📅 2017-yil 21-avgust · Vazirlik va idoralar hujjatlari · Oʻzbekiston avtomobil va daryo transporti agentligi boshligʻi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 21 август · Вазирлик ва идоралар ҳужжатлари · Ўзбекистон автомобиль ва дарё транспорти агентлиги бошлиғи
Расмий матн. Расмий ҳужжат. Таҳририй изоҳлар киритилмаган.
📅 21 августа 2017 г. · Документы министерств и ведомств · Директор Узбекского агентства автомобильного и речного транспорта
Официальный текст. Официальный документ. Редакционные примечания не включены.
📅 21 August 2017 · Ministry and agency documents · Oʻzbekiston avtomobil va daryo transporti agentligi boshligʻi
Official text. Official document. Editorial notes are not included.
Ўзбекистон автомобиль ва дарё транспорти агентлиги бошлиғининг
буйруғи
НИЗОМ
Автобус йўналишлари ва шаҳар йўловчи ташиш транспортининг ноллик масофаларини ўлчаш тартиби тўғрисидаги низомни тасдиқлаш ҳақида
Ўзбекистон Республикаси Вазирлар Маҳкамасининг 2017 йил 11 мартдаги 129-сон «Тошкент шаҳрида йўловчи ташиш транспортини янада ривожлантириш чора-тадбирлари тўғрисида»ги қарорига мувофиқ буюраман:
1. Автобус йўналишлари ва шаҳар йўловчи ташиш транспортининг ноллик масофаларини ўлчаш тартиби тўғрисидаги низом иловага мувофиқ тасдиқлансин.
2. Мазкур буйруқ расмий эълон қилинган кундан эътиборан уч ой ўтгач кучга киради.
Ўзбекистон автомобиль ва дарё транспорти агентлиги бошлиғининг 2017 йил 21 августдаги 65-сон буйруғига ИЛОВА
Автобус йўналишлари ва шаҳар йўловчи ташиш транспортининг ноллик масофаларини ўлчаш тартиби тўғрисидаги
Мазкур Низом Ўзбекистон Республикасининг « Автомобиль транспорти тўғрисида »ги, « Шаҳар йўловчилар транспорти тўғрисида »ги қонунлари ва Ўзбекистон Республикаси Вазирлар Маҳкамасининг 2017 йил 11 мартдаги 129-сон «Тошкент шаҳрида йўловчи ташиш транспортини янада ривожлантириш чора-тадбирлари тўғрисида»ги қарорига мувофиқ автобус йўналишлари ва шаҳар йўловчи ташиш транспортининг ноллик масофаларини ўлчаш тартибини белгилайди.
1-боб. Умумий қоидалар
1. Мазкур Низомда қуйидаги асосий тушунчалардан фойдаланилади:
автобус — йўловчиларни, багажни ташишга мўлжалланган ва ҳайдовчи ўрнини ҳисобламаганда 8 тадан ортиқ ўриндиққа эга бўлган автотранспорт воситаси;
автобус йўналиши масофаси — автобус томонидан биринчи йўловчи ўтқазиш пунктидан йўловчи тушириш охирги пунктигача босиб ўтилган масофа;
йўналиш — йўналишли автобуснинг муайян манзиллар оралиғида белгиланган қатнов йўли;
йўналиш схемаси — йўналишнинг шартли белгилар қўйилган график тасвири;
шаҳар йўловчи ташиш транспортининг ноллик масофаси — автобус томонидан ташувчи автосаройидан биринчи йўловчи ўтқазиш пунктигача ва йўловчи тушириш охирги пунктидан ташувчи автосаройигача босиб ўтилган масофа;
ўлчов комплекси — транспорт босиб ўтган йўл масофасини ўлчаш учун ишлатиладиган ва синов транспортига ўрнатиладиган рақамли-аналог ҳисоблагичлар.
2. Автобус йўналишлари ва шаҳар йўловчи ташиш транспортининг ноллик масофаларини ўлчаш (бундан буён матнда ўлчаш деб юритилади) транспортнинг босиб ўтган йўли масофасини транспортдан мустақил бўлган ўлчов комплексини қўллаган ҳолда объектив ва аниқ маълумот олиш учун ўтказилади.
3. Ўлчаш Ўзбекистон Техник жиҳатдан тартибга солиш соҳасида назорат инспекцияси томонидан малакалилиги маъқулланган синов лабораториялари (бундан буён матнда синов лабораториялари деб юритилади) томонидан ўтказилади.
