📅 2017-yil 30-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 30 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 30 сентября 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 30 September 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
буюртманома
жамланган буюртманома
Заргарлик маҳсулотлари ишлаб чиқариш учун қимматбаҳо металларни сотиш ва ҳисоб-китобларни амалга ошириш тартиби тўғрисидаги низомни тасдиқлаш ҳақида
Ўзбекистон Республикаси Президентининг «Заргарлик саноатини давлат томонидан қўллаб-қувватлаш чора-тадбирлари тўғрисида» 2017 йил 10 августдаги 3199-сон қарори ижроси юзасидан Вазирлар Маҳкамаси қарор қилади:
1. Заргарлик маҳсулотлари ишлаб чиқариш учун қимматбаҳо металларни сотиш ва ҳисоб-китобларни амалга ошириш тартиби тўғрисидаги низом иловага мувофиқ тасдиқлансин ва 2017 йилнинг 1 октябридан амалга киритилсин.
2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Қўчқоров ва Ўзбекистон Республикаси Марказий банки раиси М.Б. Нурмуратов зиммасига юклансин.
Вазирлар Маҳкамасининг 2017 йил 30 сентябрдаги 778-сон қарорига ИЛОВА
Заргарлик буюмларини ишлаб чиқариш учун қимматбаҳо металларни сотиш ва ҳисоб-китобларни амалга ошириш тартиби тўғрисида
1-боб. Умумий қоидалар
1. Ушбу Низом Ўзбекистон Республикаси Президентининг «Заргарлик саноатини давлат томонидан қўллаб-қувватлаш чора-тадбирлари тўғрисида» 2017 йил 10 августдаги ПП-3199-сон қарорига мувофиқ заргарлик буюмларини ишлаб чиқариш учун қимматбаҳо металларни сотиш ва ҳисоб-китобларни амалга ошириш тартибини белгилайди.
2. Олтин ва кумуш (кейинги ўринларда қимматбаҳо металлар деб аталади) қимматбаҳо металлар ва тошлардан заргарлик ҳамда бошқа буюмлар (кейинги ўринларда заргарлик буюмлари деб аталади) ишлаб чиқариш учун Ўзбекистон Республикаси Молия вазирлиги ҳузуридаги Давлат асиллик даражасини белгилаш палатаси (кейинги ўринларда Давлат асиллик даражасини белгилаш палатаси деб аталади) берадиган лицензияга эга юридик шахслар ва якка тартибдаги тадбиркорлар (кейинги ўринларда заргарлик буюмлари ишлаб чиқарувчилар деб аталади) томонидан сотиб олинади.
3. Қимматбаҳо металлар пластиналари заргарлик буюмларини ишлаб чиқарувчиларга ушбу Низомга 1-иловага мувофиқ схемага асосан сотилади.
4. «Навоий КМК» ДК ва «Олмалиқ КМК» АЖ ёки бошқа қимматбаҳо металларни ишлаб чиқарувчилар қимматбаҳо металларни (тилла ва кумуш) ўлчамли пластиналар ва гранулалар кўринишида давлат стандарти асосида ишлаб чиқаришни таъминлайди.
2-боб. Заргарлик буюмларини ишлаб чиқарувчиларига қимматбаҳо металларни сотиш механизми
5. Заргарлик буюмларини ишлаб чиқарувчилар тижорат банкларига ушбу Низомга 1-иловада назарда тутилган муддатларда ҳамда ушбу Низомга 2-иловага мувофиқ шаклда қимматбаҳо металларнинг керакли ҳажмларини кўрсатган ҳолда буюртманомалар тақдим этади. Бунда буюртманоманинг энг кам миқдори 100 граммдан кам бўлмаслиги зарур.
Тижорат банки заргарлик буюмларини ишлаб чиқарувчи буюртманомани тақдим этишда «Лицензия» (www.license.uz) ахборот тизимидан фойдаланган ҳолда унинг заргарлик буюмларини ишлаб чиқариш учун амалдаги лицензиясини Ўзбекистон Республикаси Очиқ маълумотлар портали орқали текширади ёки қабул қилинган буюртманомани ундаги маълумотларни қайд этган ҳолда алоҳида рўйхатга олиш дафтарига киритади.
