📅 2017-yil 11-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 11 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 11 сентября 2017 г. · Постановления Президента
Официальный текст. Официальный документ. Редакционные примечания не включены.
📅 11 September 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Юқори сифатли этил спирти ва ликёр-арақ маҳсулотлари ишлаб чиқаришни ташкил этиш чора-тадбирлари тўғрисида
Саноат ишлаб чиқаришларини янада модернизация қилиш, этил спирти ва ликёр-арақ маҳсулотларининг замонавий ишлаб чиқаришларини ташкил этиш, алкоголь маҳсулотларининг экспорт салоҳиятини ошириш, унинг сифати ва рақобатдошлигини орттириш мақсадида:
1. Ўзбекистон Республикаси Иқтисодиёт вазирлиги, Молия вазирлиги, Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси, «Ўзбекистон темир йўллари» АЖ, «Ўзвиносаноат-холдинг» АЖнинг:
«Ўзспиртсаноат» АЖга тегишли «Қўқон спирт» АЖнинг 51,01 миқдордаги акцияларини баланс нархи бўйича «Ўзбекистон темир йўллари» АЖнинг устав капиталига давлатнинг улиши сифатида ўтказиш тўғрисидаги;
46,98 фоиз миқдоридаги давлатга тегишли бўлган «Қўқон спирт» АЖнинг акцияларини баланс нархи бўйича давлатнинг улуши сифатида «Ўзбекистон темир йўллари» АЖнинг устав капиталига ўтказиш тўғрисидаги;
мазкур бандга мувофиқ бериладиган акцияларнинг баланс нархи суммаси ҳисобига «Ўзбекистон темир йўллари» АЖнинг устав капиталини ошириш тўғрисидаги таклифи маъқуллансин.
2. «Ўзбекистон темир йўллари» АЖнинг:
сўнги авлоднинг илғор технологияларидан фойдаланган ҳолда «Люкс» классдаги спиртидан олий сифатли ликёр-арақ маҳсулотларини қуйиш бўйича «СЕЛЕНА» МЧЖ (Россия Федерацияси) билан масъулияти чекланган жамият шаклидаги «Premium Uzbekistan» (кейинги ўринларда — «Premium Uzbekistan» МЧЖ ҚК) қўшма корхонасини ташкил этиш;
Тошкент шаҳрида янги ликёр-арақ заводининг қурилиши учун «Premium Uzbekistan» МЧЖ ҚКни Тошкент шаҳри, Яшнобод тумани, Фарғона йўли кўчаси, 23/35-уй манзили бўйича жойлаштириш.
«Қўқон спирт» АЖнинг саноат ишлаб чиқаришларини модернизация қилиш тўғрисидаги таклифларига розилик берилсин.
3. Маълумот учун қабул қилинсинки, «Premium Uzbekistan» МЧЖ ҚКнинг бирламчи устав капитали эквиваленти 150,0 минг АҚШ долларини ташкил этади, бундан «CEЛEНA» МЧЖнинг улуши 51 фоиз миқдорида ва «Ўзбекистон темир йўллари» АЖнинг улуши 49 фоиз миқдоридаги пул маблағлари ҳисобидан шакллантирилади.
4. Белгилансинки:
Тошкент шаҳрида янги ликёр-арақ заводининг қурилиши «СЕЛЕНА» МЧЖнинг тўғридан-тўғри инвестициялари ҳисобидан амалга оширилади, кейинчалик улар ташкил этилаётган қўшма корхонанинг устав капиталига йўналтирилади;
«Қўқон спирт» АЖни модернизация қилиш «CEЛEНA» МЧЖнинг «Ўзбекистон темир йўллари» АЖга ажратиладиган қарзлари ҳисобидан амалга оширилади.
5. Белгилансинки, Тошкент шаҳрида янги ликёр-арақ заводининг қурилиши ва «Қўқон спирт» АЖни модернизация қилиш (кейинги ўринларда — лойиҳалар) 2017 — 2020 йилларда бир босқичли тартибда техник-иқтисодий асос билан бир вақтда амалга оширилади.
