📅 2017-yil 18-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 18 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 18 сентября 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 18 September 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Давлат тиббиёт ташкилотларининг тиббиёт кадрларини қайта тайёрлаш, уларнинг малакаси ва касб кўникмаларини оширишни самарали ташкил этиш чора-тадбирлари тўғрисида
Давлат тиббиёт ташкилотларининг тиббиёт кадрларини илғор хорижий тажрибани ўрганиш ва хорижий тиббиёт мутахассисларини жалб этиш асосида қайта тайёрлаш, уларнинг малакаси ва касб кўникмаларини оширишни самарали ташкил этиш мақсадида Вазирлар Маҳкамаси қарор қилади:
1. Ўзбекистон Республикаси Соғлиқни сақлаш вазирлиги, Молия вазирлиги ва Иқтисодиёт вазирлигининг давлат тиббиёт ташкилотларининг тиббиёт кадрларини етакчи хорижий тиббиёт ва илмий муассасаларга марказлаштирилган ҳолда юбориш, шунингдек маҳорат сабоқларини ўтказиш ҳамда мамлакатимиз мутахассисларини тиббий ёрдам кўрсатишнинг замонавий технологиялари бўйича ўқитиш учун республикага малакали хорижий мутахассисларни жалб этиш йўли билан уларни қайта тайёрлаш, малакаси ва касб кўникмаларини оширишни ташкил этиш тартибини янада такомиллаштириш тўғрисидаги таклифига розилик берилсин.
2. Белгилаб қўйилсинки:
давлат тиббиёт муассасаларининг тиббиёт кадрларини қайта тайёрлаш ва малака ошириш учун хорижий етакчи тиббиёт ҳамда илмий муассасаларга юбориш, шунингдек республикага малакали хорижий тиббиёт мутахассисларини жалб этиш Ўзбекистон Республикаси Соғлиқни сақлаш вазирлигининг таклифларига асосан Ўзбекистон Республикаси Вазирлар Маҳкамаси томонидан ҳар йили тасдиқланадиган Режа-жадвалга мувофиқ амалга оширилади;
хорижий етакчи тиббиёт ва илмий муассасаларга қайта тайёрлаш ҳамда малака ошириш учун юбориладиган давлат тиббиёт муассасаларининг тиббиёт кадрлари танлов асосида танлаб олинади.
3. Шундай тартиб ўрнатилсинки, унга кўра республикага хорижий етакчи тиббиёт ва илмий муассасалардан малакали хорижий тиббиёт мутахассисларини:
қисқа муддатли меҳнат шартномалари бўйича жалб этишда — хорижий тиббиёт мутахассисларининг яшаши давлат тиббиёт ташкилотлари томонидан уларни республика меҳмонхоналарига жойлаштириш йўли билан ташкил этилади;
уларга мамлакатимизда бўлиш даврида Ўзбекистон Республикаси Марказий банкининг тўлов кунидаги курси бўйича 20 АҚШ доллари эквивалентида ҳар кунлик норма бўйича миллий валютада суткалик пул тўланади.
4. Белгилансинки, Ўзбекистон Республикаси Соғлиқни сақлаш вазирлигига марказлаштирилган тартибда ҳар йили ажратиладиган бюджет маблағлари, давлат тиббиёт ташкилотларининг бюджетдан ташқари маблағлари, халқаро ташкилотлар ва молия институтлари, хорижий ҳукумат ташкилотларининг грантлари, шунингдек қонунчиликда тақиқланмаган бошқа манбалар давлат тиббиёт ташкилотларининг тиббиёт кадрларини хорижий етакчи тиббиёт ва илмий муассасаларга қайта тайёрлаш ҳамда малакасини оширишга юбориш, шунингдек республикага малакали хорижий тиббиёт мутахассисларини жалб этиш харажатларини молиялаштириш манбалари ҳисобланади.
5. Ўзбекистон Республикаси Молия вазирлиги Соғлиқни сақлаш вазирлигининг асосланган ҳисоб-китоблари бўйича ва тасдиқланган Режа-жадвалга мувофиқ 2017 йилда Ўзбекистон Республикаси Давлат бюджетининг «Соғлиқни сақлаш» соҳаси параметрларида назарда тутилган маблағлар доирасида давлат тиббиёт ташкилотларининг тиббиёт кадрларини етакчи хорижий тиббиёт ва илмий муассасаларга қайта тайёрлаш ҳамда малакасини оширишга юбориш, шунингдек республикага малакали хорижий тиббиёт мутахассисларини жалб этиш билан боғлиқ харажатларни тўлаш учун бюджетдан зарур маблағлар ажратсин, 2018 йилдан бошлаб эса — ҳар йили Ўзбекистон Республикаси Давлат бюджетини шакллантиришда ушбу маблағларни назарда тутсин.
