📅 2017-yil 15-avgust · Prezident farmoyishlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 15 август · Президент фармойишлари
Расмий матн. Расмий ҳужжат. Таҳририй изоҳлар киритилмаган.
📅 15 августа 2017 г. · Распоряжения Президента
Официальный текст. Официальный документ. Редакционные примечания не включены.
📅 15 August 2017 · Presidential orders
Official text. Official document. Editorial notes are not included.
Ўзбекистон Республикаси Президентининг
Фармойиши
2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини келгусида амалга ошириш чора-тадбирлари тўғрисида
Ўзбекистон Республикаси Президентининг 2017 йил 7 февралдаги ПФ-4947-сон Фармони билан тасдиқланган 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси (кейинги ўринларда Ҳаракатлар стратегияси деб юритилади) мамлакатнинг давлат ва жамият ривожланиши истиқболини стратегик режалаштириш тизимига сифат жиҳатдан янги ёндашувларни бошлаб берди.
Ҳаракатлар стратегиясини «Халқ билан мулоқот ва инсон манфаатлари йили»да амалга оширишга оид Давлат дастурининг (кейинги ўринларда Давлат дастури деб юритилади) тасдиқланиши стратегик ривожланишнинг устувор йўналишларини амалий рўёбга чиқаришнинг бошланғич механизми бўлди.
Дастлабки сарҳисоблар давлат органлари, нодавлат ташкилотлар, фуқаролик жамияти институтларининг Давлат дастурини самарали амалга оширишга қаратилган кучлари, шу жумладан, хорижий мутахассислар ва халқаро экспертларни фаол жалб қилган ҳолда чинакам жипслашганлигини кўрсатди.
Ҳозирги кунда Ҳаракатлар стратегиясининг ижроси юзасидан давлат ва жамият ҳаётининг барча соҳаларини ривожлантиришга қаратилган 15 та қонун ва 700 дан ортиқ бошқа норматив-ҳуқуқий ҳужжатлар қабул қилинди.
Хусусан, давлат ва жамият қурилиши тизимини такомиллаштириш соҳасида замонавий талаблар ҳамда устувор йўналишларни инобатга олган ҳолда 16 та вазирлик, идора ва бошқа ташкилотларнинг тузилмаси, вазифа ва функциялари қайта кўриб чиқилди, 20 та давлат ва хўжалик бошқаруви органлари, бошқа ташкилотлар қайта ташкил этилди.
Суд-ҳуқуқ тизими тубдан қайта кўриб чиқилди. Суд ҳокимиятининг ягона олий органи — Ўзбекистон Республикаси Олий суди, оммавий-ҳуқуқий муносабатлардан келиб чиқадиган маъмурий низоларни, шунингдек, маъмурий ҳуқуқбузарликлар тўғрисидаги ишларни кўриб чиқишга ваколатли бўлган маъмурий судлар ташкил этилди.
Ички ишлар органлари тизими ислоҳ қилиниб, уларнинг асосий фаолияти фуқароларнинг ҳуқуқлари, эркинликлари ва қонуний манфаатларини таъминлашга — «Халқ манфаатларига хизмат қилиш»га йўналтирилди.
Иқтисодиётни ривожлантириш ва либераллаштириш соҳасида солиқ тизими ислоҳ қилинди, ҳалол солиқ тўловчилар — хўжалик юритувчи субъектларга солиқ таътиллари берилиши назарда тутилди.
Ҳудудий ижтимоий-иқтисодий ривожлантириш дастурлари доирасида 13 339 та лойиҳа амалга оширилди, 2,1 трлн. сўм кредит ўзлаштирилди, 10 та эркин иқтисодий зона, 5 та кичик саноат зонаси ташкил этилди, «Peugeot» ва «Citroёn» бренди билан енгил тижорат автомобилларини ишлаб чиқариш бўйича завод барпо этилмоқда.
