📅 2017-yil 14-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 14 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 14 сентября 2017 г. · Постановления Президента
Официальный текст. Официальный документ. Редакционные примечания не включены.
📅 14 September 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ШАРҲ
Мирзо Улуғбек номидаги ихтисослаштирилган мактабни ва «Астрономия ва аэронавтика» боғини ташкил этиш тўғрисида
Ўзбекистон тарихида астрономияга оид тадқиқотларнинг илдизлари энг қадимги даврга бориб тақалади. Милоддан аввалги биринчи минг йилликда Ўзбекистон ҳудудида деҳқончиликнинг ривожланган тарихий-маданий марказларида Қуёш, Ой ва сайёраларнинг ҳаракатланиш қонуниятларига доир чуқур билимларга асосланган ҳолда қишлоқ хўжалиги ишларини амалга ошириш муддатларини белгиловчи тақвимларни ишлаб чиққанлар. Ўзбекистонда астрономия фанининг жадал суръатларда ривожланиши ўрта асрлар даврига тўғри келади. Ўрта асрлар даврининг буюк мутафаккирлари Муҳаммад ал-Хоразмий, Аҳмад Фарғоний, Абу Райхон Беруний, айниқса Мирзо Улуғбекнинг математика ва астрономиянинг ривожланишига қўшган улкан ҳиссаси жаҳон ҳамжамияти томонидан эътироф этилган.
Астрономия фанининг келгусидаги ривожланиши иқтидорли ёшлар орасидан ушбу соҳанинг малакали кадрларини тайёрлаш самарадорлигини оширишни талаб этиши, ўсиб келаётган ёш авлодни астрономияни ўрганиш бўйича халқимизнинг тарихий анъаналарига садоқат руҳида тарбиялаш, иқтидорли ёшларнинг астрономия ва аэронавтика фаолияти соҳасидаги миллий ва умумжаҳон илм-фанининг янги ютуқларини ўрганиш ва ўзлаштиришга бўлган интилишини ривожлантириш, ёшларни аэронавтика фани ва техника асосларини эгаллаши учун шарт-шароит яратиш мақсадида:
1. 200 ўқувчи ўрни ва 150 ўринли турар жойига эга бўлган Мирзо Улуғбек номидаги ихтисослаштирилган мактаб (кейинги ўринларда — ихтисослаштирилган мактаб) ташкил этилсин.
2. Ўзбекистон Республикаси Вазирлар Маҳкамасига ихтисослаштирилган мактабнинг моддий-техника базаси, педагог кадрларнинг салоҳияти ҳамда эҳтиёждан келиб чиққан ҳолда кейинги йилларда ўқувчиларни қабул қилиш квоталарига ўзгартиришлар киритиш ҳуқуқи берилсин.
3. Астрономия институтига мактабнинг ўқув жараёнида соҳанинг етакчи мутахассислари иштирокини таъминлаш, институтнинг мавжуд асбоб-ускуналаридан фойдаланган ҳолда астрономия бўйича дарс ва амалий машғулотларни ташкил этиш вазифаси юклатилсин.
4. Тошкент шаҳар ҳокимлигига Ўзбекистон Республикаси архитектура ва қурилиши Давлат қўмитаси, Халқ таълими вазирлиги, Молия вазирлиги, Иқтисодиёт вазирлиги билан ҳамкорликда бир ой муддатда:
Астрономия институти ҳудудида ихтисослаштирилган мактаб биноси ва ўқувчилар турар жойини қуриш учун жой ажратиш;
ихтисослаштирилган мактаб биноси ва ўқувчилар турар жойи қурилиши учун лойиҳа-смета ҳужжатларини ишлаб чиқиш;
ихтисослаштирилган мактабни қуриш ва жиҳозлаш ишларини амалга ошириш учун Ўзбекистон Республикасининг 2018 йил Инвестиция дастури доирасида Молия вазирлиги ҳузуридаги Таълим ва тиббиёт муассасалари моддий-техника базасини ривожлантириш жамғармасидан маблағлар ажратиш вазифалари юклатилсин.
