📅 2017-yil 23-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 23 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 23 августа 2017 г. · Постановления Президента
Официальный текст. Официальный документ. Редакционные примечания не включены.
📅 23 August 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ШАРҲ
Товарлар (ишлар, хизматлар)нинг давлат ва корпоратив харидларини амалга оширишнинг замонавий шакл ва услубларини янада жорий этиш чора-тадбирлари тўғрисида
Ўтган йилларда электрон аукцион савдоларини ташкил этиш орқали давлат ва корпоратив харидларининг очиқлиги ва шаффофлигини таъминлаш учун уларни такомиллаштириш чоралари кўрилди.
Иқтисодиёт тармоқлари ва ижтимоий соҳада амалга оширилаётган инвестиция лойиҳалари доирасида товарлар (ишлар, хизматлар) хариди бўйича идоралараро тендер комиссиялари, шунингдек, лойиҳа ташкилотлари томонидан тайёрланган тендер ва лойиҳаолди ҳужжатларини экспертизадан ўтказиш бўйича ихтисослашган тармоқ эксперт кенгашлари ташкил этилди.
Шу билан бирга, ўтказилган таҳлил шуни кўрсатдики, давлат ва корпоратив харидларининг ҳамда тендер савдоларини ташкил этишнинг амалдаги тартиби замонавий талабларга жавоб бермайди, турли хил коррупция кўринишлари учун шароит яратадиган кўплаб келишиш жараёнлари, бир-бирини такрорлайдиган тартиб-таомиллар ва сансалорлик ҳолатларининг мавжудлиги сабабли жуда мураккаб ҳисобланади.
Хусусан, идоралараро тендер комиссиялари баённомаларини келишиш ва тасдиқлашни ўз ичига олувчи тендер жараёнларининг айрим ҳолларда олти ойгача чўзилиши кузатилмоқда, бу эса лойиҳалар, шу жумладан, хорижий ва халқаро молия институтлари маблағлари ҳисобидан амалга ошириладиган лойиҳалар амалга оширилишининг кечиктирилишига ҳамда тармоқ жадвалларининг бузилишига олиб келмоқда.
Нарх-навони манипуляция қилиш, товарларнинг сифати, тавсифи ҳақидаги маълумотларни бузиб кўрсатиш ва электрон савдода тузилган битимлар бўйича товарларни етказиб бермаслик ҳолатлари кўплаб мавжуд.
Товарлар (ишлар, хизматлар)нинг давлат ва корпоратив харидлари тизимини тубдан такомиллаштириш, ушбу соҳада суиистеъмолчилик ҳолатларининг олдини олиш, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган вазифаларни амалга ошириш мақсадида:
1. Ўзбекистон Республикаси Президентининг 2017 йил 24 июлдаги «Ўзбекистон Республикасида лойиҳа бошқаруви тизимини жорий этиш чора-тадбирлари тўғрисида»ги ПФ-5120-сон Фармони билан Ўзбекистон Республикаси Лойиҳа бошқарувининг ягона миллий ахборот тизимини жорий этиш доирасида Ресурслар ягона миллий маълумотномаси ва Давлат харидлари ягона ахборот порталини яратиш белгиланганлиги маълумот учун қабул қилинсин.
2. Ўзбекистон Республикаси Президенти ҳузуридаги Лойиҳа бошқаруви миллий агентлиги, Ўзбекистон Республикаси Иқтисодиёт вазирлиги, Молия вазирлиги, Инвестициялар бўйича давлат қўмитаси, Хусусийлаштирилган корхоналарга кўмаклашиш ва рақобатни ривожлантириш давлат қўмитасининг қуйидагиларни назарда тутувчи таклифларига розилик берилсин:
иқтисодиётнинг тегишли тармоқлари ва ижтимоий соҳада амалга оширилаётган, битта контракт бўйича 5 миллион АҚШ долларидан юқори эквивалентдаги инвестиция лойиҳалари доирасида товарлар (ишлар, хизматлар)нинг хариди юзасидан тармоқ идоралараро тендер комиссияларини тугатиш;
лойиҳа ташкилотлари томонидан тайёрланган тендер ва лойиҳаолди ҳужжатларини таклиф этилаётган технология ва асбоб-ускуналар бўйича технология, асбоб-ускуналарни танлаш ва нархларни шакллантириш қисмида экспертизадан ўтказиш функциясини бажарадиган ихтисослашган тармоқ эксперт кенгашларини тугатиш;
битта контракт бўйича 300 АҚШ долларидан 100 минг АҚШ долларигача эквивалентдаги товарлар (ишлар, хизматлар)нинг давлат ва корпоратив харидларини Ўзбекистон Республика товар-хом ашё биржаси томонидан ташкиллаштириладиган электрон савдолар орқали амалга оширишга оид талабни бекор қилиш.
3. Шундай тартиб ўрнатилсинки, унга кўра 2018 йил 1 январга қадар товарлар (ишлар, хизматлар)нинг давлат ва корпоратив харидлари қуйидаги эквивалентларга мувофиқ, яъни:
1 минг АҚШ долларидан кам бўлган битта контракт бўйича — нархи, сифати ва товарлар (ишлар, хизматлар)ни етказиб бериш муддатлари бўйича энг мақбул келадиган шартларни таклиф қилган етказиб берувчилар билан тўғридан-тўғри шартномалар тузиш орқали. Битта контракт бўйича маблағ миқдори Ўзбекистон Республикаси Марказий банкининг шартнома тузилган санадаги расмий курси бўйича ҳисобланади;
1 мингдан 100 минг АҚШ долларигача бўлган битта контракт бўйича — буюртмачи тузадиган идоравий танлов комиссиялари томонидан баҳоланадиган энг мақбул таклифларни танлаб олиш орқали. Битта контракт бўйича маблағ миқдори Ўзбекистон Республикаси Марказий банкининг энг яхши таклиф келиб тушган санадаги расмий курси бўйича ҳисобланади;
100 минг АҚШ долларидан ортиқ миқдордаги битта контракт бўйича — буюртмачи томонидан Ўзбекистон Республикаси Инвестициялар бўйича давлат қўмитаси, Ўзбекистон Республикаси Вазирлар Маҳкамаси ҳузуридаги «ЎзИнжиниринг» Республика лойиҳа институти, шунингдек буюртмачининг тармоқ илмий-техник кенгашларининг вакилларини албатта жалб этган ҳолда тузиладиган идоралараро танлов (тендер) комиссиялари ташкил этадиган танлов (тендер) савдоларини ўтказиш орқали амалга оширилади. Мазкур харидлар бўйича техник шартлар Ўзбекистон Республикаси Иқтисодиёт ва саноат вазирлиги билан келишилган бўлиши шарт. Битта контракт бўйича маблағ миқдори Ўзбекистон Республикаси Марказий банкининг техник шартлар тасдиқланган санадаги расмий курси бўйича ҳисобланади.