Ижтимоий соҳада фақатгина жорий йилнинг биринчи ярмида 2,7 минг км. автомобиль йўллари қурилди ва таъмирланди, 84 300 та иш ўрни яратилди.
2017 — 2020 йилларда шаҳарларда энергия жиҳатдан самарадор арзон кўп квартирали уйларни қуриш ва реконструкция қилиш дастури амалга оширилмоқда, унинг доирасида 50 286 та хонадондан иборат 1 136 та кўп қаватли уйларни, бундан ташқари, намунавий лойиҳа асосида қишлоқ жойларида 75 минг турар жойларни қуриш мўлжалланган.
Миллатлараро тотувликни таъминлаш, чуқур ўйланган, ўзаро манфаатли ва амалий руҳдаги ташқи сиёсат юритиш соҳасида Ўзбекистон Республикаси Вазирлар Маҳкамаси ҳузурида Миллатлараро муносабатлар ва хорижий мамлакатлар билан дўстлик алоқалари қўмитаси ташкил этилди.
Европа Иттифоқи ва 21 та хорижий мамлакат билан савдо-иқтисодий, инвестиция, технология ва молиявий-техник соҳаларда 22 та «йўл харита»лари тасдиқланди.
«Тараққиёт стратегияси» маркази томонидан бошқа манфаатдор идоралар билан биргаликда Ҳаракатлар стратегиясини амалга оширишнинг бориши ҳақида аҳоли, фуқаролик жамияти институтлари ва халқаро жамоатчиликни кенг хабардор қилиш ишлари амалга оширилди. Жойларда 6 мингга яқин учрашувлар, оммавий ахборот воситаларида телекўрсатув ва чиқишлар ташкил этилди.
Шу билан бирга, навбатдаги ислоҳотларни сифатли ва олдиндан режалаштириш учун 2017 йил якунлари бўйича эришилган натижаларни чуқур ўрганиш ва пухта таҳлил қилиш зарур.
Ҳаракатлар стратегиясини амалга ошириш натижалари ҳақида аҳоли ва жамоатчиликни кенг хабардор қилиш, шунингдек, 2017 йилда мамлакатни ривожлантириш якунларини сарҳисоб қилиш ва 2018 йилда навбатдаги ислоҳотларни режалаштириш бўйича чора-тадбирларни ташкил этиш мақсадида:
1. Ҳаракатлар стратегиясини амалга ошириш бўйича Миллий комиссия томонидан барча даражадаги давлат ҳокимияти органлари, нодавлат нотижорат ташкилотлари, оммавий ахборот воситалари, фуқароларнинг ўзини ўзи бошқариш органлари, ижодий ва илмий-тадқиқот муассасалари вакиллари, кекса авлод, аёллар ва ёшларнинг фаол иштирокида амалга оширилаётган Ҳаракатлар стратегиясининг дастлабки якунлари ўтказилганлиги маълумот учун қабул қилинсин.
2. Ҳаракатлар стратегиясида назарда тутилган Ўзбекистон Республикасини ривожлантиришнинг устувор йўналишларини амалга ошириш бўйича комиссиялар «Тараққиёт стратегияси» маркази билан биргаликда:
2017 йилнинг август-сентябрь ойлари давомида статистик ва бошқа маълумотларни йиғиш, қабул қилинган норматив-ҳуқуқий ҳужжатларни ва барча даражадаги давлат органлари фаолиятининг натижаларини ўрганиш, шунингдек, фуқаролик жамияти институтлари, оммавий ахборот воситалари, илмий доира вакиллари ва хорижий мутахассисларни кенг жалб этган ҳолда учрашувлар, «давра суҳбатлари», сўровлар, эксперт ва жамоатчилик муҳокамалари ўтказиш орқали Ҳаракатлар стратегиясини амалга ошириш якунлари тизимли таҳлил қилинишини;
2017 йил 1 декабрга қадар муддатда мамлакатни ривожлантириш якунларини ҳисобга олган ҳолда «2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Халқ билан мулоқот ва инсон манфаатлари йили»да амалга оширишга оид Давлат дастурининг ижроси» ахборот-таҳлилий шарҳи нашр этилиши ва тарқатилишини;
Ҳаракатлар стратегиясини 2018 йилда амалга ошириш бўйича ишлаб чиқиладиган Давлат дастури лойиҳасига киритиш учун тақдим этиладиган долзарб таклифларнинг тайёрланиши, йиғилиши ва умумлаштирилишини, уларнинг 2017 йил 10 ноябрга қадар муддатда Ҳаракатлар стратегиясини амалга ошириш бўйича Миллий комиссияга кўриб чиқиш учун киритилишини таъминласин.
