UzbekAI

Ўзбекистон Республикаси Президентининг

Қарори

ЧОРА-ТАДБИРЛАРИ КОМПЛЕКСИ

Пул-кредит сиёсатини янада такомиллаштириш чора-тадбирлари тўғрисида

Таъкидлаш лозимки, сўнгги йилларда республикамизда тариф ва пул-кредит соҳасида кўрилган чора-тадбирлар инфляция даражасини аста-секин пасайтириш имконини берди, макроиқтисодий барқарорлик ва изчил иқтисодий ўсиш суръатларини таъминлади.

Шу билан бирга глобал молия-иқтисодий тизимидаги мураккаб ва тез ўзгарувчан, шунингдек, валюта муносабатларини тартибга солишни либераллаштириш шароитида макроиқтисодий барқарорлик ва аҳолининг турмуш даражасини оширишни таъминлашга қаратилган монетар сиёсатнинг амалдаги инструментларини тубдан қайта кўриб чиқиш талаб этилмоқда.

2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясига мувофиқ, шунингдек, пул-кредит сиёсатини янада такомиллаштириш, илғор халқаро тажрибага мувофиқ монетар сиёсатнинг янги инструментларини жорий этиш, миллий валютанинг мустаҳкамлигини ва республикада макроиқтисодий барқарорликни таъминлашда унинг ролини кучайтириш мақсадида:

1. Ўзбекистон Республикаси Президентининг 2017 йил 2 сентябрдаги «Валюта сиёсатини либераллаштириш бўйича биринчи навбатдаги чора-тадбирлар тўғрисида»ги ПФ-5177-сонли Фармони билан валюта бозорини либераллаштириш жараёнларида давлат иқтисодий сиёсатининг устувор йўналишларидан бири сифатида миллий валютанинг барқарорлигини таъминлашга йўналтирилган қатъий монетар сиёсат олиб бориш белгиланган бўлиб, бунда унинг инструментларидан фаол ва мослаштирган ҳолда фойдаланишни назарда тутиш, давлатнинг қимматли қоғозлар бозорини ривожлантириш, шунингдек, очиқ бозорда операцияларни амалга ошириш амалиётини ҳамда давлат қимматли қоғозларини гаровга қўйиш билан банкларнинг ликвидлигини ошириш бўйича операцияларнинг жорий этилиши маълумот учун қабул қилинсин.

2. Ўзбекистон Республикаси Марказий банкининг ички нархларнинг барқарорлигини таъминлашда ўрта муддатли истиқболда пул-кредит сиёсати мақсадларига эришиш принцип ва механизмларини хорижий марказий банклари томонидан қўлланиладиган инфляциявий таргетлаш режимига ўтиш тўғрисидаги таклифига розилик берилсин.

3. Ўзбекистон Республикаси Марказий банки, Молия вазирлиги, Иқтисодиёт вазирлиги манфаатдор вазирликлар ва идоралар билан биргаликда ишлаб чиқилган 2017 — 2021 йилларда пул-кредит сиёсатини янада такомиллаштириш чора-тадбирлари комплекси ҳамда иловага мувофиқ инфляциявий таргетлаш режимига босқичма-босқич ўтиш таклифи маъқуллансин.

Ўзбекистон Республикаси Марказий банки (М. Нурмуратов), Молия вазирлиги (Б. Ходжаев), Иқтисодиёт вазирлиги (Г. Саидова) раҳбарлари зиммасига Чора-тадбирлар комплексида белгиланган тадбирларни ўз вақтида ва сифатли бажариш юзасидан шахсий жавобгарлик юклансин.

4. Ўзбекистон Республикаси Марказий банки 2018 йилнинг 1 мартигача ривожлантириш ва пул-кредит сиёсатини амалга оширишнинг ўрта муддатли Концепциясини ҳамда 2018 — 2021-йилларда Концепцияни амалга ошириш бўйича «йўл харитасини» ишлаб чиқсин ва тасдиқласин, унда босқичма-босқич инфляциявий таргетлаш режимига ўтиш назарда тутилсин, улар қуйидаги йўллар орқали амалга оширилсин:

умумиқтисодий, солиқ-бюджет ва пул-кредит сиёсатини мувофиқлаштириш амалиётини такомиллаштириш, бунда иқтисодий ўсиш, давлат бюджетининг баланслашганлиги ва иқтисодиётдаги нархлар даражасининг барқарорлиги бўйича ўзаро ҳаракатлар ва мақсадларнинг келишилганлигини таъминлашга алоҳида эътибор қаратиш;

ликвидликни таъминлаш ва жалб қилиш операциялари бўйича пул-кредит сиёсатининг самарали қўлланиладиган фоиз инструментлари турларини кенгайтириш;

тижорат банклари томонидан фоиз ставкаларини шакллантиришда, шу жумладан, кредитлар бўйича бозор механизмларини кенг жорий этиш;

илғор хорижий тажрибага мувофиқ макроиқтисодий таҳлил ва прогнозлашни такомиллаштириш;

олиб борилаётган пул-кредит сиёсатининг, жумладан амалга оширилаётган сиёсатда қўлланилаётган инструментлар ва якуний мақсадлар тўғрисида ахборот етказиб бериш йўли билан, шаффофлик ва олдиндан башорат қилиш имкониятини ошириш.

5. Ўзбекистон Республикаси Молия вазирлиги, Иқтисодиёт вазирлиги, Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Ўзбекистон Республикаси Марказий банки 2017 йилнинг 1 октябригача ўрта ва узоқ муддатли истиқболда Республика молия бозорини, шу жумладан, давлат қимматли қоғозлар бозорини янада ривожлантириш Концепцияси лойиҳасини ишлаб чиқсин ва ўрнатилган тартибда Ўзбекистон Республикаси Вазирлар Маҳкамасига киритсин.

6. Ўзбекистон Республикаси Марказий банки, Адлия вазирлиги ҳамда бошқа манфаатдор вазирлик ва идоралар билан биргаликда уч ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин.

7. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Бош вазирининг ўринбосари Ж.А. Қўчқоров ва Ўзбекистон Республикаси Марказий банки раиси М.Б. Нурмуратов зиммасига юклансин.