Давлат органлари ва бошқа ташкилотлар танлов (тендер) комиссиялари таркиблари ва тегишли тартиб-таомиллар ушбу қарор талабларига мувофиқлаштирилишини таъминласин.
Буюртмачиларнинг раҳбарлари давлат ва корпоратив харидларини амалга ошириш тартибига, шу жумладан харид қилишнинг мақсадга мувофиқлигига риоя қилмаганлиги учун жиноий жавобгарликка тортишгача қадар шахсий жавобгар ҳисобланади.
4. Ўзбекистон Республикаси Молия вазирлиги Ўзбекистон Республикасининг инвестиция лойиҳаларини амалга ошириш доирасида давлат ва корпоратив харидларини ташкил этиш ва ўтказиш бўйича ваколатли орган этиб белгилансин.
5. Ўзбекистон Республикаси Президенти ҳузуридаги Лойиҳа бошқаруви миллий агентлиги манфаатдор вазирликлар ва идоралар билан биргаликда:
Ўзбекистон республика Товар-хомашё биржаси билан биргаликда ресурслар ягона миллий маълумотномаси ва Давлат харидлари ягона ахборот портали яратилиши ҳамда 2018 йил 1 январдан ишга туширилишини таъминласин;
бир ой муддатда қуйидагиларни назарда тутувчи «Давлат харидлари тўғрисида»ги Ўзбекистон Республикаси қонуни лойиҳасини белгиланган тартибда киритсин:
давлат (корпоратив) харидларини рақобат асосида амалга оширишнинг шаффоф ва очиқ механизмини, ушбу соҳада коррупциянинг олдини олиш бўйича чора-тадбирларни;
давлат (корпоратив) харидларига тадбиркорлик субъектлари кенг жалб қилинишини;
давлат (корпоратив) харидлари иштирокчилари учун шикоят қилишнинг мустақил ва самарали тизими ҳамда тартиб-таомилларини яратишни;
электрон харидларни янада ривожлантириш, натижаларни таҳлил қилиш учун маълумотлар ягона базасини, харидларнинг зарур параметрларини ташкил этишни.
6. Адлия вазирлиги Ўзбекистон Республикаси Президенти ҳузуридаги Лойиҳа бошқаруви миллий агентлиги, бошқа манфаатдор вазирликлар ва идоралар билан биргаликда бир ой муддатда қонун ҳужжатларига мазкур қарордан келиб чиқадиган ўзгартиш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсин.
7. Вазирликлар ва идоралар бир ой муддатда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.
8. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Лойиҳа бошқаруви миллий агентлиги директори Ш.М. Садиков зиммасига юклансин.
Ўзбекистон Республикаси Президентининг «Товарлар (ишлар, хизматлар)нинг давлат ва корпоратив харидларини амалга оширишнинг замонавий шакл ва услубларини янада жорий этиш чора-тадбирлари тўғрисида»ги қарорига
Мамлакатимизда давлат ва корпоратив харидлари механизмини янада такомиллаштириш, тендер савдоларининг очиқлиги ва шаффофлигини таъминлаш бўйича изчил ва комплекс ишлар амалга оширилмоқда. Хусусан, электрон савдолар жорий этилди, Ўзбекистон Республика товар-хом ашё биржасининг махсус ахборот портали яратилди, товарлар (ишлар, хизматлар) хариди бўйича, шу жумладан, инвестиция лойиҳалари доирасида кўп поғонали идоралараро тендер комиссиялари ташкил этилди. 2016 йил ва жорий йилнинг 7 ойида Ўзбекистон Республика товар-хом ашё биржаси майдончаларида 1,7 триллион сўмдан ортиқ суммада 95 мингдан ортиқ битимлар тузилди. Шу билан бирга, ўтказилган таҳлил кўрсатдики, давлат ва корпоратив харидларининг ҳамда тендер савдоларини ташкил этишнинг амалдаги тартиби замонавий талабларга жавоб бермайди, турли хил коррупция кўринишлари учун шароит яратадиган кўплаб келишиш босқичлари, бир-бирини такрорлайдиган тартиб-таомиллар ва сансалорлик ҳолатлари мавжуд. Бундан ташқари, тендер жараёнларининг чўзилиши, нарх-навони манипуляция қилиш, товарларнинг сифати, тавсифи ҳақидаги маълумотларни бузиб кўрсатиш ва электрон савдода тузилган битимлар бўйича товарларни етказиб бермаслик ҳолатлари кўплаб кузатилмоқда. Бюджет ташкилотлари томонидан товарлар (ишлар, хизматлар) харидининг амалдаги меъёрлари ва тартиби товар-моддий бойликлар, шу жумладан, уларнинг энг зарурлари (канцелярия буюмлари, компьютер техникаси ва автотранспортни таъмирлаш) билан нормал ва барқарор таъминлашда қийинчиликлар туғдирмоқда. Охир-оқибатда бу лойиҳалар, шу жумладан, хорижий ва халқаро молия институтлари маблағлари ҳисобидан амалга ошириладиган инвестиция лойиҳалари амалга оширилишининг кечиктирилишига олиб келмоқда. Шу сабабли, Ўзбекистон Республикаси Президентининг қабул қилинган қарори: иқтисодиётнинг тегишли тармоқлари ва ижтимоий соҳада амалга оширилаётган, битта контракт бўйича 5 миллион АҚШ долларидан юқори эквивалентдаги инвестиция лойиҳалари доирасида товарлар (ишлар, хизматлар)нинг хариди юзасидан тармоқ идоралараро тендер комиссияларини тугатишни; лойиҳа ташкилотлари томонидан