📅 2017-yil 10-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 10 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 10 августа 2017 г. · Постановления Президента
Официальный текст. Официальный документ. Редакционные примечания не включены.
📅 10 August 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ШАРҲ
Нуфузли халқаро спорт мусобақаларида юксак натижаларга эришган Ўзбекистон спортчиларини жамоат ва спорт ишларига кенг жалб этиш ҳамда спортчиларни ва уларнинг тренерларини рағбатлантириш тўғрисида
Олимпия ва Паралимпия, Осиё ўйинлари ҳамда жаҳон чемпионатларида юксак натижаларга эришган, нуфузли халқаро спорт мусобақаларида Ватанимиз байроғини баланд кўтариб келаётган спортчилар ва уларнинг тренерларини рағбатлантириш, ёш авлодни ватанпарварлик руҳида тарбиялашда уларнинг бой ҳаётий тажрибаси ва салоҳиятидан кенг фойдаланиш, халқаро спорт алоқаларини янада мустаҳкамлаш, жаҳонда Ўзбекистоннинг обрўсини янада юксалтириш мақсадида:
1. Ўзбекистон Республикаси Жисмоний тарбия ва спорт давлат қўмитаси Ўзбекистон ёшлар иттифоқи, Миллий олимпия қўмитаси, спорт федерациялар (уюшмалар) билан биргаликда бир ой муддатда Ўзбекистоннинг машҳур спортчиларини жисмоний тарбия ва спорт соҳасини бошқаришга фаол кўмаклашиш, жамоат ва спорт ишларига босқичма-босқич жалб этишга доир «Катта спортдан кейинги фаолият» ҳаракатлар дастурини ишлаб чиқсин ва тасдиқлаш учун Ўзбекистон Республикаси Вазирлар Маҳкамасига киритсин.
2. 2018 йил 1 январдан бошлаб нуфузли халқаро спорт мусобақаларида юксак натижаларга эришган Ўзбекистон спортчиларига тўланадиган ойлик тўловлар ва уларнинг тренерларига бериладиган бир марталик пул мукофотлари билан рағбатлантириш миқдорлари иловага * мувофиқ тасдиқлансин.
3. Ўзбекистон Республикаси Иқтисодиёт ва молия вазирлиги нуфузли халқаро спорт мусобақаларида юксак натижаларга эришган Ўзбекистон спортчиларига тўланадиган ойлик тўловлар ва уларнинг тренерларига бериладиган бир марталик пул мукофотлари билан рағбатлантириш Ўзбекистон Республикаси Спорт вазирлигининг тегишли йил учун Спорт ва оммавий жисмоний тарбия тадбирларининг календарь режасида ушбу мақсадлар учун кўзда тутилган маблағлар ҳисобидан тўланишини назарда тутсин.
4. Шундай тартиб ўрнатилсинки, унга мувофиқ Олимпия ва Паралимпия ўйинлари ғолиб ва совриндорлари бир йилда бир марта ўзлари учун мақбул бўлган муддатда Ўзбекистон Республикаси Соғлиқни сақлаш вазирлиги, Ўзбекистон Касаба уюшмалари федерацияси, республика давлат ва хўжалик бошқаруви органларининг санаторий-соғломлаштириш муассасаларида соғломлаштириш курсидан бепул фойдаланиш ҳуқуқига эгадирлар.
5. Белгилаб қўйилсинки:
Олимпия ва Паралимпия ўйинлари, нуфузли халқаро спорт мусобақаларида ғолиб ва совриндор бўлган спортчилар учун тўланадиган умрбод ойлик тўловлар ва уларнинг тренерларига бериладиган бир марталик пул мукофотлари жисмоний шахсларнинг даромадларига солинадиган даромад солиғисиз амалга оширилади;
спорт ва оммавий жисмоний тарбия тадбирларининг календарь режаси учун Ўзбекистон Республикаси Спорт вазирлигига ажратиладиган Ўзбекистон Республикаси Давлат бюджети маблағлари, Миллий олимпия қўмитаси маблағлари ва қонун ҳужжатларида тақиқланмаган бошқа манбалар Ўзбекистон спортчиларига тўланадиган ойлик тўловлар ва уларни санаторий-соғломлаштириш муассасаларига юбориш йўлланмалари ҳамда юқори маҳоратли спортчиларни тайёрлаган тренерларга бир марталик пул мукофотлари беришнинг молиялаштириш манбалари ҳисобланади;
нуфузли халқаро спорт мусобақаларида юксак натижаларга эришган Ўзбекистон спортчиларига тўланадиган ойлик тўловлар ва уларнинг тренерларига бериладиган бир марталик пул мукофотлари билан рағбатлантириш Ўзбекистон Республикасида жисмоний тарбия ва оммавий спортни янада ривожлантириш дастури бажарилишини мувофиқлаштирувчи Республика комиссияси (А.Н. Арипов) томонидан кўриб чиқилади ва тақдимномасига кўра Ўзбекистон Республикаси Вазирлар Маҳкамаси фармойишига асосан амалга оширилади.
