📅 2017-yil 4-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 4 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 4 сентября 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 4 September 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Инновацион ўқитиш услубларини жорий этиш йўли билан ҳайдовчиларни тайёрлаш ва қайта тайёрлаш, шунингдек уларнинг малакасини ошириш тизимини янада такомиллаштириш тўғрисида
Сўнгги йилларда республикада ҳайдовчилик маданиятини ва автотранспорт воситалари ҳайдовчиларининг билим даражасини ошириш юзасидан комплекс чора-тадбирлар амалга оширилмоқда.
Ахборот-коммуникация ва таълим технологияларидан фойдаланиш асосида автотранспорт воситалари ҳайдовчиларини тайёрлаш ва қайта тайёрлаш тизимида қўлланилаётган инновация услублари ўқитиш жараёнини сифат жиҳатидан янги босқичга кўтарди. Бу эса малака имтиҳонларини топшириш самарадорлигини ошириш ҳамда ҳайдовчиларнинг йўл ҳаракати хавфсизлиги масаласида ҳуқуқий билимини таъминлаш имконини берди.
Шу билан бирга, ҳайдовчилар малакасини мунтазам оширишни назарда тутадиган қонун талаблари етарли даражада бажарилмаяпти. Аксарият ҳолларда юридик шахсларга тегишли транспорт воситаларини бошқараётган ҳайдовчилар йўл-транспорт ҳодисалари иштирокчиларига айланиб қолмоқда.
Йўл ҳаракати хавфсизлигини, фуқаролар ҳаёти ва саломатлигини таъминлаш, йўл-транспорт ҳодисаларининг олдини олиш чораларини кучайтириш, шунингдек ўқув жараёнига инновация услубларини жорий этиш йўли билан юридик шахсларга тегишли автотранспорт воситаларини бошқараётган ҳайдовчиларнинг малакасини ошириш тартибини такомиллаштириш мақсадида Вазирлар Маҳкамаси қарор қилади:
1. Ўзбекистон Республикаси Ҳукуматининг йўл ҳаракати хавфсизлигини таъминлашга қаратилган қарорларини самарали амалга ошириш мақсадида «Avtotest Report» масъулияти чекланган жамияти (кейинги ўринларда «Avtotest Report» МЧЖ деб аталади) томонидан:
автотранспорт воситалари ҳайдовчиларини тайёрлаш ва қайта тайёрлаш бўйича ўқитишнинг уйғунлашган услублари қўлланган ҳолда янги таълим технологияларидан кенг фойдаланилаётганлиги;
ўқув жараёнига ўқувчиларнинг ўзлаштириш даражасини оширишга қаратилган, ўқитиш мониторингини олиб бориш ва уни режалаштириш имконини берадиган автоматлаштирилган комплекс ахборот тизими жорий этилганлиги;
автотранспорт воситалари ҳайдовчиларининг малакасини ошириш бўйича «Avtotest 3.0» ўқув-услубий комплекс ишлаб чиқилганлиги маълумот учун қабул қилинсин.
3. Белгилансинки, юридик шахслар автотранспорт воситалари ҳайдовчиларининг малакасини ошириш тадбирларини молиялаштириш иш берувчиларнинг маблағлари ҳисобига, бошқа шахсларнинг эса — ўз маблағлари ҳисобига амалга оширилади.
5. Автомототранспорт воситалари ва шаҳар электр транспорти воситалари ҳайдовчиларини тайёрлаш ва қайта тайёрлаш бўйича таълим муассасалари (давлат таълим муассасаларидан ташқари) битирувчиларнинг ҳуқуқий саводхонлигини янада такомиллаштириш учун уларни ўқув қўлланмалари билан зарур миқдорда таъминласин ва «Avtotest» ўқув қўлланмалари ҳамда бошқа замонавий ўқитиш воситаларининг қийматини таълим хизматлари таннархига киритсин.
