📅 2017-yil 16-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 16 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 16 августа 2017 г. · Постановления Президента
Официальный текст. Официальный документ. Редакционные примечания не включены.
📅 16 August 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТУЗИЛМАСИ
«Ўзсаноатэкспорт» АЖ фаолияти самарадорлигини янада ошириш чора-тадбирлари тўғрисида
Иқтисодиёт тармоқларининг экспорт салоҳиятини кенгайтириш, тадбиркорлик субъектлари томонидан ташқи савдо фаолиятини амалга оширишда, рақобатбардош маҳсулотларни ташқи бозорларга чиқаришда уларга ҳар томонлама ёрдам кўрсатиш бўйича «Ўзсаноатэкспорт» АЖ фаолиятининг самарадорлигини янада ошириш мақсадида:
1. Қуйидагилар «Ўзсаноатэкспорт» АЖ фаолиятининг асосий вазифалари ва йўналишлари этиб белгилансин:
биринчидан, чуқур маркетинг тадқиқотларини олиб бориш, мамлакат иқтисодиёт тармоқларининг маҳсулотларига бўлган жаҳон конъюнктураси тенденцияларини ўрганиш ва бунинг асосида маҳаллий маҳсулотларни сотишнинг истиқболли хорижий бозорларини аниқлаш ва экспортга маҳсулот етказиб бериш географиясини кенгайтириш;
иккинчидан, ташкилотлар ва тадбиркорлик субъектларига ўзлари ишлаб чиқараётган маҳсулотнинг чет эллардаги потенциал харидорларини излаб топишда кўмаклашиш, шунингдек, мамлакатимиз корхоналарида экспортга йўналтирилган рақобатбардош маҳсулот ишлаб чиқаришга хорижий шерикларнинг буюртмаларини жойлаштириш;
учинчидан, маҳаллий маҳсулот етиштирувчиларни кенг намойиш этишни таъминлаш ҳамда ана шу маҳсулотни сотишни рағбатлантириш мақсадида Ўзбекистон Республикасидан ташқарида ўтказиладиган тендер (танлов) савдоларида, халқаро савдо-саноат кўргазмалари, ярмаркалар ва бошқа шунга ўхшаш тадбирларда қатнашиш, ихтисослаштирилган интернет-нашрларда Ўзбекистон Республикасининг экспорт салоҳияти тўғрисидаги, ташкилотларнинг илмий ва ишлаб чиқариш имкониятлари ҳақидаги ахборотни тарқатиш;
тўртинчидан, машинасозлик, фармацевтика, нефт-газ, металлургия, тўқимачилик, ғаллачилик, кимё ва нефт-кимё саноати, қурилиш материаллари саноати ҳамда бошқа саноат корхоналарига уларнинг маҳсулотлари экспортга чиқарилишида кўмаклашиш, шу жумладан корхоналарни экспорт олдидан молиялаштириш шаклида кредитлаш;
бешинчидан, чет элларда ташкилотлар (савдо уйлари, ваколатхона ва корхоналар) барпо этиш ҳамда консигнация шартномалари (контрактлари) ва бошқа шаклдаги шартномалар асосида уларнинг манзилига товарлар юклаб жўнатилишини таъминлаш;
олтинчидан, Ўзбекистон Республикаси ҳудудида республика саноат корхоналарининг бўш ётган ишлаб чиқариш қувватларидан самарали фойдаланиш мақсадида қайта ишлаш (толлинг) бўйича операцияларни амалга ошириш учун хорижий компанияларни жалб этиш;
еттинчидан, чет эллардан товарлар, ишлар ва хизматларни харид қилишда давлат органлари ва ташкилотларга, шунингдек, тадбиркорлик субъектларига белгиланган тартибда ёрдам кўрсатиш.
Ўзбекистон Республикаси ташқи савдо вазири (Э.М. Ғаниев), «Ўзсаноатэкспорт» АЖ бошқаруви раиси (Э.Я. Юнусов) ҳамда унинг таркибига кирувчи ташкилотларнинг раҳбарлари зиммасига акциядорлик жамиятига юкланган вазифалар ўз вақтида ва сифатли амалга оширилишини таъминлаш юзасидан шахсий масъулият юклансин.
2. «Ўзсаноатэкспорт» АЖнинг бошқарув ходимлари чекланган сони 40 нафардан иборат бўлган ижро аппарати тузилмаси иловага мувофиқ маъқуллансин.