Заргарлик буюмларини ишлаб чиқарувчилар қимматбаҳо металларнинг буюртманомада қайд этилган миқдорини сотиб олиш учун зарур маблағларни тижорат банкида ушбу Низомнинг 14-15 бандларига мувофиқ депозитга қўяди.
6. Бош тижорат банклари заргарлик буюмларини ишлаб чиқарувчиларнинг буюртманомаларидан келиб чиқиб, ҳар иш кунида соат 12:00 га қадар Ўзбекистон Республикаси Марказий банкига (кейинги ўринларда Марказий банк деб аталади) керакли миқдордаги қимматбаҳо металларни сотиб олиш учун жамланган буюртманомаларни ушбу Низомга 3-иловага мувофиқ шаклда тақдим этади.
7. Марказий банк бош тижорат банкидан жамланган буюртманомаларни олгандан кейин икки иш куни давомида ва сотиладиган қимматбаҳо металлар пластиналарининг ҳақиқий оғирлигидан келиб чиқиб, бош тижорат банкига тўлов ҳисоб-фактурасини тақдим этади.
8. Бош тижорат банки Марказий банк тўлов ҳисоб-фактурасини тақдим этган санадан икки иш куни давомида қимматбаҳо металлар учун тўловни тўлиқ амалга оширади.
Бош тижорат банки тўловни амалга оширгандан сўнг Марказий банкка тўловни амалга оширган заргарлик буюмларини ишлаб чиқарувчилар бўйича қимматбаҳо металлар миқдори, қимматбаҳо металлар пластиналарини қабул қилиш ваколати берилган эга моддий жавобгар шахс ҳақидаги маълумотлар (фамилияси, отасининг исми, паспорт серияси ва рақами) кўрсатилган ва тижорат банкининг қимматбаҳо бойликларни олиш учун ишончномаси илова қилинган хатни юборади.
9. Марказий банк тўлови амалга оширилган тегишли миқдордаги қимматбаҳо металлар пластиналарини бош тижорат банкларига тақдим этади.
11. Тижорат банклари заргарлик буюмларини ишлаб чиқарувчиларга уларнинг буюртманомалари асосида сотиб олинган қимматбаҳо металларни Марказий банкдан олинган кундан бошлаб беш кун давомида беради.
Тижорат банклари қимматбаҳо металларни қонунчиликда белгиланган тартибда хавфсизлик талабларига риоя этган ҳолда транспортировка қилади.
12. Марказий банк ва бош тижорат банклари, шунингдек тижорат банклари ва заргарлик буюмларини ишлаб чиқарувчилар ўртасида қимматбаҳо металларни сотиш бўйича операциялар алоҳида шартномалар асосида амалга оширилади.
3-боб. Қимматбаҳо металлар бўйича ҳисоб-китобларни амалга оширилиш
13. Марказий банк оғирлиги 100 грамм бўлган пластиналар шаклидаги қимматли металларни олдиндан тўлиқ тўлаш шарти билан миллий валютада сотади.
14. Қимматбаҳо металл баҳоси тижорат банки Марказий банкка буюртманомани тақдим этган кунда амал қилинган Лондон қимматбаҳо металлар биржасининг эрталабки фиксинг нархи ва Марказий банк курси асосида унинг соф оғирлиги ва тижорат банкларида депозитга қўйилган маблағлар миқдори бўйича ҳисобланади.
Қимматбаҳо металл баҳоси ушбу Низомга 4-иловага мувофиқ ҳисоб-китоблар асосида белгиланади.
15. Тижорат банкининг талабига асосан депозитга қўйиладиган маблағ миқдори заргарлик буюмларини ишлаб чиқарувчи томонидан Марказий банк тақдим этган ва қимматбаҳо металлар пластиналарининг аниқ оғирлигидан келиб чиққан ҳолда ҳисоблаб чиқилган тўлов ҳисоб-фактурасига асосан тўлдирилиши ҳамда қимматбахо металлнинг буюртма берилган миқдорини сотиб олишга етарли бўлиши керак. Депозитга қўйиладиган маблағ миқдорига ушбу Низомнинг 16-бандига мувофиқ тижорат банкининг маржаси ва 17-бандига асосан Марказий банкка тўланадиган воситачилик ҳақи ҳам киритилади.