6. Ўзбекистон Республикаси Вазирлар Маҳкамаси:
икки ой муддатда Олимпия ва Паралимпия ўйинлари ғолиб ва совриндорлари учун тўланадиган умрбод ойлик тўловлар ва юқори маҳоратли спортчиларни тайёрлаган тренерларга тўланадиган бир марталик пул мукофотларини бериш тартиби тўғрисидаги ҳамда Олимпия ва Паралимпия ўйинлари ғолиб ва совриндорларининг саломатлигини санаторий-соғломлаштириш муассасаларида мустаҳкамлаш тартиби тўғрисидаги низомларини ишлаб чиқсин ва тасдиқласин;
икки ой муддатда Ўзбекистоннинг юқори малакали спорт мутахассисларини ва машҳур спортчи ватандошларимизни мамлакатимизга хориж мамлакатлардан олиб келиш, уларни жисмоний тарбия ва оммавий спортни янада ривожлантириш ишларига жалб этиш, уларга зарур шарт-шароитлар яратиш, меҳнатларини моддий рағбатлантириш чора-тадбирлар дастурини тасдиқласин;
уч ой муддатда Олимпия ва Осиё ўйинлари, жаҳон ва Осиё чемпионатлари, мамлакатимизнинг нуфузли спорт мусобақалари ғолиб ва совриндор спортчилари тренерлик фаолияти билан шуғулланишлари учун Жисмоний тарбия ва спорт бўйича мутахассисларни қайта тайёрлаш ва малакасини ошириш институтида улар учун 3 ва 6 ойлик қисқа муддатли махсус ўқув курслари ташкил этсин;
уч ой муддатда Тренерлик фаолияти билан шуғулланиш юзасидан аттестациядан ўтказиш бўйича Республика комиссияси томонидан махсус ўқув курсларини битирган Ўзбекистоннинг машҳур спортчиларига тренерлик фаолияти билан шуғулланишлари учун имтиёзли равишда рухсат бериш тартибини жорий қилсин;
икки ой муддатда Ўзбекистоннинг номдор спортчиларини хусусий спорт муассасаларини ташкил этишга кўмаклашиш, бириктириладиган ҳомий ташкилотларнинг амалий ёрдам бериш турлари (бино ва иншоотлардан бепул фойдаланиш, маблағлар ҳамда спорт анжомлари билан таъминлаш ва ҳ.к.) бўйича таклифлари ва ташаббусларини қўллаб-қувватлаш механизмини белгиловчи тизимни яратиш бўйича чоралар кўрсин;
бир ой муддатда Республика олий спорт маҳорати мактаблари, ихтисослаштирилган болалар-ўсмирлар спорт мактаблари ва Республика спорт мактабларида «Спортчи» лавозимини жорий этиш, уларга ойлик иш ҳақи ва устамалар белгилашни ўз ичига олган Ҳукумат қарорини қабул қилсин.
7. Ўзбекистон Республикаси Жисмоний тарбия ва спорт давлат қўмитаси, Олий ва ўрта махсус таълим вазирлиги икки ой муддатда Ўзбекистон давлат жисмоний тарбия институтида 2018/2019 ўқув йилидан бошлаб сиртқи бўлимни ташкил этиш бўйича таклифларни Вазирлар Маҳкамасига киритсин.
8. Олимпия ўйинларида ғолиб ва совриндор бўлган спортчилар хусусий спорт муассасаларини ташкил этиши учун Ўзбекистон Республикаси Спорт вазирлиги тақдимномасига асосан:
тижорат банклари томонидан имтиёзли ва узоқ муддатли кредитлар ажратилиши тавсия этилсин.
9. Ўзбекистон Республикаси Жисмоний тарбия ва спорт давлат қўмитаси Ўзбекистон ёшлар иттифоқи, Миллий олимпия қўмитаси, спорт турлари бўйича федерациялар (уюшмалар) билан биргаликда бир ой муддатда Олимпия ва Паралимпия, Осиё ўйинлари ҳамда жаҳон чемпионатлари ғолиб ва совриндорларининг бой ҳаётий тажрибаси ва салоҳиятидан кенг фойдаланиш, уларни ёш авлодни ватанпарварлик руҳида тарбиялаш жараёнларига фаол жалб этиш, халқаро спорт ташкилотлари билан алоқаларини янада мустаҳкамлаш, жаҳонда Ўзбекистоннинг обрўсини янада юксалтиришда уларнинг ролини кучайтириш бўйича ҳамкорликдаги комплекс чора-тадбирларни тасдиқласин.
10. Ўзбекистон Матбуот ва ахборот агентлиги Жисмоний тарбия ва спорт давлат қўмитаси, Ўзбекистон Миллий телерадиокомпанияси, Ўзбекистон электрон оммавий ахборот воситалари миллий ассоциацияси, Ўзбекистон Миллий ахборот агентлиги, Миллий олимпия қўмитаси ва бошқа манфаатдор идора ва ташкилотлар билан биргаликда Олимпия ва Осиё ўйинлари, жаҳон ва Осиё чемпионатларида ғолиб ва совриндор бўлган Ўзбекистон спортчилари иштирокидаги реклама маҳсулотларини имтиёзли жойлаштириш тартибини ишлаб чиқсин ва 2018 йил 1 январдан жорий этилишини таъминласин.
11. Ўзбекистон Республикаси Жисмоний тарбия ва спорт давлат қўмитаси манфаатдор вазирлик ва идоралар билан биргаликда икки ой муддатда Ўзбекистоннинг иқтидорли спортчиларини ҳар томонлама қўллаб-қувватлаш, уларнинг ҳуқуқ ва қонуний манфаатларини ҳимоя қилиш, етакчи хорижий спорт муассасаларида шартнома асосида малака оширишларини ташкиллаштириш, халқаро спорт алоқаларини мустаҳкамлаш мақсадида «Ўзбекистон спорт агентлари ва селекционерлари уюшмаси»ни ташкил этиш ва унинг фаолияти учун зарур шарт-шароитлар яратишга доир барча масалаларни ҳал этилишини таъминласин.
12. Ўзбекистон Республикаси Ахборот технологиялари ва коммуникацияларини ривожлантириш вазирлиги, Ўзбекистон Миллий ахборот агентлиги, Ўзбекистон Миллий телерадиокомпанияси, Ўзбекистон Матбуот ва ахборот агентлиги юқори маҳоратли спортчилар ҳамда уларнинг тренерлари фаолияти ва эришган ютуқларини ёш авлодга ўрнак қилиб кўрсатиш мақсадида босма ва электрон оммавий ахборот воситаларида, шу жумладан, Интернет жаҳон ахборот тармоғи орқали аҳоли орасида мунтазам ва кенг ёритилишини таъминласинлар.
13. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг Давлат маслаҳатчиси А.Н. Юнусходжаев зиммасига юклансин.