6. «Avtotest Report» МЧЖ томонидан Ўзбекистон Республикаси Ички ишлар вазирлиги Йўл ҳаракати хавфсизлиги бош бошқармасига қўшма битимлар асосида компьютер ва сервер техникаси, шунингдек «Avtotest» ўқув-услубий воситаларига мос келадиган дастурий маҳсулотларни беғараз топшириш тўғрисида белгиланган тартибда қарор қабул қилинганлиги маълумот учун қабул қилинсин.
7. Ўзбекистон Республикаси Ички ишлар вазирлиги:
Ўзбекистон Миллий ахборот агентлиги, Миллий телерадиокомпанияси, Ахборот ва оммавий коммуникациялар агентлиги билан биргаликда босма ҳамда электрон ахборот воситаларини, шу жумладан бутунжаҳон Интернет тармоғини кенг жалб этган ҳолда аҳоли ўртасида ушбу қарорнинг мақсадлари ва вазифаларининг мунтазам ҳамда ҳар томонлама ёритилишини тизимли асосда таъминласин;
Ўзбекистон Республикаси Адлия вазирлиги, манфаатдор вазирликлар ҳамда идоралар билан биргаликда қонун ҳужжатларига ушбу қарордан келиб чиқадиган, шу жумладан 2018 йилнинг 1 июлидан бошлаб юридик шахсларга тегишли автотранспорт воситаларини сертификатсиз бошқараётган шахслар (ҳайдовчилар)га нисбатан маъмурий жавобгарликни жорий этишни, лицензия/лицензия карточкаларининг амал қилишини белгиланган тартибда тўхтатиш ёки бекор қилишни назарда тутадиган ўзгартиришлар ва қўшимчалар тўғрисида икки ой муддатда Вазирлар Маҳкамасига таклифлар киритсин.
8. Ўзбекистон Республикаси Ҳукуматининг 2-иловага мувофиқ айрим қарорларига 2018 йил 1 январдан бошлаб ўзгартириш ва қўшимчалар киритилсин.
9. Вазирликлар ва идоралар ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсинлар.
10. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси А.Ж. Раматов, ички ишлар вазири П.Р. Бобожонов зиммасига юклансин.
Вазирлар Маҳкамасининг 2017 йил 4 сентябрдаги 693-сон қарорига 2-ИЛОВА
Ўзбекистон Республикаси Ҳукуматининг айрим қарорларига 2018 йилнинг 1 январидан бошлаб киритиладиган ўзгартириш ва қўшимчалар
4. Вазирлар Маҳкамасининг «Ўзбекистон Республикасида автомототранспорт воситалари ва шаҳар электр транспорти воситалари ҳайдовчиларини тайёрлаш ва қайта тайёрлаш тизимида таълим жараёнини такомиллаштириш ва ўқитишнинг замонавий усулларини жорий этиш чора-тадбирлари тўғрисида» 2015 йил 30 апрелдаги 106-сон қарори (Ўзбекистон Республикаси ҚТ, 2015 й., 4-сон 32-модда) 2-банди иккинчи хатбошига «амалга ошириш ҳуқуқини» сўзларидан кейин «шунингдек Ўзбекистон Республикасида юридик шахсларга тегишли автотранспорт воситаларини бошқарадиган шахслар (ҳайдовчилар) малакасини ошириш фаолиятини юритиш бўйича алоҳида ҳуқуқни» сўзлари қўшилсин.
Ўзбекистон Республикасининг Бош вазири А. АРИПОВ
Тошкент ш.,
2017 йил 4 сентябрь,
693-сон
Oʻzbekiston Respublikasi Vazirlar Mahkamasining
qarori
Innovatsion oʻqitish uslublarini joriy etish yoʻli bilan haydovchilarni tayyorlash va qayta tayyorlash, shuningdek ularning malakasini oshirish tizimini yanada takomillashtirish toʻgʻrisida
Soʻnggi yillarda respublikada haydovchilik madaniyatini va avtotransport vositalari haydovchilarining bilim darajasini oshirish yuzasidan kompleks chora-tadbirlar amalga oshirilmoqda.
