📅 2017-yil 31-iyul · Vazirlik va idoralar hujjatlari · Moliya vazirligi Iqtisodiyot vazirligi Davlat soliq qoʻmitasi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 31 июль · Вазирлик ва идоралар ҳужжатлари · Молия вазирлиги Иқтисодиёт вазирлиги Давлат солиқ қўмитаси
Расмий матн. Расмий ҳужжат. Таҳририй изоҳлар киритилмаган.
📅 31 июля 2017 г. · Документы министерств и ведомств · Министерства финансов МинистерствА экономики Государственного налогового комитета
Официальный текст. Официальный документ. Редакционные примечания не включены.
📅 31 July 2017 · Ministry and agency documents · Moliya vazirligi Iqtisodiyot vazirligi Davlat soliq qoʻmitasi
Official text. Official document. Editorial notes are not included.
Ўзбекистон Республикаси Молия вазирлиги Ўзбекистон Республикаси Иқтисодиёт вазирлиги Ўзбекистон Республикаси Давлат солиқ қўмитасининг
Қарори
НИЗОМ
Тошкент шаҳридаги кичик саноат зоналарида иштирок этувчи ташкилотлар томонидан имтиёзларни қўллаш тартиби тўғрисидаги низомни тасдиқлаш ҳақида
Ўзбекистон Республикасининг Солиқ кодекси , Ўзбекистон Республикаси «Давлат солиқ хизмати тўғрисида»ги Қонунининг 7-моддаси , Ўзбекистон Республикаси Президентининг 2017 йил 18 майдаги ПҚ-2973-сон «Тошкент шаҳрида кичик саноат зоналарини ташкил этиш тўғрисида»ги қарорига мувофиқ Ўзбекистон Республикаси Молия вазирлиги, Иқтисодиёт вазирлиги, Давлат солиқ қўмитаси қарор қилади:
1. Тошкент шаҳридаги кичик саноат зоналарида иштирок этувчи ташкилотлар томонидан имтиёзларни қўллаш тартиби тўғрисидаги низом иловага мувофиқ тасдиқлансин.
2. Мазкур қарор расмий эълон қилинган кундан эътиборан кучга киради.
Ўзбекистон Республикаси Молия вазирлиги, Иқтисодиёт вазирлиги ва Давлат солиқ қўмитасининг 2017 йил 31 июлдаги 116, 141 ва 2017-38-сон қарорига ИЛОВА
Тошкент шаҳридаги кичик саноат зоналарида иштирок этувчи ташкилотлар томонидан имтиёзларни қўллаш тартиби тўғрисидаги
Ушбу Низом Ўзбекистон Республикасининг Солиқ кодекси , Ўзбекистон Республикаси Президентининг 2017 йил 18 майдаги ПҚ-2973-сон «Тошкент шаҳрида кичик саноат зоналарини ташкил этиш тўғрисида»ги қарорига мувофиқ Тошкент шаҳридаги кичик саноат зоналарида иштирок этувчи ташкилотлар томонидан имтиёзларни қўллаш тартибини белгилайди.
1-боб. Умумий қоидалар
1. Ўзбекистон Республикаси Президентининг 2017 йил 18 майдаги ПҚ-2973-сон «Тошкент шаҳрида кичик саноат зоналарини ташкил этиш тўғрисида»ги қарорининг 7-бандига мувофиқ Тошкент шаҳрида кичик саноат зоналарида ташкил этилаётган ташкилотлар (бундан буён матнда КСЗ иштирокчилари деб юритилади) Тошкент шаҳрида кичик саноат зоналари ҳудудида жойлаштириш тўғрисида қарор қабул қилинган кундан эътиборан икки йил муддатга юридик шахсларга солинадиган мол-мулк солиғи ва фойда солиғи, шунингдек ягона солиқ тўловидан (солиққа тортишнинг соддалаштирилган тизимини қўллаётган субъектлар учун) озод қилинади (бундан буён матнда солиқ имтиёзлари деб юритилади).
2. Солиқ имтиёзлари КСЗ иштирокчилари томонидан энг кам иш ҳақининг 3000 бараваридан кам бўлмаган миқдорда инвестиция киритиш шарти билан тақдим этилади.
