📅 2017-yil 21-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 21 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 21 августа 2017 г. · Постановления Президента
Официальный текст. Официальный документ. Редакционные примечания не включены.
📅 21 August 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Таълим ва тиббиёт муассасаларини молиялаштириш механизмини ҳамда давлат молиявий назорати тизимини янада такомиллаштириш тўғрисида
Таълим ва тиббиёт муассасаларида бюджет жараёнининг шаффофлигини янада ошириш ва унинг устидан жамоатчилик назоратини кучайтириш, бюджетдан молиялаштириш, ҳисоб ва ҳисобот механизмини такомиллаштириш, вазирлик ва идораларнинг бўйсунувидаги муассасаларда бюджет интизомини мустаҳкамлаш борасидаги масъулиятини ошириш, шунингдек, замонавий ахборот технологиялари ва халқаро эътироф этилган молиявий назорат стандартларини жорий қилиш йўли билан бюджет қонунчилигини бузиш ҳолатларининг олдини олиш ва профилактикасига қаратилган давлат молиявий назоратининг ролини тубдан қайта кўриб чиқиш мақсадида:
1. Ўзбекистон Республикаси Молия вазирлиги, Ҳисоб палатаси, Халқ таълими вазирлиги, Соғлиқни сақлаш вазирлиги ҳамда Олий ва ўрта махсус таълими вазирлиги томонидан киритилган таклифлар маъқуллансин ва 2017 йилнинг 1 сентябридан бошлаб:
бир вақтда ўзларининг буйсунувидаги қуйи муассасаларда бухгалтерия хизматлари тугатилиб, халқ таълими туман (шаҳар) бўлимларида ва тиббиёт бирлашмаларида марказлаштирилган молия-бухгалтерия хизматлари (кейинги ўринларда — марказлаштирилган молия-бухгалтерия хизматлари деб аталади);
Ўзбекистон Республикаси Халқ таълими вазирлиги, Соғлиқни сақлаш вазирлиги, Олий ва ўрта махсус таълим вазирлиги, Олий ва ўрта махсус таълим вазирлигининг Ўрта махсус, касб-ҳунар таълими маркази ҳамда Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасида — сони 3 штат бирлигидан иборат ички аудит хизматлари (кейинги ўринларда — республика даражасидаги ички аудит хизматлари деб аталади);
Қорақалпоғистон Республикасининг Халқ таълими вазирлиги, Соғлиқни сақлаш вазирлиги, Ўрта махсус, касб-ҳунар таълими бошқармасида, вилоятлар халқ таълими, соғлиқни сақлаш, ўрта махсус, касб-ҳунар таълими бошқармаларида ҳамда Тошкент шаҳар Халқ таълими, Соғлиқни сақлаш бош бошқармалари ва Ўрта махсус, касб-ҳунар таълими бошқармасида сони 1 — 4 штат бирлигидан иборат ички аудит хизматлари (кейинги ўринларда — ҳудудий ички аудит хизматлари деб аталади) ташкил этилсин.
2. Ташкил этилаётган хизматларнинг асосий вазифалари этиб қуйидагилар белгилансин:
а) марказлаштирилган молия-бухгалтерия хизматларининг — марказлаштирилган тартибда қуйи муассасаларнинг харажатлар сметаси тузилиши ва ижро этилишини, иш ҳақининг ҳисобланиши ва тўланишини, товар, иш ва хизматларнинг харид қилинишини, бюджет ва бюджетдан ташқари маблағлар ҳисобининг юритилишини таъминлаш, шунингдек, уларнинг фаолияти профили бўйича товарлар (ишлар, хизматлар) реализациясидан тушадиган даромадлар мониторингини юритиш;
б) республика даражасидаги ҳамда ҳудудий ички аудит хизматларининг — бюджет маблағларининг ноқонуний сарфланиши ва талон-торож қилиниши ҳолатларининг қуйидаги йўллар билан профилактикасини таъминлаш ва уларнинг олдини олиш:
буйсунувидаги муассасаларда харажатлар сметасини режалаштириш ва унинг ижроси, бюджет ҳисобининг юритилиши, тендер (танлов) савдоларининг ўтказилиши ва шартномалар тузилиши устидан мониторинг қилиш;
буйсунувидаги муассасалар ва марказлаштирилган молия-бухгалтерия хизматлари раҳбарларига бюджет ҳисоби ва ҳисоботи тизимини такомиллаштириш, асоссиз дебитор ва кредитор қарздорликларга йўл қўймаслик, бюджет интизомини мустаҳкамлаш, бюджет маблағларидан фойдаланиш, шу жумладан товарлар, иш ва хизматларни харид қилиш самарадорлигини ошириш, шунингдек, марказлаштирилган молия-бухгалтерия хизматларининг ходимлари таркибини мустаҳкамлаш масалалари бўйича тавсиялар тайёрлаш;
қонунни бузиш ҳолатларини, уларни содир этишга имконият яратувчи сабаблар ва шарт-шароитларни бартараф этиш тўғрисида қуйи муассасаларга бажарилиши мажбурий бўлган кўрсатмалар киритиш.
