📅 2017-yil 29-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 29 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 29 августа 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 29 August 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
«Касаначиликни қўллаб-қувватлаш бўйича Консорциум» МЧЖ томонидан заём бериш тартиби тўғрисидаги низомни тасдиқлаш ҳақида
Ўзбекистон Республикаси Президентининг «Касаначиликни янада ривожлантириш учун қулай шароитлар яратиш чора-тадбирлари тўғрисида» 2017 йил 24 майдаги ПҚ-2996-сон қарорига мувофиқ ҳамда «Касаначиликни қўллаб-қувватлаш бўйича Консорциум» масъулияти чекланган жамият фаолиятини самарали ташкил этиш мақсадида Вазирлар Маҳкамаси қарор қилади:
1. «Касаначиликни қўллаб-қувватлаш бўйича Консорциум» МЧЖ томонидан заём бериш тартиби тўғрисидаги низом иловага мувофиқ тасдиқлансин.
2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Вазирлар Маҳкамасининг 2017 йил 29 августдаги 681-сон қарорига ИЛОВА
«Касаначиликни қўллаб-қувватлаш бўйича Консорциум» МЧЖ томонидан заём бериш тартиби тўғрисида
1-боб. Умумий қоидалар
1. Ушбу Низом Тошкент шаҳрининг банд бўлмаган аҳолисини ишлаб чиқариш фаолиятига жалб этиш, аҳолининг замонавий машиналар, асбоб-ускуналар хом ашё ва материаллар сотиб олиш учун молиявий ресурслардан фойдаланишини кенгайтириш йўли билан касаначиликни ривожлантириш учун Ўзбекистон Республикаси Президентининг «Касаначиликни янада ривожлантириш учун қулай шароитлар яратиш чора-тадбирлари тўғрисида» 2017 йил 24 майдаги ПҚ-2996-сон қарорига мувофиқ ташкил этилган «Касаначиликни қўллаб-қувватлаш бўйича Консорциум» МЧЖ томонидан заём бериш тартибини белгилайди.
2. «Касаначиликни қўллаб-қувватлаш бўйича Консорциум» МЧЖ томонидан қарз бериш тартиби ушбу Низомга иловага мувофиқ схемага биноан амалга оширилади.
3. Ушбу Низомда қуйидаги тушунчалар қўлланилади:
«Касаначиликни қўллаб-қувватлаш бўйича Консорциум» МЧЖ (кейинги ўринларда Консорциум деб аталади) — касаначиларга ёки буюртмачига касаначиликни ташкил этиш учун заём берувчи масъулияти чекланган жамият шаклида ташкил этилган юридик шахс;
касаначи — Тошкент шаҳрида доимий яшовчи Ўзбекистон Республикаси фуқароси, шунингдек фуқаролиги бўлмаган, буюртмачи билан тегишли шартнома тузган, 16 ёшга тўлган ва ундан катта ёшдаги жисмоний шахс;
биргаликда заём олувчи — ҳар ойда заём ва заём бўйича фоизларни тўлашда иштирок этаётган, шунингдек заём бўйича солидар масъулият олган касаначининг эри (хотини), яқин қариндошлари (ота-оналари, ака-укалари, опа-сингиллари, болалари) ва бошқа жисмоний шахслар;
буюртмачи — касаначилик маҳсулотининг буюртмачиси, касаначи билан тегишли меҳнат шартномаси тузган Ўзбекистон Республикаси резиденти;
заём — замонавий машиналар, асбоб-ускуналар хом ашё ва материаллар сотиб олиш учун қайтариш, тўлов, таъминот, муддатлилик ва мақсадли фойдаланиш шартларида касаначига ёки буюртмачига бериладиган пул маблағлари;
заём шартномаси — Ўзбекистон Республикаси Президентининг «Касаначиликни янада ривожлантириш учун қулай шароитлар яратиш чора-тадбирлари тўғрисида» 2017 йил 24 майдаги ПҚ-2996-сон қарори билан тасдиқланган Касаначилик фаолияти турларига мувофиқ фаолиятни ташкил этиш учун Консорциум ва касаначи ёки буюртмачи ўртасидаги заём бериш тўғрисидаги шартнома;
имтиёзли давр — заём бўйича асосий қарзни тўлаш кечиктириладиган давр.
4. Консорциум капитали қуйидаги манбалардан шакллантирилади:
ўз маблағлари, шу жумладан молия-хўжалик фаолиятидан олинган даромадлар;
текин асосда олинган пул маблағлари ва мол-мулк;
қонун ҳужжатларида тақиқланмаган бошқа манбалар.
5. Консорциумнинг фаолияти жараёнида юзага келиши мумкин бўлган йўқотишларни қоплаш мақсадида Консорциумнинг таъсис ҳужжатларида назарда тутилган миқдорда захира фонди шакллантирилиши мумкин.
6. Консорциум қуйидагиларга ҳақли эмас:
қарз мажбуриятларини чиқариш ҳамда юридик ва жисмоний шахслардан маблағларни омонатга (депозитга) қабул қилиш;
юридик ва жисмоний шахслардан заёмлар жалб қилиш, муассислар бундан мустасно;
ўз муассисларининг мажбуриятлари бўйича кафил бўлиш, шунингдек улар мажбуриятларининг бажарилиши юзасидан бошқача тарзда таъминот тақдим этиш.
