📅 2017-yil 15-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 15 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 15 сентября 2017 г. · Постановления Президента
Официальный текст. Официальный документ. Редакционные примечания не включены.
📅 15 September 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
шарҳ
Нодавлат таълим хизматлари кўрсатиш фаолиятини янада ривожлантириш чора-тадбирлари тўғрисида
Нодавлат таълим хизматлари кўрсатиш фаолиятини янада ривожлантириш, таълимнинг юқори сифатини таъминлашда давлат ва нодавлат таълим муассасалари ўртасида соғлом рақобат муҳитини яратиш, шунингдек, нодавлат таълим хизматлари кўрсатиш соҳасидаги юридик шахслар учун қулай шарт-шароитлар яратиш мақсадида:
1. Халқ таълими вазирлиги, Олий ва ўрта махсус таълим вазирлиги, Иқтисодиёт вазирлиги, Молия вазирлиги, Вазирлар Маҳкамаси ҳузуридаги Давлат тест маркази, шунингдек, Қорақалпоғистон Республикаси Вазирлар Кенгаши, Тошкент шаҳар ва вилоятлар ҳокимликларининг 2018 йилнинг 1 январидан бошлаб юридик шахслар томонидан мулкчилик ва ташкилий-ҳуқуқий шаклларидан қатъи назар, нодавлат таълим хизматлари кўрсатишни лицензия асосида амалга ошириш тартибини жорий этиш тўғрисидаги таклифларига розилик берилсин.
2. Нодавлат таълим хизматлари кўрсатиш фаолиятини янада ривожлантиришнинг асосий йўналиш ва вазифалари этиб қуйидагилар белгилансин:
иқтидорли болалар ва истеъдодли ёшларни аниқлаш ва қўллаб-қувватлаш орқали таълим-тарбиянинг юқори сифатини таъминлайдиган қулай шарт-шароитлар яратиш;
соғлом рақобат муҳитини шакллантириш учун анъанавий таълим хизматлари билан бир қаторда сифатли ва оммабоп таълим олишнинг муқобил имкониятларини яратадиган пуллик таълим хизматлари кўрсатиш бозорини жадал ривожлантириш;
илғор халқаро тажрибаларни инобатга олиб, ўқитишнинг инновацион педагогик шакллари, услублари ҳамда замонавий технологияларидан фойдаланиш асосида таълим соҳасидаги самарадорлик ва натижавийликни ошириш.
3. Белгилансинки, нодавлат таълим хизматлари фаолияти билан шуғулланувчи юридик шахслар:
ўз фаолиятини давлат таълим стандартлари ва талаблар асосида амалга оширади;
амалдаги меъёрий-ҳуқуқий ҳужжатларга қатъий риоя қилган ҳолда юқори малакали педагог ва бошқа кадрлар билан таъминлаш, таълим-тарбия жараёнини ташкил этиш учун зарур шарт-шароитларни яратиш чораларини кўради;
ўқиш муддати ва шартлари, тўлов миқдори, томонларнинг ҳуқуқ ва мажбуриятлари ҳамда бошқа шартлар белгиланган шартномага мувофиқ таълим олувчиларнинг ота-оналари ёки бошқа қонуний вакиллари билан ўзаро муносабат ўрнатади;
ўз фаолиятини аҳолига пуллик таълим хизматларини кўрсатиш, хайрия фондлари ва грантлардан келиб тушган маблағлар, шунингдек, қонунчиликда тақиқланмаган бошқа манбалар ҳисобидан молиялаштиради;
битирувчиларга давлат намунасидаги таълим тўғрисидаги ҳужжат беради.
4. Мактабгача ва умумий ўрта таълим соҳасида нодавлат таълим хизматларини кўрсатадиган юридик шахслар ижтимоий ҳимояга муҳтож оилаларнинг қобилиятли ва иқтидорли фарзандларини танлов асосида муассасадаги жами ўқувчилар умумий сонининг 10 фоизидан кам бўлмаган миқдорда таълим хизматларини кўрсатиш эвазига келиб тушган даромадлар ҳисобидан бепул (грант асосида) ўқишга қабул қилиши белгилаб қўйилсин. Кейинги йилларда ўқувчиларни бепул (грант асосида) ўқитишни давом эттириш бўйича қарор нодавлат таълим хизматларини кўрсатиш фаолияти билан шуғулланувчи юридик шахс томонидан таълим олувчининг оилавий шароити ва унинг академик натижаларидан келиб чиққан ҳолда қабул қилинади.
5. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси Қорақалпоғистон Республикаси Вазирлар Кенгаши, Тошкент шаҳар ва вилоятлар ҳокимликлари билан биргаликда аҳолига нодавлат таълим хизматларини кўрсатиш фаолияти билан шуғулланувчи юридик шахсларга давлат мулки бўлган фойдаланилмаётган бино, объектлар ва иншоотларни давлат-хусусий шерикчилик шартлари асосида ўрнатилган тартибда сотишни ташкил этсин.
6. Нодавлат таълим хизматларини кўрсатиш фаолияти билан шуғулланувчи юридик шахсларга илғор хорижий тажрибаларни инобатга олган ҳолда қуйидагилар тавсия қилинсин:
таълим жараёнини ўқитишнинг энг замонавий технологияларидан фойдаланган ҳолда фанларни чуқурлаштириб ўргатиш йўналишида ташкил этиш;
ўзларига ном танлашда ватанимизнинг машҳур ва буюк олимлари, жамият арбоблари исмларидан ўрнатилган тартибда фойдаланиш;
илғор илмий-амалий тажрибани жорий этиш ҳамда чуқурлаштириб ўрганиладиган фанларни чет тилида ўқитиш учун таълим жараёнига хорижий педагог ва мутахассисларни жалб қилиш.
7. Қорақалпоғистон Республикаси Вазирлар Кенгаши, Тошкент шаҳар ва вилоятлар ҳокимликлари Ўзбекистон Республикаси Халқ таълими вазирлиги билан ҳамкорликда 2018/2019 ўқув йили бошлангунга қадар ҳар бир туман (шаҳар)да давлат рўйхатидан ўтказиш тартибига риоя қилган ҳолда мактабгача ва умумий ўрта таълим соҳасида нодавлат таълим хизматларини кўрсатиш фаолияти билан шуғулланадиган камида биттадан юридик шахсни ташкил этиш чораларини кўрсин.