Ўзбекистон Республикаси Президентининг «Нуфузли халқаро спорт мусобақаларида юксак натижаларга эришган Ўзбекистон спортчиларини жамоат ва спорт ишларига кенг жалб этиш ҳамда спортчиларни ва уларнинг тренерларини рағбатлантириш тўғрисида»ги қарорига
Мустақиллик йилларида Ўзбекистон миллий терма жамоалари спортчиларининг Олимпия ва Осиё ўйинлари, жаҳон ва Осиё чемпионатлари ҳамда халқаро мусобақаларда юксак натижаларни қўлга киритишлари, дунёда Ўзбекистоннинг обрў-эътибори, спорт салоҳияти ва ютуқлари тизимли равишда ошиб боришини таъминлашга йўналтирилган кенг кўламли ишлар амалга оширилди. Мамлакатимизда ёшлар ўртасида тобора оммалашиб бораётган «Умид ниҳоллари», «Баркамол авлод», Универсиада спорт мусобақаларини ўзида мужассамлаган уч босқичдан иборат яхлит тизим яратилди. Мазкур тизим орқали нуфузли халқаро майдонларда Ватанимиз байроғини баланд кўтариб келаётган машҳур спортчилар етишиб чиқмоқда. Бугунги кунда юқори малакали спортчиларни тайёрлашда машаққатли меҳнат ва катта куч талаб этилишини инобатга олган ҳолда спортчиларнинг ўз маҳоратларини мунтазам ошириб боришлари, жисмонан ва маънан етуклигини таъминлаш билан бирга, уларни ижтимоий ҳимоя қилиш ҳамда моддий қўллаб-қувватлаш тизимини такомиллаштириб бориш зарур. Мазкур соҳадаги мавжуд муаммоларни ҳал этиш мақсадида Ўзбекистон Республикаси Президентининг «Нуфузли халқаро спорт мусобақаларида юксак натижаларга эришган Ўзбекистон спортчиларини жамоат ва спорт ишларига кенг жалб этиш ҳамда спортчиларни ва уларнинг тренерларини рағбатлантириш тўғрисида»ги қарори қабул қилинди. Ушбу қарорга мувофиқ кенг миқёсдаги аниқ мақсадли ишлар амалга оширилиши кўзда тутилган. Жумладан, Ўзбекистоннинг машҳур спортчиларини жисмоний тарбия ва спорт соҳасини бошқаришга фаол кўмаклашиш, жамоат ва спорт ишларига босқичма-босқич жалб этишга доир «Катта спортдан кейинги фаолият» ҳаракатлар дастури ишлаб чиқилиши белгиланган. Нуфузли халқаро спорт мусобақаларида юксак натижаларга эришган Ўзбекистон спортчиларига тўланадиган ойлик тўловлар ва уларнинг тренерларини бир марталик пул мукофотлари билан рағбатлантириш миқдорлари белгиланган. Шунингдек, Олимпия ва Паралимпия ўйинлари, нуфузли халқаро спорт мусобақаларида ғолиб ва совриндор бўлган спортчилар учун умрбод тўланадиган ойлик тўловлар ва уларнинг тренерларига бериладиган бир марталик пул мукофотлари жисмоний шахсларнинг даромадларига солинадиган даромад солиғисиз амалга оширилиши назарда тутилган. Юқори маҳоратли спортчилар узлуксиз равишда ўқув-машғулот жараёнида бўлишларини таъминлаш мақсадида, 2018-2019 ўқув йилидан бошлаб Ўзбекистон давлат жисмоний тарбия институтида сиртқи бўлим очиш юзасидан аниқ таклиф киритиш белгиланди. Бу, ўз навбатида, спортчиларга машғулот ва мусобақалар билан боғлиқ фаолиятларидан ажралмаган ҳолда таълим олишларига ҳамда жисмоний тарбия ва спорт соҳаларидаги билимларини оширишга ва келажакда мураббийлар сафига қўшилишларига имконият яратади. Қарорга мувофиқ, Олимпия ва Паралимпия ўйинлари ғолиб ва совриндорлари бир йилда бир марта ўзлари учун мақбул бўлган муддатда санаторий-соғломлаштириш муассасаларида соғломлаштириш курсидан бепул фойдаланиш ҳуқуқига эга бўладилар. Олимпия ва Осиё ўйинлари, жаҳон ва Осиё чемпионатлари, мамлакатимизнинг нуфузли спорт мусобақалари ғолиб ва совриндор спортчилари тренерлик фаолияти билан шуғулланишлари учун Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш марказида 3 ва 6 ойлик қисқа муддатли махсус ўқув курслари ташкил этилиши ва Ўзбекистоннинг машҳур спортчиларига тренерлик фаолияти билан шуғулланишлари учун имтиёзли равишда рухсат бериш тартиби жорий этилиши кўзда тутилган. Ўзбекистоннинг машҳур спортчиларига хусусий спорт муассасаларини барпо этиб, ўзларининг маҳорат мактаблари фаолиятини кенг йўлга қўйиш имкониятини яратиш мақсадида уларга «ноль» қийматида бинолар бериш, ер ҳамда банклардан кредитлар ажратиш, бошқа имтиёзлар бериш юзасидан зарур чоралар кўриш белгиланди. Мазкур қарор Ўзбекистонда спортчи ва мураббийларни моддий рағбатлантириш тизимини янада такомиллаштириш, дунёга машҳур спортчиларимизга хусусий спорт муассасаларини очиш йўли билан нуфузли халқаро мусобақаларда муваффақиятли иштирок этадиган спортчилар захирасини тайёрлашда муносиб ҳиссаларини қўшишларига имконият яратади. Қарор доирасида белгиланган чора-тадбирларнинг амалга оширилиши жисмоний тарбия ва оммавий спортнинг жамиятимиз ҳаётидаги ролини янада кучайтириш, спорт мусобақаларида юксак натижаларга эришган Ўзбекистон спортчиларини жамоат ва спорт ишларига кенг жалб этиш ҳамда спортчилар ва уларнинг тренерлари меҳнатини муносиб рағбатлантириш, қолаверса, нуфузли халқаро майдонларда Ватанимиз байроғини баланд кўтариб келаётган машҳур спортчиларимиз сафларини тобора кенгайтиришга хизмат қилади.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 10 август,
ПҚ-3196-сон
Oʻzbekiston Respublikasi Prezidentining
Qarori
SHARH
Nufuzli xalqaro sport musobaqalarida yuksak natijalarga erishgan Oʻzbekiston sportchilarini jamoat va sport ishlariga keng jalb etish hamda sportchilarni va ularning trenerlarini ragʻbatlantirish toʻgʻrisida
Olimpiya va Paralimpiya, Osiyo oʻyinlari hamda jahon chempionatlarida yuksak natijalarga erishgan, nufuzli xalqaro sport musobaqalarida Vatanimiz bayrogʻini baland koʻtarib kelayotgan sportchilar va ularning trenerlarini ragʻbatlantirish, yosh avlodni vatanparvarlik ruhida tarbiyalashda ularning boy hayotiy tajribasi va salohiyatidan keng foydalanish, xalqaro sport aloqalarini yanada mustahkamlash, jahonda Oʻzbekistonning obroʻsini yanada yuksaltirish maqsadida:
1. Oʻzbekiston Respublikasi Jismoniy tarbiya va sport davlat qoʻmitasi Oʻzbekiston yoshlar ittifoqi, Milliy olimpiya qoʻmitasi, sport federatsiyalar (uyushmalar) bilan birgalikda bir oy muddatda Oʻzbekistonning mashhur sportchilarini jismoniy tarbiya va sport sohasini boshqarishga faol koʻmaklashish, jamoat va sport ishlariga bosqichma-bosqich jalb etishga doir “Katta sportdan keyingi faoliyat” harakatlar dasturini ishlab chiqsin va tasdiqlash uchun Oʻzbekiston Respublikasi Vazirlar Mahkamasiga kiritsin.
