📅 2017-yil 20-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 20 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 20 сентября 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 20 September 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Хорижий оммавий ахборот воситалари ва туризм соҳаси ташкилотлари вакиллари учун Ўзбекистонда ахборот турларини ташкил этиш тўғрисида
Ўзбекистон Республикасининг туризм салоҳиятини жаҳон туризм бозорларига киритиш ва янада кенг кўламда тақдим этиш, шунингдек миллий тарихий ва маданий қадриятларни халқаро бозорларда тарғиб этиш, республикага хорижий туристлар оқимини рағбатлантириш мақсадида Вазирлар Маҳкамаси қарор қилади:
1. Ўзбекистон Республикаси Туризмни ривожлантириш давлат қўмитасининг хорижий оммавий ахборот воситалари вакиллари, шу жумладан блоггерлар, туризм компаниялари ва уларнинг бирлашмалари, туризм маъмуриятлари, БМТнинг Жаҳон туризм ташкилоти (ЮНВТО), халқаро бронлаштириш тизимлари, бошқа халқаро ва хорижий ташкилотлар, туризм соҳаси уюшмалари вакиллари (кейинги ўринларда хорижий вакиллар деб аталади) учун Ўзбекистонга танишув ташрифлари ташкил этиш тўғрисидаги таклифига розилик берилсин.
2. Белгилаб қўйилсинки, Ўзбекистон Республикаси Туризмни ривожлантириш давлат қўмитаси хорижий вакилларнинг Ўзбекистонга ташрифларини ташкил этиш масалалари, шу жумладан халқаро туризм ярмаркалари, кўргазмалари ва туризм соҳасидаги бошқа тадбирлар доирасида ўтказиладиган кенгайтирилган тақдимот дастурларининг, шунингдек хорижий оммавий ахборот воситалари вакилларига белгиланган тартибда мамлакатимизнинг тарихий-маданий объектлари ва туризм салоҳияти тўғрисида видео ва фото тасвирлар, мақолалар ва репортажлар тайёрлашда кўмаклашиш бўйича масъул мувофиқлаштирувчи ҳисобланади.
3. Танишиш ташрифлари доирасида хорижий вакиллар учун Ўзбекистон Республикаси Туризмни ривожлантириш давлат қўмитасининг буюртманомаларига биноан:
Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари Ўзбекистон Республикаси Маданият вазирлиги ҳамда тизимида туризм объектлари мавжуд бўлган бошқа ташкилотлар билан биргаликда маданий-оммавий тадбирлар ва туризм имкониятлари тақдимотлари ташкил этилишини, шунингдек тегишли ҳудудлардаги туризм комплекслари ва диққатга сазовор жойларга ташрифларни, шу жумладан видео ва фото тасвирлар учун тўлов ундирмасдан таъминласинлар;
Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари — ўз маблағлари ҳисобига транспорт хизмати кўрсатилишини ҳамда маданий дастур ташкил этган ҳолда Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари номидан қабул маросимлари ўтказилишини;
Ўзбекистон Республикаси Ташқи ишлар вазирлиги — танишиш ташрифлари қатнашчилари учун консуллик йиғимлари ундирмасдан кириш визалари расмийлаштирилишини, шунингдек хорижий оммавий ахборот воситалари вакилларининг белгиланган тартибда аккредитациядан ўтказилишини;
Ўзбекистон Республикаси Давлат божхона қўмитаси — хорижий оммавий ахборот воситалари вакиллари томонидан вақтинча олиб кирилаётган, уларнинг Ўзбекистон Республикасида бўлишлари даврида видео ва фото тасвирлар учун зарур бўлган асбоб-ускуналарнинг белгиланган тартибда божхонада расмийлаштирилишини таъминласин.