тайёрланган тендер ва лойиҳаолди ҳужжатларини таклиф этилаётган технология ва асбоб-ускуналар бўйича технология, асбоб-ускуналарни танлаш ва нархларни шакллантириш қисмида экспертизадан ўтказиш функциясини бажарадиган ихтисослашган тармоқ эксперт кенгашларини тугатишни; битта контракт бўйича 300 АҚШ долларидан 100 минг АҚШ долларигача эквивалентдаги товарлар (ишлар, хизматлар)нинг давлат ва корпоратив харидларини Ўзбекистон Республика товар-хом ашё биржаси томонидан ташкиллаштириладиган электрон савдолар орқали амалга оширишга оид талабни бекор қилишни назарда тутади. Давлат харидлари тизимини янада такомиллаштириш мақсадида янгидан ташкил этилган Ўзбекистон Республикаси Президенти ҳузуридаги Лойиҳа бошқаруви миллий агентлигига ресурслар ягона миллий маълумотномаси ва давлат харидлари ягона ахборот портали яратилиши ҳамда 2018 йил 1 январдан ишга туширилишини таъминлаш, шунингдек, бир ой муддатда қуйидагиларни назарда тутувчи «Давлат харидлари тўғрисида»ги Ўзбекистон Республикаси қонуни лойиҳасини ишлаб чиқиш топширилди: давлат ва корпоратив харидларини рақобат асосида амалга оширишнинг шаффоф ва очиқ механизмини, ушбу соҳада коррупциянинг олдини олиш бўйича чора-тадбирларни; давлат ва корпоратив харидларига тадбиркорлик субъектлари кенг жалб қилинишини; давлат ва корпоратив харидлари иштирокчилари учун шикоят қилишнинг мустақил ва самарали тизими ҳамда тартиб-таомилларини яратишни; электрон харидларни янада ривожлантириш, натижаларни таҳлил қилиш учун маълумотлар ягона базасини, харидларнинг зарурий параметрларини ташкил этишни. Шу билан бир қаторда, Агентлик Ўзбекистон Республикасининг инвестиция лойиҳаларини амалга ошириш доирасида давлат ва корпоратив харидларини ташкил қилиш ва ўтказиш бўйича ваколатли орган этиб белгиланди. 2018 йил 1 январга қадар ноаниқликларни бартараф қилиш ва суиистеъмолчилик ҳолатларининг олдини олиш мақсадида давлат ва корпоратив харидлари қуйидаги эквивалентларга мувофиқ, яъни: 1 минг АҚШ долларидан кам бўлган битта контракт — нархи, сифати ва товарлар (ишлар, хизматлар)ни етказиб бериш муддати бўйича энг мақбул келадиган шартларни таклиф қилган етказиб берувчи билан тўғридан-тўғри шартномалар тузиш орқали; 1 мингдан 100 минг АҚШ долларигача бўлган битта контракт — буюртмачи тузадиган идоравий танлов комиссиялари томонидан баҳоланадиган энг мақбул таклифларни танлаб олиш орқали; 100 минг АҚШ долларидан юқори миқдордаги битта контракт — буюртмачи томонидан Ўзбекистон Республикаси Инвестициялар бўйича давлат қўмитаси, Ўзбекистон Республикаси Вазирлар Маҳкамаси ҳузуридаги «ЎзИнжиниринг» Республика лойиҳа институти, шунингдек, буюртмачининг тармоқ илмий-техник кенгашларининг вакилларини мажбурий жалб этган ҳолда тузиладиган идоралараро танлов (тендер) комиссиялари ташкил этадиган танлов (тендер) савдоларини ўтказиш орқали амалга оширилади. Бундан ташқари, мазкур харидлар бўйича техник шартлар Ўзбекистон Республикаси Президенти ҳузуридаги Лойиҳа бошқаруви миллий агентлиги билан келишилган бўлиши шартлиги ҳақидаги талаб белгиланди. Шу билан бирга, қарорда давлат органлари ва бошқа ташкилотлар раҳбарларининг масъулиятини кучайтириш мақсадида уларнинг тендер савдоларини ташкил этиш бўйича талабларни бузганлиги ҳамда ўтказилган давлат ва корпоратив харидларининг мақсадга мувофиқлиги учун жиноий жавобгарликка тортишгача бўлган шахсий жавобгар бўлиши кўрсатилди. Ўзбекистон Республикаси Президентининг қабул қилинган қарори давлат ва корпоратив харидларининг илғор ахборот-коммуникация технологиялари ва лойиҳа бошқаруви тамойилларидан фойдаланишга асосланган замонавий шакл ҳамда услубларига босқичма-босқич ўтиш йўлидаги яна бир қадам ҳисобланади. Қарорда назарда тутилган чора-тадбирларнинг амалга оширилиши бюджет маблағларидан фойдаланишнинг самарадорлигини, давлат органлари ва бошқа ташкилотлар раҳбарларининг давлат ва корпоратив харидларини амалга оширишда мустақиллиги ва масъулиятини оширишга, бюрократияни бартараф этишга хизмат қилади.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 23 август,
ПҚ-3237-сон
Oʻzbekiston Respublikasi Prezidentining
Qarori
ShARH
Tovarlar (ishlar, xizmatlar)ning davlat va korporativ xaridlarini amalga oshirishning zamonaviy shakl va uslublarini yanada joriy etish chora-tadbirlari toʻgʻrisida
Oʻtgan yillarda elektron auksion savdolarini tashkil etish orqali davlat va korporativ xaridlarining ochiqligi va shaffofligini taʼminlash uchun ularni takomillashtirish choralari koʻrildi.