4. Автобус йўналишлари ва шаҳар йўловчи ташиш транспортининг ноллик масофаларини транспортларнинг спидометрлари ёки тахограф кўрсаткичлари бўйича ўлчаш тақиқланади.
2-боб. Ўлчашни ўтказиш
5. Ўлчаш йўналиш схемасида белгиланган пунктлар орасидаги масофаларни аниқлаш учун амалга оширилади.
6. Масофаларни ўлчаш ва натижаларни ёзиб бориш узлуксиз ва автоматик равишда амалга оширилади.
7. Ўлчов комплекси транспорт ҳаракати параметрларини ёзиб борилишини ва уни кейинчалик статистик қайта ишлаш учун сақлаб борилишини таъминлаши шарт.
8. Йўналишдаги ўлчаш натижалари мазкур Низомнинг 1 ва 2-иловаларида келтирилган шакллар бўйича расмийлаштирилади.
9. Ўлчашлар қуйидаги шароитларда ўтказилади:
куннинг ёруғ вақтида;
қуруқ йўлда;
йўлда қор ва муз бўлмаганда.
10. Ўлчашни ўтказиш қуйидаги босқичларни ўз ичига олади:
йўналишда ўлчашни ўтказиш;
маълумотларни ёзиб олиш;
ўлчаш баённомасини расмийлаштириш.
11. Шаҳар йўловчи ташиш транспортининг ноллик масофаларини ўлчаш транспорт сақлаш автосаройининг йўналишга чиқиш дарвозасининг чизиғидан йўналиш схемасидаги биринчи пунктигача ва охирги пунктидан ташувчи автосаройининг дарвозаси чизиғигача босиб ўтган йўл масофасини ўлчаш билан аниқланади.
12. Ташувчи автосаройи дарвозасининг чизиғи ноллик масофани ўлчашнинг бошланғич ва охирги нуқтаси ҳисобланади.
3-боб. Ўлчаш натижаларини ҳисобини юритиш
13. Ўлчаш натижаларини ҳисоби синов лабораториясининг ўлчаш натижаларини ҳисобга олиш журналида (бундан буён матнда журнал деб юритилади) қайд этиб борилади. Журнал бетлари рақамланган, ип ўтказилган, синов лабораторияси жавобгар шахсининг имзоси билан тасдиқланган бўлиши шарт.
14. Журналга қуйидагилар киритилади:
йўналишнинг номи;
ўлчашлар ўтказилган сана ва унинг давомийлиги, ўлчашларни ўтказган ходимларнинг лавозими, фамилияси, исми ва отасининг исми;
ўлчаш натижасига кўра олинган барча маълумотлар.
15. Ўлчашларни амалга оширган мутахассис журналга ёзувлар киритганидан сўнг журналнинг ҳар бир варағига ёзув киритилган санани кўрсатган ҳолда имзо қўйиши шарт.
16. Журналга маълумотлар киритишда хатоларга йўл қўйилган тақдирда, тегишли тузатишлар киритилиши зарур. Тузатишлар ўлчашни амалга оширишга мутахассиснинг имзоси билан тасдиқланиши лозим.
17. Журнал тўлдирилгандан сўнг, масъул ходим уни синов лабораторияси раҳбарига сақлаш учун топширади.
4-боб. Ўлчаш натижаларини расмийлаштириш
18. Ўлчаш натижалари журналга киритилган маълумотлар асосида баённома тузиш орқали расмийлаштирилади.
Баённома синов лабораторияси мутахассислари ва ташувчи раҳбари ёки ташувчининг ўлчашда қатнашган вакили томонидан имзоланади.
19. Ўлчаш натижалари бўйича синов лабораторияси ҳисобот расмийлаштиради.
20. Ҳисобот қуйидагиларни ўз ичига олади:
ташувчи тўғрисида маълумотлар;
ўлчашни ўтказиш шароитлари;
йўналиш номи;
йўналиш схемаси;
мазкур Низомнинг 1 ва 2-иловаларида келтирилган шаклларга мувофиқ ўлчашдан олинган якуний натижалар;
ўлчаш натижалари бўйича баённома.
21. Ҳисобот икки нусхада тайёрланади. Биринчи нусхаси ташувчига берилади, иккинчи нусхаси синов лабораториясида қолади.