Ўзбекистон Республикаси Президентининг 2017 йил 13 сентябрдаги ПҚ-3272-сон қарорига ИЛОВА

2017 — 2021 йилларда пул-кредит сиёсатини янада такомиллаштириш ва инфляциявий таргетлаш режимига босқичма-босқич ўтиш

Т/р Чора-тадбирлар номланиши Амалга ошириш шакли Ижро муддати Масъул ижрочилар I. ПУЛ-КРЕДИТ СИЁСАТИ ВА УНИНГ ВОСИТАЛАРИДАН ФОЙДАЛАНИШНИ ТАКОМИЛЛАШТИРИШ ЧОРАЛАРИ 1. Ўзбекистон Республикаси молия бозори, шу жумладан кейинчалик уларни узоқ муддатли лойиҳаларга йўналтириш билан иқтисодиётда бўшпул маблағларини сафарбар қилиш, шунингдек, пул-кредит сиёсатини самарали олиб бориш учун зарур шарт-шароитлар яратиш мақсадида давлат қимматли қоғозлар бозорини ўрта ва узоқ муддатли истиқболда ривожлантириш Концепцияси лойиҳасини ишлаб чиқиш ва белгиланган тартибда Вазирлар Маҳкамасига киритиш. Ҳукумат қарори лойиҳаси 2017 йил 1 октябрь Молия вазирлиги, Марказий банк, Иқтисодиёт вазирлиги, Давлат рақобат қўмитаси, манфаатдор вазирликлар ва идоралар 2. Инфляциявий таргетлаш режимига босқичма-босқич ўтиш учун зарур асослар ва шарт-шароитлар шаклланишига алоҳида эътибор қаратган ҳолда пул-кредит сиёсатини ривожлантириш ва амалга ошириш бўйича ўрта муддатли Концепция ва 2018 — 2021 йилларда Концепцияни амалга ошириш «Йўл харитаси»ни ишлаб чиқиш. Марказий банк Бошқаруви қарори 2018 йил 1 мартгача Марказий банк 3. Валюта бозори либераллаштирилганидан кейин валюта курси режими ва пул-кредит сиёсатини белгилаш ва ишлаб чиқиш учун Халқаро валюта фонди техник кўмагини жалб қилиш. Халқаро валюта фонди билан музокаралар олиб бориш 2017 йил IV чорак Марказий банк 4. Умумиқтисодий, солиқ-бюджет ва пул-кредит сиёсати амалиётини мувофиқлаштиришни такомиллаштириш, амалга оширилаётган иқтисодий ўсиш, Ўзбекистон Республикаси Давлат бюджетининг баланслилигини ва инфляциянинг паст даражасини уйғунлиги ва мутаносиблигини таъминлаш. Республика банк кенгаши ва Пул-кредит комиссияси фаолияти, функциялари ва таркибини қайта кўриб чиқиш асосида ягона идоралараро коллегиал органни тузиш 2017 йил IV чорак Марказий банк, Иқтисодиёт вазирлиги, Молия вазирлиги, вазирликлар ва идоралар 5. Банк тизимида ликвидликни тартибга солишда уларнинг самарадорлигини ошириш мақсадида мажбурий захиралар нормаларини қўллаш методларини такомиллаштириш. Марказий банк Бошқаруви қарори 2018 йил I чорак Марказий банк, тижорат банклари 6. Пул бозори ҳолатига ўз вақтида таъсир кўрсатиш, тартибга солиш самарадорлигини ошириш учун қисқа муддатли пул ресурсларини тақдим этиш ва жалб этиш банклараро бозори ягона платформасини ишга тушириш бўйича зарур чораларни амалга ошириш. Марказий банк Бошқаруви қарори 2018 йил I чорак Марказий банк, Ўзбекистон Банклар ассоциацияси, тижорат банклари 7. Қарз воситалари бозорини ривожлантирган ва давлат қимматли қоғозларини муомалага чиқара борган сари давлат қимматли қоғозлари билан очиқ бозорда хусусан РЕПО операциялари, ликвидликни тақдим этиш операциялари, шу жумладан ломбард кредитлари операцияларини амалга оширишни амалиётга жорий қилиш. Марказий банк Бошқаруви қарори Давлат қимматли қоғозлари муомалага чиқарилгандан кейин уч ой давомида Марказий банк, Молия вазирлиги, тижорат банклари 8. Макроиқтисодий модел, шунингдек, кейинчалик тегишли асосланган қарорларни қабул қилиш учун таҳлил ва прогнозлар сифатини ошириш мақсадида ўрта муддатли ва узоқ муддатли макроиқтисодий прогнозни баҳолаш ва шакллантириш методикаларини ишлаб чиқиш ва такомиллаштириш. Методик кўрсатма (идоралараро) 2018 йил IV чорак Иқтисодиёт вазирлиги, Марказий банк, Молия вазирлиги, Давлат статистика қўмитаси, вазирликлар ва идоралар 9. Фоизли воситаларни оптималлаштириш ва пул-кредит инструментларининг узатиш механизмининг ишлаш самарадорлигини таъминлаш мақсадида Марказий банк пул-кредит сиёсати асосий индикатори сифатида энг муҳим ставка ва фоиз йўлагини жорий қилиш. Марказий банк Бошқаруви қарори 2019 йил IV чорак Марказий банк 10. Пул-кредит сиёсати воситаларидан фаол ва самарали фойдаланиш, шунингдек, уларни доимий такомиллаштириш. Марказий банк Бошқаруви қарори Доимий асосда Марказий банк, тижорат банклари 11. Банк тизимидаги ликвидликнинг ўзгаришини қисқа муддатли оралиқ прогнозлаштирилиш амалиётига жорий қилиш. Таҳлилий материал Доимий асосда Марказий банк 12. Монетар факторлар томонидан инфляцион босим кучайишининг мумкин бўлган хавфларини бошланғич даврида аниқлаш ва инфляция жараёнларини жиловлаш бўйича пул-кредит соҳасида олиб борилаётган чораларнинг самарадорлигини баҳолаш мақсадида асосий пул-кредит агрегатлари ўзгаришини кундалик мониторинг қилиш тизимини жорий этиш. Таҳлилий материал Доимий асосда Марказий банк 13. Хорижий экспертлар ва халқаро молия институтларининг техник кўмагини жалб қилиш орқали, шу жумладан макроиқтисодий кўрсаткичлар бўйича статистик маълумотларни йиғиш ва тузиш сифатини ошириш. Чора-тадбирлар режаси Доимий асосда Давлат статистика қўмитаси, Иқтисодиёт вазирлиги, Марказий банк, Молия вазирлиги II. ИЧКИ БОЗОРДА НАРХЛАР ЎЗГАРИШИ УСТИДАН САМАРАЛИ НАЗОРАТНИ ТАЪМИНЛАШ ЧОРАЛАРИ 14. Маҳсулот