UzbekAI

Ўзбекистон Республикаси Молия вазирининг

буйруғи

Бизнес соҳаси учун суғурта хизматлари кўрсатишнинг ягона талаблари ва стандартлари тўғрисидаги низомга ўзгартириш ва қўшимчалар киритиш ҳақида

Ўзбекистон Республикасининг «Суғурта фаолияти тўғрисида»ги Қонунига , Ўзбекистон Республикаси Президентининг 2017 йил 18 мартдаги ПҚ-2847-сон қарори билан тасдиқланган Ўзбекистон Республикаси Молия вазирлиги тўғрисидаги низомга мувофиқ буюраман:

1. Ўзбекистон Республикаси молия вазирининг 2008 йил 26 декабрдаги 120-сон буйруғи (рўйхат рақами 1891, 2009 йил 28 январь) (Ўзбекистон Республикаси қонун ҳужжатлари тўплами, 2009 й., 5-сон, 47-модда) билан тасдиқланган Бизнес соҳаси учун суғурта хизматлари кўрсатишнинг ягона талаблари ва стандартлари тўғрисидаги низомга иловага мувофиқ ўзгартириш ва қўшимчалар киритилсин.

2. Мазкур буйруқ расмий эълон қилинган кундан эътиборан кучга киради.

Ўзбекистон Республикаси молия вазирининг 2017 йил 2 августдаги 118-сон буйруғига ИЛОВА

Бизнес соҳаси учун суғурта хизматлари кўрсатишнинг ягона талаблари ва стандартлари тўғрисидаги низомга киритилаётган ўзгартириш ва қўшимчалар

1. 5-банднинг еттинчи хатбошиси «суғурта товонини» деган сўзлардан кейин «(суғурта пулини)» деган сўзлар билан тўлдирилсин;

2. 10-банд қуйидаги таҳрирда баён этилсин:

«10. Суғурталовчи суғурта шартномасида кўрсатилган воқеа содир бўлганлиги тўғрисида хабарни ва ушбу воқеага алоқадор ҳужжатларни олгандан кейин етказилган зарарнинг сабаби ва миқдорига оид қўшимча ҳужжатларни тузилган суғурта шартномаси шартларига мувофиқ сўрашга ҳақли.».

3. 11-банднинг биринчи хатбошиси қуйидаги таҳрирда баён этилсин:

«11. Агар суғурталовчи воқеани суғурта ҳодисаси деб тан олса, у суғурта ҳодисаси тўғрисида далолатнома тузиши, унда суғурталовчи томонидан суғурта қилдирувчига тўлаши лозим бўлган суғурта товонининг (суғурта пулининг) миқдорини кўрсатиши ва суғурта ҳодисаси тўғрисидаги далолатнома тузилган кундан бошлаб беш банк куни бўлган муддатдан кечиктирмай суғурта товонини (суғурта пулини) тўлаши шарт.».

4. 12-бандда :

саккизинчи хатбоши «суғурта товонини» деган сўзлардан кейин «(суғурта пулини)» деган сўзлар билан тўлдирилсин;

ўн иккинчи хатбоши қуйидаги таҳрирда баён этилсин:

«суғурталовчи — тегишли турдаги суғуртани амалга ошириш учун лицензияга эга бўлган ва суғурта шартномасига мувофиқ суғурта товони (суғурта пули) тўловини амалга ошириш мажбуриятини олувчи тижорат ташкилоти бўлган юридик шахс;»;

ўн олтинчи хатбоши «суғурта товони» деган сўзлардан кейин «(суғурта пули)» деган сўзлар билан тўлдирилсин.

5. 16-банддаги «суғурта товони» деган сўзлар «суғурта товони (суғурта пули) тўлови» деган сўзлар билан алмаштирилсин.

6. 18-банд қуйидаги таҳрирда баён этилсин:

«18. Агар суғурта қилдирувчи томонидан тақдим этилган ҳужжатлар воқеани суғурта ҳодисаси деб тан олиш тўғрисида қарор қабул қилиш ва зарарнинг миқдорини аниқлаш учун етарли бўлмаган ҳолларда суғурталовчи содир бўлган воқеанинг тафсилотлари, суғурта қилдирувчининг ололмаган даромадларни (йўқотиш) сабаблари ва миқдорини эксперт баҳолаш учун мутахассисларни (экспертларни) жалб қилишга, шунингдек содир бўлган воқеанинг тафсилотларини ва зарарнинг миқдорини аниқлаш бўйича бошқа ҳаракатларни амалга оширишга ҳақли.».

7. 21 ва 22-бандлар қуйидаги таҳрирда баён этилсин:

«21. Суғурта ҳодисасининг содир бўлиши муносабати билан фуқаролик, иқтисодий, жиноий ёки маъмурий иш қўзғатилган бўлса, суғурталовчи тегишли суммаларни тўлаш тўғрисидаги қарорнинг қабул қилинишини мутасадди органлар томонидан тегишли қарор қабул қилингунга қадар кечиктиришга ҳақли.

