UzbekAI

Ўзбекистон Республикаси Соғлиқни сақлаш вазирлиги Ўзбекистон Республикаси Молия вазирлигининг

Қарори

НИЗОМ

МАЪЛУМОТЛАР

ЖУРНАЛИ (ЭЛЕКТРОН ЖУРНАЛ)

АХБОРОТ

Солиқ имтиёзлари тақдим этилиши натижасида бўшайдиган маблағлар ҳисобидан хусусий тиббиёт муассасаларининг аҳоли ижтимоий ҳимояга муҳтож қатламларига бепул тиббий хизматлар кўрсатиш тартиби тўғрисидаги низомни тасдиқлаш ҳақида

Ўзбекистон Республикаси Президентининг 2017 йил 1 апрелдаги ПҚ-2863-сон «Соғлиқни сақлаш соҳасида хусусий секторини янада ривожлантириш чора-тадбирлари тўғрисида»ги қарорига мувофиқ Ўзбекистон Республикаси Соғлиқни сақлаш вазирлиги ва Молия вазирлиги қарор қилади:

1. Солиқ имтиёзлари тақдим этилиши натижасида бўшайдиган маблағлар ҳисобидан хусусий тиббиёт муассасаларининг аҳоли ижтимоий ҳимояга муҳтож қатламларига бепул тиббий хизматлар кўрсатиш тартиби тўғрисидаги низом иловага мувофиқ тасдиқлансин.

2. Мазкур қарор расмий эълон қилинган кундан эътиборан уч ойдан кейин кучга киради.

Ўзбекистон Республикаси Соғлиқни сақлаш вазирлиги ва Молия вазирлигининг 2017 йил 25 июлдаги 96 ва 115-сон қарорига ИЛОВА

Мазкур Низом Ўзбекистон Республикаси Президентининг 2017 йил 1 апрелдаги ПҚ-2863-сон «Соғлиқни сақлаш соҳасида хусусий секторни янада ривожлантириш чора-тадбирлари тўғрисида»ги қарорига мувофиқ солиқ имтиёзлари тақдим этилиши натижасида бўшайдиган маблағлар ҳисобидан хусусий тиббиёт муассасаларининг аҳоли ижтимоий ҳимояга муҳтож қатламларига бепул тиббий хизматлар кўрсатиш тартибини белгилайди.

1-боб. Умумий қоидалар

1. Мазкур Низомнинг талаблари аҳолига пуллик тиббий хизматлар кўрсатадиган (стоматология ва косметология хизматларидан ташқари) хусусий тиббиёт муассасалари жумладан, хорижий инвесторлар иштирокидаги хусусий тиббиёт муассасаларига (бундан буён матнда хусусий тиббиёт муассасалари) нисбатан татбиқ этилади.

2. Хусусий тиббиёт муассасалари томонидан аҳолининг қуйидаги ижтимоий ҳимояга муҳтож қатламларига (бундан буён матнда ижтимоий ҳимояга муҳтож шахс деб юритилади) бепул тиббий хизматлар кўрсатилади:

ўзгаларнинг парваришига муҳтож бўлган ёлғиз кексалар ва ёлғиз яшовчи кексалар;

I ва II гуруҳ ногиронлари, ногирон болалар;

муомалага лаёқатсиз ва муомала лаёқати чекланган фуқаролар;

ижтимоий аҳамиятга молик касалликларга чалинган шахслар;

етим болалар ва ота-она қарамоғидан маҳрум бўлган болалар;

1941–1945 йиллардаги уруш ногиронлари ва қатнашчилари, шунингдек уларга тенглаштирилган шахслар;

1941–1945 йиллардаги уруш даврида меҳнат жабҳасининг қатнашчилари;

қонунчилик ҳужжатларида белгиланган тартибда ижтимоий ҳимояга муҳтож деб топилган бошқа шахслар.

2-боб. Хусусий тиббиёт муассасалари томонидан ижтимоий ҳимояга муҳтож шахсларга бепул тиббий хизматлар кўрсатиш

3. Хусусий тиббиёт муассасалари томонидан ижтимоий ҳимояга муҳтож шахсларга бепул тиббий хизматлар кўрсатиш учун уларнинг шахсини ва ижтимоий ҳимояга муҳтож қатламга мансублигини тасдиқловчи ҳужжатларининг мавжудлиги асос бўлади.

