📅 2017-yil 2-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 2 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 2 октября 2017 г. · Постановления Президента
Официальный текст. Официальный документ. Редакционные примечания не включены.
📅 2 October 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Кураш» миллий спорт турини янада ривожлантириш чора-тадбирлари тўғрисида
Кейинги йилларда асрлар давомида мардлик, бағрикенглик, олийжаноблик ва ҳалолликнинг тимсоли сифатида эъзозланиб келинган, ўзбек халқининг тарихий мероси — «Кураш» миллий спорт турини (кейинги ўринларда кураш деб юритилади) қайта тиклашга алоҳида эътибор қаратилмоқда.
Давлатимизнинг бевосита кўллаб-қувватлаши натижасида кураш халқаро спорт тури сифатида кенг эътироф этилди, «кураш», «ҳалол», «таъзим», «тўхта» ва «ёнбош» каби атамалар эса халқаро спорт луғати таркибидан мустаҳкам ўрин эгаллади.
1998 йил 6 сентябрда таъсис этилган Кураш халқаро ассоциацияси бугунги кунда сайёрамизнинг бешта қитъасидаги 129 та миллий федерацияни бирлаштирган.
2010 йилда Кураш халқаро ассоциацияси Олимпия ўйинлари дастурига киритиш учун буюртма беришда муҳим талаб ҳисобланган Жаҳон допингга қарши агентлигининг эътирофига сазовор бўлди.
2017 йил 20 сентябрда Ашхобод шаҳрида бўлиб ўтган Осиё Олимпия кенгашининг 36-Бош ассамблеясида «Кураш» миллий спорт тури тарихда илк бор ХVIII ёзги Осиё ўйинлари дастурига расман киритилди.
Кураш халқаро ассоциацияси ва Ўзбекистон Республикаси курашни халқаро спорт мусобақалари ва турнирлари дастурларига, келгусида эса Олимпия ўйинлари дастурига ҳам киритиш бўйича фаол тадбирларни амалга оширмоқда.
Шу билан бирга, мавжуд айрим камчиликлар курашни янада ривожлантиришга тўсқинлик қилмоқда, хусусан:
биринчидан, «Кураш» миллий спорт турини, айниқса, вояга етмаганлар ва ёшлар ўртасида, ўсиб келаётган авлоднинг миллий ифтихор ва ватанпарварлик туйғусини мустаҳкамлаш мақсадида оммалаштириш бўйича амалга оширилаётган ишлар замон талабларига жавоб бермаяпти;
иккинчидан, мазкур спорт тури бўйича қобилиятли курашчиларни аниқлаш ва саралаш ҳамда уларнинг машқ қилиши, шунингдек, мураббий ва ҳакамларни тайёрлашнинг самарали механизмларини жорий этиш имконини берадиган клуб ва секцияларнинг яхлит тизими шакллантирилмаган;
учинчидан, ёшларни ушбу спорт тури билан шуғулланишга кенгроқ жалб этишга қаратилган халқаро мусобақалар ғолиблари ва совриндорларини рағбатлантиришнинг самарали тизими жорий этилмаган;
тўртинчидан, зарур моддий-техник база ва спорт инфратузилмасининг етарли эмаслиги, спорт анжомларини ишлаб чиқиш йўлга қўйилмаганлиги спортчилар машғулотларини талаб даражасида ташкил этишга ҳамда кураш бўйича халқаро мусобақаларни ўтказишга тўсқинлик қилмоқда.
«Кураш» миллий спорт турини аҳоли, айниқса, вояга етмаганлар ва ёшлар ўртасида янада ривожлантириш ҳамда оммалаштириш, ўсиб келаётган авлодда миллий ифтихор ва ватанпарварлик туйғусини мустаҳкамлаш, шунингдек, жамиятда соғлом турмуш тарзини тарғиб қилиш ва жаҳон спорт майдонида юқори натижаларга эришишни таъминлаш мақсадида:
1. 6 сентябрь — «Кураш» миллий спорт тури куни сифатида белгилансин.
