📅 2017-yil 15-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 15 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 15 августа 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 15 August 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
Ўзбекистон Республикаси сайловчиларининг Ягона электрон рўйхатини шакллантириш ва юритиш чора-тадбирлари тўғрисида
Ахборот-коммуникация технологияларини кенг жорий этиш йўли билан Ўзбекистон Республикасининг сайлов жараёнини янада такомиллаштириш мақсадида Вазирлар Маҳкамаси қарор қилади:
1. Ўзбекистон Республикаси Марказий сайлов комиссияси томонидан Ахборот технологиялари ва коммуникацияларини ривожлантириш вазирлиги билан биргаликда сайлов жараёнига Ўзбекистон Республикаси сайловчиларининг Ягона электрон рўйхатини (кейинги ўринларда СЯЭР деб аталади) жорий этиш ишлари амалга оширилаётганлиги маълумот учун қабул қилинсин.
2. Белгилаб қўйилсинки:
СЯЭР «Электрон ҳукумат» тизимини яратиш доирасида амалга оширилади;
СЯЭРни яратиш ва СЯЭРни шакллантиришга йўналтирилган идоравий ахборот тизимларини такомиллаштириш билан боғлиқ харажатлар Ахборот-коммуникацияларини ривожлантириш жамғармаси ҳамда СЯЭРнинг ишлашини техникавий таъминлаш учун кўмаклашишга Корея Республикаси томонидан ажратиладиган грант маблағлари ҳисобига амалга оширилади.
3. Ўзбекистон Республикаси сайловчиларининг Ягона электрон рўйхатини шакллантириш ва юритиш тартиби тўғрисидаги низом иловага мувофиқ тасдиқлансин.
4. Ўзбекистон Республикаси Ахборот технологиялари ва коммуникацияларини ривожлантириш вазирлиги манфаатдор вазирликлар ва идоралар билан биргаликда:
СЯЭРни яратиш бўйича бош пудратчини белгилаш юзасидан бир ой муддатда Ўзбекистон Республикаси Вазирлар Маҳкамасига таклиф киритсин;
2017 йил декабрь ойида бўлиб ўтадиган Тошкент шаҳри халқ депутатларининг туманлар Кенгашларига сайловлар давомида ахборот тизимининг СЯЭРни шакллантириш ва юритишни назарда тутувчи тажриба тартибида фойдаланилиши ҳуқуқий эксперимент сифатида амалга оширилишини, 2018 йилнинг 1 апрелигача эса — СЯЭРни яратишни ва бутун мамлакат бўйича ишга туширишни таъминласин;
икки ой муддатда — жисмоний ҳимоя ва ахборот хавфсизлигини таъминлаш юзасидан зарурий чоралар таъминланишини ҳисобга олган ҳолда СЯЭРни амалга ошириш тадбирлари режасини тасдиқласин.
5. Вазирлик ва идоралар ўзлари қабул қилган норматив-ҳуқуқий ҳужжатларини бир ой муддатда ушбу қарорга мувофиқлаштирсинлар.
6. Мазкур қарорнинг бажарилишини назорат қилиш Ўзбекистон Республикаси Ахборот технологиялари ва коммуникацияларини ривожлантириш вазири вазифасини бажарувчи Ш.Х. Шерматов зиммасига ҳамда Ўзбекистон Республикаси Вазирлар Маҳкамасининг Маданият, ахборот тизимлари ва телекоммуникациялар масалалари ахборот-таҳлил департаментига юклансин.
Вазирлар Маҳкамасининг 2017 йил 15 августдаги 630-сон қарорига ИЛОВА
Ўзбекистон Республикаси сайловчиларининг Ягона электрон рўйхатини шакллантириш ва юритиш тартиби тўғрисида
1-боб. Умумий қоидалар
1. Ушбу Низом Ўзбекистон Республикасининг Сайлов кодекси , « Ахборотлаштириш тўғрисида », « Электрон ҳукумат тўғрисида »ги қонунларига ва Ўзбекистон Республикаси Президентининг «Сайлов жараёнига замонавий ахборот-коммуникация технологияларини жорий этиш чора-тадбирлари тўғрисида» 2018 йил 4 октябрдаги ПҚ-3961-сон қарорига мувофиқ Ўзбекистон Республикаси сайловчиларининг Ягона электрон рўйхатини (кейинги ўринларда СЯЭР деб аталади) шакллантириш, юритиш, янгилаш ва ундан фойдаланиш тартибини белгилайди.
2. СЯЭР Ўзбекистон Республикасининг 18 ёшга тўлган (шу жумладан сайлов куни), доимий ёки вақтинча яшаш жойи манзилига эга бўлган, сайловда иштирок этиш ҳуқуқидан қонунга мувофиқ ва суднинг қарори асосида маҳрум этилмаган фуқаролари (кейинги ўринларда сайловчи фуқаролар деб аталади) киритиладиган давлат ахборот ресурси ҳисобланади.
Ўзбекистон Республикаси фуқаросининг паспорти (агар сайловчи фуқаро чет давлатда бўлса, хорижга чиқиш паспорти ёки дипломатик паспорти) ёки идентификация ID-картаси серияси ва рақами, жисмоний шахснинг шахсий идентификация рақами, фамилияси, исми, отасининг исми (давлат тилида, лотин ёзувида), туғилган санаси (йййй.оо.кк), доимий ёки вақтинча истиқомат қилаётган фуқароларнинг яшаш жойи манзили ва унинг кадастр рақами Адлия вазирлиги ҳузуридаги Персоналлаштириш агентлиги томонидан тақдим этиладиган сайловчи фуқаролар тўғрисидаги ахборотлар ҳисобланади.
3. СЯЭРга киритилган сайловчи фуқароларнинг шахсий маълумотларидан иборат бўлган ахборотлар билан ишлаш тартиби Ўзбекистон Республикаси Марказий сайлов комиссияси (кейинги ўринларда МСК деб аталади) томонидан белгиланади.
4. СЯЭР сайлов жараёнини бошқариш бўйича ахборот тизими (кейинги ўринларда СЖБАТ деб аталади) воситасида шакллантирилади ва унинг таркибига киради.
Қуйидагилар СЖБАТнинг асосий вазифалари ҳисобланади:
хавфсиз алоқа каналлари бўйича идоравий ахборот тизимлари ва маълумотлар базалари билан интеграциялаш орқали СЯЭРни шакллантириш жараёнини автоматлаштириш;
СЯЭРга тузатиш киритиш имконияти билан сайлов участкалари бўйича сайловчи фуқароларни тақсимлаш воситаларини тақдим этиш;
сайловчи фуқароларга ўз сайлов участкаларига оид ахборотлар билан танишишга ва сайлов участкасини ўзгартиришга сўровнома юбориш имконини бериш;
СЯЭРда сақланадиган маълумотлардан фойдаланувчиларнинг фойдаланиш ва сайлов участкалари бўйича рўйхатларга тузатиш киритиш ҳуқуқларини тақсимлаш.
