📅 2017-yil 16-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 16 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 16 августа 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 16 August 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«UNICON.UZ» давлат унитар корхонасининг моддий-техника базасини мустаҳкамлаш чора-тадбирлари тўғрисида
Рақобатбардош маҳсулотлар ишлаб чиқарувчилар фаолиятини рағбатлантириш учун қулай шарт-шароитларни шакллантириш, ишлаб чиқариш қувватларидан оқилона ва самарали фойдаланишни таъминлаш мақсадида Вазирлар Маҳкамаси қарор қилади:
1. «Чинобод нефть базаси» унитар корхонасига қарашли Тошкент шаҳри, Юнусобод тумани, 17-мавзе, Янги шаҳар кўчаси, 1а-уй манзилидаги Полиграфия цехи биноси (кейинги ўринларда объект деб аталади) ишлаб чиқариш майдонларидан узоқ йиллардан бери фойдаланилмаётганлиги ва бўш турганлиги, асбоб-ускуналарнинг мавжуд эмаслиги маълумот учун қабул қилинсин.
2. Ахборот технологиялари ва коммуникацияларини ривожлантириш вазирлиги, Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси, «Ўзнефтмаҳсулот» АЖ ҳамда Тошкент шаҳри ҳокимлигининг:
объектни тегишли ҳудуди билан биргаликда «Ўзнефтмаҳсулот» АЖ устав капиталидаги давлат улушини объектнинг баланс қиймати суммасига камайтириш ҳисобига «UNICON.UZ» давлат унитар корхонасига (кейинги ўринларда «UNICON.UZ» ДУК деб аталади) давлат мулки сифатида оператив бошқарув ҳуқуқи билан бериш;
«UNICON.UZ» ДУК томонидан объект негизида ахборотни ҳимоя қилиш воситалари ва бошқа маҳсулотлар ишлаб чиқаришни ташкил этиш тўғрисидаги таклифлари маъқуллансин.
4. «Ўзнефтмаҳсулот» АЖ:
объектнинг бир ой муддатда «UNICON.UZ» ДУКга берилишини;
Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси билан биргаликда «Ўзнефтмаҳсулот» АЖ устав капиталида давлат улуши «UNICON.UZ» ДУКга бериладиган объектнинг баланс қиймати суммасига камайтирилишини таъминласин.
5. Вазирлар Маҳкамасининг «Rele va Avtomatika» акциядорлик жамиятининг ишлаб чиқариш қувватларидан самарали фойдаланиш чора-тадбирлари тўғрисида»ги 2017 йил 22 июндаги 411-сон қарорига иловага мувофиқ ўзгартиришлар киритилсин.
6. Мазкур қарорнинг бажарилишини назорат қилиш Ўзбекистон Республикаси Ахборот технологиялари ва коммуникацияларини ривожлантириш вазири вазифасини бажарувчиси Ш. Шерматов ва Хусусийлаштирилган корхоналарга кўмаклашиш ва рақобатни ривожлантириш давлат қўмитаси раиси Р. Гулямов зиммасига юклансин.
Вазирлар Маҳкамасининг 2017 йил 16 августдаги 640-сон қарорига ИЛОВА
Вазирлар Маҳкамасининг «Rele va Avtomatika» акциядорлик жамиятининг ишлаб чиқариш қувватларидан самарали фойдаланиш чора-тадбирлари тўғрисида» 2017 йил 22 июндаги 411-сон қарорига киритилаётган ўзгартиришлар
1. 2-банднинг тўртинчи хатбошисидаги «ва «UNICON.UZ» давлат унитар корхонаси (кейинги ўринларда «UNICON.UZ» ДУК» деб аталади)» ва «ахборотни ҳимоя қилиш воситалари» сўзлари чиқариб ташлансин.
2. 3-банд қуйидаги таҳрирда баён этилсин:
«3. Белгилансинки, «Rele va Avtomatika» АЖ бинолари ва иншоотларининг бир қисми туташ ҳудуди билан биргаликда белгиланган тартибда баҳолаш ташкилоти томонидан белгиланган қиймат бўйича, кейинчалик Ўзбекистон Республикаси Ахборот технологиялари ва коммуникацияларини ривожлантириш вазирлигининг қўшимча чиқарилган акциялари жойлаштирилган ҳолда давлатнинг улушини кўпайтириш ҳисобига «Ўзбектелеком» АКга берилади».
3. 4-банднинг иккинчи хатбошисидаги «ва «UNICON.UZ» ДУК» сўзлари чиқариб ташлансин.
4. 5-банднинг биринчи хатбошисидаги «ва «UNICON.UZ» ДУК» ва «ахборотни ҳимоя қилиш воситалари» сўзлари чиқариб ташлансин.
5. 6-банднинг иккинчи хатбошисидаги «ахборотни ҳимоя қилиш воситалари» сўзлари чиқариб ташлансин.