8. Мактабгача ва умумий ўрта таълим соҳасида нодавлат таълим хизматларини кўрсатиш фаолияти билан шуғулланадиган юридик шахслар 2030 йил 1 январгача бўлган муддатда қуйидаги тўловлардан озод қилинсин:
барча турдаги солиқ ва давлат мақсадли жамғармасига мажбурий тўловлардан (ягона ижтимоий тўловдан ташқари), бунда озод қилинаётган маблағлар уларни замонавий ўқув воситалари билан жиҳозлаш, зарур маҳсулотлар ва жиҳозлар сотиб олиш, бино ва иншоотларни реконструкция қилиш, капитал таъмирлаш ҳамда аҳолининг ижтимоий ҳимояга муҳтож қатламига бепул таълим хизматларини кўрсатишга мақсадли йўналтирилади;
меҳнат шартномаси асосида таълим-тарбия жараёнига жалб қилинган хорижий ўқитувчи ва мутахассисларнинг ойлик иш ҳақидан ягона ижтимоий тўлов.
9. Ўзбекистон Республикаси Вазирлар Маҳкамаси заруратдан келиб чиқиб, мактабгача ва умумий ўрта таълим соҳасида нодавлат таълим хизматларини кўрсатиш фаолияти билан шуғулланадиган юридик шахслар томонидан Ўзбекистон Республикасида ишлаб чиқарилмайдиган янги ўқув асбоб-ускуналари ва ўқув материалларини республикага олиб киришда (божхона ҳужжатларини расмийлаштириш учун тўловлар бундан мустасно) божхона тўловларидан озод этиш ва уларнинг рўйхатини тасдиқлашни назарда тутувчи Ўзбекистон Республикаси Президенти қарори лойиҳасини ўрнатилган тартибда киритсин.
10. Белгилаб қўйилсинки, юридик шахслар томонидан нодавлат таълим хизматларини кўрсатишда:
Чет эллик ўқитувчи ва мутахассислар жисмоний шахсларга солинадиган даромад солиғи ва Ўзбекистон Республикаси Молия вазирлиги ҳузуридаги бюджетдан ташқари пенсия жамғармасига ажратиладиган тўловлардан тузилган меҳнат шартномаси доирасида озод қилинади;
чет эллик ўқитувчи ва мутахассисларга икки томонлама авиачипталарни харид қилиш билан боғлиқ харажатлар (узоқ муддатли меҳнат шартнома асосида — бир йилда икки мартадан ошмаган ҳолда) иш берувчи томонидан қопланиши мумкин;
чет эллик ўқитувчи ва мутахассисларнинг яшаш жойи учун тўловлар қисқа муддатли меҳнат шартномаларига асосан (бир ойдан кўп бўлмаган муддатга) иш берувчилар томонидан амалга оширилади, узоқ муддатли меҳнат шартномалари доирасида уларнинг яшаш жойи учун тўловлар шартнома шартларига мувофиқ иш ҳақи билан биргаликда тўлаб берилади.
12. Ўзбекистон Республикаси Ташқи ишлар вазирлигига тегишли вазирлик ва идоралар буюртмаларига асосан нодавлат таълим хизматларини кўрсатиш фаолияти билан шуғулланадиган юридик шахслар томонидан ишга таклиф қилинаётган хорижий ўқитувчи ва мутахассисларнинг кириш визаларини ўрнатилган тартибда консуллик ва бошқа тўловларни ундирмаган ҳолда расмийлаштириш вазифаси юклатилсин.
13. Ўзбекистон Республикаси Вазирлар Маҳкамаси икки ой муддатда қуйидагиларни белгилайдиган ҳукумат қарорини қабул қилсин:
нодавлат таълим хизматларини кўрсатиш соҳасида давлат-хусусий шерикчилик самарали механизмларини жорий этиш;
илғор хорижий тажрибаларни инобатга олган ҳолда нодавлат таълим хизматларини кўрсатиш фаолияти билан шуғулланувчи юридик шахсларни давлат рўйхатидан ўтказиш ва ташкилий-ҳуқуқий шаклларини такомиллаштириш;
нодавлат таълим хизматларини кўрсатиш билан шуғулланадиган юридик шахслар фаолиятини назорат қилиш механизмлари;
нодавлат таълим хизматларини кўрсатиш фаолиятига лицензия бериш тартиби ҳақидаги низомни тасдиқлаш.
14. Ўзбекистон Республикаси Халқ таълими вазирлиги, Олий ва ўрта махсус таълим вазирлиги, Адлия вазирлиги манфаатдор вазирлик ва идоралар билан биргаликда икки ой муддатда:
қонун ҳужжатларига ушбу қарордан келиб чиқадиган ўзгартириш ва қўшимчалар тўғрисида Ўзбекистон Республикаси Вазирлар Маҳкамасига таклифлар киритсинлар;
ўзлари қабул қилган норматив-ҳуқуқий ҳужжатларни ушбу қарорга мувофиқлаштирсинлар.
15. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг Давлат маслаҳатчиси А.Н. Юнусходжаев зиммасига юклатилсин.