СЯЭРдаги маълумотларни сайлов участкалари чегаралари доирасида автоматик равишда тақсимлаш.
5. Ўзбекистон Республикаси Марказий сайлов комиссияси СЖБАТ ва унинг таркибига кирувчи СЯЭР эгаси ҳамда СЖБАТ ва СЯЭРни янада такомиллаштириш бўйича буюртмачи ҳисобланади.
2-боб. СЖБАТ оператори
6. Ўзбекистон Республикаси Ахборот технологиялари ва коммуникацияларини ривожлантириш вазирлиги СЖБАТ оператори (кейинги ўринларда Оператор деб аталади) ҳисобланади.
7. Қуйидагилар Операторнинг асосий вазифалари ҳисобланади:
СЖБАТни янада такомиллаштириш ва унга техникавий хизмат кўрсатиш;
СЖБАТнинг самарали ва узлуксиз ишлашини таъминлаш;
СЖБАТни идоравий ахборот тизимлари ва маълумотлар базалари билан интеграциялаш;
СЖБАТнинг ахборот хавфсизлигини таъминлаш чора-тадбирларини амалга ошириш.
3-боб. СЯЭРни шакллантириш тартиби
8. СЯЭР:
Ўзбекистон Республикаси Адлия вазирлиги ҳузуридаги Персоналлаштириш агентлиги (кейинги ўринларда — Агентлик) томонидан ушбу Низомнинг 2-бандига мувофиқ тақдим этиладиган сайловчи фуқаролар тўғрисидаги;
сайлов кампанияси даврида сайловчилар рўйхатларини аниқлаштириш орқали сайлов комиссиялари томонидан тақдим этиладиган сайловчи фуқаролар тўғрисидаги ахборотлар асосида шакллантирилади ва янгилаб борилади.
СЯЭР ҳар олти ойда бир марта, сайлов кампанияси даврида эса МСК томонидан Агентлик ва Оператор билан келишилган ҳолда тасдиқланган жадвалга мувофиқ янгиланади.
9. Қуйидаги давлат органлари (кейинги ўринларда ваколатли органлар деб аталади) Агентликка тегишли маълумотларни электрон шаклда тақдим этадилар:
а) Ўзбекистон Республикаси Ички ишлар вазирлиги:
фуқароларнинг доимий ва/ёки вақтинчалик яшаш манзили тўғрисида;
фуқаролиги белгиланган тартибда тугатилган шахслар тўғрисида;
оғир ва ўта оғир жиноятлар содир этганлиги учун суднинг ҳукми билан озодликдан маҳрум этиш жойларида сақланаётган, сайловда иштирок этиш ҳуқуқидан қонунга мувофиқ ҳамда суднинг қарори асосида маҳрум этилган шахслар тўғрисида;
озодликдан маҳрум этиш тарзидаги жазони ўташ муассасаларидан озод этилган шахслар ва сайловда иштирок этиш ҳуқуқи қайта тикланган шахслар тўғрисида;
вазирлик тизимидаги таълим муассасаларида таълим олаётган фуқаролар тўғрисида — сайлов бошланишидан уч ой аввал;
муддатли ҳарбий хизматни ўтаётган ва вазирлик тизими ҳарбий қисмларидаги фуқаролар тўғрисида — сайлов бошланишидан олти ой аввал;
б) Ўзбекистон Республикаси Адлия вазирлиги — фуқароларнинг ўлимини рўйхатга олиш тўғрисида;
в) Ўзбекистон Республикаси Мудофаа вазирлиги:
вазирлик тизимидаги олий ҳарбий таълим муассасаларида таълим олаётган фуқаролар тўғрисида — сайлов бошланишидан икки ой аввал;
муддатли ҳарбий хизматни ўтаётган, ҳарбий қисм ҳудудидаги казармалар, ётоқхоналар ва хизмат турар жойларида яшаётган ҳарбий хизматчилар ва уларнинг оила аъзолари тўғрисида — сайлов бошланишидан тўрт ой аввал;
ойлик ҳарбий йиғин ўтаётган сафарбарлик чақируви резерви хизматчилари тўғрисида — сайлов ўтказиладиган ойнинг иккинчи ўн кунлигига қадар;
г) Ўзбекистон Республикаси Соғлиқни сақлаш вазирлиги — судлар томонидан муомалага лаёқатсиз (лаёқатли) деб топилиб, сайловда иштирок этиш ҳуқуқидан қонунга мувофиқ ҳамда суднинг қарори асосида маҳрум этилган (сайловда иштирок этиш ҳуқуқи қайта тикланган) фуқаролар тўғрисида.
д) Ўзбекистон Республикаси Ташқи ишлар вазирлиги:
яшаш давлатини (Ўзбекистон Республикасининг чет давлатлардаги дипломатик ва бошқа ваколатхоналарини) кўрсатган ҳолда доимий ёки вақтинчалик консуллик ҳисобида турган фуқаролар тўғрисида;
Ўзбекистон Республикасининг чет давлатлардаги дипломатик ва бошқа ваколатхоналари ҳузурида тузилган участка сайлов комиссиялари томонидан сайловчилар рўйхатига киритилган ўша давлат ҳудудида турган фуқаролар тўғрисида;
е) Ўзбекистон Республикаси Давлат солиқ қўмитаси ҳузуридаги Кадастр агентлиги — фуқароларнинг кўчмас мулк объектлари кадастр рақамлари, улар жойлашган манзили ва геолокация (геокод) тўғрисида;
ж) Ўзбекистон Республикаси Фавқулодда вазиятлар вазирлиги, Ўзбекистон Республикаси Давлат божхона қўмитаси, Ўзбекистон Республикаси Миллий гвардияси:
вазирлик (ташкилот) тизимидаги олий ҳарбий таълим муассасаларида таълим олаётган фуқаролар тўғрисида — сайлов бошланишидан уч ой аввал;
муддатли ҳарбий хизматни ўтаётган ва ҳарбий қисмлардаги фуқаролар тўғрисида — сайлов бошланишидан тўрт ой аввал.
10. Ваколатли органлар ушбу Низомнинг 9-бандига мувофиқ Агентликка маълумотларни электрон шаклда жисмоний шахснинг идентификация рақамини (агар мавжуд бўлса), паспорти (агар сайловчи фуқаро чет давлатда бўлса, хорижга чиқиш паспорти ёки дипломатик паспорти) ёки идентификация ID-картаси серияси ва рақами, туғилган санаси (йййй.оо.кк), жинси, миллати, фамилияси, исми ва отасининг исмини (давлат тилида, лотин ёзувида) кўрсатган ҳолда, фуқароларнинг яшаш жойи манзили (давлатлар, Ўзбекистон Республикаси вилоятлари, туманлари, аҳоли пунктлари ва кўчалари, кадастр рақамлари, улар жойлашган манзили ва геолокация (геокод) тўғрисидаги маълумотларни эса Агентлик ва Оператор билан ўзаро келишилган техник йўриқномадаги маълумотномалар (кейинги ўринларда маълумотномалар деб аталади) асосида юборадилар.