3. Белгилаб қўйилсинки:
республика даражасидаги ҳамда ҳудудий ички аудит хизматларининг штат бирликлари Ўзбекистон Республикаси Молия вазирлигининг Назорат-тафтиш бош бошқармаси ва унинг ҳудудий бошқармаларида қисқартирилаётган штат бирликлари ҳисобидан жорий этилади;
республика даражасидаги ҳамда ҳудудий ички аудит хизматларининг ходимлари тегишинча Ўзбекистон Республикаси Халқ таълими вазирлиги, Соғлиқни сақлаш вазирлиги, Олий ва ўрта махсус таълим вазирлиги, Олий ва ўрта махсус таълим вазирлигининг Ўрта махсус, касб-ҳунар таълими маркази ва Молия вазирлиги ҳузуридаги бюджетдан ташқари Пенсия жамғармасининг биринчи раҳбарлари буйруқлари билан лавозимга тайинланади ва лавозимдан озод этилади;
республика даражасидаги ички аудит хизматларининг раҳбарлари ижтимоий-маиший ва тиббий хизмат кўрсатиш шарт-шароитлари бўйича тегишли вазирлик ва идоралар бошқарма бошлиқларига, ҳудудий ички аудит хизматларининг раҳбарлари эса бўлим бошлиқларига тенглаштирилади.
7. Ўзбекистон Республикаси Марказий банки Ўзбекистон Республикаси Молия вазирлигининг Давлат молиявий назорати бош бошқармаси ёзма сўровига кўра давлат молиявий назорати соҳасида унга юклатилган вазифаларни амалга ошириш учун зарур бўлган банк ва тижорат сирини ташкил этувчи бюджет ташкилотлари ҳамда бюджет маблағлари олувчилар ҳақидаги маълумотлар тақдим этиб борилишини таъминласин.
8. «Ўзбекистон Республикаси Товар-хомашё биржаси» АЖ Давлат молиявий назорати бош бошқармасига Ўзбекистон Республикаси Давлат бюджети, давлат мақсадли ва бошқа жамғармалари маблағларининг ишлатилиши устидан давлат молиявий назоратини амалга ошириш учун давлат ва корпоратив харидлар бўйича махсус ахборот порталининг ёпиқ қисмидан фойдаланишга рухсат берсин.
9. Ўзбекистон Республикаси Молия вазирлиги марказий аппарати таркибида вазирликнинг умумий чекланган ходимлари сони доирасида Бюджетни тузиш ва ғазначилик ижроси, ички аудит ва молиявий назорат методологияси бошқармаси ташкил қилинсин, унинг асосий вазифалари этиб қуйидагилар белгилансин:
илғор халқаро тажриба асосида бюджет маблағларидан фойдаланиш натижадорлигини, Қорақалпоғистон Республикаси бюджети, вилоятлар ва Тошкент шаҳар маҳаллий бюджетларининг ўзини ўзи таъминлаши, шунингдек, маҳаллий ҳокимият органларининг бюджет даромадлари базасини кенгайтириш ва маблағларидан оқилона фойдаланиш бўйича манфаатдорлигини оширишга қаратилган йўналишларда бюджет жараёни методологиясини такомиллаштириш;
замонавий ахборот технологияларидан фойдаланган ҳолда бюджет ҳисоби ва ҳисоботи тизимини янада такомиллаштириш, бюджет тизими бюджетлари ғазна ижроси ва давлат молиявий назорати тизимини ривожлантириш;
10. Ўзбекистон Республикаси Халқ таълими вазирлиги (У.И. Иноятов), Соғлиқни сақлаш вазирлиги (А.К. Шадманов), Олий ва ўрта махсус таълим вазирлиги (И.У. Мажидов) ўзларининг бўйсунувидаги муассасаларнинг харажатлар сметаси ва улар ижроси тўғрисидаги ҳисоботларни, шунингдек, товарлар (иш ва хизматлар)ни харид қилиш бўйича тузилган шартномаларнинг рўйхатларини расмий сайтларида эълон қилинишини таъминласинлар.
