📅 2017-yil 29-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 29 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 29 сентября 2017 г. · Постановления Президента
Официальный текст. Официальный документ. Редакционные примечания не включены.
📅 29 September 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Фискал хотирали назорат-касса машиналарини қўллаш тартибини янада такомиллаштириш чора-тадбирлари тўғрисида
Юридик ва жисмоний шахслар томонидан нақд пулга товарларни реализация қилиш, ишларни бажариш ва хизматлар кўрсатишда фискал хотирали назорат-касса машиналар қўлланишини янада такомиллаштириш, шунингдек, аҳоли билан пулли ҳисоб-китоб қилишни тезкор ҳисобга олиш ва назорат қилиш тизимини кенгайтириш мақсадида:
1. Ўзбекистон Республикаси Президентининг 2017 йил 18 июлдаги «Солиқ маъмуриятчилигини тубдан такомиллаштириш, солиқлар ва бошқа мажбурий тўловларнинг йиғилувчанлигини ошириш чора-тадбирлари тўғрисида»ги ПФ-5116-сонли Фармонига мувофиқ Тошкент, Нукус шаҳарларида ва вилоят марказларида давлат солиқ хизмати органларига ҳисоб-китоблар ҳақидаги маълумотларнинг онлайн режимида узатилишини таъминлайдиган назорат-касса машиналарини кўллаш орқали нақд пул ва нақд пулсиз шаклдаги тушумлар, шу жумладан, электрон тўловлар устидан автоматлаштирилган назорат тизими жорий этилиши, республикамизнинг қолган ҳудудларида мазкур тизим босқичма-босқич киритилиши белгиланганлиги маълумот учун қабул қилинсин.
2. Ўзбекистон Республикаси Давлат солиқ қўмитаси, Марказий банки, Иқтисодиёт вазирлиги, Савдо-саноат палатасининг аҳоли билан нақд пулда амалга оширилган ҳисоб-китоблар тўғрисидаги маълумотларни давлат солиқ хизмати органларига онлайн режимида узатиб бориш функциясига эга бўлган назорат-касса машиналарининг (кейинги ўринларда — онлайн НКМ) замонавий моделларини босқичма-босқич жорий этиш тўғрисидаги таклифи маъқуллансин.
3. Белгилаб қўйилсинки:
товарларни реализация қилиш, ишларни бажариш ва хизматлар кўрсатишда амалга ошириладиган ҳисоб-китоблар ҳажмини аниқлаш учун 2018 йилнинг 1 январидан 30 мартигача Тошкент, Нукус шаҳарларида ва вилоятлар марказларида 500 дан 1000 гача бўлган онлайн НКМлар тажриба синови тариқасида амалиётга жорий этилади;
2018 йилнинг 1 июлидан бошлаб Тошкент, Нукус шаҳарларида ва вилоятлар марказларида барча юридик шахслар товарларни реализация қилиш, ишларни бажариш ва хизматлар кўрсатишда аҳоли билан нақд пулдаги ҳисоб-китобларни мажбурий тарзда онлайн НКМ ёрдамида амалга оширади;
2018 йилнинг 1 декабридан бошлаб Ўзбекистон Республикаси ҳудудида барча юридик ва жисмоний шахслар товарларни реализация қилиш, ишларни бажариш ва хизматлар кўрсатишда аҳоли билан нақд пулдаги ҳисоб-китобларни мажбурий тарзда фақат онлайн НКМни қўллаган ҳолда амалга оширади;
Қарорнинг мазкур банди қоидалари қонунчиликка мувофиқ фаолиятининг ўзига хос хусусияти сабабли назорат-касса машиналарини кўлламасдан амалга ошириши мумкин бўлган айрим тоифадаги юридик ва жисмоний шахсларга, шунингдек, телекоммуникация тармоқлари билан қамраб олинмаган олис ва бориш қийин бўлган аҳоли пунктларида тадбиркорлик фаолиятини амалга оширадиган юридик ва жисмоний шахсларга татбиқ этилмайди;
юридик ва жисмоний шахслар томонидан ушбу бандда белгиланган муддатлар тугагандан кейин онлайн НКМларни қўлламасдан товарларни реализация қилиш, ишларни бажариш ва хизматлар кўрсатиш назорат-касса машинасини қўллаш тартибини бузиш деб қаралади ва қонунчиликда белгиланган тартибда жавобгарликка тортилади.