5. Ўзбекистон Республикаси Фанлар академияси, Молия вазирлиги, Тошкент шаҳар ҳокимлиги, Ўзбекистон фахрийларнинг ижтимоий фаолиятини қўллаб-қувватлаш «Нуроний» жамғармаси, Ўзбекистон «Маҳалла» хайрия жамоат фонди, Ўзбекистон Ёшлар иттифоқи ва кенг жамоатчилик вакилларининг:
Тошкент шаҳар, Астрономия кўчаси 33-уй манзилида Астрономия институти ҳудудида «Астрономия ва аэронавтика» боғи ва Планетарияни ташкил этиш;
Астрономия институтининг асосий ва тарихий биноларини, шунингдек маданий-тарихий аҳамиятга эга бўлган телескоплар павильонларини капитал таъмирлаш бўйича таклифлари маъқуллансин.
6. Ўзбекистон Республикаси Мудофаа вазирлиги ва «Ўзбекистон ҳаво йўллари» миллий авиакомпаниясига Тошкент шаҳар ҳокимлиги буюртмасига мувофиқ Мудофаа вазирлиги, «Ўзбекистон ҳаво йўллари» миллий авиакомпанияси ва «Тошкент механика заводи» АЖ тасарруфидаги самолёт намуналарини боғда жойлаштириш учун ажратиш вазифаси юклатилсин.
7. Ўзбекистон Республикаси Вазирлар Маҳкамаси икки ой муддатда ихтисослаштирилган мактаб ва боғни ташкил этиш, Астрономия институтининг асосий ва тарихий биноларини капитал таъмирлаш билан боғлиқ ташкилий масалалар ва молиялаштириш манбаларини аниқлашга қаратилган чораларни кўрсин.
8. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг Давлат маслаҳатчиси А.Н. Юнусходжаев зиммасига юклатилсин.
Ўзбекистон Республикаси Президентининг «Мирзо Улуғбек номидаги ихтисослаштирилган давлат умумтаълим мактаб-интернатини ва «Астрономия ва аэронавтика» боғини ташкил этиш тўғрисида»ги қарорига
Астрономик тадқиқотлар илдизи Ўзбекистонда узоқ ўтмишга бориб тақалади. Ўзбекистон ҳудудида милоддан аввалги биринчи минг йилликда қишлоқ хўжалиги ишларининг муддатларини белгилашда Қуёш, Ой ва сайёраларнинг ҳаракатланиш қонуниятларига доир чуқур билимлар асосида тузилган тақвимлардан фойдаланадиган деҳқончиликка ихтисослашган ривожланган тарихий-маданий марказлар фаолият кўрсатган. Астрономия фан сифатида ўрта асрларда жадал суръатларда ривожланди. Муҳаммад ал-Хоразмий, Аҳмад Фарғоний, Абу Райхон Беруний, айниқса, Мирзо Улуғбек каби ўрта асрлар буюк мутафаккирларининг математика ва астрономиянинг ривожланишига қўшган улкан ҳиссаси бутун жаҳон ҳамжамияти томонидан эътироф этилган. Астрономия фанининг келгусида янада тараққий этиши иқтидорли ёшлар орасидан малакали кадрларни тайёрлаш самарадорлигини ошириш талаб этилишини инобатга олиб, ўсиб келаётган ёш авлодни халқимизнинг астрономияни ўрганишдаги буюк анъаналари руҳида тарбиялаш, иқтидорли ёшларнинг астрономия ва аэрокосмос фаолияти соҳасидаги миллий ва дунё илм-фанининг янги ютуқларини ўрганиш ва ўзлаштиришга бўлган иштиёқини ривожлантириш, ёшларнинг аэрокосмик фан ва техника асосларини эгаллаши учун шарт-шароит яратиш мақсадида Ўзбекистон Республикаси Президентининг «Мирзо Улуғбек номидаги ихтисослаштирилган давлат умумтаълим мактаб-интернатини ва «Астрономия ва аэронавтика» боғини ташкил этиш тўғрисида»ги қарори қабул қилинди. Мазкур қарор билан Астрономия институти қошида математика, астрономия, физика ва информатика фанларини чуқур ўргатишга ихтисослаштирилган Мирзо Улуғбек номидаги ихтисослаштирилган давлат умумтаълим мактаб-интернати ташкил этилади. Мактабда 200 нафар ўқувчи таҳсил олиши ҳамда ва 150 ўринли турар жой биноси ташкил этилиши кўзда тутилган. Қурилиш-таъмирлаш таълим муассасасини