2. Ўзбекистон Республикаси Вазирлар Маҳкамаси икки ҳафта муддатда, жумладан, қуйидагиларни назарда тутувчи «Кураш» миллий спорт турини янада ривожлантириш ва оммалаштириш бўйича комплекс чора-тадбирлар дастурини ишлаб чиқсин ва тасдиқласин:
Нукус шаҳри ва вилоят марказларида «Кураш» миллий спорт тури марказлари, ҳар бир туман (шаҳар)да замонавий спорт клублари ва секцияларини ташкил этиш;
кураш бўйича республика, халқаро мусобақа ва турнирларни доимий асосда ташкил этиш ва ўтказиш;
кураш бўйича республика, халқаро мусобақа ва турнирлар иштирокчиларининг автоматлаштирилган маълумотлар базасини жорий этиш;
«Кураш» йўналиши бўйича олий ва ўрта махсус, касб-ҳунар таълими муассасаларига қабул квоталарини ошириш;
мазкур спорт тури билан шуғулланиш учун жаҳон стандартларига жавоб берадиган «яктак» спорт кийимлари ва «кураш гилам»ларини ишлаб чиқаришни ташкил этиш;
курашни, шу жумладан, реклама кампанияларини ўтказиш ва ижтимоий роликларни намойиш этиш орқали оммалаштириш бўйича медиа-режа ишлаб чиқиш.
3. Ўзбекистон Республикаси Халқ таълими вазирлиги, Олий ва ўрта махсус таълим вазирлиги, Жисмоний тарбия ва спорт давлат қўмитаси «Кураш» миллий спорт турини «Умид ниҳоллари», «Баркамол авлод» ва Универсиада спорт ўйинлари дастурига ўрнатилган тартибда киритилишини таъминласин.
4. Ўзбекистон кураш федерациясининг Ўзбекистон кураш федерацияси ҳузурида «Кураш» миллий спорт тури маркази» нодавлат нотижорат ташкилотини ташкил этиш ва Тошкент шаҳар, Корхожаота кўчаси, 25-уй манзили бўйича жойлаштириш тўғрисидаги таклифи маъқуллансин.
Тошкент шаҳар ҳокимлиги «Кураш» миллий спорт тури марказини мазкур банднинг биринчи хатбошисида кўрсатилган манзил бўйича бепул жойлаштирилишини таъминласин.
5. Ўзбекистон Республикаси Вазирлар Маҳкамаси бир ой муддатда Ўзбекистон кураш федерацияси ва унинг бўлинмалари фаолиятини мунтазам қўллаб-қувватлаш, шу жумладан, «Кураш» миллий спорт тури маркази биносини реконструкция қилиш ва моддий-техник жиҳозлаш учун ҳомийлик маблағларини жалб этиш бўйича таклифлар киритсин.
6. Қуйидаги тартиб ўрнатилсин, унга мувофиқ:
юридик шахсларнинг солиқ солинадиган фойдаси (ялпи тушуми) Ўзбекистон кураш федерацияси фаолиятини молиялаштириш учун йўналтирилган бадал, ҳомийлик ва хайрия ёрдам кўринишидаги маблағлар миқдорига, лекин солиқ солинадиган фойданинг (ялпи тушумнинг) ўн фоизидан кўп бўлмаган миқдорга камаяди;
Ўзбекистон кураш федерацияси томонидан спортчилар ва мураббийларга топшириладиган пул мукофотлари ва қимматбаҳо совғалар кўринишидаги даромадлар жисмоний шахслардан олинадиган даромад солиғидан озод қилинади.
7. Спортчиларни ҳаммабоп ва сифатли спорт кийимлари ва инвентарлари билан таъминлаш мақсадида асосий фаолияти «яктак» спорт кийимлари ва (ёки) «кураш гилам»ларини ишлаб чиқаришга ихтисослаштирилган корхоналар беш йил муддатга барча турдаги солиқлар ва давлат мақсадли жамғармаларига мажбурий ажратмаларни тўлашдан озод қилинсин, Ўзбекистон Республикаси Молия вазирлиги ҳузуридаги бюджетдан ташқари Пенсия жамғармаси бундан мустасно.