4. Давлат солиқ қўмитаси ва унинг ҳудудий органлари 2018 йилнинг 1 майидан юридик ва жисмоний шахсларга тегишли онлайн НКМларни белгиланган тартибда рўйхатдан ўтказиш, қайта рўйхатдан ўтказиш ва рўйхатдан чиқарилишини, шу жумладан, жаҳон информацион Интернет тармоғи орқали масофадан хизмат кўрсатиш имкониятларидан фойдаланган холда, ўзлари фаолият юритаётган шаҳар ва туманларда амалга оширилишини таъминласин.
5. Ўзбекистон Республикаси Ахборот технологиялари ва коммуникацияларини ривожлантириш вазирлиги (Ш.Х. Шерматов):
Давлат солиқ қўмитаси (Б.Р. Парпиев) ва бошқа манфаатдор вазирлик ва идоралар билан биргаликда икки ой муддатда телекоммуникация тармоқлари билан қамраб олинмаган олис ва бориш қийин бўлган аҳоли пунктлари рўйхатини тасдиқласин ҳамда ҳар йили янгилаб борсин;
телекоммуникация тармоқлари билан қамраб олинмаган олис ва бориш қийин бўлган аҳоли пунктлари рўйхатини ҳар календарь йилнинг 25 декабрига кадар Ўзбекистон Республикаси Давлат солиқ қўмитасига тақдим этиб борсин.
6. Онлайн НКМдан келиб тушадиган фискал маълумотларни қабул қилиш, қайта ишлаш, сақлаш, жойлаш ва Ўзбекистон Республикаси Давлат солиқ қўмитасига сўровга мувофиқ узатиш фискал маълумотлар оператори томонидан амалга оширилиши белгилаб қўйилсин.
Ўзбекистон Республикаси Давлат солиқ қўмитаси (Б.Р. Парпиев) Ўзбекистон Республикаси Ахборот технологиялари ва коммуникацияларини ривожлантириш вазирлиги (Ш.Х. Шерматов) ва бошқа манфаатдор вазирлик ва идоралар билан биргаликда икки ой муддатда фискал маълумотлар операторининг фаолиятини тартибга соладиган Низомни тасдиқласин ва фискал маълумотлар оператори функциясини бажарадиган юридик шахсни аниқласин.
7. «Ўзэлтехсаноат» акциядорлик компанияси (Ф.Х. Бокиев):
Ўзбекистон Республикаси Ахборот технологиялари ва коммуникацияларини ривожлантириш вазирлиги (Ш.Х. Шерматов), Давлат солиқ қўмитаси (Б.Р. Парпиев) ва бошқа манфаатдор вазирлик ва идоралар билан биргаликда 2017 йилнинг 1 ноябригача кейинчалик чекларнинг ҳақиқийлигини аниқлашда фойдаланиладиган уникал кодли чек берадиган онлайн НКМга қўйиладиган ягона техник талабларни белгилайдиган давлат стандартини ишлаб чиқсин ва қонунчиликда белгиланган тартибда экспертизадан ва давлат рўйхатидан ўтказиш учун «Ўзстандарт» агентлигига тақдим этсин;
онлайн НКМга қўйиладиган ягона техник талаблар конфигурацияси маълумотларининг очиқлигини таъминлансин;
бошқа манфаатдор шахсларни жалб қилган ҳолда, 2017 йилнинг 1 декабригача республикада онлайн НКМ ва (ёки) НКМ таркибида ишлаш учун мўлжалланган маълумотларни онлайн режимида давлат солиқ хизмати органларига узатиш функциясига эга бўлган махсус қурилмаларни кенг ишлаб чиқарилишини ташкил этсин;
юридик ва жисмоний шахсларга онлайн НКМни бўлиб-бўлиб тўлаш шарти билан сотиб олиш имкониятини яратсин.