Агар ташкилотни кичик саноат зонаси ҳудудида жойлаштириш тўғрисида қарор қабул қилинган кундан эътиборан бир йил давомида киритилган инвестициялар ҳажми энг кам иш ҳақининг 3000 бараваридан кам бўлса, солиқ имтиёзлари бекор қилинади ҳамда уларни қонунчилик ҳужжатларида белгиланган тартибда тўлаш мажбурияти тикланади. Бунда кейинги йилларда КСЗ иштирокчиси солиқ имтиёзларини қўллаш ҳуқуқини йўқотади.
3. Агар КСЗ иштирокчисининг йиллик соф тушуми энг кам иш ҳақининг 2000 бараваридан кам бўлса, солиқ имтиёзлари бекор қилинади ҳамда уларни тегишли 12 ойлик давр учун қонунчилик ҳужжатларида белгиланган тартибда тўлаш мажбурияти тикланади.
Солиқ имтиёзларини қўллаш мақсадида йиллик соф тушум юридик шахс КСЗ иштирокчиси бўлган ойдан бошлаб ҳар 12 ойлик давр учун олинган соф тушумдан келиб чиқиб аниқланади.
КСЗ иштирокчилари йиллик соф тушумини тасдиқлаш учун ҳисобот даври учун тақдим этиладиган Юридик шахслардан олинадиган фойда солиғи ҳисоб-китоби ёки Ягона солиқ тўлови ҳисоб-китобига мазкур Низомнинг иловасига мувофиқ шаклдаги 12 ойлик давр учун йиллик соф тушум тўғрисидаги маълумотномани илова қиладилар. Бунда маълумотнома юридик шахс КСЗ иштирокчиси бўлган ойдан бошлаб ҳар 12 ойлик давр учун тузилади.
4. Агар ишлаб чиқарилган маҳсулотнинг экспорт улуши реализациянинг умумий ҳажмида камида 30 фоизини ташкил қилса, солиқ имтиёзларнинг амал қилиш муддати яна икки йилга узайтирилади. Бунда имтиёзларни узайтириш даврида КСЗ иштирокчиси ушбу Низомнинг 3-бандида назарда тутилган шартларни бажариши керак.
Агар қўшимча имтиёзли даврнинг биринчи йили якуни бўйича ишлаб чиқарилган маҳсулотнинг экспорт улуши реализациянинг умумий ҳажмида 30 фоизидан кам бўлса, солиқ имтиёзлари ушбу давр учун бекор қилинади, уларни қонунчилик ҳужжатларида белгиланган тартибда тўлаш мажбурияти тикланади ва КСЗ иштирокчиси кейинчалик солиқ имтиёзларини қўллаш ҳуқуқини йўқотади.
Агар қўшимча имтиёзли даврнинг иккинчи йили якуни бўйича ишлаб чиқарилган маҳсулотнинг экспорт улуши реализациянинг умумий ҳажмида 30 фоизидан кам бўлса, солиқ имтиёзлари ушбу давр учун бекор қилинади, уларни қонунчилик ҳужжатларида белгиланган тартибда тўлаш мажбурияти тикланади. Бунда қўшимча имтиёзли даврнинг биринчи йили учун солиқ имтиёзлари сақлаб қолинади.
2-боб. Солиқ имтиёзларини қўллаш
5. КСЗни бошқариш дирекцияси ташкилотни КСЗ иштирокчиси сифатида жойлаштириш тўғрисида қарор қабул қилинган санадан бошлаб бир кун ичида юридик шахсларнинг рўйхатдан ўтган жойи бўйича давлат солиқ хизмати органларига хабар тариқасида қуйидагиларни юборади:
кичик саноат зоналарида тадбиркорлик субъектларини танлаш ва жойлаштириш бўйича танлов комиссияси қарорининг кўчирма нусхаси;
лойиҳани амалга ошириш тўғрисидаги келишувда назарда тутилган КСЗ иштирокчиси томонидан киритилган инвестициялар ҳажми тўғрисидаги маълумотлар. Агар инвестициялар йил давомида киритилса, унда маълумотлар белгиланган муддат тугагандан кейинги ойнинг 10-санасидан кечиктирмай тақдим этилади.