Iqtisodiyot tarmoqlari va ijtimoiy sohada amalga oshirilayotgan investitsiya loyihalari doirasida tovarlar (ishlar, xizmatlar) xaridi boʻyicha idoralararo tender komissiyalari, shuningdek, loyiha tashkilotlari tomonidan tayyorlangan tender va loyihaoldi hujjatlarini ekspertizadan oʻtkazish boʻyicha ixtisoslashgan tarmoq ekspert kengashlari tashkil etildi.
Shu bilan birga, oʻtkazilgan tahlil shuni koʻrsatdiki, davlat va korporativ xaridlarining hamda tender savdolarini tashkil etishning amaldagi tartibi zamonaviy talablarga javob bermaydi, turli xil korrupsiya koʻrinishlari uchun sharoit yaratadigan koʻplab kelishish jarayonlari, bir-birini takrorlaydigan tartib-taomillar va sansalorlik holatlarining mavjudligi sababli juda murakkab hisoblanadi.
Xususan, idoralararo tender komissiyalari bayonnomalarini kelishish va tasdiqlashni oʻz ichiga oluvchi tender jarayonlarining ayrim hollarda olti oygacha choʻzilishi kuzatilmoqda, bu esa loyihalar, shu jumladan, xorijiy va xalqaro moliya institutlari mablagʻlari hisobidan amalga oshiriladigan loyihalar amalga oshirilishining kechiktirilishiga hamda tarmoq jadvallarining buzilishiga olib kelmoqda.
Narx-navoni manipulatsiya qilish, tovarlarning sifati, tavsifi haqidagi maʼlumotlarni buzib koʻrsatish va elektron savdoda tuzilgan bitimlar boʻyicha tovarlarni yetkazib bermaslik holatlari koʻplab mavjud.
Tovarlar (ishlar, xizmatlar)ning davlat va korporativ xaridlari tizimini tubdan takomillashtirish, ushbu sohada suiisteʼmolchilik holatlarining oldini olish, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarni amalga oshirish maqsadida:
1. Oʻzbekiston Respublikasi Prezidentining 2017-yil 24-iyuldagi “Oʻzbekiston Respublikasida loyiha boshqaruvi tizimini joriy etish chora-tadbirlari toʻgʻrisida”gi PF-5120-son Farmoni bilan Oʻzbekiston Respublikasi Loyiha boshqaruvining yagona milliy axborot tizimini joriy etish doirasida Resurslar yagona milliy maʼlumotnomasi va Davlat xaridlari yagona axborot portalini yaratish belgilanganligi maʼlumot uchun qabul qilinsin.
2. Oʻzbekiston Respublikasi Prezidenti huzuridagi Loyiha boshqaruvi milliy agentligi, Oʻzbekiston Respublikasi Iqtisodiyot vazirligi, Moliya vazirligi, Investitsiyalar boʻyicha davlat qoʻmitasi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasining quyidagilarni nazarda tutuvchi takliflariga rozilik berilsin:
iqtisodiyotning tegishli tarmoqlari va ijtimoiy sohada amalga oshirilayotgan, bitta kontrakt boʻyicha 5 million AQSh dollaridan yuqori ekvivalentdagi investitsiya loyihalari doirasida tovarlar (ishlar, xizmatlar)ning xaridi yuzasidan tarmoq idoralararo tender komissiyalarini tugatish;
loyiha tashkilotlari tomonidan tayyorlangan tender va loyihaoldi hujjatlarini taklif etilayotgan texnologiya va asbob-uskunalar boʻyicha texnologiya, asbob-uskunalarni tanlash va narxlarni shakllantirish qismida ekspertizadan oʻtkazish funksiyasini bajaradigan ixtisoslashgan tarmoq ekspert kengashlarini tugatish;
bitta kontrakt boʻyicha 300 AQSh dollaridan 100 ming AQSh dollarigacha ekvivalentdagi tovarlar (ishlar, xizmatlar)ning davlat va korporativ xaridlarini Oʻzbekiston Respublika tovar-xomashyo birjasi tomonidan tashkillashtiriladigan elektron savdolar orqali amalga oshirishga oid talabni bekor qilish.
3. Shunday tartib oʻrnatilsinki, unga koʻra 2018-yil 1-yanvarga qadar tovarlar (ishlar, xizmatlar)ning davlat va korporativ xaridlari quyidagi ekvivalentlarga muvofiq, yaʼni:
1 ming AQSh dollaridan kam boʻlgan bitta kontrakt boʻyicha — narxi, sifati va tovarlar (ishlar, xizmatlar)ni yetkazib berish muddatlari boʻyicha eng maqbul keladigan shartlarni taklif qilgan yetkazib beruvchilar bilan toʻgʻridan toʻgʻri shartnomalar tuzish orqali. Bitta kontrakt boʻyicha mablagʻ miqdori Oʻzbekiston Respublikasi Markaziy bankining shartnoma tuzilgan sanadagi rasmiy kursi boʻyicha hisoblanadi;
1 mingdan 100 ming AQSh dollarigacha boʻlgan bitta kontrakt boʻyicha — buyurtmachi tuzadigan idoraviy tanlov komissiyalari tomonidan baholanadigan eng maqbul takliflarni tanlab olish orqali. Bitta kontrakt boʻyicha mablagʻ miqdori Oʻzbekiston Respublikasi Markaziy bankining eng yaxshi taklif kelib tushgan sanadagi rasmiy kursi boʻyicha hisoblanadi;
100 ming AQSh dollaridan ortiq miqdordagi bitta kontrakt boʻyicha — buyurtmachi tomonidan Oʻzbekiston Respublikasi Investitsiyalar boʻyicha davlat qoʻmitasi, Oʻzbekiston Respublikasi Vazirlar Mahkamasi huzuridagi “OʻzInjiniring” Respublika loyiha instituti, shuningdek buyurtmachining tarmoq ilmiy-texnik kengashlarining vakillarini albatta jalb etgan holda tuziladigan idoralararo tanlov (tender) komissiyalari tashkil etadigan tanlov (tender) savdolarini oʻtkazish orqali amalga oshiriladi. Mazkur xaridlar boʻyicha texnik shartlar Oʻzbekiston Respublikasi Iqtisodiyot va sanoat vazirligi bilan kelishilgan boʻlishi shart. Bitta kontrakt boʻyicha mablagʻ miqdori Oʻzbekiston Respublikasi Markaziy bankining texnik shartlar tasdiqlangan sanadagi rasmiy kursi boʻyicha hisoblanadi.