4. Тошкент халқаро туризм ярмаркасини ўтказиш ҳамда Ўзбекистон Республикаси Вазирлар Маҳкамаси билан белгиланган тартибда келишилган бошқа йирик туризм тадбирлари доирасида 2017 — 2021 йиллар даврида хорижий вакиллар учун Ўзбекистон Республикаси Туризмни ривожлантириш давлат қўмитасининг буюртманомаларига биноан:
«Ўзбекистон ҳаво йўллари» МАК — «Ўзбекистон ҳаво йўллари» миллий авиакомпанияси томонидан амалга ошириладиган халқаро авиарейсларга ҳар йили (200 кишигача) авиачипталар бронлаштирилишини ва бепул берилишини, шунингдек Тошкент шаҳрининг Ислом Каримов номидаги халқаро аэропорти залида алоҳида йўлак орқали хизмат кўрсатилишини;
«Ўзбекистон темир йўллари» АЖ — ҳар йили (100 кишигача) маҳаллий қатновдаги поездларнинг барча турларига темир йўл чипталари захира қилиб қўйилишини ва бепул расмийлаштирилишини таъминласин.
Ўзбекистон Республикаси Туризмни ривожлантириш давлат қўмитаси — бепул асосда берилган авиа ва темир йўл чипталаридан хорижий вакиллар учун мақсадли фойдаланилиши юзасидан қатъий назорат ўрнатсин.
5. Ўзбекистон Республикаси Туризмни ривожлантириш давлат қўмитаси хорижий вакилларнинг яшаши, овқатланиши ва республикада бўлишлари даврида дастурларнинг бошқа иштирокчилари томонидан қопланмайдиган бошқа харажатларини Ўзбекистон Республикаси Туризмни ривожлантириш давлат қўмитаси ҳузуридаги бюджетдан ташқари Туризм соҳасини қўллаб-қувватлаш жамғармаси маблағлари ҳисобига тўланишини таъминласин.
6. Мазкур қарорнинг бажарилишини назорат қилиш Ўзбекистон Республикаси туризмни ривожлантириш давлат қўмитасининг раиси А.А. Абдухакимов зиммасига ҳамда Ўзбекистон Республикаси Вазирлар Маҳкамасининг Маданият, санъат ва туризмни ривожлантириш масалалари ахборот-таҳлил департаментига юклансин.
Ўзбекистон Республикасининг Бош вазири А. АРИПОВ
Тошкент ш.,
2017 йил 20 сентябрь,
747-сон
Oʻzbekiston Respublikasi Vazirlar Mahkamasining
qarori
Xorijiy ommaviy axborot vositalari va turizm sohasi tashkilotlari vakillari uchun Oʻzbekistonda axborot turlarini tashkil etish toʻgʻrisida
Oʻzbekiston Respublikasining turizm salohiyatini jahon turizm bozorlariga kiritish va yanada keng koʻlamda taqdim etish, shuningdek milliy tarixiy va madaniy qadriyatlarni xalqaro bozorlarda targʻib etish, respublikaga xorijiy turistlar oqimini ragʻbatlantirish maqsadida Vazirlar Mahkamasi qaror qiladi:
1. Oʻzbekiston Respublikasi Turizmni rivojlantirish davlat qoʻmitasining xorijiy ommaviy axborot vositalari vakillari, shu jumladan bloggerlar, turizm kompaniyalari va ularning birlashmalari, turizm maʼmuriyatlari, BMTning Jahon turizm tashkiloti (YUNVTO), xalqaro bronlashtirish tizimlari, boshqa xalqaro va xorijiy tashkilotlar, turizm sohasi uyushmalari vakillari (keyingi oʻrinlarda xorijiy vakillar deb ataladi) uchun Oʻzbekistonga tanishuv tashriflari tashkil etish toʻgʻrisidagi taklifiga rozilik berilsin.
2. Belgilab qoʻyilsinki, Oʻzbekiston Respublikasi Turizmni rivojlantirish davlat qoʻmitasi xorijiy vakillarning Oʻzbekistonga tashriflarini tashkil etish masalalari, shu jumladan xalqaro turizm yarmarkalari, koʻrgazmalari va turizm sohasidagi boshqa tadbirlar doirasida oʻtkaziladigan kengaytirilgan taqdimot dasturlarining, shuningdek xorijiy ommaviy axborot vositalari vakillariga belgilangan tartibda mamlakatimizning tarixiy-madaniy obyektlari va turizm salohiyati toʻgʻrisida video va foto tasvirlar, maqolalar va reportajlar tayyorlashda koʻmaklashish boʻyicha masʼul muvofiqlashtiruvchi hisoblanadi.