3. Белгилансинки, Ҳаракатлар стратегиясини 2018 йилда амалга ошириш бўйича ишлаб чиқиладиган Давлат дастури лойиҳасига киритиладиган таклифлар фақат кенг жамоатчилик билан дастлабки муҳокама қилингандан кейин кўриб чиқилади.
4. Вазирлар Маҳкамаси Ҳаракатлар стратегиясида назарда тутилган Ўзбекистон Республикасини ривожлантиришнинг устувор йўналишларини амалга ошириш бўйича комиссиялар билан биргаликда ушбу фармойишнинг иккинчи бандида назарда тутилган тадбирларни амалга ошириш бўйича давлат ва хўжалик бошқаруви органлари, маҳаллий давлат ҳокимияти органлари, нодавлат нотижорат ташкилотларининг фаолиятини мувофиқлаштиришни таъминласин.
5. Ўзбекистон Республикаси Ташқи ишлар вазирлиги қуйидагиларни назарда тутувчи чораларни кўрсин:
хорижий ва халқаро жамоатчилик ўртасида «2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Халқ билан мулоқот ва инсон манфаатлари йили»да амалга оширишга оид Давлат дастурининг ижроси» ахборот-таҳлилий шарҳини тарқатиш, шунингдек, Ҳаракатлар стратегиясини амалга ошириш бўйича Миллий комиссияни хабардор қилиш учун уларнинг фикрларини кейинчалик йиғиш;
Ҳаракатлар стратегиясини 2018 йилда амалга ошириш бўйича Давлат дастури лойиҳасига киритиладиган таклифларни тайёрлаш жараёнида, зарурат бўлганда халқаро, чет эл ҳукумат ва ноҳукумат ташкилотлари вакилларини жалб қилган ҳолда, Ҳаракатлар стратегиясида назарда тутилган Ўзбекистон Республикасини ривожлантиришнинг устувор йўналишларини амалга ошириш бўйича комиссияларга илғор хорижий мамлакатларнинг тегишли тажрибасини ўрганишни ташкил этишда кўмаклашиш.
6. Ўзбекистон Республикаси Молия вазирлиги Ҳаракатлар стратегиясида назарда тутилган Ўзбекистон Республикасини ривожлантиришнинг устувор йўналишларини амалга ошириш бўйича комиссияларнинг асослантирилган таклифлари бўйича Ўзбекистон Республикаси Давлат бюджети ҳисобидан мазкур фармойиш ижроси билан боғлиқ тадбирларни молиялаштириш учун маблағлар ажратсин.
7. Белгилансинки, Ўзбекистон Республикаси Президенти Администрацияси таркибий бўлинмалари, Вазирлар Маҳкамаси, вазирлик ва идоралар раҳбарлари, шунингдек, Ҳаракатлар стратегиясида назарда тутилган Ўзбекистон Республикасини ривожлантиришнинг устувор йўналишларини амалга ошириш бўйича комиссиялар аъзолари мазкур фармойишда назарда тутилган вазифаларнинг ўз вақтида, тўлиқ ва сифатли бажарилиши учун шахсан жавобгардир.