8. Ўзбекистон Республикаси Ахборот технологиялари ва коммуникацияларини ривожлантириш вазирлиги (Ш.Х. Шерматов):
а) телекоммуникация тармоқлари, шу жумладан, мобиль алоқа операторлари ва провайдерларига пуллик ҳисоб-китоблар тўғрисидаги маълумотларни давлат солиқ хизмати органларига узлуксиз узатиш хизматлари тақдим этишини таъминласин;
б) базавий станциялар, жумладан, СDМА-450 технологияларини қўллаган ҳолда станциялар сонини кўпайтириш;
тармоқлар билан, айниқса, олис ва бориш кийин бўлган аҳоли пунктларини қамраб олиш зоналарини кенгайтириш;
онлайн НКМдан фойдаланишда махсус тариф режаларини ишлаб чиқиш чораларини кўрсин.
9. Ўзбекистон Республикаси Давлат солиқ қўмитаси (Б.Р. Парпиев) Ўзбекистон матбуот ва ахборот агентлиги (Л.Х. Тангриев), Ўзбекистон Миллий телерадиокомпанияси ва бошқа манфаатдор вазирлик ва идоралар билан биргаликда тадбиркорлик субъектлари ва аҳоли ўртасида мазкур қарорнинг мақсади, моҳияти ва амалий аҳамиятини кенг ёритиш бўйича тадбирлар ташкил этилиши ва ўтказилишини таъминласин.
10. Ўзбекистон Республикаси Давлат солиқ қўмитаси (Б.Р. Парпиев) манфаатдор вазирлик ва идоралар билан биргаликда қонунчиликка ушбу қарордан келиб чиқадиган ўзгартиш ва қўшимчалар киритиш тўғрисида Ўзбекистон Республикаси Вазирлар Маҳкамасига таклифлар киритсин.
Вазирлик ва идоралар қабул қилинган меъёрий-ҳуқуқий ҳужжатларини мазкур қарорга мувофиқлаштирсин.
11. Ушбу қарорнинг ижросини назорат қилиш Ўзбекистон Республикасининг Бош вазири А.Н. Арипов, Бош вазир ўринбосари Д.А. Қўчқоров ва Ўзбекистон Республикаси Давлат солиқ қўмитаси раиси Б.Р. Парпиев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 29 сентябрь,
ПҚ-3300-сон
Oʻzbekiston Respublikasi Prezidentining
Qarori
Fiskal xotirali nazorat-kassa mashinalarini qoʻllash tartibini yanada takomillashtirish chora-tadbirlari toʻgʻrisida
Yuridik va jismoniy shaxslar tomonidan naqd pulga tovarlarni realizatsiya qilish, ishlarni bajarish va xizmatlar koʻrsatishda fiskal xotirali nazorat-kassa mashinalar qoʻllanishini yanada takomillashtirish, shuningdek, aholi bilan pulli hisob-kitob qilishni tezkor hisobga olish va nazorat qilish tizimini kengaytirish maqsadida:
1. Oʻzbekiston Respublikasi Prezidentining 2017-yil 18-iyuldagi “Soliq maʼmuriyatchiligini tubdan takomillashtirish, soliqlar va boshqa majburiy toʻlovlarning yigʻiluvchanligini oshirish chora-tadbirlari toʻgʻrisida”gi PF-5116-sonli Farmoniga muvofiq Toshkent, Nukus shaharlarida va viloyat markazlarida davlat soliq xizmati organlariga hisob-kitoblar haqidagi maʼlumotlarning onlayn rejimida uzatilishini taʼminlaydigan nazorat-kassa mashinalarini koʻllash orqali naqd pul va naqd pulsiz shakldagi tushumlar, shu jumladan, elektron toʻlovlar ustidan avtomatlashtirilgan nazorat tizimi joriy etilishi, respublikamizning qolgan hududlarida mazkur tizim bosqichma-bosqich kiritilishi belgilanganligi maʼlumot uchun qabul qilinsin.