2. 2018-yil 1-yanvardan boshlab nufuzli xalqaro sport musobaqalarida yuksak natijalarga erishgan Oʻzbekiston sportchilariga toʻlanadigan oylik toʻlovlar va ularning trenerlariga beriladigan bir martalik pul mukofotlari bilan ragʻbatlantirish miqdorlari ilovaga * muvofiq tasdiqlansin.
3. Oʻzbekiston Respublikasi Iqtisodiyot va moliya vazirligi nufuzli xalqaro sport musobaqalarida yuksak natijalarga erishgan Oʻzbekiston sportchilariga toʻlanadigan oylik toʻlovlar va ularning trenerlariga beriladigan bir martalik pul mukofotlari bilan ragʻbatlantirish Oʻzbekiston Respublikasi Sport vazirligining tegishli yil uchun Sport va ommaviy jismoniy tarbiya tadbirlarining kalendar rejasida ushbu maqsadlar uchun koʻzda tutilgan mablagʻlar hisobidan toʻlanishini nazarda tutsin.
4. Shunday tartib oʻrnatilsinki, unga muvofiq Olimpiya va Paralimpiya oʻyinlari gʻolib va sovrindorlari bir yilda bir marta oʻzlari uchun maqbul boʻlgan muddatda Oʻzbekiston Respublikasi Sogʻliqni saqlash vazirligi, Oʻzbekiston Kasaba uyushmalari federatsiyasi, respublika davlat va xoʻjalik boshqaruvi organlarining sanatoriy-sogʻlomlashtirish muassasalarida sogʻlomlashtirish kursidan bepul foydalanish huquqiga egadirlar.
5. Belgilab qoʻyilsinki:
Olimpiya va Paralimpiya oʻyinlari, nufuzli xalqaro sport musobaqalarida gʻolib va sovrindor boʻlgan sportchilar uchun toʻlanadigan umrbod oylik toʻlovlar va ularning trenerlariga beriladigan bir martalik pul mukofotlari jismoniy shaxslarning daromadlariga solinadigan daromad soligʻisiz amalga oshiriladi;
sport va ommaviy jismoniy tarbiya tadbirlarining kalendar rejasi uchun Oʻzbekiston Respublikasi Sport vazirligiga ajratiladigan Oʻzbekiston Respublikasi Davlat budjeti mablagʻlari, Milliy olimpiya qoʻmitasi mablagʻlari va qonun hujjatlarida taqiqlanmagan boshqa manbalar Oʻzbekiston sportchilariga toʻlanadigan oylik toʻlovlar va ularni sanatoriy-sogʻlomlashtirish muassasalariga yuborish yoʻllanmalari hamda yuqori mahoratli sportchilarni tayyorlagan trenerlarga bir martalik pul mukofotlari berishning moliyalashtirish manbalari hisoblanadi;
nufuzli xalqaro sport musobaqalarida yuksak natijalarga erishgan Oʻzbekiston sportchilariga toʻlanadigan oylik toʻlovlar va ularning trenerlariga beriladigan bir martalik pul mukofotlari bilan ragʻbatlantirish Oʻzbekiston Respublikasida jismoniy tarbiya va ommaviy sportni yanada rivojlantirish dasturi bajarilishini muvofiqlashtiruvchi Respublika komissiyasi (A.N. Aripov) tomonidan koʻrib chiqiladi va taqdimnomasiga koʻra Oʻzbekiston Respublikasi Vazirlar Mahkamasi farmoyishiga asosan amalga oshiriladi.