8. Мазкур фармойишнинг ижросини назорат қилиш Ҳаракатлар стратегиясида назарда тутилган Ўзбекистон Республикасини ривожлантиришнинг устувор йўналишларини амалга ошириш бўйича комиссиялар раҳбарлари зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 15 август,
Ф-5024-сон
Oʻzbekiston Respublikasi Prezidentining
Farmoyishi
2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini kelgusida amalga oshirish chora-tadbirlari toʻgʻrisida
Oʻzbekiston Respublikasi Prezidentining 2017-yil 7-fevraldagi PF-4947-son Farmoni bilan tasdiqlangan 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasi (keyingi oʻrinlarda Harakatlar strategiyasi deb yuritiladi) mamlakatning davlat va jamiyat rivojlanishi istiqbolini strategik rejalashtirish tizimiga sifat jihatdan yangi yondashuvlarni boshlab berdi.
Harakatlar strategiyasini “Xalq bilan muloqot va inson manfaatlari yili”da amalga oshirishga oid Davlat dasturining (keyingi oʻrinlarda Davlat dasturi deb yuritiladi) tasdiqlanishi strategik rivojlanishning ustuvor yoʻnalishlarini amaliy roʻyobga chiqarishning boshlangʻich mexanizmi boʻldi.
Dastlabki sarhisoblar davlat organlari, nodavlat tashkilotlar, fuqarolik jamiyati institutlarining Davlat dasturini samarali amalga oshirishga qaratilgan kuchlari, shu jumladan, xorijiy mutaxassislar va xalqaro ekspertlarni faol jalb qilgan holda chinakam jipslashganligini koʻrsatdi.
Hozirgi kunda Harakatlar strategiyasining ijrosi yuzasidan davlat va jamiyat hayotining barcha sohalarini rivojlantirishga qaratilgan 15 ta qonun va 700 dan ortiq boshqa normativ-huquqiy hujjatlar qabul qilindi.
Xususan, davlat va jamiyat qurilishi tizimini takomillashtirish sohasida zamonaviy talablar hamda ustuvor yoʻnalishlarni inobatga olgan holda 16 ta vazirlik, idora va boshqa tashkilotlarning tuzilmasi, vazifa va funksiyalari qayta koʻrib chiqildi, 20 ta davlat va xoʻjalik boshqaruvi organlari, boshqa tashkilotlar qayta tashkil etildi.
Sud-huquq tizimi tubdan qayta koʻrib chiqildi. Sud hokimiyatining yagona oliy organi — Oʻzbekiston Respublikasi Oliy sudi, ommaviy-huquqiy munosabatlardan kelib chiqadigan maʼmuriy nizolarni, shuningdek, maʼmuriy huquqbuzarliklar toʻgʻrisidagi ishlarni koʻrib chiqishga vakolatli boʻlgan maʼmuriy sudlar tashkil etildi.
Ichki ishlar organlari tizimi isloh qilinib, ularning asosiy faoliyati fuqarolarning huquqlari, erkinliklari va qonuniy manfaatlarini taʼminlashga — “Xalq manfaatlariga xizmat qilish”ga yoʻnaltirildi.
Iqtisodiyotni rivojlantirish va liberallashtirish sohasida soliq tizimi isloh qilindi, halol soliq toʻlovchilar — xoʻjalik yurituvchi subyektlarga soliq taʼtillari berilishi nazarda tutildi.
Hududiy ijtimoiy-iqtisodiy rivojlantirish dasturlari doirasida 13 339 ta loyiha amalga oshirildi, 2,1 trln. soʻm kredit oʻzlashtirildi, 10 ta erkin iqtisodiy zona, 5 ta kichik sanoat zonasi tashkil etildi, “Peugeot” va “Citroyon” brendi bilan yengil tijorat avtomobillarini ishlab chiqarish boʻyicha zavod barpo etilmoqda.
Ijtimoiy sohada faqatgina joriy yilning birinchi yarmida 2,7 ming km. avtomobil yoʻllari qurildi va taʼmirlandi, 84 300 ta ish oʻrni yaratildi.
