UzbekAI

Ўзбекистон Республикаси Вазирлар Маҳкамасининг

қарори

Маҳалла институтининг моддий-техника базасини мустаҳкамлаш ҳамда давлат мулки объектларидан самарали фойдаланишни таъминлаш тўғрисида

Ўзбекистон Республикаси Президентининг 2017 йил 3 февралдаги ПФ-4944-сон Фармони билан тасдиқланган Фуқароларнинг ўзини ўзи бошқариш органлари фаолиятини янада такомиллаштиришга доир комплекс чора-тадбирлар дастурининг 14-бандига мувофиқ фуқароларнинг ўзини ўзи бошқариш органлари ходимлари учун дам олиш маскани ташкил этиш ҳамда давлат мулки объектларидан янада самарали фойдаланиш мақсадида Вазирлар Маҳкамаси қарор қилади:

1. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси, «ШАРҚ» нашриёти матбаа акциядорлик компанияси, Ўзбекистон Касаба уюшмалари Федерацияси ва Ўзбекистон «Маҳалла» хайрия жамоат фонди республика бошқарувининг, «ШАРҚ» нашриёти матбаа акциядорлик компанияси фойдаланишида бўлган Тошкент вилояти, Қибрай тумани, «Байтқўрғон» ҚФЙ ҳудудида жойлашган «Навбаҳор» санаторийси дам олиш масканини тегишли ҳудуди билан биргаликда Ўзбекистон «Маҳалла» хайрия жамоат фонди республика бошқарувига текин фойдаланиш ҳуқуқи асосида бериш тўғрисидаги таклифлари маъқуллансин.

2. «ШАРҚ» нашриёти матбаа акциядорлик компанияси мазкур қарорнинг 1-бандида кўрсатилган мулкий мажмуани тегишли ҳудуди билан биргаликда белгиланган тартибда топширсин, Ўзбекистон «Маҳалла» хайрия жамоат фонди республика бошқаруви қабул қилиб олсин ва қабул қилинган объектдан самарали фойдаланиш чораларини кўрсин.

3. Ўзбекистон «Маҳалла» хайрия жамоат фонди республика бошқарувига берилган мулкий мажмуани таъмирлаш ишлари Ўзбекистон «Маҳалла» хайрия жамоат фондига умумхалқ хайрия ҳашаридан тушган маблағлар ҳисобидан амалга оширилиши белгилаб қўйилсин.

4. Ўзбекистон Республикаси Вазирлар Маҳкамасининг «Давлат мулки объектларини самарали бошқаришни таъминлашга доир қўшимча чора-тадбирлар тўғрисида» 2017 йил 17 майдаги 291-сон қарорига 1-илованинг 81-позицияси чиқариб ташлансин.

5. Мазкур қарорнинг бажарилишини назорат қилиш Таълим, илм-фан ва ёшлар сиёсати масалалари ахборот-таҳлил департаментига юклансин.

Ўзбекистон Республикасининг Бош вазири А. АРИПОВ

Тошкент ш.,

2017 йил 11 август,

620-сон

(Ўзбекистон Республикаси қонун ҳужжатлари тўплами, 2017 й., 33-сон, 854-модда)

Oʻzbekiston Respublikasi Vazirlar Mahkamasining

qarori

Mahalla institutining moddiy-texnika bazasini mustahkamlash hamda davlat mulki obyektlaridan samarali foydalanishni taʼminlash toʻgʻrisida

Oʻzbekiston Respublikasi Prezidentining 2017-yil 3-fevraldagi PF-4944-son Farmoni bilan tasdiqlangan Fuqarolarning oʻzini oʻzi boshqarish organlari faoliyatini yanada takomillashtirishga doir kompleks chora-tadbirlar dasturining 14-bandiga muvofiq fuqarolarning oʻzini oʻzi boshqarish organlari xodimlari uchun dam olish maskani tashkil etish hamda davlat mulki obyektlaridan yanada samarali foydalanish maqsadida Vazirlar Mahkamasi qaror qiladi:

1. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, “SHARQ” nashriyoti matbaa aksiyadorlik kompaniyasi, Oʻzbekiston Kasaba uyushmalari Federatsiyasi va Oʻzbekiston “Mahalla” xayriya jamoat fondi respublika boshqaruvining, “SHARQ” nashriyoti matbaa aksiyadorlik kompaniyasi foydalanishida boʻlgan Toshkent viloyati, Qibray tumani, “Baytqoʻrgʻon” QFY hududida joylashgan “Navbahor” sanatoriysi dam olish maskanini tegishli hududi bilan birgalikda Oʻzbekiston “Mahalla” xayriya jamoat fondi respublika boshqaruviga tekin foydalanish huquqi asosida berish toʻgʻrisidagi takliflari maʼqullansin.

2. “SHARQ” nashriyoti matbaa aksiyadorlik kompaniyasi mazkur qarorning 1-bandida koʻrsatilgan mulkiy majmuani tegishli hududi bilan birgalikda belgilangan tartibda topshirsin, Oʻzbekiston “Mahalla” xayriya jamoat fondi respublika boshqaruvi qabul qilib olsin va qabul qilingan obyektdan samarali foydalanish choralarini koʻrsin.

3. Oʻzbekiston “Mahalla” xayriya jamoat fondi respublika boshqaruviga berilgan mulkiy majmuani taʼmirlash ishlari Oʻzbekiston “Mahalla” xayriya jamoat fondiga umumxalq xayriya hasharidan tushgan mablagʻlar hisobidan amalga oshirilishi belgilab qoʻyilsin.

4. Oʻzbekiston Respublikasi Vazirlar Mahkamasining “Davlat mulki obyektlarini samarali boshqarishni taʼminlashga doir qoʻshimcha chora-tadbirlar toʻgʻrisida” 2017-yil 17-maydagi 291-son qaroriga 1-ilovaning 81-pozitsiyasi chiqarib tashlansin.

5. Mazkur qarorning bajarilishini nazorat qilish Taʼlim, ilm-fan va yoshlar siyosati masalalari axborot-tahlil departamentiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2017-yil 11-avgust,

620-son

(Oʻzbekiston Respublikasi qonun hujjatlari toʻplami, 2017-y., 33-son, 854-modda)