5-боб. Якуний қоида
22. Мазкур Низом «Ўзстандарт» агентлиги, Ўзбекистон Республикаси Савдо-саноат палатаси, Тошкент шаҳар ҳокимлиги Йўловчи транспортининг барча турлари ҳаракатини лицензиялаш ва мувофиқлаштириш департаменти билан келишилган.
Автобус йўналишлари ва шаҳар йўловчи ташиш транспортининг ноллик масофаларини ўлчаш тартиби тўғрисидаги низомга 1-ИЛОВА
Автобус йўналишлари масофаларини ўлчаш натижалари
Т/р Йўналиш ва тўхташ жойларининг номи Масофа, км Юрилган кўчалар номи Қатнов йўли ҳақида маълумотлар (кўприк йўли, тоннель, темир йўл кесишмаси ва бошқалар) Изоҳ 1. 2. 3. ...
Автобус йўналишлари ва шаҳар йўловчи ташиш транспортининг ноллик масофаларини ўлчаш тартиби тўғрисидаги низомга 2-ИЛОВА
Шаҳар йўловчи ташиш транспортининг ноллик масофаларини ўлчаш натижалари
Т/р Ўлчаш тури Ноллик масофа, км Юрилган кўчалар номи Юрилган йўл ҳақида маълумотлар (кўприк йўли, тоннель, темир йўл кесишмаси ва бошқалар) Изоҳ 1. Автосаройдан йўналишнинг бошланғич пунктигача бўлган ноллик масофа 2. Йўналишнинг бошланғич пунктидан автосаройгача бўлган масофа 3. Автосаройдан йўналишнинг охирги пунктигача бўлган ноллик масофа 4. Йўналишнинг охирги пунктидан автосаройгача бўлган масофа
Бошлиқ ўринбосари Ш. ШОВАҲОБОВ
«Ўзстандарт» агентлиги Бош директори А. ХАИТОВ
Савдо-саноат палатаси раиси А. ИКРАМОВ
Тошкент шаҳар ҳокимлиги Йўловчи транспортининг барча турлари ҳаракатини лицензиялаш ва мувофиқлаштириш департаменти бошлиғи в.в.б. Ф. МИРЗАЕВ
Тошкент ш.,
2017 йил 21 август,
2017 йил 1 август
2017 йил 14 август
2017 йил 27 июль
65-сон
Oʻzbekiston avtomobil va daryo transporti agentligi boshligʻining
buyrugʻi
NIZOM
Avtobus yoʻnalishlari va shahar yoʻlovchi tashish transportining nollik masofalarini oʻlchash tartibi toʻgʻrisidagi nizomni tasdiqlash haqida
Oʻzbekiston Respublikasi Vazirlar Mahkamasining 2017-yil 11-martdagi 129-son “Toshkent shahrida yoʻlovchi tashish transportini yanada rivojlantirish chora-tadbirlari toʻgʻrisida”gi qaroriga muvofiq buyuraman:
1. Avtobus yoʻnalishlari va shahar yoʻlovchi tashish transportining nollik masofalarini oʻlchash tartibi toʻgʻrisidagi nizom ilovaga muvofiq tasdiqlansin.
2. Mazkur buyruq rasmiy eʼlon qilingan kundan eʼtiboran uch oy oʻtgach kuchga kiradi.
Oʻzbekiston avtomobil va daryo transporti agentligi boshligʻining 2017-yil 21-avgustdagi 65-son buyrugʻiga ILOVA
Avtobus yoʻnalishlari va shahar yoʻlovchi tashish transportining nollik masofalarini oʻlchash tartibi toʻgʻrisidagi
Mazkur Nizom Oʻzbekiston Respublikasining “ Avtomobil transporti toʻgʻrisida ”gi, “ Shahar yoʻlovchilar transporti toʻgʻrisida ”gi qonunlari va Oʻzbekiston Respublikasi Vazirlar Mahkamasining 2017-yil 11-martdagi 129-son “Toshkent shahrida yoʻlovchi tashish transportini yanada rivojlantirish chora-tadbirlari toʻgʻrisida”gi qaroriga muvofiq avtobus yoʻnalishlari va shahar yoʻlovchi tashish transportining nollik masofalarini oʻlchash tartibini belgilaydi.