2017 — 2020-yillarda shaharlarda energiya jihatdan samarador arzon koʻp kvartirali uylarni qurish va rekonstruksiya qilish dasturi amalga oshirilmoqda, uning doirasida 50 286 ta xonadondan iborat 1 136 ta koʻp qavatli uylarni, bundan tashqari, namunaviy loyiha asosida qishloq joylarida 75 ming turar joylarni qurish moʻljallangan.
Millatlararo totuvlikni taʼminlash, chuqur oʻylangan, oʻzaro manfaatli va amaliy ruhdagi tashqi siyosat yuritish sohasida Oʻzbekiston Respublikasi Vazirlar Mahkamasi huzurida Millatlararo munosabatlar va xorijiy mamlakatlar bilan doʻstlik aloqalari qoʻmitasi tashkil etildi.
Yevropa Ittifoqi va 21 ta xorijiy mamlakat bilan savdo-iqtisodiy, investitsiya, texnologiya va moliyaviy-texnik sohalarda 22 ta “yoʻl xarita”lari tasdiqlandi.
“Taraqqiyot strategiyasi” markazi tomonidan boshqa manfaatdor idoralar bilan birgalikda Harakatlar strategiyasini amalga oshirishning borishi haqida aholi, fuqarolik jamiyati institutlari va xalqaro jamoatchilikni keng xabardor qilish ishlari amalga oshirildi. Joylarda 6 mingga yaqin uchrashuvlar, ommaviy axborot vositalarida telekoʻrsatuv va chiqishlar tashkil etildi.
Shu bilan birga, navbatdagi islohotlarni sifatli va oldindan rejalashtirish uchun 2017-yil yakunlari boʻyicha erishilgan natijalarni chuqur oʻrganish va puxta tahlil qilish zarur.
Harakatlar strategiyasini amalga oshirish natijalari haqida aholi va jamoatchilikni keng xabardor qilish, shuningdek, 2017-yilda mamlakatni rivojlantirish yakunlarini sarhisob qilish va 2018-yilda navbatdagi islohotlarni rejalashtirish boʻyicha chora-tadbirlarni tashkil etish maqsadida:
1. Harakatlar strategiyasini amalga oshirish boʻyicha Milliy komissiya tomonidan barcha darajadagi davlat hokimiyati organlari, nodavlat notijorat tashkilotlari, ommaviy axborot vositalari, fuqarolarning oʻzini oʻzi boshqarish organlari, ijodiy va ilmiy-tadqiqot muassasalari vakillari, keksa avlod, ayollar va yoshlarning faol ishtirokida amalga oshirilayotgan Harakatlar strategiyasining dastlabki yakunlari oʻtkazilganligi maʼlumot uchun qabul qilinsin.
2. Harakatlar strategiyasida nazarda tutilgan Oʻzbekiston Respublikasini rivojlantirishning ustuvor yoʻnalishlarini amalga oshirish boʻyicha komissiyalar “Taraqqiyot strategiyasi” markazi bilan birgalikda:
2017-yilning avgust-sentyabr oylari davomida statistik va boshqa maʼlumotlarni yigʻish, qabul qilingan normativ-huquqiy hujjatlarni va barcha darajadagi davlat organlari faoliyatining natijalarini oʻrganish, shuningdek, fuqarolik jamiyati institutlari, ommaviy axborot vositalari, ilmiy doira vakillari va xorijiy mutaxassislarni keng jalb etgan holda uchrashuvlar, “davra suhbatlari”, soʻrovlar, ekspert va jamoatchilik muhokamalari oʻtkazish orqali Harakatlar strategiyasini amalga oshirish yakunlari tizimli tahlil qilinishini;
2017-yil 1-dekabrga qadar muddatda mamlakatni rivojlantirish yakunlarini hisobga olgan holda “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Xalq bilan muloqot va inson manfaatlari yili”da amalga oshirishga oid Davlat dasturining ijrosi” axborot-tahliliy sharhi nashr etilishi va tarqatilishini;
Harakatlar strategiyasini 2018-yilda amalga oshirish boʻyicha ishlab chiqiladigan Davlat dasturi loyihasiga kiritish uchun taqdim etiladigan dolzarb takliflarning tayyorlanishi, yigʻilishi va umumlashtirilishini, ularning 2017-yil 10-noyabrga qadar muddatda Harakatlar strategiyasini amalga oshirish boʻyicha Milliy komissiyaga koʻrib chiqish uchun kiritilishini taʼminlasin.
