📅 2017-yil 15-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 15 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 15 сентября 2017 г. · Постановления Президента
Официальный текст. Официальный документ. Редакционные примечания не включены.
📅 15 September 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Ўзметкомбинат» АЖ бошқаруви тизимини янада такомиллаштириш чора-тадбирлари тўғрисида
Таъкидлаш лозимки, сўнги йилларда «Ўзметкомбинат» АЖда қора металлар прокатини ишлаб чиқаришнинг мавжуд ўсиш суръатлари иқтисодиёт тармоқларининг метал маҳсулотларига бўлган эҳтиёжнинг ортаётган ҳажмларини қаноатлантирмаяпти, қора металларнинг ломи ва чиқиндиларини йиғиш ва ушбу ишларни рағбатлантириш тизими самарадорлиги даражаси замонавий талабларига жавоб бермаяпти.
«Ўзметкомбинат» АЖни ишлаб чиқариш, ташқи иқтисодий ва инвестициявий жараёнларига халқаро стандартларни жорий этиш йўли орқали корпоротив бошқариш тизимининг замонавий талабларига мувофиқ ҳолда тубдан қайта кўриб чиқиш ва такомиллаштириш талаб этилмоқда.
«Ўзметкомбинат» АЖ бошқариш тизимини янада такомиллаштириш, ишлаб чиқаришнинг бошқариш самарадорлигини ошириш ҳамда корпоратив бошқаришнинг замонавий усулларини жорий этишни таъминлаш мақсадида:
1. Маълумот учун қабул қилинсинки, Ўзбекистон Республикаси Вазирлар Маҳкамасининг «Ўзметкомбинат» АЖни бошқариш самарадорлигини ошириш чора-тадбирлари тўғрисида» 2017 йил 20 июлдаги 533-сонли қарорига мувофиқ «Ўзметкомбинат» АЖнинг устав капиталидаги давлат улушини ишончли бошқаришга «SFI Management Group» МЧЖ ХК компанияси жалб қилинди.
2. Қуйидагилар «Ўзметкомбинат» АЖнинг (кейинги ўринларда — жамиятнинг) асосий вазифалари ва фаолият йўналишлари этиб ҳисоблансин:
биринчи, ишлаб чиқаришни модернизация ва диверсификация қилиш бўйича ягона чуқур ўйланган техник сиёсатни амалга ошириш, замонавий энергия тежовчи технологиялар ва ускуналарни жорий этиш, шунингдек, жамиятнинг хом ашё базасини кенгайтириш;
иккинчи, ишлаб чиқаришнинг юқори ўсиш суръатларини таъминлашга йўналтирилган, жамиятни бошқариш тизимидаги таркибий ўзгаришларни амалга ошириш, шу жумладан, янги бозорларни эгаллаш ҳисобидан юқори қўшимча қийматга эга маҳсулотларни экспорт қилиш ҳажмларини ошириш, маҳсулотнинг таннархини тушириш бўйича мақсадга йўналтирилган ишларни тизимли асосда олиб бориш;
учинчи, хом ашё базани кенгайтириш, жумладан, тўғридан-тўғри хорижий инвестицияларни жалб этишни ҳисобга олган холда лойиҳа-смета ҳужжатларини ишлаб чиқиш жараёнларининг самарадорлиги ва шаффофлигини оширган ҳолда янги юқори технологиялар қўлланилган ишлаб чиқаришларни қуриш, шунингдек, лойиҳани бошқаришнинг замонавий усулларини жорий этиш йўли орқали уларни кейинги босқичлардаги амалга оширилишини ташкиллаштириш;
тўртинчи, умумий тузилмани мақбуллаштириш ҳамда товарлар ва хизматлар импорти ҳажмини қисқартириш мақсадида металлургия маҳсулотлари, бутловчи буюмлар ва материаллар ишлаб чиқаришни маҳаллийлаштиришни кенгайтириш;
бешинчи, олий ва ўрта махсус, касб-ҳунар таълими ва илмий муассасалар билан кооперацияни кучайтириш йўли орқали муҳандис-техник ва бошқарув кадрларнинг малакасини ошириш, уларни қайта тайёрлашни ташкил этиш;
олтинчи, қаттиқ рақобат шароитларида жамиятнинг самарали ишлашини таъминлай оладиган, профессионализмнинг асосланган юқори даражаларига эришишда истеъдодли, ростгўй ва ватанпарвар ёш мутахассисларни жалб этиш бўйича мақсадга йўналтирилган ишларни олиб бориш орқали жамиятнинг кадрлар салоҳиятини мустаҳкамлаш.
