📅 2017-yil 13-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 13 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 13 сентября 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 13 September 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТУЗИЛМАСИ
«Oʻzbekiston» телерадиоканалининг «Ҳидоят сари» студияси ва Тошкент Ислом университети «Зиё медиа маркази» фаолиятини ташкил этиш чора-тадбирлари тўғрисида
Мамлакатимизда ислом маданияти, илм-фани ривожига беқиёс ҳисса қўшган буюк алломаларимиз меросини чуқур ўрганиш, табаррук қадамжоларини обод этиш, муқаддас динимиз мусаффолигини асраш, аҳоли, айниқса, ёшларни ёт ғоялардан ҳимоя қилиш, уларни Ватанга садоқат, миллий-диний қадриятларимизга ҳурмат руҳида тарбиялаш борасида амалга оширилаётган ишларни кенг тарғиб этиш мақсадида Вазирлар Маҳкамаси қарор қилади:
1. Ўзбекистон Республикаси Дин ишлари бўйича қўмитаси, Ўзбекистон миллий телерадиокомпанияси, Ўзбекистон Республикаси Вазирлар Маҳкамаси ҳузуридаги Тошкент ислом университети, Ўзбекистон мусулмонлари идорасининг:
«Oʻzbekiston» телерадиоканали» давлат унитар корхонасининг «Маданий-маърифий ва бадиий дам олиш дастурлар» бош муҳарририяти таркибида «Ҳидоят сари» маърифий кўрсатувлар студиясини (кейинги ўринларда Студия деб аталади);
Ўзбекистон Республикаси Вазирлар Маҳкамаси ҳузуридаги Тошкент ислом университети «Зиё» студияси негизида «Зиё медиа маркази»ни (кейинги ўринларда Марказ деб аталади) ташкил этиш ҳақидаги таклифлари маъқуллансин.
2. Қуйидагилар Студиянинг асосий вазифалари этиб белгилансин:
халқимизнинг диний саводхонлигини ошириш ва мамлакатимизда амалга оширилаётган диний-маърифий соҳадаги янгиликлар билан аҳолини ўз вақтида таништириб бориш;
ислом дини ривожига улкан ҳисса қўшган буюк алломаларимизнинг беназир меросини янада кенг тарғиб қилиш;
ёшларни ватанпарварлик руҳида тарбиялаш борасида чуқур фалсафий ва ибратга йўғрилган саҳналаштирилган бадиий теленовеллалар яратиш;
терроризм, диний экстремизм, ҳар хил оқимлардан ёшларни асрашга қаратилган, жумладан, «оммавий маданият»нинг турли иллатларидан ҳимоя этишга йўналтирилган махсус кўрсатув ва роликлар тайёрлаш;
вилоят, шаҳар, туман бош имом хатиблари ва мутасадди вазирликлар ҳамда идоралар вакиллари иштирокида бугун инсоният ҳаётига хавф солаётган муаммолар, оилавий, одоб-ахлоқ, ўзаро муомала жараёни ва шу каби зарур масалалар, шу билан бирга фуқароларимизни қизиқтирган мавзуга доир саволлар юзасидан доимий равишда ток-шоулар ташкил этиш;
мамлакатимизда диний-маърифий соҳада амалга оширилаётган ислоҳотлар, шунингдек, юртимиздан етишиб чиққан улуғ алломалар, муқаддас қадамжолар, тарихий обида ва қадриятлар ҳақида доимий равишда илмий-оммабоп кўрсатувлар тайёрлаш;
теледастурларда республикамизнинг барча вилоят, шаҳар, туманларида фаолият юритаётган имом хатибларнинг иштирокини таъминлаш ва ҳудудий телерадиокомпанияларнинг фаоллигини янада ошириш.
3. Қуйидагилар Марказнинг асосий вазифалари этиб белгилансин:
мустақиллик йиллари юртимизда виждон эркинлигини кафолатлаш, диний бағрикенгликни таъминлаш, шунингдек, турли дин вакилларининг ибодатларини эмин-эркин адо этишлари учун яратилаётган қулайлик ва шарт-шароитларни аҳоли, хусусан ёшлар орасида кенг тарғиб этиш;
ўсиб келаётган авлодни Ватанга садоқат, миллий-диний қадриятларга ҳурмат, турли миллат ва эътиқод вакилларига нисбатан бағрикенглик руҳида тарбиялашга бағишланган телекўрсатувлар ва радио эшиттиришлар тайёрлаш ва Ўзбекистон миллий телерадиокомпанияси тизимидаги телерадиоканалларда эфирга узатиш;
диний-маърифий йўналишда тайёрланадиган теле ва радио эшиттиришларни, муқаддас динимиз мусаффолигини сақлаш, бой ҳамда ноёб исломий маданий меросни бутунжаҳон Интернет тармоғи орқали халқимиз орасида кенг тарғиб қилиш;
ёшларни ғаразли кучлар таъсиридан ҳимоя қилиш, уларни ёт оқимларнинг ноинсоний мақсад-муддаоларидан хабардор этиш;
ёшлар ўртасида соғлом маънавий муҳит асосларини кенг ёйиш.