Ўзбекистон Республикаси Президентининг «Нодавлат таълим хизматлари кўрсатиш фаолиятини янада ривожлантириш чора-тадбирлари тўғрисида»ги қарорига
Мустақиллик йилларида таълим соҳасида ёшларга замонавий билимларни бериш, уларнинг интеллектуал салоҳиятини ошириш ва жаҳон ҳамжамиятида муносиб ўрин эгаллашига қаратилган туб ўзгаришлар ва ислоҳотлар амалга оширилди. Хусусан, умумий ўрта таълим сифатини тубдан ошириш, интеллектуал, эстетик ва жисмоний баркамол авлодни шакллантиришни ҳамда ёшларга таълим беришни янги сифат даражасига кўтариш, шу жумладан, чет тиллари, информатика ҳамда математика, физика, кимё, биология каби муҳим ва талаб юқори бўлган бошқа фанларни чуқурлаштириб ўргатиш 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясининг асосий мақсадларидан бири сифатида белгиланган. Хорижий тажрибалар давлат ва нодавлат таълим муассасалари ўртасида соғлом рақобат фуқароларнинг сифатли таълим олишга бўлган ҳуқуқини рўёбга чиқаришга хизмат қилишини кўрсатмоқда. Шунинг учун ҳам бир қатор ривожланган хорижий мамлакатларда нодавлат таълим секторининг умумий ўрта таълимдаги улуши салмоқли бўлиб, Германияда 12 фоизни, Францияда 17 фоизни, АҚШда 18 фоизни, Буюк Британияда 20 фоизни, Испания, Ирландия ва Голландияда 30 фоизни ташкил этади. Ҳозирги кунда республикада 43 та нодавлат умумий ўрта таълим мактаби тегишли лицензияга эга бўлиб, халқ таълими тизимидаги 9680 та мактабга нисбатан уларнинг улуши 0,4 фоизни ташкил этади. Нодавлат умумий ўрта таълим мактабларининг аксарият қисми (27 та) Тошкент шаҳрида жойлашган, Қорақалпоғистон Республикаси, Бухоро, Жиззах, Қашқадарё, Навоий, Сирдарё, Сурхондарё ва Тошкент вилоятларида бирорта нодавлат мактаби ташкил этилмаган. Фаолият кўрсатаётган нодавлат таълим муассасаларидан 20 таси бошланғич таълим (1 — 4-синфлар), қолган 23 таси умумий ўрта таълим (1 — 9-синфлар) босқичларига мўлжалланган, улардаги 330 та синфда 6 мингга яқин ўқувчилар таълим-тарбия олади (давлат мактаблари контингентига нисбатан 0,12 фоиз). ЮНЕСКО ва «DGP Research & Consulting» консалтинг ташкилоти ҳамкорлигида жалб этилган хорижий экспертлар гуруҳи томонидан миллий таълим тизимини комплекс ўрганиш бўйича ўтказилган таҳлилларда таълим сифатини яхшилашда рақобат муҳитини шакллантириш, бунда хусусий таълим секторини ривожлантиришга устувор йўналиш сифатида эътибор қаратиш зарурлиги алоҳида таъкидлаб ўтилган. Мавжуд муаммоларни амалий бартараф қилиш мақсадида Ўзбекистон Республикаси Президентининг «Нодавлат таълим хизматлари кўрсатиш фаолиятини янада ривожлантириш чора-тадбирлари тўғрисида»ги қарори билан нодавлат таълим муассасаларига узоқ муддатли имтиёзли кредитлар ажратиш ва аввал ажратилган кредитлар муддатини узайтириш, таълим ҳамда унга тегишли хизматлар бўйича барча солиқ турлари тўловларидан 2021 йилгача озод этиш, фанларни чет тилида чуқурлаштириб ўқитиш ва бу орқали таълим сифатини ошириш мақсадида таълим жараёнига хорижлик ўқитувчи ҳамда мутахассисларни кенг жалб қилиш назарда тутилган. Ўз навбатида, нодавлат таълим муассасаларига таклиф этилаётган хорижлик ўқитувчи ва мутахассисларга виза бериш, авиатранспорт, тураржой, меҳнатига муносиб ҳақ тўлаш ҳамда солиқлардан озод қилиш каби масалалар ҳам ўз ечимини топган. Шунингдек, ижтимоий ҳимояга муҳтож оилаларнинг қобилиятли ва иқтидорли фарзандларини танлов асосида муассасадаги жами ўқувчилар умумий сонининг 10 фоизидан кам бўлмаган ҳолда таълим хизматларини кўрсатиш эвазига -келиб тушган даромадлар ҳисобидан бепул (грант асосида) ўқитиш белгиланган. Бундан ташқари, қарорда ўрнатилган тартибда аккредитациядан ўтказилган нодавлат таълим муассасалари битирувчиларига давлат намунасидаги таълим тўғрисидаги ҳужжат бериш ҳуқуқи назарда тутилган. Юқорида кўрсатилган вазифаларни амалга ошириш юзасидан тегишли вазирлик ҳамда идораларга нодавлат таълим муассасалари фаолиятини янада ривожлантириш, қулай шарт-шароитлар яратиш бўйича тегишли тартиб ва меъёрий-ҳуқуқий ҳужжатларга ўзгартиришлар киритиш топшириқлари берилган. Ўзбекистон Республикаси Президентининг «Нодавлат таълим хизматлари кўрсатиш фаолиятини янада ривожлантириш чора-тадбирлари тўғрисида»ги қарорининг қабул қилиниши халқ таълими тизимида соғлом рақобат муҳитини яратиш, нодавлат таълим муассасалари фаолиятини ривожлантириш, хорижий ўқитувчиларни жалб этиш йўли билан аниқ ҳамда табиий фанлар, чет тилларни чуқурлаштириб ўқитишга, бу эса, ўз навбатида, ёшларнинг дунё меҳнат бозорида рақобатдош ва юқори малакали мутахассис кадр сифатида жаҳон ҳамжамиятида мамлакатимиз нуфузини оширишига, баркамол инсон бўлиб шаклланишига хизмат қилади. Қарор нодавлат таълим муассасалари сектори кенгайиши, республиканинг ҳар бир туман ва шаҳридаги фуқаролар таълим хизматларидан фойдаланишда танловга эга бўлиши, ёшларга муносиб таълим-тарбия бериш каби вазифаларни ўз зиммасига оладиган малакали хусусий тадбиркорлар фаолиятини қўллаб-қувватлайди.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 15 сентябрь,
ПҚ-3276-сон
Oʻzbekiston Respublikasi Prezidentining
Qarori
sharh
Nodavlat taʼlim xizmatlari koʻrsatish faoliyatini yanada rivojlantirish chora-tadbirlari toʻgʻrisida
Nodavlat taʼlim xizmatlari koʻrsatish faoliyatini yanada rivojlantirish, taʼlimning yuqori sifatini taʼminlashda davlat va nodavlat taʼlim muassasalari oʻrtasida sogʻlom raqobat muhitini yaratish, shuningdek, nodavlat taʼlim xizmatlari koʻrsatish sohasidagi yuridik shaxslar uchun qulay shart-sharoitlar yaratish maqsadida:
1. Xalq taʼlimi vazirligi, Oliy va oʻrta maxsus taʼlim vazirligi, Iqtisodiyot vazirligi, Moliya vazirligi, Vazirlar Mahkamasi huzuridagi Davlat test markazi, shuningdek, Qoraqalpogʻiston Respublikasi Vazirlar Kengashi, Toshkent shahar va viloyatlar hokimliklarining 2018-yilning 1-yanvaridan boshlab yuridik shaxslar tomonidan mulkchilik va tashkiliy-huquqiy shakllaridan qatʼi nazar, nodavlat taʼlim xizmatlari koʻrsatishni litsenziya asosida amalga oshirish tartibini joriy etish toʻgʻrisidagi takliflariga rozilik berilsin.