3. Belgilansinki, Harakatlar strategiyasini 2018-yilda amalga oshirish boʻyicha ishlab chiqiladigan Davlat dasturi loyihasiga kiritiladigan takliflar faqat keng jamoatchilik bilan dastlabki muhokama qilingandan keyin koʻrib chiqiladi.
4. Vazirlar Mahkamasi Harakatlar strategiyasida nazarda tutilgan Oʻzbekiston Respublikasini rivojlantirishning ustuvor yoʻnalishlarini amalga oshirish boʻyicha komissiyalar bilan birgalikda ushbu farmoyishning ikkinchi bandida nazarda tutilgan tadbirlarni amalga oshirish boʻyicha davlat va xoʻjalik boshqaruvi organlari, mahalliy davlat hokimiyati organlari, nodavlat notijorat tashkilotlarining faoliyatini muvofiqlashtirishni taʼminlasin.
5. Oʻzbekiston Respublikasi Tashqi ishlar vazirligi quyidagilarni nazarda tutuvchi choralarni koʻrsin:
xorijiy va xalqaro jamoatchilik oʻrtasida “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Xalq bilan muloqot va inson manfaatlari yili”da amalga oshirishga oid Davlat dasturining ijrosi” axborot-tahliliy sharhini tarqatish, shuningdek, Harakatlar strategiyasini amalga oshirish boʻyicha Milliy komissiyani xabardor qilish uchun ularning fikrlarini keyinchalik yigʻish;
Harakatlar strategiyasini 2018-yilda amalga oshirish boʻyicha Davlat dasturi loyihasiga kiritiladigan takliflarni tayyorlash jarayonida, zarurat boʻlganda xalqaro, chet el hukumat va nohukumat tashkilotlari vakillarini jalb qilgan holda, Harakatlar strategiyasida nazarda tutilgan Oʻzbekiston Respublikasini rivojlantirishning ustuvor yoʻnalishlarini amalga oshirish boʻyicha komissiyalarga ilgʻor xorijiy mamlakatlarning tegishli tajribasini oʻrganishni tashkil etishda koʻmaklashish.
6. Oʻzbekiston Respublikasi Moliya vazirligi Harakatlar strategiyasida nazarda tutilgan Oʻzbekiston Respublikasini rivojlantirishning ustuvor yoʻnalishlarini amalga oshirish boʻyicha komissiyalarning asoslantirilgan takliflari boʻyicha Oʻzbekiston Respublikasi Davlat budjeti hisobidan mazkur farmoyish ijrosi bilan bogʻliq tadbirlarni moliyalashtirish uchun mablagʻlar ajratsin.
7. Belgilansinki, Oʻzbekiston Respublikasi Prezidenti Administratsiyasi tarkibiy boʻlinmalari, Vazirlar Mahkamasi, vazirlik va idoralar rahbarlari, shuningdek, Harakatlar strategiyasida nazarda tutilgan Oʻzbekiston Respublikasini rivojlantirishning ustuvor yoʻnalishlarini amalga oshirish boʻyicha komissiyalar aʼzolari mazkur farmoyishda nazarda tutilgan vazifalarning oʻz vaqtida, toʻliq va sifatli bajarilishi uchun shaxsan javobgardir.
