📅 2017-yil 14-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 14 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 14 сентября 2017 г. · Постановления Президента
Официальный текст. Официальный документ. Редакционные примечания не включены.
📅 14 September 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ШАРҲ
Муҳаммад ал-Хоразмий номидаги ихтисослаштирилган мактабни ташкил этиш тўғрисида
Улуғ аллома Муҳаммад ал-Хоразмийнинг буюк ва бебаҳо меросини қадрлаш, уни ёш авлод онгига чуқур сингдириш, ўқувчиларнинг аниқ фанларнинг юксак марраларини забт этишига кўмаклашиш, ахборот-коммуникация технологиялари соҳасидаги иқтидорларини аниқлаш ҳамда қобилиятларини рўёбга чиқариш учун зарур шарт-шароитлар яратиш мақсадида:
1. Ўзбекистон Республикаси Ахборот технологиялари ва коммуникацияларини ривожлантириш вазирлиги ҳамда Халқ таълими вазирлигининг Ўзбекистон Республикаси Ахборот технологиялари ва коммуникацияларини ривожлантириш вазирлиги тасарруфидаги Муҳаммад ал-Хоразмий номидаги ахборот-коммуникация технологиялари йўналишига оид фанларни чуқурлаштириб ўқитишга ихтисослаштирилган мактабни (кейинги ўринларда Ихтисослаштирилган мактаб деб аталади) ташкил этиш тўғрисидаги таклифига розилик берилсин.
2. Қуйидагилар Ихтисослаштирилган мактабнинг асосий вазифалари этиб белгилансин:
умумий ўрта таълимнинг давлат таълим стандартлари асосида замонавий ахборот ва педагогик технологиялардан кенг фойдаланган ҳолда математика, физика, информатика ва чет тили фанларининг чуқур ўқитилишини ташкил этиш;
ўқувчиларда дастурлаш асосларини, маълумотлар базаларини шакллантириш ва ахборот хавфсизлиги кўникмалари ва медиа маданиятни мактаб давридан бошлаб шакллантириш;
юқори касб маҳоратига эга бўлган педагогларни жалб этган ҳолда ўқувчиларнинг ёш математиклар, ёш физиклар, ёш дастурчилар, ёш ихтирочилар жамоаларини ташкил қилиш, уларнинг республика ва халқаро фан олимпиадаларида мунтазам иштирок этишларини таъминлаш;
ўқувчиларни чет тилини билиш даражасини тасдиқловчи миллий ва халқаро эътироф этилган сертификатлар олишга тайёрлаш;
ўқув жараёнининг ишлаб чиқариш ва хизмат кўрсатиш соҳалари билан узвийлигини таъминлаш мақсадида 10-11-синф ўқувчиларининг ахборот-коммуникация технологиялари йўналишидаги етакчи ташкилотларда ишлаб чиқариш амалиёти ўташларини ташкил этиш.
3. Ўзбекистон Республикаси Ахборот технологиялари ва коммуникацияларини ривожлантириш вазирлиги ҳамда Олий ва ўрта махсус таълим вазирлигининг:
Ихтисослаштирилган мактабни Олий ва ўрта махсус таълим вазирлиги тизимидаги Тошкент давлат иқтисодиёт университети қошидаги аниқ фанларга ихтисослаштирилган давлат умумтаълим мактаби негизида ташкил этиш;
Тошкент шаҳар, Мирзо Улуғбек тумани, Тепамасжид кўчаси, 4-уй манзилида жойлашган Мирзо Улуғбек информатика касб-ҳунар коллежининг бино ва иншоотларини тегишли ҳудуди билан бирга Ихтисослаштирилган мактабга оператив бошқариш ҳуқуқи асосида бепул бериш;
Мирзо Улуғбек информатика касб-ҳунар коллежининг 2-3-босқич ўқувчилари Ихтисослаштирилган мактаб биносида ўқишни битиргунларига қадар давом эттириш тўғрисидаги таклифлари маъқуллансин.