2-боб. Заём шартлари
7. Заём касаначига ёки буюртмачига заём шартномаси асосида 6 ойлик имтиёзли давр билан уч йил муддатга берилади.
8. Бир нафар касаначига ёки буюртмачига бериладиган заём суммаси буюртманома бериш санасида республикада белгиланган базавий ҳисоблаш миқдорининг 100 бараваридан ортиқ бўлиши мумкин эмас.
9. Заёмдан фойдаланганлик учун фоиз ставкаси Ўзбекистон Республикаси Марказий банкининг заём шартномаси тузиш кунидаги қайта молиялаштириш ставкасидан юқори бўлмаган миқдорда белгиланади.
10. Берилган заёмлар бўйича асосий қарзни қайтариш имтиёзли давр тугагандан кейинги ойдан бошланади.
11. Фоизлар ҳар куни заём бўйича қарзнинг амалдаги қолдиғига ҳисобланади. Заём бўйича фоизлар ҳар ойда, заём шартномасида кўрсатилган жадвал бўйича ундирилади.
3-боб. Заёмни расмийлаштириш тартиби
12. Заём олиш учун касаначи қоидага кўра, қуйидаги ҳужжатларни тақдим этган ҳолда Консорциумнинг ўзи яшаш жойидаги филиалларидан бирига мурожаат қилади:
заёмнинг мақсади, таъминоти, муддати ва суммаси кўрсатилган ҳолда, заём бериш тўғрисида ариза;
касаначи паспортининг нусхаси (фуқаролиги бўлмаган шахслар учун яшаш учун рухсатноманинг нусхаси);
заёмдан фойдаланишнинг бутун даври учун бизнес-режа;
касаначи ва буюртмачи ўртасида тузилган тегишли меҳнат шартномасининг нусхаси.
13. Касаначи ушбу Низомнинг 11-бандида назарда тутилган ҳужжатларни тақдим этишда паспортнинг (фуқаролиги бўлмаган шахслар учун яшаш учун рухсатноманинг) аслини ҳам тақдим этади.
14. Заём олиш учун буюртмачи, қоидага кўра, Консорциумнинг буюртмачи давлат рўйхатидан ўтказилган жойдаги филиалига мурожаат қилади ва қуйидаги ҳужжатларни тақдим этади:
заёмнинг мақсади, таъминоти, муддати ва суммаси кўрсатилган ҳолда заём бериш тўғрисида ариза;
хизмат кўрсатувчи тижорат банкининг 2-картотека бўйича қарзи мавжуд эмаслиги тўғрисида маълумотномаси;
заёмдан фойдаланишнинг бутун даври учун бизнес-режа;
заёмдан фойдаланиш даври учун бизнес-режа;
касаначилик маҳсулоти буюртмачиси ва касаначи ўртасида тузилган тегишли шартноманинг нусхаси.
15. Касаначи ёки буюртмачи томонидан мажбуриятларнинг бажарилишини таъминлаш мақсадида таъминотнинг қуйидаги турларидан бир тақдим этилади:
сотиб олинадиган товарлар (замонавий машина ва асбоб-ускуналар сотиб олишда);
кўчар ва кўчмас мулк гарови;
қимматли қоғозлар;
тижорат банки ёки суғурта ташкилотининг кафолати;
учинчи шахснинг кафиллиги;
олинган заёмнинг касаначи ёки буюртмачи томонидан қайтарилмаслик таваккалчилигининг Консорциум фойдасига суғурта қилинганлиги тўғрисида суғурта полиси.
16. Кафиллик Консорциум фойдасига кафил билан касаначи ёки буюртмачи ўртасида ёзма шаклда уч нусхада тузиладиган кафиллик шартномаси билан расмийлаштирилади. Кафиллик шартномасининг охирги варағида кафил ва касаначи ёки буюртмачи имзоларидан кейин ушбу кафиллик Консорциум томонидан қабул қилинганлиги тўғрисида ёзув қайд этилади, у Консорциум филиали бошқарувчиси имзоси билан тасдиқланади ва думалоқ муҳр босилади.
17. Консорциум филиали томонидан барча зарур ҳужжатлар илова қилинган ариза юзасидан заём бериш ёки заём беришни рад этиш тўғрисидаги қарорни қабул қилиш муддати ушбу ариза тушган кундан бошлаб уч иш кунидан ортиқ бўлмаслиги керак.
18. Консорциум филиалининг қарори заём бериш заём беришни рад этиш учун асос ҳисобланади.
19. Қуйидагилар заём беришни рад этиш учун асос ҳисобланади:
зарур тарзда расмийлаштирилмаган ҳужжатларнинг тақдим этилиши;
тақдим этилган ҳужжатларда ишончсиз ва ёки нотўғри маълумотларнинг мавжудлиги;
илгари берилган заёмлар бўйича муддати ўтказиб юборилган қарздорликнинг мавжудлиги;
буюртмачида солиқлар, шунингдек тижорат банкларининг кредитлари ва хизматлари бўйича муддати ўтказиб юборилган қарздорликнинг мавжудлиги.
20. Заём беришни рад этиш тўғрисида қарор қабул қилинганда Консорциум филиали қарор қабул қилинган кундан кейинги иш кунидан кечикмай касаначи ёки буюртмачига заём бериш рад этилган сабаблар кўрсатилган ҳолда ёзма ёхуд электрон шаклда хабарнома юборади.