2. Nodavlat taʼlim xizmatlari koʻrsatish faoliyatini yanada rivojlantirishning asosiy yoʻnalish va vazifalari etib quyidagilar belgilansin:
iqtidorli bolalar va isteʼdodli yoshlarni aniqlash va qoʻllab-quvvatlash orqali taʼlim-tarbiyaning yuqori sifatini taʼminlaydigan qulay shart-sharoitlar yaratish;
sogʻlom raqobat muhitini shakllantirish uchun anʼanaviy taʼlim xizmatlari bilan bir qatorda sifatli va ommabop taʼlim olishning muqobil imkoniyatlarini yaratadigan pullik taʼlim xizmatlari koʻrsatish bozorini jadal rivojlantirish;
ilgʻor xalqaro tajribalarni inobatga olib, oʻqitishning innovatsion pedagogik shakllari, uslublari hamda zamonaviy texnologiyalaridan foydalanish asosida taʼlim sohasidagi samaradorlik va natijaviylikni oshirish.
3. Belgilansinki, nodavlat taʼlim xizmatlari faoliyati bilan shugʻullanuvchi yuridik shaxslar:
oʻz faoliyatini davlat taʼlim standartlari va talablar asosida amalga oshiradi;
amaldagi meʼyoriy-huquqiy hujjatlarga qatʼiy rioya qilgan holda yuqori malakali pedagog va boshqa kadrlar bilan taʼminlash, taʼlim-tarbiya jarayonini tashkil etish uchun zarur shart-sharoitlarni yaratish choralarini koʻradi;
oʻqish muddati va shartlari, toʻlov miqdori, tomonlarning huquq va majburiyatlari hamda boshqa shartlar belgilangan shartnomaga muvofiq taʼlim oluvchilarning ota-onalari yoki boshqa qonuniy vakillari bilan oʻzaro munosabat oʻrnatadi;
oʻz faoliyatini aholiga pullik taʼlim xizmatlarini koʻrsatish, xayriya fondlari va grantlardan kelib tushgan mablagʻlar, shuningdek, qonunchilikda taqiqlanmagan boshqa manbalar hisobidan moliyalashtiradi;
bitiruvchilarga davlat namunasidagi taʼlim toʻgʻrisidagi hujjat beradi.
4. Maktabgacha va umumiy oʻrta taʼlim sohasida nodavlat taʼlim xizmatlarini koʻrsatadigan yuridik shaxslar ijtimoiy himoyaga muhtoj oilalarning qobiliyatli va iqtidorli farzandlarini tanlov asosida muassasadagi jami oʻquvchilar umumiy sonining 10 foizidan kam boʻlmagan miqdorda taʼlim xizmatlarini koʻrsatish evaziga kelib tushgan daromadlar hisobidan bepul (grant asosida) oʻqishga qabul qilishi belgilab qoʻyilsin. Keyingi yillarda oʻquvchilarni bepul (grant asosida) oʻqitishni davom ettirish boʻyicha qaror nodavlat taʼlim xizmatlarini koʻrsatish faoliyati bilan shugʻullanuvchi yuridik shaxs tomonidan taʼlim oluvchining oilaviy sharoiti va uning akademik natijalaridan kelib chiqqan holda qabul qilinadi.
5. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi Qoraqalpogʻiston Respublikasi Vazirlar Kengashi, Toshkent shahar va viloyatlar hokimliklari bilan birgalikda aholiga nodavlat taʼlim xizmatlarini koʻrsatish faoliyati bilan shugʻullanuvchi yuridik shaxslarga davlat mulki boʻlgan foydalanilmayotgan bino, obyektlar va inshootlarni davlat-xususiy sherikchilik shartlari asosida oʻrnatilgan tartibda sotishni tashkil etsin.
6. Nodavlat taʼlim xizmatlarini koʻrsatish faoliyati bilan shugʻullanuvchi yuridik shaxslarga ilgʻor xorijiy tajribalarni inobatga olgan holda quyidagilar tavsiya qilinsin:
taʼlim jarayonini oʻqitishning eng zamonaviy texnologiyalaridan foydalangan holda fanlarni chuqurlashtirib oʻrgatish yoʻnalishida tashkil etish;
oʻzlariga nom tanlashda vatanimizning mashhur va buyuk olimlari, jamiyat arboblari ismlaridan oʻrnatilgan tartibda foydalanish;
ilgʻor ilmiy-amaliy tajribani joriy etish hamda chuqurlashtirib oʻrganiladigan fanlarni chet tilida oʻqitish uchun taʼlim jarayoniga xorijiy pedagog va mutaxassislarni jalb qilish.
7. Qoraqalpogʻiston Respublikasi Vazirlar Kengashi, Toshkent shahar va viloyatlar hokimliklari Oʻzbekiston Respublikasi Xalq taʼlimi vazirligi bilan hamkorlikda 2018/2019 oʻquv yili boshlangunga qadar har bir tuman (shahar)da davlat roʻyxatidan oʻtkazish tartibiga rioya qilgan holda maktabgacha va umumiy oʻrta taʼlim sohasida nodavlat taʼlim xizmatlarini koʻrsatish faoliyati bilan shugʻullanadigan kamida bittadan yuridik shaxsni tashkil etish choralarini koʻrsin.