6. Ўзбекистон Республикаси Соғлиқни сақлаш вазирлиги:
давлат тиббиёт ташкилотларининг тиббиёт кадрларини хорижий етакчи тиббиёт ва илмий муассасаларга қайта тайёрлаш ҳамда малака оширишга юбориш учун танлов асосида танлаб олиш, шунингдек республикага етакчи хорижий тиббиёт ҳамда илмий муассасалардан таклиф этиладиган малакали хорижий тиббиёт мутахассисларининг рўйхатини шакллантириш тартиби тўғрисидаги низомни бир ой муддатда тасдиқласин;
давлат тиббиёт ташкилотларининг етакчи хорижий тиббиёт ва илмий муассасаларга қайта тайёрлаш ҳамда малака оширишга юбориладиган тиббиёт кадрларини танлаб олиш сифати, шунингдек бюджетдан ажратиладиган маблағлардан мақсадли фойдаланилиши юзасидан зарур назоратни таъминласин.
7. Ўзбекистон Республикаси Ташқи ишлар вазирлиги жалб этиладиган хорижий мутахассислар учун кириш визаларини Соғлиқни сақлаш вазирлигининг буюртманомалари бўйича консуллик ва бошқа йиғимлар ундирилмасдан ўз вақтида расмийлаштирилишини таъминласин.
8. Ўзбекистон Республикаси Ички ишлар вазирлиги жалб этиладиган малакали хорижий мутахассисларга кўп марталик визалар Соғлиқни сақлаш вазирлигининг буюртманомалари бўйича ўз вақтида берилиши ва муддати узайтирилишини, уларнинг Ўзбекистон Республикасида яшаш жойида вақтинчалик рўйхатдан ўтказилишини таъминласин.
9. Мазкур қарорнинг бажарилишини назорат қилиш Ўзбекистон Республикаси соғлиқни сақлаш вазири А.К. Шадманов зиммасига ва Ўзбекистон Республикаси Вазирлар Маҳкамасининг Соғлиқни сақлаш, экология, атроф муҳитни муҳофаза қилиш, жисмоний тарбия ва спорт масалалари ахборот-таҳлил департаментига юклансин.
Ўзбекистон Республикасининг Бош вазири А. АРИПОВ
Тошкент ш.,
2017 йил 18 сентябрь,
736-сон
Oʻzbekiston Respublikasi Vazirlar Mahkamasining
qarori
Davlat tibbiyot tashkilotlarining tibbiyot kadrlarini qayta tayyorlash, ularning malakasi va kasb koʻnikmalarini oshirishni samarali tashkil etish chora-tadbirlari toʻgʻrisida
Davlat tibbiyot tashkilotlarining tibbiyot kadrlarini ilgʻor xorijiy tajribani oʻrganish va xorijiy tibbiyot mutaxassislarini jalb etish asosida qayta tayyorlash, ularning malakasi va kasb koʻnikmalarini oshirishni samarali tashkil etish maqsadida Vazirlar Mahkamasi qaror qiladi:
1. Oʻzbekiston Respublikasi Sogʻliqni saqlash vazirligi, Moliya vazirligi va Iqtisodiyot vazirligining davlat tibbiyot tashkilotlarining tibbiyot kadrlarini yetakchi xorijiy tibbiyot va ilmiy muassasalarga markazlashtirilgan holda yuborish, shuningdek mahorat saboqlarini oʻtkazish hamda mamlakatimiz mutaxassislarini tibbiy yordam koʻrsatishning zamonaviy texnologiyalari boʻyicha oʻqitish uchun respublikaga malakali xorijiy mutaxassislarni jalb etish yoʻli bilan ularni qayta tayyorlash, malakasi va kasb koʻnikmalarini oshirishni tashkil etish tartibini yanada takomillashtirish toʻgʻrisidagi taklifiga rozilik berilsin.
2. Belgilab qoʻyilsinki:
davlat tibbiyot muassasalarining tibbiyot kadrlarini qayta tayyorlash va malaka oshirish uchun xorijiy yetakchi tibbiyot hamda ilmiy muassasalarga yuborish, shuningdek respublikaga malakali xorijiy tibbiyot mutaxassislarini jalb etish Oʻzbekiston Respublikasi Sogʻliqni saqlash vazirligining takliflariga asosan Oʻzbekiston Respublikasi Vazirlar Mahkamasi tomonidan har yili tasdiqlanadigan Reja-jadvalga muvofiq amalga oshiriladi;
xorijiy yetakchi tibbiyot va ilmiy muassasalarga qayta tayyorlash hamda malaka oshirish uchun yuboriladigan davlat tibbiyot muassasalarining tibbiyot kadrlari tanlov asosida tanlab olinadi.