4. Ижтимоий ҳимояга муҳтож шахсларга кўрсатиладиган бепул тиббий хизматларнинг турлари ва ҳажми тиббий фаолиятни амалга ошириш учун берилган лицензияда кўрсатилган ихтисосликлар доирасида ташхис қўйиш ва даволаш имкониятларидан келиб чиққан ҳолда хусусий тиббиёт муассасалари томонидан мустақил равишда белгиланади.

5. Хусусий тиббиёт муассасалари томонидан ижтимоий ҳимояга муҳтож шахсларнинг бепул тиббий хизмат олиш бўйича мурожаатлари Ўзбекистон Республикаси Соғлиқни сақлаш вазирлигининг расмий веб-сайтидаги махсус электрон базага мурожаат қилинган кунда мазкур Низомнинг 1-иловасига мувофиқ шаклда мурожаат этувчиларнинг навбатини кўрсатган ҳолда он-лайн тизимида киритиб борилади.

6. Ижтимоий ҳимояга муҳтож шахсларнинг бепул тиббий хизмат олиш бўйича мурожаатлари мазкур Низомнинг 2-иловасига мувофиқ шаклда хусусий тиббиёт муассасалари томонидан юритиладиган махсус журналда қайд этиб борилади. Мазкур журнал электрон шаклда юритилиши мумкин.

7. Хусусий тиббиёт муассасалари томонидан ижтимоий ҳимояга муҳтож шахсларга бепул тиббий хизматларни кўрсатишда Ўзбекистон Республикаси Соғлиқни сақлаш вазирлиги томонидан тасдиқланган ва (ёки) халқаро тиббий амалиётда синовдан ўтган профилактика усуллари, диагностика ва даволаш стандартларига риоя қилиниши лозим.

3-боб. Хусусий тиббиёт муассасалари томонидан кўрсатиладиган бепул тиббий хизматларнинг ҳажми ва миқдорини белгилаш

8. Хусусий тиббиёт муассасалари томонидан ижтимоий ҳимояга муҳтож шахсларга жорий йилда кўрсатиладиган бепул тиббий хизматлар ҳажми ва сарфланадиган маблағлар миқдори олдинги йил якунлари бўйича солиқ имтиёзлари тақдим этилиши натижасида ҳақиқатда бўшаган жами маблағларнинг 25 фоизидан кам бўлмаган қисмини ташкил этиши лозим.

9. Ижтимоий ҳимояга муҳтож шахсларга кўрсатиладиган бепул тиббий хизматларнинг йиллик ҳажми ва уларга сарфланадиган маблағларнинг умумий миқдори хусусий тиббиёт муассасасида кўрсатиладиган тиббий хизматлар учун белгиланган нархлардан келиб чиққан ҳолда аниқланади.

Хусусий тиббиёт муассасалари томонидан кўрсатилиши режалаштирилган бепул тиббий хизматларнинг йиллик ҳажми ойма-ой тақсимланади.

10. Хусусий тиббиёт муассасалари томонидан ойма-ой тақсимот асосида ижтимоий ҳимояга муҳтож шахсларга бепул тиббий хизматлар навбат бўйича кўрсатилади.

Белгиланган ойда кўрсатилмасдан қолган бепул тиббий хизматлар тегишли равишда кейинги ойларда кўрсатилиши лозим.

11. Хусусий тиббиёт муассасалари томонидан ижтимоий ҳимояга муҳтож шахсларга кўрсатилиши режалаштирилган бепул тиббий хизматлар йиллик ҳажмининг ойма-ой тақсимоти муассасага кириш ёки мижозлар учун кўринадиган жойда ҳамда маълумотлар пештахтасида мазкур Низомнинг 3-иловага мувофиқ шаклда жойлаштирилади.

Мазкур маълумотлар хусусий тиббиёт муассасаси томонидан мазкур Низомнинг 3-иловасига мувофиқ шаклда Ўзбекистон Республикаси Соғлиқни сақлаш вазирлигининг расмий веб-сайтидаги махсус электрон базага ҳам киритиб борилади.

