📅 2017-yil 12-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 12 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 12 сентября 2017 г. · Постановления Президента
Официальный текст. Официальный документ. Редакционные примечания не включены.
📅 12 September 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Аҳолининг кам таъминланган қатламларини қўллаб-қувватлашга оид қўшимча чора-тадбирлар тўғрисида
2017 — 2021 йилларда Ўзбекистон Республикасини ривожлантиришнинг бешта устувор йўналишлари бўйича Ҳаракатлар стратегияси тадбирларини тобора амалга ошириш ҳамда Ўзбекистон Республикаси Президентининг «Валюта сиёсатини либераллаштириш бўйича биринчи навбатдаги чора-тадбирлар тўғрисида» 2017 йил 2 сентябрдаги ПФ-5177-сонли Фармони ижросини таъминлаш мақсадида:
1. Ўзбекистон Касаба уюшмалари Федерацияси Кенгаши ва Ўзбекистон «Маҳалла» хайрия жамоат фондининг Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, тижорат банклари билан биргаликда 2017-2018 йилларда аҳолининг кам таъминланган қатламларини ижтимоий қўллаб-қувватлаш бўйича ҳудудий манзилли дастурларини ишлаб чиқиш таклифи маъқуллансин, уларда қуйидагилар назарда тутилади:
а) муайян меҳнат турлари билан шуғулланиш истаги бўлган кам таъминланган оилаларга уларнинг оилаларини етарли даражада таъминлаш имконини берадиган, тижорат банкларининг имтиёзли фоиз ставкаси бўйича қуйидаги мақсадларга микрокредитлар тақдим этиш:
ҳунармандчилик фаолияти учун тикув машиналари, газламалар ва сарфланадиган материаллар, анжомлар, мустақил шуғулланишни таъминлаш учун маиший техника, компьютер ва бошқа техникани, шунингдек турли асбобларни сотиб олиш;
шахсий томорқа участкаларини ривожлантириш (кичик иссиқхоналарни ташкил этиш, чорва моллари, паррандаларни сотиб олиш, қўралар ва паррандахоналарни қуриш, боғдорчилик анжомлари ва асбоб-ускуналарини сотиб олиш), турар жойларни таъмирлаш;
б) оғир уй-жой маиший шароитларда яшаётган, боқувчисини йўқотган, ногиронларни парвариш қилаётган оилаларга қуйидаги мақсадлар учун:
уй-жойи бўлмаган ёки авария ҳолатидаги ва жуда эски уйларда яшовчи республиканинг ҳар бир тумани ва шаҳридаги ўрта ҳисобда 2 ва 5 та оилага 2017 ва 2018 йилларда арзон уй-жойларни 10 йил мобайнида давлат ихтиёрига ўтказиш ҳуқуқисиз олиш;
республиканинг ҳар бир тумани ва шаҳридан ўрта ҳисобда тегишинча 10 ва 25 та кам таъминланган оиланинг уй-жойларини 2017 ва 2018 йилларда таъмирлаш (томларни таъмирлаш, пол қоқиш, деразаларни алмаштириш ва ҳоказо);
республиканинг ҳар бир тумани ва шаҳридан ўрта ҳисобда 70 тагача оилаларга ҳар йили маиший техника (газ ва электр печлар, холодильниклар, тикув машиналари ва ҳ. к.) ёки бир бошдан қорамол харид қилиш;
оғир касалликлар мавжуд бўлган тақдирда тиббий хизматлар ҳақини тўлаш ва уларнинг ҳақини тўлашга маблағ бўлмаган тақдирда республиканинг ҳар бир тумани ва шаҳридан ўрта ҳисобда 6 тагача кам таъминланган оилаларга беғараз ёрдам кўрсатиш.
2. Белгилансинки, 2017-2018 йилларда аҳолининг кам таъминланган қатламларини ижтимоий қўллаб-қувватлашнинг ҳудудий манзилли дастурлари Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари томонидан Ўзбекистон Республикаси Вазирлар Маҳкамаси билан келишилган ҳолда тасдиқланади.
3. Қуйидагилар белгилаб қўйилсин:
ушбу қарор 1-бандининг «б» кичик бандида назарда тутилган тадбирларни молиялаштириш Ўзбекистон Республикаси Давлат бюджети, Касаба уюшмалари Федерацияси Кенгаши ва Ўзбекистон «Маҳалла» хайрия жамоат фонди маблағлари ҳисобидан маблағларни жамлаш учун очиладиган махсус банк ҳисобварақлари орқали тенг улушларда амалга оширилади;
аҳолининг кам таъминланган қатламларини ижтимоий қўллаб-қувватлаш ҳудудий манзилли дастурларини амалга ошириш бўйича Ўзбекистон Касаба уюшмалари Федерацияси Кенгашининг сарф-харажатлари 2017 йилда Ўзбекистон Республикасининг республика бюджети, Қорақалпоғистон Республикаси бюджети, вилоятлар ва Тошкент шаҳрининг маҳаллий бюджетлари маблағлари ҳисобига тенг улушларда қопланади.