бозорларида устун мавқега эга бўлган хўжалик юритувчи субъектларнинг Давлат реестрига киритилган маҳсулотлар ва хизматлар нархларини (тарифлар) декларация қилиш (тасдиқлаш) амалиётини 2017 — 2021 йилларда босқичма-босқич бекор қилишни назарда тутувчи Ҳукумат қарори лойиҳасини ишлаб чиқиш ва белгиланган тартибда Вазирлар Маҳкамасига киритиш. Ҳукумат қарори лойиҳаси 2017 йил IV чорак Молия вазирлиги, Давлат рақобат қўмитаси, Иқтисодиёт вазирлиги 15. Ҳақиқатда юзага келган шарт-шароитлар ва омилларни танқидий таҳлил қилиш асосида ва меҳнат унумдорлигини ошириш, ишлаб чиқаришнинг энергия сиғимини камайтириш, зарур инфратузилма ва муҳандислик-коммуникация тизимини яратиш, шунингдек, ички истеъмол бозорида нархларнинг ошишига олиб келувчи бошқа асоссиз харажатлар ва тизимли муаммоларни бартараф қилиш орқали республикада ишлаб чиқариладиган маҳсулотлар таннархини пасайтириш бўйича аниқ таклифлар тайёрлаш. Ҳукумат қарори лойиҳаси 2018 йил I чорак Иқтисодиёт вазирлиги, Молия вазирлиги, Марказий банк, Давлат статистика қўмитаси, вазирликлар ва идоралар 16. Инфляция ҳолатлари ва кутилмаларни ҳар томонлама ва фактлар асосида таҳлил қилиш имконини берувчи халқаро тан олинган амалиётга мувофиқ такомиллашган ҳисоб-китоб методикасини жорий қилиш ва истеъмол нархлари индексини тузиш. Методологик ҳужжат 2017 йил IV чорак Давлат статистика қўмитаси, Иқтисодиёт вазирлиги, Марказий банк 17. Хориж тажрибасини ўрганиш асосида инфляцион кутилмаларни баҳолашнинг такомиллаштирилган методологиясини ишлаб чиқиш ва татбиқ этиш. Методологик ҳужжат 2017 йил IV чорак Марказий банк, Иқтисодиёт вазирлиги, Давлат статистика қўмитаси 18. Халқаро молия институтларининг техник кўмагини жалб қилиш орқали инфляциянинг даражасини прогнозлаштириш ва уни фактлар асосида таҳлил қилишнинг такомиллаштирилган модели ва методологиясини ишлаб чиқиш. Идоравий норматив-ҳуқуқий ҳужжат 2017 — 2019 йиллар Марказий банк, Иқтисодиёт вазирлиги, Молия вазирлиги, Давлат статистика қўмитаси 19. Амалдаги мавсумий, иқлим омиллари ва жаҳон нархларининг ошиши, шунингдек, монетар бўлмаган омиллар билан боғлиқ бўлган бошқа сабаблар ҳисобига нархларнинг кескин ўзгаришига тезкор муносабат механизмини такомиллаштириш мақсадида Ўзбекистон Республикаси Президентининг 2017 йил 23 июндаги «Республика аҳолисини ижтимоий аҳамиятга эга озиқ-овқат товарларининг асосий турлари билан ишончли таъминлашга оид кечиктириб бўлмайдиган чора-тадбирлар тўғрисидаги» ПҚ-3082-сон қарорида белгилаб берилган вазифаларни бажариш доирасидаги чораларни кучайтириш. Чора-тадбирлар режаси Доимий асосда Ижтимоий муҳим озиқ-овқат маҳсулотларининг асосий тури нархларини мониторинг ва назорат қилиш бўйича Республика ва доимий амал қилувчи ҳудудий комиссиялар раҳбарлари III. ИЖТИМОИЙ-ИҚТИСОДИЙ КЎРСАТКИЧЛАР ШАФФОФЛИГИНИ ЯНАДА ОШИРИШ ВА ЖАМОАТЧИЛИК БИЛАН АЛОҚАЛАРНИ РИВОЖЛАНТИРИШ ЧОРАЛАРИ 20. Иқтисодий сиёсатнинг транспарентлигини ошириш ва Халқаро валюта фондининг «Маълумотларни тарқатиш умумий тизими» (МТУТ) лойиҳасида иштирок этиш жараёнини қайта тиклаш бўйича таклифлар тайёрлаш. Ҳукумат қарори лойиҳаси 2017 йил IV чорак Давлат статистика қўмитаси, Иқтисодиёт вазирлиги, Марказий банк, Молия вазирлиги, вазирликлар ва идоралар 21. Давлат молиялари тўғрисидаги маълумотларнинг шаффофлигини янада ошириш мақсадида уларни давлат секторида ҳисобга олиш Халқаро стандартларига мувофиқ, расмий сайтлар ва расмий босма нашрларда ҳар чоракда эълон қилиш. Идоравий норматив-ҳуқуқий ҳужжат 2017 йил IV чорак Молия вазирлиги, Иқтисодиёт вазирлиги, Марказий банк 22. Пул-кредит сиёсати ва банк тизими соҳасида олиб борилаётган ислоҳотларни кенг ёритиш мақсадида жамоатчилик билан алоқаларни такомиллаштириш ва ривожлантириш. ОАВ вакиллари билан учрашувлар ва интервьюлар ташкил этиш, пресс-релизлар тайёрлаш Мунтазам асосда Марказий банк, Ўзбекистон Банклар ассоциацияси, тижорат банклари 23. Пул-кредит сиёсатининг ҳар чоракда умумлаштирилган маълумотини бюллетень кўринишида чоп этиш билан бирга Марказий банк ахборот-таҳлилий нашрлари рўйхатини кенгайтириш. Марказий банк ахборот-таҳлилий нашрлари 2018 йилдан бошлаб ҳар чоракда Марказий банк, Ўзбекистон Банклар ассоциацияси, тижорат банклари IV. ХАЛҚАРО МОЛИЯ ТАШКИЛОТЛАРИ ВА ЧЕТ ЭЛ МАРКАЗИЙ БАНКЛАРИ БИЛАН ҲАМКОРЛИК ҚИЛИШ 24. Мутахассислар малакасини оширишни ташкил этиш ва инфляциявийтаргетлаш режимига ўтиш чоралари доирасида семинар-тренингларда иштирок этиш орқали маслаҳатлашув учун халқаро экспертларни жалб этиш, етакчи халқаро молиявий институтлар техник кўмагини жалб қилиш. Семинар-тренингларда иштирок этишва ХВФ, Бутунжаҳон банки, ОТБ ва бошқалар техник кўмагини жалб қилиш 2017 — 2021 йиллар Марказий банк, Молия вазирлиги, Иқтисодиёт вазирлиги, Давлат статистика қўмитаси 25. Пул-кредит сиёсатини олиб бориш соҳасидаги тажрибасини ўрганиш мақсадида хориж марказий банклари билан ҳамкорлик ўрнатиш. Ўзбекистон Республикаси Марказий банки билан хориж марказий банклари ўртасида ҳамкорлик тўғрисидаги меморандум 2017 — 2019 йиллар давомида Марказий банк