11. Агентлик қуйидагиларни таъминлайди:
ушбу Низомнинг 9-10 бандларига мувофиқ ваколатли органлардан фуқаролар тўғрисидаги маълумотларни олиш ва шакллантириш;
ваколатли органлардан келган маълумотни идентификациялаш;
Ўзбекистон Республикаси фуқаролари рўйхатидан сайлаш ҳуқуқига эга бўлмаган фуқароларни чиқариш;
ушбу Низомнинг 12-бандига мувофиқ сайловчи фуқаролар тўғрисидаги ахборотни электрон шаклда Операторга тақдим этиш.
12. СЯЭРни янгилаш Агентлик томонидан Операторга ҳарбий хизматчилардан ташқари, сайловчи фуқаролар тўғрисидаги рўйхатни электрон шаклда узатиш йўли билан қуйидагиларни кўрсатган ҳолда амалга оширилади:
жисмоний шахснинг шахсий идентификация рақами;
Ўзбекистон Республикаси фуқароси паспорти (агар сайловчи фуқаро чет давлатда бўлса, хорижга чиқиш паспорти ёки дипломатик паспорти) ёки идентификация ID-картасининг серияси ва рақами;
давлат тили лотин ёзувида фамилияси, исми ва отасининг исми;
Ўзбекистон Республикаси фуқаросининг туғилган санаси (йййй.оо.кк), жинси ва миллати;
маълумотномалар асосида жойлашув (яшаш) жойи манзиллари.
4-боб. СЯЭРдан фойдаланишни ташкил этиш тартиби
13. СЖБАТ «Ўзбектелеком» АКнинг маълумотларни қайта ишлаш марказида белгиланган тартибда жойлашади.
14. МСК СЖБАТдаги Ўзбекистон Республикасининг сайловчи фуқаролари рўйхатига кириш имкониятига эга.
Қорақалпоғистон Республикасининг Марказий сайлов комиссияси, вилоят, туман ва шаҳар, округ ва участка сайлов комиссиялари СЖБАТдаги тегишли ҳудуд бўйича сайловчи фуқаролар рўйхатидан фойдаланиш имкониятига эга.
МСК ва тегишли сайлов комиссияларининг СЖБАТдан фойдаланиш имкониятлари «Электрон ҳукумат» тизимининг маълумотлар узатиш тармоғи орқали амалга оширилади.
СЖБАТда сайлов комиссияларининг масъул ходимлари идентификацияси авторизация ахборот тизими орқали амалга оширилади.
5-боб. Сайловчи фуқаролар рўйхатини сайлов участкалари бўйича тақсимлаш ва у билан танишиш тартиби
15. Сайловчиларнинг ҳуқуқларини амалга ошириш, уларга тегишли маълумотлар билан танишиш ҳамда овоз беришни ўтказиш учун ҳар бир сайлов участкаси бўйича сайловчи фуқароларнинг рўйхати шакллантирилади.
Сайловчи фуқароларни рўйхатлар бўйича тақсимлаш СЖБАТда округ сайлов комиссиялари томонидан сайлов участкаларининг белгиланган чегаралари доирасида амалга оширилади. Бунинг учун СЖБАТда сайловчи фуқароларнинг рўйхатлари Ўзбекистон Республикасининг аҳоли пунктлари ва кўчалари, шунингдек Ўзбекистон Республикасининг чел элдаги ваколатхоналари бўйича тақдим этилади.
Маҳаллий ижро ҳокимияти органлари томонидан тақдим этилган сайлов участкаларининг дислокациялари асосида сайлов участкаларига тегишли ҳудуд чегаралари бўйича Ўзбекистон Республикаси Давлат солиқ қўмитаси ҳузуридаги Кадастр агентлиги томонидан сайлов округлари ва участкаларининг геолокацияли электрон харитаси тузилади.
16. Сайлов участкаларининг сони ёки чегаралари ўзгарган тақдирда округ сайлов комиссияси 24 соат мобайнида СЖБАТга тегишли ўзгартиришларни киритади.
17. Сайловчи фуқаролар рўйхати Ўзбекистон Республикасининг Сайлов кодекси асосида ҳамманинг танишиб чиқиши учун тақдим этилади.
Сайловчи фуқаро ўзи бириктирилган сайлов участкаси, манзили ва жисмоний шахснинг шахсий идентификация рақамини ёки паспорт ёхуд идентификация ID-картаси серияси ва рақамини киритиш йўли билан МСК расмий веб-сайти орқали сайлов участкасининг жойлашуви (дислокацияси)га оид ахборот билан танишиш имкониятига эга.
Участка сайлов комиссияси сайловчилар рўйхатини сайловга ўттиз етти кун қолганидан бошлаб, сайловга беш кун қолгунига қадар уйма-уй юриб аниқлик киритади. Ўрганиш давомида сайловчининг шахсига ёки яшаш жойига оид маълумотлар ўзгарганлиги аниқланган тақдирда, СЯЭРга тегишли ўзгартириш киритади.
18. СЯЭРда сайловчи фуқаро бўлмаганда ёки унинг сайлов участкаси мос келмаган тақдирда сайловчи фуқаро участка сайлов комиссиясига тегишли ўзгартиришлар киритилиши бўйича ариза билан ёзма ёки МСКнинг расмий веб-сайтида ҳамда Ягона интерактив давлат хизматлари портали орқали электрон шаклда мурожаат қилиш ҳуқуқига эга.
6-боб. Якунловчи қоидалар
19. СЯЭРни шакллантириш ва юритиш тартиби схемаси иловада келтирилган.
20. Ваколатли органлар СЯЭРни шакллантириш ва янгилаб бориш учун маълумотларнинг ишончлилиги, долзарблиги ва ўз вақтида тақдим этилиши юзасидан масъулдирлар.
21. Мазкур Низом талаблари бузилишида айбдор шахслар қонунчиликка мувофиқ жавоб берадилар.
Ўзбекистон Республикаси сайловчиларининг Ягона электрон рўйхатини шакллантириш ва юритиш тартиби тўғрисидаги низомга ИЛОВА
Ўзбекистон Республикаси сайловчиларининг Ягона электрон рўйхатини шакллантириш ва юритиш
Ўзбекистон Республикасининг Бош вазири А. АРИПОВ
Тошкент ш.,
2017 йил 15 август,
630-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
Oʻzbekiston Respublikasi saylovchilarining Yagona elektron roʻyxatini shakllantirish va yuritish chora-tadbirlari toʻgʻrisida
Axborot-kommunikatsiya texnologiyalarini keng joriy etish yoʻli bilan Oʻzbekiston Respublikasining saylov jarayonini yanada takomillashtirish maqsadida Vazirlar Mahkamasi qaror qiladi:
1. Oʻzbekiston Respublikasi Markaziy saylov komissiyasi tomonidan Axborot texnologiyalari va kommunikatsiyalarini rivojlantirish vazirligi bilan birgalikda saylov jarayoniga Oʻzbekiston Respublikasi saylovchilarining Yagona elektron roʻyxatini (keyingi oʻrinlarda SYAER deb ataladi) joriy etish ishlari amalga oshirilayotganligi maʼlumot uchun qabul qilinsin.