8. Ўзбекистон Республикаси Ташқи ишлар вазирлиги:
Ўзбекистон кураш федерациясининг буюртмалари бўйича курашни ривожлантириш, мутахассисларни тайёрлаш ва малакасини ошириш учун жалб этиладиган хорижий мутахассисларга консуллик ва бошқа йиғимларни ундирмасдан кириш визаларини расмийлаштиришни таъминласин;
Ўзбекистон кураш федерациясига хорижда кураш бўйича халқаро мусобақалар ва турнирларни ташкил этиш ва ўтказишда кўмаклашсин.
9. Ўзбекистон Республикаси Ички ишлар вазирлиги Ўзбекистон кураш федерациясининг буюртмалари бўйича курашни ривожлантириш, мутахассисларни тайёрлаш ва малакасини ошириш учун жалб этиладиган хорижий мутахассисларга давлат божи ундирилмасдан кўп марталик кириш визалари берилишини ва муддатининг узайтирилишини, шунингдек, уларнинг турган жойи бўйича рўйхатдан ўтказилишини ва унинг муддати узайтирилишини белгиланган тартибда таъминласин.
10. Ўзбекистон миллий ахборот агентлиги, Ўзбекистон миллий телерадиокомпанияси, Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигига спорт мусобақалари ва турнирларини оммавий ахборот воситаларида мунтазам ва кенг ёритиш орқали курашни оммалаштиришга кўмаклашиш тавсия этилсин.
11. Ўзбекистон Республикаси Адлия вазирлиги бир ой муддатда:
Ўзбекистон Республикаси Олий ва ўрта махсус таълим вазирлиги, Жисмоний тарбия ва спорт давлат қўмитаси, Вазирлар Маҳкамаси ҳузуридаги Давлат тест маркази билан биргаликда кураш бўйича Осиё ўйинлари, Осиё ва жаҳон чемпионатлари, шунингдек, Ўзбекистон биринчилиги ғолибларини олий таълим муассасаларига имтиёзли қабул қилиш тартибини жорий этиш ҳақидаги;
Ўзбекистон Республикаси Жисмоний тарбия ва спорт давлат қўмитаси, бошқа манфаатдор вазирликлар ва идоралар билан биргаликда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисидаги таклифларни Вазирлар Маҳкамасига киритсин.
12. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикасининг Бош прокурори И.Б. Абдуллаев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 2 октябрь,
ПҚ-3306-сон
Oʻzbekiston Respublikasi Prezidentining
Qarori
“Kurash” milliy sport turini yanada rivojlantirish chora-tadbirlari toʻgʻrisida
Keyingi yillarda asrlar davomida mardlik, bagʻrikenglik, oliyjanoblik va halollikning timsoli sifatida eʼzozlanib kelingan, oʻzbek xalqining tarixiy merosi — “Kurash” milliy sport turini (keyingi oʻrinlarda kurash deb yuritiladi) qayta tiklashga alohida eʼtibor qaratilmoqda.
Davlatimizning bevosita koʻllab-quvvatlashi natijasida kurash xalqaro sport turi sifatida keng eʼtirof etildi, “kurash”, “halol”, “taʼzim”, “toʻxta” va “yonbosh” kabi atamalar esa xalqaro sport lugʻati tarkibidan mustahkam oʻrin egalladi.
1998-yil 6-sentabrda taʼsis etilgan Kurash xalqaro assotsiatsiyasi bugungi kunda sayyoramizning beshta qitʼasidagi 129 ta milliy federatsiyani birlashtirgan.
2010-yilda Kurash xalqaro assotsiatsiyasi Olimpiya oʻyinlari dasturiga kiritish uchun buyurtma berishda muhim talab hisoblangan Jahon dopingga qarshi agentligining eʼtirofiga sazovor boʻldi.
2017-yil 20-sentabrda Ashxobod shahrida boʻlib oʻtgan Osiyo Olimpiya kengashining 36-Bosh assambleyasida “Kurash” milliy sport turi tarixda ilk bor XVIII yozgi Osiyo oʻyinlari dasturiga rasman kiritildi.