8. Maktabgacha va umumiy oʻrta taʼlim sohasida nodavlat taʼlim xizmatlarini koʻrsatish faoliyati bilan shugʻullanadigan yuridik shaxslar 2030-yil 1-yanvargacha boʻlgan muddatda quyidagi toʻlovlardan ozod qilinsin:
barcha turdagi soliq va davlat maqsadli jamgʻarmasiga majburiy toʻlovlardan (yagona ijtimoiy toʻlovdan tashqari), bunda ozod qilinayotgan mablagʻlar ularni zamonaviy oʻquv vositalari bilan jihozlash, zarur mahsulotlar va jihozlar sotib olish, bino va inshootlarni rekonstruksiya qilish, kapital taʼmirlash hamda aholining ijtimoiy himoyaga muhtoj qatlamiga bepul taʼlim xizmatlarini koʻrsatishga maqsadli yoʻnaltiriladi;
mehnat shartnomasi asosida taʼlim-tarbiya jarayoniga jalb qilingan xorijiy oʻqituvchi va mutaxassislarning oylik ish haqidan yagona ijtimoiy toʻlov.
9. Oʻzbekiston Respublikasi Vazirlar Mahkamasi zaruratdan kelib chiqib, maktabgacha va umumiy oʻrta taʼlim sohasida nodavlat taʼlim xizmatlarini koʻrsatish faoliyati bilan shugʻullanadigan yuridik shaxslar tomonidan Oʻzbekiston Respublikasida ishlab chiqarilmaydigan yangi oʻquv asbob-uskunalari va oʻquv materiallarini respublikaga olib kirishda (bojxona hujjatlarini rasmiylashtirish uchun toʻlovlar bundan mustasno) bojxona toʻlovlaridan ozod etish va ularning roʻyxatini tasdiqlashni nazarda tutuvchi Oʻzbekiston Respublikasi Prezidenti qarori loyihasini oʻrnatilgan tartibda kiritsin.
10. Belgilab qoʻyilsinki, yuridik shaxslar tomonidan nodavlat taʼlim xizmatlarini koʻrsatishda:
Chet ellik oʻqituvchi va mutaxassislar jismoniy shaxslarga solinadigan daromad soligʻi va Oʻzbekiston Respublikasi Moliya vazirligi huzuridagi budjetdan tashqari pensiya jamgʻarmasiga ajratiladigan toʻlovlardan tuzilgan mehnat shartnomasi doirasida ozod qilinadi;
chet ellik oʻqituvchi va mutaxassislarga ikki tomonlama aviachiptalarni xarid qilish bilan bogʻliq xarajatlar (uzoq muddatli mehnat shartnoma asosida — bir yilda ikki martadan oshmagan holda) ish beruvchi tomonidan qoplanishi mumkin;
chet ellik oʻqituvchi va mutaxassislarning yashash joyi uchun toʻlovlar qisqa muddatli mehnat shartnomalariga asosan (bir oydan koʻp boʻlmagan muddatga) ish beruvchilar tomonidan amalga oshiriladi, uzoq muddatli mehnat shartnomalari doirasida ularning yashash joyi uchun toʻlovlar shartnoma shartlariga muvofiq ish haqi bilan birgalikda toʻlab beriladi.
12. Oʻzbekiston Respublikasi Tashqi ishlar vazirligiga tegishli vazirlik va idoralar buyurtmalariga asosan nodavlat taʼlim xizmatlarini koʻrsatish faoliyati bilan shugʻullanadigan yuridik shaxslar tomonidan ishga taklif qilinayotgan xorijiy oʻqituvchi va mutaxassislarning kirish vizalarini oʻrnatilgan tartibda konsullik va boshqa toʻlovlarni undirmagan holda rasmiylashtirish vazifasi yuklatilsin.
13. Oʻzbekiston Respublikasi Vazirlar Mahkamasi ikki oy muddatda quyidagilarni belgilaydigan hukumat qarorini qabul qilsin:
nodavlat taʼlim xizmatlarini koʻrsatish sohasida davlat-xususiy sherikchilik samarali mexanizmlarini joriy etish;
ilgʻor xorijiy tajribalarni inobatga olgan holda nodavlat taʼlim xizmatlarini koʻrsatish faoliyati bilan shugʻullanuvchi yuridik shaxslarni davlat roʻyxatidan oʻtkazish va tashkiliy-huquqiy shakllarini takomillashtirish;
nodavlat taʼlim xizmatlarini koʻrsatish bilan shugʻullanadigan yuridik shaxslar faoliyatini nazorat qilish mexanizmlari;
nodavlat taʼlim xizmatlarini koʻrsatish faoliyatiga litsenziya berish tartibi haqidagi nizomni tasdiqlash.
14. Oʻzbekiston Respublikasi Xalq taʼlimi vazirligi, Oliy va oʻrta maxsus taʼlim vazirligi, Adliya vazirligi manfaatdor vazirlik va idoralar bilan birgalikda ikki oy muddatda:
qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsinlar;
oʻzlari qabul qilgan normativ-huquqiy hujjatlarni ushbu qarorga muvofiqlashtirsinlar.
15. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidentining Davlat maslahatchisi A.N. Yunusxodjayev zimmasiga yuklatilsin.