12. Ўзбекистон Республикаси Соғлиқни сақлаш вазирлиги мазкур Низомнинг 1 ва 3-иловаларида келтирилган маълумотларни интернет тармоғи орқали аҳолига доимий равишда етказиб турилишини таъминлаш мақсадида Ўзбекистон Республикаси Соғлиқни сақлаш вазирлигининг расмий веб-сайтида он-лайн тизимида доимий равишда янгилаб боради.

4-боб. Ҳисобот ва ҳисобдорлик

13. Хусусий тиббиёт муассасалари йиллик молиявий ҳисобот билан биргаликда солиқ имтиёзлари тақдим этилиши натижасида бўшайдиган маблағларни мақсадли сарф қилинганлиги тасдиқлаш учун Юридик шахсларга, солиқлар, божхона ва мажбурий тўловларни бюджетга тўлаш бўйича берилган имтиёзларни расмийлаштириш ва бухгалтерлик ҳисобида акс эттириш тартиби тўғрисидаги низомга (рўйхат рақами 1463, 2005 йил 2 апрель) мувофиқ унинг 1-иловасида кўрсатилган шакл бўйича давлат солиқ органларига ҳисобот тақдим этади.

5-боб. Якуний қоидалар

14. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавобгар бўладилар.

15. Мазкур Низом Ўзбекистон Республикаси Савдо-саноат палатаси ва Ўзбекистон хусусий амалиёт врачлари ассоциацияси билан келишилган.

Ўзбекистон Республикаси Соғлиқни сақлаш вазирлигининг расмий веб-сайтидаги махсус электрон базага киритиладиган

Т/р Мурожаат санаси ва вақти Мурожаат қилувчи шахснинг Ф.И.О. (ишончли вакил, васий ёки ҳомийнинг Ф.И.О.) Бепул тиббий хизматни олиш навбати (санаси ва вақти) Кўрсатилган бепул тиббий хизматнинг тури, ҳажми, санаси ва вақти 1 2 4 5

Ижтимоий ҳимояга муҳтож шахсларнинг мурожаатларини қайд қилиш

Т/р Мурожаат санаси ва вақти Мурожаат қилувчи шахснинг Ф.И.О. (ишончли вакил, васий ёки ҳомийнинг Ф.И.О.) Мурожаат қилувчи шахснинг яшаш манзили ва телефон рақами Мурожаат қилувчи шахснинг туғилган йили ва санаси Мурожаат қилувчининг ижтимоий ҳимояга муҳтож қатламга мансублигини тасдиқловчи ҳужжат Бепул тиббий хизмат кўрсатишни рад этиш сабаби (агар рад этилган бўлса) Бепул тиббий хизматни олиш навбати (санаси ва вақти) Аниқланган ташхис (Касалликларнинг халқаро таснифи (КХТ-10) бўйича) Кўрсатилган бепул тиббий хизматнинг тури, ҳажми, санаси ва вақти Кўрсатилган тиббий хизмат нархи 1 2 3 4 5 6 7 8 9 10

________________________________________ хусусий тиббиёт муассасаси томонидан ижтимоий ҳимояга муҳтож шахсларга (хусусий тиббиёт муассасасининг номи) кўрсатиладиган бепул тиббий хизматлар тўғрисида

Т/р Кўрсатиладиган бепул тиббий хизмат турлари Бепул тиббий хизматлар сонининг ойлар бўйича тақсимоти Январь Февраль Март Апрель Май Июнь Июль Август Сентябрь Октябрь Ноябрь Декабрь Жами 1 2 3 4 5 6 7 8 9 10 11 12 13 14

Соғлиқни сақлаш вазири А. ШАДМАНОВ

Молия вазири Б. ХОДЖАЕВ

Савдо-саноат палатаси раиси А. ИКРАМОВ

Ўзбекистон хусусий амалиёт врачлари ассоциацияси раиси А. ВАИСОВ

Тошкент ш.,

2017 йил 25 июль,

Тошкент ш.,

2017 йил 25 июль,

2017 йил 25 июль

2017 йил 14 июль

96-сон

115-сон

(Ўзбекистон Республикаси қонун ҳужжатлари тўплами, 2017 й., 32-сон, 829-модда; Қонунчилик маълумотлари миллий базаси, 28.07.2021 й., 10/21/3313/0724-сон)

lex.uz

Oʻzbekiston Respublikasi Sogʻliqni saqlash vazirligi Oʻzbekiston Respublikasi Moliya vazirligining