21. Заём бериш тўғрисида ижобий қарор қабул қилинганда Консорциум филиали ва касаначи ёки буюртмачи ўртасида заём шартномаси тузилади, шунингдек ушбу Низомнинг 14-бандида назарда тутилган заём таъминоти турларидан бири қонун ҳужжатларида белгиланган тартибда расмийлаштирилади.
22. Заём шартномасида қуйидагилар кўрсатилади:
заём олиш мақсади;
заём миқдори;
заёмни бериш муддати;
заём бўйича фоиз ставкаси ҳажми;
заём бўйича таъминот ҳақида маълумот;
заём бўйича асосий қарз ва фоизларни қайтариш тартиби ва муддатлари;
томонларнинг ҳуқуқлари ва мажбуриятлари;
томонларнинг масъулияти;
заёмдан фойдаланиш мониторингини олиб бориш тартиби;
қонун ҳужжатларига зид бўлмаган бошқа шартлар.
23. Зарур ҳужжатлар белгиланган тартибда расмийлаштирилгандан сўнг Консорциум филиали Консорциумга буюртманома ва молиялаштиришни очиш учун тегишли ҳужжатлар нусхасини юборади.
24. Консорциум Консорциум филиалдан буюртманома олинган куннинг эртасидан кечикмай касаначи ёки буюртмачига ўзининг бухгалтерия ҳисобида ҳар бир заём бўйича операцияни ҳисобга олиш ва мониторинг олиб бориш учун қонун ҳужжатларида белгиланган тартибда алоҳида синтетик ҳисоб рақами очади.
4-боб. Заём бериш ва уни қайтариш тартиби
25. Заём Консорциум филиалининг заём шартномаси ва буюртманомасида назарда тутилган мақсадлар учун Консорциум тўлов топшириқномаларига мувофиқ унинг банкдаги ҳисоб рақамидан маблағларни нақд пулсиз шаклда ўтказиш йўли билан берилади.
26. Касаначи (биргаликда заём олувчи) заём ва у бўйича ҳисобланган фоизларни қуйидаги шаклда қайтариши мумкин:
касаначи (биргаликда заём олувчи)нинг иш ҳақи ва унга тенглаштирилган тўловлар ҳисобидан нақд пулсиз шаклда ўтказиш орқали;
нақд пул топшириш орқали;
касаначи (биргаликда заём олувчи)нинг пластик картасидан ва тижорат банкларидаги омонатлари бўйича ҳисоб рақамларидан маблағни нақд пулсиз шаклда ўтказиш орқали;
қонун ҳужжатларида тақиқланмаган бошқа манбалар ҳисобидан.
27. Буюртмачи заём ва у бўйича ҳисобланган фоизларни қуйидаги шаклда қайтариши мумкин:
нақд пулсиз шаклда ўтказиш орқали;
қонун ҳужжатларида тақиқланмаган бошқа манбалар ҳисобидан.
28. Касаначи (биргаликда заём олувчи) ва буюртмачи асосий қарз ҳамда ҳисобланган фоизларни заём шартномасида белгиланган қайтариш муддати бошлангунга қадар заёмни муддатидан аввал қайтариш учун воситачилик тўловини тўламасдан қайтариш ҳуқуқига эга.
5-боб. Заёмдан фойдаланиш мониторингини олиб бориш тартиби
29. Заёмдан фойдаланишнинг бутун даврида Консорциум филиали бевосита жойларга чиқиб заёмдан самарали ва мақсадли фойдаланишнинг доимий мониторингини олиб боради.
Мониторинг якунлари бўйича Консорциум филиали ва фуқароларнинг ўзини ўзи бошқариш органи ходими касаначи ёки буюртмачининг вакили иштирокида тегишли ҳужжатни расмийлаштиради.
30. Касаначи ёхуд буюртмачи заём маблағидан мақсадли фойдаланиш тўғрисида заём шартномаси шартларини бажармаган ҳолларда, Консорциум филиали касаначи ёки буюртмачидан заём маблағини муддатдан олдин қайтариш ва ҳисобланган фоизларни тўлашни талаб қилиш ҳуқуқига эга.
31. Заём бўйича қарзни ундиришда биринчи навбатда фойдаланилган заём учун фоизлар ундирилади.
32. Касаначи ёки буюртмачи заём бўйича тўловлар ва ҳисобланган фоизларни тўламаса ёхуд ўз вақтида тўламаса, шунингдек қонун ҳужжатларида назарда тутилган бошқа ҳолатларда Консорциум филиали гаровга қўйилган мол-мулкни қонун ҳужжатларида белгиланган тартибда ундириш тўғрисида мурожаат қилади.
6-боб. Якунловчи қоида
33. Ушбу Низом қоидалари бузилишида айбдор шахслар қонун ҳужжатларида белгиланган тартибда жавоб берадилар.
