📅 2017-yil 15-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 15 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 15 августа 2017 г. · Постановления Президента
Официальный текст. Официальный документ. Редакционные примечания не включены.
📅 15 August 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТУЗИЛМАСИ
ТУЗИЛМАСИ
Ўзбекистон композиторлари ва бастакорлари уюшмаси фаолиятини ташкил этиш тўғрисида
Халқимизнинг маънавий савиясини ошириш, ёш авлодни юксак инсоний ғоялар, она Ватанга меҳр ва садоқат руҳида тарбиялаш, миллий ва умуминсоний қадриятлар асосида камол топтиришда мусиқа санъатининг ўрни ва аҳамияти беқиёсдир.
Мана шундай муҳим вазифани адо этиш борасида Ўзбекистон Бастакорлар уюшмаси фаолиятида замон талабларидан орқада қолиш, ижодий сусткашлик, ташаббускорликнинг етишмаслиги каби ҳолатлар кузатилмоқда. Уюшманинг молиявий аҳволи ва моддий-техник базаси билан боғлиқ муаммолар ҳам унинг фаолиятига салбий таъсир кўрсатмоқда.
Бой мусиқа меросимизни асраб-авайлаш ва ривожлантириш, шу йўналишда фаолият кўрсатаётган ижодий ташкилот ва жамоалар, композитор ва бастакорлар, хонанда ва созандалар, ёш ижрочилар фаолиятини мувофиқлаштириш, уларнинг истеъдод ва маҳоратини рўёбга чиқариш, зарур моддий ва маънавий ёрдам бериш, соҳа вакиллари ўртасида самарали ижодий муҳит ташкил этиш бўйича кўпгина муҳим вазифалар ўз ечимини кутмоқда.
Юқорида қайд этилган долзарб муаммоларни ҳал қилиш ҳамда Ўзбекистон Бастакорлар уюшмаси фаолиятини тубдан такомиллаштириш мақсадида:
1. Ўзбекистон Бастакорлар уюшмаси фаоллар кенгашининг Ўзбекистон Бастакорлар уюшмасини Ўзбекистон композиторлари ва бастакорлари уюшмаси сифатида қайта ташкил қилиш ҳақидаги қарори маъқуллансин.
2. Қуйидагилар Ўзбекистон композиторлари ва бастакорлари уюшмасининг (кейинги ўринларда — Уюшма деб юритилади) асосий вазифалари этиб белгилангани маълумот учун қабул қилинсин:
халқимизнинг эстетик талаб ва эҳтиёжларини ҳар томонлама ҳисобга олган ҳолда, замонавий руҳдаги бадиий юксак асарлар яратиш, катта мусиқий асарлар, жумладан, опера, симфония, концерт ва оратория каби мумтоз жанрлар ривожига алоҳида эътибор қаратиш;
ёш композиторлар, бастакорлар ва мусиқашунослар, барча ижрочиларнинг ижод билан самарали шуғулланишлари учун имконият ва шароитларни кенгайтириш;
мамлакатимизнинг маданий ва ижтимоий ҳаётида фаол иштирок этиш, давлат органлари, нодавлат нотижорат ташкилотлар, оммавий ахборот воситалари, ижодий уюшмалар ва бошқа ташкилотлар билан ҳамкорликда мусиқа санъати соҳасида ижод қилаётган барча ижодкорларни ҳар томонлама қўллаб-қувватлаш;
миллий ва умуминсоний қадриятларни асраб-авайлаш, мусиқий таълим-тарбия соҳасини такомиллаштириш, мумтоз ва замонавий мусиқа санъатини тарғиб қилиш жараёнларида фаол иштирок этиш;
Ўзбекистон Республикаси Маданият вазирлиги билан ижодий ҳамкорликни кучайтириш, турли ижодий танловлар ўтказиш, бастакорлар ижодини рағбатлантиришга қаратилган концертлар, фестиваллар, ижодий кечалар ва бошқа маданий-маърифий, оммавий тадбирларни ташкил этиш;
халқаро маданий ва мусиқий ҳамкорлик доирасини кенгайтириш, ёш композитор, бастакор ва мусиқашуносларни замон талаблари даражасида тайёрлаш, чет давлатлардаги таниқли композиторлар ва мусиқашунослар билан ўзаро тажриба алмашишни йўлга қўйиш;
Ўзбекистон давлат консерваториясида соҳа вакиллари учун малака ошириш курсларини ташкил этиш;
Низом талаблари асосида Уюшма аъзолари сафини ёш истеъдодли композитор ва бастакорлар, мусиқашунослар билан тўлдириб бориш.