Ўзбекистон Республикаси Президенти Ш. МИРЗИЁЕВ

Тошкент ш.,

2017 йил 13 сентябрь,

ПҚ-3272-сон

(Қонун ҳужжатлари маълумотлари миллий базаси, 25.09.2017 й., 07/17/3272/0001)

lex.uz

Oʻzbekiston Respublikasi Prezidentining

Qarori

CHORA-TADBIRLARI KOMPLEKSI

Pul-kredit siyosatini yanada takomillashtirish chora-tadbirlari toʻgʻrisida

Taʼkidlash lozimki, soʻnggi yillarda respublikamizda tarif va pul-kredit sohasida koʻrilgan chora-tadbirlar inflyatsiya darajasini asta-sekin pasaytirish imkonini berdi, makroiqtisodiy barqarorlik va izchil iqtisodiy oʻsish surʼatlarini taʼminladi.

Shu bilan birga global moliya-iqtisodiy tizimidagi murakkab va tez oʻzgaruvchan, shuningdek, valyuta munosabatlarini tartibga solishni liberallashtirish sharoitida makroiqtisodiy barqarorlik va aholining turmush darajasini oshirishni taʼminlashga qaratilgan monetar siyosatning amaldagi instrumentlarini tubdan qayta koʻrib chiqish talab etilmoqda.

2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasiga muvofiq, shuningdek, pul-kredit siyosatini yanada takomillashtirish, ilgʻor xalqaro tajribaga muvofiq monetar siyosatning yangi instrumentlarini joriy etish, milliy valyutaning mustahkamligini va respublikada makroiqtisodiy barqarorlikni taʼminlashda uning rolini kuchaytirish maqsadida:

1. Oʻzbekiston Respublikasi Prezidentining 2017-yil 2-sentabrdagi “Valyuta siyosatini liberallashtirish boʻyicha birinchi navbatdagi chora-tadbirlar toʻgʻrisida”gi PF-5177-sonli Farmoni bilan valyuta bozorini liberallashtirish jarayonlarida davlat iqtisodiy siyosatining ustuvor yoʻnalishlaridan biri sifatida milliy valyutaning barqarorligini taʼminlashga yoʻnaltirilgan qatʼiy monetar siyosat olib borish belgilangan boʻlib, bunda uning instrumentlaridan faol va moslashtirgan holda foydalanishni nazarda tutish, davlatning qimmatli qogʻozlar bozorini rivojlantirish, shuningdek, ochiq bozorda operatsiyalarni amalga oshirish amaliyotini hamda davlat qimmatli qogʻozlarini garovga qoʻyish bilan banklarning likvidligini oshirish boʻyicha operatsiyalarning joriy etilishi maʼlumot uchun qabul qilinsin.

2. Oʻzbekiston Respublikasi Markaziy bankining ichki narxlarning barqarorligini taʼminlashda oʻrta muddatli istiqbolda pul-kredit siyosati maqsadlariga erishish prinsip va mexanizmlarini xorijiy markaziy banklari tomonidan qoʻllaniladigan inflyatsiyaviy targetlash rejimiga oʻtish toʻgʻrisidagi taklifiga rozilik berilsin.

3. Oʻzbekiston Respublikasi Markaziy banki, Moliya vazirligi, Iqtisodiyot vazirligi manfaatdor vazirliklar va idoralar bilan birgalikda ishlab chiqilgan 2017 — 2021-yillarda pul-kredit siyosatini yanada takomillashtirish chora-tadbirlari kompleksi hamda ilovaga muvofiq inflyatsiyaviy targetlash rejimiga bosqichma-bosqich oʻtish taklifi maʼqullansin.

Oʻzbekiston Respublikasi Markaziy banki (M. Nurmuratov), Moliya vazirligi (B. Xodjayev), Iqtisodiyot vazirligi (G. Saidova) rahbarlari zimmasiga Chora-tadbirlar kompleksida belgilangan tadbirlarni oʻz vaqtida va sifatli bajarish yuzasidan shaxsiy javobgarlik yuklansin.

4. Oʻzbekiston Respublikasi Markaziy banki 2018-yilning 1-martigacha rivojlantirish va pul-kredit siyosatini amalga oshirishning oʻrta muddatli Konsepsiyasini hamda 2018 — 2021-yillarda Konsepsiyani amalga oshirish boʻyicha “yoʻl xaritasini” ishlab chiqsin va tasdiqlasin, unda bosqichma-bosqich inflyatsiyaviy targetlash rejimiga oʻtish nazarda tutilsin, ular quyidagi yoʻllar orqali amalga oshirilsin:

umumiqtisodiy, soliq-budjet va pul-kredit siyosatini muvofiqlashtirish amaliyotini takomillashtirish, bunda iqtisodiy oʻsish, davlat budjetining balanslashganligi va iqtisodiyotdagi narxlar darajasining barqarorligi boʻyicha oʻzaro harakatlar va maqsadlarning kelishilganligini taʼminlashga alohida eʼtibor qaratish;

likvidlikni taʼminlash va jalb qilish operatsiyalari boʻyicha pul-kredit siyosatining samarali qoʻllaniladigan foiz instrumentlari turlarini kengaytirish;

tijorat banklari tomonidan foiz stavkalarini shakllantirishda, shu jumladan, kreditlar boʻyicha bozor mexanizmlarini keng joriy etish;

ilgʻor xorijiy tajribaga muvofiq makroiqtisodiy tahlil va prognozlashni takomillashtirish;

olib borilayotgan pul-kredit siyosatining, jumladan amalga oshirilayotgan siyosatda qoʻllanilayotgan instrumentlar va yakuniy maqsadlar toʻgʻrisida axborot yetkazib berish yoʻli bilan, shaffoflik va oldindan bashorat qilish imkoniyatini oshirish.

5. Oʻzbekiston Respublikasi Moliya vazirligi, Iqtisodiyot vazirligi, Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Oʻzbekiston Respublikasi Markaziy banki 2017-yilning 1-oktabrigacha oʻrta va uzoq muddatli istiqbolda Respublika moliya bozorini, shu jumladan, davlat qimmatli qogʻozlar bozorini yanada rivojlantirish Konsepsiyasi loyihasini ishlab chiqsin va oʻrnatilgan tartibda Oʻzbekiston Respublikasi Vazirlar Mahkamasiga kiritsin.

6. Oʻzbekiston Respublikasi Markaziy banki, Adliya vazirligi hamda boshqa manfaatdor vazirlik va idoralar bilan birgalikda uch oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.

7. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Bosh vazirining oʻrinbosari J.A. Qoʻchqorov va Oʻzbekiston Respublikasi Markaziy banki raisi M.B. Nurmuratov zimmasiga yuklansin.