Kurash xalqaro assotsiatsiyasi va Oʻzbekiston Respublikasi kurashni xalqaro sport musobaqalari va turnirlari dasturlariga, kelgusida esa Olimpiya oʻyinlari dasturiga ham kiritish boʻyicha faol tadbirlarni amalga oshirmoqda.
Shu bilan birga, mavjud ayrim kamchiliklar kurashni yanada rivojlantirishga toʻsqinlik qilmoqda, xususan:
birinchidan, “Kurash” milliy sport turini, ayniqsa, voyaga yetmaganlar va yoshlar oʻrtasida, oʻsib kelayotgan avlodning milliy iftixor va vatanparvarlik tuygʻusini mustahkamlash maqsadida ommalashtirish boʻyicha amalga oshirilayotgan ishlar zamon talablariga javob bermayapti;
ikkinchidan, mazkur sport turi boʻyicha qobiliyatli kurashchilarni aniqlash va saralash hamda ularning mashq qilishi, shuningdek, murabbiy va hakamlarni tayyorlashning samarali mexanizmlarini joriy etish imkonini beradigan klub va seksiyalarning yaxlit tizimi shakllantirilmagan;
uchinchidan, yoshlarni ushbu sport turi bilan shugʻullanishga kengroq jalb etishga qaratilgan xalqaro musobaqalar gʻoliblari va sovrindorlarini ragʻbatlantirishning samarali tizimi joriy etilmagan;
toʻrtinchidan, zarur moddiy-texnik baza va sport infratuzilmasining yetarli emasligi, sport anjomlarini ishlab chiqish yoʻlga qoʻyilmaganligi sportchilar mashgʻulotlarini talab darajasida tashkil etishga hamda kurash boʻyicha xalqaro musobaqalarni oʻtkazishga toʻsqinlik qilmoqda.
“Kurash” milliy sport turini aholi, ayniqsa, voyaga yetmaganlar va yoshlar oʻrtasida yanada rivojlantirish hamda ommalashtirish, oʻsib kelayotgan avlodda milliy iftixor va vatanparvarlik tuygʻusini mustahkamlash, shuningdek, jamiyatda sogʻlom turmush tarzini targʻib qilish va jahon sport maydonida yuqori natijalarga erishishni taʼminlash maqsadida:
1. 6-sentabr — “Kurash” milliy sport turi kuni sifatida belgilansin.
2. Oʻzbekiston Respublikasi Vazirlar Mahkamasi ikki hafta muddatda, jumladan, quyidagilarni nazarda tutuvchi “Kurash” milliy sport turini yanada rivojlantirish va ommalashtirish boʻyicha kompleks chora-tadbirlar dasturini ishlab chiqsin va tasdiqlasin:
Nukus shahri va viloyat markazlarida “Kurash” milliy sport turi markazlari, har bir tuman (shahar)da zamonaviy sport klublari va seksiyalarini tashkil etish;
kurash boʻyicha respublika, xalqaro musobaqa va turnirlarni doimiy asosda tashkil etish va oʻtkazish;
kurash boʻyicha respublika, xalqaro musobaqa va turnirlar ishtirokchilarining avtomatlashtirilgan maʼlumotlar bazasini joriy etish;
“Kurash” yoʻnalishi boʻyicha oliy va oʻrta maxsus, kasb-hunar taʼlimi muassasalariga qabul kvotalarini oshirish;
mazkur sport turi bilan shugʻullanish uchun jahon standartlariga javob beradigan “yaktak” sport kiyimlari va “kurash gilam”larini ishlab chiqarishni tashkil etish;
kurashni, shu jumladan, reklama kampaniyalarini oʻtkazish va ijtimoiy roliklarni namoyish etish orqali ommalashtirish boʻyicha media-reja ishlab chiqish.
3. Oʻzbekiston Respublikasi Xalq taʼlimi vazirligi, Oliy va oʻrta maxsus taʼlim vazirligi, Jismoniy tarbiya va sport davlat qoʻmitasi “Kurash” milliy sport turini “Umid nihollari”, “Barkamol avlod” va Universiada sport oʻyinlari dasturiga oʻrnatilgan tartibda kiritilishini taʼminlasin.
