📅 2017-yil 21-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 21 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 21 августа 2017 г. · Постановления Президента
Официальный текст. Официальный документ. Редакционные примечания не включены.
📅 21 August 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Пахтакор» футбол клубининг моддий-техника базасини янада такомиллаштириш чора-тадбирлари тўғрисида
«Пахтакор» футбол клубининг моддий-техника базасини янада такомиллаштириш, «Пахтакор» футбол клубининг спорт-машғулот ўқув комплекси ва унга тегишли бўлган объектларни халқаро стандартларга мувофиқлаштириш, шунингдек, Ўзбекистонни халқаро мусобақаларда муносиб намоён этишга қодир бўлган юқори даражадаги футболчиларни тайёрлашни таъминлаш мақсадида:
1. Тошкент шаҳар ҳокимлиги, Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Ўзбекистон Республикаси Жисмоний тарбия ва спорт давлат қўмитаси, Ўзбекистон Республикаси Молия вазирлиги, Ўзбекистон футбол федерацияси ҳамда «SFI Management Group» масъулияти чекланган жамиятининг (кейинги ўринларда — инвестор):
«PAXTAKOR» спорт-машғулот ўқув маркази» МЧЖ ва «PAXTAKOR TENNIS ASE» МЧЖни «PAXTAKOR» МЧЖга бирлаштириш йўли билан қайта ташкил этиш (кейинги ўринларда — Жамият);
инвесторга инвестиция мажбуриятларини бажариш шарти билан «нул»инчи сотиб олиш қиймати нархида Жамиятнинг устав фондига 80 фоиз улушини сотиш;
инвесторнинг инвестиция мажбуриятларини бажарганидан сўнг Жамиятнинг устав фондидаги 20 фоиз улушни Тошкент шаҳар ҳокимлигида сақлаб қолиш тўғрисидаги таклифлари маъқуллансин.
2. Белгилаб қўйилсинки, инвестор бино ва иншоотларни қуриш, реконструкция қилиш, капитал таъмирлаш, уларни халқаро стандартларга мос келтиришни назарда тутадиган бизнес-режага мувофиқ, 200,0 млрд, сўмдан кам бўлмаган суммадаги бажариладиган инвестиция мажбуриятларини беш йил давомида амалга оширади.
3. Белгилансинки:
«тасарруф этиш ҳуқуқисиз» белгили Жамиятнинг устав фондидаги 80 фоиз улушига бўлган мулкий ҳуқуқни берадиган сертификатни инвесторга бериш «нулинчи» сотиб олиш нархи бўйича улушининг 80 фоизини олди-сотди шартномасини (кейинги ўринларда — олди-сотди шартномаси) тузилган кундан бошлаб беш иш кунида амалга оширилади;
инвесторга Жамиятнинг устав фондидаги 80 фоиз улушни тасарруф қилиш ҳуқуқи у томонидан инвестиция мажбуриятлари бажарилганидан сўнг тақдим этилади;
олди-сотди шартномаси тузилгунига қадар Жамиятнинг манфаатлари йўлида инвестор ёки инвестор таъсисчиси томонидан турли шаклдаги киритилган пул маблағлари инвестиция мажбуриятларини бажариш ҳисобига киритилади.
4. Тошкент шаҳар ҳокимлиги, Ўзбекистон Республикаси Жисмоний тарбия ва спорт давлат қўмитаси, Ўзбекистон Республикаси Молия вазирлиги, Ўзбекистон футбол федерацияси инвестор билан биргаликда беш ой муддатда мазкур қарорнинг 2-бандида кўрсатилган инвестиция мажбуриятларини бажариш жадвали, бизнес-режани ишлаб чиқсин ва тасдиқласин.
5. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси инвестор билан:
мазкур қарорнинг 2-бандида кўрсатилган инвестиция мажбуриятларини бажаришни назарда тутадиган олди-сотди шартномасини;
мазкур қарорнинг 4-бандида кўрсатилган бизнес-режа ва инвестиция мажбуриятларини бажариш жадвали тасдиқланганидан сўнг тасдиқланган инвестицияларни киритиш жадвали билан бирга олди-сотди шартномасига тегишли қўшимча келишув тузилсин.
6. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси Тошкент шаҳар ҳокимлиги билан биргаликда инвесторнинг ўз зиммасига олган инвесторлик мажбуриятлари бажарилишини назорат қилишни таъминласин.
7. Жамиятга қуйидагилар рухсат этилсин:
тендер савдоларисиз, қурилиш-монтаж ва тиклаш ишлари бўйича энг яхши таклифларни танлаш асосида лойиҳачилар, товарлар (ишлар, хизматлар) ва пудратчилар билан тўғридан тўғри шартномалар тузиш;
юқори малакали хорижий мутахассисларни ишга қабул қилиш ва уларга ойлик маоши миқдорини ва бошқа тўловларни эркин конвертация қилинадиган валютада тўлаш.
8. Ўзбекистон Республикаси «Давархитектқурилиш» қўмитаси лойиҳа-смета ҳужжатларини давлат экспертизасидан ўтказишни ва қурилиш-монтаж ишларининг сифатли бажарилиши юзасидан давлат-архитектура назорати амалга оширилишини таъминласин.
9. Жамият 2023 йилнинг 1 январигача:
инвестиция мажбуриятларини амалга ошириш доирасида — давлат мақсадли жамғармаларига бўлган барча солиқ ва мажбурий тўловлардан (Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси бундан мустасно), шунингдек, Жамиятнинг хорижий мутахассисларига меҳнат ҳақи сифатида даромадлар қисмида тўланадиган ягона ижтимоий тўловдан;
хорижий мутахассисларни - жисмоний шахсларнинг даромадлари бўйича Жамият билан тузилган меҳнат шартномаси доирасида олинадиган даромад солиғи тўлашдан озод этилсин.
10. Ўзбекистон Республикаси Ташқи ишлар вазирлиги Жамиятнинг буюртманомаларига кўра жалб этиладиган хорижий мутахассисларни кириш визалари билан таъминласин.
11. Ўзбекистон Республикаси Ички ишлар вазирлиги Жамиятнинг буюртманомаларига кўра жалб этиладиган хорижий мутахассисларга кўп марталик визалар беришни ва унинг муддатини узайтиришни, шунингдек, вақтинча яшаш жойида вақтинчалик рўйхатга олиш ва унинг муддатини узайтиришни таъминласин.
12. Ўзбекистон Республикаси Бандлик ва меҳнат муносабатлари вазирлиги Жамиятнинг буюртманомаларига кўра республикага хорижий мутахассисларни жалб этишга рухсатномалар бериш (муддатини узайтириш), шунингдек, Ўзбекистон Республикаси ҳудудига жалб этиладиган хорижий мутахассисларга меҳнат фаолиятини олиб бориш (муддатини узайтириш) ҳуқуқини берадиган тасдиқномалар берилишини таъминласин.
13. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси раиси Р.А. Ғуломов, Ўзбекистон Республикаси Жисмоний тарбия ва спорт давлат қўмитаси раиси Р.Д. Қурбонов ва Тошкент шаҳар ҳокими Р.Ж. Усмонов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 21 август,
ПҚ-3227-сон
Oʻzbekiston Respublikasi Prezidentining
Qarori
“Paxtakor” futbol klubining moddiy-texnika bazasini yanada takomillashtirish chora-tadbirlari toʻgʻrisida
“Paxtakor” futbol klubining moddiy-texnika bazasini yanada takomillashtirish, “Paxtakor” futbol klubining sport-mashgʻulot oʻquv kompleksi va unga tegishli boʻlgan obyektlarni xalqaro standartlarga muvofiqlashtirish, shuningdek, Oʻzbekistonni xalqaro musobaqalarda munosib namoyon etishga qodir boʻlgan yuqori darajadagi futbolchilarni tayyorlashni taʼminlash maqsadida:
1. Toshkent shahar hokimligi, Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Oʻzbekiston Respublikasi Jismoniy tarbiya va sport davlat qoʻmitasi, Oʻzbekiston Respublikasi Moliya vazirligi, Oʻzbekiston futbol federatsiyasi hamda “SFI Management Group” masʼuliyati cheklangan jamiyatining (keyingi oʻrinlarda — investor):
“PAXTAKOR” sport-mashgʻulot oʻquv markazi” MCHJ va “PAXTAKOR TENNIS ASE” MCHJni “PAXTAKOR” MCHJga birlashtirish yoʻli bilan qayta tashkil etish (keyingi oʻrinlarda — Jamiyat);
investorga investitsiya majburiyatlarini bajarish sharti bilan “nul”inchi sotib olish qiymati narxida Jamiyatning ustav fondiga 80 foiz ulushini sotish;
investorning investitsiya majburiyatlarini bajarganidan soʻng Jamiyatning ustav fondidagi 20 foiz ulushni Toshkent shahar hokimligida saqlab qolish toʻgʻrisidagi takliflari maʼqullansin.