2. Oʻzbekiston Respublikasi Davlat soliq qoʻmitasi, Markaziy banki, Iqtisodiyot vazirligi, Savdo-sanoat palatasining aholi bilan naqd pulda amalga oshirilgan hisob-kitoblar toʻgʻrisidagi maʼlumotlarni davlat soliq xizmati organlariga onlayn rejimida uzatib borish funksiyasiga ega boʻlgan nazorat-kassa mashinalarining (keyingi oʻrinlarda — onlayn NKM) zamonaviy modellarini bosqichma-bosqich joriy etish toʻgʻrisidagi taklifi maʼqullansin.
3. Belgilab qoʻyilsinki:
tovarlarni realizatsiya qilish, ishlarni bajarish va xizmatlar koʻrsatishda amalga oshiriladigan hisob-kitoblar hajmini aniqlash uchun 2018-yilning 1-yanvaridan 30-martigacha Toshkent, Nukus shaharlarida va viloyatlar markazlarida 500 dan 1000 gacha boʻlgan onlayn NKMlar tajriba sinovi tariqasida amaliyotga joriy etiladi;
2018-yilning 1-iyulidan boshlab Toshkent, Nukus shaharlarida va viloyatlar markazlarida barcha yuridik shaxslar tovarlarni realizatsiya qilish, ishlarni bajarish va xizmatlar koʻrsatishda aholi bilan naqd puldagi hisob-kitoblarni majburiy tarzda onlayn NKM yordamida amalga oshiradi;
2018-yilning 1-dekabridan boshlab Oʻzbekiston Respublikasi hududida barcha yuridik va jismoniy shaxslar tovarlarni realizatsiya qilish, ishlarni bajarish va xizmatlar koʻrsatishda aholi bilan naqd puldagi hisob-kitoblarni majburiy tarzda faqat onlayn NKMni qoʻllagan holda amalga oshiradi;
Qarorning mazkur bandi qoidalari qonunchilikka muvofiq faoliyatining oʻziga xos xususiyati sababli nazorat-kassa mashinalarini koʻllamasdan amalga oshirishi mumkin boʻlgan ayrim toifadagi yuridik va jismoniy shaxslarga, shuningdek, telekommunikatsiya tarmoqlari bilan qamrab olinmagan olis va borish qiyin boʻlgan aholi punktlarida tadbirkorlik faoliyatini amalga oshiradigan yuridik va jismoniy shaxslarga tatbiq etilmaydi;
yuridik va jismoniy shaxslar tomonidan ushbu bandda belgilangan muddatlar tugagandan keyin onlayn NKMlarni qoʻllamasdan tovarlarni realizatsiya qilish, ishlarni bajarish va xizmatlar koʻrsatish nazorat-kassa mashinasini qoʻllash tartibini buzish deb qaraladi va qonunchilikda belgilangan tartibda javobgarlikka tortiladi.
4. Davlat soliq qoʻmitasi va uning hududiy organlari 2018-yilning 1-mayidan yuridik va jismoniy shaxslarga tegishli onlayn NKMlarni belgilangan tartibda roʻyxatdan oʻtkazish, qayta roʻyxatdan oʻtkazish va roʻyxatdan chiqarilishini, shu jumladan, jahon informatsion Internet tarmogʻi orqali masofadan xizmat koʻrsatish imkoniyatlaridan foydalangan xolda, oʻzlari faoliyat yuritayotgan shahar va tumanlarda amalga oshirilishini taʼminlasin.
5. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi (Sh.X. Shermatov):
Davlat soliq qoʻmitasi (B.R. Parpiyev) va boshqa manfaatdor vazirlik va idoralar bilan birgalikda ikki oy muddatda telekommunikatsiya tarmoqlari bilan qamrab olinmagan olis va borish qiyin boʻlgan aholi punktlari roʻyxatini tasdiqlasin hamda har yili yangilab borsin;
telekommunikatsiya tarmoqlari bilan qamrab olinmagan olis va borish qiyin boʻlgan aholi punktlari roʻyxatini har kalendar yilning 25-dekabriga kadar Oʻzbekiston Respublikasi Davlat soliq qoʻmitasiga taqdim etib borsin.
