📅 2017-yil 13-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 13 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 13 сентября 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 13 September 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Давлат тиббиёт ташкилотларини ва республика аҳолисини ижтимоий аҳамиятга эга бўлган дори воситалари ва тиббиёт буюмлари билан таъминлашга доир долзарб чора-тадбирлар тўғрисида
Ўзбекистон Республикаси Президентининг «Аҳолини дори воситалари ва тиббиёт буюмлари билан таъминлаш тизимини такомиллаштириш бўйича қўшимча чора-тадбирлар тўғрисида» 2017 йил 17 июлдаги ПҚ-3137-сон қарорини бажариш юзасидан, шунингдек давлат тиббиёт ташкилотларига ва аҳолига ижтимоий аҳамиятга эга бўлган дори воситалари ва тиббиёт буюмларини узлуксиз етказиб бериш мақсадида Вазирлар Маҳкамаси қарор қилади:
1. Ўзбекистон Республикаси Соғлиқни сақлаш вазирлиги бир ҳафта муддатда «Oʻzmedeksport» республика ташқи иқтисодий давлат корхонасига (кейинги ўринларда «Oʻzmedeksport» РТИДК деб аталади) марказлаштирилган тадбирлар учун харажатлар сметасида назарда тутилган бюджет маблағлари ҳисобига, унинг устав фондига улуш тарзида 3 млрд сўм маблағ ажратсин.
2. Ўзбекистон Республикаси Молия вазирлиги:
ўн беш кун мобайнида — Ўзбекистон Республикаси Соғлиқни сақлаш вазирлигига Ўзбекистон Республикаси Соғлиқни сақлаш вазирлигининг асосланган буюртманомалари бўйича, Ўзбекистон Республикаси Соғлиқни сақлаш вазирлиги ва Молия вазирлиги ўртасида белгиланган тартибда тузиладиган шартномада белгиланадиган шартларда, транш тарзида очиладиган 300,0 млрд сўм миқдорида, фоизсиз бюджет ссудаси берсин;
2017 йил охиригача — Ўзбекистон Республикаси Соғлиқни сақлаш вазирлигига, зарурат бўлганда, Ўзбекистон Республикаси Соғлиқни сақлаш вазирлиги томонидан «Oʻzmedeksport» РТИДК билан тузиладиган контрактлар бўйича олдиндан юз фоиз тўлаш мақсадида давлат тиббиёт ташкилотлари учун марказлаштирилган тартибда ижтимоий аҳамиятга эга бўлган дори воситалари ва тиббиёт буюмлари харид қилишга 240 млрд сўм миқдорида қўшимча бюджет маблағлари ажратилишини таъминласин;
2018 йилдан бошлаб — Ўзбекистон Республикаси Соғлиқни сақлаш вазирлигининг ижтимоий аҳамиятга эга бўлган дори воситалари ва тиббиёт буюмлари харид қилишга бўлган эҳтиёжнинг асосланган ҳисоб-китоблари бўйича Қорақалпоғистон Республикаси Соғлиқни сақлаш вазирлиги, Тошкент шаҳри соғлиқни сақлаш бош бошқармаси ва вилоятлар соғлиқни сақлаш бошқармалари харажатлари сметаларининг алоҳида сатрида уларни сотиб олиш учун зарур бўлган бюджет маблағларини назарда тутсин ҳамда Қорақалпоғистон Республикаси Соғлиқни сақлаш вазирлиги, Тошкент шаҳри соғлиқни сақлаш бош бошқармаси ва вилоятлар соғлиқни сақлаш бошқармаларига марказлаштирилган тартибда «Oʻzmedimpeks» ДУК билан тузиладиган шартномаларга асосан истисно тариқасида олдиндан юз фоиз тўловни амалга ошириш ҳуқуқи берилсин.
3. Белгилансинки, Ўзбекистон Республикаси Вазирлар Маҳкамаси ҳузуридаги Қишлоқ хўжалиги маҳсулотлари давлат харидлари ва қишлоқ хўжалигини техника билан жиҳозлашни мақсадли молиялаштириш жамғармаси айланма маблағларини тўлдиришга Ўзбекистон Республикаси Молия вазирлиги томонидан ажратилган 308,6 млрд сўм миқдоридаги бюджет ссудасини тўлашдан тушган маблағлар ижтимоий аҳамиятга эга бўлган дори воситалари ва тиббиёт буюмларини сотиб олиш учун қўшимча бюджет маблағларининг манбаи ҳисобланади.