жиҳозлаш ишлари Ўзбекистон Республикасининг 2018 йил Инвестиция дастури доирасида Молия вазирлиги ҳузуридаги бюджетдан ташқари Таълим ва тиббиёт муассасалари моддий-техника базасини ривожлантириш жамғармаси маблағлари ҳисобидан амалга оширилади. Буюртмачи сифатида Тошкент шаҳар ҳокимлигининг «Ягона буюртмачи» инжиниринг компанияси белгиланган бўлиб, барча қурилиш-таъмирлаш ишларини 2018 йил 1 августига қадар якунлаш режалаштирилган. Мактаб-интернат 2018-2019 ўқув йили бошлангунига қадар Халқ таълими вазирлиги томонидан барча зарур мебель, ўқув-лаборатория жиҳозлари, компьютер техникаси, дарслик ва ўқув-методик қўлланмалар билан таъминланади. Қарорга мувофиқ 2018-2019 ўқув йилидан мактабга 7-синфдан бошлаб ҳар бир синфда 20 нафардан ўқувчи қабул қилинади. Ўзбекистон Республикаси Вазирлар Маҳкамасига мактаб-интернатнинг моддий-техника базаси, педагог кадрларнинг салоҳияти ҳамда эҳтиёждан келиб чиққан ҳолда кейинги йилларда ўқувчиларни қабул қилиш квоталарига ўзгартиришлар киритиш ҳуқуқи берилган. Астрономия институти мактабнинг ўқув жараёнида етакчи мутахассислар иштирокини таъминлайди, мавжуд асбоб-ускуналардан фойдаланган ҳолда астрономия бўйича дарс ва амалий машғулотларни ташкил этади. Ушбу қарор асосида Тошкент шаҳар, Астрономия кўчаси, 33-уй манзилида Астрономия институти ҳудудида «Астрономия ва аэронавтика» боғи ва Планетарий ташкил этилади. Шунингдек, Астрономия институтининг асосий ва тарихий биноларини ҳамда маданий-тарихий аҳамиятга эга бўлган телескоплар павильонларини капитал таъмирлаш кўзда тутилган. Ушбу боғ ва Планетарийга Тошкент шаҳар ҳокимлиги буюртмалари асосида Мудофаа вазирлиги, «Ўзбекистон ҳаво йўллари» МАК ва «Тошкент механика заводи» АЖ тасарруфидаги мавжуд самолёт намуна(макет)лари ажратилади ва ўрнатилади. 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясининг «4.4. Таълим ва фан соҳасини ривожлантириш:» бўлимида умумий ўрта таълим сифатини тубдан ошириш, чет тиллар, информатика ҳамда математика, физика, кимё, биология каби бошқа муҳим ва талаб юқори бўлган фанларни чуқурлаштирилган тарзда ўрганиш муҳим мақсадлардан бири сифатида белгиланган. Мазкур қарор ушбу мақсадни амалиётда жорий этиш, иқтидорли болаларни қўллаб-қувватлаш ҳамда изланувчан ёшларни илмий-тадқиқот йўналишида тайёрлашга хизмат қилади.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 14 сентябрь,
ПҚ-3275-сон
Oʻzbekiston Respublikasi Prezidentining
Qarori
SHARH
Mirzo Ulugʻbek nomidagi ixtisoslashtirilgan maktabni va “Astronomiya va aeronavtika” bogʻini tashkil etish toʻgʻrisida
Oʻzbekiston tarixida astronomiyaga oid tadqiqotlarning ildizlari eng qadimgi davrga borib taqaladi. Miloddan avvalgi birinchi ming yillikda Oʻzbekiston hududida dehqonchilikning rivojlangan tarixiy-madaniy markazlarida Quyosh, Oy va sayyoralarning harakatlanish qonuniyatlariga doir chuqur bilimlarga asoslangan holda qishloq xoʻjaligi ishlarini amalga oshirish muddatlarini belgilovchi taqvimlarni ishlab chiqqanlar. Oʻzbekistonda astronomiya fanining jadal surʼatlarda rivojlanishi oʻrta asrlar davriga toʻgʻri keladi. Oʻrta asrlar davrining buyuk mutafakkirlari Muhammad al-Xorazmiy, Ahmad Fargʻoniy, Abu Rayxon Beruniy, ayniqsa Mirzo Ulugʻbekning matematika va astronomiyaning rivojlanishiga qoʻshgan ulkan hissasi jahon hamjamiyati tomonidan eʼtirof etilgan.