6. Oʻzbekiston Respublikasi Vazirlar Mahkamasi:
ikki oy muddatda Olimpiya va Paralimpiya oʻyinlari gʻolib va sovrindorlari uchun toʻlanadigan umrbod oylik toʻlovlar va yuqori mahoratli sportchilarni tayyorlagan trenerlarga toʻlanadigan bir martalik pul mukofotlarini berish tartibi toʻgʻrisidagi hamda Olimpiya va Paralimpiya oʻyinlari gʻolib va sovrindorlarining salomatligini sanatoriy-sogʻlomlashtirish muassasalarida mustahkamlash tartibi toʻgʻrisidagi nizomlarini ishlab chiqsin va tasdiqlasin;
ikki oy muddatda Oʻzbekistonning yuqori malakali sport mutaxassislarini va mashhur sportchi vatandoshlarimizni mamlakatimizga xorij mamlakatlardan olib kelish, ularni jismoniy tarbiya va ommaviy sportni yanada rivojlantirish ishlariga jalb etish, ularga zarur shart-sharoitlar yaratish, mehnatlarini moddiy ragʻbatlantirish chora-tadbirlar dasturini tasdiqlasin;
uch oy muddatda Olimpiya va Osiyo oʻyinlari, jahon va Osiyo chempionatlari, mamlakatimizning nufuzli sport musobaqalari gʻolib va sovrindor sportchilari trenerlik faoliyati bilan shugʻullanishlari uchun Jismoniy tarbiya va sport boʻyicha mutaxassislarni qayta tayyorlash va malakasini oshirish institutida ular uchun 3 va 6 oylik qisqa muddatli maxsus oʻquv kurslari tashkil etsin;
uch oy muddatda Trenerlik faoliyati bilan shugʻullanish yuzasidan attestatsiyadan oʻtkazish boʻyicha Respublika komissiyasi tomonidan maxsus oʻquv kurslarini bitirgan Oʻzbekistonning mashhur sportchilariga trenerlik faoliyati bilan shugʻullanishlari uchun imtiyozli ravishda ruxsat berish tartibini joriy qilsin;
ikki oy muddatda Oʻzbekistonning nomdor sportchilarini xususiy sport muassasalarini tashkil etishga koʻmaklashish, biriktiriladigan homiy tashkilotlarning amaliy yordam berish turlari (bino va inshootlardan bepul foydalanish, mablagʻlar hamda sport anjomlari bilan taʼminlash va h.k.) boʻyicha takliflari va tashabbuslarini qoʻllab-quvvatlash mexanizmini belgilovchi tizimni yaratish boʻyicha choralar koʻrsin;
bir oy muddatda Respublika oliy sport mahorati maktablari, ixtisoslashtirilgan bolalar-oʻsmirlar sport maktablari va Respublika sport maktablarida “Sportchi” lavozimini joriy etish, ularga oylik ish haqi va ustamalar belgilashni oʻz ichiga olgan Hukumat qarorini qabul qilsin.
7. Oʻzbekiston Respublikasi Jismoniy tarbiya va sport davlat qoʻmitasi, Oliy va oʻrta maxsus taʼlim vazirligi ikki oy muddatda Oʻzbekiston davlat jismoniy tarbiya institutida 2018/2019 oʻquv yilidan boshlab sirtqi boʻlimni tashkil etish boʻyicha takliflarni Vazirlar Mahkamasiga kiritsin.
8. Olimpiya oʻyinlarida gʻolib va sovrindor boʻlgan sportchilar xususiy sport muassasalarini tashkil etishi uchun Oʻzbekiston Respublikasi Sport vazirligi taqdimnomasiga asosan:
tijorat banklari tomonidan imtiyozli va uzoq muddatli kreditlar ajratilishi tavsiya etilsin.
9. Oʻzbekiston Respublikasi Jismoniy tarbiya va sport davlat qoʻmitasi Oʻzbekiston yoshlar ittifoqi, Milliy olimpiya qoʻmitasi, sport turlari boʻyicha federatsiyalar (uyushmalar) bilan birgalikda bir oy muddatda Olimpiya va Paralimpiya, Osiyo oʻyinlari hamda jahon chempionatlari gʻolib va sovrindorlarining boy hayotiy tajribasi va salohiyatidan keng foydalanish, ularni yosh avlodni vatanparvarlik ruhida tarbiyalash jarayonlariga faol jalb etish, xalqaro sport tashkilotlari bilan aloqalarini yanada mustahkamlash, jahonda Oʻzbekistonning obroʻsini yanada yuksaltirishda ularning rolini kuchaytirish boʻyicha hamkorlikdagi kompleks chora-tadbirlarni tasdiqlasin.
10. Oʻzbekiston Matbuot va axborot agentligi Jismoniy tarbiya va sport davlat qoʻmitasi, Oʻzbekiston Milliy teleradiokompaniyasi, Oʻzbekiston elektron ommaviy axborot vositalari milliy assotsiatsiyasi, Oʻzbekiston Milliy axborot agentligi, Milliy olimpiya qoʻmitasi va boshqa manfaatdor idora va tashkilotlar bilan birgalikda Olimpiya va Osiyo oʻyinlari, jahon va Osiyo chempionatlarida gʻolib va sovrindor boʻlgan Oʻzbekiston sportchilari ishtirokidagi reklama mahsulotlarini imtiyozli joylashtirish tartibini ishlab chiqsin va 2018-yil 1-yanvardan joriy etilishini taʼminlasin.
11. Oʻzbekiston Respublikasi Jismoniy tarbiya va sport davlat qoʻmitasi manfaatdor vazirlik va idoralar bilan birgalikda ikki oy muddatda Oʻzbekistonning iqtidorli sportchilarini har tomonlama qoʻllab-quvvatlash, ularning huquq va qonuniy manfaatlarini himoya qilish, yetakchi xorijiy sport muassasalarida shartnoma asosida malaka oshirishlarini tashkillashtirish, xalqaro sport aloqalarini mustahkamlash maqsadida “Oʻzbekiston sport agentlari va seleksionerlari uyushmasi”ni tashkil etish va uning faoliyati uchun zarur shart-sharoitlar yaratishga doir barcha masalalarni hal etilishini taʼminlasin.
12. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi, Oʻzbekiston Milliy axborot agentligi, Oʻzbekiston Milliy teleradiokompaniyasi, Oʻzbekiston Matbuot va axborot agentligi yuqori mahoratli sportchilar hamda ularning trenerlari faoliyati va erishgan yutuqlarini yosh avlodga oʻrnak qilib koʻrsatish maqsadida bosma va elektron ommaviy axborot vositalarida, shu jumladan, Internet jahon axborot tarmogʻi orqali aholi orasida muntazam va keng yoritilishini taʼminlasinlar.
13. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining Davlat maslahatchisi A.N. Yunusxodjayev zimmasiga yuklansin.