«Касаначиликни қўллаб-қувватлаш бўйича Консорциум» МЧЖ томонидан заём бериш тартиби тўғрисидаги низомга ИЛОВА
«Касаначиликни қўллаб-қувватлаш бўйича Консорциум» МЧЖ томонидан заём бериш
Ўзбекистон Республикасининг Бош вазири А. АРИПОВ
Тошкент ш.,
2017 йил 29 август,
681-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
“Kasanachilikni qoʻllab-quvvatlash boʻyicha Konsorsium” MCHJ tomonidan zayom berish tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining “Kasanachilikni yanada rivojlantirish uchun qulay sharoitlar yaratish chora-tadbirlari toʻgʻrisida” 2017-yil 24-maydagi PQ-2996-son qaroriga muvofiq hamda “Kasanachilikni qoʻllab-quvvatlash boʻyicha Konsorsium” masʼuliyati cheklangan jamiyat faoliyatini samarali tashkil etish maqsadida Vazirlar Mahkamasi qaror qiladi:
1. “Kasanachilikni qoʻllab-quvvatlash boʻyicha Konsorsium” MCHJ tomonidan zayom berish tartibi toʻgʻrisidagi nizom ilovaga muvofiq tasdiqlansin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Vazirlar Mahkamasining 2017-yil 29-avgustdagi 681-son qaroriga ILOVA
“Kasanachilikni qoʻllab-quvvatlash boʻyicha Konsorsium” MCHJ tomonidan zayom berish tartibi toʻgʻrisida
1-bob. Umumiy qoidalar
1. Ushbu Nizom Toshkent shahrining band boʻlmagan aholisini ishlab chiqarish faoliyatiga jalb etish, aholining zamonaviy mashinalar, asbob-uskunalar xom ashyo va materiallar sotib olish uchun moliyaviy resurslardan foydalanishini kengaytirish yoʻli bilan kasanachilikni rivojlantirish uchun Oʻzbekiston Respublikasi Prezidentining “Kasanachilikni yanada rivojlantirish uchun qulay sharoitlar yaratish chora-tadbirlari toʻgʻrisida” 2017-yil 24-maydagi PQ-2996-son qaroriga muvofiq tashkil etilgan “Kasanachilikni qoʻllab-quvvatlash boʻyicha Konsorsium” MCHJ tomonidan zayom berish tartibini belgilaydi.
2. “Kasanachilikni qoʻllab-quvvatlash boʻyicha Konsorsium” MCHJ tomonidan qarz berish tartibi ushbu Nizomga ilovaga muvofiq sxemaga binoan amalga oshiriladi.
3. Ushbu Nizomda quyidagi tushunchalar qoʻllaniladi:
“Kasanachilikni qoʻllab-quvvatlash boʻyicha Konsorsium” MCHJ (keyingi oʻrinlarda Konsorsium deb ataladi) — kasanachilarga yoki buyurtmachiga kasanachilikni tashkil etish uchun zayom beruvchi masʼuliyati cheklangan jamiyat shaklida tashkil etilgan yuridik shaxs;
kasanachi — Toshkent shahrida doimiy yashovchi Oʻzbekiston Respublikasi fuqarosi, shuningdek fuqaroligi boʻlmagan, buyurtmachi bilan tegishli shartnoma tuzgan, 16 yoshga toʻlgan va undan katta yoshdagi jismoniy shaxs;
birgalikda zayom oluvchi — har oyda zayom va zayom boʻyicha foizlarni toʻlashda ishtirok etayotgan, shuningdek zayom boʻyicha solidar masʼuliyat olgan kasanachining eri (xotini), yaqin qarindoshlari (ota-onalari, aka-ukalari, opa-singillari, bolalari) va boshqa jismoniy shaxslar;
buyurtmachi — kasanachilik mahsulotining buyurtmachisi, kasanachi bilan tegishli mehnat shartnomasi tuzgan Oʻzbekiston Respublikasi rezidenti;
zayom — zamonaviy mashinalar, asbob-uskunalar xom ashyo va materiallar sotib olish uchun qaytarish, toʻlov, taʼminot, muddatlilik va maqsadli foydalanish shartlarida kasanachiga yoki buyurtmachiga beriladigan pul mablagʻlari;
zayom shartnomasi — Oʻzbekiston Respublikasi Prezidentining “Kasanachilikni yanada rivojlantirish uchun qulay sharoitlar yaratish chora-tadbirlari toʻgʻrisida” 2017-yil 24-maydagi PQ-2996-son qarori bilan tasdiqlangan Kasanachilik faoliyati turlariga muvofiq faoliyatni tashkil etish uchun Konsorsium va kasanachi yoki buyurtmachi oʻrtasidagi zayom berish toʻgʻrisidagi shartnoma;
imtiyozli davr — zayom boʻyicha asosiy qarzni toʻlash kechiktiriladigan davr.
4. Konsorsium kapitali quyidagi manbalardan shakllantiriladi:
oʻz mablagʻlari, shu jumladan moliya-xoʻjalik faoliyatidan olingan daromadlar;
tekin asosda olingan pul mablagʻlari va mol-mulk;
qonun hujjatlarida taqiqlanmagan boshqa manbalar.
5. Konsorsiumning faoliyati jarayonida yuzaga kelishi mumkin boʻlgan yoʻqotishlarni qoplash maqsadida Konsorsiumning taʼsis hujjatlarida nazarda tutilgan miqdorda zaxira fondi shakllantirilishi mumkin.
6. Konsorsium quyidagilarga haqli emas:
qarz majburiyatlarini chiqarish hamda yuridik va jismoniy shaxslardan mablagʻlarni omonatga (depozitga) qabul qilish;
yuridik va jismoniy shaxslardan zayomlar jalb qilish, muassislar bundan mustasno;
oʻz muassislarining majburiyatlari boʻyicha kafil boʻlish, shuningdek ular majburiyatlarining bajarilishi yuzasidan boshqacha tarzda taʼminot taqdim etish.
2-bob. Zayom shartlari
7. Zayom kasanachiga yoki buyurtmachiga zayom shartnomasi asosida 6 oylik imtiyozli davr bilan uch yil muddatga beriladi.