Davlat organlari va boshqa tashkilotlar tanlov (tender) komissiyalari tarkiblari va tegishli tartib-taomillar ushbu qaror talablariga muvofiqlashtirilishini taʼminlasin.
Buyurtmachilarning rahbarlari davlat va korporativ xaridlarini amalga oshirish tartibiga, shu jumladan xarid qilishning maqsadga muvofiqligiga rioya qilmaganligi uchun jinoiy javobgarlikka tortishgacha qadar shaxsiy javobgar hisoblanadi.
4. Oʻzbekiston Respublikasi Moliya vazirligi Oʻzbekiston Respublikasining investitsiya loyihalarini amalga oshirish doirasida davlat va korporativ xaridlarini tashkil etish va oʻtkazish boʻyicha vakolatli organ etib belgilansin.
5. Oʻzbekiston Respublikasi Prezidenti huzuridagi Loyiha boshqaruvi milliy agentligi manfaatdor vazirliklar va idoralar bilan birgalikda:
Oʻzbekiston respublika Tovar-xomashyo birjasi bilan birgalikda resurslar yagona milliy maʼlumotnomasi va Davlat xaridlari yagona axborot portali yaratilishi hamda 2018-yil 1-yanvardan ishga tushirilishini taʼminlasin;
bir oy muddatda quyidagilarni nazarda tutuvchi “Davlat xaridlari toʻgʻrisida”gi Oʻzbekiston Respublikasi qonuni loyihasini belgilangan tartibda kiritsin:
davlat (korporativ) xaridlarini raqobat asosida amalga oshirishning shaffof va ochiq mexanizmini, ushbu sohada korrupsiyaning oldini olish boʻyicha chora-tadbirlarni;
davlat (korporativ) xaridlariga tadbirkorlik subyektlari keng jalb qilinishini;
davlat (korporativ) xaridlari ishtirokchilari uchun shikoyat qilishning mustaqil va samarali tizimi hamda tartib-taomillarini yaratishni;
elektron xaridlarni yanada rivojlantirish, natijalarni tahlil qilish uchun maʼlumotlar yagona bazasini, xaridlarning zarur parametrlarini tashkil etishni.
6. Adliya vazirligi Oʻzbekiston Respublikasi Prezidenti huzuridagi Loyiha boshqaruvi milliy agentligi, boshqa manfaatdor vazirliklar va idoralar bilan birgalikda bir oy muddatda qonun hujjatlariga mazkur qarordan kelib chiqadigan oʻzgartish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
7. Vazirliklar va idoralar bir oy muddatda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.
8. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Loyiha boshqaruvi milliy agentligi direktori Sh.M. Sadikov zimmasiga yuklansin.
Oʻzbekiston Respublikasi Prezidentining “Tovarlar (ishlar, xizmatlar)ning davlat va korporativ xaridlarini amalga oshirishning zamonaviy shakl va uslublarini yanada joriy etish chora-tadbirlari toʻgʻrisida”gi qaroriga
Mamlakatimizda davlat va korporativ xaridlari mexanizmini yanada takomillashtirish, tender savdolarining ochiqligi va shaffofligini taʼminlash boʻyicha izchil va kompleks ishlar amalga oshirilmoqda. Xususan, elektron savdolar joriy etildi, Oʻzbekiston Respublika tovar-xomashyo birjasining maxsus axborot portali yaratildi, tovarlar (ishlar, xizmatlar) xaridi boʻyicha, shu jumladan, investitsiya loyihalari doirasida koʻp pogʻonali idoralararo tender komissiyalari tashkil etildi. 2016-yil va joriy yilning 7 oyida Oʻzbekiston Respublika tovar-xomashyo birjasi maydonchalarida 1,7 trillion soʻmdan ortiq summada 95 mingdan ortiq bitimlar tuzildi. Shu bilan birga, oʻtkazilgan tahlil koʻrsatdiki, davlat va korporativ xaridlarining hamda tender savdolarini tashkil etishning amaldagi tartibi zamonaviy talablarga javob bermaydi, turli xil korrupsiya koʻrinishlari uchun sharoit yaratadigan koʻplab kelishish bosqichlari, bir-birini takrorlaydigan tartib-taomillar va sansalorlik holatlari mavjud. Bundan tashqari, tender jarayonlarining choʻzilishi, narx-navoni manipulatsiya qilish, tovarlarning sifati, tavsifi haqidagi maʼlumotlarni buzib koʻrsatish va elektron savdoda tuzilgan bitimlar boʻyicha tovarlarni yetkazib bermaslik holatlari koʻplab kuzatilmoqda. Budjet tashkilotlari tomonidan tovarlar (ishlar, xizmatlar) xaridining amaldagi meʼyorlari va tartibi tovar-moddiy boyliklar, shu jumladan, ularning eng zarurlari (kanselyariya buyumlari, kompyuter texnikasi va avtotransportni taʼmirlash) bilan normal va barqaror taʼminlashda qiyinchiliklar tugʻdirmoqda. Oxir-oqibatda bu loyihalar, shu jumladan, xorijiy va xalqaro moliya institutlari mablagʻlari hisobidan amalga oshiriladigan investitsiya loyihalari amalga oshirilishining kechiktirilishiga olib kelmoqda. Shu sababli, Oʻzbekiston Respublikasi Prezidentining qabul qilingan qarori: iqtisodiyotning tegishli tarmoqlari va ijtimoiy sohada amalga oshirilayotgan, bitta kontrakt boʻyicha 5 million AQSh dollaridan yuqori ekvivalentdagi investitsiya loyihalari doirasida tovarlar (ishlar, xizmatlar)ning xaridi yuzasidan tarmoq idoralararo tender komissiyalarini tugatishni; loyiha tashkilotlari tomonidan