4. Белгилансинки:
Ихтисослаштирилган мактабга ўқувчилар Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлиги томонидан белгиланадиган квота доирасида 5-синфдан бошлаб танлов асосида қабул қилинади;
Ихтисослаштирилган мактабнинг биноларини таъмирлаш ва реконструкция қилиш, зарурат бўлганда янги бинолар қуриш, синф ва лаборатория хоналарини, кутубхона ва бошқа иншоотларини замонавий жиҳоз, мебель, компьютер ва бошқа ўқув-лаборатория воситалари билан жиҳозлаш, ўқув адабиётлари ва методик қўлланмалар билан таъминлаш, юқори касб маҳоратига эга ўқитувчилар ва ходимларни қўшимча рағбатлантириш Рақамли технологияларни ривожлантириш жамғармаси ва Мактабгача ва мактаб таълими вазирлиги ҳузуридаги Ихтисослаштирилган таълим муассасалари агентлиги ҳузуридаги Иқтидорли ёшларни қўллаб-қувватлаш жамғармаси маблағлари ҳисобидан амалга оширилади;
Ихтисослаштирилган мактабни сақлаш билан боғлиқ харажатлар белгиланган тартибда Ўзбекистон Республикаси Давлат бюджети маблағлари ва қонун ҳужжатларида тақиқланмаган бошқа манбалар ҳисобидан молиялаштирилади.
5. Ўзбекистон Республикаси Ахборот технологиялари ва коммуникацияларини ривожлантириш вазирлиги Халқ таълими вазирлиги билан биргаликда:
Ихтисослаштирилган мактабни ахборот-коммуникация технологиялари йўналишида юқори малакали педагог кадрлар билан таъминлаш, ўқув-тарбия жараёнини халқаро андозалар асосида ташкил этиш мақсадида унга Муҳаммад ал-Хоразмий номидаги Тошкент ахборот технологиялари университети ва Тошкент шаҳридаги Инха университети профессор-ўқитувчиларини белгиланган тартибда жалб этсин;
бир ҳафта муддатда — Ихтисослаштирилган мактабнинг уставини тасдиқласин ҳамда унинг белгиланган тартибда давлат рўйхатидан ўтказилишини таъминласин;
уч ой муддатда — республиканинг мактаб ёшидаги иқтидорли ўқувчиларига математика, физика ва информатика фанларини интеграциялашган ҳолда қамраб олган кўрик-танлов натижаларига кўра бериладиган «Муҳаммад ал-Хоразмий издошлари» номли мукофотни таъсис этсин.
6. 2017-2018 ўқув йилидан бошлаб Ўзбекистон Республикаси Халқ таълими вазирлиги Ахборот технологиялари ва коммуникацияларини ривожлантириш вазирлиги билан биргаликда Ихтисослаштирилган мактабнинг эҳтиёжларидан келиб чиққан ҳолда, белгиланган тартибда мактабнинг кутубхона фондини зарур дарсликлар ва ўқув-методик қўлланмалар билан таъминлаш чораларини кўрсин.
7. Ўзбекистон Республикаси Молия вазирлиги мазкур қарордан келиб чиққан ҳолда, Ўзбекистон Республикаси Ахборот технологиялари ва коммуникацияларини ривожлантириш вазирлиги ҳамда Халқ таълими вазирлигининг асосланган ҳисоб-китобларига биноан 2017 йилги Давлат бюджети параметрларига тегишли ўзгартиришлар киритсин.
8. Мазкур қарорнинг бажарилишини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг Давлат маслаҳатчиси А.Н. Юнусходжаев зиммасига юклансин.