8. Bir nafar kasanachiga yoki buyurtmachiga beriladigan zayom summasi buyurtmanoma berish sanasida respublikada belgilangan bazaviy hisoblash miqdorining 100 baravaridan ortiq boʻlishi mumkin emas.
9. Zayomdan foydalanganlik uchun foiz stavkasi Oʻzbekiston Respublikasi Markaziy bankining zayom shartnomasi tuzish kunidagi qayta moliyalashtirish stavkasidan yuqori boʻlmagan miqdorda belgilanadi.
10. Berilgan zayomlar boʻyicha asosiy qarzni qaytarish imtiyozli davr tugagandan keyingi oydan boshlanadi.
11. Foizlar har kuni zayom boʻyicha qarzning amaldagi qoldigʻiga hisoblanadi. Zayom boʻyicha foizlar har oyda, zayom shartnomasida koʻrsatilgan jadval boʻyicha undiriladi.
3-bob. Zayomni rasmiylashtirish tartibi
12. Zayom olish uchun kasanachi qoidaga koʻra, quyidagi hujjatlarni taqdim etgan holda Konsorsiumning oʻzi yashash joyidagi filiallaridan biriga murojaat qiladi:
zayomning maqsadi, taʼminoti, muddati va summasi koʻrsatilgan holda, zayom berish toʻgʻrisida ariza;
kasanachi pasportining nusxasi (fuqaroligi boʻlmagan shaxslar uchun yashash uchun ruxsatnomaning nusxasi);
zayomdan foydalanishning butun davri uchun biznes-reja;
kasanachi va buyurtmachi oʻrtasida tuzilgan tegishli mehnat shartnomasining nusxasi.
13. Kasanachi ushbu Nizomning 11-bandida nazarda tutilgan hujjatlarni taqdim etishda pasportning (fuqaroligi boʻlmagan shaxslar uchun yashash uchun ruxsatnomaning) aslini ham taqdim etadi.
14. Zayom olish uchun buyurtmachi, qoidaga koʻra, Konsorsiumning buyurtmachi davlat roʻyxatidan oʻtkazilgan joydagi filialiga murojaat qiladi va quyidagi hujjatlarni taqdim etadi:
zayomning maqsadi, taʼminoti, muddati va summasi koʻrsatilgan holda zayom berish toʻgʻrisida ariza;
xizmat koʻrsatuvchi tijorat bankining 2-kartoteka boʻyicha qarzi mavjud emasligi toʻgʻrisida maʼlumotnomasi;
zayomdan foydalanishning butun davri uchun biznes-reja;
zayomdan foydalanish davri uchun biznes-reja;
kasanachilik mahsuloti buyurtmachisi va kasanachi oʻrtasida tuzilgan tegishli shartnomaning nusxasi.
15. Kasanachi yoki buyurtmachi tomonidan majburiyatlarning bajarilishini taʼminlash maqsadida taʼminotning quyidagi turlaridan bir taqdim etiladi:
sotib olinadigan tovarlar (zamonaviy mashina va asbob-uskunalar sotib olishda);
koʻchar va koʻchmas mulk garovi;
qimmatli qogʻozlar;
tijorat banki yoki sugʻurta tashkilotining kafolati;
uchinchi shaxsning kafilligi;
olingan zayomning kasanachi yoki buyurtmachi tomonidan qaytarilmaslik tavakkalchiligining Konsorsium foydasiga sugʻurta qilinganligi toʻgʻrisida sugʻurta polisi.
16. Kafillik Konsorsium foydasiga kafil bilan kasanachi yoki buyurtmachi oʻrtasida yozma shaklda uch nusxada tuziladigan kafillik shartnomasi bilan rasmiylashtiriladi. Kafillik shartnomasining oxirgi varagʻida kafil va kasanachi yoki buyurtmachi imzolaridan keyin ushbu kafillik Konsorsium tomonidan qabul qilinganligi toʻgʻrisida yozuv qayd etiladi, u Konsorsium filiali boshqaruvchisi imzosi bilan tasdiqlanadi va dumaloq muhr bosiladi.
17. Konsorsium filiali tomonidan barcha zarur hujjatlar ilova qilingan ariza yuzasidan zayom berish yoki zayom berishni rad etish toʻgʻrisidagi qarorni qabul qilish muddati ushbu ariza tushgan kundan boshlab uch ish kunidan ortiq boʻlmasligi kerak.
18. Konsorsium filialining qarori zayom berish zayom berishni rad etish uchun asos hisoblanadi.
19. Quyidagilar zayom berishni rad etish uchun asos hisoblanadi:
zarur tarzda rasmiylashtirilmagan hujjatlarning taqdim etilishi;
taqdim etilgan hujjatlarda ishonchsiz va yoki notoʻgʻri maʼlumotlarning mavjudligi;
ilgari berilgan zayomlar boʻyicha muddati oʻtkazib yuborilgan qarzdorlikning mavjudligi;
buyurtmachida soliqlar, shuningdek tijorat banklarining kreditlari va xizmatlari boʻyicha muddati oʻtkazib yuborilgan qarzdorlikning mavjudligi.
20. Zayom berishni rad etish toʻgʻrisida qaror qabul qilinganda Konsorsium filiali qaror qabul qilingan kundan keyingi ish kunidan kechikmay kasanachi yoki buyurtmachiga zayom berish rad etilgan sabablar koʻrsatilgan holda yozma yoxud elektron shaklda xabarnoma yuboradi.