6. Onlayn NKMdan kelib tushadigan fiskal maʼlumotlarni qabul qilish, qayta ishlash, saqlash, joylash va Oʻzbekiston Respublikasi Davlat soliq qoʻmitasiga soʻrovga muvofiq uzatish fiskal maʼlumotlar operatori tomonidan amalga oshirilishi belgilab qoʻyilsin.
Oʻzbekiston Respublikasi Davlat soliq qoʻmitasi (B.R. Parpiyev) Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi (Sh.X. Shermatov) va boshqa manfaatdor vazirlik va idoralar bilan birgalikda ikki oy muddatda fiskal maʼlumotlar operatorining faoliyatini tartibga soladigan Nizomni tasdiqlasin va fiskal maʼlumotlar operatori funksiyasini bajaradigan yuridik shaxsni aniqlasin.
7. “Oʻzeltexsanoat” aksiyadorlik kompaniyasi (F.X. Bokiyev):
Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi (Sh.X. Shermatov), Davlat soliq qoʻmitasi (B.R. Parpiyev) va boshqa manfaatdor vazirlik va idoralar bilan birgalikda 2017-yilning 1-noyabrigacha keyinchalik cheklarning haqiqiyligini aniqlashda foydalaniladigan unikal kodli chek beradigan onlayn NKMga qoʻyiladigan yagona texnik talablarni belgilaydigan davlat standartini ishlab chiqsin va qonunchilikda belgilangan tartibda ekspertizadan va davlat roʻyxatidan oʻtkazish uchun “Oʻzstandart” agentligiga taqdim etsin;
onlayn NKMga qoʻyiladigan yagona texnik talablar konfiguratsiyasi maʼlumotlarining ochiqligini taʼminlansin;
boshqa manfaatdor shaxslarni jalb qilgan holda, 2017-yilning 1-dekabrigacha respublikada onlayn NKM va (yoki) NKM tarkibida ishlash uchun moʻljallangan maʼlumotlarni onlayn rejimida davlat soliq xizmati organlariga uzatish funksiyasiga ega boʻlgan maxsus qurilmalarni keng ishlab chiqarilishini tashkil etsin;
yuridik va jismoniy shaxslarga onlayn NKMni boʻlib-boʻlib toʻlash sharti bilan sotib olish imkoniyatini yaratsin.
8. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi (Sh.X. Shermatov):
a) telekommunikatsiya tarmoqlari, shu jumladan, mobil aloqa operatorlari va provayderlariga pullik hisob-kitoblar toʻgʻrisidagi maʼlumotlarni davlat soliq xizmati organlariga uzluksiz uzatish xizmatlari taqdim etishini taʼminlasin;
b) bazaviy stansiyalar, jumladan, SDMA-450 texnologiyalarini qoʻllagan holda stansiyalar sonini koʻpaytirish;
tarmoqlar bilan, ayniqsa, olis va borish kiyin boʻlgan aholi punktlarini qamrab olish zonalarini kengaytirish;
onlayn NKMdan foydalanishda maxsus tarif rejalarini ishlab chiqish choralarini koʻrsin.
9. Oʻzbekiston Respublikasi Davlat soliq qoʻmitasi (B.R. Parpiyev) Oʻzbekiston matbuot va axborot agentligi (L.X. Tangriyev), Oʻzbekiston Milliy teleradiokompaniyasi va boshqa manfaatdor vazirlik va idoralar bilan birgalikda tadbirkorlik subyektlari va aholi oʻrtasida mazkur qarorning maqsadi, mohiyati va amaliy ahamiyatini keng yoritish boʻyicha tadbirlar tashkil etilishi va oʻtkazilishini taʼminlasin.
