📅 2017-yil 15-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 15 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 15 сентября 2017 г. · Постановления Президента
Официальный текст. Официальный документ. Редакционные примечания не включены.
📅 15 September 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
ПРОГНОЗ ПАРАМЕТРЛАРИ
Сирдарё вилоятида замонавий пахтачилик-тўқимачилик кластерини барпо этиш чора-тадбирлари тўғрисида
Қишлоқ хўжалиги ишлаб чиқаришида таркибий ислоҳотларни янада чуқурлаштириш ва бунда давлатнинг ролини қисқартириш, тўғридан-тўғри инвестициялар жалб этилишини рағбатлантириш, пахта ва бошқа турдаги қишлоқ хўжалиги маҳсулотлари етиштиришнинг самарали усулларини жорий этиш, уларни чуқур қайта ишлашни ташкил қилиш, шунингдек, аграр секторда меҳнат унумдорлигини ва унга ҳақ тўлашни ошириш мақсадида:
1. Ўзбекистон Республикаси Қишлоқ ва сув хўжалиги вазирлиги, Иқтисодиёт вазирлиги, Молия вазирлиги, Ўзбекистон Фермерлар кенгаши, Сирдарё вилояти ҳокимлиги, «Ўзпахтасаноатэкспорт» ХК, «Ўзбекенгилсаноат» АЖ, «Mirza obod universal trade cluster» хусусий корхонасининг «TRONTEX LP» (Буюк Британия) ва «GRATUM TRADING LP» (Буюк Британия) хорижий компаниялари иштирокида масъулияти чекланган жамият шаклидаги «Bek cluster» қўшма корхонасини (кейинги ўринларда — «Bek cluster» МЧЖ ҚК деб юритилади) барпо этишни назарда тутувчи тажриба лойиҳасини амалга ошириш тўғрисидаги таклифига розилик берилсин, бунда:
пахта ва бошқа турдаги қишлоқ хўжалиги маҳсулотлари етиштириш бўйича;
фаолият юритаётган ташкилотларни ҳамда тўғридан-тўғри хорижий инвестициялар, кредитларни ва тижорат банкларининг бевосита инвестицияларини жалб этиш ҳисобига рақобатдош маҳсулотлар ишлаб чиқаришни йўлга қўйган ҳолда уларни чуқур қайта ишлаш бўйича замонавий кластерни ташкил этиш кўзда тутилмоқда.
2. Қуйидагилар:
Сирдарё вилояти ҳокимлигининг «Bek cluster» МЧЖ ҚК таркибига кирувчи қишлоқ хўжалиги ташкилоти (кейинги ўринларда — қишлоқ хўжалиги ташкилоти) томонидан пахта ва бошқа қишлоқ хўжалиги экинлари етиштириш учун 18,0 минг гектар (шулардан 13,0 минг гектари Мирзаобод туманида ва 5,0 минг гектари — Ховос туманида) суғориладиган ерларни ажратиб бериш тўғрисидаги таклифи;
«Bek cluster» МЧЖ ҚК таркибига кирувчи ташкилотлар рўйхати 1-иловага мувофиқ;
2017 — 2021 йилларда даврида «Bek cluster» МЧЖ ҚК ва унинг таркибига кирувчи ташкилотлар томонидан амалга ошириладиган инвестиция лойиҳалари ҳамда фаолият юритаётган ташкилотларнинг прогноз параметрлари 2-иловага мувофиқ маъқуллансин.
3. Сирдарё вилояти ҳокимлиги (Ғ.Ғ. Мирзаев) Ўзбекистон Республикаси Қишлоқ ва сув хўжалиги вазирлиги (А. Ваҳобов), Иқтисодиёт вазирлиги (Г. Саидова), Вазирлар Маҳкамаси ҳузуридаги Суғориладиган ерларнинг мелиоратив ҳолатини яхшилаш жамғармаси (О. Собиров), Ўзбекистон Республикаси Ер ресурслари, геодезия, картография ва давлат кадастри давлат қўмитаси (А. Абдуллаев) билан биргаликда:
2017 йилнинг 1 ноябрига қадар ушбу қарорнинг 2-иловасига киритилган инвестиция лойиҳаларини амалга ошириш учун «Bek cluster» МЧЖ ҚК ва унинг таркибига кирувчи ташкилотларга белгиланган тартибда ер майдонлари ажратилишини;
тупроқнинг шўрини йўқотиш мақсадида ирригация ва мелиорация тизимларининг мунтазам тозалаб турилишини, ерларни капитал-текислаш ишлари ташкил этилиши ҳамда қаттиқ гипс қатлами чуқур юмшатилишини, шунингдек, қишлоқ хўжалиги ташкилотини ишлаб чиқариш эҳтиёжлари учун сув билан узлуксиз таъминласин.