Қимматбаҳо металларни сотиб олиш учун депозитга қўйилган маблағ миқдори етарли бўлмаса, заргарлик буюмларини ишлаб чиқарувчининг буюртманомаси бекор қилинади.
16. Тижорат банклари қимматбаҳо металларни заргарлик буюмларини ишлаб чиқарувчиларга сотади.
Бунда тижорат банклари қимматбаҳо металлар ҳисобини тегишли ҳисобварақларда юритади ва заргарлик буюмларини ишлаб чиқарувчилардан сотиладиган қимматбаҳо металл қийматининг 1 фоизидан кўп бўлмаган миқдорда маржа олади.
Тижорат банкларига «Навоий КМК» ДК ва «Олмалиқ КМК» АЖдан қимматбаҳо металларни (олтин ва кумуш) ўлчамли пластиналар кўринишида, шунингдек, 5 грамм оғирликдаги ва ундан оғир гранулаларни (қимматбаҳо металлар соф оғирлигига қайта ҳисоблаганда) Лондон қимматбаҳо металлар биржасининг тонгги фиксинги асосида миллий валютада сотиб олиш ҳуқуқи берилади.
17. Бундан ташқари, тижорат банклари заргарлик буюмларини ишлаб чиқарувчилардан сотилган қимматбаҳо металлар қийматининг 1 фоизи миқдорида воситачилик ҳақини ушлаб қолади ва кейинчалик ушбу воситачилик ҳақи Марказий банкка қимматбаҳо металлар пластиналарини ишлаб чиқариш (қайта ишлаш, транспортировка қилиш, сақлаш ва бошқалар) билан боғлиқ харажатларни қоплаш учун тўланади.
«Навоий КМК» ДК ва «Олмалиқ КМК» АЖдан қимматбаҳо металлар мустақил сотиб олинган тақдирда, Марказий банкка қимматбаҳо металллар пластиналарини ишлаб чиқариш (қайта ишлаш, ташиш, сақлаш ва бошқалар) билан боғлиқ харажатларни қоплаш учун воситачилик ҳақи тўланмайди ва банк ихтиёрида қолади.
18. Заргарлик буюмларини ишлаб чиқарувчи ўз фаолиятини тўхтатганда, у ушбу Низомга мувофиқ сотиб олинган ва фойдаланилмай қолган қимматбаҳо металларни бошқа заргарлик маҳсулотлари ишлаб чиқарувчисига сотиш ҳуқуқига эга.
4-боб. Якуний қоидалар
19. Давлат асллик даражасини белгилаш палатаси ва давлат солиқ хизмати органлари қонунчиликка мувофиқ заргарлик буюмларини ишлаб чиқарувчилар томонидан сотиб олинган қимматбаҳо металлардан мақсадли фойдаланишни назорат қилади (устав жамғармасида давлат улушига эга бўлмаган ёки камида 50 фоиз давлат улушига эга бўлган юридик шахслар, шунингдек, якка тартибдаги тадбиркорлар бундан мустасно).
20. Заргарлик буюмларини ишлаб чиқарувчилар заргарлик буюмларини ишлаб чиқариш учун сотиб олинган қимматбаҳо металлардан мақсадли фойдаланиш учун шахсан жавоб беради.
21. Ушбу Низом талабларини бузишда айбдор шахслар қонунчиликка мувофиқ жавоб беради.