2. Belgilab qoʻyilsinki, investor bino va inshootlarni qurish, rekonstruksiya qilish, kapital taʼmirlash, ularni xalqaro standartlarga mos keltirishni nazarda tutadigan biznes-rejaga muvofiq, 200,0 mlrd, soʻmdan kam boʻlmagan summadagi bajariladigan investitsiya majburiyatlarini besh yil davomida amalga oshiradi.
3. Belgilansinki:
“tasarruf etish huquqisiz” belgili Jamiyatning ustav fondidagi 80 foiz ulushiga boʻlgan mulkiy huquqni beradigan sertifikatni investorga berish “nulinchi” sotib olish narxi boʻyicha ulushining 80 foizini oldi-sotdi shartnomasini (keyingi oʻrinlarda — oldi-sotdi shartnomasi) tuzilgan kundan boshlab besh ish kunida amalga oshiriladi;
investorga Jamiyatning ustav fondidagi 80 foiz ulushni tasarruf qilish huquqi u tomonidan investitsiya majburiyatlari bajarilganidan soʻng taqdim etiladi;
oldi-sotdi shartnomasi tuzilguniga qadar Jamiyatning manfaatlari yoʻlida investor yoki investor taʼsischisi tomonidan turli shakldagi kiritilgan pul mablagʻlari investitsiya majburiyatlarini bajarish hisobiga kiritiladi.
4. Toshkent shahar hokimligi, Oʻzbekiston Respublikasi Jismoniy tarbiya va sport davlat qoʻmitasi, Oʻzbekiston Respublikasi Moliya vazirligi, Oʻzbekiston futbol federatsiyasi investor bilan birgalikda besh oy muddatda mazkur qarorning 2-bandida koʻrsatilgan investitsiya majburiyatlarini bajarish jadvali, biznes-rejani ishlab chiqsin va tasdiqlasin.
5. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi investor bilan:
mazkur qarorning 2-bandida koʻrsatilgan investitsiya majburiyatlarini bajarishni nazarda tutadigan oldi-sotdi shartnomasini;
mazkur qarorning 4-bandida koʻrsatilgan biznes-reja va investitsiya majburiyatlarini bajarish jadvali tasdiqlanganidan soʻng tasdiqlangan investitsiyalarni kiritish jadvali bilan birga oldi-sotdi shartnomasiga tegishli qoʻshimcha kelishuv tuzilsin.
6. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi Toshkent shahar hokimligi bilan birgalikda investorning oʻz zimmasiga olgan investorlik majburiyatlari bajarilishini nazorat qilishni taʼminlasin.
7. Jamiyatga quyidagilar ruxsat etilsin:
tender savdolarisiz, qurilish-montaj va tiklash ishlari boʻyicha eng yaxshi takliflarni tanlash asosida loyihachilar, tovarlar (ishlar, xizmatlar) va pudratchilar bilan toʻgʻridan toʻgʻri shartnomalar tuzish;
yuqori malakali xorijiy mutaxassislarni ishga qabul qilish va ularga oylik maoshi miqdorini va boshqa toʻlovlarni erkin konvertatsiya qilinadigan valyutada toʻlash.