3. Shunday tartib oʻrnatilsinki, unga koʻra respublikaga xorijiy yetakchi tibbiyot va ilmiy muassasalardan malakali xorijiy tibbiyot mutaxassislarini:
qisqa muddatli mehnat shartnomalari boʻyicha jalb etishda — xorijiy tibbiyot mutaxassislarining yashashi davlat tibbiyot tashkilotlari tomonidan ularni respublika mehmonxonalariga joylashtirish yoʻli bilan tashkil etiladi;
ularga mamlakatimizda boʻlish davrida Oʻzbekiston Respublikasi Markaziy bankining toʻlov kunidagi kursi boʻyicha 20 AQSH dollari ekvivalentida har kunlik norma boʻyicha milliy valyutada sutkalik pul toʻlanadi.
4. Belgilansinki, Oʻzbekiston Respublikasi Sogʻliqni saqlash vazirligiga markazlashtirilgan tartibda har yili ajratiladigan budjet mablagʻlari, davlat tibbiyot tashkilotlarining budjetdan tashqari mablagʻlari, xalqaro tashkilotlar va moliya institutlari, xorijiy hukumat tashkilotlarining grantlari, shuningdek qonunchilikda taqiqlanmagan boshqa manbalar davlat tibbiyot tashkilotlarining tibbiyot kadrlarini xorijiy yetakchi tibbiyot va ilmiy muassasalarga qayta tayyorlash hamda malakasini oshirishga yuborish, shuningdek respublikaga malakali xorijiy tibbiyot mutaxassislarini jalb etish xarajatlarini moliyalashtirish manbalari hisoblanadi.
5. Oʻzbekiston Respublikasi Moliya vazirligi Sogʻliqni saqlash vazirligining asoslangan hisob-kitoblari boʻyicha va tasdiqlangan Reja-jadvalga muvofiq 2017-yilda Oʻzbekiston Respublikasi Davlat budjetining “Sogʻliqni saqlash” sohasi parametrlarida nazarda tutilgan mablagʻlar doirasida davlat tibbiyot tashkilotlarining tibbiyot kadrlarini yetakchi xorijiy tibbiyot va ilmiy muassasalarga qayta tayyorlash hamda malakasini oshirishga yuborish, shuningdek respublikaga malakali xorijiy tibbiyot mutaxassislarini jalb etish bilan bogʻliq xarajatlarni toʻlash uchun budjetdan zarur mablagʻlar ajratsin, 2018-yildan boshlab esa — har yili Oʻzbekiston Respublikasi Davlat budjetini shakllantirishda ushbu mablagʻlarni nazarda tutsin.
6. Oʻzbekiston Respublikasi Sogʻliqni saqlash vazirligi:
davlat tibbiyot tashkilotlarining tibbiyot kadrlarini xorijiy yetakchi tibbiyot va ilmiy muassasalarga qayta tayyorlash hamda malaka oshirishga yuborish uchun tanlov asosida tanlab olish, shuningdek respublikaga yetakchi xorijiy tibbiyot hamda ilmiy muassasalardan taklif etiladigan malakali xorijiy tibbiyot mutaxassislarining roʻyxatini shakllantirish tartibi toʻgʻrisidagi nizomni bir oy muddatda tasdiqlasin;
davlat tibbiyot tashkilotlarining yetakchi xorijiy tibbiyot va ilmiy muassasalarga qayta tayyorlash hamda malaka oshirishga yuboriladigan tibbiyot kadrlarini tanlab olish sifati, shuningdek budjetdan ajratiladigan mablagʻlardan maqsadli foydalanilishi yuzasidan zarur nazoratni taʼminlasin.
7. Oʻzbekiston Respublikasi Tashqi ishlar vazirligi jalb etiladigan xorijiy mutaxassislar uchun kirish vizalarini Sogʻliqni saqlash vazirligining buyurtmanomalari boʻyicha konsullik va boshqa yigʻimlar undirilmasdan oʻz vaqtida rasmiylashtirilishini taʼminlasin.
8. Oʻzbekiston Respublikasi Ichki ishlar vazirligi jalb etiladigan malakali xorijiy mutaxassislarga koʻp martalik vizalar Sogʻliqni saqlash vazirligining buyurtmanomalari boʻyicha oʻz vaqtida berilishi va muddati uzaytirilishini, ularning Oʻzbekiston Respublikasida yashash joyida vaqtinchalik roʻyxatdan oʻtkazilishini taʼminlasin.