Заргарлик буюмларини ишлаб чиқариш учун қимматбаҳо металларни сотиш ва ҳисоб-китобларни амалга ошириш тартиби тўғрисидаги низомга 1-ИЛОВА
Заргарлик буюмларини ишлаб чиқарувчилар учун қимматбаҳо металларни сотиш
Заргарлик буюмларини ишлаб чиқариш учун қимматбаҳо металларни сотиш ва ҳисоб-китобларни амалга ошириш тартиби тўғрисидаги низомга 2-ИЛОВА
Заргарлик буюмларини ишлаб чиқариш учун қимматбаҳо металлар пластиналарини сотиб олиш учун
Заргарлик буюмларини ишлаб чиқариш учун қимматбаҳо металларни сотиш ва ҳисоб-китобларни амалга ошириш тартиби тўғрисидаги низомга 3-ИЛОВА
Заргарлик буюмларини ишлаб чиқарувчиларга кейинчалик сотиш учун (банк номи * ) томонидан қимматбаҳо металлар пластиналарини харид қилиш бўйича
Т/р Заргарлик буюмларини ишлаб чиқарувчиларнинг номи Лицензия рақами, берилган санаси ва амал қилиш муддати Қимматбаҳо металл номи Қимматбаҳо металл ҳажми (граммда) 1. 2. … Жами (металл ҳажми) Раҳбар (Ф.И.О. имзо) Бош бухгалтер (Ф.И.О. имзо)
Заргарлик буюмларини ишлаб чиқариш учун қимматбаҳо металларни сотиш ва ҳисоб-китобларни амалга ошириш тартиби тўғрисидаги низомга 4-ИЛОВА
Қимматбаҳо металл қийматининг хисоб-китоби *
1. 1 грамм қимматбаҳо металлнинг баҳоси қуйидаги формула асосида ҳисобланади:
P G/UZS = ((P W / Y) * E CB ) вергулдан сўнг икки касрли хонага қадар яхлитланади
бунда:
P G/UZS — бир грамм учун сўмдаги нарх;
P W — Лондон қимматбаҳо металлар биржасидаги эрталабки фиксинг нархи (долл./тр.унц.);
Y — бир трой унциясининг метрик граммдаги эквиваленти (1 тройунцияси = 31,1035 грамм);
E CB — 1 АҚШ доллари учун Марказий банкнинг сўмга нисбатан ўрнатилган курси.
2. Сотиб олинган қимматбаҳо металлнинг умумий қиймати қуйидаги формула асосида ҳисобланади:
∑= (V* P G/UZS ) вергулдан сўнг икки касрли хонага қадар яхлитланади
бунда:
∑ — қимматбаҳо металл учун сўмда тўланадиган қиймат;
V — қимматбаҳо металлнинг граммдаги оғирлиги;
P G/UZS — бир грамм учун сўмдаги нарх.
Ўзбекистон Республикасининг Бош вазири А. АРИПОВ
Тошкент ш.,
2017 йил 30 сентябрь,
778-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
buyurtmanoma
jamlangan buyurtmanoma
Zargarlik mahsulotlari ishlab chiqarish uchun qimmatbaho metallarni sotish va hisob-kitoblarni amalga oshirish tartibi toʻgʻrisidagi nizomni tasdiqlash haqida
Oʻzbekiston Respublikasi Prezidentining “Zargarlik sanoatini davlat tomonidan qoʻllab-quvvatlash chora-tadbirlari toʻgʻrisida” 2017-yil 10-avgustdagi 3199-son qarori ijrosi yuzasidan Vazirlar Mahkamasi qaror qiladi:
1. Zargarlik mahsulotlari ishlab chiqarish uchun qimmatbaho metallarni sotish va hisob-kitoblarni amalga oshirish tartibi toʻgʻrisidagi nizom ilovaga muvofiq tasdiqlansin va 2017-yilning 1-oktabridan amalga kiritilsin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov va Oʻzbekiston Respublikasi Markaziy banki raisi M.B. Nurmuratov zimmasiga yuklansin.
Vazirlar Mahkamasining 2017-yil 30-sentabrdagi 778-son qaroriga ILOVA
Zargarlik buyumlarini ishlab chiqarish uchun qimmatbaho metallarni sotish va hisob-kitoblarni amalga oshirish tartibi toʻgʻrisida
1-bob. Umumiy qoidalar
1. Ushbu Nizom Oʻzbekiston Respublikasi Prezidentining “Zargarlik sanoatini davlat tomonidan qoʻllab-quvvatlash chora-tadbirlari toʻgʻrisida” 2017-yil 10-avgustdagi PP-3199-son qaroriga muvofiq zargarlik buyumlarini ishlab chiqarish uchun qimmatbaho metallarni sotish va hisob-kitoblarni amalga oshirish tartibini belgilaydi.
2. Oltin va kumush (keyingi oʻrinlarda qimmatbaho metallar deb ataladi) qimmatbaho metallar va toshlardan zargarlik hamda boshqa buyumlar (keyingi oʻrinlarda zargarlik buyumlari deb ataladi) ishlab chiqarish uchun Oʻzbekiston Respublikasi Moliya vazirligi huzuridagi Davlat asillik darajasini belgilash palatasi (keyingi oʻrinlarda Davlat asillik darajasini belgilash palatasi deb ataladi) beradigan litsenziyaga ega yuridik shaxslar va yakka tartibdagi tadbirkorlar (keyingi oʻrinlarda zargarlik buyumlari ishlab chiqaruvchilar deb ataladi) tomonidan sotib olinadi.