Ўзбекистон Республикасининг Бош вазири А. АРИПОВ
Тошкент ш.,
2017 йил 16 август,
640-сон
Oʻzbekiston Respublikasi Vazirlar Mahkamasining
qarori
“UNICON.UZ” davlat unitar korxonasining moddiy-texnika bazasini mustahkamlash chora-tadbirlari toʻgʻrisida
Raqobatbardosh mahsulotlar ishlab chiqaruvchilar faoliyatini ragʻbatlantirish uchun qulay shart-sharoitlarni shakllantirish, ishlab chiqarish quvvatlaridan oqilona va samarali foydalanishni taʼminlash maqsadida Vazirlar Mahkamasi qaror qiladi:
1. “Chinobod neft bazasi” unitar korxonasiga qarashli Toshkent shahri, Yunusobod tumani, 17-mavze, Yangi shahar koʻchasi, 1a-uy manzilidagi Poligrafiya sexi binosi (keyingi oʻrinlarda obyekt deb ataladi) ishlab chiqarish maydonlaridan uzoq yillardan beri foydalanilmayotganligi va boʻsh turganligi, asbob-uskunalarning mavjud emasligi maʼlumot uchun qabul qilinsin.
2. Axborot texnologiyalari va kommunikatsiyalarini rivojlantirish vazirligi, Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, “Oʻzneftmahsulot” AJ hamda Toshkent shahri hokimligining:
obyektni tegishli hududi bilan birgalikda “Oʻzneftmahsulot” AJ ustav kapitalidagi davlat ulushini obyektning balans qiymati summasiga kamaytirish hisobiga “UNICON.UZ” davlat unitar korxonasiga (keyingi oʻrinlarda “UNICON.UZ” DUK deb ataladi) davlat mulki sifatida operativ boshqaruv huquqi bilan berish;
“UNICON.UZ” DUK tomonidan obyekt negizida axborotni himoya qilish vositalari va boshqa mahsulotlar ishlab chiqarishni tashkil etish toʻgʻrisidagi takliflari maʼqullansin.
4. “Oʻzneftmahsulot” AJ:
obyektning bir oy muddatda “UNICON.UZ” DUKga berilishini;
Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi bilan birgalikda “Oʻzneftmahsulot” AJ ustav kapitalida davlat ulushi “UNICON.UZ” DUKga beriladigan obyektning balans qiymati summasiga kamaytirilishini taʼminlasin.
5. Vazirlar Mahkamasining “Rele va Avtomatika” aksiyadorlik jamiyatining ishlab chiqarish quvvatlaridan samarali foydalanish chora-tadbirlari toʻgʻrisida”gi 2017-yil 22-iyundagi 411-son qaroriga ilovaga muvofiq oʻzgartirishlar kiritilsin.
6. Mazkur qarorning bajarilishini nazorat qilish Oʻzbekiston Respublikasi Axborot texnologiyalari va kommunikatsiyalarini rivojlantirish vaziri vazifasini bajaruvchisi Sh. Shermatov va Xususiylashtirilgan korxonalarga koʻmaklashish va raqobatni rivojlantirish davlat qoʻmitasi raisi R. Gulyamov zimmasiga yuklansin.
Vazirlar Mahkamasining 2017-yil 16-avgustdagi 640-son qaroriga ILOVA
Vazirlar Mahkamasining “Rele va Avtomatika” aksiyadorlik jamiyatining ishlab chiqarish quvvatlaridan samarali foydalanish chora-tadbirlari toʻgʻrisida” 2017-yil 22-iyundagi 411-son qaroriga kiritilayotgan oʻzgartirishlar
1. 2-bandning toʻrtinchi xatboshisidagi “va “UNICON.UZ” davlat unitar korxonasi (keyingi oʻrinlarda “UNICON.UZ” DUK” deb ataladi)” va “axborotni himoya qilish vositalari” soʻzlari chiqarib tashlansin.
2. 3-band quyidagi tahrirda bayon etilsin:
“3. Belgilansinki, “Rele va Avtomatika” AJ binolari va inshootlarining bir qismi tutash hududi bilan birgalikda belgilangan tartibda baholash tashkiloti tomonidan belgilangan qiymat boʻyicha, keyinchalik Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining qoʻshimcha chiqarilgan aksiyalari joylashtirilgan holda davlatning ulushini koʻpaytirish hisobiga “Oʻzbektelekom” AKga beriladi”.
3. 4-bandning ikkinchi xatboshisidagi “va “UNICON.UZ” DUK” soʻzlari chiqarib tashlansin.
4. 5-bandning birinchi xatboshisidagi “va “UNICON.UZ” DUK” va “axborotni himoya qilish vositalari” soʻzlari chiqarib tashlansin.
5. 6-bandning ikkinchi xatboshisidagi “axborotni himoya qilish vositalari” soʻzlari chiqarib tashlansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 16-avgust,
640-son