3. «Ўзметкомбинат» АЖнинг бошқарув органлари, ишончли бошқарувчиси, Тошкент вилояти ҳокимлиги ва Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитасининг:
жамият тузилмасида — ҳудудий масъулияти чекланган жамиятларни белгиланган тартибда «Ўзметкомбинат» АЖнинг филиаллари кўринишида қайта ташкил этган ҳолда «Иккиламчиқораметаллар» УК негизида «Иккиламчиқораметаллар» бошқармасини ташкил этиш;
«Ўзметкомбинат» АЖнинг устав капиталига белгиланган тартибда давлатнинг улушини ошириш ҳисобига «Умумий овқатланиш комбинати» давлат корхонаси кўринишидаги мулк комплексини, кейинчалик шакллантирилган улушни ишончли бошқарувчига ишончли бошқарувга топшириш тўғрисидаги таклифига розилик берилсин.
7. Ўзбекистон Республикаси Ички ишлар вазирлиги Қорақалпоғистон Республикаси Вазирлар Кенгаши, вилоят, шаҳар ва туманлар ҳокимликлари билан биргаликда ускуналар, лом ва қора металлар чиқиндиларини ноқонуний қабул қилиш пунктларининг фаолият юритишига йўл қўймаслиги ҳамда уларни республика чегарасидан олиб чиқишга бўлган уринишларга чек қўйиш бўйича кўрилаётган чора-тадбирларни кучайтирсин.
8. Ўзбекистон Республикаси Бош прокуратураси лом ва қора металлар чиқиндиларининг ноқонуний йиғилиши устидан назоратни амалга оширсин, лом ва қора металлар чиқиндилари айланмаси қисмида ҳуқуқбузарлик ҳаракатларининг ҳар бир фактлари бўйича пухта текширувларни олиб борсин, айбдор шахслар қонун ҳужжатларига мувофиқ жавобгарликка тортилсинлар.
9. Ўзбекистон Республикаси Президентининг «Республиканинг қора металларга бўлган қўшимча эҳтиёжларини таъминлаш чора-тадбирлари тўғрисида» 2017 йил 20 апрелдаги Р-4911-сонли фармойишининг 1-бандидаги «ТИФ ТР 7207 20 150 0 коди бўйича пўлат» сўзлари «ТИФ ТР 7207 20 150 0 ва 7203 10 000 0 коди бўйича пўлат, темир рудасининг тўғридан-тўғри тикланадиган маҳсулотлари» сўзларига алмаштирилсин.
10. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Ғ.И. Ибрагимов ва «Ўзметкомбинат» АЖ бошқаруви раиси А.Х. Хурсанов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 15 сентябрь,
ПҚ-3277-сон
Oʻzbekiston Respublikasi Prezidentining
Qarori
“Oʻzmetkombinat” AJ boshqaruvi tizimini yanada takomillashtirish chora-tadbirlari toʻgʻrisida
Taʼkidlash lozimki, soʻngi yillarda “Oʻzmetkombinat” AJda qora metallar prokatini ishlab chiqarishning mavjud oʻsish surʼatlari iqtisodiyot tarmoqlarining metal mahsulotlariga boʻlgan ehtiyojning ortayotgan hajmlarini qanoatlantirmayapti, qora metallarning lomi va chiqindilarini yigʻish va ushbu ishlarni ragʻbatlantirish tizimi samaradorligi darajasi zamonaviy talablariga javob bermayapti.