4. Oʻzbekiston kurash federatsiyasining Oʻzbekiston kurash federatsiyasi huzurida “Kurash” milliy sport turi markazi” nodavlat notijorat tashkilotini tashkil etish va Toshkent shahar, Korxojaota koʻchasi, 25-uy manzili boʻyicha joylashtirish toʻgʻrisidagi taklifi maʼqullansin.
Toshkent shahar hokimligi “Kurash” milliy sport turi markazini mazkur bandning birinchi xatboshisida koʻrsatilgan manzil boʻyicha bepul joylashtirilishini taʼminlasin.
5. Oʻzbekiston Respublikasi Vazirlar Mahkamasi bir oy muddatda Oʻzbekiston kurash federatsiyasi va uning boʻlinmalari faoliyatini muntazam qoʻllab-quvvatlash, shu jumladan, “Kurash” milliy sport turi markazi binosini rekonstruksiya qilish va moddiy-texnik jihozlash uchun homiylik mablagʻlarini jalb etish boʻyicha takliflar kiritsin.
6. Quyidagi tartib oʻrnatilsin, unga muvofiq:
yuridik shaxslarning soliq solinadigan foydasi (yalpi tushumi) Oʻzbekiston kurash federatsiyasi faoliyatini moliyalashtirish uchun yoʻnaltirilgan badal, homiylik va xayriya yordam koʻrinishidagi mablagʻlar miqdoriga, lekin soliq solinadigan foydaning (yalpi tushumning) oʻn foizidan koʻp boʻlmagan miqdorga kamayadi;
Oʻzbekiston kurash federatsiyasi tomonidan sportchilar va murabbiylarga topshiriladigan pul mukofotlari va qimmatbaho sovgʻalar koʻrinishidagi daromadlar jismoniy shaxslardan olinadigan daromad soligʻidan ozod qilinadi.
7. Sportchilarni hammabop va sifatli sport kiyimlari va inventarlari bilan taʼminlash maqsadida asosiy faoliyati “yaktak” sport kiyimlari va (yoki) “kurash gilam”larini ishlab chiqarishga ixtisoslashtirilgan korxonalar besh yil muddatga barcha turdagi soliqlar va davlat maqsadli jamgʻarmalariga majburiy ajratmalarni toʻlashdan ozod qilinsin, Oʻzbekiston Respublikasi Moliya vazirligi huzuridagi budjetdan tashqari Pensiya jamgʻarmasi bundan mustasno.
8. Oʻzbekiston Respublikasi Tashqi ishlar vazirligi:
Oʻzbekiston kurash federatsiyasining buyurtmalari boʻyicha kurashni rivojlantirish, mutaxassislarni tayyorlash va malakasini oshirish uchun jalb etiladigan xorijiy mutaxassislarga konsullik va boshqa yigʻimlarni undirmasdan kirish vizalarini rasmiylashtirishni taʼminlasin;
Oʻzbekiston kurash federatsiyasiga xorijda kurash boʻyicha xalqaro musobaqalar va turnirlarni tashkil etish va oʻtkazishda koʻmaklashsin.
9. Oʻzbekiston Respublikasi Ichki ishlar vazirligi Oʻzbekiston kurash federatsiyasining buyurtmalari boʻyicha kurashni rivojlantirish, mutaxassislarni tayyorlash va malakasini oshirish uchun jalb etiladigan xorijiy mutaxassislarga davlat boji undirilmasdan koʻp martalik kirish vizalari berilishini va muddatining uzaytirilishini, shuningdek, ularning turgan joyi boʻyicha roʻyxatdan oʻtkazilishini va uning muddati uzaytirilishini belgilangan tartibda taʼminlasin.
10. Oʻzbekiston milliy axborot agentligi, Oʻzbekiston milliy teleradiokompaniyasi, Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligiga sport musobaqalari va turnirlarini ommaviy axborot vositalarida muntazam va keng yoritish orqali kurashni ommalashtirishga koʻmaklashish tavsiya etilsin.