Ўзбекистон Республикаси Президентининг «Муҳаммад ал-Хоразмий номидаги ахборот-коммуникация технологиялари йўналишига оид фанларни чуқурлаштириб ўқитишга ихтисослаштирилган мактабни ташкил этиш тўғрисида»ги қарорига
Замонавий ахборот-коммуникация технологияларининг жадал ривожланиб бориши мазкур соҳада хизмат қилишга қодир кадрларни тайёрлаш масаласини ўта долзарб вазифага айлантирди. Хорижий давлатларда коммуникация технологиялари халқ хўжалигининг барча соҳаларига жорий этилгани сиёсий-ижтимоий ва иқтисодий соҳаларнинг ривожига ҳам ўз таъсирини кўрсатмоқда. Иқтисодиёт кўрсаткичларининг ижобий ўсиши ахборот-коммуникация технологиялари соҳасига янгидан-янги инвестицияларнинг киритилишига олиб келади. Энг муҳим инвестиция эса, кадрларни тайёрлашга, уларни ёшлик давридан тайёрлаб боришга катта эътибор қаратишдир. Улуғ аждодимиз Муҳаммад ал-Хоразмий номидаги ахборот-коммуникация технологиялари йўналишига оид чуқурлаштириб ўқитишга ихтисослаштирилган мактаб ташкил этилиши ҳам айнан ана шу вазифани амалга оширишдаги илк қадам бўлмоқда. Ўзбекистон Республикасида охирги йилларда замонавий ахборот-коммуникация технологияларини жамиятнинг барча соҳалари, шу жумладан, давлат бошқаруви, жамият, таълим, тиббиёт соҳаларига жорий этиш ҳамда давлат хизматларини тақдим этиш бўйича йирик ислоҳотлар амалга оширилди ва оширилмоқда. Мазкур мактабнинг ташкил этилиши даврнинг ана шу даъватига жавоб бера оладиган кадрларни ёшлигиданоқ тайёрлаб бориш, соҳада етук ҳамда замон талабларига жавоб берадиган кадрлар тайёрлашга замин яратади. Мактабни ташкил этишдан асосий мақсад — улуғ аждодимиз Муҳаммад ал-Хоразмийнинг буюк ва бебаҳо меросини қадрлаш, ўрганиш ва тадқиқ этиш, уни ёш авлод онгига чуқур сингдириш, ўқувчиларга аниқ фанларнинг юксак чўққиларини забт этиш, бошланғич синфлардан бошлаб ўқувчиларнинг ахборот-коммуникация технологиялари соҳасидаги иқтидорини аниқлаш ва уларни қобилиятларини рўёбга чиқариш учун зарур шарт-шароитлар базасини яратишдан иборатдир. Ихтисослаштирилган мактабнинг асосий вазифалари этиб — ахборот-коммуникация технологияларини кенг жалб қилган ҳолда математика, физика, информатика ва чет тили фанларини чуқур ўзлаштирилишига эришиш, ўқувчиларни дастурлаш асослари, маълумотлар базасини шакллантириш, ахборот хавфсизлигини таъминлаш бўйича кўникмаларга эга қилиш, ахборот ва медиа ҳамда интеллектуал маданиятни мактаб давридан бошлаб шакллантиришдан иборатдир. Шунингдек, мазкур соҳада юқори маҳоратга эга педагогларни ҳамда мутахассисларни жалб қилган ҳолда ахборот-коммуникация технологиялари соҳаси махсус мактабини яратиш, ёш математиклар, ёш физиклар, ёш дастурчилар, ёш ихтирочилар жамоаларини тузиш, уларнинг республика ва халқаро фан олимпиадаларида мунтазам ва самарали иштирокини таъминлашни ташкил этиш ҳам мактабнинг асосий вазифаларидандир. Мактаб олдига қўйилаётган талаблардан бири — ана шу мақсадларга эришиш учун юқори малакали, соҳасининг билимдони бўлган ўқитувчи-педагоглар базасини шакллантириш билан биргаликда, мактабда чет тилини ўқитишга ҳам катта эътибор қаратилганидир. Мактабда ўқув жараёни халқаро андозалар асосида олиб борилиши мақсадида унга Муҳаммад ал-Хоразмий номидаги Тошкент ахборот технологиялари университети ҳамда Тошкент шаҳридаги Инҳа университети профессор-ўқитувчиларини ҳам жалб этиш белгиланган. Мазкур қарор билан мактабда таҳсил оладиган ўқувчиларга барча шарт-шароитларни яратиш билан биргаликда уларни қўллаб-қувватлаш, рағбатлантириб бориш, мактаб ёшидаги иқтидорли ўқувчиларга математика, физика, информатика фанларини интеграциялашган ҳолда қамраб олган кўрик-танловлар ўтказиш, уларнинг натижаларига кўра бериладиган «Муҳаммад ал-Хоразмий издошлари» номли мукофот ҳам таъсис этилди. Ихтисослаштирилган мактабнинг ташкил этилиши — республикада ахборот-коммуникация технологиялари соҳасида кадрлар тайёрлаш, келажак авлодни буюк аждодларимизга муносиб этиб тарбиялаш, давр талабларига дадил жавоб бера оладиган мутахассисларга бўлган катта эҳтиёжни қондиришга хизмат қилади.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 14 сентябрь,
ПҚ-3274-сон
Oʻzbekiston Respublikasi Prezidentining
Qarori
SHARH
Muhammad al-Xorazmiy nomidagi ixtisoslashtirilgan maktabni tashkil etish toʻgʻrisida
Ulugʻ alloma Muhammad al-Xorazmiyning buyuk va bebaho merosini qadrlash, uni yosh avlod ongiga chuqur singdirish, oʻquvchilarning aniq fanlarning yuksak marralarini zabt etishiga koʻmaklashish, axborot-kommunikatsiya texnologiyalari sohasidagi iqtidorlarini aniqlash hamda qobiliyatlarini roʻyobga chiqarish uchun zarur shart-sharoitlar yaratish maqsadida:
1. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi hamda Xalq taʼlimi vazirligining Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi tasarrufidagi Muhammad al-Xorazmiy nomidagi axborot-kommunikatsiya texnologiyalari yoʻnalishiga oid fanlarni chuqurlashtirib oʻqitishga ixtisoslashtirilgan maktabni (keyingi oʻrinlarda Ixtisoslashtirilgan maktab deb ataladi) tashkil etish toʻgʻrisidagi taklifiga rozilik berilsin.