22. Содир бўлган воқеа, зарар ҳажми ва суғурта товони (суғурта пули) миқдори бўйича томонлар ўртасида келишмовчиликлар бўлмаса, суғурталовчи тўланиши лозим бўлган суғурта товони (суғурта пули) миқдори кўрсатилган суғурта ҳодисаси тўғрисидаги далолатномани (суғурта далолатномасини) тузади.».

Вазир Б. ХОДЖАЕВ

Тошкент ш.,

2017 йил 2 август,

118-сон

(Ўзбекистон Республикаси қонун ҳужжатлари тўплами, 2017 й., 35-сон, 938-модда)

Oʻzbekiston Respublikasi Moliya vazirining

buyrugʻi

Biznes sohasi uchun sugʻurta xizmatlari koʻrsatishning yagona talablari va standartlari toʻgʻrisidagi nizomga oʻzgartirish va qoʻshimchalar kiritish haqida

Oʻzbekiston Respublikasining “Sugʻurta faoliyati toʻgʻrisida”gi Qonuniga , Oʻzbekiston Respublikasi Prezidentining 2017-yil 18-martdagi PQ-2847-son qarori bilan tasdiqlangan Oʻzbekiston Respublikasi Moliya vazirligi toʻgʻrisidagi nizomga muvofiq buyuraman:

1. Oʻzbekiston Respublikasi moliya vazirining 2008-yil 26-dekabrdagi 120-son buyrugʻi (roʻyxat raqami 1891, 2009-yil 28-yanvar) (Oʻzbekiston Respublikasi qonun hujjatlari toʻplami, 2009-y., 5-son, 47-modda) bilan tasdiqlangan Biznes sohasi uchun sugʻurta xizmatlari koʻrsatishning yagona talablari va standartlari toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

Oʻzbekiston Respublikasi moliya vazirining 2017-yil 2-avgustdagi 118-son buyrugʻiga ILOVA

Biznes sohasi uchun sugʻurta xizmatlari koʻrsatishning yagona talablari va standartlari toʻgʻrisidagi nizomga kiritilayotgan oʻzgartirish va qoʻshimchalar

1. 5-bandning yettinchi xatboshisi “sugʻurta tovonini” degan soʻzlardan keyin “(sugʻurta pulini)” degan soʻzlar bilan toʻldirilsin;

2. 10-band quyidagi tahrirda bayon etilsin:

“10. Sugʻurtalovchi sugʻurta shartnomasida koʻrsatilgan voqea sodir boʻlganligi toʻgʻrisida xabarni va ushbu voqeaga aloqador hujjatlarni olgandan keyin yetkazilgan zararning sababi va miqdoriga oid qoʻshimcha hujjatlarni tuzilgan sugʻurta shartnomasi shartlariga muvofiq soʻrashga haqli.”.

3. 11-bandning birinchi xatboshisi quyidagi tahrirda bayon etilsin:

“11. Agar sugʻurtalovchi voqeani sugʻurta hodisasi deb tan olsa, u sugʻurta hodisasi toʻgʻrisida dalolatnoma tuzishi, unda sugʻurtalovchi tomonidan sugʻurta qildiruvchiga toʻlashi lozim boʻlgan sugʻurta tovonining (sugʻurta pulining) miqdorini koʻrsatishi va sugʻurta hodisasi toʻgʻrisidagi dalolatnoma tuzilgan kundan boshlab besh bank kuni boʻlgan muddatdan kechiktirmay sugʻurta tovonini (sugʻurta pulini) toʻlashi shart.”.

4. 12-bandda :

sakkizinchi xatboshi “sugʻurta tovonini” degan soʻzlardan keyin “(sugʻurta pulini)” degan soʻzlar bilan toʻldirilsin;

oʻn ikkinchi xatboshi quyidagi tahrirda bayon etilsin:

“sugʻurtalovchi — tegishli turdagi sugʻurtani amalga oshirish uchun litsenziyaga ega boʻlgan va sugʻurta shartnomasiga muvofiq sugʻurta tovoni (sugʻurta puli) toʻlovini amalga oshirish majburiyatini oluvchi tijorat tashkiloti boʻlgan yuridik shaxs;”;

oʻn oltinchi xatboshi “sugʻurta tovoni” degan soʻzlardan keyin “(sugʻurta puli)” degan soʻzlar bilan toʻldirilsin.

5. 16-banddagi “sugʻurta tovoni” degan soʻzlar “sugʻurta tovoni (sugʻurta puli) toʻlovi” degan soʻzlar bilan almashtirilsin.

6. 18-band quyidagi tahrirda bayon etilsin:

“18. Agar sugʻurta qildiruvchi tomonidan taqdim etilgan hujjatlar voqeani sugʻurta hodisasi deb tan olish toʻgʻrisida qaror qabul qilish va zararning miqdorini aniqlash uchun yetarli boʻlmagan hollarda sugʻurtalovchi sodir boʻlgan voqeaning tafsilotlari, sugʻurta qildiruvchining ololmagan daromadlarni (yoʻqotish) sabablari va miqdorini ekspert baholash uchun mutaxassislarni (ekspertlarni) jalb qilishga, shuningdek sodir boʻlgan voqeaning tafsilotlarini va zararning miqdorini aniqlash boʻyicha boshqa harakatlarni amalga oshirishga haqli.”.