tayyorlangan tender va loyihaoldi hujjatlarini taklif etilayotgan texnologiya va asbob-uskunalar boʻyicha texnologiya, asbob-uskunalarni tanlash va narxlarni shakllantirish qismida ekspertizadan oʻtkazish funksiyasini bajaradigan ixtisoslashgan tarmoq ekspert kengashlarini tugatishni; bitta kontrakt boʻyicha 300 AQSh dollaridan 100 ming AQSh dollarigacha ekvivalentdagi tovarlar (ishlar, xizmatlar)ning davlat va korporativ xaridlarini Oʻzbekiston Respublika tovar-xomashyo birjasi tomonidan tashkillashtiriladigan elektron savdolar orqali amalga oshirishga oid talabni bekor qilishni nazarda tutadi. Davlat xaridlari tizimini yanada takomillashtirish maqsadida yangidan tashkil etilgan Oʻzbekiston Respublikasi Prezidenti huzuridagi Loyiha boshqaruvi milliy agentligiga resurslar yagona milliy maʼlumotnomasi va davlat xaridlari yagona axborot portali yaratilishi hamda 2018-yil 1-yanvardan ishga tushirilishini taʼminlash, shuningdek, bir oy muddatda quyidagilarni nazarda tutuvchi “Davlat xaridlari toʻgʻrisida”gi Oʻzbekiston Respublikasi qonuni loyihasini ishlab chiqish topshirildi: davlat va korporativ xaridlarini raqobat asosida amalga oshirishning shaffof va ochiq mexanizmini, ushbu sohada korrupsiyaning oldini olish boʻyicha chora-tadbirlarni; davlat va korporativ xaridlariga tadbirkorlik subyektlari keng jalb qilinishini; davlat va korporativ xaridlari ishtirokchilari uchun shikoyat qilishning mustaqil va samarali tizimi hamda tartib-taomillarini yaratishni; elektron xaridlarni yanada rivojlantirish, natijalarni tahlil qilish uchun maʼlumotlar yagona bazasini, xaridlarning zaruriy parametrlarini tashkil etishni. Shu bilan bir qatorda, Agentlik Oʻzbekiston Respublikasining investitsiya loyihalarini amalga oshirish doirasida davlat va korporativ xaridlarini tashkil qilish va oʻtkazish boʻyicha vakolatli organ etib belgilandi. 2018-yil 1-yanvarga qadar noaniqliklarni bartaraf qilish va suiisteʼmolchilik holatlarining oldini olish maqsadida davlat va korporativ xaridlari quyidagi ekvivalentlarga muvofiq, yaʼni: 1 ming AQSh dollaridan kam boʻlgan bitta kontrakt — narxi, sifati va tovarlar (ishlar, xizmatlar)ni yetkazib berish muddati boʻyicha eng maqbul keladigan shartlarni taklif qilgan yetkazib beruvchi bilan toʻgʻridan toʻgʻri shartnomalar tuzish orqali; 1 mingdan 100 ming AQSh dollarigacha boʻlgan bitta kontrakt — buyurtmachi tuzadigan idoraviy tanlov komissiyalari tomonidan baholanadigan eng maqbul takliflarni tanlab olish orqali; 100 ming AQSh dollaridan yuqori miqdordagi bitta kontrakt — buyurtmachi tomonidan Oʻzbekiston Respublikasi Investitsiyalar boʻyicha davlat qoʻmitasi, Oʻzbekiston Respublikasi Vazirlar Mahkamasi huzuridagi “OʻzInjiniring” Respublika loyiha instituti, shuningdek, buyurtmachining tarmoq ilmiy-texnik kengashlarining vakillarini majburiy jalb etgan holda tuziladigan idoralararo tanlov (tender) komissiyalari tashkil etadigan tanlov (tender) savdolarini oʻtkazish orqali amalga oshiriladi. Bundan tashqari, mazkur xaridlar boʻyicha texnik shartlar Oʻzbekiston Respublikasi Prezidenti huzuridagi Loyiha boshqaruvi milliy agentligi bilan kelishilgan boʻlishi shartligi haqidagi talab belgilandi. Shu bilan birga, qarorda davlat organlari va boshqa tashkilotlar rahbarlarining masʼuliyatini kuchaytirish maqsadida ularning tender savdolarini tashkil etish boʻyicha talablarni buzganligi hamda oʻtkazilgan davlat va korporativ xaridlarining maqsadga muvofiqligi uchun jinoiy javobgarlikka tortishgacha boʻlgan shaxsiy javobgar boʻlishi koʻrsatildi. Oʻzbekiston Respublikasi Prezidentining qabul qilingan qarori davlat va korporativ xaridlarining ilgʻor axborot-kommunikatsiya texnologiyalari va loyiha boshqaruvi tamoyillaridan foydalanishga asoslangan zamonaviy shakl hamda uslublariga bosqichma-bosqich oʻtish yoʻlidagi yana bir qadam hisoblanadi. Qarorda nazarda tutilgan chora-tadbirlarning amalga oshirilishi budjet mablagʻlaridan foydalanishning samaradorligini, davlat organlari va boshqa tashkilotlar rahbarlarining davlat va korporativ xaridlarini amalga oshirishda mustaqilligi va masʼuliyatini oshirishga, byurokratiyani bartaraf etishga xizmat qiladi.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 23-avgust,
PQ-3237-son
Президента Республики Узбекистан
Постановление
КОММЕНТАРИЙ
О мерах по дальнейшему внедрению современных форм и методов осуществления государственных и корпоративных закупок товаров (работ, услуг)
За прошедшие годы приняты меры по совершенствованию государственных и корпоративных закупок для обеспечения их открытости и прозрачности посредством организации электронных аукционных торгов.