11. Ўзбекистон Республикаси Халқ таълими вазирлиги (У.И. Иноятов), Соғлиқни сақлаш вазирлиги (А.К. Шадманов), Молия вазирлиги (Б.А. Хўжаев):
бир ой муддатда Ўзбекистон Республикаси Бандлик ва меҳнат муносабатлари вазирлиги билан биргаликда марказлаштирилган молия-бухгалтерия хизматининг Низомини, уларнинг намунавий штатлар жадвалини ва ходимларнинг тариф разрядларини ишлаб чиқсинлар ва белгиланган тартибда тасдиқласинлар;
жорий йилнинг 26 августига қадар муддатда Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан биргаликда халқ таълими ва соғлиқни сақлаш муассасаларида марказлашган ҳолда бюджет ҳисобини юритиш ва ҳисоботини тузишни ташкил этиш бўйича зарур чора-тадбирлар кўрилишини таъминласинлар.
12. Ўзбекистон Республикаси Вазирлар Маҳкамаси бир ой муддатда:
Ўзбекистон Республикаси Халқ таълими ва Соғлиқни сақлаш вазирликларида 3 тадан штат бирлигига, шунингдек, Қорақалпоғистон Республикаси Халқ таълими ва Соғлиқни сақлаш вазирликларида, вилоятлар халқ таълими, соғлиқни сақлаш бошқармаларида ҳамда Тошкент шаҳар соғлиқни сақлаш, халқ таълими бош бошқармаларида 2 — 4 та штат бирликларига эга бўлган бўйсунувидаги ташкилот ва муассасаларда бинолар ва иншоотлардан тўғри фойдаланишни мувофиқлаштириш ва мониторингини амалга ошириш бўлимларини ташкил этиш;
туман (шаҳар) халқ таълими бўлимлари ҳамда тиббиёт бирлашмаларида улар бўйсунувидаги ташкилот ва муассасаларнинг бино ва иншоотларини тегишлича эксплуатация қилиш, сув, электр энергияси, газдан тежамкорлик билан фойдаланиш, уларни ҳисобга олиш асбоб-ускуналари ҳолатини мониторинг қилиш учун мобил ҳаракатдаги бўлинмалари билан бирга ихтисослашган таъмирлаш-эксплуатация бўлимларини ташкил этиш;
янгидан ташкил этилаётган таъмирлаш-эксплуатация бўлимларига қўшимча штатларни киритиш ҳамда уларнинг моддий-техника базасини мустаҳкамлаш (махсус автотранспортлар, ускуналар, компьютер техникаси, жиҳоз ва мебеллар харид қилиш) бўйича харажатларни молиялаштириш халқ таълими бўлимларининг туман (шаҳар) бўлимлари ҳамда тиббиёт бирлашмалари ва уларнинг қуйи умумтаълим мактаблари, мактабгача ва мактабдан ташқари таълим муассасалари ҳамда тиббиёт муассасаларида қисқартирилаётган бухгалтерлар ва бошқа хўжалик ходимлари (электриклар, сантехниклар), шунингдек, молия органларининг ишлаб чиқариш ходимлари ҳисобидан амалга оширилиши юзасидан қарор қабул қилсин.
13. Бюджет ташкилотларига фаолият тури бўйича ишлаб чиқарилган товарлар (ишлар ва хизматлар) реализациясидан тушган маблағлар ҳисобига бюджетдан ташқари маблағлар ҳисобини юритувчи бухгалтерлар лавозимини жорий этишга рухсат берилсин.
14. Ўзбекистон Республикаси Бандлик ва меҳнат муносабатлари вазирлиги (А.А. Хайитов) Халқ таълими вазирлиги (У.И. Иноятов), Соғлиқни сақлаш вазирлиги (А.К. Шадманов), Молия вазирлиги (Б.А. Хўжаев) билан биргаликда ушбу қарорга мувофиқ бўшаётган ходимларни ишга жойлаштиришни таъминлаш чораларини кўрсин.
15. Ўзбекистон Республикаси Молия вазирлиги, Халқ таълими вазирлиги, Соғлиқни сақлаш вазирлиги, Олий ва ўрта махсус таълим вазирлиги ҳамда бошқа манфаатдор вазирликлар ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.
16. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси молия вазири Б.А. Хўжаев, Ўзбекистон Республикаси халқ таълими вазири У.И. Иноятов, Ўзбекистон Республикаси соғлиқни сақлаш вазири А.К. Шадманов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 21 август,
ПҚ-3231-сон
Oʻzbekiston Respublikasi Prezidentining
Qarori
Taʼlim va tibbiyot muassasalarini moliyalashtirish mexanizmini hamda davlat moliyaviy nazorati tizimini yanada takomillashtirish toʻgʻrisida
Taʼlim va tibbiyot muassasalarida budjet jarayonining shaffofligini yanada oshirish va uning ustidan jamoatchilik nazoratini kuchaytirish, budjetdan moliyalashtirish, hisob va hisobot mexanizmini takomillashtirish, vazirlik va idoralarning boʻysunuvidagi muassasalarda budjet intizomini mustahkamlash borasidagi masʼuliyatini oshirish, shuningdek, zamonaviy axborot texnologiyalari va xalqaro eʼtirof etilgan moliyaviy nazorat standartlarini joriy qilish yoʻli bilan budjet qonunchiligini buzish holatlarining oldini olish va profilaktikasiga qaratilgan davlat moliyaviy nazoratining rolini tubdan qayta koʻrib chiqish maqsadida:
1. Oʻzbekiston Respublikasi Moliya vazirligi, Hisob palatasi, Xalq taʼlimi vazirligi, Sogʻliqni saqlash vazirligi hamda Oliy va oʻrta maxsus taʼlimi vazirligi tomonidan kiritilgan takliflar maʼqullansin va 2017-yilning 1-sentabridan boshlab:
bir vaqtda oʻzlarining buysunuvidagi quyi muassasalarda buxgalteriya xizmatlari tugatilib, xalq taʼlimi tuman (shahar) boʻlimlarida va tibbiyot birlashmalarida markazlashtirilgan moliya-buxgalteriya xizmatlari (keyingi oʻrinlarda — markazlashtirilgan moliya-buxgalteriya xizmatlari deb ataladi);
Oʻzbekiston Respublikasi Xalq taʼlimi vazirligi, Sogʻliqni saqlash vazirligi, Oliy va oʻrta maxsus taʼlim vazirligi, Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi hamda Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasida — soni 3 shtat birligidan iborat ichki audit xizmatlari (keyingi oʻrinlarda — respublika darajasidagi ichki audit xizmatlari deb ataladi);
Qoraqalpogʻiston Respublikasining Xalq taʼlimi vazirligi, Sogʻliqni saqlash vazirligi, Oʻrta maxsus, kasb-hunar taʼlimi boshqarmasida, viloyatlar xalq taʼlimi, sogʻliqni saqlash, oʻrta maxsus, kasb-hunar taʼlimi boshqarmalarida hamda Toshkent shahar Xalq taʼlimi, Sogʻliqni saqlash bosh boshqarmalari va Oʻrta maxsus, kasb-hunar taʼlimi boshqarmasida soni 1 — 4 shtat birligidan iborat ichki audit xizmatlari (keyingi oʻrinlarda — hududiy ichki audit xizmatlari deb ataladi) tashkil etilsin.
2. Tashkil etilayotgan xizmatlarning asosiy vazifalari etib quyidagilar belgilansin:
a) markazlashtirilgan moliya-buxgalteriya xizmatlarining — markazlashtirilgan tartibda quyi muassasalarning xarajatlar smetasi tuzilishi va ijro etilishini, ish haqining hisoblanishi va toʻlanishini, tovar, ish va xizmatlarning xarid qilinishini, budjet va budjetdan tashqari mablagʻlar hisobining yuritilishini taʼminlash, shuningdek, ularning faoliyati profili boʻyicha tovarlar (ishlar, xizmatlar) realizatsiyasidan tushadigan daromadlar monitoringini yuritish;
b) respublika darajasidagi hamda hududiy ichki audit xizmatlarining — budjet mablagʻlarining noqonuniy sarflanishi va talon-toroj qilinishi holatlarining quyidagi yoʻllar bilan profilaktikasini taʼminlash va ularning oldini olish:
buysunuvidagi muassasalarda xarajatlar smetasini rejalashtirish va uning ijrosi, budjet hisobining yuritilishi, tender (tanlov) savdolarining oʻtkazilishi va shartnomalar tuzilishi ustidan monitoring qilish;
buysunuvidagi muassasalar va markazlashtirilgan moliya-buxgalteriya xizmatlari rahbarlariga budjet hisobi va hisoboti tizimini takomillashtirish, asossiz debitor va kreditor qarzdorliklarga yoʻl qoʻymaslik, budjet intizomini mustahkamlash, budjet mablagʻlaridan foydalanish, shu jumladan tovarlar, ish va xizmatlarni xarid qilish samaradorligini oshirish, shuningdek, markazlashtirilgan moliya-buxgalteriya xizmatlarining xodimlari tarkibini mustahkamlash masalalari boʻyicha tavsiyalar tayyorlash;
qonunni buzish holatlarini, ularni sodir etishga imkoniyat yaratuvchi sabablar va shart-sharoitlarni bartaraf etish toʻgʻrisida quyi muassasalarga bajarilishi majburiy boʻlgan koʻrsatmalar kiritish.