Oʻzbekiston Respublikasi Prezidentining 2017-yil 13-sentabrdagi PQ-3272-son qaroriga ILOVA

2017 — 2021-yillarda pul-kredit siyosatini yanada takomillashtirish va inflyatsiyaviy targetlash rejimiga bosqichma-bosqich oʻtish

T/r Chora-tadbirlar nomlanishi Amalga oshirish shakli Ijro muddati Masʼul ijrochilar I. PUL-KREDIT SIYOSATI VA UNING VOSITALARIDAN FOYDALANISHNI TAKOMILLASHTIRISH CHORALARI 1. Oʻzbekiston Respublikasi moliya bozori, shu jumladan keyinchalik ularni uzoq muddatli loyihalarga yoʻnaltirish bilan iqtisodiyotda boʻshpul mablagʻlarini safarbar qilish, shuningdek, pul-kredit siyosatini samarali olib borish uchun zarur shart-sharoitlar yaratish maqsadida davlat qimmatli qogʻozlar bozorini oʻrta va uzoq muddatli istiqbolda rivojlantirish Konsepsiyasi loyihasini ishlab chiqish va belgilangan tartibda Vazirlar Mahkamasiga kiritish. Hukumat qarori loyihasi 2017-yil 1-oktabr Moliya vazirligi, Markaziy bank, Iqtisodiyot vazirligi, Davlat raqobat qoʻmitasi, manfaatdor vazirliklar va idoralar 2. Inflyatsiyaviy targetlash rejimiga bosqichma-bosqich oʻtish uchun zarur asoslar va shart-sharoitlar shakllanishiga alohida eʼtibor qaratgan holda pul-kredit siyosatini rivojlantirish va amalga oshirish boʻyicha oʻrta muddatli Konsepsiya va 2018 — 2021-yillarda Konsepsiyani amalga oshirish “Yoʻl xaritasi”ni ishlab chiqish. Markaziy bank Boshqaruvi qarori 2018-yil 1-martgacha Markaziy bank 3. Valyuta bozori liberallashtirilganidan keyin valyuta kursi rejimi va pul-kredit siyosatini belgilash va ishlab chiqish uchun Xalqaro valyuta fondi texnik koʻmagini jalb qilish. Xalqaro valyuta fondi bilan muzokaralar olib borish 2017-yil IV chorak Markaziy bank 4. Umumiqtisodiy, soliq-budjet va pul-kredit siyosati amaliyotini muvofiqlashtirishni takomillashtirish, amalga oshirilayotgan iqtisodiy oʻsish, Oʻzbekiston Respublikasi Davlat budjetining balansliligini va inflyatsiyaning past darajasini uygʻunligi va mutanosibligini taʼminlash. Respublika bank kengashi va Pul-kredit komissiyasi faoliyati, funksiyalari va tarkibini qayta koʻrib chiqish asosida yagona idoralararo kollegial organni tuzish 2017-yil IV chorak Markaziy bank, Iqtisodiyot vazirligi, Moliya vazirligi, vazirliklar va idoralar 5. Bank tizimida likvidlikni tartibga solishda ularning samaradorligini oshirish maqsadida majburiy zaxiralar normalarini qoʻllash metodlarini takomillashtirish. Markaziy bank Boshqaruvi qarori 2018-yil I chorak Markaziy bank, tijorat banklari 6. Pul bozori holatiga oʻz vaqtida taʼsir koʻrsatish, tartibga solish samaradorligini oshirish uchun qisqa muddatli pul resurslarini taqdim etish va jalb etish banklararo bozori yagona platformasini ishga tushirish boʻyicha zarur choralarni amalga oshirish. Markaziy bank Boshqaruvi qarori 2018-yil I chorak Markaziy bank, Oʻzbekiston Banklar assotsiatsiyasi, tijorat banklari 7. Qarz vositalari bozorini rivojlantirgan va davlat qimmatli qogʻozlarini muomalaga chiqara borgan sari davlat qimmatli qogʻozlari bilan ochiq bozorda xususan REPO operatsiyalari, likvidlikni taqdim etish operatsiyalari, shu jumladan lombard kreditlari operatsiyalarini amalga oshirishni amaliyotga joriy qilish. Markaziy bank Boshqaruvi qarori Davlat qimmatli qogʻozlari muomalaga chiqarilgandan keyin uch oy davomida Markaziy bank, Moliya vazirligi, tijorat banklari 8. Makroiqtisodiy model, shuningdek, keyinchalik tegishli asoslangan qarorlarni qabul qilish uchun tahlil va prognozlar sifatini oshirish maqsadida oʻrta muddatli va uzoq muddatli makroiqtisodiy prognozni baholash va shakllantirish metodikalarini ishlab chiqish va takomillashtirish. Metodik koʻrsatma (idoralararo) 2018-yil IV chorak Iqtisodiyot vazirligi, Markaziy bank, Moliya vazirligi, Davlat statistika qoʻmitasi, vazirliklar va idoralar 9. Foizli vositalarni optimallashtirish va pul-kredit instrumentlarining uzatish mexanizmining ishlash samaradorligini taʼminlash maqsadida Markaziy bank pul-kredit siyosati asosiy indikatori sifatida eng muhim stavka va foiz yoʻlagini joriy qilish. Markaziy bank Boshqaruvi qarori 2019-yil IV chorak Markaziy bank 10. Pul-kredit siyosati vositalaridan faol va samarali foydalanish, shuningdek, ularni doimiy takomillashtirish. Markaziy bank Boshqaruvi qarori Doimiy asosda Markaziy bank, tijorat banklari 11. Bank tizimidagi likvidlikning oʻzgarishini qisqa muddatli oraliq prognozlashtirilish amaliyotiga joriy qilish. Tahliliy material Doimiy asosda Markaziy bank 12. Monetar faktorlar tomonidan inflyatsion bosim kuchayishining mumkin boʻlgan xavflarini boshlangʻich davrida aniqlash va inflyatsiya jarayonlarini jilovlash boʻyicha pul-kredit sohasida olib borilayotgan choralarning samaradorligini baholash maqsadida asosiy pul-kredit agregatlari oʻzgarishini kundalik monitoring qilish tizimini joriy etish. Tahliliy material Doimiy asosda Markaziy bank 13. Xorijiy ekspertlar va xalqaro moliya institutlarining texnik koʻmagini jalb qilish orqali, shu jumladan makroiqtisodiy koʻrsatkichlar boʻyicha statistik maʼlumotlarni yigʻish va tuzish sifatini oshirish. Chora-tadbirlar rejasi Doimiy asosda Davlat statistika qoʻmitasi, Iqtisodiyot vazirligi, Markaziy bank, Moliya vazirligi II. ICHKI BOZORDA NARXLAR OʻZGARISHI USTIDAN SAMARALI NAZORATNI TAʼMINLASH CHORALARI 