4. Ўзбекистон Республикаси Вазирлар Маҳкамаси ҳузуридаги Тошкент ислом университети «Зиё медиа маркази»нинг тузилмаси 1-иловага мувофиқ тасдиқлансин.
Белгилаб қўйилсинки, Студия «Oʻzbekiston» телерадиоканали» давлат унитар корхонаси учун чекланган умумий ходимлар сони доирасида ташкил этилади.
5. Ўзбекистон Республикаси Молия вазирлиги:
Марказ фаолиятини сақлаш харажатларини 2017 йилда «Ижтимоий соҳа» бўйича тасдиқланган бюджет параметрлари доирасида, 2018 йилдан бошлаб эса мазкур соҳага ҳар йили ажратиладиган маблағлар доирасида амалга оширсин;
Марказга 1 та хизмат автотранспорт воситаси учун лимит ажратсин.
6. Белгилаб қўйилсинки:
Марказга ажратилган автотранспорт воситасини харид қилиш ва сақлаш билан боғлиқ харажатлар бюджетдан ташқари маблағлар ҳисобидан қопланади;
Марказ ходимларига нисбатан Ўзбекистон миллий телерадиокомпанияси ходимлари учун назарда тутилган меҳнатга ҳақ тўлаш ва моддий рағбатлантириш шартлари татбиқ этилади.
7. Ўзбекистон журналистлари ижодий уюшмаси, Ўзбекистон Республикаси Дин ишлари бўйича қўмитаси, Ўзбекистон миллий телерадиокомпанияси, Ўзбекистон мусулмонлари идораси ва Вазирлар Маҳкамаси ҳузуридаги Тошкент ислом университети билан биргаликда «Ҳидоят сари» ва «Зиё медиа маркази»нинг ижодкорларини рағбатлантириш мақсадида журналистика соҳасида ўтказиладиган нуфузли кўрик танловларда диний-маърифий мавзуларни энг яхши ёритганлиги учун алоҳида номинация жорий этсин.
8. Ўзбекистон Республикаси Вазирлар Маҳкамасининг «Ўзбекистон Республикаси Вазирлар Маҳкамаси ҳузуридаги Тошкент ислом университети ташкилий тузилмасини такомиллаштириш тўғрисида» 2012 йил 4 июлдаги 193-сон қарорига 2-иловага мувофиқ ўзгартириш киритилсин.
9. Мазкур қарорнинг бажарилишини назорат қилиш Ўзбекистон миллий телерадиокомпанияси раиси в.б. А.Ж. Хаджаев, Ўзбекистон Республикаси Вазирлар Маҳкамаси ҳузуридаги Тошкент ислом университети ректори Р.В. Абдуллаев зиммасига, Вазирлар Маҳкамасининг Маданият, санъат ва туризмни ривожлантириш масалалари ҳамда Таълим, илм-фан ва ёшлар сиёсати масалалари ахборот-таҳлил департаментларига юклансин.