3. Tanishish tashriflari doirasida xorijiy vakillar uchun Oʻzbekiston Respublikasi Turizmni rivojlantirish davlat qoʻmitasining buyurtmanomalariga binoan:
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari Oʻzbekiston Respublikasi Madaniyat vazirligi hamda tizimida turizm obyektlari mavjud boʻlgan boshqa tashkilotlar bilan birgalikda madaniy-ommaviy tadbirlar va turizm imkoniyatlari taqdimotlari tashkil etilishini, shuningdek tegishli hududlardagi turizm komplekslari va diqqatga sazovor joylarga tashriflarni, shu jumladan video va foto tasvirlar uchun toʻlov undirmasdan taʼminlasinlar;
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari — oʻz mablagʻlari hisobiga transport xizmati koʻrsatilishini hamda madaniy dastur tashkil etgan holda Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari nomidan qabul marosimlari oʻtkazilishini;
Oʻzbekiston Respublikasi Tashqi ishlar vazirligi — tanishish tashriflari qatnashchilari uchun konsullik yigʻimlari undirmasdan kirish vizalari rasmiylashtirilishini, shuningdek xorijiy ommaviy axborot vositalari vakillarining belgilangan tartibda akkreditatsiyadan oʻtkazilishini;
Oʻzbekiston Respublikasi Davlat bojxona qoʻmitasi — xorijiy ommaviy axborot vositalari vakillari tomonidan vaqtincha olib kirilayotgan, ularning Oʻzbekiston Respublikasida boʻlishlari davrida video va foto tasvirlar uchun zarur boʻlgan asbob-uskunalarning belgilangan tartibda bojxonada rasmiylashtirilishini taʼminlasin.
4. Toshkent xalqaro turizm yarmarkasini oʻtkazish hamda Oʻzbekiston Respublikasi Vazirlar Mahkamasi bilan belgilangan tartibda kelishilgan boshqa yirik turizm tadbirlari doirasida 2017 — 2021-yillar davrida xorijiy vakillar uchun Oʻzbekiston Respublikasi Turizmni rivojlantirish davlat qoʻmitasining buyurtmanomalariga binoan:
“Oʻzbekiston havo yoʻllari” MAK — “Oʻzbekiston havo yoʻllari” milliy aviakompaniyasi tomonidan amalga oshiriladigan xalqaro aviareyslarga har yili (200 kishigacha) aviachiptalar bronlashtirilishini va bepul berilishini, shuningdek Toshkent shahrining Islom Karimov nomidagi xalqaro aeroporti zalida alohida yoʻlak orqali xizmat koʻrsatilishini;
“Oʻzbekiston temir yoʻllari” AJ — har yili (100 kishigacha) mahalliy qatnovdagi poyezdlarning barcha turlariga temir yoʻl chiptalari zaxira qilib qoʻyilishini va bepul rasmiylashtirilishini taʼminlasin.
Oʻzbekiston Respublikasi Turizmni rivojlantirish davlat qoʻmitasi — bepul asosda berilgan avia va temir yoʻl chiptalaridan xorijiy vakillar uchun maqsadli foydalanilishi yuzasidan qatʼiy nazorat oʻrnatsin.
5. Oʻzbekiston Respublikasi Turizmni rivojlantirish davlat qoʻmitasi xorijiy vakillarning yashashi, ovqatlanishi va respublikada boʻlishlari davrida dasturlarning boshqa ishtirokchilari tomonidan qoplanmaydigan boshqa xarajatlarini Oʻzbekiston Respublikasi Turizmni rivojlantirish davlat qoʻmitasi huzuridagi budjetdan tashqari Turizm sohasini qoʻllab-quvvatlash jamgʻarmasi mablagʻlari hisobiga toʻlanishini taʼminlasin.
6. Mazkur qarorning bajarilishini nazorat qilish Oʻzbekiston Respublikasi turizmni rivojlantirish davlat qoʻmitasining raisi A.A. Abduxakimov zimmasiga hamda Oʻzbekiston Respublikasi Vazirlar Mahkamasining Madaniyat, sanʼat va turizmni rivojlantirish masalalari axborot-tahlil departamentiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 20-sentabr,
747-son
Кабинета Министров Республики Узбекистан
Постановление
Об организации информационных туров в Узбекистан для представителей зарубежных средств массовой информации и организаций сферы туризма
В целях дальнейшего продвижения и полномасштабной презентации туристского потенциала Республики Узбекистан, а также пропаганды национальных исторических и культурных ценностей на международных туристских рынках, стимулирования увеличения потока иностранных туристов в республику Кабинет Министров постановляет:
1. Согласиться с предложением Государственного комитета Республики Узбекистан по развитию туризма об организации ознакомительных поездок в Узбекистан для представителей зарубежных средств массовой информации, включая блоггеров, туристских компаний и их объединений, туристских администраций, Всемирной туристской организации ООН (ЮНВТО), международных систем бронирования, других международных и иностранных организаций, ассоциаций в сфере туризма (далее — зарубежные представители).