14. Mahsulot bozorlarida ustun mavqega ega boʻlgan xoʻjalik yurituvchi subyektlarning Davlat reyestriga kiritilgan mahsulotlar va xizmatlar narxlarini (tariflar) deklaratsiya qilish (tasdiqlash) amaliyotini 2017 — 2021-yillarda bosqichma-bosqich bekor qilishni nazarda tutuvchi Hukumat qarori loyihasini ishlab chiqish va belgilangan tartibda Vazirlar Mahkamasiga kiritish. Hukumat qarori loyihasi 2017-yil IV chorak Moliya vazirligi, Davlat raqobat qoʻmitasi, Iqtisodiyot vazirligi 15. Haqiqatda yuzaga kelgan shart-sharoitlar va omillarni tanqidiy tahlil qilish asosida va mehnat unumdorligini oshirish, ishlab chiqarishning energiya sigʻimini kamaytirish, zarur infratuzilma va muhandislik-kommunikatsiya tizimini yaratish, shuningdek, ichki isteʼmol bozorida narxlarning oshishiga olib keluvchi boshqa asossiz xarajatlar va tizimli muammolarni bartaraf qilish orqali respublikada ishlab chiqariladigan mahsulotlar tannarxini pasaytirish boʻyicha aniq takliflar tayyorlash. Hukumat qarori loyihasi 2018-yil I chorak Iqtisodiyot vazirligi, Moliya vazirligi, Markaziy bank, Davlat statistika qoʻmitasi, vazirliklar va idoralar 16. Inflyatsiya holatlari va kutilmalarni har tomonlama va faktlar asosida tahlil qilish imkonini beruvchi xalqaro tan olingan amaliyotga muvofiq takomillashgan hisob-kitob metodikasini joriy qilish va isteʼmol narxlari indeksini tuzish. Metodologik hujjat 2017-yil IV chorak Davlat statistika qoʻmitasi, Iqtisodiyot vazirligi, Markaziy bank 17. Xorij tajribasini oʻrganish asosida inflyatsion kutilmalarni baholashning takomillashtirilgan metodologiyasini ishlab chiqish va tatbiq etish. Metodologik hujjat 2017-yil IV chorak Markaziy bank, Iqtisodiyot vazirligi, Davlat statistika qoʻmitasi 18. Xalqaro moliya institutlarining texnik koʻmagini jalb qilish orqali inflyatsiyaning darajasini prognozlashtirish va uni faktlar asosida tahlil qilishning takomillashtirilgan modeli va metodologiyasini ishlab chiqish. Idoraviy normativ-huquqiy hujjat 2017 — 2019 yillar Markaziy bank, Iqtisodiyot vazirligi, Moliya vazirligi, Davlat statistika qoʻmitasi 19. Amaldagi mavsumiy, iqlim omillari va jahon narxlarining oshishi, shuningdek, monetar boʻlmagan omillar bilan bogʻliq boʻlgan boshqa sabablar hisobiga narxlarning keskin oʻzgarishiga tezkor munosabat mexanizmini takomillashtirish maqsadida Oʻzbekiston Respublikasi Prezidentining 2017-yil 23-iyundagi “Respublika aholisini ijtimoiy ahamiyatga ega oziq-ovqat tovarlarining asosiy turlari bilan ishonchli taʼminlashga oid kechiktirib boʻlmaydigan chora-tadbirlar toʻgʻrisidagi” PQ-3082-son qarorida belgilab berilgan vazifalarni bajarish doirasidagi choralarni kuchaytirish. Chora-tadbirlar rejasi Doimiy asosda Ijtimoiy muhim oziq-ovqat mahsulotlarining asosiy turi narxlarini monitoring va nazorat qilish boʻyicha Respublika va doimiy amal qiluvchi hududiy komissiyalar rahbarlari III. IJTIMOIY-IQTISODIY KOʻRSATKICHLAR SHAFFOFLIGINI YANADA OSHIRISH VA JAMOATCHILIK BILAN ALOQALARNI RIVOJLANTIRISH CHORALARI 20. Iqtisodiy siyosatning transparentligini oshirish va Xalqaro valyuta fondining “Maʼlumotlarni tarqatish umumiy tizimi” (MTUT) loyihasida ishtirok etish jarayonini qayta tiklash boʻyicha takliflar tayyorlash. Hukumat qarori loyihasi 2017-yil IV chorak Davlat statistika qoʻmitasi, Iqtisodiyot vazirligi, Markaziy bank, Moliya vazirligi, vazirliklar va idoralar 21. Davlat moliyalari toʻgʻrisidagi maʼlumotlarning shaffofligini yanada oshirish maqsadida ularni davlat sektorida hisobga olish Xalqaro standartlariga muvofiq, rasmiy saytlar va rasmiy bosma nashrlarda har chorakda eʼlon qilish. Idoraviy normativ-huquqiy hujjat 2017-yil IV chorak Moliya vazirligi, Iqtisodiyot vazirligi, Markaziy bank 22. Pul-kredit siyosati va bank tizimi sohasida olib borilayotgan islohotlarni keng yoritish maqsadida jamoatchilik bilan aloqalarni takomillashtirish va rivojlantirish. OAV vakillari bilan uchrashuvlar va intervyular tashkil etish, press-relizlar tayyorlash Muntazam asosda Markaziy bank, Oʻzbekiston Banklar assotsiatsiyasi, tijorat banklari 23. Pul-kredit siyosatining har chorakda umumlashtirilgan maʼlumotini byulleten koʻrinishida chop etish bilan birga Markaziy bank axborot-tahliliy nashrlari roʻyxatini kengaytirish. Markaziy bank axborot-tahliliy nashrlari 2018-yildan boshlab har chorakda Markaziy bank, Oʻzbekiston Banklar assotsiatsiyasi, tijorat banklari IV. XALQARO MOLIYA TASHKILOTLARI VA CHET EL MARKAZIY BANKLARI BILAN HAMKORLIK QILISH 24. Mutaxassislar malakasini oshirishni tashkil etish va inflyatsiyaviytargetlash rejimiga oʻtish choralari doirasida seminar-treninglarda ishtirok etish orqali maslahatlashuv uchun xalqaro ekspertlarni jalb etish, yetakchi xalqaro moliyaviy institutlar texnik koʻmagini jalb qilish. Seminar-treninglarda ishtirok etishva XVF, Butunjahon banki, OTB va boshqalar texnik koʻmagini jalb qilish 2017 — 2021 yillar Markaziy bank, Moliya vazirligi, Iqtisodiyot vazirligi, Davlat statistika qoʻmitasi 25. Pul-kredit siyosatini olib borish sohasidagi tajribasini oʻrganish maqsadida xorij markaziy banklari bilan hamkorlik oʻrnatish. Oʻzbekiston Respublikasi Markaziy banki bilan xorij markaziy banklari oʻrtasida hamkorlik toʻgʻrisidagi memorandum 2017 — 2019 yillar davomida Markaziy bank