11. Oʻzbekiston Respublikasi Adliya vazirligi bir oy muddatda:
Oʻzbekiston Respublikasi Oliy va oʻrta maxsus taʼlim vazirligi, Jismoniy tarbiya va sport davlat qoʻmitasi, Vazirlar Mahkamasi huzuridagi Davlat test markazi bilan birgalikda kurash boʻyicha Osiyo oʻyinlari, Osiyo va jahon chempionatlari, shuningdek, Oʻzbekiston birinchiligi gʻoliblarini oliy taʼlim muassasalariga imtiyozli qabul qilish tartibini joriy etish haqidagi;
Oʻzbekiston Respublikasi Jismoniy tarbiya va sport davlat qoʻmitasi, boshqa manfaatdor vazirliklar va idoralar bilan birgalikda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisidagi takliflarni Vazirlar Mahkamasiga kiritsin.
12. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasining Bosh prokurori I.B. Abdullayev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 2-oktabr,
PQ-3306-son
Президента Республики Узбекистан
Постановление
О мерах по дальнейшему развитию национального вида спорта «Кураш»
За последние годы уделяется особое внимание возрождению исторического наследия узбекского народа — национального вида спорта «Кураш» (далее — кураш), на протяжении веков почитаемого как символ благородства, смелости, великодушия и честности.
При непосредственной поддержке государства кураш получил широкое признание в качестве международного вида спорта, а такие термины, как «кураш», «халол», «таъзим», «тухта» и «ёнбош» прочно вошли в международный спортивный лексикон.
6 сентября 1998 года учреждена Международная ассоциация кураш, которая сегодня объединяет 129 национальных федераций на пяти континентах планеты.
В 2010 году Международная ассоциация кураш получила признание Всемирного антидопингового агентства, что является важнейшим требованием при подаче заявки для включения в программу Олимпийских игр.
На 36-ой Генеральной ассамблее Олимпийского совета Азии, прошедшей 20 сентября 2017 года в городе Ашхабаде, впервые в истории национальный вид спорта «Кураш» официально включен в программу ХVIII летних Азиатских игр.
Международная ассоциация кураш и Республика Узбекистан осуществляют активную работу по включению кураш в программы международных спортивных соревнований и турниров, и в последующем в программу Олимпийских игр.
Вместе с тем, наличие ряда недостатков препятствует дальнейшему развитию кураш, в их числе:
первое, не отвечает современным требованиям осуществляемая работа по популяризации национального вида спорта «Кураш», особенно среди несовершеннолетних и молодежи, направленная на укрепление чувства национальной гордости и патриотизма среди подрастающего поколения;
второе, отсутствует целостная система клубов и секций кураш, позволяющая внедрить эффективные механизмы выявления и отбора талантливых борцов и их тренировки, а также подготовки тренеров и судей по данному виду спорта;
третье, не внедрена эффективная система поощрения победителей и призеров международных соревнований, направленная на широкое вовлечение молодежи к занятиям данным видом спорта;
четвертое, отсутствует необходимая материально-техническая база и спортивная инфраструктура, не налажено производство экипировки, что препятствует организации на должном уровне тренировок спортсменов и проведению международных соревнований по кураш.
В целях дальнейшего развития и популяризации национального вида спорта «Кураш» среди населения, особенно несовершеннолетних и молодежи, укрепления чувства национальной гордости и патриотизма у подрастающего поколения, а также пропаганды здорового образа жизни в обществе и обеспечения высоких достижений на мировой спортивной арене:
1. Установить 6 сентября — Днем национального вида спорта «Кураш».
2. Кабинету Министров Республики Узбекистан в двухнедельный срок разработать и утвердить Программу комплексных мер по дальнейшему развитию и популяризации национального вида спорта «Кураш», в том числе предусматривающую:
создание в городе Нукусе и областных центрах республики центров национального вида спорта «Кураш», в каждом районе (городе) — современных спортивных клубов и секций;
организацию и проведение на постоянной основе республиканских, международных соревнований и турниров по кураш;
внедрение автоматизированной базы данных участников республиканских, международных соревнований и турниров по кураш;
увеличение квот приема в высшие и средние специальные, профессиональные образовательные учреждения по направлению «Кураш»;
организацию производства спортивной экипировки «яктак» и матов «гилам» для занятия данным видом спорта, отвечающих мировым стандартам;
разработку медиа-плана по популяризации кураш, в том числе посредством проведения рекламных кампаний и демонстрации социальных роликов.