Axborot-kommunikatsiya va taʼlim texnologiyalaridan foydalanish asosida avtotransport vositalari haydovchilarini tayyorlash va qayta tayyorlash tizimida qoʻllanilayotgan innovatsiya uslublari oʻqitish jarayonini sifat jihatidan yangi bosqichga koʻtardi. Bu esa malaka imtihonlarini topshirish samaradorligini oshirish hamda haydovchilarning yoʻl harakati xavfsizligi masalasida huquqiy bilimini taʼminlash imkonini berdi.
Shu bilan birga, haydovchilar malakasini muntazam oshirishni nazarda tutadigan qonun talablari yetarli darajada bajarilmayapti. Aksariyat hollarda yuridik shaxslarga tegishli transport vositalarini boshqarayotgan haydovchilar yoʻl-transport hodisalari ishtirokchilariga aylanib qolmoqda.
Yoʻl harakati xavfsizligini, fuqarolar hayoti va salomatligini taʼminlash, yoʻl-transport hodisalarining oldini olish choralarini kuchaytirish, shuningdek oʻquv jarayoniga innovatsiya uslublarini joriy etish yoʻli bilan yuridik shaxslarga tegishli avtotransport vositalarini boshqarayotgan haydovchilarning malakasini oshirish tartibini takomillashtirish maqsadida Vazirlar Mahkamasi qaror qiladi:
1. Oʻzbekiston Respublikasi Hukumatining yoʻl harakati xavfsizligini taʼminlashga qaratilgan qarorlarini samarali amalga oshirish maqsadida “Avtotest Report” masʼuliyati cheklangan jamiyati (keyingi oʻrinlarda “Avtotest Report” MChJ deb ataladi) tomonidan:
avtotransport vositalari haydovchilarini tayyorlash va qayta tayyorlash boʻyicha oʻqitishning uygʻunlashgan uslublari qoʻllangan holda yangi taʼlim texnologiyalaridan keng foydalanilayotganligi;
oʻquv jarayoniga oʻquvchilarning oʻzlashtirish darajasini oshirishga qaratilgan, oʻqitish monitoringini olib borish va uni rejalashtirish imkonini beradigan avtomatlashtirilgan kompleks axborot tizimi joriy etilganligi;
avtotransport vositalari haydovchilarining malakasini oshirish boʻyicha “Avtotest 3.0” oʻquv-uslubiy kompleks ishlab chiqilganligi maʼlumot uchun qabul qilinsin.
3. Belgilansinki, yuridik shaxslar avtotransport vositalari haydovchilarining malakasini oshirish tadbirlarini moliyalashtirish ish beruvchilarning mablagʻlari hisobiga, boshqa shaxslarning esa — oʻz mablagʻlari hisobiga amalga oshiriladi.
5. Avtomototransport vositalari va shahar elektr transporti vositalari haydovchilarini tayyorlash va qayta tayyorlash boʻyicha taʼlim muassasalari (davlat taʼlim muassasalaridan tashqari) bitiruvchilarning huquqiy savodxonligini yanada takomillashtirish uchun ularni oʻquv qoʻllanmalari bilan zarur miqdorda taʼminlasin va “Avtotest” oʻquv qoʻllanmalari hamda boshqa zamonaviy oʻqitish vositalarining qiymatini taʼlim xizmatlari tannarxiga kiritsin.
6. “Avtotest Report” MChJ tomonidan Oʻzbekiston Respublikasi Ichki ishlar vazirligi Yoʻl harakati xavfsizligi bosh boshqarmasiga qoʻshma bitimlar asosida kompyuter va server texnikasi, shuningdek “Avtotest” oʻquv-uslubiy vositalariga mos keladigan dasturiy mahsulotlarni begʻaraz topshirish toʻgʻrisida belgilangan tartibda qaror qabul qilinganligi maʼlumot uchun qabul qilinsin.
