📅 2017-yil 29-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 29 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 29 сентября 2017 г. · Постановления Президента
Официальный текст. Официальный документ. Редакционные примечания не включены.
📅 29 September 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Биржа ва кўргазма-ярмарка савдоларини янада тартибга солиш чора-тадбирлари тўғрисида
Ўзбекистон Республикаси Президентининг 2017 йил 2 сентябрдаги «Валюта сиёсатини либераллаштириш бўйича биринчи навбатдаги чора-тадбирлар тўғрисида»ги ПФ-5177-сон Фармони билан валютани тартибга солиш тизимини тубдан ислоҳ қилиш ва валюта сиёсатини либераллаштириш, нархлар шаклланишининг бозор механизмларини жорий этиш, ташқи иқтисодий фаолият соҳасида тадбиркорлик субъектларига тенг шароитлар яратиш бўйича таъсирчан чоралар белгиланди.
Шу билан бирга, ўтказилган ўрганишларда биржа ва кўргазма-ярмарка савдоларида ўзаро ҳисоб-китобларни ҳуқуқий тартибга солишда норасмий хорижий валюта бозорининг фаолият кўрсатишига шароит яратаётган ҳамда валюта ва молиявий тартибга солиш соҳасида давлат сиёсатини самарали амалга оширишга тўсқинлик қилаётган айрим бўшлиқлар аниқланди.
Валютани тартибга солиш соҳасида давлат сиёсати самарадорлигини янада ошириш, ишбилармонлик муҳитини яхшилаш, шунингдек, биржа ва кўргазма-ярмарка битимлари бўйича ўзаро ҳисоб-китобларни амалга оширишнинг шаффоф механизмларини шакллантириш мақсадида:
1. Қуйидаги тартиб ўрнатилсин, унга мувофиқ:
биржалар ва ярмаркаларнинг ҳисоб-китоб-клиринг палаталари орқали ҳисоб-китоблар ва ўзаро ҳисоб-китоблар фақатгина биржалар ва ярмаркаларда рўйхатдан ўтган битимлар бўйича амалга оширилади;
биржалар ва ярмаркаларнинг ҳисоб-китоб-клиринг палаталари ҳисоб рақамларида бўлган маблағлардан фойдаланган ҳолда, пул талабномасидан воз кечиш бўйича операцияларни амалга ошириш тақиқланади;
импорт шартномалари бўйича товар-хом ашё биржалари ёки ярмаркаларнинг ҳисоб-китоб-клиринг палаталарида норезидент-сотувчининг ҳисоб рақамига ўтказилган маблағлар фақатгина биржа ва кўргазма-ярмарка савдоларида тузилган экспорт шартномалари, божхона божлари, суд харажатлари ҳамда биржа шартномаларини тузиш ва ижро этиш билан бевосита боғлиқ хизматлар (воситачилик йиғимлари, брокерлик ҳақлари, транспортировка ва қонун ҳужжатларига мувофиқ бошқа харажатлар) тўловлари учун ишлатилиши мумкин.
биржа брокерлари тижорат банкларига мижоз — норезидент номидан товар-хом ашё биржасининг очиқ электрон савдоларида маҳсулотларни сотишдан олинган маблағлар ҳисобидан хорижий валютани сотиб олиш (сотиш)га талабнома бериш, норезидент — юридик шахслар эса Ўзбекистон Республикаси тижорат банкларида ҳисоб рақамлари очиш ва товар-хом ашё биржасининг очиқ электрон савдоларида маҳсулотларни сотишдан олинган маблағлар ҳисобидан хорижий валютани сотиб олиш (сотиш)ни амалга ошириш ҳуқуқига эга бўлади.
2. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси икки ой муддатда мазкур қарор талабларидан келиб чиқиб:
Ўзбекистон Республикаси Иқтисодиёт вазирлиги ҳамда бошқа манфаатдор вазирликлар ва идоралар билан биргаликда қонунчиликка биржа ва ярмарка савдоларининг аниқ чегарасини назарда тутувчи ўзгартиш ва қўшимчаларни киритиш бўйича таклифларни, шунингдек, Биржаларда ҳисоб-китоб-клиринг операцияларини ўтказиш қоидалари лойиҳасини Ўзбекистон Республикаси Вазирлар Маҳкамасига киритсин;
биржалар томонидан биржа савдолари қоидаларига ўзгартиш ва қўшимчалар киритилишини таъминлаш чораларини кўрсин.