3. «Ўзсаноатэкспорт» АЖга:
«Ўзсаноатэкспорт» АЖнинг чет эллардаги савдо уйлари манзилига озуқабоп буғдойдан фойдаланишнинг тасдиқланган баланси ҳажмлари доирасида консигнация шартларига мувофиқ озиқ-овқат уни ва буғдойни юклаб жўнатиш;
«Ўзсаноатэкспорт» АЖ томонидан олиб келинган ва «божхона ҳудудида қайта ишлаш» божхона режимига жойлаштирилган хом ашё ва материалларни қайта ишлаш натижаларига кўра олинган маҳсулотларни жаҳон бозорларида сотиш учун кейинчалик олиб чиқиб кетиш ҳуқуқи берилсин.
6. Ўзбекистон Республикаси Ташқи савдо вазирлиги (Э.М. Ғаниев) Ўзбекистон Республикаси Адлия вазирлиги ҳамда бошқа манфаатдор вазирликлар ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
7. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари — «Ўзавтосаноат» АЖ бошқаруви раиси У.У. Розукулов ва Ўзбекистон Республикаси ташқи савдо вазири Э.М. Ғаниев зиммасига юклансин.
Ўзбекистон Республикаси Президентининг 2017 йил 16 августдаги ПҚ-3220-сон қарорига ИЛОВА
«Ўзсаноатэкспорт» АЖ ижро аппарати
Акциядорларнинг умумий йиғилиши Тафтиш комиссия си Кузатув кенгаши Ички аудит хизмати Бошқарув раиси Маркетинг ва экспорт бўйича директор Режалаштириш ва молиялаштириш бўйича директор Харидлар ва логистика бўйича директор Юриди к бўлим 3 нафар Маркетинг ва истиқболли жаҳон бозорлари конъюнктурасини ўрганиш 4 нафар Стратегик режалаштириш бўлими 5 нафар Ахборот технологиялари хизмати 1 нафар Ташқи харидлар бўлими 3 нафар Бухгалтерия ҳисоби ва валюта ҳисоб-китоблари бўлими 6 нафар Машинасозлик ва металлургия маҳсулотларини экспорт қилиш бўлими 2 нафар Ходимларни бошқариш хизмати 1 нафар Етказиб беришлар логистикасини ташкил этиш бўлими 2 нафар Акциядорлар билан корпоратив муносабатларни ўрнатиш хизмати 1 нафар Кимё ва нефть-кимё маҳсулотларини экспорт қилиш бўлими 3 нафар Жисмоний ва юридик шахсларнинг мурожаатлари билан ишлаш ва ижро интизомини назорат қилиш шуъбаси 2 нафар Қурилиш материаллари, фармацевтика, тўқимачилик ва бошқа маҳсулотларни экспорт қилиш бўлими 3 нафар
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 16 август,
ПҚ-3220-сон
Oʻzbekiston Respublikasi Prezidentining
Qarori
TUZILMASI
“Oʻzsanoateksport” AJ faoliyati samaradorligini yanada oshirish chora-tadbirlari toʻgʻrisida
Iqtisodiyot tarmoqlarining eksport salohiyatini kengaytirish, tadbirkorlik subyektlari tomonidan tashqi savdo faoliyatini amalga oshirishda, raqobatbardosh mahsulotlarni tashqi bozorlarga chiqarishda ularga har tomonlama yordam koʻrsatish boʻyicha “Oʻzsanoateksport” AJ faoliyatining samaradorligini yanada oshirish maqsadida:
1. Quyidagilar “Oʻzsanoateksport” AJ faoliyatining asosiy vazifalari va yoʻnalishlari etib belgilansin:
birinchidan, chuqur marketing tadqiqotlarini olib borish, mamlakat iqtisodiyot tarmoqlarining mahsulotlariga boʻlgan jahon konyunkturasi tendensiyalarini oʻrganish va buning asosida mahalliy mahsulotlarni sotishning istiqbolli xorijiy bozorlarini aniqlash va eksportga mahsulot yetkazib berish geografiyasini kengaytirish;