1-bob. Umumiy qoidalar
1. Mazkur Nizomda quyidagi asosiy tushunchalardan foydalaniladi:
avtobus — yoʻlovchilarni, bagajni tashishga moʻljallangan va haydovchi oʻrnini hisoblamaganda 8 tadan ortiq oʻrindiqqa ega boʻlgan avtotransport vositasi;
avtobus yoʻnalishi masofasi — avtobus tomonidan birinchi yoʻlovchi oʻtqazish punktidan yoʻlovchi tushirish oxirgi punktigacha bosib oʻtilgan masofa;
yoʻnalish — yoʻnalishli avtobusning muayyan manzillar oraligʻida belgilangan qatnov yoʻli;
yoʻnalish sxemasi — yoʻnalishning shartli belgilar qoʻyilgan grafik tasviri;
shahar yoʻlovchi tashish transportining nollik masofasi — avtobus tomonidan tashuvchi avtosaroyidan birinchi yoʻlovchi oʻtqazish punktigacha va yoʻlovchi tushirish oxirgi punktidan tashuvchi avtosaroyigacha bosib oʻtilgan masofa;
oʻlchov kompleksi — transport bosib oʻtgan yoʻl masofasini oʻlchash uchun ishlatiladigan va sinov transportiga oʻrnatiladigan raqamli-analog hisoblagichlar.
2. Avtobus yoʻnalishlari va shahar yoʻlovchi tashish transportining nollik masofalarini oʻlchash (bundan buyon matnda oʻlchash deb yuritiladi) transportning bosib oʻtgan yoʻli masofasini transportdan mustaqil boʻlgan oʻlchov kompleksini qoʻllagan holda obyektiv va aniq maʼlumot olish uchun oʻtkaziladi.
3. Oʻlchash Oʻzbekiston Texnik jihatdan tartibga solish sohasida nazorat inspeksiyasi tomonidan malakaliligi maʼqullangan sinov laboratoriyalari (bundan buyon matnda sinov laboratoriyalari deb yuritiladi) tomonidan oʻtkaziladi.
4. Avtobus yoʻnalishlari va shahar yoʻlovchi tashish transportining nollik masofalarini transportlarning spidometrlari yoki taxograf koʻrsatkichlari boʻyicha oʻlchash taqiqlanadi.
2-bob. Oʻlchashni oʻtkazish
5. Oʻlchash yoʻnalish sxemasida belgilangan punktlar orasidagi masofalarni aniqlash uchun amalga oshiriladi.
6. Masofalarni oʻlchash va natijalarni yozib borish uzluksiz va avtomatik ravishda amalga oshiriladi.
7. Oʻlchov kompleksi transport harakati parametrlarini yozib borilishini va uni keyinchalik statistik qayta ishlash uchun saqlab borilishini taʼminlashi shart.
8. Yoʻnalishdagi oʻlchash natijalari mazkur Nizomning 1 va 2-ilovalarida keltirilgan shakllar boʻyicha rasmiylashtiriladi.
9. Oʻlchashlar quyidagi sharoitlarda oʻtkaziladi:
kunning yorugʻ vaqtida;
quruq yoʻlda;
yoʻlda qor va muz boʻlmaganda.
10. Oʻlchashni oʻtkazish quyidagi bosqichlarni oʻz ichiga oladi:
yoʻnalishda oʻlchashni oʻtkazish;
maʼlumotlarni yozib olish;
oʻlchash bayonnomasini rasmiylashtirish.
11. Shahar yoʻlovchi tashish transportining nollik masofalarini oʻlchash transport saqlash avtosaroyining yoʻnalishga chiqish darvozasining chizigʻidan yoʻnalish sxemasidagi birinchi punktigacha va oxirgi punktidan tashuvchi avtosaroyining darvozasi chizigʻigacha bosib oʻtgan yoʻl masofasini oʻlchash bilan aniqlanadi.
12. Tashuvchi avtosaroyi darvozasining chizigʻi nollik masofani oʻlchashning boshlangʻich va oxirgi nuqtasi hisoblanadi.
3-bob. Oʻlchash natijalarini hisobini yuritish
13. Oʻlchash natijalarini hisobi sinov laboratoriyasining oʻlchash natijalarini hisobga olish jurnalida (bundan buyon matnda jurnal deb yuritiladi) qayd etib boriladi. Jurnal betlari raqamlangan, ip oʻtkazilgan, sinov laboratoriyasi javobgar shaxsining imzosi bilan tasdiqlangan boʻlishi shart.
14. Jurnalga quyidagilar kiritiladi:
yoʻnalishning nomi;
oʻlchashlar oʻtkazilgan sana va uning davomiyligi, oʻlchashlarni oʻtkazgan xodimlarning lavozimi, familiyasi, ismi va otasining ismi;
oʻlchash natijasiga koʻra olingan barcha maʼlumotlar.