6. Агар биринчи йилда КСЗ иштирокчисининг йиллик соф тушуми энг кам иш ҳақининг 2000 бараваридан кам бўлса, иккинчи йилда эса соф тушум ҳажми белгиланган миқдорга мувофиқ келса (энг кам иш ҳақининг 2000 бараваридан кам бўлмаса), КСЗ иштирокчиси томонидан фақатгина иккинчи йил учун солиқ имтиёзларини қўллаш ҳуқуқи сақланиб қолинади.
7. Агар фаолият юритаётган ташкилот кичик саноат зонасида ўзининг филиалини ёки алоҳида бўлинмасини очса ёки кичик саноат зонасида рўйхатдан ўтган ташкилот кичик саноат зонасидан ташқарида ўзини фаолиятини юритса, бундай ташкилот кичик саноат зонасида ва унинг ташқарисидаги фаолият билан боғлиқ даромадларни ва мол-мулкни алоҳида ҳисобини юритиши лозим. Бунда, имтиёзлар фақатгина кичик саноат зонасига тегишли фаолият доирасида қўлланилади.
8. Давлат солиқ хизмати органлари :
КСЗ иштирокчилари ва улар томонидан қўлланилган солиқ имтиёзлари суммаси ҳисобини юритадилар;
Ўзбекистон Республикаси Иқтисодиёт ва молия вазирлигига ҳар чоракда ҳисобот чорагидан кейинги иккинчи ойнинг 25-санасидан кечиктирмай солиқ имтиёзлари суммаси тўғрисида маълумотни тақдим этади.
9. Солиқ имтиёзларини бухгалтерия ҳисобида акс эттириш тартиби Юридик шахсларга, солиқлар, божхона ва мажбурий тўловларни бюджетга тўлаш бўйича берилган имтиёзларни расмийлаштириш ва бухгалтерлик ҳисобида акс эттириш тартиби тўғрисидаги низом (рўйхат рақами 1463, 2005 йил 2 апрель) билан тартибга солинади.
3-боб. Якуний қоидалар
10. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавобгарликка тортиладилар.
11. Солиқ имтиёзларининг тўғри қўлланиши устидан назорат давлат солиқ хизмати органлари томонидан қонунчилик ҳужжатларига мувофиқ амалга оширилади.
12. Мазкур Низом Ўзбекистон Республикаси Савдо-саноат палатаси билан келишилган.
Тошкент шаҳридаги кичик саноат зоналарида иштирок этувчи ташкилотлар томонидан имтиёзларни қўллаш тартиби тўғрисидаги низомга ИЛОВА
СТИР Юридик шахснинг тўлиқ номи _______________________________________________________________ 12 ойлик давр учун йиллик соф тушум тўғрисидаги МАЪЛУМОТНОМ А * Кўрсаткичлар Сатр кодлари Сумма (сўм) Экспорт ҳажми (сўм) 1 2 3 4 Йиллик соф тушумнинг ҳисоб-китоб қилинган суммаси (020-сатр+040-сатр), шу жумладан: 010 солиқ даврида (12 ойлик давр бошланган ойдан бошлаб) 020 (12 ойлик давр тугайдиган ҳисобот даври) 030 030-сатрдан 12 ойлик даврни ўз ичига олувчи ойларга тўғри келувчи соф тушум (030-сатр/ҳисобот даврида ойлар сони х қолган ойлар сони) 040 Маълумотномани тақдим этиш санасига белгиланган энг кам иш ҳақи 050 Х Энг кам иш ҳақига каррали миқдорларда йиллик соф тушумнинг ҳисоб-китоб суммаси 060 Х Ишлаб чиқарилган маҳсулотнинг экспорт улуши реализациянинг умумий ҳажмидаги улуши, %да (4-устуннинг 010-сатри/3 устуннинг 010 сатри х 100) 070 Х
Раҳбар ______________________________________ (имзо) Бош бухгалтер ________________________________ (имзо)
Молия вазири Б. ХОДЖАЕВ
Иқтисодиёт вазири Г. САИДОВА
Давлат солиқ қўмитаси раиси Б. ПАРПИЕВ
Савдо-саноат палатаси раиси А. ИКРАМОВ
Тошкент ш.,