2. Belgilab qoʻyilsinki:
SYAER “Elektron hukumat” tizimini yaratish doirasida amalga oshiriladi;
SYAERni yaratish va SYAERni shakllantirishga yoʻnaltirilgan idoraviy axborot tizimlarini takomillashtirish bilan bogʻliq xarajatlar Axborot-kommunikatsiyalarini rivojlantirish jamgʻarmasi hamda SYAERning ishlashini texnikaviy taʼminlash uchun koʻmaklashishga Koreya Respublikasi tomonidan ajratiladigan grant mablagʻlari hisobiga amalga oshiriladi.
3. Oʻzbekiston Respublikasi saylovchilarining Yagona elektron roʻyxatini shakllantirish va yuritish tartibi toʻgʻrisidagi nizom ilovaga muvofiq tasdiqlansin.
4. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi manfaatdor vazirliklar va idoralar bilan birgalikda:
SYAERni yaratish boʻyicha bosh pudratchini belgilash yuzasidan bir oy muddatda Oʻzbekiston Respublikasi Vazirlar Mahkamasiga taklif kiritsin;
2017-yil dekabr oyida boʻlib oʻtadigan Toshkent shahri xalq deputatlarining tumanlar Kengashlariga saylovlar davomida axborot tizimining SYAERni shakllantirish va yuritishni nazarda tutuvchi tajriba tartibida foydalanilishi huquqiy eksperiment sifatida amalga oshirilishini, 2018-yilning 1-apreligacha esa — SYAERni yaratishni va butun mamlakat boʻyicha ishga tushirishni taʼminlasin;
ikki oy muddatda — jismoniy himoya va axborot xavfsizligini taʼminlash yuzasidan zaruriy choralar taʼminlanishini hisobga olgan holda SYAERni amalga oshirish tadbirlari rejasini tasdiqlasin.
5. Vazirlik va idoralar oʻzlari qabul qilgan normativ-huquqiy hujjatlarini bir oy muddatda ushbu qarorga muvofiqlashtirsinlar.
6. Mazkur qarorning bajarilishini nazorat qilish Oʻzbekiston Respublikasi Axborot texnologiyalari va kommunikatsiyalarini rivojlantirish vaziri vazifasini bajaruvchi Sh.X. Shermatov zimmasiga hamda Oʻzbekiston Respublikasi Vazirlar Mahkamasining Madaniyat, axborot tizimlari va telekommunikatsiyalar masalalari axborot-tahlil departamentiga yuklansin.
Vazirlar Mahkamasining 2017-yil 15-avgustdagi 630-son qaroriga ILOVA
Oʻzbekiston Respublikasi saylovchilarining Yagona elektron roʻyxatini shakllantirish va yuritish tartibi toʻgʻrisida
1-bob. Umumiy qoidalar
1. Ushbu Nizom Oʻzbekiston Respublikasining Saylov kodeksi , “ Axborotlashtirish toʻgʻrisida ”, “ Elektron hukumat toʻgʻrisida ”gi qonunlariga va Oʻzbekiston Respublikasi Prezidentining “Saylov jarayoniga zamonaviy axborot-kommunikatsiya texnologiyalarini joriy etish chora-tadbirlari toʻgʻrisida” 2018-yil 4-oktabrdagi PQ-3961-son qaroriga muvofiq Oʻzbekiston Respublikasi saylovchilarining Yagona elektron roʻyxatini (keyingi oʻrinlarda SYAER deb ataladi) shakllantirish, yuritish, yangilash va undan foydalanish tartibini belgilaydi.
2. SYAER Oʻzbekiston Respublikasining 18 yoshga toʻlgan (shu jumladan saylov kuni), doimiy yoki vaqtincha yashash joyi manziliga ega boʻlgan, saylovda ishtirok etish huquqidan qonunga muvofiq va sudning qarori asosida mahrum etilmagan fuqarolari (keyingi oʻrinlarda saylovchi fuqarolar deb ataladi) kiritiladigan davlat axborot resursi hisoblanadi.
Oʻzbekiston Respublikasi fuqarosining pasporti (agar saylovchi fuqaro chet davlatda boʻlsa, xorijga chiqish pasporti yoki diplomatik pasporti) yoki identifikatsiya ID-kartasi seriyasi va raqami, jismoniy shaxsning shaxsiy identifikatsiya raqami, familiyasi, ismi, otasining ismi (davlat tilida, lotin yozuvida), tugʻilgan sanasi (yyyy.oo.kk), doimiy yoki vaqtincha istiqomat qilayotgan fuqarolarning yashash joyi manzili va uning kadastr raqami Adliya vazirligi huzuridagi Personallashtirish agentligi tomonidan taqdim etiladigan saylovchi fuqarolar toʻgʻrisidagi axborotlar hisoblanadi.
3. SYAERga kiritilgan saylovchi fuqarolarning shaxsiy maʼlumotlaridan iborat boʻlgan axborotlar bilan ishlash tartibi Oʻzbekiston Respublikasi Markaziy saylov komissiyasi (keyingi oʻrinlarda MSK deb ataladi) tomonidan belgilanadi.
4. SYAER saylov jarayonini boshqarish boʻyicha axborot tizimi (keyingi oʻrinlarda SJBAT deb ataladi) vositasida shakllantiriladi va uning tarkibiga kiradi.
Quyidagilar SJBATning asosiy vazifalari hisoblanadi:
xavfsiz aloqa kanallari boʻyicha idoraviy axborot tizimlari va maʼlumotlar bazalari bilan integratsiyalash orqali SYAERni shakllantirish jarayonini avtomatlashtirish;
SYAERga tuzatish kiritish imkoniyati bilan saylov uchastkalari boʻyicha saylovchi fuqarolarni taqsimlash vositalarini taqdim etish;
saylovchi fuqarolarga oʻz saylov uchastkalariga oid axborotlar bilan tanishishga va saylov uchastkasini oʻzgartirishga soʻrovnoma yuborish imkonini berish;
SYAERda saqlanadigan maʼlumotlardan foydalanuvchilarning foydalanish va saylov uchastkalari boʻyicha roʻyxatlarga tuzatish kiritish huquqlarini taqsimlash.
SYAERdagi maʼlumotlarni saylov uchastkalari chegaralari doirasida avtomatik ravishda taqsimlash.
5. Oʻzbekiston Respublikasi Markaziy saylov komissiyasi SJBAT va uning tarkibiga kiruvchi SYAER egasi hamda SJBAT va SYAERni yanada takomillashtirish boʻyicha buyurtmachi hisoblanadi.
2-bob. SJBAT operatori
6. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi SJBAT operatori (keyingi oʻrinlarda Operator deb ataladi) hisoblanadi.