3. Қуйидагилар:
Ўзбекистон композиторлари ва бастакорлари уюшмасининг тузилмаси 1-иловага мувофиқ;
Қорақалпоғистон композиторлари ва бастакорлари уюшмасининг тузилмаси 2-иловага мувофиқ маъқуллансин.
4. Уюшма ва унинг ҳудудий бўлимларининг фаолияти билан боғлиқ харажатларни қоплаш, шунингдек, уларнинг моддий-техник базасини мустаҳкамлаш бўйича харажатларни молиялаштириш манбаи этиб Ўзбекистон ижодкорларини қўллаб-қувватлаш «Илҳом» жамоат фонди (кейинги ўринларда — Фонд деб юритилади) маблағлари ва қонунчиликда тақиқланмаган бошқа манбалар белгилансин.
Бу борада Уюшма ва унинг ҳудудий бўлимлари ходимлари меҳнатига ҳақ тўлаш харажатлари Ўзбекистон Республикаси Давлат бюджетидан Фондга ажратиладиган бюджет маблағлари (субсидия) ҳисобидан қопланиши назарда тутилсин.
5. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Уюшма ҳудудий бўлимларининг аниқ манзиллар бўйича жойлаштирилишини таъминласин.
6. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Уюшма аъзоси бўлган фаол композитор ва бастакорлар, мусиқашуносларни имтиёзли ипотека кредитлари асосида арзон уй-жой ёки ер участкалари билан таъминлаш бўйича тегишли чораларни кўрсин.
7. «Асакабанк» акциядорлик тижорат банкининг Ўзбекистон композиторлари ва бастакорлари уюшмасининг «Дўстлар клуби»га раҳбарлик қилиш юзасидан билдирган ташаббуси маъқуллансин. «Асакабанк» акциядорлик тижорат банкининг Ўзбекистон композиторлари ва бастакорлари уюшмаси билан биргаликда Тошкент шаҳри, Мирзо Улуғбек тумани, Яҳё Ғуломов кўчаси, 69-уйда жойлашган Уюшма биносини таъмирлаш, унинг моддий-техник базасини мустаҳкамлаш, соҳа атоқли намояндаларининг электрон архивини ва махсус фонотека, овоз ёзиш студияси ҳамда «Мусиқа ижодкорлари» музейини ташкил этишда ҳомийлик ёрдами кўрсатиш ҳақидаги таклифи қўллаб-қувватлансин.
8. Уюшма ўз фаолиятини такомиллаштириш мақсадида дунёдаги ривожланган давлатларнинг мусиқа санъати соҳасидаги ижодий уюшмалари билан ўзаро ҳамкорлик алоқаларини йўлга қўйиш, жумладан, халқаро ташкилотларнинг грантларини жалб этиш чоралари белгилангани маълумот учун қабул қилинсин.
Уюшма тавсияси билан унинг фаол аъзоларини хориж давлатларига малака ва тажриба алмашиш учун Фонд ҳисобидан хизмат сафарларига юбориш тизими йўлга қўйилсин.
9. Ушбу қарорнинг ижросини назорат қилиш Ўзбекистон Республикасининг Бош вазири А. Арипов ва Ўзбекистон Республикаси Президентининг Давлат маслаҳатчиси Х. Султонов зиммасига юклансин.