4. Сирдарё вилоятида замонавий пахтачилик-тўқимачилик кластерини ривожлантиришни давлат йўли билан қўллаб-қувватлаш учун Ўзбекистон Республикасида ишлаб чиқарилмайдиган, ушбу қарорга мувофиқ, инвестиция лойиҳаларини амалга ошириш доирасида «Bek cluster» МЧЖ ҚК томонидан ўзининг ишлаб чиқариш эҳтиёжлари учун Вазирлар Маҳкамаси томонидан тасдиқланадиган рўйхатлар бўйича олиб келинадиган ускуналар, махсус транспорт воситалари ва техника, ҳайвонлар ва ўсимликлар, ветеринария препаратлари, жумладан, бутловчи буюмлар, хом ашё ва материаллар, қурилиш моллари, иссиқхона комплекслари 2022 йилнинг 1 январига қадар муддатда божхона тўловлари (қўшилган қиймат солиғи ва божхона йиғимларидан ташқари) тўлашдан озод қилинсин.
5. «Bek cluster» МЧЖ ҚКга ҳудуд шароитларини ҳисобга олган холда, ғўзанинг селекция навларини мустақил равишда жойлаштириш, экинларни илмий асосланган тарзда алмашлаб экиш, сув ва ресурсларни тежайдиган технологияларни жорий этиш ҳуқуқи берилсин.
6. Шундай тартиб ўрнатилсинки, унга мувофиқ:
қишлоқ хўжалиги техникасини лизинг бўйича харид қилиш, минерал ўғитлар, уруғликлар, ёқилғи мойлаш материаллари, ўсимликларни кимёвий ҳимоя қилиш воситалари ҳамда бошқа моддий ресурсларни етказиб беришда фермер хўжаликлари учун назарда тутилган шартлар ва тартиблар «Bek cluster» МЧЖ ҚКга нисбатан жорий этилади;
«Bek cluster» МЧЖ ҚК қишлоқ хўжалиги ташкилотининг қишлоқ хўжалиги техникаси учун қисилган табиий газни табиий газ ишлаб чиқариш ва тақсимлашнинг моддий баланслари доирасида ажратиладиган ҳажмлар бўйича харид қилади.
Ўзбекистон Республикаси Иқтисодиёт вазирлиги ҳар йили моддий балансларни шакллантиришда «Bek cluster» МЧЖ ҚК ва унинг таркибига кирувчи ташкилотлар томонидан ишлаб чиқарилган моддий ресурсларнинг ҳажмларини, шунингдек пахта толаси, линт ва техник уруғлик ҳажмларини алоҳида сатрда ҳисобга олсин.
7. Белгилаб қўйилсинки, қишлоқ хўжалиги ташкилоти томонидан етиштирилаётган пахта хом ашёси кейинчалик фақат «Bek cluster» МЧЖ ҚК ва унинг таркибига кирувчи ташкилотлар томонидан чуқур қайта ишлаш учун фойдаланилади.
8. Қуйидагилар белгилансин:
«Bek cluster» МЧЖ ҚК ўз таркибига кирувчи ташкилотларнинг сўмдаги маблағларини жамлаши ва бу маблағларни молия-хўжалик фаолиятини амалга ошириш ва ишлаб чиқаришни ривожлантириш учун улар ўртасида тақсимлаши мумкин;
«Bek cluster» МЧЖ ҚК ва ташкилотлари ҳамда ташкилотларнинг ўзлари ўртасидаги, ўзлари ишлаб чиқарган маҳсулотни сотиш бўйича айланмалар билан боғлиқ бўлмаган, олинадиган ва бериладиган пул маблағлари ва мол-мулк, шунингдек, соф фойдани тақсимлаш солиққа тортиш объекти (қўшилган қиймат солиғидан ташқари) ҳисобланмайди.
Пахта-тўқимачилик ишлаб чиқариши ташкилотчиларига 2018 йил 1 октябрдан кейин фермер хўжаликларига берилган мол-мулкни товарлар (ишлар, хизматлар) бўйича қўшилган қиймат солиғи билан ўтказишни амалга ошириш ҳуқуқи берилсин.
9. «Bek cluster» МЧЖ ҚКга ва унинг таркибига кирувчи ташкилотларга, истисно тариқасида, ўзлари етиштирган маҳсулотни эркин тасарруф қилишга, нарх белгилаш сиёсатини ва маҳсулот сотиш ҳажмларини мустақил равишда белгилашга рухсат берилсин.
10. Маълумот учун қабул қилинсинки, пахта маҳсулотини етиштириш ва унинг чиқитларини қайта ишлаш билан боғлиқ барча сарф-харажатлар «Bek cluster» МЧЖ ҚК ва унинг таркибига кирувчи ташкилотларнинг шахсий маблағлари, тижорат банкларининг кредитлари ҳисобидан амалга оширилади.