2. Quyidagilar Ixtisoslashtirilgan maktabning asosiy vazifalari etib belgilansin:
umumiy oʻrta taʼlimning davlat taʼlim standartlari asosida zamonaviy axborot va pedagogik texnologiyalardan keng foydalangan holda matematika, fizika, informatika va chet tili fanlarining chuqur oʻqitilishini tashkil etish;
oʻquvchilarda dasturlash asoslarini, maʼlumotlar bazalarini shakllantirish va axborot xavfsizligi koʻnikmalari va media madaniyatni maktab davridan boshlab shakllantirish;
yuqori kasb mahoratiga ega boʻlgan pedagoglarni jalb etgan holda oʻquvchilarning yosh matematiklar, yosh fiziklar, yosh dasturchilar, yosh ixtirochilar jamoalarini tashkil qilish, ularning respublika va xalqaro fan olimpiadalarida muntazam ishtirok etishlarini taʼminlash;
oʻquvchilarni chet tilini bilish darajasini tasdiqlovchi milliy va xalqaro eʼtirof etilgan sertifikatlar olishga tayyorlash;
oʻquv jarayonining ishlab chiqarish va xizmat koʻrsatish sohalari bilan uzviyligini taʼminlash maqsadida 10-11-sinf oʻquvchilarining axborot-kommunikatsiya texnologiyalari yoʻnalishidagi yetakchi tashkilotlarda ishlab chiqarish amaliyoti oʻtashlarini tashkil etish.
3. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi hamda Oliy va oʻrta maxsus taʼlim vazirligining:
Ixtisoslashtirilgan maktabni Oliy va oʻrta maxsus taʼlim vazirligi tizimidagi Toshkent davlat iqtisodiyot universiteti qoshidagi aniq fanlarga ixtisoslashtirilgan davlat umumtaʼlim maktabi negizida tashkil etish;
Toshkent shahar, Mirzo Ulugʻbek tumani, Tepamasjid koʻchasi, 4-uy manzilida joylashgan Mirzo Ulugʻbek informatika kasb-hunar kollejining bino va inshootlarini tegishli hududi bilan birga Ixtisoslashtirilgan maktabga operativ boshqarish huquqi asosida bepul berish;
Mirzo Ulugʻbek informatika kasb-hunar kollejining 2-3-bosqich oʻquvchilari Ixtisoslashtirilgan maktab binosida oʻqishni bitirgunlariga qadar davom ettirish toʻgʻrisidagi takliflari maʼqullansin.