Astronomiya fanining kelgusidagi rivojlanishi iqtidorli yoshlar orasidan ushbu sohaning malakali kadrlarini tayyorlash samaradorligini oshirishni talab etishi, oʻsib kelayotgan yosh avlodni astronomiyani oʻrganish boʻyicha xalqimizning tarixiy anʼanalariga sadoqat ruhida tarbiyalash, iqtidorli yoshlarning astronomiya va aeronavtika faoliyati sohasidagi milliy va umumjahon ilm-fanining yangi yutuqlarini oʻrganish va oʻzlashtirishga boʻlgan intilishini rivojlantirish, yoshlarni aeronavtika fani va texnika asoslarini egallashi uchun shart-sharoit yaratish maqsadida:
1. 200 oʻquvchi oʻrni va 150 oʻrinli turar joyiga ega boʻlgan Mirzo Ulugʻbek nomidagi ixtisoslashtirilgan maktab (keyingi oʻrinlarda — ixtisoslashtirilgan maktab) tashkil etilsin.
2. Oʻzbekiston Respublikasi Vazirlar Mahkamasiga ixtisoslashtirilgan maktabning moddiy-texnika bazasi, pedagog kadrlarning salohiyati hamda ehtiyojdan kelib chiqqan holda keyingi yillarda oʻquvchilarni qabul qilish kvotalariga oʻzgartirishlar kiritish huquqi berilsin.
3. Astronomiya institutiga maktabning oʻquv jarayonida sohaning yetakchi mutaxassislari ishtirokini taʼminlash, institutning mavjud asbob-uskunalaridan foydalangan holda astronomiya boʻyicha dars va amaliy mashgʻulotlarni tashkil etish vazifasi yuklatilsin.
4. Toshkent shahar hokimligiga Oʻzbekiston Respublikasi arxitektura va qurilishi Davlat qoʻmitasi, Xalq taʼlimi vazirligi, Moliya vazirligi, Iqtisodiyot vazirligi bilan hamkorlikda bir oy muddatda:
Astronomiya instituti hududida ixtisoslashtirilgan maktab binosi va oʻquvchilar turar joyini qurish uchun joy ajratish;
ixtisoslashtirilgan maktab binosi va oʻquvchilar turar joyi qurilishi uchun loyiha-smeta hujjatlarini ishlab chiqish;
ixtisoslashtirilgan maktabni qurish va jihozlash ishlarini amalga oshirish uchun Oʻzbekiston Respublikasining 2018-yil Investitsiya dasturi doirasida Moliya vazirligi huzuridagi Taʼlim va tibbiyot muassasalari moddiy-texnika bazasini rivojlantirish jamgʻarmasidan mablagʻlar ajratish vazifalari yuklatilsin.