Бунда «Bek cluster» МЧЖ ҚК:
унга ажратилган ер майдонларидаги фермер хўжаликларининг ходимлари билан ўзаро ҳисоб-китобларни меҳнат учун адолатли ҳақ тўлаш ва ижтимоий мадад тамойили бўйича меҳнат шартномалари асосида амалга оширади;
муассислар — «TRONTEX LP» (Буюк Британия) ва «GRATUM TRADING LP» (Буюк Британия) хорижий компаниялари билан биргаликда ўтказиладиган маркетинг таҳлили асосида сотиш бозорларида шакллантириладиган нархлар бўйича юқори қўшилган қийматли тайёр маҳсулотни экспорт қилади.
11. «Асака» АТБ ва бошқа тижорат банкларига «Bek cluster» МЧЖ ҚК ва унинг таркибига кирувчи ташкилотлар томонидан амалга оширилаётган инвестиция лойиҳаларини биргаликда молиялаштириш учун белгиланган тартибда имтиёзли кредит линиялари ажратиш тавсия қилинсин.
Белгилаб қўйилсинки, «Bek cluster» МЧЖ ҚК ва унинг таркибига кирувчи ташкилотлар қарз олувчилар ҳамда инвестиция лойиҳаларининг амалга оширилиши, ажратилаётган кредитлардан мақсадли ва самарали фойдаланилиши учун, шунингдек, уларнинг ўз вақтида қайтарилиши учун масъул бўлган ижро этувчи органлар ҳисобланади.
12. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари — қишлоқ ва сув хўжалиги вазири З.Т. Мирзаев ва Сирдарё вилояти ҳокими Ғ.Ғ. Мирзаев зиммасига юклансин.
Ўзбекистон Республикаси Президентининг 2017 йил 15 сентябрдаги ПҚ-3279-сон қарорига 1-ИЛОВА
«Век cluster» * МЧЖ ҚК таркибига кирувчи ташкилотлар
1. Пахта ва бошқа қишлоқ хўжалиги экинларини етиштирувчи қишлоқ хўжалиги ташкилоти.
2. Пахтани қайта ишлаш ташкилоти.
3. Ёғ-мой маҳсулотини ишлаб чиқариш ташкилоти.
4. Тўқимачилик буюмлари ишлаб чиқариш ташкилоти.
5. Сут, гўшт ва тухум етиштириш ва қайта ишлаш ташкилоти (чорвачилик ва паррандачилик комплекси).
6. Сабзавот ва кўкатлар етиштириш ташкилоти (замонавий иссиқхона комплекси).
7. Қишлоқ хўжалиги маҳсулотини сақлаш ва қайта ишлаш ташкилоти.
Ўзбекистон Республикаси Президентининг 2017 йил 15 сентябрдаги ПҚ-3279-сон қарорига 2-ИЛОВА
2017 — 2021 йилларда «Bek cluster» МЧЖ ҚК ва унинг таркибига кирувчи ташкилотлар томонидан амалга оширилаётган инвестиция лойиҳалари ва амалдаги ташкилотлар
Т/р Инвестиция лойиҳаси номи Лойиҳанинг дастлабки қиймати (млн АҚШ доллари) Йиллик қуввати Амалга ошириш муддатлари 1. 18,0 минг гектар майдонда пахта ва бошқа қишлоқ хўжалиги экинларини етиштиришни ташкил этиш 30,0 30,0 минг тонна пахта, 80,0 минг тонна озуқа экинлари 2017-2018 йиллар 2. Пахтани қайта ишлаш корхонасини ташкил этиш 3,0 10,2 минг тонна пахта толаси, 15,0 минг тонна уруғлар 2018-2019 йиллар 3. Техник уруғларни қайта ишлаш асосида ёғ-мой маҳсулоти ишлаб чиқаришни ташкил этиш 2,0 2,8 минг тонна ёғ, 6,8 минг тонна шрот, 4,6 минг тонна шелуха, 517 тн соансток 2018-2019 йиллар 4. Тўқимачилик буюмлари ишлаб чиқаришни ташкил этиш 50,0 8,7 минг тонна калава, 120,0 млн пог. метр дока, 30,0 млн дона тайёр буюмлар 2018-2019 йиллар 5. Чорвачилик ва паррандачилик комплекси, сут, гўшт ва тухум етиштириш ҳамда қайта ишлашни ташкил этиш 12,0 5,0 минг бош қорамол * , 200,0 минг бош парранда 2017 — 2021 йиллар 6. Сабзавот ва кўкатлар етиштириш бўйича замонавий иссиқхона комплексини ташкил этиш 58,0 100 га иссиқхона * 2017 — 2021 йиллар 7. Қишлоқ хўжалиги маҳсулотларини сақлаш ва қайта ишлашни ташкил этиш 10,0 5,0 минг тонна қишлоқ хўжалиги маҳсулотларини сақлаш учун совитувчи сиғимлар (камералар), 10 минг тоннагача қишлоқ хўжалиги маҳсулотларини қайта ишлаш * 2017 — 2020 йиллар Жами 165,0