4. Belgilansinki:
Ixtisoslashtirilgan maktabga oʻquvchilar Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi tomonidan belgilanadigan kvota doirasida 5-sinfdan boshlab tanlov asosida qabul qilinadi;
Ixtisoslashtirilgan maktabning binolarini taʼmirlash va rekonstruksiya qilish, zarurat boʻlganda yangi binolar qurish, sinf va laboratoriya xonalarini, kutubxona va boshqa inshootlarini zamonaviy jihoz, mebel, kompyuter va boshqa oʻquv-laboratoriya vositalari bilan jihozlash, oʻquv adabiyotlari va metodik qoʻllanmalar bilan taʼminlash, yuqori kasb mahoratiga ega oʻqituvchilar va xodimlarni qoʻshimcha ragʻbatlantirish Raqamli texnologiyalarni rivojlantirish jamgʻarmasi va Maktabgacha va maktab taʼlimi vazirligi huzuridagi Ixtisoslashtirilgan taʼlim muassasalari agentligi huzuridagi Iqtidorli yoshlarni qoʻllab-quvvatlash jamgʻarmasi mablagʻlari hisobidan amalga oshiriladi;
Ixtisoslashtirilgan maktabni saqlash bilan bogʻliq xarajatlar belgilangan tartibda Oʻzbekiston Respublikasi Davlat budjeti mablagʻlari va qonun hujjatlarida taqiqlanmagan boshqa manbalar hisobidan moliyalashtiriladi.
5. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi Xalq taʼlimi vazirligi bilan birgalikda:
Ixtisoslashtirilgan maktabni axborot-kommunikatsiya texnologiyalari yoʻnalishida yuqori malakali pedagog kadrlar bilan taʼminlash, oʻquv-tarbiya jarayonini xalqaro andozalar asosida tashkil etish maqsadida unga Muhammad al-Xorazmiy nomidagi Toshkent axborot texnologiyalari universiteti va Toshkent shahridagi Inxa universiteti professor-oʻqituvchilarini belgilangan tartibda jalb etsin;
bir hafta muddatda — Ixtisoslashtirilgan maktabning ustavini tasdiqlasin hamda uning belgilangan tartibda davlat roʻyxatidan oʻtkazilishini taʼminlasin;
uch oy muddatda — respublikaning maktab yoshidagi iqtidorli oʻquvchilariga matematika, fizika va informatika fanlarini integratsiyalashgan holda qamrab olgan koʻrik-tanlov natijalariga koʻra beriladigan “Muhammad al-Xorazmiy izdoshlari” nomli mukofotni taʼsis etsin.
6. 2017-2018 oʻquv yilidan boshlab Oʻzbekiston Respublikasi Xalq taʼlimi vazirligi Axborot texnologiyalari va kommunikatsiyalarini rivojlantirish vazirligi bilan birgalikda Ixtisoslashtirilgan maktabning ehtiyojlaridan kelib chiqqan holda, belgilangan tartibda maktabning kutubxona fondini zarur darsliklar va oʻquv-metodik qoʻllanmalar bilan taʼminlash choralarini koʻrsin.
7. Oʻzbekiston Respublikasi Moliya vazirligi mazkur qarordan kelib chiqqan holda, Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi hamda Xalq taʼlimi vazirligining asoslangan hisob-kitoblariga binoan 2017-yilgi Davlat budjeti parametrlariga tegishli oʻzgartirishlar kiritsin.
8. Mazkur qarorning bajarilishini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining Davlat maslahatchisi A.N. Yunusxodjayev zimmasiga yuklansin.