ikkinchidan, tashkilotlar va tadbirkorlik subyektlariga oʻzlari ishlab chiqarayotgan mahsulotning chet ellardagi potensial xaridorlarini izlab topishda koʻmaklashish, shuningdek, mamlakatimiz korxonalarida eksportga yoʻnaltirilgan raqobatbardosh mahsulot ishlab chiqarishga xorijiy sheriklarning buyurtmalarini joylashtirish;
uchinchidan, mahalliy mahsulot yetishtiruvchilarni keng namoyish etishni taʼminlash hamda ana shu mahsulotni sotishni ragʻbatlantirish maqsadida Oʻzbekiston Respublikasidan tashqarida oʻtkaziladigan tender (tanlov) savdolarida, xalqaro savdo-sanoat koʻrgazmalari, yarmarkalar va boshqa shunga oʻxshash tadbirlarda qatnashish, ixtisoslashtirilgan internet-nashrlarda Oʻzbekiston Respublikasining eksport salohiyati toʻgʻrisidagi, tashkilotlarning ilmiy va ishlab chiqarish imkoniyatlari haqidagi axborotni tarqatish;
toʻrtinchidan, mashinasozlik, farmatsevtika, neft-gaz, metallurgiya, toʻqimachilik, gʻallachilik, kimyo va neft-kimyo sanoati, qurilish materiallari sanoati hamda boshqa sanoat korxonalariga ularning mahsulotlari eksportga chiqarilishida koʻmaklashish, shu jumladan korxonalarni eksport oldidan moliyalashtirish shaklida kreditlash;
beshinchidan, chet ellarda tashkilotlar (savdo uylari, vakolatxona va korxonalar) barpo etish hamda konsignatsiya shartnomalari (kontraktlari) va boshqa shakldagi shartnomalar asosida ularning manziliga tovarlar yuklab joʻnatilishini taʼminlash;
oltinchidan, Oʻzbekiston Respublikasi hududida respublika sanoat korxonalarining boʻsh yotgan ishlab chiqarish quvvatlaridan samarali foydalanish maqsadida qayta ishlash (tolling) boʻyicha operatsiyalarni amalga oshirish uchun xorijiy kompaniyalarni jalb etish;
yettinchidan, chet ellardan tovarlar, ishlar va xizmatlarni xarid qilishda davlat organlari va tashkilotlarga, shuningdek, tadbirkorlik subyektlariga belgilangan tartibda yordam koʻrsatish.
Oʻzbekiston Respublikasi tashqi savdo vaziri (E.M. Gʻaniyev), “Oʻzsanoateksport” AJ boshqaruvi raisi (E.Ya. Yunusov) hamda uning tarkibiga kiruvchi tashkilotlarning rahbarlari zimmasiga aksiyadorlik jamiyatiga yuklangan vazifalar oʻz vaqtida va sifatli amalga oshirilishini taʼminlash yuzasidan shaxsiy masʼuliyat yuklansin.
2. “Oʻzsanoateksport” AJning boshqaruv xodimlari cheklangan soni 40 nafardan iborat boʻlgan ijro apparati tuzilmasi ilovaga muvofiq maʼqullansin.
3. “Oʻzsanoateksport” AJga:
“Oʻzsanoateksport” AJning chet ellardagi savdo uylari manziliga ozuqabop bugʻdoydan foydalanishning tasdiqlangan balansi hajmlari doirasida konsignatsiya shartlariga muvofiq oziq-ovqat uni va bugʻdoyni yuklab joʻnatish;
“Oʻzsanoateksport” AJ tomonidan olib kelingan va “bojxona hududida qayta ishlash” bojxona rejimiga joylashtirilgan xom ashyo va materiallarni qayta ishlash natijalariga koʻra olingan mahsulotlarni jahon bozorlarida sotish uchun keyinchalik olib chiqib ketish huquqi berilsin.
6. Oʻzbekiston Respublikasi Tashqi savdo vazirligi (E.M. Gʻaniyev) Oʻzbekiston Respublikasi Adliya vazirligi hamda boshqa manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
7. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — “Oʻzavtosanoat” AJ boshqaruvi raisi U.U. Rozukulov va Oʻzbekiston Respublikasi tashqi savdo vaziri E.M. Gʻaniyev zimmasiga yuklansin.