21. Zayom berish toʻgʻrisida ijobiy qaror qabul qilinganda Konsorsium filiali va kasanachi yoki buyurtmachi oʻrtasida zayom shartnomasi tuziladi, shuningdek ushbu Nizomning 14-bandida nazarda tutilgan zayom taʼminoti turlaridan biri qonun hujjatlarida belgilangan tartibda rasmiylashtiriladi.
22. Zayom shartnomasida quyidagilar koʻrsatiladi:
zayom olish maqsadi;
zayom miqdori;
zayomni berish muddati;
zayom boʻyicha foiz stavkasi hajmi;
zayom boʻyicha taʼminot haqida maʼlumot;
zayom boʻyicha asosiy qarz va foizlarni qaytarish tartibi va muddatlari;
tomonlarning huquqlari va majburiyatlari;
tomonlarning masʼuliyati;
zayomdan foydalanish monitoringini olib borish tartibi;
qonun hujjatlariga zid boʻlmagan boshqa shartlar.
23. Zarur hujjatlar belgilangan tartibda rasmiylashtirilgandan soʻng Konsorsium filiali Konsorsiumga buyurtmanoma va moliyalashtirishni ochish uchun tegishli hujjatlar nusxasini yuboradi.
24. Konsorsium Konsorsium filialdan buyurtmanoma olingan kunning ertasidan kechikmay kasanachi yoki buyurtmachiga oʻzining buxgalteriya hisobida har bir zayom boʻyicha operatsiyani hisobga olish va monitoring olib borish uchun qonun hujjatlarida belgilangan tartibda alohida sintetik hisob raqami ochadi.
4-bob. Zayom berish va uni qaytarish tartibi
25. Zayom Konsorsium filialining zayom shartnomasi va buyurtmanomasida nazarda tutilgan maqsadlar uchun Konsorsium toʻlov topshiriqnomalariga muvofiq uning bankdagi hisob raqamidan mablagʻlarni naqd pulsiz shaklda oʻtkazish yoʻli bilan beriladi.
26. Kasanachi (birgalikda zayom oluvchi) zayom va u boʻyicha hisoblangan foizlarni quyidagi shaklda qaytarishi mumkin:
kasanachi (birgalikda zayom oluvchi)ning ish haqi va unga tenglashtirilgan toʻlovlar hisobidan naqd pulsiz shaklda oʻtkazish orqali;
naqd pul topshirish orqali;
kasanachi (birgalikda zayom oluvchi)ning plastik kartasidan va tijorat banklaridagi omonatlari boʻyicha hisob raqamlaridan mablagʻni naqd pulsiz shaklda oʻtkazish orqali;
qonun hujjatlarida taqiqlanmagan boshqa manbalar hisobidan.
27. Buyurtmachi zayom va u boʻyicha hisoblangan foizlarni quyidagi shaklda qaytarishi mumkin:
naqd pulsiz shaklda oʻtkazish orqali;
qonun hujjatlarida taqiqlanmagan boshqa manbalar hisobidan.
28. Kasanachi (birgalikda zayom oluvchi) va buyurtmachi asosiy qarz hamda hisoblangan foizlarni zayom shartnomasida belgilangan qaytarish muddati boshlangunga qadar zayomni muddatidan avval qaytarish uchun vositachilik toʻlovini toʻlamasdan qaytarish huquqiga ega.
5-bob. Zayomdan foydalanish monitoringini olib borish tartibi
29. Zayomdan foydalanishning butun davrida Konsorsium filiali bevosita joylarga chiqib zayomdan samarali va maqsadli foydalanishning doimiy monitoringini olib boradi.
Monitoring yakunlari boʻyicha Konsorsium filiali va fuqarolarning oʻzini oʻzi boshqarish organi xodimi kasanachi yoki buyurtmachining vakili ishtirokida tegishli hujjatni rasmiylashtiradi.
30. Kasanachi yoxud buyurtmachi zayom mablagʻidan maqsadli foydalanish toʻgʻrisida zayom shartnomasi shartlarini bajarmagan hollarda, Konsorsium filiali kasanachi yoki buyurtmachidan zayom mablagʻini muddatdan oldin qaytarish va hisoblangan foizlarni toʻlashni talab qilish huquqiga ega.
31. Zayom boʻyicha qarzni undirishda birinchi navbatda foydalanilgan zayom uchun foizlar undiriladi.
32. Kasanachi yoki buyurtmachi zayom boʻyicha toʻlovlar va hisoblangan foizlarni toʻlamasa yoxud oʻz vaqtida toʻlamasa, shuningdek qonun hujjatlarida nazarda tutilgan boshqa holatlarda Konsorsium filiali garovga qoʻyilgan mol-mulkni qonun hujjatlarida belgilangan tartibda undirish toʻgʻrisida murojaat qiladi.