Ўзбекистон Республикаси Президентининг 2017 йил 15 августдаги ПҚ-3212-сон қарорига 1-ИЛОВА
Ўзбекистон композиторлари ва бастакорлари уюшмасининг
Ўзбекистон Республикаси Президентининг 2017 йил 15 августдаги ПҚ-3212-сон қарорига 2-ИЛОВА
Қорақалпоғистон композиторлари ва бастакорлари уюшмасининг
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 15 август,
ПҚ-3212-сон
Oʻzbekiston Respublikasi Prezidentining
Qarori
TUZILMASI
TUZILMASI
Oʻzbekiston kompozitorlari va bastakorlari uyushmasi faoliyatini tashkil etish toʻgʻrisida
Xalqimizning maʼnaviy saviyasini oshirish, yosh avlodni yuksak insoniy gʻoyalar, ona Vatanga mehr va sadoqat ruhida tarbiyalash, milliy va umuminsoniy qadriyatlar asosida kamol toptirishda musiqa sanʼatining oʻrni va ahamiyati beqiyosdir.
Mana shunday muhim vazifani ado etish borasida Oʻzbekiston Bastakorlar uyushmasi faoliyatida zamon talablaridan orqada qolish, ijodiy sustkashlik, tashabbuskorlikning yetishmasligi kabi holatlar kuzatilmoqda. Uyushmaning moliyaviy ahvoli va moddiy-texnik bazasi bilan bogʻliq muammolar ham uning faoliyatiga salbiy taʼsir koʻrsatmoqda.
Boy musiqa merosimizni asrab-avaylash va rivojlantirish, shu yoʻnalishda faoliyat koʻrsatayotgan ijodiy tashkilot va jamoalar, kompozitor va bastakorlar, xonanda va sozandalar, yosh ijrochilar faoliyatini muvofiqlashtirish, ularning isteʼdod va mahoratini roʻyobga chiqarish, zarur moddiy va maʼnaviy yordam berish, soha vakillari oʻrtasida samarali ijodiy muhit tashkil etish boʻyicha koʻpgina muhim vazifalar oʻz yechimini kutmoqda.
Yuqorida qayd etilgan dolzarb muammolarni hal qilish hamda Oʻzbekiston Bastakorlar uyushmasi faoliyatini tubdan takomillashtirish maqsadida:
1. Oʻzbekiston Bastakorlar uyushmasi faollar kengashining Oʻzbekiston Bastakorlar uyushmasini Oʻzbekiston kompozitorlari va bastakorlari uyushmasi sifatida qayta tashkil qilish haqidagi qarori maʼqullansin.
2. Quyidagilar Oʻzbekiston kompozitorlari va bastakorlari uyushmasining (keyingi oʻrinlarda — Uyushma deb yuritiladi) asosiy vazifalari etib belgilangani maʼlumot uchun qabul qilinsin:
xalqimizning estetik talab va ehtiyojlarini har tomonlama hisobga olgan holda, zamonaviy ruhdagi badiiy yuksak asarlar yaratish, katta musiqiy asarlar, jumladan, opera, simfoniya, konsert va oratoriya kabi mumtoz janrlar rivojiga alohida eʼtibor qaratish;
yosh kompozitorlar, bastakorlar va musiqashunoslar, barcha ijrochilarning ijod bilan samarali shugʻullanishlari uchun imkoniyat va sharoitlarni kengaytirish;
mamlakatimizning madaniy va ijtimoiy hayotida faol ishtirok etish, davlat organlari, nodavlat notijorat tashkilotlar, ommaviy axborot vositalari, ijodiy uyushmalar va boshqa tashkilotlar bilan hamkorlikda musiqa sanʼati sohasida ijod qilayotgan barcha ijodkorlarni har tomonlama qoʻllab-quvvatlash;
milliy va umuminsoniy qadriyatlarni asrab-avaylash, musiqiy taʼlim-tarbiya sohasini takomillashtirish, mumtoz va zamonaviy musiqa sanʼatini targʻib qilish jarayonlarida faol ishtirok etish;
Oʻzbekiston Respublikasi Madaniyat vazirligi bilan ijodiy hamkorlikni kuchaytirish, turli ijodiy tanlovlar oʻtkazish, bastakorlar ijodini ragʻbatlantirishga qaratilgan konsertlar, festivallar, ijodiy kechalar va boshqa madaniy-maʼrifiy, ommaviy tadbirlarni tashkil etish;
xalqaro madaniy va musiqiy hamkorlik doirasini kengaytirish, yosh kompozitor, bastakor va musiqashunoslarni zamon talablari darajasida tayyorlash, chet davlatlardagi taniqli kompozitorlar va musiqashunoslar bilan oʻzaro tajriba almashishni yoʻlga qoʻyish;
Oʻzbekiston davlat konservatoriyasida soha vakillari uchun malaka oshirish kurslarini tashkil etish;
Nizom talablari asosida Uyushma aʼzolari safini yosh isteʼdodli kompozitor va bastakorlar, musiqashunoslar bilan toʻldirib borish.