2017 йил 31 июль,
Тошкент ш.,
2017 йил 31 июль,
Тошкент ш.,
2017 йил 31 июль,
2017 йил 31 июль
116-сон
141-сон
2017-38-сон
Oʻzbekiston Respublikasi Moliya vazirligi Oʻzbekiston Respublikasi Iqtisodiyot vazirligi Oʻzbekiston Respublikasi Davlat soliq qoʻmitasining
Qarori
NIZOM
Toshkent shahridagi kichik sanoat zonalarida ishtirok etuvchi tashkilotlar tomonidan imtiyozlarni qoʻllash tartibi toʻgʻrisidagi nizomni tasdiqlash haqida
Oʻzbekiston Respublikasining Soliq kodeksi , Oʻzbekiston Respublikasi “Davlat soliq xizmati toʻgʻrisida”gi Qonunining 7-moddasi , Oʻzbekiston Respublikasi Prezidentining 2017-yil 18-maydagi PQ-2973-son “Toshkent shahrida kichik sanoat zonalarini tashkil etish toʻgʻrisida”gi qaroriga muvofiq Oʻzbekiston Respublikasi Moliya vazirligi, Iqtisodiyot vazirligi, Davlat soliq qoʻmitasi qaror qiladi:
1. Toshkent shahridagi kichik sanoat zonalarida ishtirok etuvchi tashkilotlar tomonidan imtiyozlarni qoʻllash tartibi toʻgʻrisidagi nizom ilovaga muvofiq tasdiqlansin.
2. Mazkur qaror rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Moliya vazirligi, Iqtisodiyot vazirligi va Davlat soliq qoʻmitasining 2017-yil 31-iyuldagi 116, 141 va 2017-38-son qaroriga ILOVA
Toshkent shahridagi kichik sanoat zonalarida ishtirok etuvchi tashkilotlar tomonidan imtiyozlarni qoʻllash tartibi toʻgʻrisidagi
Ushbu Nizom Oʻzbekiston Respublikasining Soliq kodeksi , Oʻzbekiston Respublikasi Prezidentining 2017-yil 18-maydagi PQ-2973-son “Toshkent shahrida kichik sanoat zonalarini tashkil etish toʻgʻrisida”gi qaroriga muvofiq Toshkent shahridagi kichik sanoat zonalarida ishtirok etuvchi tashkilotlar tomonidan imtiyozlarni qoʻllash tartibini belgilaydi.
1-bob. Umumiy qoidalar
1. Oʻzbekiston Respublikasi Prezidentining 2017-yil 18-maydagi PQ-2973-son “Toshkent shahrida kichik sanoat zonalarini tashkil etish toʻgʻrisida”gi qarorining 7-bandiga muvofiq Toshkent shahrida kichik sanoat zonalarida tashkil etilayotgan tashkilotlar (bundan buyon matnda KSZ ishtirokchilari deb yuritiladi) Toshkent shahrida kichik sanoat zonalari hududida joylashtirish toʻgʻrisida qaror qabul qilingan kundan eʼtiboran ikki yil muddatga yuridik shaxslarga solinadigan mol-mulk soligʻi va foyda soligʻi, shuningdek yagona soliq toʻlovidan (soliqqa tortishning soddalashtirilgan tizimini qoʻllayotgan subyektlar uchun) ozod qilinadi (bundan buyon matnda soliq imtiyozlari deb yuritiladi).
2. Soliq imtiyozlari KSZ ishtirokchilari tomonidan eng kam ish haqining 3000 baravaridan kam boʻlmagan miqdorda investitsiya kiritish sharti bilan taqdim etiladi.
Agar tashkilotni kichik sanoat zonasi hududida joylashtirish toʻgʻrisida qaror qabul qilingan kundan eʼtiboran bir yil davomida kiritilgan investitsiyalar hajmi eng kam ish haqining 3000 baravaridan kam boʻlsa, soliq imtiyozlari bekor qilinadi hamda ularni qonunchilik hujjatlarida belgilangan tartibda toʻlash majburiyati tiklanadi. Bunda keyingi yillarda KSZ ishtirokchisi soliq imtiyozlarini qoʻllash huquqini yoʻqotadi.