5. Oʻzbekiston Respublikasi Fanlar akademiyasi, Moliya vazirligi, Toshkent shahar hokimligi, Oʻzbekiston faxriylarning ijtimoiy faoliyatini qoʻllab-quvvatlash “Nuroniy” jamgʻarmasi, Oʻzbekiston “Mahalla” xayriya jamoat fondi, Oʻzbekiston Yoshlar ittifoqi va keng jamoatchilik vakillarining:
Toshkent shahar, Astronomiya koʻchasi 33-uy manzilida Astronomiya instituti hududida “Astronomiya va aeronavtika” bogʻi va Planetariyani tashkil etish;
Astronomiya institutining asosiy va tarixiy binolarini, shuningdek madaniy-tarixiy ahamiyatga ega boʻlgan teleskoplar pavilyonlarini kapital taʼmirlash boʻyicha takliflari maʼqullansin.
6. Oʻzbekiston Respublikasi Mudofaa vazirligi va “Oʻzbekiston havo yoʻllari” milliy aviakompaniyasiga Toshkent shahar hokimligi buyurtmasiga muvofiq Mudofaa vazirligi, “Oʻzbekiston havo yoʻllari” milliy aviakompaniyasi va “Toshkent mexanika zavodi” AJ tasarrufidagi samolyot namunalarini bogʻda joylashtirish uchun ajratish vazifasi yuklatilsin.
7. Oʻzbekiston Respublikasi Vazirlar Mahkamasi ikki oy muddatda ixtisoslashtirilgan maktab va bogʻni tashkil etish, Astronomiya institutining asosiy va tarixiy binolarini kapital taʼmirlash bilan bogʻliq tashkiliy masalalar va moliyalashtirish manbalarini aniqlashga qaratilgan choralarni koʻrsin.
8. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining Davlat maslahatchisi A.N. Yunusxodjayev zimmasiga yuklatilsin.
Oʻzbekiston Respublikasi Prezidentining “Mirzo Ulugʻbek nomidagi ixtisoslashtirilgan davlat umumtaʼlim maktab-internatini va “Astronomiya va aeronavtika” bogʻini tashkil etish toʻgʻrisida”gi qaroriga
Astronomik tadqiqotlar ildizi Oʻzbekistonda uzoq oʻtmishga borib taqaladi. Oʻzbekiston hududida miloddan avvalgi birinchi ming yillikda qishloq xoʻjaligi ishlarining muddatlarini belgilashda Quyosh, Oy va sayyoralarning harakatlanish qonuniyatlariga doir chuqur bilimlar asosida tuzilgan taqvimlardan foydalanadigan dehqonchilikka ixtisoslashgan rivojlangan tarixiy-madaniy markazlar faoliyat koʻrsatgan. Astronomiya fan sifatida oʻrta asrlarda jadal surʼatlarda rivojlandi. Muhammad al-Xorazmiy, Ahmad Fargʻoniy, Abu Rayxon Beruniy, ayniqsa, Mirzo Ulugʻbek kabi oʻrta asrlar buyuk mutafakkirlarining matematika va astronomiyaning rivojlanishiga qoʻshgan ulkan hissasi butun jahon hamjamiyati tomonidan eʼtirof etilgan. Astronomiya fanining kelgusida yanada taraqqiy etishi iqtidorli yoshlar orasidan malakali kadrlarni tayyorlash samaradorligini oshirish talab etilishini inobatga olib, oʻsib kelayotgan yosh avlodni xalqimizning astronomiyani oʻrganishdagi buyuk anʼanalari ruhida tarbiyalash, iqtidorli yoshlarning astronomiya va aerokosmos faoliyati sohasidagi milliy va dunyo ilm-fanining yangi yutuqlarini oʻrganish va oʻzlashtirishga boʻlgan ishtiyoqini rivojlantirish, yoshlarning aerokosmik fan va texnika asoslarini egallashi uchun shart-sharoit yaratish maqsadida Oʻzbekiston Respublikasi Prezidentining “Mirzo Ulugʻbek nomidagi ixtisoslashtirilgan davlat umumtaʼlim maktab-internatini va “Astronomiya va aeronavtika” bogʻini tashkil etish toʻgʻrisida”gi qarori qabul qilindi. Mazkur qaror bilan Astronomiya instituti qoshida matematika, astronomiya, fizika va informatika fanlarini chuqur oʻrgatishga ixtisoslashtirilgan Mirzo Ulugʻbek nomidagi ixtisoslashtirilgan davlat umumtaʼlim maktab-internati tashkil etiladi. Maktabda 200 nafar oʻquvchi tahsil olishi hamda va 150 oʻrinli turar joy binosi tashkil