Ўзбекистон Республикаси Молия вазирлиги (Б.А. Ходжаев) Ўзбекистон Республикасининг 2018 йилги Давлат бюджети параметрларини шакллантиришда Ўзбекистон Касаба уюшмалари Федерацияси Кенгашининг 2018 йилги ҳудудий манзилли дастурларини молиялаштириш сарф-харажатларини қоплаш манбаларини назарда тутсин.
8. Ўзбекистон Республикаси Бандлик ва меҳнат муносабатлари вазирлиги ҳамда Молия вазирлиги 2017-2018 йилларда 14 ёшгача бўлган болалари бор оилаларга нафақалар тўлаш ва кам таъминланган оилаларга моддий ёрдам кўрсатиш тарзида кам таъминланган оилаларни қўллаб-қувватлашга бюджет маблағлари кўпайтирилишини таъминласин, уларни олувчилар контингентини тегишли равишда 1,5 ва 2 баробар кенгайтирсин.
Ўзбекистон Республикаси Молия вазирлиги 14 ёшгача бўлган болалари бор оилаларга нафақалар тўлаш ва кам таъминланган оилаларга моддий ёрдам беришни молиялаштириш учун қўшимча бюджет маблағлари ажратсин.
9. Ўзбекистон Республикаси Молия вазирлигининг Давлат молия назорати бош бошқармаси ушбу қарорга мувофиқ Ўзбекистон Республикасининг Давлат бюджетидан ажратилаётган бюджет маблағларидан самарали ва мақсадли фойдаланилиши устидан қаттиқ назоратни таъминласин.
10. Ўзбекистон Республикаси Молия вазирлиги Марказий банк, Адлия вазирлиги ҳамда бошқа манфаатдор вазирликлар ва идоралар билан биргаликда бир ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.
11. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Бош вазирининг ўринбосари Д.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 12 сентябрь,
ПҚ-3268-сон
Oʻzbekiston Respublikasi Prezidentining
Qarori
Aholining kam taʼminlangan qatlamlarini qoʻllab-quvvatlashga oid qoʻshimcha chora-tadbirlar toʻgʻrisida
2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishlari boʻyicha Harakatlar strategiyasi tadbirlarini tobora amalga oshirish hamda Oʻzbekiston Respublikasi Prezidentining “Valyuta siyosatini liberallashtirish boʻyicha birinchi navbatdagi chora-tadbirlar toʻgʻrisida” 2017-yil 2-sentabrdagi PF-5177-sonli Farmoni ijrosini taʼminlash maqsadida:
1. Oʻzbekiston Kasaba uyushmalari Federatsiyasi Kengashi va Oʻzbekiston “Mahalla” xayriya jamoat fondining Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, tijorat banklari bilan birgalikda 2017-2018-yillarda aholining kam taʼminlangan qatlamlarini ijtimoiy qoʻllab-quvvatlash boʻyicha hududiy manzilli dasturlarini ishlab chiqish taklifi maʼqullansin, ularda quyidagilar nazarda tutiladi:
a) muayyan mehnat turlari bilan shugʻullanish istagi boʻlgan kam taʼminlangan oilalarga ularning oilalarini yetarli darajada taʼminlash imkonini beradigan, tijorat banklarining imtiyozli foiz stavkasi boʻyicha quyidagi maqsadlarga mikrokreditlar taqdim etish:
hunarmandchilik faoliyati uchun tikuv mashinalari, gazlamalar va sarflanadigan materiallar, anjomlar, mustaqil shugʻullanishni taʼminlash uchun maishiy texnika, kompyuter va boshqa texnikani, shuningdek turli asboblarni sotib olish;
shaxsiy tomorqa uchastkalarini rivojlantirish (kichik issiqxonalarni tashkil etish, chorva mollari, parrandalarni sotib olish, qoʻralar va parrandaxonalarni qurish, bogʻdorchilik anjomlari va asbob-uskunalarini sotib olish), turar joylarni taʼmirlash;
b) ogʻir uy-joy maishiy sharoitlarda yashayotgan, boquvchisini yoʻqotgan, nogironlarni parvarish qilayotgan oilalarga quyidagi maqsadlar uchun:
uy-joyi boʻlmagan yoki avariya holatidagi va juda eski uylarda yashovchi respublikaning har bir tumani va shahridagi oʻrta hisobda 2 va 5 ta oilaga 2017 va 2018-yillarda arzon uy-joylarni 10 yil mobaynida davlat ixtiyoriga oʻtkazish huquqisiz olish;
respublikaning har bir tumani va shahridan oʻrta hisobda tegishincha 10 va 25 ta kam taʼminlangan oilaning uy-joylarini 2017 va 2018-yillarda taʼmirlash (tomlarni taʼmirlash, pol qoqish, derazalarni almashtirish va hokazo);
respublikaning har bir tumani va shahridan oʻrta hisobda 70 tagacha oilalarga har yili maishiy texnika (gaz va elektr pechlar, xolodilniklar, tikuv mashinalari va h. k.) yoki bir boshdan qoramol xarid qilish;
ogʻir kasalliklar mavjud boʻlgan taqdirda tibbiy xizmatlar haqini toʻlash va ularning haqini toʻlashga mablagʻ boʻlmagan taqdirda respublikaning har bir tumani va shahridan oʻrta hisobda 6 tagacha kam taʼminlangan oilalarga begʻaraz yordam koʻrsatish.