3. Qimmatbaho metallar plastinalari zargarlik buyumlarini ishlab chiqaruvchilarga ushbu Nizomga 1-ilovaga muvofiq sxemaga asosan sotiladi.
4. “Navoiy KMK” DK va “Olmaliq KMK” AJ yoki boshqa qimmatbaho metallarni ishlab chiqaruvchilar qimmatbaho metallarni (tilla va kumush) oʻlchamli plastinalar va granulalar koʻrinishida davlat standarti asosida ishlab chiqarishni taʼminlaydi.
2-bob. Zargarlik buyumlarini ishlab chiqaruvchilariga qimmatbaho metallarni sotish mexanizmi
5. Zargarlik buyumlarini ishlab chiqaruvchilar tijorat banklariga ushbu Nizomga 1-ilovada nazarda tutilgan muddatlarda hamda ushbu Nizomga 2-ilovaga muvofiq shaklda qimmatbaho metallarning kerakli hajmlarini koʻrsatgan holda buyurtmanomalar taqdim etadi. Bunda buyurtmanomaning eng kam miqdori 100 grammdan kam boʻlmasligi zarur.
Tijorat banki zargarlik buyumlarini ishlab chiqaruvchi buyurtmanomani taqdim etishda “Litsenziya” (www.license.uz) axborot tizimidan foydalangan holda uning zargarlik buyumlarini ishlab chiqarish uchun amaldagi litsenziyasini Oʻzbekiston Respublikasi Ochiq maʼlumotlar portali orqali tekshiradi yoki qabul qilingan buyurtmanomani undagi maʼlumotlarni qayd etgan holda alohida roʻyxatga olish daftariga kiritadi.
Zargarlik buyumlarini ishlab chiqaruvchilar qimmatbaho metallarning buyurtmanomada qayd etilgan miqdorini sotib olish uchun zarur mablagʻlarni tijorat bankida ushbu Nizomning 14-15 bandlariga muvofiq depozitga qoʻyadi.
6. Bosh tijorat banklari zargarlik buyumlarini ishlab chiqaruvchilarning buyurtmanomalaridan kelib chiqib, har ish kunida soat 12:00 ga qadar Oʻzbekiston Respublikasi Markaziy bankiga (keyingi oʻrinlarda Markaziy bank deb ataladi) kerakli miqdordagi qimmatbaho metallarni sotib olish uchun jamlangan buyurtmanomalarni ushbu Nizomga 3-ilovaga muvofiq shaklda taqdim etadi.
7. Markaziy bank bosh tijorat bankidan jamlangan buyurtmanomalarni olgandan keyin ikki ish kuni davomida va sotiladigan qimmatbaho metallar plastinalarining haqiqiy ogʻirligidan kelib chiqib, bosh tijorat bankiga toʻlov hisob-fakturasini taqdim etadi.
8. Bosh tijorat banki Markaziy bank toʻlov hisob-fakturasini taqdim etgan sanadan ikki ish kuni davomida qimmatbaho metallar uchun toʻlovni toʻliq amalga oshiradi.
Bosh tijorat banki toʻlovni amalga oshirgandan soʻng Markaziy bankka toʻlovni amalga oshirgan zargarlik buyumlarini ishlab chiqaruvchilar boʻyicha qimmatbaho metallar miqdori, qimmatbaho metallar plastinalarini qabul qilish vakolati berilgan ega moddiy javobgar shaxs haqidagi maʼlumotlar (familiyasi, otasining ismi, pasport seriyasi va raqami) koʻrsatilgan va tijorat bankining qimmatbaho boyliklarni olish uchun ishonchnomasi ilova qilingan xatni yuboradi.
9. Markaziy bank toʻlovi amalga oshirilgan tegishli miqdordagi qimmatbaho metallar plastinalarini bosh tijorat banklariga taqdim etadi.
11. Tijorat banklari zargarlik buyumlarini ishlab chiqaruvchilarga ularning buyurtmanomalari asosida sotib olingan qimmatbaho metallarni Markaziy bankdan olingan kundan boshlab besh kun davomida beradi.