2. Определить, что Государственный комитет Республики Узбекистан по развитию туризма является ответственным координатором по вопросам организации ознакомительных поездок в Узбекистан для зарубежных представителей, в том числе расширенных презентационных программ, проводимых в рамках международных туристских ярмарок, выставок и других мероприятий в сфере туризма, а также по оказанию содействия представителям зарубежных средств массовой информации при осуществлении в установленном порядке видео- и фотосъемок, подготовке статей и репортажей об историко-культурных объектах и туристском потенциале страны.
3. В рамках ознакомительных поездок для зарубежных представителей по заявкам Государственного комитета Республики Узбекистан по развитию туризма обеспечивать:
Совету Министров Республики Каракалпакстан, хокимиятам областей и г. Ташкента совместно с Министерством культуры Республики Узбекистан и другими организациями, в системе которых имеются туристские объекты, организацию культурно-массовых мероприятий и презентаций туристских возможностей, а также посещение туристских комплексов и достопримечательностей, музеев и других объектов посещения на соответствующих территориях без взимания оплаты, в том числе за видео- и фотосъемку;
Совету Министров Республики Каракалпакстан, хокимиятам областей и г. Ташкента — за счет собственных средств транспортное обслуживание и проведение от имени Совета Министров Республики Каракалпакстан, хокимиятов областей и г. Ташкента приемов с организацией культурной программы;
Министерству иностранных дел Республики Узбекистан — оформление въездных виз для участников ознакомительных поездок без взимания консульских сборов, а также в установленном порядке аккредитацию представителей зарубежных средств массовой информации;
Государственному таможенному комитету Республики Узбекистан — в установленном порядке проведение таможенного оформления временно ввозимого представителями зарубежных средств массовой информации оборудования, необходимого для осуществления видео- и фотосъемок в период их пребывания в Республике Узбекистан.
4. В рамках проведения Ташкентской международной туристской ярмарки и других крупных туристских мероприятий, согласованных в установленном порядке с Кабинетом Министров Республики Узбекистан, в период 2017 — 2021 годы для зарубежных представителей по заявкам Государственного комитета Республики Узбекистан по развитию туризма обеспечивать:
НАК «Узбекистон хаво йуллари» — ежегодно бронирование и предоставление на бесплатной основе авиабилетов на международные авиарейсы (до 200 человек), выполняемые Национальной авиакомпанией «Узбекистон хаво йуллари», а также обслуживание в зале Международного аэропорта г. Ташкента имени Ислама Каримова отдельным коридором;
АО «Узбекистон темир йуллари» — ежегодно резервирование и оформление на бесплатной основе железнодорожных билетов (до 100 человек) на все виды поездов местного железнодорожного сообщения.
Государственному комитету Республики Узбекистан по развитию туризма установить строгий контроль за использованием предоставленных на бесплатной основе авиа- и железнодорожных билетов строго по целевому назначению для зарубежных представителей.
5. Государственному комитету Республики Узбекистан по развитию туризма обеспечить оплату за счет средств внебюджетного Фонда поддержки туристской сферы при Государственном комитете Республики Узбекистан по развитию туризма расходов, связанных с проживанием, питанием и другими расходами зарубежных представителей в период их пребывания в республике, не покрываемых другими участниками программ.
6. Контроль за исполнением настоящего постановления возложить на председателя Государственного комитета Республики Узбекистан по развитию туризма А.А. Абдухакимова и Информационно-аналитический департамент по вопросам развития культуры, искусства и туризма Кабинета Министров Республики Узбекистан.
Премьер-министр Республики Узбекистан А. АРИПОВ
г. Ташкент,
20 сентября 2017 г.,
№ 747