Вазирлар Маҳкамасининг 2017 йил 13 сентябрдаги 716-сон қарорига 1-ИЛОВА
Ўзбекистон Республикаси Вазирлар Маҳкамаси ҳузуридаги Тошкент ислом университети «Зиё медиа маркази»нинг
Вазирлар Маҳкамасининг 2017 йил 13 сентябрдаги 716-сон қарорига 2-ИЛОВА
Вазирлар Маҳкамасининг «Ўзбекистон Республикаси Вазирлар Маҳкамаси ҳузуридаги Тошкент ислом университети ташкилий тузилмасини такомиллаштириш тўғрисида» 2012 йил 4 июлдаги 193-сон қарорига киритилаётган ўзгартириш
1. Вазирлар Маҳкамасининг 2012 йил 4 июлдаги 193-сон қарорининг 1-иловаси қуйидаги таҳрирда баён этилсин:
«Ўзбекистон Республикаси Вазирлар Маҳкамаси ҳузуридаги Тошкент ислом университетининг ТУЗИЛМАСИ
Ўзбекистон Республикасининг Бош вазири А. АРИПОВ
Тошкент ш.,
2017 йил 13 сентябрь,
716-сон
Oʻzbekiston Respublikasi Vazirlar Mahkamasining
qarori
TUZILMASI
“Oʻzbekiston” teleradiokanalining “Hidoyat sari” studiyasi va Toshkent Islom universiteti “Ziyo media markazi” faoliyatini tashkil etish chora-tadbirlari toʻgʻrisida
Mamlakatimizda islom madaniyati, ilm-fani rivojiga beqiyos hissa qoʻshgan buyuk allomalarimiz merosini chuqur oʻrganish, tabarruk qadamjolarini obod etish, muqaddas dinimiz musaffoligini asrash, aholi, ayniqsa, yoshlarni yot gʻoyalardan himoya qilish, ularni Vatanga sadoqat, milliy-diniy qadriyatlarimizga hurmat ruhida tarbiyalash borasida amalga oshirilayotgan ishlarni keng targʻib etish maqsadida Vazirlar Mahkamasi qaror qiladi:
1. Oʻzbekiston Respublikasi Din ishlari boʻyicha qoʻmitasi, Oʻzbekiston milliy teleradiokompaniyasi, Oʻzbekiston Respublikasi Vazirlar Mahkamasi huzuridagi Toshkent islom universiteti, Oʻzbekiston musulmonlari idorasining:
“Oʻzbekiston” teleradiokanali” davlat unitar korxonasining “Madaniy-maʼrifiy va badiiy dam olish dasturlar” bosh muharririyati tarkibida “Hidoyat sari” maʼrifiy koʻrsatuvlar studiyasini (keyingi oʻrinlarda Studiya deb ataladi);
Oʻzbekiston Respublikasi Vazirlar Mahkamasi huzuridagi Toshkent islom universiteti “Ziyo” studiyasi negizida “Ziyo media markazi”ni (keyingi oʻrinlarda Markaz deb ataladi) tashkil etish haqidagi takliflari maʼqullansin.
2. Quyidagilar Studiyaning asosiy vazifalari etib belgilansin:
xalqimizning diniy savodxonligini oshirish va mamlakatimizda amalga oshirilayotgan diniy-maʼrifiy sohadagi yangiliklar bilan aholini oʻz vaqtida tanishtirib borish;
islom dini rivojiga ulkan hissa qoʻshgan buyuk allomalarimizning benazir merosini yanada keng targʻib qilish;
yoshlarni vatanparvarlik ruhida tarbiyalash borasida chuqur falsafiy va ibratga yoʻgʻrilgan sahnalashtirilgan badiiy telenovellalar yaratish;
terrorizm, diniy ekstremizm, har xil oqimlardan yoshlarni asrashga qaratilgan, jumladan, “ommaviy madaniyat”ning turli illatlaridan himoya etishga yoʻnaltirilgan maxsus koʻrsatuv va roliklar tayyorlash;
viloyat, shahar, tuman bosh imom xatiblari va mutasaddi vazirliklar hamda idoralar vakillari ishtirokida bugun insoniyat hayotiga xavf solayotgan muammolar, oilaviy, odob-axloq, oʻzaro muomala jarayoni va shu kabi zarur masalalar, shu bilan birga fuqarolarimizni qiziqtirgan mavzuga doir savollar yuzasidan doimiy ravishda tok-shoular tashkil etish;
mamlakatimizda diniy-maʼrifiy sohada amalga oshirilayotgan islohotlar, shuningdek, yurtimizdan yetishib chiqqan ulugʻ allomalar, muqaddas qadamjolar, tarixiy obida va qadriyatlar haqida doimiy ravishda ilmiy-ommabop koʻrsatuvlar tayyorlash;
teledasturlarda respublikamizning barcha viloyat, shahar, tumanlarida faoliyat yuritayotgan imom xatiblarning ishtirokini taʼminlash va hududiy teleradiokompaniyalarning faolligini yanada oshirish.
3. Quyidagilar Markazning asosiy vazifalari etib belgilansin:
mustaqillik yillari yurtimizda vijdon erkinligini kafolatlash, diniy bagʻrikenglikni taʼminlash, shuningdek, turli din vakillarining ibodatlarini emin-erkin ado etishlari uchun yaratilayotgan qulaylik va shart-sharoitlarni aholi, xususan yoshlar orasida keng targʻib etish;
oʻsib kelayotgan avlodni Vatanga sadoqat, milliy-diniy qadriyatlarga hurmat, turli millat va eʼtiqod vakillariga nisbatan bagʻrikenglik ruhida tarbiyalashga bagʻishlangan telekoʻrsatuvlar va radio eshittirishlar tayyorlash va Oʻzbekiston milliy teleradiokompaniyasi tizimidagi teleradiokanallarda efirga uzatish;
diniy-maʼrifiy yoʻnalishda tayyorlanadigan tele va radio eshittirishlarni, muqaddas dinimiz musaffoligini saqlash, boy hamda noyob islomiy madaniy merosni butunjahon Internet tarmogʻi orqali xalqimiz orasida keng targʻib qilish;
yoshlarni gʻarazli kuchlar taʼsiridan himoya qilish, ularni yot oqimlarning noinsoniy maqsad-muddaolaridan xabardor etish;
yoshlar oʻrtasida sogʻlom maʼnaviy muhit asoslarini keng yoyish.