6. Лойиҳаларни амалга ошириш доирасида:
Тошкент шаҳрида янги ликёр-арақ заводини қуриш бўйича бош буюртмачи этиб — «Premium Uzbekistan» МЧЖ;
«Қўқон спирт» АЖни модернизация қилиш бўйича бош буюртмачи этиб — «Ўзбекистон темир йўллари» АЖ;
бош лойиҳа ташкилоти этиб — «Oʻzogʻirsanoatloyiha» instituti» АЖ;
бош пудратчи ташкилот этиб — «СК Альфа строй» МЧЖ белгилансин.
10. «Ўзбекистон темир йўллари» АЖ:
уч ой муддатда «Қўқон спирт» АЖни техник аудитдан ўтказилишини таъминласин;
«Қўқон спирт» АЖ билан биргаликда бошқа акциядорлардан акцияларни сотиб олиш мақсадида жамиятнинг акциялари бозор нархини белгиланишини таъминласин;
бир ой муддатда «Қўқон спирт» АЖга қарам бўлган хўжалик жамиятларининг кейинги фаолиятини ташкил этиш бўйича таклифлар киритсин;
«Қўқон спирт» АЖ билан биргаликда қонун ҳужжатларига мувофиқ акциядорлар аниқланмагани ҳолатида — пул воситалари нотариал идоранинг депозит ҳисобварағига ўтказиб берилиши таъминлансин;
Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси билан биргаликда мазкур қарорнинг 1-бандига мувофиқ топшириладиган акциялар нархи суммасига «Ўзбекистон темир йўллари» АЖнинг устав капиталида давлатнинг улуши оширилишини таъминласин.
11. «Ўзвинсаноат-холдинг» АЖ Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси билан биргаликда «Ўзбекистон темир йўллари» АЖ устав капиталига топширилаётган «Қўқон спирт» АЖнинг 51,01 фоиз акциялар нархи суммасига «Ўзвинсаноат-холдинг» АЖнинг устав капиталида давлатнинг улуши камайтирилишини таъминласин.
12. Ўзбекистон Республикаси Иқтисодиёт вазирлиги, «Ўзбекнефтгаз» АЖ, «Ўзметкомбинат» АЖ ва «Ўзқурилишматериаллари» АЖ лойиҳа ҳужжатлари параметрларини ҳисобга олган ҳолда буюртмачи томонидан асосланган ҳисоб-китобларга кўра тўғридан-тўғри шартномалар бўйича ҳамда етарли ҳажмларда цемент ва металлпрокатни — бошқариладиган нархлар бўйича ёқилғи-мойлаш материалларини — келишилган нархларда ажратилиши ва етказиб берилишини таъминласин.
13. Ўзбекистон Республикаси Архитектура ва қурилиш давлат қўмитаси (Б.И. Закиров, К.Н. Тўлаганов) белгиланган тартибда лойиҳа-смета ҳужжатларини давлат экспертизасидан ўтказилишини ташкил этсин хамда лойиҳалар бўйича қурилиш-монтаж ишларини амалга ошириш сифати устидан тегишли назорат ўрнатсин.
14. Ўзбекистон Республикаси Ташқи ишлар вазирлиги «Premium Uzbekistan» МЧЖ ҚКнинг талабномаларига кўра лойиҳани амалга оширишда қатнашаётган хорижий мутахассисларга кириш визаларини консуллик ва бошқа йиғимлар ундирилмаган ҳолда расмийлаштирилишини таъминласин.
15. Ўзбекистон Республикаси Ички ишлар вазирлиги «Premium Uzbekistan» МЧЖ ҚКнинг талабномаларига кўра лойиҳани амалга оширишда қатнашадиган хорижий мутахассисларга, хорижий компаниялар ходимларига кўп марталик визаларни расмийлаштириш, бериш ва муддатини узайтириш, шунингдек, турган жойи бўйича рўйхатдан ўтказилиши ва унинг муддатини узайтиришни давлат божи ундирилмаган ҳолда амалга оширишни таъминласин.