7. Quyidagilar Operatorning asosiy vazifalari hisoblanadi:
SJBATni yanada takomillashtirish va unga texnikaviy xizmat koʻrsatish;
SJBATning samarali va uzluksiz ishlashini taʼminlash;
SJBATni idoraviy axborot tizimlari va maʼlumotlar bazalari bilan integratsiyalash;
SJBATning axborot xavfsizligini taʼminlash chora-tadbirlarini amalga oshirish.
3-bob. SYAERni shakllantirish tartibi
8. SYAER:
Oʻzbekiston Respublikasi Adliya vazirligi huzuridagi Personallashtirish agentligi (keyingi oʻrinlarda — Agentlik) tomonidan ushbu Nizomning 2-bandiga muvofiq taqdim etiladigan saylovchi fuqarolar toʻgʻrisidagi;
saylov kampaniyasi davrida saylovchilar roʻyxatlarini aniqlashtirish orqali saylov komissiyalari tomonidan taqdim etiladigan saylovchi fuqarolar toʻgʻrisidagi axborotlar asosida shakllantiriladi va yangilab boriladi.
SYAER har olti oyda bir marta, saylov kampaniyasi davrida esa MSK tomonidan Agentlik va Operator bilan kelishilgan holda tasdiqlangan jadvalga muvofiq yangilanadi.
9. Quyidagi davlat organlari (keyingi oʻrinlarda vakolatli organlar deb ataladi) Agentlikka tegishli maʼlumotlarni elektron shaklda taqdim etadilar:
a) Oʻzbekiston Respublikasi Ichki ishlar vazirligi:
fuqarolarning doimiy va/yoki vaqtinchalik yashash manzili toʻgʻrisida;
fuqaroligi belgilangan tartibda tugatilgan shaxslar toʻgʻrisida;
ogʻir va oʻta ogʻir jinoyatlar sodir etganligi uchun sudning hukmi bilan ozodlikdan mahrum etish joylarida saqlanayotgan, saylovda ishtirok etish huquqidan qonunga muvofiq hamda sudning qarori asosida mahrum etilgan shaxslar toʻgʻrisida;
ozodlikdan mahrum etish tarzidagi jazoni oʻtash muassasalaridan ozod etilgan shaxslar va saylovda ishtirok etish huquqi qayta tiklangan shaxslar toʻgʻrisida;
vazirlik tizimidagi taʼlim muassasalarida taʼlim olayotgan fuqarolar toʻgʻrisida — saylov boshlanishidan uch oy avval;
muddatli harbiy xizmatni oʻtayotgan va vazirlik tizimi harbiy qismlaridagi fuqarolar toʻgʻrisida — saylov boshlanishidan olti oy avval;
b) Oʻzbekiston Respublikasi Adliya vazirligi — fuqarolarning oʻlimini roʻyxatga olish toʻgʻrisida;
v) Oʻzbekiston Respublikasi Mudofaa vazirligi:
vazirlik tizimidagi oliy harbiy taʼlim muassasalarida taʼlim olayotgan fuqarolar toʻgʻrisida — saylov boshlanishidan ikki oy avval;
muddatli harbiy xizmatni oʻtayotgan, harbiy qism hududidagi kazarmalar, yotoqxonalar va xizmat turar joylarida yashayotgan harbiy xizmatchilar va ularning oila aʼzolari toʻgʻrisida — saylov boshlanishidan toʻrt oy avval;
oylik harbiy yigʻin oʻtayotgan safarbarlik chaqiruvi rezervi xizmatchilari toʻgʻrisida — saylov oʻtkaziladigan oyning ikkinchi oʻn kunligiga qadar;
g) Oʻzbekiston Respublikasi Sogʻliqni saqlash vazirligi — sudlar tomonidan muomalaga layoqatsiz (layoqatli) deb topilib, saylovda ishtirok etish huquqidan qonunga muvofiq hamda sudning qarori asosida mahrum etilgan (saylovda ishtirok etish huquqi qayta tiklangan) fuqarolar toʻgʻrisida.
d) Oʻzbekiston Respublikasi Tashqi ishlar vazirligi:
yashash davlatini (Oʻzbekiston Respublikasining chet davlatlardagi diplomatik va boshqa vakolatxonalarini) koʻrsatgan holda doimiy yoki vaqtinchalik konsullik hisobida turgan fuqarolar toʻgʻrisida;
Oʻzbekiston Respublikasining chet davlatlardagi diplomatik va boshqa vakolatxonalari huzurida tuzilgan uchastka saylov komissiyalari tomonidan saylovchilar roʻyxatiga kiritilgan oʻsha davlat hududida turgan fuqarolar toʻgʻrisida;
e) Oʻzbekiston Respublikasi Davlat soliq qoʻmitasi huzuridagi Kadastr agentligi — fuqarolarning koʻchmas mulk obyektlari kadastr raqamlari, ular joylashgan manzili va geolokatsiya (geokod) toʻgʻrisida;
j) Oʻzbekiston Respublikasi Favqulodda vaziyatlar vazirligi, Oʻzbekiston Respublikasi Davlat bojxona qoʻmitasi, Oʻzbekiston Respublikasi Milliy gvardiyasi:
vazirlik (tashkilot) tizimidagi oliy harbiy taʼlim muassasalarida taʼlim olayotgan fuqarolar toʻgʻrisida — saylov boshlanishidan uch oy avval;
muddatli harbiy xizmatni oʻtayotgan va harbiy qismlardagi fuqarolar toʻgʻrisida — saylov boshlanishidan toʻrt oy avval.
10. Vakolatli organlar ushbu Nizomning 9-bandiga muvofiq Agentlikka maʼlumotlarni elektron shaklda jismoniy shaxsning identifikatsiya raqamini (agar mavjud boʻlsa), pasporti (agar saylovchi fuqaro chet davlatda boʻlsa, xorijga chiqish pasporti yoki diplomatik pasporti) yoki identifikatsiya ID-kartasi seriyasi va raqami, tugʻilgan sanasi (yyyy.oo.kk), jinsi, millati, familiyasi, ismi va otasining ismini (davlat tilida, lotin yozuvida) koʻrsatgan holda, fuqarolarning yashash joyi manzili (davlatlar, Oʻzbekiston Respublikasi viloyatlari, tumanlari, aholi punktlari va koʻchalari, kadastr raqamlari, ular joylashgan manzili va geolokatsiya (geokod) toʻgʻrisidagi maʼlumotlarni esa Agentlik va Operator bilan oʻzaro kelishilgan texnik yoʻriqnomadagi maʼlumotnomalar (keyingi oʻrinlarda maʼlumotnomalar deb ataladi) asosida yuboradilar.
11. Agentlik quyidagilarni taʼminlaydi:
ushbu Nizomning 9-10 bandlariga muvofiq vakolatli organlardan fuqarolar toʻgʻrisidagi maʼlumotlarni olish va shakllantirish;
vakolatli organlardan kelgan maʼlumotni identifikatsiyalash;
Oʻzbekiston Respublikasi fuqarolari roʻyxatidan saylash huquqiga ega boʻlmagan fuqarolarni chiqarish;
ushbu Nizomning 12-bandiga muvofiq saylovchi fuqarolar toʻgʻrisidagi axborotni elektron shaklda Operatorga taqdim etish.