Qarori

NIZOM

MAʼLUMOTLAR

JURNALI (ELEKTRON JURNAL)

AXBOROT

Soliq imtiyozlari taqdim etilishi natijasida boʻshaydigan mablagʻlar hisobidan xususiy tibbiyot muassasalarining aholi ijtimoiy himoyaga muhtoj qatlamlariga bepul tibbiy xizmatlar koʻrsatish tartibi toʻgʻrisidagi nizomni tasdiqlash haqida

Oʻzbekiston Respublikasi Prezidentining 2017-yil 1-apreldagi PQ-2863-son “Sogʻliqni saqlash sohasida xususiy sektorini yanada rivojlantirish chora-tadbirlari toʻgʻrisida”gi qaroriga muvofiq Oʻzbekiston Respublikasi Sogʻliqni saqlash vazirligi va Moliya vazirligi qaror qiladi:

1. Soliq imtiyozlari taqdim etilishi natijasida boʻshaydigan mablagʻlar hisobidan xususiy tibbiyot muassasalarining aholi ijtimoiy himoyaga muhtoj qatlamlariga bepul tibbiy xizmatlar koʻrsatish tartibi toʻgʻrisidagi nizom ilovaga muvofiq tasdiqlansin.

2. Mazkur qaror rasmiy eʼlon qilingan kundan eʼtiboran uch oydan keyin kuchga kiradi.

Oʻzbekiston Respublikasi Sogʻliqni saqlash vazirligi va Moliya vazirligining 2017-yil 25-iyuldagi 96 va 115-son qaroriga ILOVA

Mazkur Nizom Oʻzbekiston Respublikasi Prezidentining 2017-yil 1-apreldagi PQ-2863-son “Sogʻliqni saqlash sohasida xususiy sektorni yanada rivojlantirish chora-tadbirlari toʻgʻrisida”gi qaroriga muvofiq soliq imtiyozlari taqdim etilishi natijasida boʻshaydigan mablagʻlar hisobidan xususiy tibbiyot muassasalarining aholi ijtimoiy himoyaga muhtoj qatlamlariga bepul tibbiy xizmatlar koʻrsatish tartibini belgilaydi.

1-bob. Umumiy qoidalar

1. Mazkur Nizomning talablari aholiga pullik tibbiy xizmatlar koʻrsatadigan (stomatologiya va kosmetologiya xizmatlaridan tashqari) xususiy tibbiyot muassasalari jumladan, xorijiy investorlar ishtirokidagi xususiy tibbiyot muassasalariga (bundan buyon matnda xususiy tibbiyot muassasalari) nisbatan tatbiq etiladi.

2. Xususiy tibbiyot muassasalari tomonidan aholining quyidagi ijtimoiy himoyaga muhtoj qatlamlariga (bundan buyon matnda ijtimoiy himoyaga muhtoj shaxs deb yuritiladi) bepul tibbiy xizmatlar koʻrsatiladi:

oʻzgalarning parvarishiga muhtoj boʻlgan yolgʻiz keksalar va yolgʻiz yashovchi keksalar;

I va II guruh nogironlari, nogiron bolalar;

muomalaga layoqatsiz va muomala layoqati cheklangan fuqarolar;

ijtimoiy ahamiyatga molik kasalliklarga chalingan shaxslar;

yetim bolalar va ota-ona qaramogʻidan mahrum boʻlgan bolalar;

1941–1945-yillardagi urush nogironlari va qatnashchilari, shuningdek ularga tenglashtirilgan shaxslar;

1941–1945-yillardagi urush davrida mehnat jabhasining qatnashchilari;

qonunchilik hujjatlarida belgilangan tartibda ijtimoiy himoyaga muhtoj deb topilgan boshqa shaxslar.

2-bob. Xususiy tibbiyot muassasalari tomonidan ijtimoiy himoyaga muhtoj shaxslarga bepul tibbiy xizmatlar koʻrsatish

3. Xususiy tibbiyot muassasalari tomonidan ijtimoiy himoyaga muhtoj shaxslarga bepul tibbiy xizmatlar koʻrsatish uchun ularning shaxsini va ijtimoiy himoyaga muhtoj qatlamga mansubligini tasdiqlovchi hujjatlarining mavjudligi asos boʻladi.