etilishi koʻzda tutilgan. Qurilish-taʼmirlash taʼlim muassasasini jihozlash ishlari Oʻzbekiston Respublikasining 2018-yil Investitsiya dasturi doirasida Moliya vazirligi huzuridagi budjetdan tashqari Taʼlim va tibbiyot muassasalari moddiy-texnika bazasini rivojlantirish jamgʻarmasi mablagʻlari hisobidan amalga oshiriladi. Buyurtmachi sifatida Toshkent shahar hokimligining “Yagona buyurtmachi” injiniring kompaniyasi belgilangan boʻlib, barcha qurilish-taʼmirlash ishlarini 2018-yil 1-avgustiga qadar yakunlash rejalashtirilgan. Maktab-internat 2018-2019 oʻquv yili boshlanguniga qadar Xalq taʼlimi vazirligi tomonidan barcha zarur mebel, oʻquv-laboratoriya jihozlari, kompyuter texnikasi, darslik va oʻquv-metodik qoʻllanmalar bilan taʼminlanadi. Qarorga muvofiq 2018-2019 oʻquv yilidan maktabga 7-sinfdan boshlab har bir sinfda 20 nafardan oʻquvchi qabul qilinadi. Oʻzbekiston Respublikasi Vazirlar Mahkamasiga maktab-internatning moddiy-texnika bazasi, pedagog kadrlarning salohiyati hamda ehtiyojdan kelib chiqqan holda keyingi yillarda oʻquvchilarni qabul qilish kvotalariga oʻzgartirishlar kiritish huquqi berilgan. Astronomiya instituti maktabning oʻquv jarayonida yetakchi mutaxassislar ishtirokini taʼminlaydi, mavjud asbob-uskunalardan foydalangan holda astronomiya boʻyicha dars va amaliy mashgʻulotlarni tashkil etadi. Ushbu qaror asosida Toshkent shahar, Astronomiya koʻchasi, 33-uy manzilida Astronomiya instituti hududida “Astronomiya va aeronavtika” bogʻi va Planetariy tashkil etiladi. Shuningdek, Astronomiya institutining asosiy va tarixiy binolarini hamda madaniy-tarixiy ahamiyatga ega boʻlgan teleskoplar pavilyonlarini kapital taʼmirlash koʻzda tutilgan. Ushbu bogʻ va Planetariyga Toshkent shahar hokimligi buyurtmalari asosida Mudofaa vazirligi, “Oʻzbekiston havo yoʻllari” MAK va “Toshkent mexanika zavodi” AJ tasarrufidagi mavjud samolyot namuna(maket)lari ajratiladi va oʻrnatiladi. 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasining “4.4. Taʼlim va fan sohasini rivojlantirish:” boʻlimida umumiy oʻrta taʼlim sifatini tubdan oshirish, chet tillar, informatika hamda matematika, fizika, kimyo, biologiya kabi boshqa muhim va talab yuqori boʻlgan fanlarni chuqurlashtirilgan tarzda oʻrganish muhim maqsadlardan biri sifatida belgilangan. Mazkur qaror ushbu maqsadni amaliyotda joriy etish, iqtidorli bolalarni qoʻllab-quvvatlash hamda izlanuvchan yoshlarni ilmiy-tadqiqot yoʻnalishida tayyorlashga xizmat qiladi.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 14-sentabr,
PQ-3275-son
Президента Республики Узбекистан
Постановление
КОММЕНТАРИЙ
О создании специализированной школы имени Мирзо Улугбека и парка «Астрономии и аэронавтики»
Астрономические исследования в Узбекистане уходят своими корнями в глубокую древность. Еще в первом тысячелетии до нашей эры на территории Узбекистана существовали развитые земледельческие историко-культурные центры, обладавшие глубокими познаниями закономерностей движения Солнца, Луны и планет, которые они использовали при составлении календарей, необходимых для определения сроков сельскохозяйственных работ. Бурного расцвета астрономическая наука на территории современного Узбекистана достигла в средневековье. Огромный вклад великих мыслителей средневековья, таких как Мухаммад ал-Хорезми, Ахмад Фергани, Абу Райхан Беруни и, особенно, Мирзо Улугбека в развитие математики и астрономии сегодня признан мировой общественностью.