12. SYAERni yangilash Agentlik tomonidan Operatorga harbiy xizmatchilardan tashqari, saylovchi fuqarolar toʻgʻrisidagi roʻyxatni elektron shaklda uzatish yoʻli bilan quyidagilarni koʻrsatgan holda amalga oshiriladi:
jismoniy shaxsning shaxsiy identifikatsiya raqami;
Oʻzbekiston Respublikasi fuqarosi pasporti (agar saylovchi fuqaro chet davlatda boʻlsa, xorijga chiqish pasporti yoki diplomatik pasporti) yoki identifikatsiya ID-kartasining seriyasi va raqami;
davlat tili lotin yozuvida familiyasi, ismi va otasining ismi;
Oʻzbekiston Respublikasi fuqarosining tugʻilgan sanasi (yyyy.oo.kk), jinsi va millati;
maʼlumotnomalar asosida joylashuv (yashash) joyi manzillari.
4-bob. SYAERdan foydalanishni tashkil etish tartibi
13. SJBAT “Oʻzbektelekom” AKning maʼlumotlarni qayta ishlash markazida belgilangan tartibda joylashadi.
14. MSK SJBATdagi Oʻzbekiston Respublikasining saylovchi fuqarolari roʻyxatiga kirish imkoniyatiga ega.
Qoraqalpogʻiston Respublikasining Markaziy saylov komissiyasi, viloyat, tuman va shahar, okrug va uchastka saylov komissiyalari SJBATdagi tegishli hudud boʻyicha saylovchi fuqarolar roʻyxatidan foydalanish imkoniyatiga ega.
MSK va tegishli saylov komissiyalarining SJBATdan foydalanish imkoniyatlari “Elektron hukumat” tizimining maʼlumotlar uzatish tarmogʻi orqali amalga oshiriladi.
SJBATda saylov komissiyalarining masʼul xodimlari identifikatsiyasi avtorizatsiya axborot tizimi orqali amalga oshiriladi.
5-bob. Saylovchi fuqarolar roʻyxatini saylov uchastkalari boʻyicha taqsimlash va u bilan tanishish tartibi
15. Saylovchilarning huquqlarini amalga oshirish, ularga tegishli maʼlumotlar bilan tanishish hamda ovoz berishni oʻtkazish uchun har bir saylov uchastkasi boʻyicha saylovchi fuqarolarning roʻyxati shakllantiriladi.
Saylovchi fuqarolarni roʻyxatlar boʻyicha taqsimlash SJBATda okrug saylov komissiyalari tomonidan saylov uchastkalarining belgilangan chegaralari doirasida amalga oshiriladi. Buning uchun SJBATda saylovchi fuqarolarning roʻyxatlari Oʻzbekiston Respublikasining aholi punktlari va koʻchalari, shuningdek Oʻzbekiston Respublikasining chel eldagi vakolatxonalari boʻyicha taqdim etiladi.
Mahalliy ijro hokimiyati organlari tomonidan taqdim etilgan saylov uchastkalarining dislokatsiyalari asosida saylov uchastkalariga tegishli hudud chegaralari boʻyicha Oʻzbekiston Respublikasi Davlat soliq qoʻmitasi huzuridagi Kadastr agentligi tomonidan saylov okruglari va uchastkalarining geolokatsiyali elektron xaritasi tuziladi.
16. Saylov uchastkalarining soni yoki chegaralari oʻzgargan taqdirda okrug saylov komissiyasi 24 soat mobaynida SJBATga tegishli oʻzgartirishlarni kiritadi.
17. Saylovchi fuqarolar roʻyxati Oʻzbekiston Respublikasining Saylov kodeksi asosida hammaning tanishib chiqishi uchun taqdim etiladi.
Saylovchi fuqaro oʻzi biriktirilgan saylov uchastkasi, manzili va jismoniy shaxsning shaxsiy identifikatsiya raqamini yoki pasport yoxud identifikatsiya ID-kartasi seriyasi va raqamini kiritish yoʻli bilan MSK rasmiy veb-sayti orqali saylov uchastkasining joylashuvi (dislokatsiyasi)ga oid axborot bilan tanishish imkoniyatiga ega.
Uchastka saylov komissiyasi saylovchilar roʻyxatini saylovga oʻttiz yetti kun qolganidan boshlab, saylovga besh kun qolguniga qadar uyma-uy yurib aniqlik kiritadi. Oʻrganish davomida saylovchining shaxsiga yoki yashash joyiga oid maʼlumotlar oʻzgarganligi aniqlangan taqdirda, SYAERga tegishli oʻzgartirish kiritadi.
18. SYAERda saylovchi fuqaro boʻlmaganda yoki uning saylov uchastkasi mos kelmagan taqdirda saylovchi fuqaro uchastka saylov komissiyasiga tegishli oʻzgartirishlar kiritilishi boʻyicha ariza bilan yozma yoki MSKning rasmiy veb-saytida hamda Yagona interaktiv davlat xizmatlari portali orqali elektron shaklda murojaat qilish huquqiga ega.
6-bob. Yakunlovchi qoidalar
19. SYAERni shakllantirish va yuritish tartibi sxemasi ilovada keltirilgan.
20. Vakolatli organlar SYAERni shakllantirish va yangilab borish uchun maʼlumotlarning ishonchliligi, dolzarbligi va oʻz vaqtida taqdim etilishi yuzasidan masʼuldirlar.
21. Mazkur Nizom talablari buzilishida aybdor shaxslar qonunchilikka muvofiq javob beradilar.
Oʻzbekiston Respublikasi saylovchilarining Yagona elektron roʻyxatini shakllantirish va yuritish tartibi toʻgʻrisidagi nizomga ILOVA
Oʻzbekiston Respublikasi saylovchilarining Yagona elektron roʻyxatini shakllantirish va yuritish
Oʻzbekiston Respublikasining Bosh vaziri A. ARIPOV
Toshkent sh.,
2017-yil 15-avgust,
630-son
Кабинета Министров Республики Узбекистан
Постановление
ПОЛОЖЕНИЕ
СХЕМА
О мерах по формированию и ведению Единого электронного списка избирателей Республики Узбекистан
В целях дальнейшего совершенствования избирательного процесса Республики Узбекистан путем широкого внедрения информационно-коммуникационных технологий Кабинет Министров постановляет:
1. Принять к сведению, что Центральной избирательной комиссией совместно с Министерством по развитию информационных технологий и коммуникаций Республики Узбекистан ведутся работы по внедрению в избирательный процесс Единого электронного списка избирателей Республики Узбекистан (далее — ЕЭСИ).
2. Определить, что:
ЕЭСИ реализуется в рамках создания системы «Электронное правительство»;
финансирование расходов, связанных с созданием ЕЭСИ и совершенствованием ведомственных информационных систем, направленных на формирование ЕЭСИ, осуществляется за счет средств Фонда развития информационно-коммуникационных технологий, а также грантов, выделяемых Республикой Корея на содействие техническому обеспечению функционирования ЕЭСИ.