8. Oʻzbekiston Respublikasi “Davarxitektqurilish” qoʻmitasi loyiha-smeta hujjatlarini davlat ekspertizasidan oʻtkazishni va qurilish-montaj ishlarining sifatli bajarilishi yuzasidan davlat-arxitektura nazorati amalga oshirilishini taʼminlasin.
9. Jamiyat 2023-yilning 1-yanvarigacha:
investitsiya majburiyatlarini amalga oshirish doirasida — davlat maqsadli jamgʻarmalariga boʻlgan barcha soliq va majburiy toʻlovlardan (Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi bundan mustasno), shuningdek, Jamiyatning xorijiy mutaxassislariga mehnat haqi sifatida daromadlar qismida toʻlanadigan yagona ijtimoiy toʻlovdan;
xorijiy mutaxassislarni - jismoniy shaxslarning daromadlari boʻyicha Jamiyat bilan tuzilgan mehnat shartnomasi doirasida olinadigan daromad soligʻi toʻlashdan ozod etilsin.
10. Oʻzbekiston Respublikasi Tashqi ishlar vazirligi Jamiyatning buyurtmanomalariga koʻra jalb etiladigan xorijiy mutaxassislarni kirish vizalari bilan taʼminlasin.
11. Oʻzbekiston Respublikasi Ichki ishlar vazirligi Jamiyatning buyurtmanomalariga koʻra jalb etiladigan xorijiy mutaxassislarga koʻp martalik vizalar berishni va uning muddatini uzaytirishni, shuningdek, vaqtincha yashash joyida vaqtinchalik roʻyxatga olish va uning muddatini uzaytirishni taʼminlasin.
12. Oʻzbekiston Respublikasi Bandlik va mehnat munosabatlari vazirligi Jamiyatning buyurtmanomalariga koʻra respublikaga xorijiy mutaxassislarni jalb etishga ruxsatnomalar berish (muddatini uzaytirish), shuningdek, Oʻzbekiston Respublikasi hududiga jalb etiladigan xorijiy mutaxassislarga mehnat faoliyatini olib borish (muddatini uzaytirish) huquqini beradigan tasdiqnomalar berilishini taʼminlasin.
13. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi raisi R.A. Gʻulomov, Oʻzbekiston Respublikasi Jismoniy tarbiya va sport davlat qoʻmitasi raisi R.D. Qurbonov va Toshkent shahar hokimi R.J. Usmonov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 21-avgust,
PQ-3227-son
Президента Республики Узбекистан
Постановление
О мерах по дальнейшему совершенствованию материально-технической базы футбольного клуба «Пахтакор»
В целях дальнейшего совершенствования материально-технической базы футбольного клуба «Пахтакор», приведения спортивно-тренировочного учебного комплекса футбольного клуба «Пахтакор» и принадлежащих ему объектов в соответствие с международными стандартами, а также обеспечения подготовки футболистов высокого класса, способных достойно представлять Узбекистан на международных соревнованиях:
1. Одобрить предложения хокимията города Ташкента, Государственного комитета Республики Узбекистан по содействию приватизированным предприятиям и развитию конкуренции, Государственного комитета Республики Узбекистан по физической культуре и спорту, Министерства финансов Республики Узбекистан, Федерации футбола Узбекистана и иностранного предприятия в форме общества с ограниченной ответственностью «SFI Management Group» (далее — инвестор) о:
реорганизации ООО «Спортивно-тренировочный учебный центр «PAXTAKOR»» и ООО «PAXTAKOR TENNIS АСЕ» путем их присоединения к ООО «Футбольный клуб «PAXTAKOR»» (далее — Общество);
реализации инвестору 80 процентов доли в уставном фонде Общества по «нулевой» выкупной стоимости с условием выполнения инвестиционных обязательств;
сохранении за хокимиятом города Ташкента 20 процентов доли в уставном фонде Общества после выполнения инвестиционных обязательств инвестором.
2. Определить, что инвестор выполняет инвестиционные обязательства на сумму не менее 200,0 млрд сум., выполняемых в течение пяти лет, в соответствии с бизнес-планами, предусматривающими строительство, реконструкцию, капитальный ремонт зданий и сооружений, приведение их в соответствие с международными стандартами.