10. Oʻzbekiston Respublikasi Davlat soliq qoʻmitasi (B.R. Parpiyev) manfaatdor vazirlik va idoralar bilan birgalikda qonunchilikka ushbu qarordan kelib chiqadigan oʻzgartish va qoʻshimchalar kiritish toʻgʻrisida Oʻzbekiston Respublikasi Vazirlar Mahkamasiga takliflar kiritsin.
Vazirlik va idoralar qabul qilingan meʼyoriy-huquqiy hujjatlarini mazkur qarorga muvofiqlashtirsin.
11. Ushbu qarorning ijrosini nazorat qilish Oʻzbekiston Respublikasining Bosh vaziri A.N. Aripov, Bosh vazir oʻrinbosari D.A. Qoʻchqorov va Oʻzbekiston Respublikasi Davlat soliq qoʻmitasi raisi B.R. Parpiyev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 29-sentabr,
PQ-3300-son
Президента Республики Узбекистан
Постановление
О мерах по дальнейшему совершенствованию применения контрольно-кассовых машин с фискальной памятью
В целях дальнейшего совершенствования применения контрольно-кассовых машин с фискальной памятью юридическими и физическими лицами при реализации товаров, выполнении работ и оказании услуг за наличный денежный расчет, а также расширения системы оперативного учета и контроля за осуществлением денежных расчетов с населением:
1. Принять к сведению, что в соответствии с Указом Президента Республики Узбекистан от 18 июля 2017 года № УП-5116 «О мерах по коренному совершенствованию налогового администрирования, повышению собираемости налогов и других обязательных платежей» предусмотрено внедрение системы автоматизированного контроля за поступлением наличной выручки посредством применения контрольно-кассовых машин, обеспечивающих передачу органам государственной налоговой службы данных о расчетах в режиме онлайн, в городах Ташкенте, Нукусе и областных центрах, с последующим поэтапным введением данной системы в остальных регионах республики.
2. Согласиться с предложениями Государственного налогового комитета, Центрального банка, Министерства экономики, Торгово-промышленной палаты Республики Узбекистан о поэтапном внедрении в эксплуатацию современных моделей контрольно-кассовых машин с функцией передачи в режиме онлайн данных о денежных расчетах с населением, производимых в наличной форме, в органы государственной налоговой службы (далее — онлайн ККМ).
3. Установить, что:
с 1 января по 30 марта 2018 года в городах Ташкенте, Нукусе и областных центрах запускается пилотный проект по использованию от 500 до 1000 онлайн ККМ для определения нагрузки проводимых расчетов с населением в наличной форме при реализации товаров, выполнении работ и оказании услуг;
с 1 июля 2018 года в городах Ташкенте, Нукусе и областных центрах все юридические лица при реализации товаров, выполнении работ и оказании услуг обязаны осуществлять денежные расчеты с населением в наличной форме с использованием онлайн ККМ;
с 1 декабря 2018 года на территории Республики Узбекистан все юридические и физические лица обязаны осуществлять денежные расчеты с населением в наличной форме при реализации товаров, выполнении работ и оказании услуг исключительно с применением онлайн ККМ;
действие настоящего пункта не распространяется на отдельные категории юридических и физических лиц, имеющих право в соответствии с законодательством осуществлять наличные денежные расчеты без применения ККМ в силу специфики своей деятельности, а также осуществляющих предпринимательскую деятельность в отдаленных и труднодоступных населенных пунктах, не охваченных сетями телекоммуникаций;
реализация товаров, выполнение работ и оказание услуг юридическими и физическими лицами без применения онлайн ККМ по истечении сроков, установленных настоящим пунктом постановления, рассматривается как нарушение порядка применения контрольно-кассовых машин, с привлечением к ответственности в установленном законодательством порядке.
4. Государственному налоговому комитету Республики Узбекистан и его территориальным органам обеспечить с 1 мая 2018 года в установленном порядке регистрацию, перерегистрацию и снятие с регистрации онлайн ККМ юридических и физических лиц в городах и районах по месту осуществления ими деятельности, в том числе с использованием возможности дистанционного оказания услуг через всемирную информационную сеть Интернет.