16. Ўзбекистон Республикаси Бандлик ва меҳнат муносабатлари вазирлиги «Premium Uzbekistan» МЧЖ ҚКнинг талабномаларига кўра лойиҳани амалга оширишда иштирок этиш учун хорижий мутахассисларни Ўзбекистон Республикасига жалб этишга рухсатномалар бериш (муддатини узайтириш)ни, шунингдек, ушбу хорижий фуқароларга Ўзбекистон Республикаси ҳудудида меҳнат фаолиятини олиб бориш ҳуқуқини берадиган тасдиқномалар беришни (муддатини узайтириш)ни давлат божи ундирилмаган ҳолда таъминласин.
17. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси А.Ж. Раматов ва Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси раиси Р.А. Гулямов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 11 сентябрь,
ПҚ-3263-сон
Oʻzbekiston Respublikasi Prezidentining
Qarori
Yuqori sifatli etil spirti va likyor-araq mahsulotlari ishlab chiqarishni tashkil etish chora-tadbirlari toʻgʻrisida
Sanoat ishlab chiqarishlarini yanada modernizatsiya qilish, etil spirti va likyor-araq mahsulotlarining zamonaviy ishlab chiqarishlarini tashkil etish, alkogol mahsulotlarining eksport salohiyatini oshirish, uning sifati va raqobatdoshligini orttirish maqsadida:
1. Oʻzbekiston Respublikasi Iqtisodiyot vazirligi, Moliya vazirligi, Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, “Oʻzbekiston temir yoʻllari” AJ, “Oʻzvinosanoat-xolding” AJning:
“Oʻzspirtsanoat” AJga tegishli “Qoʻqon spirt” AJning 51,01 miqdordagi aksiyalarini balans narxi boʻyicha “Oʻzbekiston temir yoʻllari” AJning ustav kapitaliga davlatning ulishi sifatida oʻtkazish toʻgʻrisidagi;
46,98 foiz miqdoridagi davlatga tegishli boʻlgan “Qoʻqon spirt” AJning aksiyalarini balans narxi boʻyicha davlatning ulushi sifatida “Oʻzbekiston temir yoʻllari” AJning ustav kapitaliga oʻtkazish toʻgʻrisidagi;
mazkur bandga muvofiq beriladigan aksiyalarning balans narxi summasi hisobiga “Oʻzbekiston temir yoʻllari” AJning ustav kapitalini oshirish toʻgʻrisidagi taklifi maʼqullansin.
2. “Oʻzbekiston temir yoʻllari” AJning:
soʻngi avlodning ilgʻor texnologiyalaridan foydalangan holda “Lyuks” klassdagi spirtidan oliy sifatli likyor-araq mahsulotlarini quyish boʻyicha “SELENA” MCHJ (Rossiya Federatsiyasi) bilan masʼuliyati cheklangan jamiyat shaklidagi “Premium Uzbekistan” (keyingi oʻrinlarda — “Premium Uzbekistan” MCHJ QK) qoʻshma korxonasini tashkil etish;
Toshkent shahrida yangi likyor-araq zavodining qurilishi uchun “Premium Uzbekistan” MCHJ QKni Toshkent shahri, Yashnobod tumani, Fargʻona yoʻli koʻchasi, 23/35-uy manzili boʻyicha joylashtirish.
“Qoʻqon spirt” AJning sanoat ishlab chiqarishlarini modernizatsiya qilish toʻgʻrisidagi takliflariga rozilik berilsin.
3. Maʼlumot uchun qabul qilinsinki, “Premium Uzbekistan” MCHJ QKning birlamchi ustav kapitali ekvivalenti 150,0 ming AQSH dollarini tashkil etadi, bundan “CELENA” MCHJning ulushi 51 foiz miqdorida va “Oʻzbekiston temir yoʻllari” AJning ulushi 49 foiz miqdoridagi pul mablagʻlari hisobidan shakllantiriladi.