9. Mazkur qarorning bajarilishini nazorat qilish Oʻzbekiston Respublikasi sogʻliqni saqlash vaziri A.K. Shadmanov zimmasiga va Oʻzbekiston Respublikasi Vazirlar Mahkamasining Sogʻliqni saqlash, ekologiya, atrof muhitni muhofaza qilish, jismoniy tarbiya va sport masalalari axborot-tahlil departamentiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 18-sentabr,
736-son
Кабинета Министров Республики Узбекистан
Постановление
О мерах по эффективной организации переподготовки, повышения квалификации и профессиональных навыков медицинских кадров государственных медицинских организаций
В целях эффективной организации переподготовки, повышения квалификации и профессиональных навыков медицинских кадров государственных медицинских организаций на основе изучения передового зарубежного опыта и привлечения иностранных медицинских специалистов Кабинет Министров постановляет:
1. Согласиться с предложением Министерства здравоохранения, Министерства финансов и Министерства экономики Республики Узбекистан о дальнейшем совершенствовании порядка организации переподготовки и повышения квалификации медицинских кадров государственных медицинских организаций путем централизованного направления их в ведущие зарубежные медицинские и научные учреждения, а также привлечения квалифицированных иностранных медицинских специалистов в республику для проведения мастер-классов и обучения отечественных специалистов современным технологиям оказания медицинской помощи.
2. Определить, что:
направление медицинских кадров государственных медицинских организаций в ведущие зарубежные медицинские и научные учреждения на переподготовку и повышение квалификации, а также привлечение квалифицированных иностранных медицинских специалистов в республику осуществляется в соответствии с планом-графиком, ежегодно утверждаемым Кабинетом Министров Республики Узбекистан по предложениям Министерства здравоохранения Республики Узбекистан;
отбор медицинских кадров государственных медицинских организаций для направления в ведущие зарубежные медицинские и научные учреждения на переподготовку и повышение квалификации осуществляется на конкурсной основе.
3. Установить порядок, в соответствии с которым при привлечении квалифицированных иностранных медицинских специалистов из ведущих зарубежных медицинских и научных учреждений в республику:
проживание зарубежных медицинских специалистов при краткосрочных трудовых договорах организуется государственными медицинскими организациями путем размещения в гостиницах республики;
в период пребывания им выплачиваются в национальной валюте суточные по ежедневной норме в эквиваленте 20 долларов США по курсу Центрального банка Республики Узбекистан на день выплаты.
4. Установить, что источниками финансирования расходов по направлению медицинских кадров государственных медицинских организаций в ведущие зарубежные медицинские и научные учреждения на переподготовку и повышение квалификации, а также привлечению квалифицированных иностранных медицинских специалистов в республику являются бюджетные ассигнования, ежегодно выделяемые в централизованном порядке Министерству здравоохранения Республики Узбекистан, внебюджетные средства государственных медицинских организаций, гранты международных организаций и финансовых институтов, иностранных правительственных организаций, а также иные источники, не запрещенные законодательством.
5. Министерству финансов по обоснованным расчетам Министерства здравоохранения Республики Узбекистан и в соответствии с утвержденным планом-графиком выделить в 2017 году в пределах средств, предусмотренных в параметрах Государственного бюджета Республики Узбекистан по отрасли «Здравоохранение», а начиная с 2018 года ежегодно предусматривать при формировании Государственного бюджета Республики Узбекистан необходимые бюджетные ассигнования на оплату расходов, связанных с направлением медицинских кадров государственных медицинских организаций в ведущие зарубежные медицинские и научные учреждения на переподготовку и повышение квалификации, а также привлечением квалифицированных иностранных медицинских специалистов в республику.
6. Министерству здравоохранения Республики Узбекистан:
в месячный срок утвердить Положение о порядке конкурсного отбора медицинских кадров государственных медицинских организаций для направления в ведущие зарубежные медицинские и научные учреждения, а также формирования списков приглашаемых в республику квалифицированных иностранных медицинских специалистов из ведущих зарубежных медицинских и научных учреждений;
обеспечить надлежащий контроль за качеством отбора медицинских кадров государственных медицинских организаций, направляемых в ведущие зарубежные медицинские и научные учреждения на переподготовку и повышение квалификации, а также за целевым использованием выделяемых бюджетных ассигнований.
7. Министерству иностранных дел по заявкам Министерства здравоохранения Республики Узбекистан обеспечить своевременное оформление въездных виз привлекаемым иностранным медицинским специалистам без взимания консульских и иных сборов.
8. Министерству внутренних дел Республики Узбекистан по заявкам Министерства здравоохранения Республики Узбекистан обеспечить своевременную выдачу и продление многократных въездных виз, временную прописку по месту проживания в Республике Узбекистан для привлекаемых квалифицированных иностранных медицинских специалистов.
9. Контроль за исполнением настоящего постановления возложить на министра здравоохранения Республики Узбекистан А.К. Шадманова и Информационно-аналитический департамент по вопросам здравоохранения, экологии, охраны окружающей среды, физической культуры и спорта Кабинета Министров Республики Узбекистан.
Премьер-министр Республики Узбекистан А. АРИПОВ
г. Ташкент,
18 сентября 2017 г.,
№ 736