy qadrga ega buyumlardan tashqari) milliy valyutada toʻliq oldindan haq toʻlash shartlarida quyidagi tartibda “Fonon” DIICHKga sotiladi:
qimmatbaho metallar uchun — London qimmatbaho metallar birjasining ertalabki faksing bahosida va Markaziy bank kursida haqni toʻlash hisobvaraqasida yozilgan sanada;
yarim qimmatbaho va qimmatbaho toshlar hamda marvaridlar uchun — “Fonon” DIICHKning tegishli xarajatlarini qoplagan holda baholash tashkilotlarining belgilangan tartibda oʻtkazilgan bahosi asosida.
Oʻzbekiston Respublikasi Moliya vazirligi Markaziy bank bilan birgalikda bir oy muddatda qimmatbaho metall parchalari, yarim qimmatbaho va qimmatbaho toshlar hamda marvarid koʻrinishidagi davlat foydasiga aylantirilgan boyliklarni sotish tartibini Oʻzbekiston Respublikasi Vazirlar Mahkamasiga tasdiqlash uchun kiritsin.
10. 2018-yilning 1-yanvaridan boshlab:
chakana savdo tarmoqlarida sotiladigan zargarlik buyumlariga boʻlgan aksiz soligʻi;
ustav fondida (ustav kapitalida) davlat ulushi boʻlgan korxonalar tomonidan amalga oshiriladigan va “Oʻzbekiston Respublikasi bojxona hududida qayta ishlash” bojxona rejimida saqlanadigan affinatsiya qilinadigan qimmatbaho metallarni qayta ishlash jarayonlarining texnik iqtisodiy asoslanishini Oʻzbekiston Respublikasi Tashqi savdo vazirligi bilan kelishish tartibi bekor qilinsin.
12. Oʻzbekiston Respublikasi Iqtisodiyot vazirligi, Moliya vazirligi, Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi hamda Toshkent shahar hokimligining Toshkent shahri, Uchtepa tumani, Zargarlik koʻchasi, 46-B uyda joylashgan “1-Zargarlik korxonasi” davlat korxonasi kompleksi mulkini zamonaviy zargarlik ishlab chiqarishni tashkil etish boʻyicha investitsiya loyihasini amalga oshirish uchun “Asaka” aksiyadorlik-tijorat bankiga topshirish toʻgʻrisidagi taklifi qabul qilinsin.
Oʻzbekiston Respublikasi Vazirlar Mahkamasi ikki oy muddatda mazkur obyekt negizida raqobatdosh zamonaviy zargarlik buyumlarini ishlab chiqarish bilan birga 2018-yilning oxiriga qadar ishga tushirishni tashkil etish boʻyicha qaror qabul qilsin.
13. Oʻzbekiston Respublikasi Markaziy banki (M. Nurmuratov) Adliya vazirligi (M. Ikromov), boshqa manfaatdor vazirliklar va idoralar bilan birgalikda bir oy muddatda:
qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisidagi takliflarni Oʻzbekiston Respublikasi Vazirlar Mahkamasiga kiritsin;
oʻzlari qabul qilgan normativ-huquqiy hujjatlarini ushbu qarorga muvofiqlashtirishni taʼminlasin.
14. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, moliya vaziri B.A. Xodjayev va Oʻzbekiston Respublikasi Markaziy banki raisi M.B. Nurmuratov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 10-avgust,
PQ-3199-son
Президента Республики Узбекистан
Постановление
О мерах по государственной поддержке ювелирной промышленности
В целях возрождения и развития отечественного ювелирного производства, основанного на вековых национальных традициях, создания на этой основе новых рабочих мест, обеспечения производства продукции с высокой добавленной стоимостью и удовлетворения населения в высококачественных ювелирных изделиях, а также во исполнение Государственной программы по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год диалога с народом и интересов человека»:
1. Определить важнейшими задачами и направлениями дальнейшего развития ювелирной промышленности:
первое, дальнейшее становление и развитие ювелирной промышленности для обеспечения возрастающей потребности населения республики за счет значительного увеличения производства отечественных ювелирных изделий, упрощения процедуры оборота драгоценных металлов и драгоценных камней;
второе, обеспечение производства конкурентных на внешнем и внутреннем рынках высокохудожественных ювелирных изделий, в том числе созданных на основе индивидуальных дизайнерских разработок с использованием традиционных национальных промыслов и орнаментов;
третье, расширение использования имеющихся ресурсов драгоценных металлов с дальнейшей их глубокой переработкой, в том числе за счет привлечения прямых иностранных инвестиций и потенциальных инвесторов, имеющих практический опыт внедрения современного технологического оборудования и инновационных разработок по производству мерных слитков, ювелирных и других изделий из драгоценных металлов;
четвертое, укрепление кадрового потенциала отрасли за счет подготовки в средних специальных, профессиональных образовательных учреждениях молодых специалистов — технологов, дизайнеров, художников и других востребованных специалистов в сфере ювелирного производства.
2. Установить, что производство ювелирных и других изделий из драгоценных металлов (далее — ювелирные изделия) юридическими лицами и индивидуальными предпринимателями осуществляется на основе лицензии, выдаваемой Государственной пробирной палатой.