4. Belgilansinki:
Toshkent shahrida yangi likyor-araq zavodining qurilishi “SELENA” MCHJning toʻgʻridan-toʻgʻri investitsiyalari hisobidan amalga oshiriladi, keyinchalik ular tashkil etilayotgan qoʻshma korxonaning ustav kapitaliga yoʻnaltiriladi;
“Qoʻqon spirt” AJni modernizatsiya qilish “CELENA” MCHJning “Oʻzbekiston temir yoʻllari” AJga ajratiladigan qarzlari hisobidan amalga oshiriladi.
5. Belgilansinki, Toshkent shahrida yangi likyor-araq zavodining qurilishi va “Qoʻqon spirt” AJni modernizatsiya qilish (keyingi oʻrinlarda — loyihalar) 2017 — 2020-yillarda bir bosqichli tartibda texnik-iqtisodiy asos bilan bir vaqtda amalga oshiriladi.
6. Loyihalarni amalga oshirish doirasida:
Toshkent shahrida yangi likyor-araq zavodini qurish boʻyicha bosh buyurtmachi etib — “Premium Uzbekistan” MCHJ;
“Qoʻqon spirt” AJni modernizatsiya qilish boʻyicha bosh buyurtmachi etib — “Oʻzbekiston temir yoʻllari” AJ;
bosh loyiha tashkiloti etib — “Oʻzogʻirsanoatloyiha” instituti” AJ;
bosh pudratchi tashkilot etib — “SK Alfa stroy” MCHJ belgilansin.
10. “Oʻzbekiston temir yoʻllari” AJ:
uch oy muddatda “Qoʻqon spirt” AJni texnik auditdan oʻtkazilishini taʼminlasin;
“Qoʻqon spirt” AJ bilan birgalikda boshqa aksiyadorlardan aksiyalarni sotib olish maqsadida jamiyatning aksiyalari bozor narxini belgilanishini taʼminlasin;
bir oy muddatda “Qoʻqon spirt” AJga qaram boʻlgan xoʻjalik jamiyatlarining keyingi faoliyatini tashkil etish boʻyicha takliflar kiritsin;
“Qoʻqon spirt” AJ bilan birgalikda qonun hujjatlariga muvofiq aksiyadorlar aniqlanmagani holatida — pul vositalari notarial idoraning depozit hisobvaragʻiga oʻtkazib berilishi taʼminlansin;
Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi bilan birgalikda mazkur qarorning 1-bandiga muvofiq topshiriladigan aksiyalar narxi summasiga “Oʻzbekiston temir yoʻllari” AJning ustav kapitalida davlatning ulushi oshirilishini taʼminlasin.
11. “Oʻzvinsanoat-xolding” AJ Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi bilan birgalikda “Oʻzbekiston temir yoʻllari” AJ ustav kapitaliga topshirilayotgan “Qoʻqon spirt” AJning 51,01 foiz aksiyalar narxi summasiga “Oʻzvinsanoat-xolding” AJning ustav kapitalida davlatning ulushi kamaytirilishini taʼminlasin.
12. Oʻzbekiston Respublikasi Iqtisodiyot vazirligi, “Oʻzbekneftgaz” AJ, “Oʻzmetkombinat” AJ va “Oʻzqurilishmateriallari” AJ loyiha hujjatlari parametrlarini hisobga olgan holda buyurtmachi tomonidan asoslangan hisob-kitoblarga koʻra toʻgʻridan-toʻgʻri shartnomalar boʻyicha hamda yetarli hajmlarda sement va metallprokatni — boshqariladigan narxlar boʻyicha yoqilgʻi-moylash materiallarini — kelishilgan narxlarda ajratilishi va yetkazib berilishini taʼminlasin.
13. Oʻzbekiston Respublikasi Arxitektura va qurilish davlat qoʻmitasi (B.I. Zakirov, K.N. Toʻlaganov) belgilangan tartibda loyiha-smeta hujjatlarini davlat ekspertizasidan oʻtkazilishini tashkil etsin xamda loyihalar boʻyicha qurilish-montaj ishlarini amalga oshirish sifati ustidan tegishli nazorat oʻrnatsin.