Созданы межведомственные тендерные комиссии по закупке товаров (работ, услуг) в рамках инвестиционных проектов, реализуемых в отраслях экономики и социальной сфере, а также специализированные отраслевые экспертные советы по проведению экспертизы подготовленной проектными организациями тендерной и предпроектной документации.
Вместе с тем проведенный анализ показал, что действующий порядок государственных и корпоративных закупок и организации тендерных торгов не отвечает современным требованиям, является чрезмерно усложненным в связи с наличием многочисленных согласований, дублирующих процедур и волокиты, создающих условия для различных коррупционных проявлений.
В частности, отмечается затягивание тендерных процедур, включая согласование и утверждение протоколов межведомственных тендерных комиссий, в ряде случаев более шести месяцев, что приводит к задержкам реализации проектов, в том числе осуществляемых за счет средств зарубежных и международных финансовых институтов, и срывам сетевых графиков.
Имеются многочисленные факты манипулирования ценами, искажения данных о качестве, характеристиках товаров и непоставки товаров по заключенным на электронных торгах сделкам.
В целях коренного совершенствования системы государственных и корпоративных закупок товаров (работ, услуг), предупреждения фактов злоупотреблений в данной сфере, а также реализации задач, определенных в Стратегии действий по пяти приоритетным направлениям развития Республики Узбекистан в 2017 — 2021 годах:
1. Принять к сведению, что Указом Президента Республики Узбекистан от 24 июля 2017 года № УП-5120 «О мерах по внедрению системы проектного управления в Республике Узбекистан» предусмотрено создание Единого национального справочника ресурсов и Единого информационного портала государственных закупок в рамках внедрения Единой национальной информационной системы проектного управления Республики Узбекистан.
2. Согласиться с предложениями Национального агентства проектного управления при Президенте Республики Узбекистан, Министерства экономики, Министерства финансов, Государственного комитета по инвестициям, Государственного комитета Республики Узбекистан по содействию приватизированным предприятиям и развитию конкуренции, предусматривающими:
упразднение отраслевых межведомственных тендерных комиссий по закупке товаров (работ, услуг) в рамках инвестиционных проектов, реализуемых в соответствующих отраслях экономики и социальной сфере на сумму в эквиваленте более 5 миллионов долларов США по одному контракту;
упразднение специализированных отраслевых экспертных советов, выполняющих функции по проведению экспертизы подготовленной проектными организациями тендерной и предпроектной документации, в части отбора технологий, оборудования и ценообразования по предлагаемой технологии и оборудованию;
отмену требований по осуществлению государственных и корпоративных закупок товаров (работ, услуг) на сумму по одному контракту в эквиваленте от 300 долларов США до 100 тысяч долларов США посредством электронных торгов, организуемых Узбекской Республиканской товарно-сырьевой биржей.
3. Установить порядок, в соответствии с которым до 1 января 2018 года государственные и корпоративные закупки товаров (работ, услуг) осуществляются на сумму в эквиваленте:
менее 1 тысячи долларов США по одному контракту путем заключения прямых договоров с поставщиками, предложившими наиболее приемлемые условия по цене, качеству и срокам поставки товаров (работ, услуг). Сумма по одному контракту исчисляется по официальному курсу Центрального банка Республики Узбекистан на дату заключения договора;
от 1 тысячи до 100 тысяч долларов США по одному контракту путем отбора наилучших предложений, оцениваемых ведомственными конкурсными комиссиями, создаваемыми заказчиками. Сумма по одному контракту исчисляется по официальному курсу Центрального банка Республики Узбекистан на дату поступления наилучшего предложения;
свыше 100 тысяч долларов США по одному контракту путем проведения конкурсных (тендерных) торгов, организуемых межведомственными конкурсными (тендерными) комиссиями, создаваемыми заказчиками с обязательным привлечением представителей Государственного комитета Республики Узбекистан по инвестициям, Республиканского проектного института «УзИнжиниринг» при Кабинете Министров Республики Узбекистан, а также отраслевых научно-технических советов заказчика. Техническое задание по данным закупкам должно быть согласовано с Министерством экономики и промышленности Республики Узбекистан. Сумма по одному контракту исчисляется по официальному курсу Центрального банка Республики Узбекистан на дату утверждения технического задания.
Государственным органам и иным организациям обеспечить приведение в соответствие с требованиями настоящего постановления составов конкурсных (тендерных) комиссий и соответствующих процедур.
Руководители заказчиков несут персональную ответственность, вплоть до уголовной, за несоблюдение порядка осуществления государственных и корпоративных закупок, включая целесообразность их приобретения.
4. Определить Министерство финансов Республики Узбекистан уполномоченным органом по организации и проведению государственных и корпоративных закупок в рамках реализации инвестиционных проектов Республики Узбекистан.
5. Национальному агентству проектного управления при Президенте Республики Узбекистан совместно с заинтересованными министерствами и ведомствами:
обеспечить совместно с Узбекской Республиканской товарно-сырьевой биржей создание и ввод в эксплуатацию с 1 января 2018 года Единого национального справочника ресурсов и Единого информационного портала государственных закупок;
в месячный срок внести в установленном порядке проект Закона Республики Узбекистан «О государственных закупках», предусмотрев в нем:
прозрачный и открытый механизм осуществления государственных (корпоративных) закупок на конкурентной основе, меры по предупреждению коррупции в данной сфере;
широкий доступ субъектов предпринимательства к государственным (корпоративным) закупкам;
создание независимой и эффективной системы и процедур обжалования для участников государственных (корпоративных) закупок;
дальнейшее развитие электронных закупок, организацию единой базы данных для статистического анализа результатов и необходимых параметров закупок.