8. Mazkur farmoyishning ijrosini nazorat qilish Harakatlar strategiyasida nazarda tutilgan Oʻzbekiston Respublikasini rivojlantirishning ustuvor yoʻnalishlarini amalga oshirish boʻyicha komissiyalar rahbarlari zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 15-avgust,
F-5024-son
Президента Республики Узбекистан
Распоряжение
О мерах по дальнейшей реализации Стратегии действий по пяти приоритетным направлениям развития Республики Узбекистан в 2017 — 2021 годах
Стратегия действий по пяти приоритетным направлениям развития Республики Узбекистан в 2017 — 2021 годах (далее — Стратегия действий), утвержденная Указом Президента Республики Узбекистан от 7 февраля 2017 года № УП-4947, ознаменовала собой качественно новый подход к системе стратегического планирования перспектив государственного и общественного развития страны.
В качестве отправного механизма практической реализации приоритетных направлений стратегического развития стало утверждение Государственной программы по реализации Стратегии действий в «Год диалога с народом и интересов человека» (далее — Государственная программа).
Предварительные итоги показывают реальную консолидацию усилий государственных органов, негосударственных организаций, институтов гражданского общества, направленных на эффективную реализацию Государственной программы, в том числе с активным привлечением зарубежных специалистов и международных экспертов.
На сегодняшний день во исполнение Стратегии действий принято 15 законов и свыше 700 других нормативно-правовых актов, направленных на развитие всех сфер государственной и общественной жизни.
В частности, в сфере совершенствования системы государственного и общественного строительства с учетом современных требований и приоритетов пересмотрены структуры, задачи и функции 16 министерств, ведомств и иных организаций, преобразовано 20 органов государственного и хозяйственного управления, иных организаций.
Коренным образом пересмотрена судебно-правовая система. Созданы единый высший орган судебной власти — Верховный суд Республики Узбекистан, а также административные суды, которым подведомственно рассмотрение административных споров, вытекающих из публично-правовых отношений, а также дел об административных правонарушениях.
Реформирована система органов внутренних дел, основная деятельность которых направлена на обеспечение прав, свобод и законных интересов граждан — «Служение интересам народа».
В области развития и либерализации экономики проведены реформы налоговой системы, в том числе предусматривающие предоставление добросовестным налогоплательщикам — хозяйствующим субъектам налоговых каникул.
В рамках региональных программ социально-экономического развития реализовано 13 339 проектов, освоены кредиты на 2,1 трлн. сум, созданы 10 свободных экономических зон, 5 малых промышленных зон, строится завод по производству легких коммерческих автомобилей под брендами «Peugeot» и «Citroёn».
В социальной сфере только за первое полугодие текущего года построено и отремонтировано более 2,7 тысячи км автомобильных дорог, созданы 84 300 рабочих мест.
Реализуется Программа по строительству и реконструкции энергоэффективных доступных многоквартирных домов в городах на 2017 — 2020 годы, в рамках которой намечено строительство 1 136 многоэтажных домов, состоящих из 50 286 квартир, а также 75 тысяч жилых домов в сельской местности на основе типовых проектов.
В области обеспечения межнационального согласия, осуществления взвешенной, взаимовыгодной и конструктивной внешней политики создан Комитет по межнациональным отношениям и дружественным связям с зарубежными странами при Кабинете Министров Республики Узбекистан.
Утверждены 22 «дорожные карты» в торгово-экономических, инвестиционных, технологических и финансово-технических сферах с Европейским Союзом и 21 зарубежной страной.
Центром «Стратегия развития» совместно с другими заинтересованными ведомствами организовано широкое информирование населения, институтов гражданского общества и международной общественности о ходе реализации Стратегии действий. Организовано около 6 тысяч встреч на местах, телепередач и выступлений в средствах массовой информации.
Вместе с тем, для качественного и заблаговременного планирования дальнейших реформ необходимо проведение глубокого изучения и тщательного анализа достигнутых результатов по итогам 2017 года.