7. 21 va 22-bandlar quyidagi tahrirda bayon etilsin:

“21. Sugʻurta hodisasining sodir boʻlishi munosabati bilan fuqarolik, iqtisodiy, jinoiy yoki maʼmuriy ish qoʻzgʻatilgan boʻlsa, sugʻurtalovchi tegishli summalarni toʻlash toʻgʻrisidagi qarorning qabul qilinishini mutasaddi organlar tomonidan tegishli qaror qabul qilingunga qadar kechiktirishga haqli.

22. Sodir boʻlgan voqea, zarar hajmi va sugʻurta tovoni (sugʻurta puli) miqdori boʻyicha tomonlar oʻrtasida kelishmovchiliklar boʻlmasa, sugʻurtalovchi toʻlanishi lozim boʻlgan sugʻurta tovoni (sugʻurta puli) miqdori koʻrsatilgan sugʻurta hodisasi toʻgʻrisidagi dalolatnomani (sugʻurta dalolatnomasini) tuzadi.”.

Vazir B. XODJAYEV

Toshkent sh.,

2017-yil 2-avgust,

118-son

(Oʻzbekiston Respublikasi qonun hujjatlari toʻplami, 2017-y., 35-son, 938-modda)

Министра финансов Республики Узбекистан

Приказ

О внесении изменений и дополнений в Положение о единых требованиях и стандартах предоставления страховых услуг для сферы бизнеса

В соответствии с Законом Республики Узбекистан «О страховой деятельности», Положением о Министерстве финансов Республики Узбекистан, утвержденным постановлением Президента Республики Узбекистан от 18 марта 2017 года № ПП-2847, приказываю:

1. Внести изменения и дополнения в Положение о единых требованиях и стандартах предоставления страховых услуг для сферы бизнеса, утвержденное приказом министра финансов Республики Узбекистан от 26 декабря 2008 года № 120 (рег. № 1891 от 28 января 2009 года) (Собрание законодательства Республики Узбекистан, 2009 г., № 5, ст. 47), согласно приложению .

2. Настоящий приказ вступает в силу со дня его официального опубликования.

ПРИЛОЖЕНИЕ к приказу министра финансов Республики Узбекистан от 2 августа 2017 года № 118

Изменения и дополнения, вносимые в Положение о единых требованиях и стандартах предоставления страховых услуг для сферы бизнеса

1. Абзац седьмой пункта 5 после слов «страхового возмещения» дополнить словами «(страховой суммы)».

2. Пункт 10 изложить в следующей редакции:

«10. Страховщик после получения уведомления о наступлении события, предусмотренного договором страхования, и документов касательно данного события, вправе запросить дополнительные документы касательно причин и размеров причиненных убытков в соответствии с условиями заключенного договора страхования.».

3. Абзац первый пункта 11 изложить в следующей редакции:

«11. Если страховщик признал событие страховым случаем, он должен составить акт о страховом случае, в котором указывается размер страхового возмещения (страховой суммы), причитающегося к выплате страховщиком страхователю, и выплатить страховое возмещение (страховую сумму) в срок не позднее пяти банковских дней со дня составления акта о страховом случае.».

4. В пункте 12 :

абзац восьмой после слов «страховое возмещение» дополнить словами «(страховую сумму)»;

абзац двенадцатый изложить в следующей редакции:

«страховщик — юридическое лицо, являющееся коммерческой организацией, имеющее лицензию на осуществление страхования соответствующего вида и принимающее в соответствии с договором страхования обязательство осуществить выплату страхового возмещения (страховой суммы);»;

абзац шестнадцатый после слов «страхового возмещения» дополнить словами «(страховую сумму)».

5. В пункте 16 слова «страховом возмещении» заменить словами «выплате страхового возмещения (страховой суммы)».

6. Пункт 18 изложить в следующей редакции:

«18. В случае если представленные страхователем документы недостаточны для принятия решения о признании события страховым случаем и определения размера убытков, страховщик вправе привлечь специалистов (экспертов) для экспертной оценки обстоятельств наступившего события, причин и размера неполученного страхователем дохода (упущения), а также вправе осуществлять иные действия по выяснению обстоятельств наступившего события и определению размера убытков.».

7. Пункты 21 и 22 изложить в следующей редакции:

«21. В случае если по факту наступления страхового случая возбуждено гражданское, экономическое, уголовное или административное дело, страховщик имеет право отсрочить решение вопроса о выплате причитающихся сумм до момента принятия соответствующего решения компетентными органами.

22. При отсутствии между сторонами разногласий по поводу наступившего события, размера убытков и суммы страхового возмещения (страховой суммы) страховщик составляет акт о страховом случае (страховой акт), в котором указывается размер страхового возмещения (страховой суммы), подлежащего выплате.».

Министр Б. ХОДЖАЕВ

г. Ташкент,

2 августа 2017 г.,

№ 118

(Собрание законодательства Республики Узбекистан, 2017 г., № 35, ст. 938)