Ўзбекистон Республикаси Вазирлар Маҳкамаси ҳузуридаги Қишлоқ хўжалиги маҳсулотлари давлат хариди ва қишлоқ хўжалигини техника билан жиҳозлашни мақсадли молиялаштириш жамғармаси ажратилган ссуданинг 2017 йил октябрь-ноябрь ойларида қайтарилишини таъминласин.
4. Белгилансинки, фоизсиз бюджет ссудасини қайтариш Ўзбекистон Республикаси Соғлиқни сақлаш вазирлиги томонидан:
ижтимоий аҳамиятга эга бўлган дори воситалари ва тиббиёт буюмларини сотиб олиш бўйича — ушбу мақсадлар учун харажатлар сметаларининг алоҳида сатрида назарда тутилган бюджет маблағлари ҳисобига;
ижтимоий дорихоналар учун етказиб беришлар бўйича — «Oʻzmedimpeks» ДУК томонидан ижтимоий дорихоналар томонидан ижтимоий аҳамиятга эга бўлган дори воситалари ва тиббий буюмларини сотишдан олинган маблағлар ҳисобига амалга оширилади.
5. Белгилаб қўйилсинки, «Oʻzmedimpeks» ДУК томонидан ижтимоий аҳамиятга эга бўлган дори воситалари ва тиббиёт буюмларини сотиш улгуржи сотиш учун — сотиб олиш қийматининг 15 фоизи миқдорида, Ўзбекистон Республикаси Соғлиқни сақлаш вазирлигининг ижтимоий дорихоналари орқали чакана сотиш учун — улгуржи нархнинг 20 фоизи миқдорида чекланган савдо устамаларини қўллаган ҳолда амалга оширилади.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Қўчқоров ва Ўзбекистон Республикаси соғлиқни сақлаш вазири А.К. Шадманов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2017 йил 13 сентябрь,
717-сон
Oʻzbekiston Respublikasi Vazirlar Mahkamasining
qarori
Davlat tibbiyot tashkilotlarini va respublika aholisini ijtimoiy ahamiyatga ega boʻlgan dori vositalari va tibbiyot buyumlari bilan taʼminlashga doir dolzarb chora-tadbirlar toʻgʻrisida
Oʻzbekiston Respublikasi Prezidentining “Aholini dori vositalari va tibbiyot buyumlari bilan taʼminlash tizimini takomillashtirish boʻyicha qoʻshimcha chora-tadbirlar toʻgʻrisida” 2017-yil 17-iyuldagi PQ-3137-son qarorini bajarish yuzasidan, shuningdek davlat tibbiyot tashkilotlariga va aholiga ijtimoiy ahamiyatga ega boʻlgan dori vositalari va tibbiyot buyumlarini uzluksiz yetkazib berish maqsadida Vazirlar Mahkamasi qaror qiladi:
1. Oʻzbekiston Respublikasi Sogʻliqni saqlash vazirligi bir hafta muddatda “Oʻzmedeksport” respublika tashqi iqtisodiy davlat korxonasiga (keyingi oʻrinlarda “Oʻzmedeksport” RTIDK deb ataladi) markazlashtirilgan tadbirlar uchun xarajatlar smetasida nazarda tutilgan budjet mablagʻlari hisobiga, uning ustav fondiga ulush tarzida 3 mlrd soʻm mablagʻ ajratsin.