3. Agar KSZ ishtirokchisining yillik sof tushumi eng kam ish haqining 2000 baravaridan kam boʻlsa, soliq imtiyozlari bekor qilinadi hamda ularni tegishli 12 oylik davr uchun qonunchilik hujjatlarida belgilangan tartibda toʻlash majburiyati tiklanadi.
Soliq imtiyozlarini qoʻllash maqsadida yillik sof tushum yuridik shaxs KSZ ishtirokchisi boʻlgan oydan boshlab har 12 oylik davr uchun olingan sof tushumdan kelib chiqib aniqlanadi.
KSZ ishtirokchilari yillik sof tushumini tasdiqlash uchun hisobot davri uchun taqdim etiladigan Yuridik shaxslardan olinadigan foyda soligʻi hisob-kitobi yoki Yagona soliq toʻlovi hisob-kitobiga mazkur Nizomning ilovasiga muvofiq shakldagi 12 oylik davr uchun yillik sof tushum toʻgʻrisidagi maʼlumotnomani ilova qiladilar. Bunda maʼlumotnoma yuridik shaxs KSZ ishtirokchisi boʻlgan oydan boshlab har 12 oylik davr uchun tuziladi.
4. Agar ishlab chiqarilgan mahsulotning eksport ulushi realizatsiyaning umumiy hajmida kamida 30 foizini tashkil qilsa, soliq imtiyozlarning amal qilish muddati yana ikki yilga uzaytiriladi. Bunda imtiyozlarni uzaytirish davrida KSZ ishtirokchisi ushbu Nizomning 3-bandida nazarda tutilgan shartlarni bajarishi kerak.
Agar qoʻshimcha imtiyozli davrning birinchi yili yakuni boʻyicha ishlab chiqarilgan mahsulotning eksport ulushi realizatsiyaning umumiy hajmida 30 foizidan kam boʻlsa, soliq imtiyozlari ushbu davr uchun bekor qilinadi, ularni qonunchilik hujjatlarida belgilangan tartibda toʻlash majburiyati tiklanadi va KSZ ishtirokchisi keyinchalik soliq imtiyozlarini qoʻllash huquqini yoʻqotadi.
Agar qoʻshimcha imtiyozli davrning ikkinchi yili yakuni boʻyicha ishlab chiqarilgan mahsulotning eksport ulushi realizatsiyaning umumiy hajmida 30 foizidan kam boʻlsa, soliq imtiyozlari ushbu davr uchun bekor qilinadi, ularni qonunchilik hujjatlarida belgilangan tartibda toʻlash majburiyati tiklanadi. Bunda qoʻshimcha imtiyozli davrning birinchi yili uchun soliq imtiyozlari saqlab qolinadi.
2-bob. Soliq imtiyozlarini qoʻllash
5. KSZni boshqarish direksiyasi tashkilotni KSZ ishtirokchisi sifatida joylashtirish toʻgʻrisida qaror qabul qilingan sanadan boshlab bir kun ichida yuridik shaxslarning roʻyxatdan oʻtgan joyi boʻyicha davlat soliq xizmati organlariga xabar tariqasida quyidagilarni yuboradi:
kichik sanoat zonalarida tadbirkorlik subyektlarini tanlash va joylashtirish boʻyicha tanlov komissiyasi qarorining koʻchirma nusxasi;
loyihani amalga oshirish toʻgʻrisidagi kelishuvda nazarda tutilgan KSZ ishtirokchisi tomonidan kiritilgan investitsiyalar hajmi toʻgʻrisidagi maʼlumotlar. Agar investitsiyalar yil davomida kiritilsa, unda maʼlumotlar belgilangan muddat tugagandan keyingi oyning 10-sanasidan kechiktirmay taqdim etiladi.
6. Agar birinchi yilda KSZ ishtirokchisining yillik sof tushumi eng kam ish haqining 2000 baravaridan kam boʻlsa, ikkinchi yilda esa sof tushum hajmi belgilangan miqdorga muvofiq kelsa (eng kam ish haqining 2000 baravaridan kam boʻlmasa), KSZ ishtirokchisi tomonidan faqatgina ikkinchi yil uchun soliq imtiyozlarini qoʻllash huquqi saqlanib qolinadi.