3. Belgilab qoʻyilsinki:
respublika darajasidagi hamda hududiy ichki audit xizmatlarining shtat birliklari Oʻzbekiston Respublikasi Moliya vazirligining Nazorat-taftish bosh boshqarmasi va uning hududiy boshqarmalarida qisqartirilayotgan shtat birliklari hisobidan joriy etiladi;
respublika darajasidagi hamda hududiy ichki audit xizmatlarining xodimlari tegishincha Oʻzbekiston Respublikasi Xalq taʼlimi vazirligi, Sogʻliqni saqlash vazirligi, Oliy va oʻrta maxsus taʼlim vazirligi, Oliy va oʻrta maxsus taʼlim vazirligining Oʻrta maxsus, kasb-hunar taʼlimi markazi va Moliya vazirligi huzuridagi budjetdan tashqari Pensiya jamgʻarmasining birinchi rahbarlari buyruqlari bilan lavozimga tayinlanadi va lavozimdan ozod etiladi;
respublika darajasidagi ichki audit xizmatlarining rahbarlari ijtimoiy-maishiy va tibbiy xizmat koʻrsatish shart-sharoitlari boʻyicha tegishli vazirlik va idoralar boshqarma boshliqlariga, hududiy ichki audit xizmatlarining rahbarlari esa boʻlim boshliqlariga tenglashtiriladi.
7. Oʻzbekiston Respublikasi Markaziy banki Oʻzbekiston Respublikasi Moliya vazirligining Davlat moliyaviy nazorati bosh boshqarmasi yozma soʻroviga koʻra davlat moliyaviy nazorati sohasida unga yuklatilgan vazifalarni amalga oshirish uchun zarur boʻlgan bank va tijorat sirini tashkil etuvchi budjet tashkilotlari hamda budjet mablagʻlari oluvchilar haqidagi maʼlumotlar taqdim etib borilishini taʼminlasin.
8. “Oʻzbekiston Respublikasi Tovar-xomashyo birjasi” AJ Davlat moliyaviy nazorati bosh boshqarmasiga Oʻzbekiston Respublikasi Davlat budjeti, davlat maqsadli va boshqa jamgʻarmalari mablagʻlarining ishlatilishi ustidan davlat moliyaviy nazoratini amalga oshirish uchun davlat va korporativ xaridlar boʻyicha maxsus axborot portalining yopiq qismidan foydalanishga ruxsat bersin.
9. Oʻzbekiston Respublikasi Moliya vazirligi markaziy apparati tarkibida vazirlikning umumiy cheklangan xodimlari soni doirasida Budjetni tuzish va gʻaznachilik ijrosi, ichki audit va moliyaviy nazorat metodologiyasi boshqarmasi tashkil qilinsin, uning asosiy vazifalari etib quyidagilar belgilansin:
ilgʻor xalqaro tajriba asosida budjet mablagʻlaridan foydalanish natijadorligini, Qoraqalpogʻiston Respublikasi budjeti, viloyatlar va Toshkent shahar mahalliy budjetlarining oʻzini oʻzi taʼminlashi, shuningdek, mahalliy hokimiyat organlarining budjet daromadlari bazasini kengaytirish va mablagʻlaridan oqilona foydalanish boʻyicha manfaatdorligini oshirishga qaratilgan yoʻnalishlarda budjet jarayoni metodologiyasini takomillashtirish;
zamonaviy axborot texnologiyalaridan foydalangan holda budjet hisobi va hisoboti tizimini yanada takomillashtirish, budjet tizimi budjetlari gʻazna ijrosi va davlat moliyaviy nazorati tizimini rivojlantirish;
10. Oʻzbekiston Respublikasi Xalq taʼlimi vazirligi (U.I. Inoyatov), Sogʻliqni saqlash vazirligi (A.K. Shadmanov), Oliy va oʻrta maxsus taʼlim vazirligi (I.U. Majidov) oʻzlarining boʻysunuvidagi muassasalarning xarajatlar smetasi va ular ijrosi toʻgʻrisidagi hisobotlarni, shuningdek, tovarlar (ish va xizmatlar)ni xarid qilish boʻyicha tuzilgan shartnomalarning roʻyxatlarini rasmiy saytlarida eʼlon qilinishini taʼminlasinlar.