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 15 сентябрь,
ПҚ-3279-сон
Oʻzbekiston Respublikasi Prezidentining
Qarori
ROʻYXATI
PROGNOZ PARAMETRLARI
Sirdaryo viloyatida zamonaviy paxtachilik-toʻqimachilik klasterini barpo etish chora-tadbirlari toʻgʻrisida
Qishloq xoʻjaligi ishlab chiqarishida tarkibiy islohotlarni yanada chuqurlashtirish va bunda davlatning rolini qisqartirish, toʻgʻridan-toʻgʻri investitsiyalar jalb etilishini ragʻbatlantirish, paxta va boshqa turdagi qishloq xoʻjaligi mahsulotlari yetishtirishning samarali usullarini joriy etish, ularni chuqur qayta ishlashni tashkil qilish, shuningdek, agrar sektorda mehnat unumdorligini va unga haq toʻlashni oshirish maqsadida:
1. Oʻzbekiston Respublikasi Qishloq va suv xoʻjaligi vazirligi, Iqtisodiyot vazirligi, Moliya vazirligi, Oʻzbekiston Fermerlar kengashi, Sirdaryo viloyati hokimligi, “Oʻzpaxtasanoateksport” XK, “Oʻzbekyengilsanoat” AJ, “Mirza obod universal trade cluster” xususiy korxonasining “TRONTEX LP” (Buyuk Britaniya) va “GRATUM TRADING LP” (Buyuk Britaniya) xorijiy kompaniyalari ishtirokida masʼuliyati cheklangan jamiyat shaklidagi “Bek cluster” qoʻshma korxonasini (keyingi oʻrinlarda — “Bek cluster” MCHJ QK deb yuritiladi) barpo etishni nazarda tutuvchi tajriba loyihasini amalga oshirish toʻgʻrisidagi taklifiga rozilik berilsin, bunda:
paxta va boshqa turdagi qishloq xoʻjaligi mahsulotlari yetishtirish boʻyicha;
faoliyat yuritayotgan tashkilotlarni hamda toʻgʻridan-toʻgʻri xorijiy investitsiyalar, kreditlarni va tijorat banklarining bevosita investitsiyalarini jalb etish hisobiga raqobatdosh mahsulotlar ishlab chiqarishni yoʻlga qoʻygan holda ularni chuqur qayta ishlash boʻyicha zamonaviy klasterni tashkil etish koʻzda tutilmoqda.
2. Quyidagilar:
Sirdaryo viloyati hokimligining “Bek cluster” MCHJ QK tarkibiga kiruvchi qishloq xoʻjaligi tashkiloti (keyingi oʻrinlarda — qishloq xoʻjaligi tashkiloti) tomonidan paxta va boshqa qishloq xoʻjaligi ekinlari yetishtirish uchun 18,0 ming gektar (shulardan 13,0 ming gektari Mirzaobod tumanida va 5,0 ming gektari — Xovos tumanida) sugʻoriladigan yerlarni ajratib berish toʻgʻrisidagi taklifi;
“Bek cluster” MCHJ QK tarkibiga kiruvchi tashkilotlar roʻyxati 1-ilovaga muvofiq;
2017 — 2021-yillarda davrida “Bek cluster” MCHJ QK va uning tarkibiga kiruvchi tashkilotlar tomonidan amalga oshiriladigan investitsiya loyihalari hamda faoliyat yuritayotgan tashkilotlarning prognoz parametrlari 2-ilovaga muvofiq maʼqullansin.
3. Sirdaryo viloyati hokimligi (Gʻ.Gʻ. Mirzayev) Oʻzbekiston Respublikasi Qishloq va suv xoʻjaligi vazirligi (A. Vahobov), Iqtisodiyot vazirligi (G. Saidova), Vazirlar Mahkamasi huzuridagi Sugʻoriladigan yerlarning meliorativ holatini yaxshilash jamgʻarmasi (O. Sobirov), Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi (A. Abdullayev) bilan birgalikda:
2017-yilning 1-noyabriga qadar ushbu qarorning 2-ilovasiga kiritilgan investitsiya loyihalarini amalga oshirish uchun “Bek cluster” MCHJ QK va uning tarkibiga kiruvchi tashkilotlarga belgilangan tartibda yer maydonlari ajratilishini;
tuproqning shoʻrini yoʻqotish maqsadida irrigatsiya va melioratsiya tizimlarining muntazam tozalab turilishini, yerlarni kapital-tekislash ishlari tashkil etilishi hamda qattiq gips qatlami chuqur yumshatilishini, shuningdek, qishloq xoʻjaligi tashkilotini ishlab chiqarish ehtiyojlari uchun suv bilan uzluksiz taʼminlasin.