7. Agar faoliyat yuritayotgan tashkilot kichik sanoat zonasida oʻzining filialini yoki alohida boʻlinmasini ochsa yoki kichik sanoat zonasida roʻyxatdan oʻtgan tashkilot kichik sanoat zonasidan tashqarida oʻzini faoliyatini yuritsa, bunday tashkilot kichik sanoat zonasida va uning tashqarisidagi faoliyat bilan bogʻliq daromadlarni va mol-mulkni alohida hisobini yuritishi lozim. Bunda, imtiyozlar faqatgina kichik sanoat zonasiga tegishli faoliyat doirasida qoʻllaniladi.
8. Davlat soliq xizmati organlari :
KSZ ishtirokchilari va ular tomonidan qoʻllanilgan soliq imtiyozlari summasi hisobini yuritadilar;
Oʻzbekiston Respublikasi Iqtisodiyot va moliya vazirligiga har chorakda hisobot choragidan keyingi ikkinchi oyning 25-sanasidan kechiktirmay soliq imtiyozlari summasi toʻgʻrisida maʼlumotni taqdim etadi.
9. Soliq imtiyozlarini buxgalteriya hisobida aks ettirish tartibi Yuridik shaxslarga, soliqlar, bojxona va majburiy toʻlovlarni budjetga toʻlash boʻyicha berilgan imtiyozlarni rasmiylashtirish va buxgalterlik hisobida aks ettirish tartibi toʻgʻrisidagi nizom (roʻyxat raqami 1463, 2005-yil 2-aprel) bilan tartibga solinadi.
3-bob. Yakuniy qoidalar
10. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javobgarlikka tortiladilar.
11. Soliq imtiyozlarining toʻgʻri qoʻllanishi ustidan nazorat davlat soliq xizmati organlari tomonidan qonunchilik hujjatlariga muvofiq amalga oshiriladi.
12. Mazkur Nizom Oʻzbekiston Respublikasi Savdo-sanoat palatasi bilan kelishilgan.
Toshkent shahridagi kichik sanoat zonalarida ishtirok etuvchi tashkilotlar tomonidan imtiyozlarni qoʻllash tartibi toʻgʻrisidagi nizomga ILOVA
STIR Yuridik shaxsning toʻliq nomi _______________________________________________________________ 12 oylik davr uchun yillik sof tushum toʻgʻrisidagi MAʼLUMOTNOM A * Koʻrsatkichlar Satr kodlari Summa (soʻm) Eksport hajmi (soʻm) 1 2 3 4 Yillik sof tushumning hisob-kitob qilingan summasi (020-satr+040-satr), shu jumladan: 010 soliq davrida (12 oylik davr boshlangan oydan boshlab) 020 (12 oylik davr tugaydigan hisobot davri) 030 030-satrdan 12 oylik davrni oʻz ichiga oluvchi oylarga toʻgʻri keluvchi sof tushum (030-satr/hisobot davrida oylar soni x qolgan oylar soni) 040 Maʼlumotnomani taqdim etish sanasiga belgilangan eng kam ish haqi 050 X Eng kam ish haqiga karrali miqdorlarda yillik sof tushumning hisob-kitob summasi 060 X Ishlab chiqarilgan mahsulotning eksport ulushi realizatsiyaning umumiy hajmidagi ulushi, %da (4-ustunning 010-satri/3 ustunning 010 satri x 100) 070 X
Rahbar ______________________________________ (imzo) Bosh buxgalter ________________________________ (imzo)
Moliya vaziri B. XODJAYEV
Iqtisodiyot vaziri G. SAIDOVA
Davlat soliq qoʻmitasi raisi B. PARPIYEV
Savdo-sanoat palatasi raisi A. IKRAMOV
Toshkent sh.,
2017-yil 31-iyul,
Toshkent sh.,
2017-yil 31-iyul,
Toshkent sh.,
2017-yil 31-iyul,
2017-yil 31-iyul
116-son
141-son
2017-38-son
Министерства финансов Республики Узбекистан МинистерствА экономики Республики Узбекистан Государственного налогового комитета Республики Узбекистан
Постановление
ПОЛОЖЕНИЕ
Об утверждении Положения о порядке применения льгот организациями-участниками малых промышленных зон города Ташкента
В соответствии с Налоговым кодексом Республики Узбекистан, статьей 7 Закона Республики Узбекистан «О государственной налоговой службе», постановлением Президента Республики Узбекистан от 18 мая 2017 года № ПП-2973 «О создании малых промышленных зон в городе Ташкенте» Министерство финансов, Министерство экономики и Государственный налоговый комитет Республики Узбекистан постановляют:
1. Утвердить Положение о порядке применения льгот организациями-участниками малых промышленных зон города Ташкента согласно приложению .