11. Oʻzbekiston Respublikasi Xalq taʼlimi vazirligi (U.I. Inoyatov), Sogʻliqni saqlash vazirligi (A.K. Shadmanov), Moliya vazirligi (B.A. Xoʻjayev):
bir oy muddatda Oʻzbekiston Respublikasi Bandlik va mehnat munosabatlari vazirligi bilan birgalikda markazlashtirilgan moliya-buxgalteriya xizmatining Nizomini, ularning namunaviy shtatlar jadvalini va xodimlarning tarif razryadlarini ishlab chiqsinlar va belgilangan tartibda tasdiqlasinlar;
joriy yilning 26-avgustiga qadar muddatda Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda xalq taʼlimi va sogʻliqni saqlash muassasalarida markazlashgan holda budjet hisobini yuritish va hisobotini tuzishni tashkil etish boʻyicha zarur chora-tadbirlar koʻrilishini taʼminlasinlar.
12. Oʻzbekiston Respublikasi Vazirlar Mahkamasi bir oy muddatda:
Oʻzbekiston Respublikasi Xalq taʼlimi va Sogʻliqni saqlash vazirliklarida 3 tadan shtat birligiga, shuningdek, Qoraqalpogʻiston Respublikasi Xalq taʼlimi va Sogʻliqni saqlash vazirliklarida, viloyatlar xalq taʼlimi, sogʻliqni saqlash boshqarmalarida hamda Toshkent shahar sogʻliqni saqlash, xalq taʼlimi bosh boshqarmalarida 2 — 4 ta shtat birliklariga ega boʻlgan boʻysunuvidagi tashkilot va muassasalarda binolar va inshootlardan toʻgʻri foydalanishni muvofiqlashtirish va monitoringini amalga oshirish boʻlimlarini tashkil etish;
tuman (shahar) xalq taʼlimi boʻlimlari hamda tibbiyot birlashmalarida ular boʻysunuvidagi tashkilot va muassasalarning bino va inshootlarini tegishlicha ekspluatatsiya qilish, suv, elektr energiyasi, gazdan tejamkorlik bilan foydalanish, ularni hisobga olish asbob-uskunalari holatini monitoring qilish uchun mobil harakatdagi boʻlinmalari bilan birga ixtisoslashgan taʼmirlash-ekspluatatsiya boʻlimlarini tashkil etish;
yangidan tashkil etilayotgan taʼmirlash-ekspluatatsiya boʻlimlariga qoʻshimcha shtatlarni kiritish hamda ularning moddiy-texnika bazasini mustahkamlash (maxsus avtotransportlar, uskunalar, kompyuter texnikasi, jihoz va mebellar xarid qilish) boʻyicha xarajatlarni moliyalashtirish xalq taʼlimi boʻlimlarining tuman (shahar) boʻlimlari hamda tibbiyot birlashmalari va ularning quyi umumtaʼlim maktablari, maktabgacha va maktabdan tashqari taʼlim muassasalari hamda tibbiyot muassasalarida qisqartirilayotgan buxgalterlar va boshqa xoʻjalik xodimlari (elektriklar, santexniklar), shuningdek, moliya organlarining ishlab chiqarish xodimlari hisobidan amalga oshirilishi yuzasidan qaror qabul qilsin.
13. Budjet tashkilotlariga faoliyat turi boʻyicha ishlab chiqarilgan tovarlar (ishlar va xizmatlar) realizatsiyasidan tushgan mablagʻlar hisobiga budjetdan tashqari mablagʻlar hisobini yurituvchi buxgalterlar lavozimini joriy etishga ruxsat berilsin.
14. Oʻzbekiston Respublikasi Bandlik va mehnat munosabatlari vazirligi (A.A. Xayitov) Xalq taʼlimi vazirligi (U.I. Inoyatov), Sogʻliqni saqlash vazirligi (A.K. Shadmanov), Moliya vazirligi (B.A. Xoʻjayev) bilan birgalikda ushbu qarorga muvofiq boʻshayotgan xodimlarni ishga joylashtirishni taʼminlash choralarini koʻrsin.
15. Oʻzbekiston Respublikasi Moliya vazirligi, Xalq taʼlimi vazirligi, Sogʻliqni saqlash vazirligi, Oliy va oʻrta maxsus taʼlim vazirligi hamda boshqa manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.
16. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi moliya vaziri B.A. Xoʻjayev, Oʻzbekiston Respublikasi xalq taʼlimi vaziri U.I. Inoyatov, Oʻzbekiston Respublikasi sogʻliqni saqlash vaziri A.K. Shadmanov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 21-avgust,
PQ-3231-son
Президента Республики Узбекистан
Постановление
О дальнейшем совершенствовании механизма финансирования образовательных и медицинских учреждений и системы государственного финансового контроля
В целях дальнейшего повышения прозрачности и усиления общественного контроля за бюджетным процессом, совершенствования механизма бюджетного финансирования, учета и отчетности в образовательных и медицинских учреждениях, повышения ответственности министерств и ведомств за укрепление бюджетной дисциплины в подведомственных учреждениях, а также коренного пересмотра роли государственного финансового контроля, направленного на профилактику и предупреждение нарушений бюджетного законодательства путем внедрения современных информационных технологий и международно признанных стандартов финансового контроля:
1. Принять предложение Министерства финансов, Счетной палаты, Министерства народного образования, Министерства здравоохранения и Министерства высшего и среднего специального образования Республики Узбекистан о создании с 1 сентября 2017 года:
централизованных финансово-бухгалтерских служб в районных (городских) отделах народного образования и медицинских объединениях (далее — централизованные финансово-бухгалтерские службы) с одновременным упразднением бухгалтерских служб подведомственных им учреждений;
служб внутреннего аудита в Министерстве народного образования, Министерстве здравоохранения, Министерстве высшего и среднего специального образования, Центре среднего специального, профессионального образования Министерства высшего и среднего специального образования и во внебюджетном Пенсионном фонде при Министерстве финансов Республики Узбекистан (далее — службы внутреннего аудита республиканского уровня) с численностью по 3 штатных единицы;
служб внутреннего аудита в Министерстве народного образования, Министерстве здравоохранения и Управлении среднего специального, профессионального образования Республики Каракалпакстан, управлениях народного образования, здравоохранения, среднего специального, профессионального образования областей, а также в главных управлениях народного образования, здравоохранения и управлении среднего специального, профессионального образования г. Ташкента (далее — службы внутреннего аудита территориального уровня) с численностью 1 — 4 штатных единицы.
2. Определить основными задачами:
а) централизованных финансово-бухгалтерских служб — обеспечение в централизованном порядке составления и исполнения смет расходов, начисления и выплаты заработной платы, приобретения товаров, работ и услуг, ведения учета бюджетных и внебюджетных средств подведомственных учреждений, а также мониторинг поступления доходов от реализации товаров (работ, услуг) по профилю их деятельности;
б) служб внутреннего аудита республиканского и территориального уровня — профилактику, предупреждение и выявление случаев незаконного расхода и хищений бюджетных средств путем:
мониторинга планирования и исполнения смет расходов, ведения бюджетного учета, проведения тендерных (конкурсных) торгов и заключения договоров в подведомственных учреждениях;
подготовки для руководителей подведомственных учреждений и централизованных финансово-бухгалтерских служб рекомендаций по вопросам совершенствования бюджетного учета и отчетности, недопущения необоснованной дебиторской и кредиторской задолженности, укрепления бюджетной дисциплины, повышения эффективности использования бюджетных ассигнований, в том числе закупки товаров, работ и услуг, а также укрепления кадрового состава централизованных финансово-бухгалтерских служб;
внесения подведомственным учреждениям обязательных для исполнения предписаний об устранении выявленных нарушений законодательства, а также способствующих им причин и условий.
3. Установить, что:
штатные единицы служб внутреннего аудита республиканского и территориального уровня вводятся за счет сокращаемых штатных единиц Главного контрольно-ревизионного управления Министерства финансов Республики Узбекистан и его территориальных подразделений;
работники служб внутреннего аудита республиканского и территориального уровня назначаются и освобождаются от должности приказами первых руководителей, соответственно, Министерства народного образования, Министерства здравоохранения, Министерства высшего и среднего специального образования, Центра среднего специального, профессионального образования Министерства высшего и среднего специального образования и внебюджетного Пенсионного фонда при Министерстве финансов Республики Узбекистан;
руководители служб внутреннего аудита республиканского уровня по условиям социально-бытового и медицинского обслуживания приравниваются к начальникам управлений соответствующих министерств и ведомств, а руководители служб внутреннего аудита территориального уровня — к начальникам отделов.
7. Центральному банку Республики Узбекистан обеспечить предоставление в установленном порядке по письменным запросам Главного управления государственного финансового контроля Министерства финансов Республики Узбекистан сведений о бюджетных организациях и получателях бюджетных средств, составляющих банковскую или коммерческую тайну, если эти сведения необходимы для осуществления возложенных на него задач в сфере государственного финансового контроля.
8. АО «Узбекская республиканская товарно-сырьевая биржа» предоставить доступ Главному управлению государственного финансового контроля к закрытой части специального информационного портала по государственным и корпоративным закупкам, позволяющий осуществлять государственный финансовый контроль за использованием средств Государственного бюджета Республики Узбекистан, государственных целевых и других фондов.