4. Sirdaryo viloyatida zamonaviy paxtachilik-toʻqimachilik klasterini rivojlantirishni davlat yoʻli bilan qoʻllab-quvvatlash uchun Oʻzbekiston Respublikasida ishlab chiqarilmaydigan, ushbu qarorga muvofiq, investitsiya loyihalarini amalga oshirish doirasida “Bek cluster” MCHJ QK tomonidan oʻzining ishlab chiqarish ehtiyojlari uchun Vazirlar Mahkamasi tomonidan tasdiqlanadigan roʻyxatlar boʻyicha olib kelinadigan uskunalar, maxsus transport vositalari va texnika, hayvonlar va oʻsimliklar, veterinariya preparatlari, jumladan, butlovchi buyumlar, xom ashyo va materiallar, qurilish mollari, issiqxona komplekslari 2022-yilning 1-yanvariga qadar muddatda bojxona toʻlovlari (qoʻshilgan qiymat soligʻi va bojxona yigʻimlaridan tashqari) toʻlashdan ozod qilinsin.
5. “Bek cluster” MCHJ QKga hudud sharoitlarini hisobga olgan xolda, gʻoʻzaning seleksiya navlarini mustaqil ravishda joylashtirish, ekinlarni ilmiy asoslangan tarzda almashlab ekish, suv va resurslarni tejaydigan texnologiyalarni joriy etish huquqi berilsin.
6. Shunday tartib oʻrnatilsinki, unga muvofiq:
qishloq xoʻjaligi texnikasini lizing boʻyicha xarid qilish, mineral oʻgʻitlar, urugʻliklar, yoqilgʻi moylash materiallari, oʻsimliklarni kimyoviy himoya qilish vositalari hamda boshqa moddiy resurslarni yetkazib berishda fermer xoʻjaliklari uchun nazarda tutilgan shartlar va tartiblar “Bek cluster” MCHJ QKga nisbatan joriy etiladi;
“Bek cluster” MCHJ QK qishloq xoʻjaligi tashkilotining qishloq xoʻjaligi texnikasi uchun qisilgan tabiiy gazni tabiiy gaz ishlab chiqarish va taqsimlashning moddiy balanslari doirasida ajratiladigan hajmlar boʻyicha xarid qiladi.
Oʻzbekiston Respublikasi Iqtisodiyot vazirligi har yili moddiy balanslarni shakllantirishda “Bek cluster” MCHJ QK va uning tarkibiga kiruvchi tashkilotlar tomonidan ishlab chiqarilgan moddiy resurslarning hajmlarini, shuningdek paxta tolasi, lint va texnik urugʻlik hajmlarini alohida satrda hisobga olsin.
7. Belgilab qoʻyilsinki, qishloq xoʻjaligi tashkiloti tomonidan yetishtirilayotgan paxta xom ashyosi keyinchalik faqat “Bek cluster” MCHJ QK va uning tarkibiga kiruvchi tashkilotlar tomonidan chuqur qayta ishlash uchun foydalaniladi.
8. Quyidagilar belgilansin:
“Bek cluster” MCHJ QK oʻz tarkibiga kiruvchi tashkilotlarning soʻmdagi mablagʻlarini jamlashi va bu mablagʻlarni moliya-xoʻjalik faoliyatini amalga oshirish va ishlab chiqarishni rivojlantirish uchun ular oʻrtasida taqsimlashi mumkin;
“Bek cluster” MCHJ QK va tashkilotlari hamda tashkilotlarning oʻzlari oʻrtasidagi, oʻzlari ishlab chiqargan mahsulotni sotish boʻyicha aylanmalar bilan bogʻliq boʻlmagan, olinadigan va beriladigan pul mablagʻlari va mol-mulk, shuningdek, sof foydani taqsimlash soliqqa tortish obyekti (qoʻshilgan qiymat soligʻidan tashqari) hisoblanmaydi.
Paxta-toʻqimachilik ishlab chiqarishi tashkilotchilariga 2018-yil 1-oktabrdan keyin fermer xoʻjaliklariga berilgan mol-mulkni tovarlar (ishlar, xizmatlar) boʻyicha qoʻshilgan qiymat soligʻi bilan oʻtkazishni amalga oshirish huquqi berilsin.
9. “Bek cluster” MCHJ QKga va uning tarkibiga kiruvchi tashkilotlarga, istisno tariqasida, oʻzlari yetishtirgan mahsulotni erkin tasarruf qilishga, narx belgilash siyosatini va mahsulot sotish hajmlarini mustaqil ravishda belgilashga ruxsat berilsin.
10. Maʼlumot uchun qabul qilinsinki, paxta mahsulotini yetishtirish va uning chiqitlarini qayta ishlash bilan bogʻliq barcha sarf-xarajatlar “Bek cluster” MCHJ QK va uning tarkibiga kiruvchi tashkilotlarning shaxsiy mablagʻlari, tijorat banklarining kreditlari hisobidan amalga oshiriladi.
Bunda “Bek cluster” MCHJ QK:
unga ajratilgan yer maydonlaridagi fermer xoʻjaliklarining xodimlari bilan oʻzaro hisob-kitoblarni mehnat uchun adolatli haq toʻlash va ijtimoiy madad tamoyili boʻyicha mehnat shartnomalari asosida amalga oshiradi;
muassislar — “TRONTEX LP” (Buyuk Britaniya) va “GRATUM TRADING LP” (Buyuk Britaniya) xorijiy kompaniyalari bilan birgalikda oʻtkaziladigan marketing tahlili asosida sotish bozorlarida shakllantiriladigan narxlar boʻyicha yuqori qoʻshilgan qiymatli tayyor mahsulotni eksport qiladi.