2. Настоящее постановление вступает в силу со дня его официального опубликования.
ПРИЛОЖЕНИЕ к постановлению Министерства финансов, Министерства экономики и Государственного налогового комитета Республики Узбекистан от 31 июля 2017 года №№ 116, 141 и 2017-38
о порядке применения льгот организациями-участниками малых промышленных зон города Ташкента
Настоящее Положение в соответствии с Налоговым кодексом Республики Узбекистан, постановлением Президента Республики Узбекистан от 18 мая 2017 года № ПП-2973 «О создании малых промышленных зон в городе Ташкенте» определяет порядок применения льгот организациями-участниками малых промышленных зон города Ташкента.
Глава 1. Общие положения
1. В соответствии с пунктом 7 постановления Президента Республики Узбекистан от 18 мая 2017 года № ПП-2973 «О создании малых промышленных зон в городе Ташкенте» организации, создаваемые в малых промышленных зонах в городе Ташкенте (далее — участники МПЗ), освобождаются сроком на два года, начиная с даты принятия решения о его размещении на территории малых промышленных зон в городе Ташкенте, от уплаты налога на имущество и налога на прибыль юридических лиц, а также единого налогового платежа (для субъектов, применяющих упрощенную систему налогообложения) (далее — налоговые льготы).
2. Налоговые льготы предоставляются при условии внесения участниками МПЗ инвестиций в объеме не менее 3000-кратного размера минимальной заработной платы.
Если в течение года со дня принятия решения о размещении организации на территории малой промышленной зоны размер внесенных инвестиций составляет менее 3000-кратного размера минимальной заработной платы, налоговые льготы аннулируются с восстановлением обязательства по их уплате в порядке, установленном законодательством . При этом в последующие годы участник МПЗ утрачивает право на применение налоговых льгот.
3. В случае, если годовая чистая выручка участника МПЗ составляет менее 2000-кратного размера минимальной заработной платы, налоговые льготы аннулируются с восстановлением обязательства по их уплате за соответствующий 12 месячный период в порядке, установленном законодательством .
В целях применения налоговых льгот годовая чистая выручка определяется исходя из чистой выручки, полученной за каждый 12 месячный период начиная с месяца, в котором юридическое лицо стало участником МПЗ.
Участники МПЗ для подтверждения годовой чистой выручки к Расчету налога на прибыль юридических лиц или Расчету единого налогового платежа, представляемых за отчетный период, прилагают Справку о годовой чистой выручке за 12 месячный период по форме согласно приложению к настоящему Положению. При этом справка составляется за каждый 12 месячный период начиная с месяца в котором юридическое лицо стало участником МПЗ.
4. Действие налоговых льгот продлевается дополнительно на два года, если доля экспорта произведенной продукции составляет не менее 30 процентов в общем объеме реализации. При этом, в период продления льгот участник МПЗ должен выполнить условия, предусмотренные в пункте 3 настоящего Положения.
Если по итогам первого года дополнительного льготного периода доля экспорта произведенной продукции составляет менее 30 процентов в общем объеме реализации, налоговые льготы за этот период аннулируются с восстановлением обязательства по их уплате в порядке, установленном законодательством и участник МПЗ утрачивает право на дальнейшее применение налоговых льгот.