Oʻzbekiston Respublikasi Prezidentining 2017-yil 16-avgustdagi PQ-3220-son qaroriga ILOVA
“Oʻzsanoateksport” AJ ijro apparati
Aksiyadorlarning umumiy yigʻilishi Taftish komissiya si Kuzatuv kengashi Ichki audit xizmati Boshqaruv raisi Marketing va eksport boʻyicha direktor Rejalashtirish va moliyalashtirish boʻyicha direktor Xaridlar va logistika boʻyicha direktor Yuridi k boʻlim 3 nafar Marketing va istiqbolli jahon bozorlari konyunkturasini oʻrganish 4 nafar Strategik rejalashtirish boʻlimi 5 nafar Axborot texnologiyalari xizmati 1 nafar Tashqi xaridlar boʻlimi 3 nafar Buxgalteriya hisobi va valyuta hisob-kitoblari boʻlimi 6 nafar Mashinasozlik va metallurgiya mahsulotlarini eksport qilish boʻlimi 2 nafar Xodimlarni boshqarish xizmati 1 nafar Yetkazib berishlar logistikasini tashkil etish boʻlimi 2 nafar Aksiyadorlar bilan korporativ munosabatlarni oʻrnatish xizmati 1 nafar Kimyo va neft-kimyo mahsulotlarini eksport qilish boʻlimi 3 nafar Jismoniy va yuridik shaxslarning murojaatlari bilan ishlash va ijro intizomini nazorat qilish shuʼbasi 2 nafar Qurilish materiallari, farmatsevtika, toʻqimachilik va boshqa mahsulotlarni eksport qilish boʻlimi 3 nafar
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 16-avgust,
PQ-3220-son
Президента Республики Узбекистан
Постановление
СТРУКТУРА
О мерах по дальнейшему повышению эффективности деятельности АО «Узсаноатэкспорт»
В целях расширения экспортного потенциала отраслей экономики, дальнейшего повышения эффективности деятельности АО «Узсаноатэкспорт» по оказанию всемерного содействия субъектам предпринимательства при осуществлении ими внешнеторговой деятельности, продвижении конкурентоспособной продукции на внешние рынки:
1. Определить основными задачами и направлениями деятельности АО «Узсаноатэкспорт»:
первое, проведение глубоких маркетинговых исследований, изучение тенденций мировой конъюнктуры на продукцию отраслей экономики страны и на этой основе определение перспективных зарубежных рынков сбыта отечественной продукции и расширение географии экспортных поставок;
второе, оказание содействия организациям и субъектам предпринимательства в поиске за рубежом потенциальных покупателей на производимую ими продукцию, а также размещение заказов иностранных партнеров на производство конкурентоспособной экспортоориентированной продукции на отечественных предприятиях;
третье, участие в проводимых за пределами Республики Узбекистан тендерных (конкурсных) торгах, международных торгово-промышленных выставках, ярмарках и других аналогичных мероприятиях, с целью обеспечения широкой демонстрации продукции национальных производителей и стимулирования ее сбыта, распространение информации об экспортном потенциале Республики Узбекистан, научных и производственных возможностях организаций в специализированных интернет-изданиях;
четвертое, оказание содействия предприятиям машиностроения, фармацевтической, нефтегазовой, металлургической, текстильной, зерновой, химической и нефтехимической промышленности, промышленности строительных материалов и другим промышленным предприятиям в продвижении их продукции на экспорт, включая кредитование предприятий в форме предэкспортного финансирования;
пятое, создание организаций за рубежом (торговые дома, представительства и предприятия) и обеспечение отгрузки товаров в их адрес на основе договоров (контрактов) консигнации и иных форм договоров;
шестое, привлечение иностранных компаний для осуществления на территории Республики Узбекистан операций по переработке (толлингу) в целях эффективного использования свободных производственных мощностей промышленных предприятий республики;
седьмое, оказание содействия государственным органам и организациям, а также субъектам предпринимательства в закупке товаров, работ и услуг за рубежом в установленном порядке.
Возложить персональную ответственность на министра внешней торговли Республики Узбекистан Э.М. Ганиев, председателя правления АО «Узсаноатэкспорт» Э.Я. Юнусов и руководителей организаций, входящих в его структуру, за обеспечение своевременной и качественной реализации задач, возложенных на акционерное общество.
2. Одобрить структуру исполнительного аппарата АО «Узсаноатэкспорт» с предельной численностью управленческого персонала в количестве 40 единиц согласно приложению.
3. Предоставить право АО «Узсаноатэкспорт»:
отгружать в адрес торговых домов АО «Узсаноатэкспорт» за рубежом продовольственную муку и пшеницу на условиях консигнации в пределах объемов, утвержденных балансом использования продовольственной пшеницы;
осуществлять последующий вывоз для реализации на мировых рынках продуктов, полученных по результатам переработки ввозимых АО «Узсаноатэкспорт» и помещенных под таможенный режим «переработка на таможенной территории» сырья и материалов.
6. Министерству внешней торговли Республики Узбекистан (Ганиев Э.М.) совместно с заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
7. Контроль за исполнением настоящего постановления возложить на заместителя Премьер-министра Республики Узбекистан — председателя правления АО «Узавтосаноат» У.У. Розукулова и министра внешней торговли Республики Узбекистан Э.М. Ганиева.
ПРИЛОЖЕНИЕ к постановлению Президента Республики Узбекистан от 16 августа 2017 года № ПП-3220
исполнительного аппарата АО «Узсаноатэкспорт»
Президент Республики Узбекистан Ш. МИРЗИЁЕВ
г. Ташкент,
16 августа 2017 г.,
№ ПП-3220