4. Oʻzbekiston Respublikasi Vazirlar Mahkamasi huzuridagi Toshkent islom universiteti “Ziyo media markazi”ning tuzilmasi 1-ilovaga muvofiq tasdiqlansin.
Belgilab qoʻyilsinki, Studiya “Oʻzbekiston” teleradiokanali” davlat unitar korxonasi uchun cheklangan umumiy xodimlar soni doirasida tashkil etiladi.
5. Oʻzbekiston Respublikasi Moliya vazirligi:
Markaz faoliyatini saqlash xarajatlarini 2017-yilda “Ijtimoiy soha” boʻyicha tasdiqlangan budjet parametrlari doirasida, 2018-yildan boshlab esa mazkur sohaga har yili ajratiladigan mablagʻlar doirasida amalga oshirsin;
Markazga 1 ta xizmat avtotransport vositasi uchun limit ajratsin.
6. Belgilab qoʻyilsinki:
Markazga ajratilgan avtotransport vositasini xarid qilish va saqlash bilan bogʻliq xarajatlar budjetdan tashqari mablagʻlar hisobidan qoplanadi;
Markaz xodimlariga nisbatan Oʻzbekiston milliy teleradiokompaniyasi xodimlari uchun nazarda tutilgan mehnatga haq toʻlash va moddiy ragʻbatlantirish shartlari tatbiq etiladi.
7. Oʻzbekiston jurnalistlari ijodiy uyushmasi, Oʻzbekiston Respublikasi Din ishlari boʻyicha qoʻmitasi, Oʻzbekiston milliy teleradiokompaniyasi, Oʻzbekiston musulmonlari idorasi va Vazirlar Mahkamasi huzuridagi Toshkent islom universiteti bilan birgalikda “Hidoyat sari” va “Ziyo media markazi”ning ijodkorlarini ragʻbatlantirish maqsadida jurnalistika sohasida oʻtkaziladigan nufuzli koʻrik tanlovlarda diniy-maʼrifiy mavzularni eng yaxshi yoritganligi uchun alohida nominatsiya joriy etsin.
8. Oʻzbekiston Respublikasi Vazirlar Mahkamasining “Oʻzbekiston Respublikasi Vazirlar Mahkamasi huzuridagi Toshkent islom universiteti tashkiliy tuzilmasini takomillashtirish toʻgʻrisida” 2012-yil 4-iyuldagi 193-son qaroriga 2-ilovaga muvofiq oʻzgartirish kiritilsin.
9. Mazkur qarorning bajarilishini nazorat qilish Oʻzbekiston milliy teleradiokompaniyasi raisi v.b. A.J. Xadjayev, Oʻzbekiston Respublikasi Vazirlar Mahkamasi huzuridagi Toshkent islom universiteti rektori R.V. Abdullayev zimmasiga, Vazirlar Mahkamasining Madaniyat, sanʼat va turizmni rivojlantirish masalalari hamda Taʼlim, ilm-fan va yoshlar siyosati masalalari axborot-tahlil departamentlariga yuklansin.
Vazirlar Mahkamasining 2017-yil 13-sentabrdagi 716-son qaroriga 1-ILOVA
Oʻzbekiston Respublikasi Vazirlar Mahkamasi huzuridagi Toshkent islom universiteti “Ziyo media markazi”ning
Vazirlar Mahkamasining 2017-yil 13-sentabrdagi 716-son qaroriga 2-ILOVA
Vazirlar Mahkamasining “Oʻzbekiston Respublikasi Vazirlar Mahkamasi huzuridagi Toshkent islom universiteti tashkiliy tuzilmasini takomillashtirish toʻgʻrisida” 2012-yil 4-iyuldagi 193-son qaroriga kiritilayotgan oʻzgartirish
1. Vazirlar Mahkamasining 2012-yil 4-iyuldagi 193-son qarorining 1-ilovasi quyidagi tahrirda bayon etilsin:
“Oʻzbekiston Respublikasi Vazirlar Mahkamasi huzuridagi Toshkent islom universitetining TUZILMASI
Oʻzbekiston Respublikasining Bosh vaziri A. ARIPOV
Toshkent sh.,
2017-yil 13-sentabr,
716-son