Oʻzbekiston Respublikasi Prezidentining “Nodavlat taʼlim xizmatlari koʻrsatish faoliyatini yanada rivojlantirish chora-tadbirlari toʻgʻrisida”gi qaroriga
Mustaqillik yillarida taʼlim sohasida yoshlarga zamonaviy bilimlarni berish, ularning intellektual salohiyatini oshirish va jahon hamjamiyatida munosib oʻrin egallashiga qaratilgan tub oʻzgarishlar va islohotlar amalga oshirildi. Xususan, umumiy oʻrta taʼlim sifatini tubdan oshirish, intellektual, estetik va jismoniy barkamol avlodni shakllantirishni hamda yoshlarga taʼlim berishni yangi sifat darajasiga koʻtarish, shu jumladan, chet tillari, informatika hamda matematika, fizika, kimyo, biologiya kabi muhim va talab yuqori boʻlgan boshqa fanlarni chuqurlashtirib oʻrgatish 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasining asosiy maqsadlaridan biri sifatida belgilangan. Xorijiy tajribalar davlat va nodavlat taʼlim muassasalari oʻrtasida sogʻlom raqobat fuqarolarning sifatli taʼlim olishga boʻlgan huquqini roʻyobga chiqarishga xizmat qilishini koʻrsatmoqda. Shuning uchun ham bir qator rivojlangan xorijiy mamlakatlarda nodavlat taʼlim sektorining umumiy oʻrta taʼlimdagi ulushi salmoqli boʻlib, Germaniyada 12 foizni, Fransiyada 17 foizni, AQSHda 18 foizni, Buyuk Britaniyada 20 foizni, Ispaniya, Irlandiya va Gollandiyada 30 foizni tashkil etadi. Hozirgi kunda respublikada 43 ta nodavlat umumiy oʻrta taʼlim maktabi tegishli litsenziyaga ega boʻlib, xalq taʼlimi tizimidagi 9680 ta maktabga nisbatan ularning ulushi 0,4 foizni tashkil etadi. Nodavlat umumiy oʻrta taʼlim maktablarining aksariyat qismi (27 ta) Toshkent shahrida joylashgan, Qoraqalpogʻiston Respublikasi, Buxoro, Jizzax, Qashqadaryo, Navoiy, Sirdaryo, Surxondaryo va Toshkent viloyatlarida birorta nodavlat maktabi tashkil etilmagan. Faoliyat koʻrsatayotgan nodavlat taʼlim muassasalaridan 20 tasi boshlangʻich taʼlim (1 — 4-sinflar), qolgan 23 tasi umumiy oʻrta taʼlim (1 — 9-sinflar) bosqichlariga moʻljallangan, ulardagi 330 ta sinfda 6 mingga yaqin oʻquvchilar taʼlim-tarbiya oladi (davlat maktablari kontingentiga nisbatan 0,12 foiz). YUNESKO va “DGP Research & Consulting” konsalting tashkiloti hamkorligida jalb etilgan xorijiy ekspertlar guruhi tomonidan milliy taʼlim tizimini kompleks oʻrganish boʻyicha oʻtkazilgan tahlillarda taʼlim sifatini yaxshilashda raqobat muhitini shakllantirish, bunda xususiy taʼlim sektorini rivojlantirishga ustuvor yoʻnalish sifatida eʼtibor qaratish zarurligi alohida taʼkidlab oʻtilgan. Mavjud muammolarni amaliy bartaraf qilish maqsadida Oʻzbekiston Respublikasi Prezidentining “Nodavlat taʼlim xizmatlari koʻrsatish faoliyatini yanada rivojlantirish chora-tadbirlari toʻgʻrisida”gi qarori bilan nodavlat taʼlim muassasalariga uzoq muddatli imtiyozli kreditlar ajratish va avval ajratilgan kreditlar muddatini uzaytirish, taʼlim hamda unga tegishli xizmatlar boʻyicha barcha soliq turlari toʻlovlaridan 2021-yilgacha ozod etish, fanlarni chet tilida chuqurlashtirib oʻqitish va bu orqali taʼlim sifatini oshirish maqsadida taʼlim jarayoniga xorijlik oʻqituvchi hamda mutaxassislarni keng jalb qilish nazarda tutilgan. Oʻz navbatida, nodavlat taʼlim muassasalariga taklif etilayotgan xorijlik oʻqituvchi va mutaxassislarga viza berish, aviatransport, turarjoy, mehnatiga munosib haq toʻlash hamda soliqlardan ozod qilish kabi masalalar ham oʻz yechimini topgan. Shuningdek, ijtimoiy himoyaga muhtoj oilalarning qobiliyatli va iqtidorli farzandlarini tanlov asosida muassasadagi jami oʻquvchilar umumiy sonining 10 foizidan kam boʻlmagan holda taʼlim xizmatlarini koʻrsatish evaziga -kelib tushgan daromadlar hisobidan bepul (grant asosida) oʻqitish belgilangan. Bundan tashqari, qarorda oʻrnatilgan tartibda akkreditatsiyadan oʻtkazilgan nodavlat taʼlim muassasalari bitiruvchilariga davlat namunasidagi taʼlim toʻgʻrisidagi hujjat berish huquqi nazarda tutilgan. Yuqorida koʻrsatilgan vazifalarni amalga oshirish yuzasidan tegishli vazirlik hamda idoralarga nodavlat taʼlim muassasalari faoliyatini yanada rivojlantirish, qulay shart-sharoitlar yaratish boʻyicha tegishli tartib va meʼyoriy-huquqiy hujjatlarga oʻzgartirishlar kiritish topshiriqlari berilgan. Oʻzbekiston Respublikasi Prezidentining “Nodavlat taʼlim xizmatlari koʻrsatish faoliyatini yanada rivojlantirish chora-tadbirlari toʻgʻrisida”gi qarorining qabul qilinishi xalq taʼlimi tizimida sogʻlom raqobat muhitini yaratish, nodavlat taʼlim muassasalari faoliyatini rivojlantirish, xorijiy oʻqituvchilarni jalb etish yoʻli bilan aniq hamda tabiiy fanlar, chet tillarni chuqurlashtirib oʻqitishga, bu esa, oʻz navbatida, yoshlarning dunyo mehnat bozorida raqobatdosh va yuqori malakali mutaxassis kadr sifatida jahon hamjamiyatida mamlakatimiz nufuzini oshirishiga, barkamol inson boʻlib shakllanishiga xizmat qiladi. Qaror nodavlat taʼlim muassasalari sektori kengayishi, respublikaning har bir tuman va shahridagi fuqarolar taʼlim xizmatlaridan foydalanishda tanlovga ega boʻlishi, yoshlarga munosib taʼlim-tarbiya berish kabi vazifalarni oʻz zimmasiga oladigan malakali xususiy tadbirkorlar faoliyatini qoʻllab-quvvatlaydi.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 15-sentabr,
PQ-3276-son
Президента Республики Узбекистан
Постановление
Комментарий
О мерах по дальнейшему развитию деятельности по оказанию негосударственных образовательных услуг
В целях дальнейшего развития деятельности по оказанию негосударственных образовательных услуг, формирования атмосферы здоровой конкуренции между государственными и негосударственными организациями в обеспечении высокого качества обучения, а также создания благоприятных условий для юридических лиц в сфере оказания негосударственных образовательных услуг:
1. Согласиться с предложением Министерства народного образования, Министерства высшего и среднего специального образования, Министерства экономики, Министерства финансов, Государственного центра тестирования при Кабинете Министров, а также Совета Министров Республики Каракалпакстан, хокимиятов областей и города Ташкента о внедрении, начиная с 1 января 2018 года, порядка осуществления оказания негосударственных образовательных услуг юридическими лицами, независимо от их формы собственности и организационно-правовой формы, на основе лицензии.