2. Oʻzbekiston Respublikasi Moliya vazirligi:
oʻn besh kun mobaynida — Oʻzbekiston Respublikasi Sogʻliqni saqlash vazirligiga Oʻzbekiston Respublikasi Sogʻliqni saqlash vazirligining asoslangan buyurtmanomalari boʻyicha, Oʻzbekiston Respublikasi Sogʻliqni saqlash vazirligi va Moliya vazirligi oʻrtasida belgilangan tartibda tuziladigan shartnomada belgilanadigan shartlarda, transh tarzida ochiladigan 300,0 mlrd soʻm miqdorida, foizsiz budjet ssudasi bersin;
2017-yil oxirigacha — Oʻzbekiston Respublikasi Sogʻliqni saqlash vazirligiga, zarurat boʻlganda, Oʻzbekiston Respublikasi Sogʻliqni saqlash vazirligi tomonidan “Oʻzmedeksport” RTIDK bilan tuziladigan kontraktlar boʻyicha oldindan yuz foiz toʻlash maqsadida davlat tibbiyot tashkilotlari uchun markazlashtirilgan tartibda ijtimoiy ahamiyatga ega boʻlgan dori vositalari va tibbiyot buyumlari xarid qilishga 240 mlrd soʻm miqdorida qoʻshimcha budjet mablagʻlari ajratilishini taʼminlasin;
2018-yildan boshlab — Oʻzbekiston Respublikasi Sogʻliqni saqlash vazirligining ijtimoiy ahamiyatga ega boʻlgan dori vositalari va tibbiyot buyumlari xarid qilishga boʻlgan ehtiyojning asoslangan hisob-kitoblari boʻyicha Qoraqalpogʻiston Respublikasi Sogʻliqni saqlash vazirligi, Toshkent shahri sogʻliqni saqlash bosh boshqarmasi va viloyatlar sogʻliqni saqlash boshqarmalari xarajatlari smetalarining alohida satrida ularni sotib olish uchun zarur boʻlgan budjet mablagʻlarini nazarda tutsin hamda Qoraqalpogʻiston Respublikasi Sogʻliqni saqlash vazirligi, Toshkent shahri sogʻliqni saqlash bosh boshqarmasi va viloyatlar sogʻliqni saqlash boshqarmalariga markazlashtirilgan tartibda “Oʻzmedimpeks” DUK bilan tuziladigan shartnomalarga asosan istisno tariqasida oldindan yuz foiz toʻlovni amalga oshirish huquqi berilsin.
3. Belgilansinki, Oʻzbekiston Respublikasi Vazirlar Mahkamasi huzuridagi Qishloq xoʻjaligi mahsulotlari davlat xaridlari va qishloq xoʻjaligini texnika bilan jihozlashni maqsadli moliyalashtirish jamgʻarmasi aylanma mablagʻlarini toʻldirishga Oʻzbekiston Respublikasi Moliya vazirligi tomonidan ajratilgan 308,6 mlrd soʻm miqdoridagi budjet ssudasini toʻlashdan tushgan mablagʻlar ijtimoiy ahamiyatga ega boʻlgan dori vositalari va tibbiyot buyumlarini sotib olish uchun qoʻshimcha budjet mablagʻlarining manbai hisoblanadi.
Oʻzbekiston Respublikasi Vazirlar Mahkamasi huzuridagi Qishloq xoʻjaligi mahsulotlari davlat xaridi va qishloq xoʻjaligini texnika bilan jihozlashni maqsadli moliyalashtirish jamgʻarmasi ajratilgan ssudaning 2017-yil oktyabr-noyabr oylarida qaytarilishini taʼminlasin.
4. Belgilansinki, foizsiz budjet ssudasini qaytarish Oʻzbekiston Respublikasi Sogʻliqni saqlash vazirligi tomonidan:
ijtimoiy ahamiyatga ega boʻlgan dori vositalari va tibbiyot buyumlarini sotib olish boʻyicha — ushbu maqsadlar uchun xarajatlar smetalarining alohida satrida nazarda tutilgan budjet mablagʻlari hisobiga;
ijtimoiy dorixonalar uchun yetkazib berishlar boʻyicha — “Oʻzmedimpeks” DUK tomonidan ijtimoiy dorixonalar tomonidan ijtimoiy ahamiyatga ega boʻlgan dori vositalari va tibbiy buyumlarini sotishdan olingan mablagʻlar hisobiga amalga oshiriladi.
5. Belgilab qoʻyilsinki, “Oʻzmedimpeks” DUK tomonidan ijtimoiy ahamiyatga ega boʻlgan dori vositalari va tibbiyot buyumlarini sotish ulgurji sotish uchun — sotib olish qiymatining 15 foizi miqdorida, Oʻzbekiston Respublikasi Sogʻliqni saqlash vazirligining ijtimoiy dorixonalari orqali chakana sotish uchun — ulgurji narxning 20 foizi miqdorida cheklangan savdo ustamalarini qoʻllagan holda amalga oshiriladi.