7. Oʻzbekiston Respublikasi Ichki ishlar vazirligi:
Oʻzbekiston Milliy axborot agentligi, Milliy teleradiokompaniyasi, Axborot va ommaviy kommunikatsiyalar agentligi bilan birgalikda bosma hamda elektron axborot vositalarini, shu jumladan butunjahon Internet tarmogʻini keng jalb etgan holda aholi oʻrtasida ushbu qarorning maqsadlari va vazifalarining muntazam hamda har tomonlama yoritilishini tizimli asosda taʼminlasin;
Oʻzbekiston Respublikasi Adliya vazirligi, manfaatdor vazirliklar hamda idoralar bilan birgalikda qonun hujjatlariga ushbu qarordan kelib chiqadigan, shu jumladan 2018-yilning 1-iyulidan boshlab yuridik shaxslarga tegishli avtotransport vositalarini sertifikatsiz boshqarayotgan shaxslar (haydovchilar)ga nisbatan maʼmuriy javobgarlikni joriy etishni, litsenziya/litsenziya kartochkalarining amal qilishini belgilangan tartibda toʻxtatish yoki bekor qilishni nazarda tutadigan oʻzgartirishlar va qoʻshimchalar toʻgʻrisida ikki oy muddatda Vazirlar Mahkamasiga takliflar kiritsin.
8. Oʻzbekiston Respublikasi Hukumatining 2-ilovaga muvofiq ayrim qarorlariga 2018-yil 1-yanvardan boshlab oʻzgartirish va qoʻshimchalar kiritilsin.
9. Vazirliklar va idoralar oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsinlar.
10. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov, ichki ishlar vaziri P.R. Bobojonov zimmasiga yuklansin.
Vazirlar Mahkamasining 2017-yil 4-sentabrdagi 693-son qaroriga 2-ILOVA
Oʻzbekiston Respublikasi Hukumatining ayrim qarorlariga 2018-yilning 1-yanvaridan boshlab kiritiladigan oʻzgartirish va qoʻshimchalar
4. Vazirlar Mahkamasining “Oʻzbekiston Respublikasida avtomototransport vositalari va shahar elektr transporti vositalari haydovchilarini tayyorlash va qayta tayyorlash tizimida taʼlim jarayonini takomillashtirish va oʻqitishning zamonaviy usullarini joriy etish chora-tadbirlari toʻgʻrisida” 2015-yil 30-apreldagi 106-son qarori (Oʻzbekiston Respublikasi QT, 2015-y., 4-son 32-modda) 2-bandi ikkinchi xatboshiga “amalga oshirish huquqini” soʻzlaridan keyin “shuningdek Oʻzbekiston Respublikasida yuridik shaxslarga tegishli avtotransport vositalarini boshqaradigan shaxslar (haydovchilar) malakasini oshirish faoliyatini yuritish boʻyicha alohida huquqni” soʻzlari qoʻshilsin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 4-sentabr,
693-son
Кабинета Министров Республики Узбекистан
Постановление
О дальнейшем совершенствовании системы подготовки и переподготовки, а также повышения квалификации водителей путем внедрения инновационных методов обучения
За последние годы в республике реализуются комплексные меры по повышению водительской культуры и уровня знаний водителей автотранспортных средств.
Инновационные методы, принимаемые в системе подготовки и переподготовки водителей автотранспортных средств на основе применения информационно-коммуникационных и образовательных технологий, вывели обучение на качественно новый уровень, что способствовало повышению результативности сдачи квалификационных экзаменов и обеспечению правовых знаний водителей в вопросах безопасности дорожного движения.
Вместе с тем, не на должном уровне выполняется требование законодательства, предусматривающее регулярное повышение квалификации водителей. В большинстве случаев участниками дорожно-транспортных происшествий становятся водители, управляющие автотранспортными средствами, принадлежащими юридическим лицам.