9. Создать, в пределах общей численности Министерства финансов Республики Узбекистан, в структуре его центрального аппарата Управление методологии составления и казначейского исполнения бюджета, внутреннего аудита и финансового контроля, определив его основными задачами:
совершенствование методологии бюджетного процесса на основе передового международного опыта, направленное на обеспечение результативности использования бюджетных средств, самодостаточности бюджета Республики Каракалпакстан, местных бюджетов областей и города Ташкента, а также повышение заинтересованности органов государственной власти на местах в расширении доходной базы и рациональном использовании средств бюджетов бюджетной системы;
дальнейшее совершенствование бюджетного учета и отчетности, развитие казначейского исполнения бюджетов бюджетной системы и государственного финансового контроля с применением современных информационных технологий;
10. Министерству народного образования (У.И. Иноятов), Министерству здравоохранения (А.К. Шадманов), Министерству высшего и среднего специального образования Республики Узбекистан (И.У. Мажидов) обеспечить публикацию на своих официальных сайтах смет расходов подведомственных им учреждений и отчетов об их исполнении, а также перечень заключенных договоров на приобретение товаров (работ и услуг).
11. Министерству народного образования (У.И. Иноятов), Министерству здравоохранения (А.К. Шадманов), Министерству финансов Республики Узбекистан (Б.А. Ходжаев):
в месячный срок совместно с Министерством занятости и трудовых отношений Республики Узбекистан разработать и утвердить в установленном порядке положения, типовые штаты, тарифные разряды работников централизованных финансово-бухгалтерских служб;
совместно с Советом Министров Республики Каракалпакстан, хокимиятами областей и г. Ташкента в срок до 26 августа текущего года обеспечить принятие мер по организации ведения централизованного бюджетного учета и отчетности в учреждениях народного образования и здравоохранения.
12. Кабинету Министров Республики Узбекистан в месячный срок принять постановление по:
созданию отделов по координации и мониторингу за надлежащей эксплуатацией зданий и сооружений учреждений народного образования и здравоохранения в Министерстве народного образования и Министерстве здравоохранения Республики Узбекистан со штатной численностью по 3 единицы, а также в Министерстве народного образования и Министерстве здравоохранения Республики Каракалпакстан, управлениях народного образования и здравоохранения областей, а также в главных управлениях народного образования и здравоохранения г. Ташкента со штатной численностью 2 — 4 единицы;
созданию специализированных ремонтно-эксплуатационных служб в районных (городских) отделах народного образования и медицинских объединениях с мобильными подразделениями для надлежащей эксплуатации зданий и сооружений подведомственных им учреждений, экономного расходования воды, электроэнергии, газа и мониторинга состояния приборов их учета;
введению дополнительной численности и финансированию расходов по укреплению материально-технической базы вновь создаваемых ремонтно-эксплуатационных служб (закупка специализированного автотранспорта, оборудования, компьютерной техники, инвентаря и мебели) за счет сокращения штатов бухгалтеров общеобразовательных школ, дошкольных и внешкольных образовательных учреждений, прочего хозяйственного персонала (электриков, сантехников) учреждений, подведомственных районным (городским) отделам народного образования и медицинских объединений, а также производственного персонала финансовых органов.
13. Разрешить бюджетным организациям вводить должность бухгалтера по учету внебюджетных средств с его содержанием за счет внебюджетных средств от реализации товаров (работ и услуг) по профилю деятельности.
14. Министерству занятости и трудовых отношений Республики Узбекистан (А.А. Хаитов) совместно с Министерством народного образования (У.И. Иноятов), Министерством здравоохранения (А.К. Шадманов), Министерством финансов Республики Узбекистан (Б.А. Ходжаев) принять меры по обеспечению трудоустройства работников, высвобождаемых в соответствии с настоящим постановлением.
15. Министерству финансов, Министерству народного образования, Министерству здравоохранения, Министерству высшего и среднего специального образования Республики Узбекистан совместно с другими заинтересованными министерствами и ведомствами в месячный срок внести в Кабинет Министров предложения об изменениях и дополнениях в законодательство, вытекающих из настоящего постановления.
16. Контроль за исполнением настоящего постановления возложить на Премьер-министра Республики Узбекистан А.Н. Арипова, министра финансов Республики Узбекистан Б.А. Ходжаева, министра народного образования Республики Узбекистан У.И. Иноятова, министра здравоохранения Республики Узбекистан А.К. Шадманова.
Президент Республики Узбекистан Ш. МИРЗИЁЕВ
г. Ташкент,
21 августа 2017 г.,
№ ПП-3231