6. Министерству юстиции совместно с Национальным агентством проектного управления при Президенте Республики Узбекистан, иными заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
7. Министерствам и ведомствам в месячный срок привести принятые ими нормативно-правовые акты в соответствие с настоящим постановлением.
8. Контроль за исполнением настоящего постановления возложить на Премьер-министра Республики Узбекистан А.Н. Арипова и директора Национального агентства проектного управления при Президенте Республики Узбекистан Ш.М. Садикова.
к постановлению Президента Республики Узбекистан «О мерах по дальнейшему внедрению современных форм и методов осуществления государственных и корпоративных закупок товаров (работ, услуг)»
В стране проводится последовательная и комплексная работа по дальнейшему совершенствованию механизмов государственных и корпоративных закупок, обеспечению открытости и прозрачности тендерных торгов. В частности, внедрены электронные торги, создан специальный информационный портал Узбекской Республиканской товарно-сырьевой биржи, образованы многоуровневые межведомственные тендерные комиссии по закупке товаров (работ, услуг), в том числе в рамках инвестиционных проектов. В 2016 году и за 7 месяцев текущего года на площадках Узбекской Республиканской товарно-сырьевой биржи заключено более 95 тысяч сделок на сумму более 1,7 триллиона сумов. Вместе с тем проведенный анализ показал, что действующий порядок государственных и корпоративных закупок и организации тендерных торгов не отвечает современным требованиям, имеются многочисленные этапы согласования, дублирующие процедуры и волокита, создающие условия для различных коррупционных проявлений. Кроме того, отмечаются затягивание тендерных процедур и наличие множества фактов манипулирования ценами, искажения данных о качестве, характеристиках товаров и непоставки товаров по заключенным на электронных торгах сделкам. Действующие лимиты и порядок приобретения товаров (работ, услуг) бюджетными организациями создают трудности в обеспечении товарно-материальными ценностями, в том числе первой необходимости (канцелярские принадлежности, ремонт компьютерной техники и автотранспорта). В конечном итоге это приводит к задержкам реализации проектов, в том числе инвестиционных проектов, осуществляемых за счет средств зарубежных и международных финансовых институтов. В этой связи принятое постановление Президента Республики Узбекистан предусматривает: упразднение отраслевых межведомственных тендерных комиссий по закупке товаров (работ, услуг) в рамках инвестиционных проектов, реализуемых в соответствующих отраслях экономики и социальной сфере на сумму в эквиваленте более 5 миллионов долларов США по одному контракту; упразднение специализированных отраслевых экспертных советов, выполняющих функции по проведению экспертизы подготовленной проектными организациями тендерной и предпроектной документации, в части отбора технологий, оборудования и ценообразования по предлагаемой технологии и оборудованию; отмену требований по осуществлению государственных и корпоративных закупок товаров (работ, услуг) на сумму по одному контракту в эквиваленте от 300 долларов США до 100 тысяч долларов США посредством электронных торгов, организуемых Узбекской Республиканской товарно-сырьевой биржей. В целях дальнейшего совершенствования системы государственных закупок вновь созданному Национальному агентству проектного управления при Президенте Республики Узбекистан поручено обеспечить создание и ввод в эксплуатацию с 1 января 2018 года Единого национального справочника ресурсов и Единого информационного портала государственных закупок, а также в месячный срок разработать проект Закона Республики Узбекистан «О государственных закупках», предусматривающий: прозрачный и открытый механизм осуществления государственных и корпоративных закупок на конкурентной основе, меры по предупреждению коррупции в данной сфере; широкий доступ субъектов предпринимательства к государственным и корпоративным закупкам; создание независимой и эффективной системы и процедур обжалования для участников государственных и корпоративных закупок; дальнейшее развитие электронных закупок, организацию единой базы данных для статистического анализа результатов и необходимых параметров закупок. Наряду с этим Агентство также определено уполномоченным органом по организации и проведению государственных и корпоративных закупок в рамках реализации инвестиционных проектов Республики Узбекистан. В целях исключения неясностей и предотвращения фактов злоупотреблений до 1 января 2018 года введен порядок, согласно которому государственные и корпоративные закупки осуществляются на сумму в эквиваленте: менее 1 тысячи долларов США по одному контракту путем заключения прямых договоров с поставщиками по итогам отбора наиболее лучших предложений по цене, качеству и срокам поставки товаров (работ, услуг); от 1 тысячи до 100 тысяч долларов США по одному контракту путем отбора наилучших предложений, оцениваемых ведомственными конкурсными комиссиями, создаваемыми заказчиками; свыше 100 тысяч долларов США по одному контракту путем проведения конкурсных (тендерных) торгов, организуемых межведомственными конкурсными (тендерными) комиссиями, создаваемыми заказчиками с обязательным привлечением представителей Государственного комитета Республики Узбекистан по инвестициям, Республиканского проектного института «УзИнжиниринг» при Кабинете Министров Республики Узбекистан, а также отраслевых научно-технических советов заказчика. Кроме того, установлено требование, что техническое задание по данным закупкам должно быть согласовано с Национальным агентством проектного управления при Президенте Республики Узбекистан. Вместе с тем в целях усиления ответственности руководителей государственных органов и иных организаций в постановлении указано, что они несут персональную ответственность, вплоть до уголовной, за нарушение требований по организации тендерных торгов и целесообразность проведенных государственных и корпоративных закупок. Принятое постановление Президента Республики Узбекистан является еще одним шагом на пути поэтапного перехода к современным формам и методам государственных и корпоративных закупок, основанным на использовании передовых информационно-коммуникационных технологий и принципов проектного управления. Реализация предусмотренных им мер послужит повышению эффективности использования бюджетных средств, самостоятельности и ответственности руководителей государственных органов и иных организаций за осуществляемые государственные и корпоративные закупки, устранению бюрократизма.
Президент Республики Узбекистан Ш. МИРЗИЁЕВ
г. Ташкент,
23 августа 2017 г.,
№ ПП-3237