4. Ijtimoiy himoyaga muhtoj shaxslarga koʻrsatiladigan bepul tibbiy xizmatlarning turlari va hajmi tibbiy faoliyatni amalga oshirish uchun berilgan litsenziyada koʻrsatilgan ixtisosliklar doirasida tashxis qoʻyish va davolash imkoniyatlaridan kelib chiqqan holda xususiy tibbiyot muassasalari tomonidan mustaqil ravishda belgilanadi.

5. Xususiy tibbiyot muassasalari tomonidan ijtimoiy himoyaga muhtoj shaxslarning bepul tibbiy xizmat olish boʻyicha murojaatlari Oʻzbekiston Respublikasi Sogʻliqni saqlash vazirligining rasmiy veb-saytidagi maxsus elektron bazaga murojaat qilingan kunda mazkur Nizomning 1-ilovasiga muvofiq shaklda murojaat etuvchilarning navbatini koʻrsatgan holda on-layn tizimida kiritib boriladi.

6. Ijtimoiy himoyaga muhtoj shaxslarning bepul tibbiy xizmat olish boʻyicha murojaatlari mazkur Nizomning 2-ilovasiga muvofiq shaklda xususiy tibbiyot muassasalari tomonidan yuritiladigan maxsus jurnalda qayd etib boriladi. Mazkur jurnal elektron shaklda yuritilishi mumkin.

7. Xususiy tibbiyot muassasalari tomonidan ijtimoiy himoyaga muhtoj shaxslarga bepul tibbiy xizmatlarni koʻrsatishda Oʻzbekiston Respublikasi Sogʻliqni saqlash vazirligi tomonidan tasdiqlangan va (yoki) xalqaro tibbiy amaliyotda sinovdan oʻtgan profilaktika usullari, diagnostika va davolash standartlariga rioya qilinishi lozim.

3-bob. Xususiy tibbiyot muassasalari tomonidan koʻrsatiladigan bepul tibbiy xizmatlarning hajmi va miqdorini belgilash

8. Xususiy tibbiyot muassasalari tomonidan ijtimoiy himoyaga muhtoj shaxslarga joriy yilda koʻrsatiladigan bepul tibbiy xizmatlar hajmi va sarflanadigan mablagʻlar miqdori oldingi yil yakunlari boʻyicha soliq imtiyozlari taqdim etilishi natijasida haqiqatda boʻshagan jami mablagʻlarning 25 foizidan kam boʻlmagan qismini tashkil etishi lozim.

9. Ijtimoiy himoyaga muhtoj shaxslarga koʻrsatiladigan bepul tibbiy xizmatlarning yillik hajmi va ularga sarflanadigan mablagʻlarning umumiy miqdori xususiy tibbiyot muassasasida koʻrsatiladigan tibbiy xizmatlar uchun belgilangan narxlardan kelib chiqqan holda aniqlanadi.

Xususiy tibbiyot muassasalari tomonidan koʻrsatilishi rejalashtirilgan bepul tibbiy xizmatlarning yillik hajmi oyma-oy taqsimlanadi.

10. Xususiy tibbiyot muassasalari tomonidan oyma-oy taqsimot asosida ijtimoiy himoyaga muhtoj shaxslarga bepul tibbiy xizmatlar navbat boʻyicha koʻrsatiladi.

Belgilangan oyda koʻrsatilmasdan qolgan bepul tibbiy xizmatlar tegishli ravishda keyingi oylarda koʻrsatilishi lozim.

11. Xususiy tibbiyot muassasalari tomonidan ijtimoiy himoyaga muhtoj shaxslarga koʻrsatilishi rejalashtirilgan bepul tibbiy xizmatlar yillik hajmining oyma-oy taqsimoti muassasaga kirish yoki mijozlar uchun koʻrinadigan joyda hamda maʼlumotlar peshtaxtasida mazkur Nizomning 3-ilovaga muvofiq shaklda joylashtiriladi.

Mazkur maʼlumotlar xususiy tibbiyot muassasasi tomonidan mazkur Nizomning 3-ilovasiga muvofiq shaklda Oʻzbekiston Respublikasi Sogʻliqni saqlash vazirligining rasmiy veb-saytidagi maxsus elektron bazaga ham kiritib boriladi.