3. Утвердить Положение о порядке формирования и ведения Единого электронного списка избирателей Республики Узбекистан согласно приложению .
4. Министерству по развитию информационных технологий и коммуникаций Республики Узбекистан совместно с заинтересованными министерствами и ведомствами:
в месячный срок внести предложение в Кабинет Министров Республики Узбекистан об определении генерального подрядчика по созданию ЕЭСИ;
обеспечить осуществление в порядке правового эксперимента опытной эксплуатации информационной системы, предусматривающей формирование и ведение ЕЭСИ, в ходе выборов в районные Кенгаши народных депутатов г.Ташкента в декабре 2017 года, а в срок до 1 апреля 2018 года — создание и запуск ЕЭСИ по всей стране;
в двухмесячный срок утвердить план мероприятий по реализации ЕЭСИ с учетом обеспечения надлежащих мер физической защиты и информационной безопасности.
5. Министерствам и ведомствам в месячный срок привести принятые ими нормативно-правовые акты в соответствие с настоящим постановлением.
6. Контроль за исполнением настоящего постановления возложить на исполняющего обязанности министра по развитию информационных технологий и коммуникаций Республики Узбекистан Ш.Х. Шерматова и Информационно-аналитический департамент по вопросам культуры, информационных систем и телекоммуникаций Кабинета Министров Республики Узбекистан.
ПРИЛОЖЕНИЕ к постановлению Кабинета Министров от 15 августа 2017 года № 630
о порядке формирования и ведения Единого электронного списка избирателей Республики Узбекистан
Глава 1. Общие положения
1. Настоящее положение в соответствии с Избирательным кодексом Республики Узбекистан, законами « Об информатизации », « Об электронном правительстве » и постановлением Президента Республики Узбекистан от 4 октября 2018 года № ПП-3961 «О мерах по внедрению современных информационно-коммуникационных технологий в избирательный процесс» определяет порядок формирования, ведения, обновления и использования единого электронного списка избирателей Республики Узбекистан (далее — ЕЭСИ).
2. ЕЭСИ является государственным информационным ресурсом, в который включаются граждане Республики Узбекистан, достигшие 18 лет (в том числе в день выборов), имеющие адрес постоянного или временного места жительства, не лишенные права участия в выборах в соответствии с законом и на основе решения суда (далее — граждане-избиратели).
Сведениями о гражданах-избирателях, представляемыми Агентство персонализации при Министерстве юстиции Республики Узбекистан, являются серия и номер паспорт гражданина Республики Узбекистан (паспорта для выезда за границу или дипломатического паспорта, если гражданин-избиратель находится в иностранном государстве) или идентификационной ID-карты, персональный идентификационный номер физического лица, фамилия, имя, отчество (на государственном языке, в латинской графике), дата рождения (гггг.мм.дд), адрес места постоянного или временного проживания граждан и его кадастровый номер.
3. Порядок работы с информацией, содержащей персональные данные граждан-избирателей, включенных в ЕЭСИ, определяется Центральной избирательной комиссией Республики Узбекистан (далее — ЦИК).
4. ЕЭСИ формируется посредством информационной системы по управлению избирательным процессом (далее — ИСУИП) и входит в ее состав.
Основными задачами ИСУИП являются:
автоматизация процесса формирования ЕЭСИ путем интеграции с ведомственными информационными системами и базами данных по защищенным каналам связи;
предоставление инструментов по распределению граждан-избирателей по избирательным участкам с возможностью корректировки ЕЭСИ;
предоставление возможности гражданам-избирателям ознакомления с информацией, касающейся их избирательных участков, и направления запроса на изменение избирательного участка;
распределение прав доступа пользователей к сведениям, хранимым в ЕЭСИ, и функциями корректировки списков по избирательным участкам.
Автоматическое распределение данных в ЕЭСИ в пределах границ избирательных участков.
5. Собственником, а также заказчиком дальнейшего совершенствования ИСУИП и входящего в нее ЕЭСИ является Центральная избирательная комиссия Республики Узбекистан.
Глава 2. Оператор ИСУИП
6. Министерство по развитию информационных технологий и коммуникаций Республики Узбекистан является оператором ИСУИП (далее — Оператор).
7. Основными задачами Оператора являются:
осуществление работ по дальнейшему совершенствованию и техническому обслуживанию ИСУИП;
обеспечение эффективного и бесперебойного функционирования ИСУИП;
интеграция ИСУИП с ведомственными информационными системами и базами данных;
реализация мер по обеспечению информационной безопасности ИСУИП.
Глава 3. Порядок формирования ЕЭСИ
8. ЕЭСИ формируется и обновляется на основании информации:
о гражданах-избирателях, представляемой Агентство персонализации при Министерстве юстиции Республики Узбекистан (далее — Агентство) в соответствии с пунктом 2 настоящего Положения;
о гражданах-избирателях, предоставляемой избирательными комиссиями посредством уточнения списков избирателей в период избирательной кампании.
ЕЭСИ обновляется каждые шесть месяцев, а в период избирательной кампании согласно графику, утверждаемому ЦИК по согласованию с Агентство и Оператором.
9. Следующие государственные органы (далее — уполномоченные органы) представляют в Агентство соответствующие сведения в электронной форме:
а) Министерство внутренних дел Республики Узбекистан:
об адресе постоянного и/или временного жительства граждан;
о лицах, гражданство которых прекращено в установленном порядке;
о лицах, содержащихся в местах лишения свободы по приговору суда за совершение тяжких и особо тяжких преступлений, лишенные права участия в выборах в соответствии с законом и на основе решения суда;
о лицах, освободившихся из учреждений по исполнению наказания в виде лишения свободы, и лицах, право которых на участие в выборах восстановлено;
о гражданах, обучающихся в образовательных учреждениях системы министерства, — за три месяца до начала выборов;
о гражданах, проходящих срочную военную службу и находящихся в воинских частях системы министерства, — за шесть месяцев до начала выборов;
б) Министерство юстиции Республики Узбекистан — о регистрации смерти граждан;
в) Министерство обороны Республики Узбекистан:
о гражданах, обучающихся в высших военных образовательных учреждениях системы министерства, — за два месяца до начала выборов;
о гражданах, проходящих срочную военную службу, проживающих в казармах, общежитиях и служебных жилых помещениях на территории воинской части, и членах их семей — за четыре месяца до начала выборов;
о военнослужащих мобилизационного призывного резерва, проходящих месячные военные сборы, — до второй декады месяца, в котором проводятся выборы;
г) Министерство здравоохранения Республики Узбекистан — о гражданах, признанных судами недееспособными (дееспособными), лишенных права участия в выборах в соответствии с законом и на основе решения суда (право которых на участие в выборах восстановлено);
д) Министерство иностранных дел Республики Узбекистан:
о гражданах, вставших на постоянный или временный консульский учет с указанием страны пребывания (дипломатических и иных представительств Республики Узбекистан в иностранных государствах);
о гражданах, включенных в список избирателей участковыми избирательными комиссиями, образованными при дипломатических и иных представительствах Республики Узбекистан в иностранных государствах, проживающих на территории этого государства;
е) Агентство по кадастру при Государственном налоговом комитете Республики Узбекистан — о кадастровых номерах объектов недвижимого имущества граждан, адресах их местонахождения и геолокации (геокод);
ж) Министерство по чрезвычайным ситуациям Республики Узбекистан, Государственный таможенный комитет Республики Узбекистан, Национальная гвардия Республики Узбекистан:
о гражданах, обучающихся в высших военных образовательных учреждениях системы Министерства (организации) — за три месяца до начала выборов;
о гражданах, проходящих срочную военную службу и находящихся в воинских частях — за четыре месяца до начала выборов.