5. Министерству по развитию информационных технологий и коммуникаций Республики Узбекистан (Ш.Х. Шерматов):
совместно с Государственным налоговым комитетом Республики Узбекистан (Б.Р. Парпиев) и другими заинтересованными министерствами, ведомствами в двухмесячный срок утвердить и ежегодно обновлять Перечень отдаленных и труднодоступных населенных пунктов, не охваченных сетями телекоммуникаций;
ежегодно до 25 декабря каждого календарного года предоставлять Государственному налоговому комитету Республики Узбекистан перечень отдаленных и труднодоступных населенных пунктов, не охваченных сетями телекоммуникаций.
6. Установить, что прием, обработка, хранение, пакетирование и передача по запросу в Государственный налоговый комитет Республики Узбекистан фискальных данных, поступающих от онлайн ККМ, осуществляется оператором фискальных данных.
Государственному налоговому комитету (Б.Р. Парпиев) совместно с Министерством по развитию информационных технологий и коммуникаций Республики Узбекистан (Ш.Х. Шерматов) и другими заинтересованными министерствами и ведомствами в двухмесячный срок утвердить Положение о порядке функционирования оператора фискальных данных и определить юридическое лицо, выполняющее функцию оператора фискальных данных.
7. Акционерной компании «Узэлтехсаноат» (Ф.Х. Бокиев):
совместно с Министерством по развитию информационных технологий и коммуникаций (Ш.Х. Шерматов), Государственным налоговым комитетом (Б.Р. Парпиев) и другими заинтересованными министерствами и ведомствами до 1 ноября 2017 года разработать государственный стандарт, устанавливающий единые технические требования к онлайн ККМ с выдачей чека, в котором указан уникальный код, предназначенный для дальнейшей идентификации чека, и представить в агентство «Узстандарт» на экспертизу и государственную регистрацию в порядке, установленном законодательством;
обеспечить открытость описания конфигурации единых технических требований к онлайн ККМ;
с привлечением других заинтересованных лиц обеспечить до 1 декабря 2017 года организацию серийного производства онлайн ККМ в республике и (или) специальных устройств, для работы в составе ККМ с функцией передачи данных в режиме онлайн в органы государственной налоговой службы;
обеспечить предоставление юридическим и физическим лицам возможности приобретения онлайн ККМ в рассрочку.
8. Министерству по развитию информационных технологий и коммуникаций Республики Узбекистан (Ш.Х. Шерматов) обеспечить:
а) предоставление операторами и провайдерами сетей телекоммуникаций, в том числе мобильной связи, услуг для бесперебойной передачи данных в органы государственной налоговой службы о денежных расчетах с населением;
б) принять меры по:
увеличению количества базовых станций, в том числе с применением технологии СDМА-450;
расширению зон покрытия сетей, особенно в отдаленных и труднодоступных населенных пунктах;
разработке специализированных тарифных планов при использовании онлайн ККМ.
9. Государственному налоговому комитету (Б.Р. Парпиев) совместно с Узбекским агентством по печати и информации (Л.Х. Тангриев), Национальной телерадиокомпанией Узбекистана (А.Ж. Хаджаев) и заинтересованными министерствами и ведомствами обеспечить организацию и проведение мероприятий по широкому освещению целей, содержания и практической значимости настоящего постановления среди субъектов предпринимательства и населения.
10. Государственному налоговому комитету (Б.Р. Парпиев) совместно с Министерством юстиции Республики Узбекистан и другими заинтересованными министерствами и ведомствами внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
Министерствам и ведомствам привести принятые ими нормативно-правовые акты в соответствие с настоящим постановлением.
11. Контроль за исполнением настоящего постановления возложить на Премьер-министра Республики Узбекистан А.Н. Арипова, заместителя Премьер-министра Д.А. Кучкарова и председателя Государственного налогового комитета Республики Узбекистан Б.Р. Парпиева.
Президент Республики Узбекистан Ш. МИРЗИЁЕВ
г. Ташкент,
29 сентября 2017 г.,
№ ПП-3300