11. “Asaka” ATB va boshqa tijorat banklariga “Bek cluster” MCHJ QK va uning tarkibiga kiruvchi tashkilotlar tomonidan amalga oshirilayotgan investitsiya loyihalarini birgalikda moliyalashtirish uchun belgilangan tartibda imtiyozli kredit liniyalari ajratish tavsiya qilinsin.
Belgilab qoʻyilsinki, “Bek cluster” MCHJ QK va uning tarkibiga kiruvchi tashkilotlar qarz oluvchilar hamda investitsiya loyihalarining amalga oshirilishi, ajratilayotgan kreditlardan maqsadli va samarali foydalanilishi uchun, shuningdek, ularning oʻz vaqtida qaytarilishi uchun masʼul boʻlgan ijro etuvchi organlar hisoblanadi.
12. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari — qishloq va suv xoʻjaligi vaziri Z.T. Mirzayev va Sirdaryo viloyati hokimi Gʻ.Gʻ. Mirzayev zimmasiga yuklansin.
Oʻzbekiston Respublikasi Prezidentining 2017-yil 15-sentabrdagi PQ-3279-son qaroriga 1-ILOVA
“Vek cluster” * MCHJ QK tarkibiga kiruvchi tashkilotlar
1. Paxta va boshqa qishloq xoʻjaligi ekinlarini yetishtiruvchi qishloq xoʻjaligi tashkiloti.
2. Paxtani qayta ishlash tashkiloti.
3. Yogʻ-moy mahsulotini ishlab chiqarish tashkiloti.
4. Toʻqimachilik buyumlari ishlab chiqarish tashkiloti.
5. Sut, goʻsht va tuxum yetishtirish va qayta ishlash tashkiloti (chorvachilik va parrandachilik kompleksi).
6. Sabzavot va koʻkatlar yetishtirish tashkiloti (zamonaviy issiqxona kompleksi).
7. Qishloq xoʻjaligi mahsulotini saqlash va qayta ishlash tashkiloti.
Oʻzbekiston Respublikasi Prezidentining 2017-yil 15-sentabrdagi PQ-3279-son qaroriga 2-ILOVA
2017 — 2021-yillarda “Bek cluster” MCHJ QK va uning tarkibiga kiruvchi tashkilotlar tomonidan amalga oshirilayotgan investitsiya loyihalari va amaldagi tashkilotlar
T/r Investitsiya loyihasi nomi Loyihaning dastlabki qiymati (mln AQSH dollari) Yillik quvvati Amalga oshirish muddatlari 1. 18,0 ming gektar maydonda paxta va boshqa qishloq xoʻjaligi ekinlarini yetishtirishni tashkil etish 30,0 30,0 ming tonna paxta, 80,0 ming tonna ozuqa ekinlari 2017-2018-yillar 2. Paxtani qayta ishlash korxonasini tashkil etish 3,0 10,2 ming tonna paxta tolasi, 15,0 ming tonna urugʻlar 2018-2019-yillar 3. Texnik urugʻlarni qayta ishlash asosida yogʻ-moy mahsuloti ishlab chiqarishni tashkil etish 2,0 2,8 ming tonna yogʻ, 6,8 ming tonna shrot, 4,6 ming tonna sheluxa, 517 tn soanstok 2018-2019-yillar 4. Toʻqimachilik buyumlari ishlab chiqarishni tashkil etish 50,0 8,7 ming tonna kalava, 120,0 mln pog. metr doka, 30,0 mln dona tayyor buyumlar 2018-2019-yillar 5. Chorvachilik va parrandachilik kompleksi, sut, goʻsht va tuxum yetishtirish hamda qayta ishlashni tashkil etish 12,0 5,0 ming bosh qoramol * , 200,0 ming bosh parranda 2017 — 2021-yillar 6. Sabzavot va koʻkatlar yetishtirish boʻyicha zamonaviy issiqxona kompleksini tashkil etish 58,0 100 ga issiqxona * 2017 — 2021-yillar 7. Qishloq xoʻjaligi mahsulotlarini saqlash va qayta ishlashni tashkil etish 10,0 5,0 ming tonna qishloq xoʻjaligi mahsulotlarini saqlash uchun sovituvchi sigʻimlar (kameralar), 10 ming tonnagacha qishloq xoʻjaligi mahsulotlarini qayta ishlash * 2017 — 2020-yillar Jami 165,0
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 15-sentabr,
PQ-3279-son
Президента Республики Узбекистан
Постановление
ПЕРЕЧЕНЬ
ПРОГНОЗНЫЕ ПАРАМЕТРЫ
О мерах по созданию современного хлопководческо-текстильного кластера в Сырдарьинской области
В целях дальнейшего углубления структурных реформ и сокращения роли государства в сельскохозяйственном производстве, стимулирования привлечения прямых инвестиций, внедрения эффективных методов выращивания хлопка-сырца и производства других видов сельскохозяйственной продукции, организации их глубокой переработки, а также повышения производительности и оплаты труда в аграрном секторе:
1. Согласиться с предложением Министерства сельского и водного хозяйства, Министерства экономики, Министерства финансов Республики Узбекистан, Совета фермеров Узбекистана, хокимията Сырдарьинской области, ХК «Узпахтасаноатэкспорт», АО «Узбекенгилсаноат», ЧП «Mirza obod universal trade cluster» с участием иностранных компаний «TRONTEX LP» (Великобритания) и «GRATUM TRADING LP» (Великобритания) о реализации пилотного проекта, предусматривающего создание совместного предприятия «Век cluster» в форме общества с ограниченной ответственностью (далее — СП ООО «Век cluster»), с организацией современного кластера по:
выращиванию хлопка-сырца и производству других видов сельскохозяйственной продукции;
глубокой их переработке и налаживанием выпуска конкурентоспособной продукции за счеёт привлечения действующих организаций и прямых иностранных инвестиций, кредитов и прямых инвестиций коммерческих банков.