“Oʻzmetkombinat” AJni ishlab chiqarish, tashqi iqtisodiy va investitsiyaviy jarayonlariga xalqaro standartlarni joriy etish yoʻli orqali korporotiv boshqarish tizimining zamonaviy talablariga muvofiq holda tubdan qayta koʻrib chiqish va takomillashtirish talab etilmoqda.
“Oʻzmetkombinat” AJ boshqarish tizimini yanada takomillashtirish, ishlab chiqarishning boshqarish samaradorligini oshirish hamda korporativ boshqarishning zamonaviy usullarini joriy etishni taʼminlash maqsadida:
1. Maʼlumot uchun qabul qilinsinki, Oʻzbekiston Respublikasi Vazirlar Mahkamasining “Oʻzmetkombinat” AJni boshqarish samaradorligini oshirish chora-tadbirlari toʻgʻrisida” 2017-yil 20-iyuldagi 533-sonli qaroriga muvofiq “Oʻzmetkombinat” AJning ustav kapitalidagi davlat ulushini ishonchli boshqarishga “SFI Management Group” MCHJ XK kompaniyasi jalb qilindi.
2. Quyidagilar “Oʻzmetkombinat” AJning (keyingi oʻrinlarda — jamiyatning) asosiy vazifalari va faoliyat yoʻnalishlari etib hisoblansin:
birinchi, ishlab chiqarishni modernizatsiya va diversifikatsiya qilish boʻyicha yagona chuqur oʻylangan texnik siyosatni amalga oshirish, zamonaviy energiya tejovchi texnologiyalar va uskunalarni joriy etish, shuningdek, jamiyatning xom ashyo bazasini kengaytirish;
ikkinchi, ishlab chiqarishning yuqori oʻsish surʼatlarini taʼminlashga yoʻnaltirilgan, jamiyatni boshqarish tizimidagi tarkibiy oʻzgarishlarni amalga oshirish, shu jumladan, yangi bozorlarni egallash hisobidan yuqori qoʻshimcha qiymatga ega mahsulotlarni eksport qilish hajmlarini oshirish, mahsulotning tannarxini tushirish boʻyicha maqsadga yoʻnaltirilgan ishlarni tizimli asosda olib borish;
uchinchi, xom ashyo bazani kengaytirish, jumladan, toʻgʻridan-toʻgʻri xorijiy investitsiyalarni jalb etishni hisobga olgan xolda loyiha-smeta hujjatlarini ishlab chiqish jarayonlarining samaradorligi va shaffofligini oshirgan holda yangi yuqori texnologiyalar qoʻllanilgan ishlab chiqarishlarni qurish, shuningdek, loyihani boshqarishning zamonaviy usullarini joriy etish yoʻli orqali ularni keyingi bosqichlardagi amalga oshirilishini tashkillashtirish;
toʻrtinchi, umumiy tuzilmani maqbullashtirish hamda tovarlar va xizmatlar importi hajmini qisqartirish maqsadida metallurgiya mahsulotlari, butlovchi buyumlar va materiallar ishlab chiqarishni mahalliylashtirishni kengaytirish;
beshinchi, oliy va oʻrta maxsus, kasb-hunar taʼlimi va ilmiy muassasalar bilan kooperatsiyani kuchaytirish yoʻli orqali muhandis-texnik va boshqaruv kadrlarning malakasini oshirish, ularni qayta tayyorlashni tashkil etish;
oltinchi, qattiq raqobat sharoitlarida jamiyatning samarali ishlashini taʼminlay oladigan, professionalizmning asoslangan yuqori darajalariga erishishda isteʼdodli, rostgoʻy va vatanparvar yosh mutaxassislarni jalb etish boʻyicha maqsadga yoʻnaltirilgan ishlarni olib borish orqali jamiyatning kadrlar salohiyatini mustahkamlash.