Tijorat banklari qimmatbaho metallarni qonunchilikda belgilangan tartibda xavfsizlik talablariga rioya etgan holda transportirovka qiladi.
12. Markaziy bank va bosh tijorat banklari, shuningdek tijorat banklari va zargarlik buyumlarini ishlab chiqaruvchilar oʻrtasida qimmatbaho metallarni sotish boʻyicha operatsiyalar alohida shartnomalar asosida amalga oshiriladi.
3-bob. Qimmatbaho metallar boʻyicha hisob-kitoblarni amalga oshirilish
13. Markaziy bank ogʻirligi 100 gramm boʻlgan plastinalar shaklidagi qimmatli metallarni oldindan toʻliq toʻlash sharti bilan milliy valyutada sotadi.
14. Qimmatbaho metall bahosi tijorat banki Markaziy bankka buyurtmanomani taqdim etgan kunda amal qilingan London qimmatbaho metallar birjasining ertalabki fiksing narxi va Markaziy bank kursi asosida uning sof ogʻirligi va tijorat banklarida depozitga qoʻyilgan mablagʻlar miqdori boʻyicha hisoblanadi.
Qimmatbaho metall bahosi ushbu Nizomga 4-ilovaga muvofiq hisob-kitoblar asosida belgilanadi.
15. Tijorat bankining talabiga asosan depozitga qoʻyiladigan mablagʻ miqdori zargarlik buyumlarini ishlab chiqaruvchi tomonidan Markaziy bank taqdim etgan va qimmatbaho metallar plastinalarining aniq ogʻirligidan kelib chiqqan holda hisoblab chiqilgan toʻlov hisob-fakturasiga asosan toʻldirilishi hamda qimmatbaxo metallning buyurtma berilgan miqdorini sotib olishga yetarli boʻlishi kerak. Depozitga qoʻyiladigan mablagʻ miqdoriga ushbu Nizomning 16-bandiga muvofiq tijorat bankining marjasi va 17-bandiga asosan Markaziy bankka toʻlanadigan vositachilik haqi ham kiritiladi.
Qimmatbaho metallarni sotib olish uchun depozitga qoʻyilgan mablagʻ miqdori yetarli boʻlmasa, zargarlik buyumlarini ishlab chiqaruvchining buyurtmanomasi bekor qilinadi.
16. Tijorat banklari qimmatbaho metallarni zargarlik buyumlarini ishlab chiqaruvchilarga sotadi.
Bunda tijorat banklari qimmatbaho metallar hisobini tegishli hisobvaraqlarda yuritadi va zargarlik buyumlarini ishlab chiqaruvchilardan sotiladigan qimmatbaho metall qiymatining 1 foizidan koʻp boʻlmagan miqdorda marja oladi.
Tijorat banklariga “Navoiy KMK” DK va “Olmaliq KMK” AJdan qimmatbaho metallarni (oltin va kumush) oʻlchamli plastinalar koʻrinishida, shuningdek, 5 gramm ogʻirlikdagi va undan ogʻir granulalarni (qimmatbaho metallar sof ogʻirligiga qayta hisoblaganda) London qimmatbaho metallar birjasining tonggi fiksingi asosida milliy valyutada sotib olish huquqi beriladi.
17. Bundan tashqari, tijorat banklari zargarlik buyumlarini ishlab chiqaruvchilardan sotilgan qimmatbaho metallar qiymatining 1 foizi miqdorida vositachilik haqini ushlab qoladi va keyinchalik ushbu vositachilik haqi Markaziy bankka qimmatbaho metallar plastinalarini ishlab chiqarish (qayta ishlash, transportirovka qilish, saqlash va boshqalar) bilan bogʻliq xarajatlarni qoplash uchun toʻlanadi.
“Navoiy KMK” DK va “Olmaliq KMK” AJdan qimmatbaho metallar mustaqil sotib olingan taqdirda, Markaziy bankka qimmatbaho metalllar plastinalarini ishlab chiqarish (qayta ishlash, tashish, saqlash va boshqalar) bilan bogʻliq xarajatlarni qoplash uchun vositachilik haqi toʻlanmaydi va bank ixtiyorida qoladi.