Oʻzbekiston Respublikasi Prezidentining “Muhammad al-Xorazmiy nomidagi axborot-kommunikatsiya texnologiyalari yoʻnalishiga oid fanlarni chuqurlashtirib oʻqitishga ixtisoslashtirilgan maktabni tashkil etish toʻgʻrisida”gi qaroriga
Zamonaviy axborot-kommunikatsiya texnologiyalarining jadal rivojlanib borishi mazkur sohada xizmat qilishga qodir kadrlarni tayyorlash masalasini oʻta dolzarb vazifaga aylantirdi. Xorijiy davlatlarda kommunikatsiya texnologiyalari xalq xoʻjaligining barcha sohalariga joriy etilgani siyosiy-ijtimoiy va iqtisodiy sohalarning rivojiga ham oʻz taʼsirini koʻrsatmoqda. Iqtisodiyot koʻrsatkichlarining ijobiy oʻsishi axborot-kommunikatsiya texnologiyalari sohasiga yangidan-yangi investitsiyalarning kiritilishiga olib keladi. Eng muhim investitsiya esa, kadrlarni tayyorlashga, ularni yoshlik davridan tayyorlab borishga katta eʼtibor qaratishdir. Ulugʻ ajdodimiz Muhammad al-Xorazmiy nomidagi axborot-kommunikatsiya texnologiyalari yoʻnalishiga oid chuqurlashtirib oʻqitishga ixtisoslashtirilgan maktab tashkil etilishi ham aynan ana shu vazifani amalga oshirishdagi ilk qadam boʻlmoqda. Oʻzbekiston Respublikasida oxirgi yillarda zamonaviy axborot-kommunikatsiya texnologiyalarini jamiyatning barcha sohalari, shu jumladan, davlat boshqaruvi, jamiyat, taʼlim, tibbiyot sohalariga joriy etish hamda davlat xizmatlarini taqdim etish boʻyicha yirik islohotlar amalga oshirildi va oshirilmoqda. Mazkur maktabning tashkil etilishi davrning ana shu daʼvatiga javob bera oladigan kadrlarni yoshligidanoq tayyorlab borish, sohada yetuk hamda zamon talablariga javob beradigan kadrlar tayyorlashga zamin yaratadi. Maktabni tashkil etishdan asosiy maqsad — ulugʻ ajdodimiz Muhammad al-Xorazmiyning buyuk va bebaho merosini qadrlash, oʻrganish va tadqiq etish, uni yosh avlod ongiga chuqur singdirish, oʻquvchilarga aniq fanlarning yuksak choʻqqilarini zabt etish, boshlangʻich sinflardan boshlab oʻquvchilarning axborot-kommunikatsiya texnologiyalari sohasidagi iqtidorini aniqlash va ularni qobiliyatlarini roʻyobga chiqarish uchun zarur shart-sharoitlar bazasini yaratishdan iboratdir. Ixtisoslashtirilgan maktabning asosiy vazifalari etib — axborot-kommunikatsiya texnologiyalarini keng jalb qilgan holda matematika, fizika, informatika va chet tili fanlarini chuqur oʻzlashtirilishiga erishish, oʻquvchilarni dasturlash asoslari, maʼlumotlar bazasini shakllantirish, axborot xavfsizligini taʼminlash boʻyicha koʻnikmalarga ega qilish, axborot va media hamda intellektual madaniyatni maktab davridan boshlab shakllantirishdan iboratdir. Shuningdek, mazkur sohada yuqori mahoratga ega pedagoglarni hamda mutaxassislarni jalb qilgan holda axborot-kommunikatsiya texnologiyalari sohasi maxsus maktabini yaratish, yosh matematiklar, yosh fiziklar, yosh dasturchilar, yosh ixtirochilar jamoalarini tuzish, ularning respublika va xalqaro fan olimpiadalarida muntazam va samarali ishtirokini taʼminlashni tashkil etish ham maktabning asosiy vazifalaridandir. Maktab oldiga qoʻyilayotgan talablardan biri — ana shu maqsadlarga erishish uchun yuqori malakali, sohasining bilimdoni boʻlgan oʻqituvchi-pedagoglar bazasini shakllantirish bilan birgalikda, maktabda chet tilini oʻqitishga ham katta eʼtibor qaratilganidir. Maktabda oʻquv jarayoni xalqaro andozalar asosida olib borilishi maqsadida unga Muhammad al-Xorazmiy nomidagi Toshkent axborot texnologiyalari universiteti hamda Toshkent shahridagi Inha universiteti professor-oʻqituvchilarini ham jalb etish belgilangan. Mazkur qaror bilan maktabda tahsil oladigan oʻquvchilarga barcha shart-sharoitlarni yaratish bilan birgalikda ularni qoʻllab-quvvatlash, ragʻbatlantirib borish, maktab yoshidagi iqtidorli oʻquvchilarga matematika, fizika, informatika fanlarini integratsiyalashgan holda qamrab olgan koʻrik-tanlovlar oʻtkazish, ularning natijalariga koʻra beriladigan “Muhammad al-Xorazmiy izdoshlari” nomli mukofot ham taʼsis etildi. Ixtisoslashtirilgan maktabning tashkil etilishi — respublikada axborot-kommunikatsiya texnologiyalari sohasida kadrlar tayyorlash, kelajak avlodni buyuk ajdodlarimizga munosib etib tarbiyalash, davr talablariga dadil javob bera oladigan mutaxassislarga boʻlgan katta ehtiyojni qondirishga xizmat qiladi.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 14-sentabr,
PQ-3274-son
Президента Республики Узбекистан
Постановление
КОММЕНТАРИЙ
Об организации специализированной школы имени Мухаммада ал-Хоразми
В целях почтения великого и бесценного наследия великого деятеля Мухаммада ал-Хоразмий и достижения высоких успехов в точных науках путем глубокого укоренения его в сознании молодого поколения, выявления одаренности учащихся в области информационно-коммуникационных технологий, а также создания необходимых условий для реализации их способностей:
1. Согласится с предложением Министерства по развитию информационных технологий и коммуникаций и Министерства народного образования об организации специализированной школы с углубленным изучением предметов относящихся к направлению информационно-коммуникационных технологий имени Мухаммада ал-Хоразмий, при Министерстве по развитию информационных технологий и коммуникаций Республики Узбекистан (далее — Специализированная школа).