Принимая во внимание, что дальнейшее развитие астрономии требует повышения эффективности подготовки квалифицированных кадров из числа талантливой молодежи, а также в целях воспитания подрастающего поколения в духе великих традиций нашего народа в изучении астрономии, развития стремления талантливой молодежи к познанию новейших достижений отечественной и мировой науки в сфере астрономии и аэрокосмической деятельности, приобщения молодежи к овладению основами аэрокосмической науки и техники:
1. Образовать специализированную школу имени Мирзо Улугбека (далее — специализированная школа) на 200 ученических мест и 150 мест проживания учащихся.
2. Предоставить право Кабинету Министров Республики Узбекистан вносить изменения в последующие годы в квоты приема учащихся в зависимости от реальных потребностей, с учетом материально-технической базы и квалификационного уровня педагогов специализированной школы.
3. Астрономическому институту обеспечить участие ведущих специалистов в учебном процессе школы, в организации уроков и практических занятий по астрономии с использованием имеющегося оборудования.
4. Хокимияту города Ташкента, Государственному комитету Республики Узбекистан по архитектуре и строительству совместно с Академией наук, Министерством народного образования, Министерством финансов и Министерством экономики Республики Узбекистан в месячный срок принять меры по:
определению места на территории Астрономического института для строительства здания специализированной школы и места проживания учеников;
разработке проектно-сметной документации для строительства здания специализированной школы и места проживания учеников;
выделению необходимых средств для осуществления строительных работ и оснащения специализированной школы из Фонда развития материально-технической базы образовательных и медицинских учреждений при Министерстве финансов Республики Узбекистан в рамках Инвестиционной программы Республики Узбекистан на 2018 год.
5. Одобрить предложения Академии наук, Министерства финансов, Республики Узбекистан, хокимията города Ташкента, фонда по поддержке общественной деятельности ветеранов Узбекистана «Нуроний», благотворительного общественного фонда Узбекистана «Махалла», Союза молодежи Узбекистана и представителей широкой общественности о:
создании парка «Астрономии и аэронавтики» и Планетария на территории Астрономического института (далее — парк) по адресу: город Ташкент, ул. Астрономическая, 33.
капитальном ремонте главного и исторического зданий Астрономического института, а также павильонов телескопов, представляющих культурно-историческую ценность.
6. Министерству обороны Республики Узбекистан и НАК «Узбекистон хаво йуллари» по заявкам хокимията города Ташкента предоставить образцы (макеты) самолетов, находящихся в ведении Министерства обороны, НАК «Узбекистон хаво йуллари» и АО «Ташкентский механический завод» для размещения в парке.
7. Кабинету Министров Республики Узбекистан в двухмесячный срок принять меры, предусматривающие решение организационных вопросов, связанных с созданием школы-интерната и парка, капитальным ремонтом главного и исторического зданий Астрономического института, а также определить источники финансирования.
8. Контроль за исполнением настоящего постановления возложить на Премьер-министра Республики Узбекистан А.Н. Арипова и Государственного советника Президента Республики Узбекистан А.Н. Юнусходжаева.