14. Oʻzbekiston Respublikasi Tashqi ishlar vazirligi “Premium Uzbekistan” MCHJ QKning talabnomalariga koʻra loyihani amalga oshirishda qatnashayotgan xorijiy mutaxassislarga kirish vizalarini konsullik va boshqa yigʻimlar undirilmagan holda rasmiylashtirilishini taʼminlasin.
15. Oʻzbekiston Respublikasi Ichki ishlar vazirligi “Premium Uzbekistan” MCHJ QKning talabnomalariga koʻra loyihani amalga oshirishda qatnashadigan xorijiy mutaxassislarga, xorijiy kompaniyalar xodimlariga koʻp martalik vizalarni rasmiylashtirish, berish va muddatini uzaytirish, shuningdek, turgan joyi boʻyicha roʻyxatdan oʻtkazilishi va uning muddatini uzaytirishni davlat boji undirilmagan holda amalga oshirishni taʼminlasin.
16. Oʻzbekiston Respublikasi Bandlik va mehnat munosabatlari vazirligi “Premium Uzbekistan” MCHJ QKning talabnomalariga koʻra loyihani amalga oshirishda ishtirok etish uchun xorijiy mutaxassislarni Oʻzbekiston Respublikasiga jalb etishga ruxsatnomalar berish (muddatini uzaytirish)ni, shuningdek, ushbu xorijiy fuqarolarga Oʻzbekiston Respublikasi hududida mehnat faoliyatini olib borish huquqini beradigan tasdiqnomalar berishni (muddatini uzaytirish)ni davlat boji undirilmagan holda taʼminlasin.
17. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov va Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi raisi R.A. Gulyamov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 11-sentabr,
PQ-3263-son
Президента Республики Узбекистан
Постановление
О мерах по организации производства высококачественного этилового спирта и ликеро-водочной продукции
В целях дальнейшей модернизации промышленных производств, организации современного производства этилового спирта и ликеро-водочной продукции, увеличения экспортного потенциала алкогольной продукции, повышения ее качества и конкурентоспособности:
1. Одобрить предложение Министерства экономики, Министерства финансов Республики Узбекистан, Государственного комитета Республики Узбекистан по содействию приватизированным предприятиям и развитию конкуренции, АО «Узбекистон темир йуллари», АО «Узвинпром-холдинг»:
о передаче по балансовой стоимости акций АО «Кукон спирт», принадлежащих АО «Узспиртсаноат» в размере 51,01 процента, в уставный капитал АО «Узбекистон темир йуллари» в качестве вклада государства;
о передаче по балансовой стоимости акций АО «Кукон спирт», принадлежащих государству в размере 46,98 процента, в уставный капитал АО «Узбекистон темир йуллари» в качестве вклада государства;
об увеличении уставного капитала АО «Узбекистон темир йуллари» на сумму балансовой стоимости акций, передаваемых согласно настоящему пункту.
2. Согласиться с предложениями АО «Узбекистон темир йуллари» о:
создании совместно с ООО «СЕЛЕНА» (Российская Федерация) совместного предприятия «Premium Uzbekistan» в форме общества с ограниченной ответственностью (далее — СП ООО «Premium Uzbekistan») по розливу ликеро-водочной продукции высшего качества из спирта класса «Люкс» с использованием передовых технологий последнего поколения;
размещении СП ООО «Premium Uzbekistan» по адресу: г. Ташкент, Яшнабадский район, ул. Фаргона йули, 23/35 для строительства нового ликеро-водочного завода в городе Ташкенте.
модернизации промышленных производств АО «Кукон спирт».
3. Принять к сведению, что размер первоначального уставного капитала СП ООО «Premium Uzbekistan» составляет в эквиваленте 150,0 тыс. долларов США, из которых доля ООО «СЕЛЕНА» в размере 51 процента и АО «Узбекистон темир йуллари» в размере 49 процентов формируются за счет денежных средств.
4. Определить, что:
строительство нового ликеро-водочного завода в городе Ташкенте будет осуществляться за счет прямых инвестиций ООО «СЕЛЕНА» с последующим направлением их в уставный капитал создаваемого совместного предприятия;
модернизация АО «Кукон спирт» будет осуществляться за счет займов ООО «СЕЛЕНА», выделяемых АО «Узбекистон темир йуллари».