Oʻzbekiston Respublikasi Prezidenti Sh. MIRZIYOYEV

Toshkent sh.,

2017-yil 13-sentabr,

PQ-3272-son

(Qonun hujjatlari maʼlumotlari milliy bazasi, 25.09.2017-y., 07/17/3272/0001)

lex.uz

Президента Республики Узбекистан

Постановление

Комплекс мер

О мерах по дальнейшему совершенствованию денежно-кредитной политики

Отметить, что принимаемые в республике за последние годы меры в области тарифной и денежно-кредитной политики позволили постепенно снизить уровень инфляции, обеспечить макроэкономическую стабильность и устойчивые темпы экономического роста.

Вместе с тем в условиях сложной и быстроменяющейся ситуации в глобальной финансово-экономической системе, а также либерализации валютного регулирования требуется кардинальный пересмотр действующих инструментов монетарной политики для обеспечения макроэкономической стабильности и повышения уровня жизни населения.

В соответствии со Стратегией действий по пяти приоритетным направлениям развития Республики Узбекистан в 2017 — 2021 годах, а также в целях дальнейшего совершенствования денежно-кредитной политики, внедрения новых инструментов монетарной политики в соответствии с передовым международным опытом, усиления ее роли в обеспечении устойчивости национальной валюты и макроэкономической стабильности в республике:

1. Принять к сведению, что Указом Президента Республики Узбекистан от 2 сентября 2017 года № УП-5177 «О первоочередных мерах по либерализации валютной политики» в качестве одного из приоритетных направлений государственной экономической политики в процессе либерализации валютного рынка определено проведение жесткой монетарной политики, направленной на обеспечение стабильности национальной валюты, предусмотрев активное и гибкое использование её инструментов, развитие рынка государственных ценных бумаг, а также внедрение в практику осуществления операций на открытом рынке и операций по предоставлению ликвидности банкам под залог государственных ценных бумаг.

2. Согласиться с предложением Центрального банка Республики Узбекистан о переориентации принципов и механизмов достижения целей денежно-кредитной политики в среднесрочной перспективе на режим инфляционного таргетирования, применяемый центральными банками мира в обеспечении стабильности внутренних цен.

3. Одобрить разработанный Центральным банком, Министерством финансов, Министерством экономики Республики Узбекистан совместно с заинтересованными министерствами и ведомствами Комплекс мер по дальнейшему совершенствованию денежно-кредитной политики в период 2017 — 2021 годы и поэтапному переходу к режиму инфляционного таргетирования согласно приложению .

Возложить на руководителей Центрального банка (М. Нурмуратов), Министерства финансов (Б. Ходжаев), Министерства экономики (Г. Саидова) Республики Узбекистан персональную ответственность за своевременное и качественное выполнение мероприятий, указанных в Комплексе мер .

4. Центральному банку Республики Узбекистан в срок до 1 марта 2018 года разработать и утвердить среднесрочную Концепцию развития и осуществления денежно-кредитной политики и «дорожную карту» по реализации Концепции на 2018 — 2021 годы, предусмотрев в ней поэтапный переход к режиму инфляционного таргетирования, в том числе путем:

совершенствования практики координации общеэкономической, налогово-бюджетной и денежно-кредитной политики, обратив особое внимание на обеспечение взаимодействия и согласованности целей по экономическому росту, сбалансированности государственного бюджета и стабильности уровня цен в экономике;

расширения набора эффективно применяемых процентных инструментов денежно-кредитной политики по операциям предоставления и привлечения ликвидности;

широкого применения коммерческими банками рыночных механизмов формирования процентных ставок, в том числе по кредитам;

совершенствования в соответствии с передовым зарубежным опытом моделей макроэкономического анализа и прогнозирования;

повышения прозрачности и предсказуемости проводимой денежно-кредитной политики, в том числе путем усиления взаимосвязи с общественностью в целях информирования о применяемых инструментах и конечных целях проводимой политики.

5. Министерству финансов, Министерству экономики Республики Узбекистан, Государственному комитету Республики Узбекистан по содействию приватизированным предприятиям и развитию конкуренции и Центральному банку Республики Узбекистан в срок до 1 октября 2017 года разработать и в установленном порядке внести в Кабинет Министров Республики Узбекистан проект Концепции дальнейшего развития финансового рынка республики, в том числе рынка государственных ценных бумаг на среднесрочную и долгосрочную перспективу.

6. Центральному банку, Министерству юстиции Республики Узбекистан совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в законодательство, вытекающих из настоящего постановления.

7. Контроль за исполнением настоящего постановления возложить на Премьер-министра Республики Узбекистан А.Н. Арипова, заместителя Премьер-министра Республики Узбекистан Д.А. Кучкарова и Председателя Центрального банка Республики Узбекистан М.Б. Нурмуратова.

ПРИЛОЖЕНИЕ к постановлению Президента Республики Узбекистан от 13 сентября 2017 года № ПП-3272

по дальнейшему совершенствованию денежно-кредитной политики в период 2017 — 2021 годы и поэтапному переходу к режиму инфляционного таргетирования