3. Установить, что:
выдача инвестору сертификата на право собственности 80 процентами доли в уставном фонде Общества с отметкой «без права распоряжения» осуществляется в течение пяти рабочих дней с даты заключения договора купли-продажи 80 процентов доли по «нулевой» выкупной стоимости (далее — договор купли-продажи);
право распоряжения 80 процентами доли в уставном фонде Общества переходит инвестору после выполнения им инвестиционных обязательств;
денежные средства, внесенные в любой форме либо оплаченные инвестором или учредителем инвестора в интересах Общества до заключения договора купли-продажи, засчитываются в счет выполнения инвестиционных обязательств.
4. Хокимияту города Ташкента, Государственному комитету Республики Узбекистан по физической культуре и спорту, Федерации футбола Узбекистана совместно с инвестором в пятимесячный срок разработать и утвердить бизнес-план, график выполнения инвестиционных обязательств, указанных в пункте 2 настоящего постановления.
5. Государственному комитету Республики Узбекистан по содействию приватизированным предприятиям и развитию конкуренции заключить с инвестором:
договор купли-продажи, предусмотрев в нем выполнение инвестиционных обязательств, указанных в пункте 2 настоящего постановления;
соответствующее дополнительное соглашение к договору купли-продажи с утверждением графика внесения инвестиций после утверждения бизнес-плана и графика выполнения инвестиционных обязательств, указанных в пункте 4 настоящего постановления.
6. Государственному комитету Республики Узбекистан по содействию приватизированным предприятиям и развитию конкуренции совместно с хокимиятом г. Ташкента обеспечить контроль за выполнением инвестором принятых на себя инвестиционных обязательств.
7. Разрешить Обществу:
заключать прямые контракты с проектировщиками, поставщиками товаров (работ, услуг) и подрядчиками без проведения тендерных торгов, на основе отбора наилучших предложений по строительно-монтажным и восстановительным работам;
принимать на работу высококвалифицированных иностранных специалистов и осуществлять выплату им заработной платы в национальной валюте или иностранной валюте путем перевода средств на их зарубежные счета.
8. Министерству строительства Республики Узбекистан в установленном порядке организовать экспертизу проектной документации и установить контроль за качеством выполняемых строительно-монтажных работ.
9. Освободить сроком до 1 января 2023 года:
Общество в рамках реализации инвестиционных обязательств — от уплаты всех налогов и обязательных отчислений в государственные целевые фонды (за исключением внебюджетного Пенсионного фонда при Министерстве финансов Республики Узбекистан), а также единого социального платежа в части доходов в виде оплаты труда, выплачиваемого иностранным специалистам Общества;
иностранных специалистов — от уплаты налога на доходы физических лиц по доходам, полученным в рамках трудовых договоров, заключенных с Обществом.
10. Министерству иностранных дел Республики Узбекистан обеспечить по заявкам Общества оформление въездных виз привлекаемым иностранным специалистам.
11. Министерству внутренних дел Республики Узбекистан обеспечить по заявкам Общества оформление, выдачу и продление многократных виз, а также временную прописку, учет по месту пребывания и продление временной прописки, учета по месту пребывания привлекаемым иностранным специалистам.
12. Министерству занятости и трудовых отношений Республики Узбекистан обеспечить по заявкам Общества выдачу (продление) разрешений на привлечение в республику иностранных специалистов, а также выдачу (продление) привлекаемым иностранным специалистам подтверждений на право трудовой деятельности на территории Республики Узбекистан.
13. Контроль за исполнением настоящего постановления возложить на Премьер-министра Республики Узбекистан А.Н. Арипова, председателя Государственного комитета Республики Узбекистан по содействию приватизированным предприятиям и развитию конкуренции Р.А. Гулямова, председателя Государственного комитета Республики Узбекистан по физической культуре и спорту Р.Д. Курбанова и хокима города Ташкента Р.Ж. Усманова.
Президент Республики Узбекистан Ш. МИРЗИЁЕВ
г. Ташкент,
21 августа 2017 г.,
№ ПП-3227