10. Уполномоченные органы в соответствии с пунктом 9 настоящего положения в электронном виде передают сведения в Агентстве, включая идентификационный номер физического лица (если имеется), паспорт (заграничный паспорт или дипломатический паспорт, если гражданин-избиратель находится в иностранном государстве) или серию и номер идентификационной карты, дату рождения (гггг.мм.дд), адрес места жительства граждан с указанием пола, национальности, фамилии, имени и отчества (на государственном языке, на латинице), сведения об адресе места жительства граждан (государства, области, районы, населенные пункты и улицы Республики Узбекистан, кадастровые номера, адреса их местонахождения и геолокации (геокоды)) направляются на основании справок, содержащихся в технической инструкции, согласованной между Агентством и оператором (далее — справочники).
11. Агентство обеспечивает:
получение и формирование от уполномоченных органов сведений о гражданах в соответствии с пунктами 9-10 настоящего Положения;
идентификацию информации, поступившей от уполномоченных органов;
исключение из списка граждан Республики Узбекистан лиц, не имеющих избирательного права;
представление Оператору информации в электронной форме о гражданах-избирателях в соответствии с пунктом 12 настоящего Положения.
12. Обновление ЕЭСИ осуществляется Агентство путем передачи Оператору в электронной форме списка граждан-избирателей, за исключением военнослужащих, с указанием:
персонального идентификационного номера физического лица;
серии и номера паспорта гражданина Республики Узбекистан (заграничный паспорт или дипломатический паспорт, если избиратель находится в иностранном государстве) или идентификационной ID-карты;
фамилия, имя и отчество на государственном языке на латинице;
дата рождения (гггг.мм.дд), пол и национальность гражданина Республики Узбекистан;
адреса места нахождения (проживания) на основании справок.
Глава 4. Порядок организации доступа к ЕЭСИ
13. ИСУИП размещается в центре обработки данных АК «Узбектелеком» в установленном порядке.
14. ЦИК имеет доступ в ИСУИП к списку граждан-избирателей Республики Узбекистан.
Центральная избирательная комиссия Республики Каракалпакстан, областные, районные, городские, окружные и участковые избирательные комиссии имеют доступ в ИСУИП к списку граждан-избирателей соответствующих территорий.
Доступ ЦИК и соответствующих избирательных комиссий к ИСУИП осуществляется по межведомственной сети передачи данных системы «Электронное правительство».
Идентификация ответственных сотрудников избирательных комиссий в ИСУИП осуществляется посредством информационной системы авторизации.
Глава 5. Порядок распределения списка граждан-избирателей по избирательным участкам и ознакомления с ним
15. В целях реализации прав избирателей, ознакомления с их данными, а также проведения голосования составляется список граждан-избирателей по каждому избирательному участку.
Распределение граждан-избирателей по спискам осуществляется в ИСУИП окружными избирательными комиссиями на основании определенных границ избирательных участков. Для этого в ИСУИП список граждан-избирателей предоставляется в разрезе населенных пунктов и улиц Республики Узбекистан, а также дипломатических представительств Республики Узбекистан в иностранных государствах.
На основании данных о дислокации избирательных участков, представленных органами исполнительной власти на местах, Агентством по кадастру при Государственном налоговом комитете Республики Узбекистан составляется электронная геолокационная карта избирательных округов и участков по границам соответствующих территорий избирательных участков.
16. В случае изменения количества избирательных участков или их границ окружная избирательная комиссия в течение 24 часов вносит соответствующие изменения в ИСУИП.
17. Список граждан-избирателей представляется для всеобщего ознакомления в соответствии с Избирательным кодексом Республики Узбекистан.
Гражданин-избиратель имеет возможность ознакомления с информацией о приписанном ему избирательном участке, местонахождении (дислокации) избирательного участка через официальный веб-сайт ЦИК путем ввода персонального идентификационного номера физического лица или серии и номера паспорта либо идентификационной ID-карты.
Участковая избирательная комиссия уточняет список избирателей путем подворового обхода начиная за тридцать семь дней до выборов и прекращая за пять дней до выборов. В случае выявления в ходе изучения изменений сведений о личности избирателя или месте жительства, соответствующие изменения вносятся в ЕЭСИ.
18. В случае отсутствия гражданина-избирателя в ЕЭСИ или несоответствия его избирательного участка гражданин-избиратель вправе обратиться в участковую избирательную комиссию с заявлением о внесении соответствующих изменений в письменной или электронной форме на официальном веб-сайте ЦИК и через Единый портал интерактивных государственных услуг.
Глава 6. Заключительные положения
19. Схема формирования и ведения ЕЭСИ приведена в приложении .
20. Уполномоченные органы несут ответственность за достоверность, актуальность и своевременное представление сведений для формирования и обновления ЕЭСИ.
21. Лица, виновные в нарушении требований настоящего Положения, несут ответственность в соответствии с законодательством.
ПРИЛОЖЕНИЕ к Положению о порядке формирования и ведения Единого электронного списка избирателей Республики Узбекистан
формирования и ведения Единого электронного списка избирателей Республики Узбекистан
Уполномоченные органы Обеспечивают предоставление информации в Государственный центр персонализации в соответствии с пунктом 9 Положения. ↓ Государственный центр персонализации при Кабинете Министров Республики Узбекистан На основе информации, предоставленной уполномоченными органами, исключает из списка граждан Республики Узбекистан лиц, не имеющих избирательного права. Передает список граждан-избирателей Оператору с указанием персонального идентификационного номера физического лица, серии и номера паспорта или ID-карты, фамилии, имени и отчества, и адреса проживания. ↓ Оператор (Министерство по развитию информационных технологий и коммуникаций) Совершенствует ИСУИП, предоставляет средства для распределения на избирательные участки, уточнения и корректировки списков избирателей, а также обеспечивает эффективное функционирование, техническое сопровождение и информационную безопасность ИСУИП. Распределяет предварительный список избирателей по избирательным участкам. ↓ Центральная избирательная комиссия (избирательные комиссии) Уточняет и утверждает списки избирателей, распределенные по избирательным участкам.
Премьер-министр Республики Узбекистан А. АРИПОВ
г. Ташкент,
15 августа 2017 г.,
№ 630