3. Quyidagilar:
Oʻzbekiston kompozitorlari va bastakorlari uyushmasining tuzilmasi 1-ilovaga muvofiq;
Qoraqalpogʻiston kompozitorlari va bastakorlari uyushmasining tuzilmasi 2-ilovaga muvofiq maʼqullansin.
4. Uyushma va uning hududiy boʻlimlarining faoliyati bilan bogʻliq xarajatlarni qoplash, shuningdek, ularning moddiy-texnik bazasini mustahkamlash boʻyicha xarajatlarni moliyalashtirish manbai etib Oʻzbekiston ijodkorlarini qoʻllab-quvvatlash “Ilhom” jamoat fondi (keyingi oʻrinlarda — Fond deb yuritiladi) mablagʻlari va qonunchilikda taqiqlanmagan boshqa manbalar belgilansin.
Bu borada Uyushma va uning hududiy boʻlimlari xodimlari mehnatiga haq toʻlash xarajatlari Oʻzbekiston Respublikasi Davlat budjetidan Fondga ajratiladigan budjet mablagʻlari (subsidiya) hisobidan qoplanishi nazarda tutilsin.
5. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Uyushma hududiy boʻlimlarining aniq manzillar boʻyicha joylashtirilishini taʼminlasin.
6. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Uyushma aʼzosi boʻlgan faol kompozitor va bastakorlar, musiqashunoslarni imtiyozli ipoteka kreditlari asosida arzon uy-joy yoki yer uchastkalari bilan taʼminlash boʻyicha tegishli choralarni koʻrsin.
7. “Asakabank” aksiyadorlik tijorat bankining Oʻzbekiston kompozitorlari va bastakorlari uyushmasining “Doʻstlar klubi”ga rahbarlik qilish yuzasidan bildirgan tashabbusi maʼqullansin. “Asakabank” aksiyadorlik tijorat bankining Oʻzbekiston kompozitorlari va bastakorlari uyushmasi bilan birgalikda Toshkent shahri, Mirzo Ulugʻbek tumani, Yahyo Gʻulomov koʻchasi, 69-uyda joylashgan Uyushma binosini taʼmirlash, uning moddiy-texnik bazasini mustahkamlash, soha atoqli namoyandalarining elektron arxivini va maxsus fonoteka, ovoz yozish studiyasi hamda “Musiqa ijodkorlari” muzeyini tashkil etishda homiylik yordami koʻrsatish haqidagi taklifi qoʻllab-quvvatlansin.
8. Uyushma oʻz faoliyatini takomillashtirish maqsadida dunyodagi rivojlangan davlatlarning musiqa sanʼati sohasidagi ijodiy uyushmalari bilan oʻzaro hamkorlik aloqalarini yoʻlga qoʻyish, jumladan, xalqaro tashkilotlarning grantlarini jalb etish choralari belgilangani maʼlumot uchun qabul qilinsin.
Uyushma tavsiyasi bilan uning faol aʼzolarini xorij davlatlariga malaka va tajriba almashish uchun Fond hisobidan xizmat safarlariga yuborish tizimi yoʻlga qoʻyilsin.
9. Ushbu qarorning ijrosini nazorat qilish Oʻzbekiston Respublikasining Bosh vaziri A. Aripov va Oʻzbekiston Respublikasi Prezidentining Davlat maslahatchisi X. Sultonov zimmasiga yuklansin.
Oʻzbekiston Respublikasi Prezidentining 2017-yil 15-avgustdagi PQ-3212-son qaroriga 1-ILOVA
Oʻzbekiston kompozitorlari va bastakorlari uyushmasining
Oʻzbekiston Respublikasi Prezidentining 2017-yil 15-avgustdagi PQ-3212-son qaroriga 2-ILOVA
Qoraqalpogʻiston kompozitorlari va bastakorlari uyushmasining
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 15-avgust,
PQ-3212-son