Oʻzbekiston Respublikasi Prezidentining “Nufuzli xalqaro sport musobaqalarida yuksak natijalarga erishgan Oʻzbekiston sportchilarini jamoat va sport ishlariga keng jalb etish hamda sportchilarni va ularning trenerlarini ragʻbatlantirish toʻgʻrisida”gi qaroriga
Mustaqillik yillarida Oʻzbekiston milliy terma jamoalari sportchilarining Olimpiya va Osiyo oʻyinlari, jahon va Osiyo chempionatlari hamda xalqaro musobaqalarda yuksak natijalarni qoʻlga kiritishlari, dunyoda Oʻzbekistonning obroʻ-eʼtibori, sport salohiyati va yutuqlari tizimli ravishda oshib borishini taʼminlashga yoʻnaltirilgan keng koʻlamli ishlar amalga oshirildi. Mamlakatimizda yoshlar oʻrtasida tobora ommalashib borayotgan “Umid nihollari”, “Barkamol avlod”, Universiada sport musobaqalarini oʻzida mujassamlagan uch bosqichdan iborat yaxlit tizim yaratildi. Mazkur tizim orqali nufuzli xalqaro maydonlarda Vatanimiz bayrogʻini baland koʻtarib kelayotgan mashhur sportchilar yetishib chiqmoqda. Bugungi kunda yuqori malakali sportchilarni tayyorlashda mashaqqatli mehnat va katta kuch talab etilishini inobatga olgan holda sportchilarning oʻz mahoratlarini muntazam oshirib borishlari, jismonan va maʼnan yetukligini taʼminlash bilan birga, ularni ijtimoiy himoya qilish hamda moddiy qoʻllab-quvvatlash tizimini takomillashtirib borish zarur. Mazkur sohadagi mavjud muammolarni hal etish maqsadida Oʻzbekiston Respublikasi Prezidentining “Nufuzli xalqaro sport musobaqalarida yuksak natijalarga erishgan Oʻzbekiston sportchilarini jamoat va sport ishlariga keng jalb etish hamda sportchilarni va ularning trenerlarini ragʻbatlantirish toʻgʻrisida”gi qarori qabul qilindi. Ushbu qarorga muvofiq keng miqyosdagi aniq maqsadli ishlar amalga oshirilishi koʻzda tutilgan. Jumladan, Oʻzbekistonning mashhur sportchilarini jismoniy tarbiya va sport sohasini boshqarishga faol koʻmaklashish, jamoat va sport ishlariga bosqichma-bosqich jalb etishga doir “Katta sportdan keyingi faoliyat” harakatlar dasturi ishlab chiqilishi belgilangan. Nufuzli xalqaro sport musobaqalarida yuksak natijalarga erishgan Oʻzbekiston sportchilariga toʻlanadigan oylik toʻlovlar va ularning trenerlarini bir martalik pul mukofotlari bilan ragʻbatlantirish miqdorlari belgilangan. Shuningdek, Olimpiya va Paralimpiya oʻyinlari, nufuzli xalqaro sport musobaqalarida gʻolib va sovrindor boʻlgan sportchilar uchun umrbod toʻlanadigan oylik toʻlovlar va ularning trenerlariga beriladigan bir martalik pul mukofotlari jismoniy shaxslarning daromadlariga solinadigan daromad soligʻisiz amalga oshirilishi nazarda tutilgan. Yuqori mahoratli sportchilar uzluksiz ravishda oʻquv-mashgʻulot jarayonida boʻlishlarini taʼminlash maqsadida, 2018-2019 oʻquv yilidan boshlab Oʻzbekiston davlat jismoniy tarbiya institutida sirtqi boʻlim ochish yuzasidan aniq taklif kiritish belgilandi. Bu, oʻz navbatida, sportchilarga mashgʻulot va musobaqalar bilan bogʻliq faoliyatlaridan ajralmagan holda taʼlim olishlariga hamda jismoniy tarbiya va sport sohalaridagi bilimlarini oshirishga va kelajakda murabbiylar safiga qoʻshilishlariga imkoniyat yaratadi. Qarorga muvofiq, Olimpiya va Paralimpiya oʻyinlari gʻolib va sovrindorlari bir yilda bir marta oʻzlari uchun maqbul boʻlgan muddatda sanatoriy-sogʻlomlashtirish muassasalarida sogʻlomlashtirish kursidan bepul foydalanish huquqiga ega boʻladilar. Olimpiya va Osiyo oʻyinlari, jahon va Osiyo chempionatlari, mamlakatimizning nufuzli sport musobaqalari gʻolib va sovrindor sportchilari trenerlik faoliyati bilan shugʻullanishlari uchun Jismoniy tarbiya va sport boʻyicha mutaxassislarni ilmiy-metodik taʼminlash, qayta tayyorlash va malakasini oshirish markazida 3 va 6 oylik qisqa muddatli maxsus oʻquv kurslari tashkil etilishi va Oʻzbekistonning mashhur sportchilariga trenerlik faoliyati bilan shugʻullanishlari uchun imtiyozli ravishda ruxsat berish tartibi joriy etilishi koʻzda tutilgan. Oʻzbekistonning mashhur sportchilariga xususiy sport muassasalarini barpo etib, oʻzlarining mahorat maktablari faoliyatini keng yoʻlga qoʻyish imkoniyatini yaratish maqsadida ularga “nol” qiymatida binolar berish, yer hamda banklardan kreditlar ajratish, boshqa imtiyozlar berish yuzasidan zarur choralar koʻrish belgilandi. Mazkur qaror Oʻzbekistonda sportchi va murabbiylarni moddiy ragʻbatlantirish tizimini yanada takomillashtirish, dunyoga mashhur sportchilarimizga xususiy sport muassasalarini ochish yoʻli bilan nufuzli xalqaro musobaqalarda muvaffaqiyatli ishtirok etadigan sportchilar zaxirasini tayyorlashda munosib hissalarini qoʻshishlariga imkoniyat yaratadi. Qaror doirasida belgilangan chora-tadbirlarning amalga oshirilishi jismoniy tarbiya va ommaviy sportning jamiyatimiz hayotidagi rolini yanada kuchaytirish, sport musobaqalarida yuksak natijalarga erishgan Oʻzbekiston sportchilarini jamoat va sport ishlariga keng jalb etish hamda sportchilar va ularning trenerlari mehnatini munosib ragʻbatlantirish, qolaversa, nufuzli xalqaro maydonlarda Vatanimiz bayrogʻini baland koʻtarib kelayotgan mashhur sportchilarimiz saflarini tobora kengaytirishga xizmat qiladi.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 10-avgust,
PQ-3196-son
Президента Республики Узбекистан
Постановление
КОММЕНТАРИЙ
О широком привлечении спортсменов Узбекистана, достигших высоких результатов на престижных международных спортивных соревнованиях, к общественной и спортивной деятельности, а также поощрении спортсменов и их тренеров
В целях дальнейшего стимулирования деятельности спортсменов, поднимающих флаг нашей Родины на престижных международных спортивных соревнованиях, достигших высоких спортивных результатов на Олимпийских, Паралимпийских и Азиатских играх, а также чемпионатах мира, и их тренеров, широкого использования их богатого жизненного опыта и потенциала в воспитании молодого поколения в духе патриотизма, дальнейшего укрепления престижа и международных спортивных связей Узбекистана:
1. Государственному комитету Республики Узбекистан по физической культуре и спорту совместно с Союзом молодежи Узбекистана, Национальным олимпийским комитетом, спортивными федерациями (ассоциациями) в месячный срок разработать и внести на утверждение в Кабинет Министров Республики Узбекистан программу действий «Деятельность после большого спорта», предусматривающую поэтапное привлечение известных спортсменов Узбекистана к активному содействию управления сферой физической культуры и спорта, общественной и спортивной работе.