2. Одобрить:
предложение хокимията Сырдарьинской области о выделении 18,0 тыс. гектаров (из них 13, 0 тыс. гектаров в Мирзаабадском районе и 5,0 тыс. гектаров — в Хавастском районе) орошаемых земель для выращивания хлопка-сырца и других сельскохозяйственных культур сельскохозяйственной организацией, входящей в состав СП ООО «Век cluster» (далее — сельхозорганизация);
перечень организаций, входящих в состав СП ООО «Век cluster», согласно приложению № 1 ;
прогнозные параметры действующих организаций и инвестиционных проектов, реализуемых СП ООО «Век cluster» и организациями, входящими в его состав, в период 2017 — 2021 годы согласно приложению № 2 .
3. Хокимияту Сырдарьинской области (Мирзаев Г.Г.) совместно с Министерством сельского и водного хозяйства (Вахабов А.), Министерством экономики (Саидова Г.) Республики Узбекистан, Фондом мелиоративного улучшения орошаемых земель при Кабинете Министров (Сабиров О.), Государственным комитетом Республики Узбекистан по земельным ресурсам, геодезии, картографии и государственному кадастру (Абдуллаев А.) обеспечить:
в срок до 1 ноября 2017 года в установленном порядке отвод земельных участков СП ООО «Век cluster» и организациям, входящим в его состав, для реализации инвестиционных проектов, включенных в приложение № 2 к настоящему постановлению.
регулярную очистку ирригационных и мелиоративных систем, в целях устранения засоленности почвы, организацию капитально-планировочных работ и глубокого рыхления по вскрытию твердого гипсового слоя земли, а также бесперебойное водоснабжение для производственных нужд сельхозорганизации.
4. Для оказания государственной поддержки по развитию современного хлопководческо-текстильного кластера в Сырдарьинской области освободить сроком до 1 января 2022 года от таможенных платежей (за исключением налога на добавленную стоимость и таможенных сборов) не производимые в Республике Узбекистан оборудование, специальные транспортные средства и технику, животных и растения, ветеринарные препараты, включая комплектующие изделия, сырьё и материалы, строительные материалы, тепличные комплексы, ввозимые СП ООО «Век cluster» для собственных производственных нужд в рамках реализации инвестиционных проектов, в соответствии с настоящим постановлением, по перечням, утверждаемым Кабинетом Министров.
5. Предоставить право СП ООО «Век cluster» осуществлять размещение селекционных сортов хлопчатника на самостоятельной основе с учетом зональных условий, внедрения научно обоснованных севооборотов, водосберегающих и ресурсосберегающих технологий.
6. Установить порядок, в соответствии с которым:
на СП ООО «Век cluster» распространяются условия и порядок приобретения сельскохозяйственной техники по лизингу, поставки минеральных удобрений, посевных семян, горюче-смазочных материалов, средств химической защиты растений и других материальных ресурсов, предусмотренных для фермерских хозяйств;
СП ООО «Век cluster» приобретает сжатый природный газ для сельскохозяйственной техники сельхозорганизации по объёмам, выделяемым в рамках материальных балансов производства и распределения природного газа.
Министерству экономики Республики Узбекистан ежегодно учитывать при формировании материальных балансов отдельной строкой объемы материальных ресурсов, а также объемы хлопкового волокна, линта и технических семян, производимые СП ООО «Век cluster» и входящими в его состав организациями.
7. Определить, что производимый сельхозорганизацией хлопок-сырец используется исключительно для дальнейшей глубокой переработки СП ООО «Век cluster» и входящими в его состав организациями.