3. “Oʻzmetkombinat” AJning boshqaruv organlari, ishonchli boshqaruvchisi, Toshkent viloyati hokimligi va Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasining:
jamiyat tuzilmasida — hududiy masʼuliyati cheklangan jamiyatlarni belgilangan tartibda “Oʻzmetkombinat” AJning filiallari koʻrinishida qayta tashkil etgan holda “Ikkilamchiqorametallar” UK negizida “Ikkilamchiqorametallar” boshqarmasini tashkil etish;
“Oʻzmetkombinat” AJning ustav kapitaliga belgilangan tartibda davlatning ulushini oshirish hisobiga “Umumiy ovqatlanish kombinati” davlat korxonasi koʻrinishidagi mulk kompleksini, keyinchalik shakllantirilgan ulushni ishonchli boshqaruvchiga ishonchli boshqaruvga topshirish toʻgʻrisidagi taklifiga rozilik berilsin.
7. Oʻzbekiston Respublikasi Ichki ishlar vazirligi Qoraqalpogʻiston Respublikasi Vazirlar Kengashi, viloyat, shahar va tumanlar hokimliklari bilan birgalikda uskunalar, lom va qora metallar chiqindilarini noqonuniy qabul qilish punktlarining faoliyat yuritishiga yoʻl qoʻymasligi hamda ularni respublika chegarasidan olib chiqishga boʻlgan urinishlarga chek qoʻyish boʻyicha koʻrilayotgan chora-tadbirlarni kuchaytirsin.
8. Oʻzbekiston Respublikasi Bosh prokuraturasi lom va qora metallar chiqindilarining noqonuniy yigʻilishi ustidan nazoratni amalga oshirsin, lom va qora metallar chiqindilari aylanmasi qismida huquqbuzarlik harakatlarining har bir faktlari boʻyicha puxta tekshiruvlarni olib borsin, aybdor shaxslar qonun hujjatlariga muvofiq javobgarlikka tortilsinlar.
9. Oʻzbekiston Respublikasi Prezidentining “Respublikaning qora metallarga boʻlgan qoʻshimcha ehtiyojlarini taʼminlash chora-tadbirlari toʻgʻrisida” 2017-yil 20-apreldagi R-4911-sonli farmoyishining 1-bandidagi “TIF TR 7207 20 150 0 kodi boʻyicha poʻlat” soʻzlari “TIF TR 7207 20 150 0 va 7203 10 000 0 kodi boʻyicha poʻlat, temir rudasining toʻgʻridan-toʻgʻri tiklanadigan mahsulotlari” soʻzlariga almashtirilsin.
10. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari Gʻ.I. Ibragimov va “Oʻzmetkombinat” AJ boshqaruvi raisi A.X. Xursanov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 15-sentabr,
PQ-3277-son
Президента Республики Узбекистан
Постановление
О мерах по совершенствованию системы управления АО «Узметкомбинат»
Отметить, что за последние годы сложившиеся темпы роста производства проката черных металлов АО «Узметкомбинат» не удовлетворяют растущие объемы потребности отраслей экономики в металлопродукции, не отвечает современным требованиям уровень эффективности системы сбора лома и отходов черных металлов и его стимулирования.
Требует коренного пересмотра и усовершенствования в соответствии с современными требованиями система корпоративного управления АО «Узметкомбинат», в том числе путем внедрения международных стандартов управления производственными, внешнеэкономическими и инвестиционными процессами.
В целях дальнейшего совершенствования системы управления АО «Узметкомбинат», повышения эффективности управления производством и обеспечения внедрения современных методов корпоративного управления:
1. Принять к сведению, что в соответствии с постановлением Кабинета Министров Республики Узбекистан от 20 июля 2017 года № 533 «О мерах по повышению эффективности управления АО «Узметкомбинат»» в качестве доверительного управляющего государственной долей в уставном капитале АО «Узметкомбинат» привлечена компания ИП ООО «SFI Management Group» (далее — доверительный управляющий).