2. Утвердить размеры производимых с 1 января 2018 года ежемесячных выплат спортсменам, достигшим высоких результатов на престижных международных спортивных соревнованиях, а также единовременных денежных вознаграждений их тренерам согласно приложению * .
3. Министерству экономики и финансов Республики Узбекистан предусмотреть осуществление ежемесячных выплат спортсменам, достигшим высоких результатов на престижных международных спортивных соревнованиях, а также единовременных денежных вознаграждений их тренерам за счет средств, предусмотренных на эти цели в Календарном плане спортивных и физкультурно-массовых мероприятий Министерства спорта Республики Узбекистан на соответствующий год.
4. Установить порядок, в соответствии с которым победители и призеры Олимпийских и Паралимпийских игр один раз в год в приемлемые для них сроки имеют право бесплатно получить курс оздоровления в санаторно-оздоровительных учреждениях Министерства здравоохранения Республики Узбекистан, Федерации профсоюзов Узбекистана и республиканских органов государственного и хозяйственного управления.
5. Установить, что:
осуществляемая пожизненная ежемесячная выплата победителям и призерам Олимпийских и Паралимпийских игр, а также единовременные денежные вознаграждения их тренерам не облагаются налогом на доходы физических лиц;
источниками финансирования пожизненной ежемесячной выплаты спортсменам Узбекистана и единовременных денежных вознаграждений тренерам, подготовившим высококвалифицированных спортсменов, а также оплаты путевок в санаторно-курортные учреждения являются средства Государственного бюджета Республики Узбекистан, выделяемые Министерству спорта Республики Узбекистан согласно Календарному плану спортивных и физкультурно-массовых мероприятий, Национального олимпийского комитета Узбекистана и других источников, не запрещенных законодательством;
ежемесячные выплаты спортсменам Узбекистана, достигшим высоких результатов на престижных международных спортивных соревнованиях, а также единовременные денежные вознаграждения их тренерам рассматриваются Республиканской комиссией по координации исполнения Программы дальнейшего развития физической культуры и спорта в Республике Узбекистан (А.Н. Арипов) и осуществляются по представлению комиссии на основе распоряжения Кабинета Министров Республики Узбекистан.
6. Кабинету Министров Республики Узбекистан:
в двухмесячный срок утвердить Положения о порядке осуществления пожизненной ежемесячной выплаты победителям и призерам Олимпийских и Паралимпийских игр, единовременного денежного вознаграждения тренерам, подготовившим высококвалифицированных спортсменов, а также порядок прохождения курса оздоровления победителями и призерами Олимпийских и Паралимпийских игр в санаторно-оздоровительных учреждениях;
в двухмесячный срок утвердить программу мер по приглашению в нашу страну из-за рубежа высококвалифицированных спортивных специалистов Узбекистана и известных спортсменов-соотечественников, привлечению их к делу дальнейшего развития физической культуры и массового спорта, созданию необходимых условий для них, материальному стимулированию их труда;
в трехмесячный срок организовать в Институте переподготовки и повышения квалификации специалистов по физической культуре и спорту 3- и 6-месячные краткосрочные специальные учебные курсы тренерской деятельности для победителей и призеров Олимпийских и Азиатских игр, чемпионатов мира и Азии, престижных спортивных соревнований нашей страны;
в трехмесячный срок внедрить порядок выдачи Республиканской комиссией по аттестации тренерской деятельности разрешений на занятие тренерской деятельностью в льготном порядке известным спортсменам Узбекистана, закончившим специальные учебные курсы;
в двухмесячный срок принять меры по созданию системы, определяющей механизм поддержки предложений и инициатив закрепляемых спонсорских организаций по видам практической помощи (бесплатное пользование зданиями и сооружениями, обеспечение финансовыми средствами и спортивным инвентарем и др.) по содействию организации частных спортивных учреждений известных спортсменов Узбекистана;
в месячный срок принять правительственное решение, предусматривающее введение должности «Спортсмен» в республиканских школах высшего спортивного мастерства, специализированных детско-юношеских спортивных школах и республиканских спортивных школах, а также установление по ней заработной платы и надбавок.
7. Государственному комитету Республики Узбекистан по физической культуре и спорту, Министерству высшего и среднего специального образования Республики Узбекистан в двухмесячный срок внести в Кабинет Министров Республики Узбекистан предложения по созданию, начиная с 2018/2019 учебного года, заочного отделения в Узбекском государственном институте физической культуры.
8. На основании представления Министерства спорта Республики Узбекистан для организации частных спортивных учреждений победителей и призеров Олимпийских игр:
рекомендовать коммерческим банкам выделение соответствующих льготных и долгосрочных кредитов.
9. Государственному комитету Республики Узбекистан по физической культуре и спорту совместно с Союзом молодежи Узбекистана, Национальным олимпийским комитетом Узбекистана, федерациями (ассоциациями) по видам спорта в месячный срок утвердить совместный комплекс мер по широкому использованию богатого жизненного опыта и потенциала победителей и призеров Олимпийских, Паралимпийских и Азиатских игр, чемпионатов мира, активному привлечению их к процессу воспитания молодого поколения в духе патриотизма, дальнейшему укреплению связей с международными спортивными организациями, усилению их роли в повышении престижа Узбекистана.