Если по итогам второго года дополнительного льготного периода доля экспорта произведенной продукции составляет менее 30 процентов в общем объеме реализации, налоговые льготы за этот период аннулируются с восстановлением обязательства по их уплате в порядке, установленном законодательством . При этом налоговые льготы за первый год дополнительного льготного периода сохраняются.
Глава 2. Применение налоговых льгот
5. Дирекция по управлению МПЗ в течение одного дня с даты принятия решения о размещении организации в качестве участника МПЗ в уведомительном порядке направляет в органы государственной налоговой службы по месту регистрации юридического лица:
копию решения конкурсной комиссии по отбору и размещению субъектов предпринимательства в малых промышленных зонах;
сведения об объемах инвестиций, внесенных участниками МПЗ, предусмотренных соглашением о реализации проекта. В случае, если инвестиции вносятся в течение года, то сведения представляются не позднее 10 числа месяца после истечения установленного срока.
6. В случае, если в первый год годовая чистая выручка участника МПЗ составляет менее 2000-кратного размера минимальной заработной платы, а во второй год объем годовой чистой выручки соответствует установленному размеру (не менее 2000-кратного размера минимальной заработной платы), то за участником МПЗ сохраняется право применения налоговых льгот только во втором году.
7. В случае, если действующая организация открывает свой филиал или обособленное подразделение на территории малой промышленной зоны или организация, зарегистрированная в малой промышленной зоне, осуществляет свою деятельность за пределами малой промышленной зоны, такая организация должна вести раздельный учет доходов и имущества, относящихся к деятельности в малой промышленной зоне и за ее пределами. При этом налоговые льготы применяются только в части деятельности, относящейся к малой промышленной зоне.
8. Органы государственной налоговой службы:
ведут учет участников МПЗ и сумму применяемых ими налоговых льгот;
представляют в Министерство экономики и финансов Республики Узбекистан информацию о сумме налоговых льгот ежеквартально не позднее 25-го числа второго месяца следующего за отчетным кварталом.
9. Порядок отражения в бухгалтерском учете налоговых льгот регулируется Положением о порядке оформления и отражения в бухгалтерском учете льгот, предоставленных юридическим лицам по налогам, таможенным и обязательным платежам в бюджет (рег. № 1463 от 2 апреля 2005 года).
Глава 3. Заключительные положения
10. Лица, виновные в нарушении требований настоящего Положения, несут ответственность в порядке, установленном законодательством.
11. Контроль за правильностью применения налоговых льгот осуществляется органами государственной налоговой службы в соответствии с законодательством .
12. Настоящее Положение согласовано с Торгово-промышленной палатой Республики Узбекистан.
ПРИЛОЖЕНИЕ к Положению о порядке применения льгот организациями-участниками малых промышленных зон города Ташкента
ИНН Полное наименование юридического лица_________ ____________________________________________ СПРАВКА о годовой чистой выручке за 12 месячный период * Показатели Коды строк Сумма (сум) Объем экспорта (сум) 1 2 3 4 Расчетная годовая сумма чистой выручки (стр. 020 + стр. 040), в том числе: 010 за налоговый период (начиная с месяца в котором начинается 12 месячный период) 020 за отчетный период, в котором заканчивается 12 месячный период 030 из строки 030 чистая выручка, приходящаяся на месяцы, включающиеся в 12 месячный период (стр. 030 / количество месяцев отчетного периода х количество оставшихся месяцев) 040 Минимальная заработная плата, установленная на дату представления Справки 050 Х Расчетная годовая сумма чистой выручки в кратных размерах к минимальной заработной плате 060 Х Доля объема экспорта произведенной продукции в общем объеме реализации, в % (стр. 010 гр. 4 / стр. 010 гр. 3 х 100) 070 Х
Руководитель ___________________________ ________ (подпись) Главный бухгалтер ________________________________ (подпись)
Министр финансов Б. ХОДЖАЕВ
Министр экономики Г. САИДОВА
Председатель Государственного налогового комитета Б. ПАРПИЕВ
Председатель Торгово-промышленной палаты А. ИКРАМОВ
г. Ташкент,
31 июля 2017 г.,
г. Ташкент,
31 июля 2017 г.,
г. Ташкент,
31 июля 2017 г.,
31 июля 2017 года
№ 116
№ 141
№ 2017-38