8. Установить, что:
СП ООО «Век cluster» может аккумулировать сумовые средства организаций, входящих в его состав, и распределять их между ними для осуществления финансово-хозяйственной деятельности и развития производства;
денежные средства и имущество, получаемые и передаваемые СП ООО «Век cluster» от его организаций и между ними, не связанные с оборотами по реализации продукции собственного производства, а также распределение чистой прибыли не являются объектом налогообложения (за исключением налога на добавленную стоимость).
Предоставить право организаторам хлопково-текстильного производства осуществлять передачу фермерским хозяйствам имущества с налогом на добавленную стоимость по товарам (работам, услугам), переданным (оказанным) не ранее 1 октября 2018 года.
9. Разрешить, в порядке исключения, СП ООО «Век cluster» и входящим в его состав организациям, свободно распоряжаться продукцией собственного производства, самостоятельно определять политику ценообразования и объемы реализации продукции.
10. Принять к сведению, что все расходы, связанные с выращиванием и переработкой хлопковой продукции и ее отходов, производятся за счет собственных средств СП ООО «Век cluster» и входящих в его состав организаций, кредитов коммерческих банков.
При этом СП ООО «Век cluster» будет:
осуществлять взаиморасчеты с работниками фермерских хозяйств на отведенных ему земельных участках на основе трудовых договоров по принципу справедливой оплаты за труд и социальной поддержки;
экспортировать готовую продукцию с высокой добавленной стоимостью по ценам, формируемым на рынках сбыта на основании анализа маркетинга, проводимого совместно с учредителями — иностранными компаниями «TRONTEX LP» (Великобритания) и «GRATUM TRADING LP» (Великобритания).
11. Рекомендовать АКБ «Асака» и другим коммерческим банкам выделять, в установленном порядке, льготные кредитные линии для софинансирования инвестиционных проектов, реализуемых СП ООО «Век cluster» и входящими в его состав организациями.
Определить, что заемщиками и исполнительными органами, ответственными за реализацию инвестиционных проектов, целевое и эффективное использование выделяемых кредитов, а также их своевременный возврат, являются СП ООО «Век cluster» и входящие в его состав организации.
12. Контроль за исполнением настоящего постановления возложить на заместителя Премьер-министра — министра сельского и водного хозяйства Республики Узбекистан З.Т. Мирзаева и хокима Сырдарьинской области Г.Г. Мирзаева.
ПРИЛОЖЕНИЕ № 1 к постановлению Президента Республики Узбекистан от 15 сентябюя 2017 года № ПП-3279
организаций, входящих в состав СП ООО «Век cluster» *
1. Сельскохозяйственная организация по выращиванию хлопка-сырца и других сельскохозяйственных культур.
2. Организация по переработке хлопка-сырца.
3. Организация по производству масложировой продукции.
4. Организация по производству текстильных изделий.
5. Организация по производству и переработке молока, мяса и яиц (животноводческий и птицеводческий комплекс).
6. Организация по выращиванию овощей и зелени (современный тепличный комплекс).
7. Организация по хранению и переработке сельскохозяйственной продукции.
ПРИЛОЖЕНИЕ № 2 к постановлению Президента Республики Узбекистан от 15 сентября 2017 года № ПП-3279
действующих организаций и инвестиционных проектов, реализуемых СП ООО «Век cluster» и организациями, входящими в его состав, в период 2017 — 2021 годы
№ п/п Наименовании инвестиционного проекта Предварительном стоимость проекта (млн. долл. США) Годовая мощность Сроки реализации 1. Организация выращивания хлопка-сырца и других сельскохозяйственных культур на площади 18,0 тыс. гектаров 30,0 30,0 тыс. тн хлопок-сырца, 80,0 тыс. тн кормовых культур 2017-2018 гг. 2. Организация производства по переработке хлопка-сырца 3,0 10,2 тыс.тн хлопкового волокна, 15,0 тыс.тн семян 2018-2019 гг. 3. Организация производства масложировой продукции на основе переработки технических семян 2,0 2,8 тыс. тн масла, 6,8 тыс. тн шрота, 4,6 тыс. тн шелухи, 517 тн соанстока 2018-2019 гг. 4. Организация производства текстильных изделий 50,0 8,7 тыс. тн пряжи, 120,0 млн. пог. метров марли, 30,0 млн. шт. готовых изделий 2018-2019 гг. 5. Организация животноводческого и птицеводческого комплекса, производства и переработки молока, мяса и яиц 12,0 5,0 тыс. голов крупного рогатого скота, * 200,0 тыс. голов птиц 2017 — 2021 гг. 6. Организация современного тепличного комплекса по выращиванию овощей и зелени 58,0 100 га теплиц* 2017 — 2021 гг. 7. Организация хранения и переработки сельскохозяйственной продукции 10,0 холодильные ёмкости (камеры) для хранения сельскохозяйственной продукции на 5,0 тыс. т., переработка сельхозпродукции до 10,0 тыс.т * 2017 — 2020 гг. Всего 165,0
Президент Республики Узбекистан Ш. МИРЗИЁЕВ
г. Ташкент,
15 сентября 2017 г.,
№ ПП-3279