к постановлению Президента Республики Узбекистан «О создании государственной специализированной школы-интерната имени Мирзо Улугбека и парка Астрономии и аэронавтики»
Астрономические исследования в Узбекистане уходят своими корнями в глубокую древность. Еще в первом тысячелетии до нашей эры на территории Узбекистана существовали развитые земледельческие историко-культурные центры, население которых обладало глубокими познаниями закономерностей движения Солнца, Луны и планет, использовавшимися при составлении календарей, необходимых для определения сроков сельскохозяйственных работ. Бурного расцвета астрономические науки в Узбекистане достигли в средневековье. Огромный вклад великих мыслителей средневековья, таких, как Мухаммад ал-Хоразмий, Ахмад Фергани, Абу Райхан Беруни и особенно Мирзо Улугбек, в развитие математики и астрономии сегодня признан мировой общественностью. В целях воспитания подрастающего поколения в духе великих традиций нашего народа в изучении астрономии, развития стремления талантливой молодежи к освоению новейших достижений отечественной и мировой науки в сфере астрономии и аэрокосмической деятельности, приобщения молодежи к овладению основами аэрокосмической науки и техники принято постановление Президента Республики Узбекистан «О создании государственной специализированной школы-интерната имени Мирзо Улугбека и парка Астрономии и аэронавтики. Данным постановлением при Астрономическом институте Академии наук создается государственная специализированная общеобразовательная школа-интернат имени Мирзо Улугбека с углубленным изучением математики, астрономии, физики и информатики. В школе запланировано обучение 200 учащихся и создание общежития на 150 мест. Строительно-ремонтные работы и оснащение учебного заведения будут профинансированы за счет средств Фонда развития материально-технической базы образовательных и медицинских учреждений при Министерстве финансов Республики Узбекистан в рамках Инвестиционной программы Республики Узбекистан на 2018 год. В качестве заказчика определена инжиниринговая компания «Служба единого заказчика» при хокимияте города Ташкента, которая должна завершить все строительно-ремонтные работы в срок до 1 августа 2018 года. Школа-интернат будет оснащена необходимой мебелью, учебно-лабораторным оборудованием, компьютерной техникой, учебниками и учебно-методическими пособиями до начала 2018/2019 учебного года Министерством народного образования. Согласно постановлению начиная с 2018/2019 учебного года набор в школу осуществляется с 7-го класса по 20 учащихся в каждом классе. Кабинету Министров Республики Узбекистан предоставлено право вносить изменения в последующие годы в квоты приема учащихся в зависимости от потребности и с учетом материально-технической базы школы-интерната и квалификационного уровня педагогов школы. Астрономический институт обеспечивает участие специалистов в учебном процессе школы, организует уроки и практические занятия по астрономии с использованием имеющегося оборудования. Кроме того, на основании данного постановления на территории Астрономического института по адресу: г. Ташкент, ул. Астрономическая, 33 будет создан парк Астрономии и аэронавтики, а также намечается проведение капитального ремонта главного и исторического здания Астрономического института, павильонов телескопов, имеющих культурно-историческую ценность. В свою очередь, в парке будут также размещены макеты самолетов, которые будут выделены Министерством обороны, НАК «Узбекистон хаво йуллари» и АО «Ташкентский механический завод». В Стратегии действий по пяти приоритетным направлениям развития Республики Узбекистан в 2017 — 2021 годах в разделе «4.4. Развитие сферы образования и науки» одной из важных целей названо кардинальное повышение качества общего среднего образования, углубленное изучение иностранных языков, информатики, других важных и востребованных предметов, включая математику, физику, химию, биологию. Постановление будет способствовать реализации на практике данной задачи и даст возможность оказывать поддержку одаренным детям и осуществлять подготовку целеустремленной молодежи в научно-исследовательском направлении.
Президент Республики Узбекистан Ш. МИРЗИЁЕВ
г. Ташкент,
14 сентября 2017 г.,
№ ПП-3275