3. Определить следующий механизм реализации драгоценных металлов производителям ювелирных изделий:
производители ювелирных изделий направляют заявки в уполномоченные коммерческие банки по формам, утверждаемым Центральным банком Республики Узбекистан, предусматривающие потребность в драгоценных металлах, с указанием объемов для производства ювелирных изделий;
уполномоченные коммерческие банки, исходя из потребности производителей ювелирных изделий, направляют заявку в Центральный банк Республики Узбекистан о выделении необходимых объемов драгоценных металлов;
Центральный банк Республики Узбекистан, по заявкам уполномоченных коммерческих банков, выделяет драгоценные металлы в виде пластин весом, начиная от 100 грамм, за национальную валюту на условиях полной предоплаты, исходя из цены утреннего фиксинга Лондонской биржи драгоценных металлов (в пересчете на чистый вес драгоценных металлов);
уполномоченные коммерческие банки реализуют драгоценные металлы производителям ювелирных изделий без права последующей перепродажи, с взиманием маржи в размере не более 1 процента.
4. Государственному научно-производственному предприятию «Фонон» (далее — ГНПП «Фонон») обеспечить с 1 октября 2017 года производство пластин драгоценных металлов соответствующего веса, изготовляемых на давальческой основе за счет драгоценных металлов, выдаваемых Центральным банком Республики Узбекистан.
5. Министерству экономики республики Узбекистан:
совместно с Центральным банком и Министерством финансов Республики Узбекистан предусматривать в соответствующих балансах выделение с 1 октября 2017 года объемов драгоценных металлов из резервов Центрального банка Республики Узбекистан для реализации производителям ювелирных изделий;
совместно с Министерством финансов, Центральным банком Республики Узбекистан и Ассоциацией ювелиров в срок до 1 октября 2017 года внести в Кабинет Министров Республики Узбекистан Программу мер по дальнейшему развитию ювелирной промышленности на 2017 — 2021 годы.
6. Центральному банку совместно с Министерством экономики, Министерством финансов Республики Узбекистан в месячный срок разработать и в установленном порядке внести в Кабинет Министров Республики Узбекистан проекты:
Положения о лицензировании деятельности по производству ювелирных изделий из драгоценных металлов;
Положения о порядке реализации и осуществления расчетов за драгоценные металлы для производства ювелирных изделий.
7. Центральному банку Республики Узбекистан (М. Нурмуратов):
в срок до 1 октября 2017 года обеспечить создание в регионах республики филиалов Государственной пробирной палаты, осуществляющих в установленном порядке определение пробы и клеймение ювелирных изделий;
совместно с Министерством финансов Республики Узбекистан в месячный срок внести в Кабинет Министров Республики Узбекистан предложения по пересмотру установленных размеров пробирной платы, предусмотрев направление части поступающих средств в распоряжение Государственной пробирной палаты с целевым их использованием на укрепление материально-технической базы палаты.
8. Определить, что обращенные в доход государства ценности в виде лома и изделий из драгоценных металлов, полудрагоценных и драгоценных камней и жемчуга, бесхозяйных ценностей, кладов, а также ценностей, переданных безвозмездно собственниками в доход государства (за исключением археологических и музейных предметов или музейных коллекций, а также изделий, имеющих культурную ценность), реализуются ГНПП «Фонон» за национальную валюту на условиях полной предоплаты в следующем порядке:
за драгоценные металлы — по цене утреннего фиксинга Лондонской биржи драгоценных металлов и курса Центрального банка на дату выписки счета оплаты;
за полудрагоценные и драгоценные камни и жемчуг — на основе проведенных оценочными организациями в установленном порядке оценок с покрытием соответствующих расходов ГНПП «Фонон».
Министерству финансов совместно с Центральным банком Республики Узбекистан в месячный срок внести на утверждение в Кабинет Министров Республики Узбекистан порядок реализации обращенных в доход государства ценностей в виде лома драгоценных металлов, полудрагоценных и драгоценных камней и жемчуга.
10. Отменить с 1 января 2018 года:
акцизный налог на ювелирные изделия, реализуемые в розничной торговой сети;
процедуру согласования с Министерством внешней торговли Республики Узбекистан технико-экономических обоснований процесса переработки аффинированных драгоценных металлов, осуществляемых предприятиями с государственной долей в уставном фонде (уставном капитале), и помещаемых под таможенный режим «переработка на таможенной территории Республики Узбекистан».
12. Принять предложение Министерства экономики, Министерства финансов Республики Узбекистан, Государственного комитета Республики Узбекистан по содействию приватизированным предприятиям и развитию конкуренции и хокимията города Ташкента о передаче имущественного комплекса государственного предприятия «1-Заргарлик корхонаси», расположенного по адресу: г.Ташкент, Учтепинский район, ул. Заргарлик, дом 46-Б, Акционерно-коммерческому банку «Асака» для реализации инвестиционного проекта по созданию современного ювелирного производства.
Кабинету Министров Республики Узбекистан в двухнедельный срок принять постановление по организации на базе данного объекта современного производства конкурентоспособных ювелирных изделий с вводом в эксплуатацию до конца 2018 года.
13. Центральному банку (М. Нурмуратов) совместно с Министерством юстиции (М. Икрамов) Республики Узбекистан, другими заинтересованными министерствами и ведомствами в месячный срок:
внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления;
обеспечить приведение принятых ими нормативно-правовых актов в соответствие с настоящим постановлением.
14. Контроль за исполнением настоящего постановления возложить на Премьер-министра Республики Узбекистан А.Н. Арипова, министра финансов Республики Узбекистан Б.А. Ходжаева и председателя Центрального банка Республики Узбекистан М.Б. Нурмуратова.
Президент Республики Узбекистан Ш. МИРЗИЁЕВ
г. Ташкент,
10 августа 2017 г.,
№ ПП-3199