6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov va Oʻzbekiston Respublikasi sogʻliqni saqlash vaziri A.K. Shadmanov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 13-sentabr,
717-son
Кабинета Министров Республики Узбекистан
Постановление
О неотложных мерах по обеспечению государственных медицинских организаций и населения республики социально значимыми лекарственными средствами и изделиями медицинского назначения
Во исполнение постановления Президента Республики Узбекистан от 17 июля 2017 года № ПП-3137 «О дополнительных мерах по совершенствованию системы обеспечения населения лекарственными средствами и изделиями медицинского назначения», а также в целях бесперебойной поставки государственным медицинским организациям и населению социально значимых лекарственных средств и изделий медицинского назначения Кабинет Министров постановляет:
1. Министерству здравоохранения Республики Узбекистан в недельный срок выделить Республиканскому внешнеэкономическому государственному предприятию «Oʻzmedeksport» (далее — РВЭГП «Oʻzmedeksport») 3 млрд. сум за счет бюджетных ассигнований, предусмотренных в смете расходов на централизованные мероприятия, в виде вклада в его уставный фонд.
2. Министерству финансов Республики Узбекистан:
предоставить в течение пятнадцати дней Министерству здравоохранения Республики Узбекистан беспроцентную бюджетную ссуду в размере 300,0 млрд. сум, открываемую в виде траншей, по обоснованным заявкам Министерства здравоохранения Республики Узбекистан на условиях, определяемых договором, заключаемым между Министерством здравоохранения и Министерством финансов Республики Узбекистан в установленном порядке;
обеспечить до конца 2017 года выделение Министерству здравоохранения Республики Узбекистан при необходимости дополнительных бюджетных ассигнований в размере 240 млрд. сум на закупку в централизованном порядке социально значимых лекарственных средств и изделий медицинского назначения для государственных медицинских организаций в целях стопроцентной предоплаты по контрактам, заключаемым Министерством здравоохранения Республики Узбекистан с РВЭГП «Oʻzmedeksport»;
начиная с 2018 года по обоснованным расчетам потребности в закупе социально значимых лекарственных средств и изделий медицинского назначения Министерства здравоохранения Республики Узбекистан предусматривать в отдельной строке смет расходов Министерства здравоохранения Республики Каракалпакстан, Главного управления здравоохранения города Ташкента и областных управлениях здравоохранения необходимые бюджетные ассигнования на их приобретение, а также в виде исключения предоставить право Министерству здравоохранения Республики Каракалпакстан, Главному управлению здравоохранения города Ташкента и областным управлениям здравоохранения осуществлять стопроцентную предоплату по заключенным с ГУП «Oʻzmedimpeks» договорам.
3. Определить, что источником дополнительных бюджетных ассигнований на приобретение социально значимых лекарственных средств и изделий медицинского назначения государственным медицинским организациям являются средства от погашения бюджетной ссуды в размере 308,6 млрд. сум, выделенной Министерством финансов Республики Узбекистан на пополнение оборотных средств Фонда целевого финансирования государственных закупок сельскохозяйственной продукции и оснащения техникой сельского хозяйства при Кабинете Министров Республики Узбекистан.
Фонду целевого финансирования государственных закупок сельскохозяйственной продукции и оснащения техникой сельского хозяйства при Кабинете Министров Республики Узбекистан обеспечить погашение выделенной ссуды в октябре-ноябре 2017 года.
4. Определить, что погашение беспроцентной бюджетной ссуды осуществляется Министерством здравоохранения Республики Узбекистан:
в части приобретения социально значимых лекарственных средств и изделий медицинского назначения для государственных медицинских организаций — за счет бюджетных ассигнований, предусмотренных в отдельной строке смет расходов на эти цели;
в части поставок для социальных аптек — за счет средств, полученных ГУП «Oʻzmedimpeks» от реализации социально значимых лекарственных средств и изделий медицинского назначения социальными аптеками.
5. Установить, что реализация социально значимых лекарственных средств и изделий медицинского назначения со стороны ГУП «Oʻzmedimpeks» государственным медицинским организациям осуществляется с применением предельных торговых надбавок для оптовой реализации в размере 15 процентов от покупной стоимости, для розничной реализации через социальные аптеки Министерства здравоохранения Республики Узбекистан — 20 процентов от оптовой цены.
6. Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова и министра здравоохранения Республики Узбекистан А.К. Шадманова.
Премьер-министр Республики Узбекистан А. АРИПОВ
г. Ташкент,
13 сентября 2017 г.,
№ 717