В целях обеспечения безопасности дорожного движения, жизни и здоровья граждан, усиления мер по предупреждению дорожно-транспортных происшествий, а также совершенствования порядка повышения квалификации водителей, управляющих автотранспортными средствами, принадлежащими юридическим лицам, путем внедрения инновационных методов обучения в данный процесс Кабинет Министров постановляет:
1. Принять к сведению, что в целях эффективной реализации решений Правительства Республики Узбекистан, направленных на обеспечение безопасности дорожного движения, обществом с ограниченной ответственностью «Avtotest Report» (далее — ООО «Avtotest Report»):
широко используются новые образовательные технологии с применением комбинированных методов обучения по подготовке и переподготовке водителей автотранспортных средств;
в учебный процесс внедрена комплексная автоматизированная информационная система, позволяющая осуществлять мониторинг и планирование обучения, направленная на повышение успеваемости учащихся;
разработан учебно-методический комплекс «Avtotest 3.0» по повышению квалификации водителей автотранспортных средств.
3. Определить, что финансирование мероприятий по повышению квалификации водителей автотранспортных средств юридических лиц осуществляется за счет средств работодателей, а других лиц — за счет собственных средств.
5. Образовательным учреждениям по подготовке и переподготовке водителей автомототранспортных средств и средств городского электрического транспорта (за исключением государственных образовательных учреждений) обеспечить в необходимом количестве учебными пособиями обучающихся выпускников для дальнейшего совершенствования их правовой грамотности, с включением стоимости учебных пособий «Avtotest» и других современных средств обучения в себестоимость образовательных услуг.
6. Принять к сведению, что ООО «Avtotest Report» в установленном порядке принято решение о передаче на безвозмездной основе Главному управлению безопасности дорожного движения Министерства внутренних дел Республики Узбекистан компьютерной и серверной техники, а также программных продуктов, совместимых с учебно-методическими средствами «Avtotest», на основе совместных соглашений.
7. Министерству внутренних дел Республики Узбекистан совместно с:
Национальным информационным агентством, Национальной телерадиокомпанией Узбекистана, Агентством информации и массовых коммуникаций обеспечить на системной основе регулярное и всестороннее освещение среди населения целей и задач настоящего постановления с широким привлечением печатных и электронных средств массовой информации, включая всемирную сеть Интернет;
Министерством юстиции и заинтересованными министерствами и ведомствами в двухмесячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления, в том числе предусматривающих введение с 1 июля 2018 года административной ответственности в отношении лиц (водителей), управляющих автотранспортными средствами, принадлежащими юридическим лицам, без сертификата, а также приостановление либо прекращение в установленном порядке действия лицензии/лицензионных карточек.
8. Внести с 1 января 2018 года изменение и дополнения в некоторые решения Правительства Республики Узбекистан согласно приложению № 2 .
9. Министерствам и ведомствам в двухмесячный срок привести принятые ими нормативно-правовые акты в соответствие с настоящим постановлением.
10. Контроль за исполнением настоящего постановления возложить на первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова и министра внутренних дел Республики Узбекистан П.Р. Бобожонова.
ПРИЛОЖЕНИЕ № 2 к постановлению Кабинета Министров от 4 сентября 2017 года № 693
Изменение и дополнения, вносимые в некоторые решения Правительства Республики Узбекистан с 1 января 2018 года
4. Абзац второй пункта 2 постановления Кабинета Министров от 30 апреля 2015 г. № 106 «О мерах по совершенствованию образовательного процесса и внедрению современных методов обучения в системе подготовки и переподготовки водителей автомототранспортных средств и средств городского электрического транспорта в Республике Узбекистан» (СП Республики Узбекистан, 2015 г., № 4, ст. 32) дополнить словами «а также исключительного права осуществлять в Республике Узбекистан деятельность по повышению квалификации лиц (водителей), управляющих автотранспортными средствами, принадлежащими юридическим лицам».
Премьер-министр Республики Узбекистан А. АРИПОВ
г. Ташкент,
4 сентября 2017 г.,
№ 693