10. Узбекскому агентству по печати и информации совместно с Государственным комитетом по физической культуре и спорту, Национальной телерадиокомпанией Узбекистана, Национальной ассоциацией электронных средств массовой информации Узбекистана, Национальным информационным агентством Узбекистана, Национальным олимпийским комитетом и другими заинтересованными ведомствами и организациями разработать и обеспечить внедрение с 1 января 2018 года порядка льготного размещения рекламной продукции с участием спортсменов Узбекистана, ставших победителями и призерами Олимпийских и Азиатских игр, чемпионатов мира и Азии.
11. Государственному комитету Республики Узбекистан по физической культуре и спорту совместно с заинтересованными министерствами и ведомствами в двухмесячный срок в целях всесторонней поддержки, защиты прав и законных интересов талантливых спортсменов Узбекистана, организации повышения их квалификации в ведущих зарубежных спортивных учреждениях на договорной основе, укрепления международных спортивных связей обеспечить решение всех вопросов, связанных с организацией «Ассоциации спортивных агентов и селекционеров Узбекистана» и созданием необходимых для ее деятельности условий.
12. Министерству по развитию информационных технологий и коммуникаций Республики Узбекистан, Национальному информационному агентству Узбекистана, Национальной телерадиокомпании Узбекистана, Узбекскому агентству по печати и информации обеспечить регулярное и широкое освещение среди населения деятельности и достижений высококвалифицированных спортсменов и их тренеров в печатных и электронных средствах массовой информации, а также в сети Интернет.
13. Контроль за исполнением настоящего постановления возложить на Премьер-министра Республики Узбекистан А.Н. Арипова и Государственного советника Президента Республики Узбекистан А.Н. Юнусходжаева.
к постановлению Президента Республики Узбекистан «О широком привлечении спортсменов Узбекистана, достигших высоких результатов на престижных международных спортивных соревнованиях, к общественной и спортивной деятельности, а также поощрении спортсменов и их тренеров»
За годы независимости в нашей стране осуществлена широкомасштабная работа, благодаря которой национальные сборные команды Узбекистана достигают высоких результатов на Олимпийских и Азиатских играх, чемпионатах мира и Азии, престижных международных турнирах, все более возрастают авторитет, потенциал и успехи Узбекистана на мировой спортивной арене. Создана целостная трехступенчатая система, состоящая из спортивных игр «Умид нихоллари», «Баркамол авлод» и Универсиада, набирающих все большую популярность среди молодежи нашей страны. Эта система воспитывает талантливых спортсменов, высоко поднимающих флаг нашей Родины на престижных международных соревнованиях. Сегодня подготовка высококвалифицированных спортсменов, наряду с постоянным повышением их мастерства, обеспечением физического и духовного развития, требует также решения вопросов их социальной защиты и материальной поддержки. В целях решения имеющихся в данной сфере проблем принято постановление Президента Республики Узбекистан «О широком привлечении спортсменов Узбекистана, достигших высоких результатов на престижных международных спортивных соревнованиях, к общественной и спортивной деятельности, а также поощрении спортсменов и их тренеров». Постановлением предусмотрена реализация целенаправленных мер по дальнейшему развитию спорта. В частности, предусматривается разработка программы действий «Деятельность после большого спорта», направленной на поэтапное привлечение известных спортсменов Узбекистана к активному участию в управлении сферой физической культуры и спорта, общественной и спортивной работе. Утверждены размеры пожизненной ежемесячной выплаты спортсменам Узбекистана, достигшим высоких результатов на престижных международных спортивных соревнованиях, а также единовременных денежных вознаграждений их тренерам. Также установлено, что производимая пожизненная ежемесячная выплата победителям и призерам Олимпийских и Паралимпийских игр, а также единовременные денежные вознаграждения их тренерам не облагаются налогом на доходы физических лиц. С целью создания необходимых условий для непрерывного учебно-тренировочного процесса высококвалифицированных спортсменов поручено внести предложение по открытию, начиная с 2018/2019 учебного года, заочного отделения в Узбекском государственном институте физической культуры. Это позволит спортсменам получать образование без отрыва от тренировочной и соревновательной деятельности, повышать знания в сфере физической культуры и спорта и в будущем пополнить ряды квалифицированных тренеров. В соответствии с постановлением победители и призеры Олимпийских и Паралимпийских игр имеют право один раз в год в удобное для них время бесплатно получить курс оздоровления в санаторно-оздоровительных учреждениях. Постановлением предусмотрена организация в Центре научно-методического обеспечения, переподготовки и повышения квалификации специалистов по физической культуре и спорту 3- и 6-месячных специальных учебных курсов для занятия победителями и призерами Олимпийских и Азиатских игр, чемпионатов мира и Азии, престижных спортивных соревнований нашей страны тренерской деятельностью, а также внедрение порядка выдачи известным спортсменам Узбекистана, закончившим учебные курсы, разрешений на занятие тренерской деятельностью на льготных условиях. Также предусмотрено принятие необходимых мер по выделению известным спортсменам Узбекистана зданий по нулевой стоимости, земельных участков и банковских кредитов для организации ими частных спортивных учреждений и открытия собственных школ мастерства с предоставлением им ряда льгот. Данное постановление позволит усовершенствовать систему материального стимулирования спортсменов и тренеров Узбекистана, создав необходимые условия для того, чтобы известные спортсмены нашей страны, открыв частные спортивные учреждения, могли внести достойный вклад в подготовку спортсменов, способных успешно выступать на престижных международных соревнованиях. Реализация предусмотренных постановлением мер будет способствовать дальнейшему усилению роли физической культуры и массового спорта в жизни нашего общества, широкому привлечению спортсменов Узбекистана, достигших высоких результатов на спортивных соревнованиях, к общественной и спортивной работе, поощрению спортсменов и их тренеров, а также расширению рядов известных спортсменов, высоко поднимающих флаг нашей Родины на престижных международных турнирах.
Президент Республики Узбекистан Ш. МИРЗИЁЕВ
г. Ташкент,
10 августа 2017 г.,
№ ПП-3196