6-bob. Yakunlovchi qoida
33. Ushbu Nizom qoidalari buzilishida aybdor shaxslar qonun hujjatlarida belgilangan tartibda javob beradilar.
“Kasanachilikni qoʻllab-quvvatlash boʻyicha Konsorsium” MCHJ tomonidan zayom berish tartibi toʻgʻrisidagi nizomga ILOVA
“Kasanachilikni qoʻllab-quvvatlash boʻyicha Konsorsium” MCHJ tomonidan zayom berish
Oʻzbekiston Respublikasining Bosh vaziri A. ARIPOV
Toshkent sh.,
2017-yil 29-avgust,
681-son
Кабинета Министров Республики Узбекистан
Постановление
ПОЛОЖЕНИЕ
СХЕМА
Об утверждении Положения о порядке предоставления займов со стороны ООО «Консорциум по поддержке надомного труда»
В соответствии с постановлением Президента Республики Узбекистан от 24 мая 2017 года № ПП-2996 «О мерах по созданию дополнительных благоприятных условий для дальнейшего развития надомного труда» и в целях эффективной организации деятельности ООО «Консорциум по поддержке надомного труда» Кабинет Министров постановляет:
1. Утвердить Положение о порядке предоставления займов со стороны ООО «Консорциум по поддержке надомного труда».
2. Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова.
ПРИЛОЖЕНИЕ к постановлению Кабинета Министров от 29 августа 2017 года № 681
о порядке предоставления займов со стороны ООО «Консорциум по поддержке надомного труда»
Глава 1. Общие положения
1. Настоящее Положение определяет порядок предоставления займов со стороны ООО «Консорциум по поддержке надомного труда», созданный в соответствии с постановлением Президента Республики Узбекистан от 24 мая 2017 года № ПП-2996 «О мерах по созданию дополнительных благоприятных условий для дальнейшего развития надомного труда», для вовлечения незанятого населения города Ташкента в производственную деятельность, развития надомного труда путем расширения доступа населения к финансовым ресурсам для приобретения современных машин, оборудования, сырья и материалов.
2. Предоставление займов со стороны ООО «Консорциум по поддержке надомного труда» осуществляется в соответствии со схемой согласно приложению к настоящему Положению.
3. В настоящем Положении применяются следующие понятия:
ООО «Консорциум по поддержке надомного труда» (далее — Консорциум) — юридическое лицо, созданное в виде общества с ограниченной ответственностью, предоставляющее надомникам или заказчику займы для организации надомного труда;
надомник — физическое лицо в возрасте от 16 лет и старше, гражданин Республики Узбекистан, а также лицо без гражданства, постоянно проживающее в городе Ташкенте, заключившее соответствующий трудовой договор с заказчиком;
созаемщик — супруг (супруга), близкие родственники (родители, братья, сестры, дети) надомника и иные физические лица, которые участвуют в выплатах ежемесячных платежей по займу и процентов по нему, а также несут солидарную ответственность по займу;
заказчик — заказчик надомной продукции, резидент Республики Узбекистан, заключивший с надомником соответствующий трудовой договор;
займ — денежные средства, предоставляемые надомнику или заказчику для приобретения современных машин, оборудования, сырья и материалов на условиях возвратности, платности, обеспеченности, срочности и целевого использования;
договор займа — договор о предоставлении займа, заключенный между Консорциумом и надомником или заказчиком для организации деятельности, в соответствии с Перечнем видов надомной деятельности, утвержденным постановлением Президента Республики Узбекистан от 24 мая 2017 года № ПП-2996 «О мерах по созданию дополнительных благоприятных условий для дальнейшего развития надомного труда»;
льготный период — период, в течение которого предоставляется отсрочка на погашение основного долга по займу.
4. Капитал Консорциума формируется из следующих источников:
собственные средства, в том числе доходы, полученные от финансово-хозяйственной деятельности;
денежные средства и имущество, полученные на безвозмездной основе;
другие источники, не запрещенные законодательством.
5. В целях покрытия возможных потерь, образующихся в процессе деятельности Консорциума, может быть сформирован резервный фонд в размере, предусмотренном в учредительных документах Консорциума.
6. Консорциум не вправе:
выпускать долговые обязательства и принимать средства во вклады (депозиты) от юридических и физических лиц;
привлекать займы от физических и юридических лиц, за исключением учредителей;
выступать поручителем по обязательствам своих учредителей, а также предоставлять им иные способы обеспечения исполнения их обязательств.
Глава 2. Условия займа
7. Займ выдается надомнику или заказчику на основании договора займа сроком на три года, с 6-месячным льготным периодом.
8. Сумма выдаваемого займа на одного надомника или заказчика не может превышать 100-кратного размера базовой расчетной величины, установленной в республике на дату подачи заявки.
9. Процентная ставка за пользование займом устанавливается в размере, не превышающем ставку рефинансирования Центрального банка Республики Узбекистан на день заключения договора займа.
10. По выданным займам погашение основного долга начинается с месяца, следующего после окончания льготного периода.
11. Начисление процентов осуществляется ежедневно на фактический остаток задолженности по займу. Взимание процентов по займу осуществляется ежемесячно по графику, указанному в договоре займа.
Глава 3. Порядок оформления займа
12. Для получения займа надомник, как правило, обращается в один из филиалов Консорциума по месту жительства с предоставлением нижеследующих документов:
заявление о предоставлении займа с указанием цели, обеспечения, срока и суммы займа;
копия паспорта надомника (копия вида на жительство для лиц без гражданства);
бизнес-план за весь период пользования займом;
копия соответствующего трудового договора, заключенного между надомником и заказчиком.
13. Надомник при представлении документов, предусмотренных пунктом 11 настоящего Положения, также предъявляет оригинал паспорта (вида на жительство для лиц без гражданства).