2. Определить основными задачами Специализированной школы следующее:
организация углубленного изучения математики, физики, информатики и иностранного языка с широким использованием современных информационных и педагогических технологий на основе государственных образовательных стандартов общего среднего образования;
формирование у учащихся навыков и медиа-культуры основ программирования, баз данных и информационной безопасности, начиная со школьного периода;
организация команд молодых математиков, физиков, программистов, изобретателей среди учащихся с привлечением педагогов высшей квалификации, обеспечение их постоянного участия в республиканских и международных олимпиадах по предметам;
подготовка учащихся к получению национальных и международных сертификатов, подтверждающих уровень владения иностранными языками;
для обеспечения последовательно связи учебного процесса со сферами производства и предоставления услуг, организация прохождения производственной практики учащихся 10-11 классов в ведущих организациях направления информационно-коммуникационных технологий.
3. Одобрить предложения Министерства по развитию информационных технологий и коммуникаций и Министерства высшего и среднего специального образования:
об организации Специализированной школы на базе государственной общеобразовательной специализированной школы с углубленным изучением точных предметов при Ташкентском государственном экономическом университете, находящейся в системе Министерства высшего и среднего специального образования Республики Узбекистан;
о безвозмездной передаче зданий и сооружений Мирзо-Улугбекского профессионального колледжа информатики, расположенного по адресу: город Ташкент, Мирзо-Улугбекский район, улица Тепамасжид, дом № 4, с прилегающей территорией Специализированной школе с правом оперативного управления;
о продолжении обучения учащихся 2-3 курсов Мирзо-Улугбекского профессионального колледжа информатики в здании Специализированной школы до окончания учебы.
4. Установить, что:
учащиеся принимаются в Специализированную школу начиная с 5-го класса на конкурсной основе, в рамках квоты, определяемой Агентством специализированных образовательных учреждений при Министерстве дошкольного и школьного образования;
ремонт и реконструкция зданий Специализированной школы, при необходимости строительство новых зданий, оснащение классов, лабораторных кабинетов, библиотек и других помещений современным оборудованием, мебелью, компьютерами и другими учебно-лабораторными средствами, обеспечение их учебной литературой и методическими пособиями, дополнительное поощрение педагогов и сотрудников, обладающих высоким профессиональным мастерством, осуществляются за счет средств Фонда развития цифровых технологий, а также Фонда поддержки одаренной молодежи при Агентстве специализированных образовательных учреждений при Министерстве дошкольного и школьного образования;
расходы, связанные с текущим содержанием Специализированной школы, финансируются в установленном порядке за счет средств Государственного бюджета Республики Узбекистан и других источников, не запрещенных законодательством.
5. Министерству по развитию информационных технологий и коммуникаций Республики Узбекистан совместно с Министерством народного образования:
в целях обеспечения Специализированной школы педагогами высшей квалификации по направлению информационно-коммуникационных технологий, организации учебно-воспитательного процесса на основе мировых стандартов привлечь в установленном порядке профессорско-преподавательский состав Ташкентского университета информационных технологий имени Мухаммада ал-Хоразмий и университета Инха в городе Ташкенте;
в недельный срок — утвердить устав Специализированной школы, а также обеспечить государственную регистрацию в установленном порядке;
в трехмесячный срок — учредить награду под названием «Муҳаммад ал-Хоразмий издошлари» («Последователи Мухаммада ал-Хоразмий»), выдаваемому по результатам конкурса среди одаренных учащихся школьного возраста по республике, интеграционно охватывающего математику, физику и информатику.