5. Установить, что строительство нового ликеро-водочного завода в городе Ташкенте и модернизация АО «Кукон спирт» (далее — проекты) будут осуществляться в 2017 — 2020 годах в одностадийном порядке с разработкой технико-экономических обоснований.
6. Определить в рамках реализации проектов:
генеральным заказчиком по строительству нового ликеро-водочного завода в городе Ташкенте — СП ООО «Premium Uzbekistan»;
генеральным заказчиком по модернизации АО «Кукон спирт» — АО «Узбекистон темир йуллари»;
генеральной проектной организацией — АО «Oʻzogʻirsanoatloyiha» instituti;
генеральной подрядной организацией — ООО «СК Альфа строй».
10. АО «Узбекистон темир йуллари»:
в трехмесячный срок обеспечить проведение технического аудита АО «Кукон спирт»;
совместно с АО «Кукон спирт» обеспечить определение рыночной стоимости акций общества в целях выкупа акций у остальных акционеров;
в месячный срок внести предложения по организации дальнейшей деятельности зависимых хозяйственных обществ АО «Кукон спирт»;
совместно с АО «Кукон спирт» в соответствии с законодательством обеспечить перечисление денежных средств на депозит нотариальной конторы — при отсутствии акционеров;
совместно с Государственным комитетом Республики Узбекистан по содействию приватизированным предприятиям и развитию конкуренции обеспечить увеличение государственной доли в уставном капитале АО «Узбекистон темир йуллари» на сумму стоимости акций, передаваемых согласно пункту 1 настоящего постановления.
11. АО «Узвинпром-холдинг» совместно с Государственным комитетом Республики Узбекистан по содействию приватизированным предприятиям и развитию конкуренции обеспечить уменьшение доли государства в уставном капитале АО «Узвинпром-холдинг» на сумму стоимости 51,01 процента акций АО «Кукон спирт», передаваемых в уставный капитал АО «Узбекистон темир йуллари».
12. Министерству экономики Республики Узбекистан, АО «Узбекнефтегаз», АО «Узметкомбинат» и АО «Узкурилишматериаллари» обеспечить по обоснованным расчетам, представляемым заказчиком с учетом параметров проектной документации, выделение и поставку по прямым договорам и в необходимых объемах цемента и металлопроката — по регулируемым ценам, горюче-смазочных материалов — по договорным ценам.
13. Министерству строительства Республики Узбекистан (А.Х. Тухтаев, К.Н. Туляганов) в установленном порядке организовать проведение экспертизы проектно-сметной документации и установить надлежащий контроль за качеством осуществляемых строительно-монтажных работ по проектам.
14. Министерству иностранных дел Республики Узбекистан по заявкам СП ООО «Premium Uzbekistan» обеспечить оформление въездных виз иностранным специалистам, участвующим в реализации проектов, без взимания консульских и иных сборов.
15. Министерству внутренних дел Республики Узбекистан по заявкам СП ООО «Premium Uzbekistan» обеспечить оформление, выдачу и продление многократных виз, а также регистрацию по месту пребывания и продление ее срока иностранных специалистов, персонала иностранных компаний, участвующих в реализации проекта, без взимания государственной пошлины.
16. Министерству занятости и трудовых отношений Республики Узбекистан обеспечивать по заявкам СП ООО «Premium Uzbekistan» выдачу (продление) разрешений на привлечение в Республику Узбекистан иностранных специалистов для участия в реализации проекта, а также выдачу (продление) указанным иностранным гражданам подтверждений на право трудовой деятельности на территории Республики Узбекистан без взимания государственной пошлины.
17. Контроль за исполнением настоящего постановления возложить на первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова и председателя Государственного комитета Республики Узбекистан по содействию приватизированным предприятиям и развитию конкуренции Р.А. Гулямова.
Президент Республики Узбекистан Ш. МИРЗИЁЕВ
г. Ташкент,
11 сентября 2017 г.,
№ ПП-3263