15. Oʻlchashlarni amalga oshirgan mutaxassis jurnalga yozuvlar kiritganidan soʻng jurnalning har bir varagʻiga yozuv kiritilgan sanani koʻrsatgan holda imzo qoʻyishi shart.
16. Jurnalga maʼlumotlar kiritishda xatolarga yoʻl qoʻyilgan taqdirda, tegishli tuzatishlar kiritilishi zarur. Tuzatishlar oʻlchashni amalga oshirishga mutaxassisning imzosi bilan tasdiqlanishi lozim.
17. Jurnal toʻldirilgandan soʻng, masʼul xodim uni sinov laboratoriyasi rahbariga saqlash uchun topshiradi.
4-bob. Oʻlchash natijalarini rasmiylashtirish
18. Oʻlchash natijalari jurnalga kiritilgan maʼlumotlar asosida bayonnoma tuzish orqali rasmiylashtiriladi.
Bayonnoma sinov laboratoriyasi mutaxassislari va tashuvchi rahbari yoki tashuvchining oʻlchashda qatnashgan vakili tomonidan imzolanadi.
19. Oʻlchash natijalari boʻyicha sinov laboratoriyasi hisobot rasmiylashtiradi.
20. Hisobot quyidagilarni oʻz ichiga oladi:
tashuvchi toʻgʻrisida maʼlumotlar;
oʻlchashni oʻtkazish sharoitlari;
yoʻnalish nomi;
yoʻnalish sxemasi;
mazkur Nizomning 1 va 2-ilovalarida keltirilgan shakllarga muvofiq oʻlchashdan olingan yakuniy natijalar;
oʻlchash natijalari boʻyicha bayonnoma.
21. Hisobot ikki nusxada tayyorlanadi. Birinchi nusxasi tashuvchiga beriladi, ikkinchi nusxasi sinov laboratoriyasida qoladi.
5-bob. Yakuniy qoida
22. Mazkur Nizom “Oʻzstandart” agentligi, Oʻzbekiston Respublikasi Savdo-sanoat palatasi, Toshkent shahar hokimligi Yoʻlovchi transportining barcha turlari harakatini litsenziyalash va muvofiqlashtirish departamenti bilan kelishilgan.
Avtobus yoʻnalishlari va shahar yoʻlovchi tashish transportining nollik masofalarini oʻlchash tartibi toʻgʻrisidagi nizomga 1-ILOVA
Avtobus yoʻnalishlari masofalarini oʻlchash natijalari
T/r Yoʻnalish va toʻxtash joylarining nomi Masofa, km Yurilgan koʻchalar nomi Qatnov yoʻli haqida maʼlumotlar (koʻprik yoʻli, tonnel, temir yoʻl kesishmasi va boshqalar) Izoh 1. 2. 3. ...
Avtobus yoʻnalishlari va shahar yoʻlovchi tashish transportining nollik masofalarini oʻlchash tartibi toʻgʻrisidagi nizomga 2-ILOVA
Shahar yoʻlovchi tashish transportining nollik masofalarini oʻlchash natijalari
T/r Oʻlchash turi Nollik masofa, km Yurilgan koʻchalar nomi Yurilgan yoʻl haqida maʼlumotlar (koʻprik yoʻli, tonnel, temir yoʻl kesishmasi va boshqalar) Izoh 1. Avtosaroydan yoʻnalishning boshlangʻich punktigacha boʻlgan nollik masofa 2. Yoʻnalishning boshlangʻich punktidan avtosaroygacha boʻlgan masofa 3. Avtosaroydan yoʻnalishning oxirgi punktigacha boʻlgan nollik masofa 4. Yoʻnalishning oxirgi punktidan avtosaroygacha boʻlgan masofa
Boshliq oʻrinbosari Sh. SHOVAHOBOV
“Oʻzstandart” agentligi Bosh direktori A. XAITOV
Savdo-sanoat palatasi raisi A. IKRAMOV
Toshkent shahar hokimligi Yoʻlovchi transportining barcha turlari harakatini litsenziyalash va muvofiqlashtirish departamenti boshligʻi v.v.b. F. MIRZAYEV
Toshkent sh.,
2017-yil 21-avgust,
2017-yil 1-avgust
2017-yil 14-avgust
2017-yil 27-iyul
65-son