6. Начиная с 2017-2018 учебного года, Министерству народного образования Республики Узбекистан совместно с Министерством по развитию информационных технологий и коммуникаций в установленном порядке принять меры по обеспечению библиотечного фонда школы необходимыми учебниками и учебно-методическими пособиями, исходя из потребностей Специализированной школы.
7. Министерству финансов Республики Узбекистан в соответствии с обоснованными расчетами Министерства по развитию информационных технологий и коммуникаций и Министерства народного образования Республики Узбекистан внести соответствующие изменения в параметры расходов Государственного бюджета Республики Узбекистан на 2017 год, исходя из настоящего постановления.
8. Контроль за исполнением настоящего постановления возложить на Премьер-министра Республики Узбекистан А.Н. Арипова и Государственного советника А.Н. Юнусходжаева.
к постановлению Президента Республики Узбекистан «Об организации специализированной школы по углубленному изучению предметов направления информационно-коммуникационных технологий имени Мухаммада ал-Хоразмий»
Динамичное развитие современных информационно-коммуникационных технологий превратило вопрос подготовки кадров, способствующих развитию данной сферы, в актуальнейшую задачу. Интеграция коммуникационных технологий во все отрасли народного хозяйства в развитых странах оказывает влияние на их социально-политическое и экономическое развитие. Повышение экономических показателей приводит к вливанию новых инвестиций в сферу информационно-коммуникационных технологий. Наиболее важной инвестицией является подготовка высококвалифицированных специалистов со школьного возраста. Организация Специализированной школы по углубленному изучению предметов направления информационно-коммуникационных технологий, названной в честь нашего великого предка Мухаммада ал-Хоразмий, является первым шагом на пути к достижению данной цели. В последние годы в Республике Узбекистан осуществляются крупные преобразования по внедрению современных информационно-коммуникационных технологий во все сферы общества, в частности, в государственное управление, образование, медицину, предоставление государственных услуг. Организация данной школы создаст условия для подготовки со школьного возраста высококвалифицированных специалистов, отвечающих требованиям современности. Основная цель организации данной школы — сохранение, изучение и исследование огромного и бесценного наследия нашего великого предка Мухаммада ал-Хоразмий, способствование высоким достижениям учащихся в точных науках, выявление одаренных учащихся в области информационно-коммуникационных технологий, а также создание необходимой базы для реализации их способностей. Основными задачами Специализированной школы определены: углубленное изучение математики, физики, информатики и иностранных языков с широким использованием современных информационных и педагогических технологий, формирование у учащихся навыков программирования, создания баз данных и обеспечения информационной безопасности, формирование информационной и медиа-культуры со школьного возраста, привлечение к обучению педагогов высшей квалификации и специалистов отрасли, организация команд молодых математиков, физиков, программистов, изобретателей, обеспечение их постоянного участия в республиканских и международных олимпиадах по предметам. Одно из требований — для достижения данных целей вместе с формированием педагогического коллектива, состоящего из квалифицированных и компетентных кадров, особое внимание уделяется обучению в школе иностранным языкам. Для организации учебного процесса в школе на уровне международных стандартов к работе привлекается профессорско-преподавательский состав Ташкентского университета информационных технологий имени Мухаммада ал-Хоразмий и университета Инха в городе Ташкенте. Данным постановлением определено наряду с созданием в школе всех необходимых условий для обучения учащихся, их поддержкой и стимулированием учреждение награды «Муҳаммад ал-Хоразмий издошлари» («Последователи Мухаммада ал-Хоразмий»), присуждаемой по результатам республиканского смотра-конкурса среди одаренных школьников, интеграционно охватывающего математику, физику и информатику. Организация Специализированной школы будет способствовать подготовке высококвалифицированных кадров в сфере информационно-коммуникационных технологий в республике, воспитанию подрастающего поколения в духе любви и уважения к наследию наших предков, удовлетворению потребностей в специалистах, отвечающих требованиям современного общества.
Президент Республики Узбекистан Ш. МИРЗИЁЕВ
г. Ташкент,
14 сентября 2017 г.,
№ ПП-3274