3. Ўзбекистон Республикаси Адлия вазирлиги Хусусийлаштирилган корхоналарга кўмаклашиш ва рақобатни ривожлантириш давлат қўмитаси, манфаатдор вазирликлар ва идоралар билан биргаликда бир ой муддатда:
қонунчиликка ушбу қарордан келиб чиқадиган ўзгартиш ва қўшимчалар тўғрисида Вазирлар Маҳкамасига таклифлар киритсин;
идоравий норматив-ҳуқуқий ҳужжатларнинг мазкур қарорга мувофиқлаштирилишини таъминласин.
4. Мазкур қарор ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 29 сентябрь,
ПҚ-3295-сон
Oʻzbekiston Respublikasi Prezidentining
Qarori
Birja va koʻrgazma-yarmarka savdolarini yanada tartibga solish chora-tadbirlari toʻgʻrisida
Oʻzbekiston Respublikasi Prezidentining 2017-yil 2-sentabrdagi “Valyuta siyosatini liberallashtirish boʻyicha birinchi navbatdagi chora-tadbirlar toʻgʻrisida”gi PF-5177-son Farmoni bilan valyutani tartibga solish tizimini tubdan isloh qilish va valyuta siyosatini liberallashtirish, narxlar shakllanishining bozor mexanizmlarini joriy etish, tashqi iqtisodiy faoliyat sohasida tadbirkorlik subyektlariga teng sharoitlar yaratish boʻyicha taʼsirchan choralar belgilandi.
Shu bilan birga, oʻtkazilgan oʻrganishlarda birja va koʻrgazma-yarmarka savdolarida oʻzaro hisob-kitoblarni huquqiy tartibga solishda norasmiy xorijiy valyuta bozorining faoliyat koʻrsatishiga sharoit yaratayotgan hamda valyuta va moliyaviy tartibga solish sohasida davlat siyosatini samarali amalga oshirishga toʻsqinlik qilayotgan ayrim boʻshliqlar aniqlandi.
Valyutani tartibga solish sohasida davlat siyosati samaradorligini yanada oshirish, ishbilarmonlik muhitini yaxshilash, shuningdek, birja va koʻrgazma-yarmarka bitimlari boʻyicha oʻzaro hisob-kitoblarni amalga oshirishning shaffof mexanizmlarini shakllantirish maqsadida:
1. Quyidagi tartib oʻrnatilsin, unga muvofiq:
birjalar va yarmarkalarning hisob-kitob-kliring palatalari orqali hisob-kitoblar va oʻzaro hisob-kitoblar faqatgina birjalar va yarmarkalarda roʻyxatdan oʻtgan bitimlar boʻyicha amalga oshiriladi;
birjalar va yarmarkalarning hisob-kitob-kliring palatalari hisob raqamlarida boʻlgan mablagʻlardan foydalangan holda, pul talabnomasidan voz kechish boʻyicha operatsiyalarni amalga oshirish taqiqlanadi;
import shartnomalari boʻyicha tovar-xom ashyo birjalari yoki yarmarkalarning hisob-kitob-kliring palatalarida norezident-sotuvchining hisob raqamiga oʻtkazilgan mablagʻlar faqatgina birja va koʻrgazma-yarmarka savdolarida tuzilgan eksport shartnomalari, bojxona bojlari, sud xarajatlari hamda birja shartnomalarini tuzish va ijro etish bilan bevosita bogʻliq xizmatlar (vositachilik yigʻimlari, brokerlik haqlari, transportirovka va qonun hujjatlariga muvofiq boshqa xarajatlar) toʻlovlari uchun ishlatilishi mumkin.
birja brokerlari tijorat banklariga mijoz — norezident nomidan tovar-xom ashyo birjasining ochiq elektron savdolarida mahsulotlarni sotishdan olingan mablagʻlar hisobidan xorijiy valyutani sotib olish (sotish)ga talabnoma berish, norezident — yuridik shaxslar esa Oʻzbekiston Respublikasi tijorat banklarida hisob raqamlari ochish va tovar-xom ashyo birjasining ochiq elektron savdolarida mahsulotlarni sotishdan olingan mablagʻlar hisobidan xorijiy valyutani sotib olish (sotish)ni amalga oshirish huquqiga ega boʻladi.
2. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi ikki oy muddatda mazkur qaror talablaridan kelib chiqib:
Oʻzbekiston Respublikasi Iqtisodiyot vazirligi hamda boshqa manfaatdor vazirliklar va idoralar bilan birgalikda qonunchilikka birja va yarmarka savdolarining aniq chegarasini nazarda tutuvchi oʻzgartish va qoʻshimchalarni kiritish boʻyicha takliflarni, shuningdek, Birjalarda hisob-kitob-kliring operatsiyalarini oʻtkazish qoidalari loyihasini Oʻzbekiston Respublikasi Vazirlar Mahkamasiga kiritsin;
birjalar tomonidan birja savdolari qoidalariga oʻzgartish va qoʻshimchalar kiritilishini taʼminlash choralarini koʻrsin.
3. Oʻzbekiston Respublikasi Adliya vazirligi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, manfaatdor vazirliklar va idoralar bilan birgalikda bir oy muddatda:
qonunchilikka ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin;
idoraviy normativ-huquqiy hujjatlarning mazkur qarorga muvofiqlashtirilishini taʼminlasin.
4. Mazkur qaror ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 29-sentabr,
PQ-3295-son
Президента Республики Узбекистан
Постановление
О мерах по дальнейшему упорядочению биржевой и выставочно-ярмарочной торговли
Указом Президента Республики Узбекистан от 2 сентября 2017 года № УП-5177 «О первоочередных мерах по либерализации валютной политики» определены действенные меры по коренному реформированию системы валютного регулирования и либерализации валютной политики, внедрению рыночных механизмов формирования цен, созданию равных условий для субъектов предпринимательства в сфере внешнеэкономической деятельности.
Вместе с тем, проведенным изучением выявлены отдельные пробелы в правовом регулировании взаиморасчетов на биржевых и выставочно-ярмарочных торгах, которые способствуют функционированию неформального рынка иностранной валюты и препятствуют эффективной реализации государственной политики в сфере валютного и финансового регулирования.
В целях дальнейшего повышения эффективности государственной политики в сфере валютного регулирования, улучшения делового климата, а также формирования прозрачных механизмов осуществления взаиморасчетов по биржевым и выставочно-ярмарочным сделкам:
1. Установить порядок, в соответствии с которым:
через расчетно-клиринговые палаты бирж и ярмарок осуществляются расчеты и взаиморасчеты только по сделкам, прошедшим регистрацию на биржах и ярмарках;
запрещается проведение операций по уступке денежного требования с использованием средств, находящихся на счетах в расчетно-клиринговых палатах бирж и ярмарок;
средства, зачисленные на счет продавца-нерезидента в расчетно-клиринговых палатах товарно-сырьевой биржи или ярмарки по импортным контрактам, могут быть использованы исключительно для оплаты экспортных контрактов, заключенных на биржевых и выставочно-ярмарочных торгах, таможенных пошлин, судебных расходов и услуг, непосредственно связанных с заключением и исполнением биржевых контрактов (комиссионные сборы, брокерские вознаграждения, транспортировка и другие расходы в соответствии с законодательством).
биржевые брокеры имеют право подавать заявки в коммерческие банки на покупку (продажу) иностранной валюты от имени клиента — нерезидента за счет средств, полученных от продажи продукции на открытых электронных торгах товарно-сырьевых бирж, а нерезиденты — юридические лица — открывать счета в коммерческих банках Республики Узбекистан и осуществлять покупку (продажу) иностранной валюты за счет средств, полученных от продажи продукции на открытых электронных торгах товарно-сырьевых бирж.
2. Государственному комитету Республики Узбекистан по содействию приватизированным предприятиям и развитию конкуренции в двухмесячный срок, исходя из требований настоящего постановления:
совместно с Министерством экономики Республики Узбекистан и другими заинтересованными министерствами и ведомствами внести в Кабинет Министров Республики Узбекистан предложения по внесению изменений и дополнений в законодательство, предусматривающих четкое разграничение биржевых и ярмарочных торгов, а также проект Правил проведения расчетно-клиринговых операций на биржах;
принять меры по обеспечению внесения биржами изменений и дополнений в правила биржевой торговли.
3. Министерству юстиции совместно с Государственным комитетом Республики Узбекистан по содействию приватизированным предприятиям и развитию конкуренции, заинтересованными министерствами и ведомствами в месячный срок:
внести в Кабинет Министров предложения об изменениях и дополнениях в законодательство, вытекающих из настоящего постановления;
обеспечить приведение ведомственных нормативно-правовых актов в соответствие с настоящим постановлением.
4. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
29 сентября 2017 г.,
№ ПП-3295