2. Определить основными направлениями и задачами дальнейшего развития деятельности по оказанию негосударственных образовательных услуг:
создание благоприятных условий, обеспечивающих высокое качество воспитания и обучения, в том числе за счет выявления и поддержки одаренных детей и талантливой молодежи;
ускоренное развитие рынка платных образовательных услуг для формирования здоровой конкурентной среды по предоставлению, наряду с устоявшимися образовательными услугами, альтернативных возможностей по получению качественных и доступных образовательных услуг;
повышение эффективности и результативности в сфере образования на основе использования инновационных педагогических форм, методов и современных технологий обучения с учетом передового международного опыта.
3. Определить, что юридические лица, занимающиеся деятельностью по оказанию негосударственных образовательных услуг:
осуществляют свою деятельность на основе государственных образовательных стандартов и требований;
принимают меры по укомплектованию высококвалифицированными педагогическими и иными кадрами, созданию необходимых условий для проведения учебно-воспитательного процесса строго в соответствии с действующими нормативно-правовыми актами;
налаживают взаимоотношения с родителями или иными законными представителями обучающихся в соответствии с заключенным договором, определяющим сроки и условия обучения, размер оплаты, права и обязательства сторон и иные условия;
обеспечивают финансирование своей деятельности за счет платных образовательных услуг населению, поступлений от благотворительных фондов, грантов, а также иных источников, не запрещенных законодательством;
выдают выпускникам документ об образовании установленного государственного образца.
4. Установить, что юридические лица, занимающиеся деятельностью по оказанию негосударственных образовательных услуг в сфере дошкольного и общего среднего образования, принимают на бесплатное (грантовое) обучение на конкурсной основе талантливых и одаренных детей из семей, нуждающихся в социальной поддержке, в пределах не менее десяти процентов от среднегодового контингента учащихся с финансированием их обучения за счет доходов, поступивших от оказания образовательных услуг. При этом, решение о продолжении бесплатного (грантового) обучения в последующие годы принимается юридическим лицом, занимающимся деятельностью по оказанию негосударственных образовательных услуг, в зависимости от материального положения семьи обучающегося и его академических результатов.
5. Государственному комитету Республики Узбекистан по содействию приватизированным предприятиям и развитию конкуренции совместно с Советом Министров Республики Каракалпакстан, хокимиятами областей и города Ташкента осуществлять в установленном порядке реализацию юридическим лицам, занимающимся деятельностью по оказанию негосударственных образовательных услуг, неиспользуемых зданий, объектов и помещений, находящихся в государственной собственности, на условиях государственно-частного партнерства.
6. Рекомендовать юридическим лицам, занимающимся деятельностью по оказанию негосударственных образовательных услуг, с учетом передового зарубежного опыта:
организовывать образовательный процесс в направлении углубленного изучения учебных дисциплин с использованием самых современных технологий обучения;
использовать в своих наименованиях имена известных и великих ученых и общественных деятелей нашей Родины в установленном порядке;
привлекать к образовательному процессу зарубежных педагогов и специалистов для преподавания на иностранных языках углубленно изучаемых предметов, а также внедрения передового научно-практического опыта.
7. Совету Министров Республики Каракалпакстан, хокимиятам областей и города Ташкента совместно с Министерством народного образования Республики Узбекистан до начала 2018/2019 учебного года принять меры по организации как минимум одного юридического лица, занимающегося деятельностью по оказанию негосударственных образовательных услуг в сфере дошкольного и общего среднего образования, в каждом районе (городе) с соблюдением порядка их государственной регистрации.
8. Освободить сроком до 1 января 2030 года юридические лица, занимающиеся деятельностью по оказанию негосударственных образовательных услуг в сфере дошкольного и общего среднего образования, от уплаты:
всех видов налогов и обязательных отчислений в государственные целевые фонды (за исключением единого социального платежа) с целевым направлением высвобождаемых средств на их оснащение современными средствами обучения, приобретение расходных материалов, инвентаря, осуществление реконструкции и капитального ремонта зданий и сооружений, а также оказание бесплатных образовательных услуг социально уязвимым категориям населения;
единого социального платежа с заработной платы зарубежных преподавателей и специалистов, привлеченных к воспитательно-образовательному процессу по трудовому договору.
9. Кабинету Министров Республики Узбекистан, по мере необходимости, внести в установленном порядке проект решения Президента Республики Узбекистан, предусматривающего освобождение от таможенных платежей (за исключением сборов за таможенное оформление) нового учебного оборудования и расходных учебных материалов, непроизводимых в Республике Узбекистан, ввозимых юридическими лицами, занимающимися деятельностью по оказанию негосударственных образовательных услуг в сфере дошкольного и общего среднего образования, и утверждение их перечня.
10. Установить, что при оказании негосударственных образовательных услуг юридическими лицами:
зарубежные преподаватели и специалисты освобождаются от уплаты налога на доходы физических лиц и отчислений во внебюджетный пенсионный фонд при Министерстве финансов Республики Узбекистан в рамках заключенных трудовых договоров;
оплата расходов по приобретению для зарубежных преподавателей и специалистов авиабилетов в оба конца (не более двух раз в год при долгосрочных трудовых договорах) может осуществляться работодателями;
оплата проживания зарубежных преподавателей и специалистов при краткосрочных трудовых договорах (на срок не более одного месяца) осуществляется работодателями, а при долгосрочных трудовых договорах — расходы на наем жилья возмещаются им при выплате заработной платы, в соответствии с условиями заключенного договора.