2. Считать основными задачами и направлениями деятельности АО «Узметкомбинат» (далее — общество):
первое, реализацию единой глубоко продуманной технической политики по модернизации и диверсификации производства, внедрению современных энергосберегающих технологий и оборудования, а также расширению сырьевой базы общества;
второе, осуществление структурных преобразований в системе управления обществом, направленных на обеспечение высоких темпов роста производства, увеличение объемов экспорта продукции с высокой добавленной стоимостью, в том числе за счет освоения новых рынков, проведения на системной основе целенаправленной работы по снижению себестоимости продукции;
третье, проведение активной инвестиционной политики, предусматривающей реализацию крупных инвестиционных проектов по расширению сырьевой базы, строительству и вводу новых высокотехнологичных производств, в том числе за счет привлечения прямых иностранных инвестиций, с повышением эффективности и прозрачности процессов разработки проектно-сметной документации, а также организации их дальнейшей реализации путем внедрения современных методов проектного управления;
четвертое, расширение локализации производства металлургической продукции, комплектующих изделий и материалов с целью оптимизации в целом структуры и сокращения объемов импорта товаров и услуг;
пятое, организацию повышения квалификации инженерно-технических и управленческих кадров, их переподготовки путем усиления кооперации с высшими и средними специальными, профессиональными образовательными и научными учреждениями;
шестое, укрепление кадрового потенциала общества путем проведения целевой работы по привлечению мотивированных в достижении высокого уровня профессионализма, одаренных, честных и патриотически настроенных молодых специалистов, способных обеспечить эффективную работу общества в условиях жесткой конкуренции.
3. Согласиться с предложениями органов управления АО «Узметкомбинат», доверительного управляющего, хокимията Ташкентской области и Государственного комитета Республики Узбекистан по содействию приватизированным предприятиям и развитию конкуренции о:
создании в структуре общества подразделения — Управления «Иккиламчикораметаллар» на базе мощностей УП «Иккиламчикораметаллар» с реорганизацией региональных обществ с ограниченной ответственностью в филиалы АО «Узметкомбинат» в установленном порядке;
передаче в установленном порядке в уставный капитал АО «Узметкомбинат» имущественного комплекса в виде государственного предприятия «Комбинат общественного питания» в счет увеличения доли государства, с последующей передачей в доверительное управление сформированной доли доверительному управляющему.
7. Министерству внутренних дел Республики Узбекистан совместно с Советом Министров Республики Каракалпакстан, хокимиятами областей, городов и районов усилить принимаемые меры по пресечению функционирования нелегальных пунктов приема оборудования, лома и отходов черных металлов, и попыток их вывоза за пределы республики.
8. Генеральной прокуратуре Республики Узбекистан осуществлять надзор за незаконным сбором, хранением и реализацией лома и отходов черных металлов, проводить тщательное расследование по каждому факту противоправных действий в части оборота лома и отходов черных металлов, привлекать к ответственности виновных лиц в соответствии с законодательством.
9. В пункте 1 распоряжения Президента Республики Узбекистан от 20 апреля 2017 года № Р-4911 «О мерах по обеспечению дополнительной потребности республики в прокате черных металлов» слова «стали) по коду ТН ВЭД 7207 20 150 0» заменить словами «стали, продукты прямого восстановления железной руды) по кодам ТН ВЭД 7207 20 150 0 и 7203 10 000 0».
10. Контроль за исполнением настоящего постановления возложить на заместителя Премьер-министра Республики Узбекистан Г.И. Ибрагимова и председателя правления АО «Узметкомбинат» А.Х. Хурсанова.
Президент Республики Узбекистан Ш. МИРЗИЁЕВ
г. Ташкент,
15 сентября 2017 г.,
№ ПП-3277