3. Министерству народного образования, Министерству высшего и среднего специального образования, Государственному комитету Республики Узбекистан по физической культуре и спорту обеспечить включение в установленном порядке национального вида спорта «Кураш» в программы спортивных игр «Умид нихоллари», «Баркамол авлод» и Универсиада.
4. Одобрить предложение Федерации кураш Узбекистана о создании негосударственной некоммерческой организации «Центр национального вида спорта «Кураш» при Федерации кураш Узбекистана и размещении по адресу: город Ташкент, улица Корходжаота, дом 25.
Хокимияту города Ташкента обеспечить размещение Центра национального вида спорта «Кураш» на безвозмездной основе по адресу, указанному в абзаце первом настоящего пункта.
5. Кабинету Министров Республики Узбекистан в месячный срок внести предложения о привлечении спонсорских средств для оказания поддержки на постоянной основе деятельности Федерации кураш Узбекистана и ее подразделений, в том числе реконструкции и материально-технического оснащения здания Центра национального вида спорта «Кураш».
6. Установить порядок, в соответствии с которым:
налогооблагаемая прибыль (валовая выручка) юридических лиц уменьшается на сумму взносов, средств в виде спонсорской и благотворительной помощи, направляемых на финансирование деятельности Федерации кураш Узбекистана, но не более десяти процентов налогооблагаемой прибыли (валовой выручки);
доходы в виде денежных премий и ценных призов, вручаемых Федерацией кураш Узбекистана спортсменам и тренерам, освобождаются от налога на доходы физических лиц.
7. Освободить от уплаты всех видов налогов и обязательных отчислений в государственные целевые фонды, кроме внебюджетного Пенсионного фонда при Министерстве финансов Республики Узбекистан, сроком на пять лет по основной деятельности предприятий, специализирующихся на выпуске спортивной экипировки «яктак» и (или) матов «гилам», с целью обеспечения спортсменов доступной и качественной спортивной экипировкой и инвентарем.
8. Министерству иностранных дел Республики Узбекистан:
обеспечить по заявкам Федерации кураш Узбекистана оформление въездных виз иностранным специалистам, привлекаемым для развития кураш, подготовки и повышения квалификации специалистов, без взимания консульских и иных сборов;
оказывать Федерации кураш Узбекистана содействие в организации и проведении международных соревнований и турниров по кураш за рубежом.
9. Министерству внутренних дел Республики Узбекистан обеспечить по заявкам Федерации кураш Узбекистана выдачу и продление многократных виз, а также регистрацию по месту пребывания и продление ее срока иностранным специалистам, привлекаемым для развития кураш, подготовки и повышения квалификации специалистов, без взимания государственной пошлины.
10. Рекомендовать Национальному информационному агентству Узбекистана, Национальной телерадиокомпании Узбекистана, Агентству информации и массовых коммуникаций при Администрации Президента Республики Узбекистан оказывать содействие в популяризации кураш посредством регулярного и широкого освещения в средствах массовой информации спортивных соревнований и турниров.
11. Министерству юстиции в месячный срок внести в Кабинет Министров Республики Узбекистан предложения:
совместно с Министерством высшего и среднего специального образования, Государственным комитетом по физической культуре и спорту, Государственным центром тестирования при Кабинете Министров Республики Узбекистан — о внедрении порядка льготного поступления в высшие образовательные учреждения победителей Азиатских игр, чемпионатов Азии и мира, а также первенства Узбекистана по кураш;
совместно с Государственным комитетом Республики Узбекистан по физической культуре и спорту, иными заинтересованными министерствами и ведомствами — об изменениях и дополнениях в законодательство, вытекающих из настоящего постановления.
12. Контроль за исполнением настоящего постановления возложить на Премьер-министра Республики Узбекистан А.Н. Арипова и Генерального прокурора Республики Узбекистан И.Б. Абдуллаева.
Президент Республики Узбекистан Ш. МИРЗИЁЕВ
г. Ташкент,
2 октября 2017 г.,
№ ПП-3306