12. Министерству иностранных дел Республики Узбекистан по заявкам соответствующих министерств и ведомств обеспечить в установленном порядке оформление въездных виз иностранным преподавателям и специалистам, приглашаемым на работу юридическими лицами, занимающимися деятельностью по оказанию негосударственных образовательных услуг, без взимания консульских и иных сборов.
13. Кабинету Министров Республики Узбекистан в двухмесячный срок принять постановление правительства, предусматривающее:
внедрение эффективных механизмов государственно-частного партнерства в сфере оказания негосударственных образовательных услуг;
совершенствование организационно-правовых форм и порядок государственной регистрации юридических лиц, занимающихся деятельностью по оказанию негосударственных образовательных услуг, с учетом передового зарубежного опыта;
механизмы контроля деятельности юридических лиц, занимающихся оказанием негосударственных образовательных услуг;
утверждение Положения о лицензировании деятельности по оказанию негосударственных образовательных услуг.
14. Министерству народного образования, Министерству высшего и среднего специального образования, Министерству юстиции Республики Узбекистан совместно с заинтересованными министерствами и ведомствами в двухмесячный срок:
внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления;
обеспечить приведение принятых ими нормативно-правовых актов в соответствие с настоящим постановлением.
15. Контроль за исполнением настоящего постановления возложить на Премьер-министра Республики Узбекистан А.Н. Арипова и Государственного советника Президента Республики Узбекистан А.Н. Юнусходжаева.
к Постановлению Президента Республики Узбекистан «О мерах по дальнейшему развитию деятельности по оказанию негосударственных образовательных услуг»
В годы независимости были проведены реформы и преобразования в сфере образования, направленные на предоставление молодежи современных знаний, повышение ее интеллектуального потенциала и занятие достойного места в мировом сообществе. В частности, в Стратегии действий по пяти приоритетным направлениям развития Республики Узбекистан в 2017 — 2021 годах одной из целей является кардинальное повышение качества общего среднего образования, углубленное изучение иностранных языков, информатики, других важных и востребованных предметов, включая математику, физику, химию, биологию, что позволит поднять на качественно новый уровень обучение молодежи и формирование интеллектуально, эстетически и физически развитого поколения. Зарубежный опыт показывает, что здоровая конкуренция между государственными и негосударственными образовательными учреждениями способствует реализации прав граждан на получение качественного образования. Вследствие этого в ряде развитых государств доля негосударственного образовательного сектора в общем среднем образовании является относительно высокой и составляет в Германии — 12, во Франции — 17, в США — 18, в Великобритании — 20, в Испании, Ирландии и Голландии — 30 процентов. В настоящее время 43 негосударственных общеобразовательных школы имеют соответствующие лицензии, что по отношению к 9 680 школам системы народного образования составляет 0,4 процента. Основная часть негосударственных общеобразовательных школ расположена в Ташкенте (27), в то же время в Республике Каракалпакстан, Бухарской, Джизакской, Навоийской, Сырдарьинской, Сурхандарьинской и Ташкентской областях нет ни одной такой школы. Из числа данных негосударственных образовательных учреждений 20 школ дают начальное образование (1 — 4-е классы), а остальные 23 школы — среднее образование (1 — 9-е классы), где в 330 классах обучается около 6 тысяч учащихся (по отношению к контингенту государственных школ — 0,12 процента). В ходе комплексного исследования национальной системы образования, проведенного с привлечением группы иностранных экспертов совместно с консалтинговой компанией DGP «Research&Consulting» и ЮНЕСКО, был сделан анализ, согласно которому указано на особую роль негосударственного образовательного сектора в повышении качества обучения и развитии конкурентной среды. В целях решения существующих проблем постановлением Президента Республики Узбекистан «О мерах по дальнейшему развитию деятельности по оказанию негосударственных образовательных услуг» предполагается выделение юридическим лицам, оказывающим негосударственные образовательные услуги, долгосрочных льготных кредитов, освобождение от налоговых сборов и прочих выплат до 2021 года, углубленное изучение ряда предметов и, в целях повышения образовательного потенциала, привлечение к учебному процессу иностранных учителей и специалистов. В постановлении также решается ряд вопросов в отношении привлеченных иностранных учителей и специалистов, связанных с выдачей виз, авиатранспортом, проживанием, достойной оплатой их труда, налоговыми льготами и т. п. Также на основе принципов справедливой и адресной социальной политики предусматривается бесплатное обучение талантливых детей из семей, нуждающихся в социальной защите, общим числом не менее 10 процентов от общего контингента учащихся. Кроме того, постановлением определена выдача документов государственного образца выпускникам негосударственных образовательных учреждений в установленном порядке. Для реализации вышеуказанных задач и в целях дальнейшего развития деятельности юридических лиц, оказывающих негосударственные образовательные услуги, и создания им благоприятных условий соответствующим министерствам и ведомствам даны поручения по изменению соответствующих существующих порядков и нормативно-правовых документов. Принятое постановление Президента Республики Узбекистан «О мерах по дальнейшему развитию деятельности по оказанию негосударственных образовательных услуг» будет служить формированию здоровой конкурентной среды в сфере образования, развитию деятельности юридических лиц, оказывающих негосударственные образовательные услуги, углубленному изучению учебных дисциплин, иностранных языков с привлечением иностранных преподавателей, формированию гармонично развитого поколения в качестве высококвалифицированных и конкурентоспособных специалистов, способствовать повышению авторитета нашего государства в мировом сообществе. Постановление направлено на расширение и развитие сектора негосударственных образовательных услуг, упрощение процедур получения лицензии, всестороннюю поддержку юридических лиц и оказание им преференций, предоставление выбора гражданам образовательных услуг в каждом районе и городе республики, поощрение деятельности частных предпринимателей по воспитанию и обучению молодежи.
Президент Республики Узбекистан Ш. МИРЗИЁЕВ
г. Ташкент,
15 сентября 2017 г.,
№ ПП-3276