В целях широкого информирования о результатах реализации Стратегии действий, а также организации мер по подведению итогов развития страны в 2017 году и планированию дальнейших реформ в 2018 году:
1. Принять к сведению, что Национальной комиссией по реализации Стратегии действий подведены предварительные итоги Стратегии действий, реализуемой при активном участии представителей органов государственной власти всех уровней, негосударственных некоммерческих организаций, средств массовой информации, органов самоуправления граждан, творческих и научно-исследовательских учреждений, старшего поколения, женщин и молодежи.
2. Комиссиям по реализации приоритетных направлений развития Республики Узбекистан, предусмотренных Стратегией действий, совместно с Центром «Стратегия развития» обеспечить:
в течение августа-сентября 2017 года проведение системного анализа итогов реализации Стратегии действий путем сбора статистических и иных сведений, изучения принятых нормативно-правовых актов и результатов деятельности государственных органов всех уровней, а также проведения встреч, «круглых столов», опросов, экспертных и общественных обсуждений с широким привлечением представителей институтов гражданского общества, средств массовой информации, научных кругов и зарубежных специалистов;
в срок до 1 декабря 2017 года с учетом итогов развития страны издание и распространение информационно-аналитического обзора «Исполнение Государственной программы по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год диалога с народом и интересов человека»;
подготовку, сбор и обобщение актуальных предложений, предлагаемых для включения в разрабатываемый проект Государственной программы по реализации Стратегии действий в 2018 году, которые в срок до 10 ноября 2017 года внести на рассмотрение Национальной комиссии по реализации Стратегии действий.
3. Установить, что предложения, включаемые в разрабатываемый проект Государственной программы по реализации Стратегии действий в 2018 году, рассматриваются только после их предварительного обсуждения с широкой общественностью.
4. Кабинету Министров совместно с комиссиями по реализации приоритетных направлений развития Республики Узбекистан, предусмотренных Стратегией действий, обеспечить координацию деятельности органов государственного и хозяйственного управления, органов государственной власти на местах, негосударственных некоммерческих организаций по реализации мероприятий, предусмотренных пунктом вторым настоящего распоряжения.
5. Министерству иностранных дел Республики Узбекистан принять меры, предусматривающие:
распространение информационно-аналитического обзора «Исполнение Государственной программы по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год диалога с народом и интересов человека» среди зарубежной и международной общественности, а также дальнейшего сбора их мнений для информирования Национальной комиссии по реализации Стратегии действий;
оказание комиссиям по реализации приоритетных направлений развития Республики Узбекистан, предусмотренных Стратегией действий, содействия в организации изучения соответствующего опыта передовых зарубежных стран в ходе подготовки предложений, включаемых в проект Государственной программы по реализации Стратегии действий в 2018 году, при необходимости с привлечением представителей международных, иностранных правительственных и неправительственных организаций.
6. Министерству финансов Республики Узбекистан по обоснованным предложениям комиссий по реализации приоритетных направлений развития Республики Узбекистан, предусмотренных Стратегией действий, выделить за счет Государственного бюджета Республики Узбекистан средства для финансирования мероприятий, связанных с исполнением настоящего распоряжения.
7. Установить, что руководители структурных подразделений Администрации Президента Республики Узбекистан, Кабинета Министров, министерств и ведомств, а также члены комиссий по реализации приоритетных направлений развития Республики Узбекистан, предусмотренных Стратегией действий, несут персональную ответственность за своевременное, полное и качественное выполнение задач, предусмотренных настоящим распоряжением.
8. Контроль за исполнением настоящего распоряжения возложить на руководителей комиссий по реализации приоритетных направлений развития Республики Узбекистан, предусмотренных Стратегией действий.
Президент Республики Узбекистан Ш. МИРЗИЁЕВ
г. Ташкент,
15 августа 2017 г.,
№ Р-5024