№ Наименование мероприятия Форма реализации Срок исполнения Ответственные исполнители I. Меры по совершенствованию денежно-кредитной политики и использования ее инструментов 1. Разработка и внесение в установленном порядке в Кабинет Министров проекта Концепции развития финансового рынка Республики Узбекистан, в том числе рынка государственных ценных бумаг на среднесрочную и долгосрочную перспективу, в целях мобилизации свободных денежных средств в экономике и последующем направлении их на финансирование долгосрочных проектов, а также создания необходимых условий для проведения эффективной денежно-кредитной политики. Проект решения Правительства 1 октябрь 2017 г. Минфин, Центральный банк, Минэкономики, Госкомконкуренции, заинтересованные министерства и ведомства 2. Разработка среднесрочной Концепции развития и осуществления денежно-кредитной политики и «дорожной карты» по реализации Концепции на 2018 — 2021 годы, обратив при этом особое внимание на формирование необходимых основ и условий для поэтапного перехода к режиму инфляционного таргетирования. Постановление Правления Центрального банка до 1 марта 2018 г. Центральный банк 3. Привлечение технической помощи Международного валютного фонда для определения и разработки режима валютного курса и денежно-кредитной политики после либерализации валютного рынка. Проведение переговоров с Международным валютным фондом IV квартал 2017 г. Центральный банк 4. Совершенствование практики координации общеэкономической, налогово-бюджетной и денежно-кредитной политики, обеспечение взаимодействия и согласованности реализуемых мер, направленных на экономический рост, сбалансированность Государственного бюджета Республики Узбекистан и низкий уровень инфляции. Создание единого межведомственного коллегиального органа на основе пересмотра деятельности, функций и составов Республиканского банковского совета и Денежно-кредитной комиссии IV квартал 2017 г. Центральный банк, Минэкономики, Минфин, министерства и ведомства 5. Совершенствование методов применения нормы обязательных резервов с целью повышения их эффективности при регулировании ликвидности в банковской системе. Постановление Правления Центрального банка I квартал 2018 г. Центральный банк, коммерческие банки 6. Реализация необходимых мер по запуску единой платформы межбанковского рынка предоставления и привлечения краткосрочных денежных ресурсов для повышения эффективности регулирования, оказания своевременного воздействия на состояние денежного рынка. Постановление Правления Центрального банка I квартал 2018 г. Центральный банк, Ассоциация банков Узбекистана, коммерческие банки 7. Внедрение в практику осуществления операций на открытом рынке, включая РЕПО операции с государственными ценными бумагами, операций по предоставлению ликвидности, в том числе ломбардных кредитов, по мере развития рынка долговых инструментов и выпуска в обращение государственных ценных бумаг. Постановление Правления Центрального банка В течение трех месяцев после выпуска в обращение государственных ценных бумаг Центральный банк, Минфин, коммерческие банки 8. Разработка и совершенствование макроэкономической модели, а также методик оценки и формирования среднесрочных и долгосрочных макроэкономических прогнозов в целях повышения качества анализа и прогнозов для принятия в дальнейшем соответствующих обоснованных решений. Методическое указание (межведомственное) IV квартал 2018 г. Минэкономики, Центральный банк, Минфин, Госкомстат, министерства и ведомства 9. Введение ключевой ставки и процентного коридора в качестве основного индикатора денежно-кредитной политики Центрального банка в целях оптимизации процентных инструментов и обеспечения эффективности функционирования передаточного механизма денежно-кредитных инструментов. Постановление Правления Центрального банка IV квартал 2019 г. Центральный банк 10. Активное и эффективное использование, а также постоянное совершенствование инструментов денежно-кредитной политики. Решения Правления Центрального банка На постоянной основе Центральный банк, коммерческие банки 11. Внедрение в практику промежуточного краткосрочного прогнозирования изменения ликвидности в банковской системе. Аналитический материал На постоянной основе Центральный банк 12. Внедрение системы ежедневного мониторинга изменений основных денежно-кредитных агрегатов с целью выявления на ранней стадии возможных рисков усиления инфляционного давления со стороны монетарных факторов и оценки эффективности проводимых мер в денежно-кредитной сфере по обузданию инфляционных процессов. Аналитический материал На постоянной основе Центральный банк 13. Дальнейшее повышение качества сбора и составления статистических данных, в том числе по макроэкономическим показателям путем привлечения зарубежных экспертов и технической помощи международных финансовых институтов. План мероприятий На постоянной основе Госкомстат, Минэкономики, Центральный банк, Минфин II. Меры по обеспечению эффективного контроля над изменением цен на внутреннем рынке 14. Разработка и в установленном порядке внесение в Кабинет Министров проекта решения Правительства, предусматривающего мероприятия по поэтапной отмене в течение 2017 — 2021 годов практики декларирования (утверждения) цен (тарифов) на товары и услуги, включенные в Государственный реестр хозяйствующих субъектов, занимающих доминирующее положение на товарных рынках. Проект решения Правительства IV квартал 2017 г. Минфин, Госкомконкуренции, Минэкономики 15. На основе критического анализа реально сложившихся условий и факторов подготовка конкретных предложений по снижению себестоимости производимой в республике продукции путем повышения производительности труда, снижения энергоемкости производства, создания необходимой инфраструктуры и инженерно-коммуникационной системы, а также устранения других необоснованных затрат и структурных проблем, приводящих к росту цен на внутреннем потребительском рынке. Проект решения Правительства I квартал 2018 г. Минэкономики, Минфин, Центральный банк, Госкомстат, министерства и ведомства 16. Внедрение усовершенствованной методики расчетов и составления индекса потребительских цен в соответствии с международно признанной практикой, позволяющей осуществлять всесторонний и пофакторный анализ инфляционных явлений и ожиданий. Методологический документ IV квартал 2017 г. Госкомстат, Минэкономики, Центральный банк 17. Разработка и внедрение на основе изучения зарубежного опыта усовершенствованной методологии оценки инфляционного ожидания. Методологический документ IV квартал 2017 г. Центральный банк, Минэкономики, Госкомстат 18. Разработка усовершенствованной модели и методологии пофакторного анализа инфляции и прогнозирования ее уровня, в том числе путем привлечения технического содействия международных финансовых институтов. Ведомственный нормативно-правовой акт 2017 — 2019 гг. Центральный банк, Минэкономики, Минфин, Госкомстат 19. Усиление мер в рамках выполнения задач, определенных в постановлении Президента Республики Узбекистан от 23 июня 2017 года № ПП-3082 «О неотложных мерах по надежному обеспечению населения республики основными видами социально-значимых продовольственных товаров» в целях совершенствования действующего механизма оперативного реагирования на резкие изменения цен за счет сезонных, климатических факторов и удорожания мировых цен, а также других причин, связанных с немонетарными факторами. План мероприятий На постоянной основе Руководители Республиканской и постоянно действующих территориальных комиссий по мониторингу и контролю за ценами на основные виды социально-значимых продовольственных товаров III. Меры по дальнейшему повышению прозрачности социально-экономических показателей и развитию связей с общественностью 20. Подготовка предложений по повышению транспарентности экономической политики и возобновлению процесса участия в проекте Международного валютного фонда «Общая система распространения данных» (ОСРД) Проект решения Правительства IV квартал 2017 г. Госкомстат, Минэкономики, Центральный банк, Минфин, министерства и ведомства 21. В целях обеспечения дальнейшей прозрачности сведений о государственных финансах, осуществление на ежеквартальной основе публикации, в соответствии с Международными стандартами их учета в государственном секторе, на официальных сайтах и в официальных печатных изданиях. Ведомственный нормативно-правовой акт IV квартал 2017 г. Минфин, Минэкономики, Центральный банк 22. Совершенствование и развитие связей с общественностью в целях широкого освещения проводимых реформ в сфере денежно-кредитной политики и банковской системе. Организация встреч и интервью с представителями СМИ, пресс-релизы На регулярной основе Центральный банк, Ассоциация банков Узбекистана, коммерческие банки 23. Расширение перечня информационно-аналитических изданий Центрального банка, включая публикацию в виде бюллетеней ежеквартальных обзоров денежно-кредитной политики. Информационно-аналитические издания Центрального банка Ежеквартально, начиная с 2018 г. Центральный банк, Ассоциация банков Узбекистана, коммерческие банки IV. Сотрудничество с международными финансовыми организациями и зарубежными центральными банками 24. Организация повышения квалификации специалистов и привлечение международных экспертов для консультаций в рамках мер по переходу к режиму инфляционного таргетирования путем участия в семинарах-тренингах, привлечение технического содействия ведущих международных финансовых институтов. Участие в семинарах-трейнингах и привлечение технического содействия МВФ, Всемирного банка, АБР и др. 2017 — 2021 гг. Центральный банк, Минфин, Минэкономики, Госкомстат 25. Установление сотрудничества с зарубежными центральными банками с целью изучения их опыта в области проведения денежно-кредитной политики. Меморандум о сотрудничестве между Центральным банком Республики Узбекистан и зарубежными центральными банками В течение 2017 — 2019 гг. Центральный банк

Президент Республики Узбекистан Ш. МИРЗИЁЕВ

г. Ташкент,

13 сентября 2017 г.,

№ ПП-3272

(Национальная база данных законодательства, 25.09.2017 г., № 07/17/3272/0001)

lex.uz