2. Belgilansinki, 2017-2018-yillarda aholining kam taʼminlangan qatlamlarini ijtimoiy qoʻllab-quvvatlashning hududiy manzilli dasturlari Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari tomonidan Oʻzbekiston Respublikasi Vazirlar Mahkamasi bilan kelishilgan holda tasdiqlanadi.
3. Quyidagilar belgilab qoʻyilsin:
ushbu qaror 1-bandining “b” kichik bandida nazarda tutilgan tadbirlarni moliyalashtirish Oʻzbekiston Respublikasi Davlat budjeti, Kasaba uyushmalari Federatsiyasi Kengashi va Oʻzbekiston “Mahalla” xayriya jamoat fondi mablagʻlari hisobidan mablagʻlarni jamlash uchun ochiladigan maxsus bank hisobvaraqlari orqali teng ulushlarda amalga oshiriladi;
aholining kam taʼminlangan qatlamlarini ijtimoiy qoʻllab-quvvatlash hududiy manzilli dasturlarini amalga oshirish boʻyicha Oʻzbekiston Kasaba uyushmalari Federatsiyasi Kengashining sarf-xarajatlari 2017-yilda Oʻzbekiston Respublikasining respublika budjeti, Qoraqalpogʻiston Respublikasi budjeti, viloyatlar va Toshkent shahrining mahalliy budjetlari mablagʻlari hisobiga teng ulushlarda qoplanadi.
Oʻzbekiston Respublikasi Moliya vazirligi (B.A. Xodjayev) Oʻzbekiston Respublikasining 2018-yilgi Davlat budjeti parametrlarini shakllantirishda Oʻzbekiston Kasaba uyushmalari Federatsiyasi Kengashining 2018-yilgi hududiy manzilli dasturlarini moliyalashtirish sarf-xarajatlarini qoplash manbalarini nazarda tutsin.
8. Oʻzbekiston Respublikasi Bandlik va mehnat munosabatlari vazirligi hamda Moliya vazirligi 2017-2018-yillarda 14 yoshgacha boʻlgan bolalari bor oilalarga nafaqalar toʻlash va kam taʼminlangan oilalarga moddiy yordam koʻrsatish tarzida kam taʼminlangan oilalarni qoʻllab-quvvatlashga budjet mablagʻlari koʻpaytirilishini taʼminlasin, ularni oluvchilar kontingentini tegishli ravishda 1,5 va 2 barobar kengaytirsin.
Oʻzbekiston Respublikasi Moliya vazirligi 14 yoshgacha boʻlgan bolalari bor oilalarga nafaqalar toʻlash va kam taʼminlangan oilalarga moddiy yordam berishni moliyalashtirish uchun qoʻshimcha budjet mablagʻlari ajratsin.
9. Oʻzbekiston Respublikasi Moliya vazirligining Davlat moliya nazorati bosh boshqarmasi ushbu qarorga muvofiq Oʻzbekiston Respublikasining Davlat budjetidan ajratilayotgan budjet mablagʻlaridan samarali va maqsadli foydalanilishi ustidan qattiq nazoratni taʼminlasin.
10. Oʻzbekiston Respublikasi Moliya vazirligi Markaziy bank, Adliya vazirligi hamda boshqa manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.
11. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Bosh vazirining oʻrinbosari D.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 12-sentabr,
PQ-3268-son
Президента Республики Узбекистан
Постановление
О дополнительных мерах по поддержке малообеспеченных слоев населения
В целях дальнейшей реализации мер Стратегии действий по пяти приоритетным направлениям развития Республики Узбекистан в 2017 — 2021 годах, и во исполнение Указа Президента Республики Узбекистан от 3 сентября 2017 года № УП-5177 «О первоочередных мерах по либерализации валютной политики»:
1. Одобрить предложение Совета Федерации профсоюзов Узбекистана и благотворительного общественного фонда Узбекистана «Махалла» о разработке совместно с Советом Министров Республики Каракалпакстан, хокимиятами областей и г. Ташкента, коммерческими банками территориальных адресных программ социальной поддержки малообеспеченных слоев населения на 2017-2018 годы, предусматривающих:
а) предоставление малообеспеченным семьям, имеющим желание заниматься определенными видами трудозанятости, обеспечивающей самодостаточность их семьи, микрокредитов по льготной процентной ставке коммерческих банков, на следующие цели:
приобретение швейных машин, тканей и расходных материалов, инвентаря для ремесленнической деятельности, бытовой, компьютерной и другой техники, а также различных инструментов для обеспечения самозанятости;
развитие личных приусадебных участков (организацию мини-теплиц, приобретение скота, птицы, устройство загонов и птичников, закуп садового инвентаря и инструментов) и ремонт жилья;
б) оказание безвозмездной помощи семьям, живущим в тяжелых жилищно-бытовых условиях, потерявшим кормильца, ухаживающим за инвалидами, на следующие цели:
приобретение доступного жилья в 2017 и 2018 годах в среднем 2 и 5 семьям соответственно из каждого района и города республики, не имеющим жилья или проживающим в аварийных и ветхих домах, без права отчуждения в течение 10 лет;
ремонт жилья (ремонт кровли, настил пола, замена окон и т. п.) в 2017 и 2018 годах в среднем 10 и 25 малообеспеченным семьям соответственно из каждого района и города республики;
приобретение ежегодно бытовой техники (газо- и электропечи, холодильники, швейные машины и т. п.) или по одной единице крупного рогатого скота в среднем до 70 семьям из каждого района и города республики;
оплату медицинских услуг при наличии тяжелых заболеваний и отсутствии средств на их оплату в среднем до 6 малообеспеченным семьям из каждого района и города республики.
2. Установить, что территориальные адресные программы социальной поддержки малообеспеченных слоев населения на 2017-2018 годы утверждаются Советом Министров Республики Каракалпакстан, хокимиятами областей и г. Ташкента по согласованию с Кабинетом Министров Республики Узбекистан.
3. Определить, что:
финансирование мероприятий, предусмотренных в подпункте «б» пункта 1 настоящего постановления, осуществляется в равных долях за счет средств Государственного бюджета Республики Узбекистан, Совета Федерации профсоюзов и благотворительного общественного фонда Узбекистана «Махалла» через открываемые специальные банковские счета для аккумулирования средств;
расходы Совета Федерации профсоюзов Узбекистана по реализации территориальных адресных программ социальной поддержки малообеспеченных слоев населения покрываются в 2017 году за счет средств республиканского бюджета Республики Узбекистан, бюджета Республики Каракалпакстан, местных бюджетов областей и г. Ташкента в равных долях.
Министерству финансов Республики Узбекистан (Б.А. Ходжаев) при формировании параметров Государственного бюджета Республики Узбекистан на 2018 год предусмотреть источники покрытия расходов Совета Федерации профсоюзов Узбекистана на финансирование территориальных адресных программ на 2018 год.
8. Министерству занятости и трудовых отношений и Министерству финансов Республики Узбекистан обеспечить увеличение в 2017-2018 годах бюджетные ассигнования на поддержку малообеспеченных семей в виде выплат пособий семьям с детьми в возрасте до 14 лет и материальной помощи малообеспеченным семьям, с расширением контингента получателей до 1,5 и 2 раз соответственно.
Министерству финансов Республики Узбекистан выделить дополнительные бюджетные ассигнования для финансирования выплат пособия семьям с детьми в возрасте до 14 лет и материальной помощи малообеспеченным семьям.
9. Главному управлению государственного финансового контроля Министерства финансов Республики Узбекистан обеспечить строгий контроль за эффективным и целевым использованием бюджетных средств, выделяемых из Государственного бюджета Республики Узбекистан в соответствии с настоящим постановлением.
10. Министерству финансов совместно с Центральным банком, Министерством юстиции Республики Узбекистан, другими заинтересованными министерствами и ведомствами в месячный срок внести в Кабинет Министров предложения об изменениях и дополнениях в законодательство, вытекающие из настоящего постановления.
11. Контроль за исполнением настоящего постановления возложить на Премьер-министра Республики Узбекистан А.Н. Арипова и заместителя Премьер-министра Республики Узбекистан Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
12 сентября 2017 г.,
№ ПП-3268