12. Oʻzbekiston Respublikasi Sogʻliqni saqlash vazirligi mazkur Nizomning 1 va 3-ilovalarida keltirilgan maʼlumotlarni internet tarmogʻi orqali aholiga doimiy ravishda yetkazib turilishini taʼminlash maqsadida Oʻzbekiston Respublikasi Sogʻliqni saqlash vazirligining rasmiy veb-saytida on-layn tizimida doimiy ravishda yangilab boradi.

4-bob. Hisobot va hisobdorlik

13. Xususiy tibbiyot muassasalari yillik moliyaviy hisobot bilan birgalikda soliq imtiyozlari taqdim etilishi natijasida boʻshaydigan mablagʻlarni maqsadli sarf qilinganligi tasdiqlash uchun Yuridik shaxslarga, soliqlar, bojxona va majburiy toʻlovlarni budjetga toʻlash boʻyicha berilgan imtiyozlarni rasmiylashtirish va buxgalterlik hisobida aks ettirish tartibi toʻgʻrisidagi nizomga (roʻyxat raqami 1463, 2005-yil 2-aprel) muvofiq uning 1-ilovasida koʻrsatilgan shakl boʻyicha davlat soliq organlariga hisobot taqdim etadi.

5-bob. Yakuniy qoidalar

14. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladilar.

15. Mazkur Nizom Oʻzbekiston Respublikasi Savdo-sanoat palatasi va Oʻzbekiston xususiy amaliyot vrachlari assotsiatsiyasi bilan kelishilgan.

Oʻzbekiston Respublikasi Sogʻliqni saqlash vazirligining rasmiy veb-saytidagi maxsus elektron bazaga kiritiladigan

T/r Murojaat sanasi va vaqti Murojaat qiluvchi shaxsning F.I.O. (ishonchli vakil, vasiy yoki homiyning F.I.O.) Bepul tibbiy xizmatni olish navbati (sanasi va vaqti) Koʻrsatilgan bepul tibbiy xizmatning turi, hajmi, sanasi va vaqti 1 2 4 5

Ijtimoiy himoyaga muhtoj shaxslarning murojaatlarini qayd qilish

T/r Murojaat sanasi va vaqti Murojaat qiluvchi shaxsning F.I.O. (ishonchli vakil, vasiy yoki homiyning F.I.O.) Murojaat qiluvchi shaxsning yashash manzili va telefon raqami Murojaat qiluvchi shaxsning tugʻilgan yili va sanasi Murojaat qiluvchining ijtimoiy himoyaga muhtoj qatlamga mansubligini tasdiqlovchi hujjat Bepul tibbiy xizmat koʻrsatishni rad etish sababi (agar rad etilgan boʻlsa) Bepul tibbiy xizmatni olish navbati (sanasi va vaqti) Aniqlangan tashxis (Kasalliklarning xalqaro tasnifi (KXT-10) boʻyicha) Koʻrsatilgan bepul tibbiy xizmatning turi, hajmi, sanasi va vaqti Koʻrsatilgan tibbiy xizmat narxi 1 2 3 4 5 6 7 8 9 10

________________________________________ xususiy tibbiyot muassasasi tomonidan ijtimoiy himoyaga muhtoj shaxslarga (xususiy tibbiyot muassasasining nomi) koʻrsatiladigan bepul tibbiy xizmatlar toʻgʻrisida

T/r Koʻrsatiladigan bepul tibbiy xizmat turlari Bepul tibbiy xizmatlar sonining oylar boʻyicha taqsimoti Yanvar Fevral Mart Aprel May Iyun Iyul Avgust Sentabr Oktabr Noyabr Dekabr Jami 1 2 3 4 5 6 7 8 9 10 11 12 13 14

Sogʻliqni saqlash vaziri A. SHADMANOV

Moliya vaziri B. XODJAYEV

Savdo-sanoat palatasi raisi A. IKRAMOV

Oʻzbekiston xususiy amaliyot vrachlari assotsiatsiyasi raisi A. VAISOV

Toshkent sh.,

2017-yil 25-iyul,

Toshkent sh.,

2017-yil 25-iyul,

2017-yil 25-iyul

2017-yil 14-iyul

96-son

115-son

(Oʻzbekiston Respublikasi qonun hujjatlari toʻplami, 2017-y., 32-son, 829-modda; Qonunchilik maʼlumotlari milliy bazasi, 28.07.2021-y., 10/21/3313/0724-son)

lex.uz