14. Для получения займа заказчик, как правило, обращается в филиал Консорциума по месту государственной регистрации заказчика с предоставлением нижеследующих документов:
заявление о предоставлении займа с указанием цели, обеспечения, срока и суммы займа;
справка обслуживающего коммерческого банка об отсутствии задолженности по картотеке № 2;
бизнес-план за весь период пользования займом;
копия соответствующего договора, заключенного между заказчиком надомной продукции и надомником.
15. В целях обеспечения исполнения обязательств со стороны надомника или заказчика предоставляется один из следующих видов обеспечения:
приобретаемые товары (при выдаче займа на приобретение современных машин и оборудования);
залог движимого и недвижимого имущества;
ценные бумаги;
гарантия коммерческого банка или страховой организации;
поручительство третьего лица;
страховой полис о страховании в пользу Консорциума риска непогашения надомником или заказчиком полученного займа.
16. Поручительство оформляется договором поручительства в пользу Консорциума, заключаемым между поручителем и надомником или заказчиком в письменной форме в трех экземплярах. На последней странице договора поручительства после подписей поручителя и надомника или заказчика вносится запись о приеме данного поручительства Консорциумом, которая подтверждается подписью управляющего филиалом Консорциума и скрепляется круглой печатью.
17. Срок принятия филиалом Консорциума решения о выдаче или отказе в выдаче займа по заявлению, поданному с приложением всех необходимых документов, не должен превышать трех рабочих дней со дня поступления данного заявления.
18. Решение филиала Консорциума является основанием для выдачи или отказа в выдаче займа.
19. Основаниями для отказа в выдаче займа являются:
представление ненадлежащим образом оформленных документов;
наличие в представленных документах недостоверных или искаженных сведений;
наличие просроченной задолженности по ранее выданным займам;
наличие у заказчика просроченной задолженности по налогам, а также по кредитам и услугам коммерческих банков.
20. При принятии решения об отказе в выдаче займа филиал Консорциума не позднее следующего рабочего дня со дня принятия решения направляет надомнику или заказчику извещение в письменной или электронной форме с указанием причин отказа в выдаче займа.
21. При принятии положительного решения о выдаче займа между филиалом Консорциума и надомником или заказчиком заключается договор займа, а также в установленном законодательством порядке оформляется один из видов обеспечения займа, предусмотренный пунктом 14 настоящего Положения.
22. В договоре займа указывается:
цель займа;
сумма займа;
срок предоставления займа;
размер процентной ставки по займу;
сведения об обеспечении по займу;
порядок и сроки погашения основного долга и процентов по займу;
права и обязанности сторон;
ответственность сторон;
порядок осуществления мониторинга использования займа;
другие условия, не противоречащие законодательству.
23. После оформления в установленном порядке необходимых документов филиал Консорциума направляет в Консорциум заявку и копии соответствующих документов для открытия финансирования.
24. Консорциум не позднее следующего дня после получения заявки от филиала Консорциума открывает надомнику или заказчику отдельный синтетический счет в своем бухгалтерском учете в порядке, установленном законодательством, для учета и мониторинга операции по каждому займу.
Глава 4. Порядок выдачи и погашения займа
25. Займы выдаются путем перечисления средств в безналичной форме с банковского счета Консорциума в соответствии с его платежными поручениями на цели, предусмотренные договором займа и заявкой филиала Консорциума.
26. Погашение займа и начисленных по нему процентов надомником (созаемщиком) может осуществляться:
путем перечисления в безналичной форме за счет заработной платы надомника (созаемщика) и приравненных к ней платежей;
путем внесения наличных денежных средств;
путем перечисления денежных средств в безналичной форме с пластиковых карт и со счетов по вкладам надомника (созаемщика) в коммерческих банках;
за счет других источников, не запрещенных законодательством.
27. Погашение займа и начисленных по нему процентов заказчиком может осуществляться:
путем перечисления в безналичной форме;
за счет других источников, не запрещенных законодательством.
28. Надомник (созаемщик) и заказчик вправе осуществить погашение основного долга и начисленных процентов досрочно до наступления срока погашения, установленного в договоре займа, без внесения комиссионного платежа за досрочное погашение займа.
Глава 5. Порядок осуществления мониторинга использования займа
29. В течение всего периода пользования займом филиал Консорциума осуществляет постоянный мониторинг эффективного и целевого использования займа с непосредственным выездом на место.
По итогам мониторинга филиал Консорциума и работник органа самоуправления граждан с участием надомника или представителя заказчика оформляют соответствующий акт.
30. В случае невыполнения надомником или заказчиком условия договора займа о целевом использовании суммы займа, филиал Консорциума вправе потребовать от надомника или заказчика досрочного возврата суммы займа и уплаты причитающихся процентов.
31. При взыскании задолженности по займу в первую очередь взыскиваются проценты за пользование займом.
32. При неуплате или несвоевременной уплате надомником или заказчиком выплат по займу и начисленных процентов, а также в других случаях, предусмотренных законодательством, филиал Консорциума обращается о взыскании на заложенное имущество в установленном законодательством порядке.
Глава 6. Заключительное положение
33. Лица, виновные в нарушении требований настоящего Положения, несут ответственность в порядке, установленном законодательством.
ПРИЛОЖЕНИЕ к Положению о порядке предоставления займов со стороны ООО «Консорциум по поддержке надомного труда»
предоставления займов со стороны ООО «Консорциум по поддержке надомного труда»
Премьер-министр Республики Узбекистан А. АРИПОВ
г. Ташкент,
29 августа 2017 г.,
№ 681