18. Zargarlik buyumlarini ishlab chiqaruvchi oʻz faoliyatini toʻxtatganda, u ushbu Nizomga muvofiq sotib olingan va foydalanilmay qolgan qimmatbaho metallarni boshqa zargarlik mahsulotlari ishlab chiqaruvchisiga sotish huquqiga ega.
4-bob. Yakuniy qoidalar
19. Davlat asllik darajasini belgilash palatasi va davlat soliq xizmati organlari qonunchilikka muvofiq zargarlik buyumlarini ishlab chiqaruvchilar tomonidan sotib olingan qimmatbaho metallardan maqsadli foydalanishni nazorat qiladi (ustav jamgʻarmasida davlat ulushiga ega boʻlmagan yoki kamida 50 foiz davlat ulushiga ega boʻlgan yuridik shaxslar, shuningdek, yakka tartibdagi tadbirkorlar bundan mustasno).
20. Zargarlik buyumlarini ishlab chiqaruvchilar zargarlik buyumlarini ishlab chiqarish uchun sotib olingan qimmatbaho metallardan maqsadli foydalanish uchun shaxsan javob beradi.
21. Ushbu Nizom talablarini buzishda aybdor shaxslar qonunchilikka muvofiq javob beradi.
Zargarlik buyumlarini ishlab chiqarish uchun qimmatbaho metallarni sotish va hisob-kitoblarni amalga oshirish tartibi toʻgʻrisidagi nizomga 1-ILOVA
Zargarlik buyumlarini ishlab chiqaruvchilar uchun qimmatbaho metallarni sotish
Zargarlik buyumlarini ishlab chiqarish uchun qimmatbaho metallarni sotish va hisob-kitoblarni amalga oshirish tartibi toʻgʻrisidagi nizomga 2-ILOVA
Zargarlik buyumlarini ishlab chiqarish uchun qimmatbaho metallar plastinalarini sotib olish uchun
Zargarlik buyumlarini ishlab chiqarish uchun qimmatbaho metallarni sotish va hisob-kitoblarni amalga oshirish tartibi toʻgʻrisidagi nizomga 3-ILOVA
Zargarlik buyumlarini ishlab chiqaruvchilarga keyinchalik sotish uchun (bank nomi * ) tomonidan qimmatbaho metallar plastinalarini xarid qilish boʻyicha
T/r Zargarlik buyumlarini ishlab chiqaruvchilarning nomi Litsenziya raqami, berilgan sanasi va amal qilish muddati Qimmatbaho metall nomi Qimmatbaho metall hajmi (grammda) 1. 2. … Jami (metall hajmi) Rahbar (F.I.O. imzo) Bosh buxgalter (F.I.O. imzo)
Zargarlik buyumlarini ishlab chiqarish uchun qimmatbaho metallarni sotish va hisob-kitoblarni amalga oshirish tartibi toʻgʻrisidagi nizomga 4-ILOVA
Qimmatbaho metall qiymatining xisob-kitobi *
1. 1 gramm qimmatbaho metallning bahosi quyidagi formula asosida hisoblanadi:
P G/UZS = ((P W / Y) * E CB ) verguldan soʻng ikki kasrli xonaga qadar yaxlitlanadi
bunda:
P G/UZS — bir gramm uchun soʻmdagi narx;
P W — London qimmatbaho metallar birjasidagi ertalabki fiksing narxi (doll./tr.uns.);
Y — bir troy unsiyasining metrik grammdagi ekvivalenti (1 troyunsiyasi = 31,1035 gramm);
E CB — 1 AQSH dollari uchun Markaziy bankning soʻmga nisbatan oʻrnatilgan kursi.
2. Sotib olingan qimmatbaho metallning umumiy qiymati quyidagi formula asosida hisoblanadi:
∑= (V* P G/UZS ) verguldan soʻng ikki kasrli xonaga qadar yaxlitlanadi
bunda:
∑ — qimmatbaho metall uchun soʻmda toʻlanadigan qiymat;
V — qimmatbaho metallning grammdagi ogʻirligi;
P G/UZS — bir gramm uchun soʻmdagi narx.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 30-sentabr,
778-son
Кабинета Министров Республики Узбекистан
Постановление
Положение
СХЕМА
Заявка
Сводная заявка
Об утверждении Положения о порядке реализации и осуществления расчетов за драгоценные металлы для производства ювелирных изделий
Во исполнение постановления Президента Республики Узбекистан от 10 августа 2017 года № ПП-3199 «О мерах по государственной поддержке ювелирной промышленности» Кабинет Министров постановляет:
1. Утвердить и ввести в действие с 1 октября 2017 года Положение о порядке реализации и осуществления расчетов за драгоценные металлы для производства ювелирных изделий согласно приложению .
2. Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова и председателя Центрального банка Республики Узбекистан М.Б. Нурмуратова.
ПРИЛОЖЕНИЕ к постановлению Кабинета Министров от 30 сентября 2017 года № 778
о порядке реализации и осуществления расчетов за драгоценные металлы для производства ювелирных изделий
Глава 1. Общие положения
1. Настоящее Положение в соответствии с постановлением Президента Республики Узбекистан от 10 августа 2017 года № ПП-3199 «О мерах по государственной поддержке ювелирной промышленности» устанавливает порядок реализации и осуществления расчетов за драгоценные металлы для производства ювелирных изделий.
2. Золото и серебро (далее — драгоценные металлы) приобретаются юридическими лицами и индивидуальными предпринимателями (далее — производители ювелирных изделий), имеющими лицензию, выдаваемую Государственной пробирной палатой при Министерстве финансов Республики Узбекистан (далее — Пробирная палата) на производство ювелирных и других изделий из драгоценных металлов и драгоценных камней.
3. Реализация пластин драгоценных металлов производителям ювелирных изделий осуществляется в соответствии со схемой согласно приложению № 1 к настоящему Положению.
4. ГП «Навоийский ГМК» и АО «Алмалыкский ГМК» либо другие производители драгоценных металлов обеспечивают производство драгоценных металлов (золото и серебро) в виде мерных пластин и гранул на основе государственного стандарта.
Глава 2. Механизм реализации драгоценных металлов производителям ювелирных изделий
5. Производители ювелирных изделий подают заявки в коммерческие банки в сроки, предусмотренные в приложении № 1 к настоящему Положению, а также по форме согласно приложению № 2 к настоящему Положению, с указанием необходимого объема драгоценных металлов. При этом минимальный объем заявки должен быть не менее 100 граммов.
Коммерческий банк при подаче заявки производителем ювелирных изделий проверяет наличие у него действующей лицензии на производство ювелирных изделий посредством портала открытых данных https://data.gov.uz или используя информационную систему «Лицензия» (www.license.uz) и регистрирует принятую заявку в отдельной книге регистрации с указанием необходимых сведений, имеющихся в заявке.
Производители ювелирных изделий депонируют в коммерческом банке денежные средства, необходимые для приобретения заявленного объема драгоценных металлов согласно пунктам 14-15 настоящего Положения.
6. Головные коммерческие банки, исходя из заявок производителей ювелирных изделий, направляют до 12:00 часов каждого рабочего дня сводную заявку в Центральный банк Республики Узбекистан (далее — Центральный банк) на приобретение необходимого объема драгоценных металлов по форме согласно приложению № 3 к настоящему Положению.
7. Центральный банк в течение двух рабочих дней с даты получения сводной заявки головного коммерческого банка и исходя из фактического веса реализуемых пластин драгоценных металлов выставляет головному коммерческому банку счет-фактуру на оплату.
8. Головной коммерческий банк в полном объеме осуществляет оплату за драгоценные металлы в течение двух рабочих дней со дня выписки Центральным банком счет-фактуры на оплату.
После осуществления оплаты головной коммерческий банк направляет письмо в Центральный банк с указанием объема драгоценных металлов в разрезе производителей ювелирных изделий, осуществивших оплату, данных материально-ответственного лица (фамилия, имя, отчество, серия и номер паспорта), уполномоченного принять пластины драгоценных металлов с приложением доверенности коммерческого банка на получение ценностей.
9. Центральный банк выдает головным коммерческим банкам пластины драгоценных металлов соответствующего веса, за которые была произведена оплата.
11. Коммерческие банки выдают драгоценные металлы производителям ювелирных изделий, приобретенные в соответствии с их заявками, в течение пяти рабочих дней с даты получения драгоценных металлов из Центрального банка.
Транспортировка коммерческими банками драгоценных металлов осуществляется с соблюдением мер безопасности в установленном законодательством порядке.
12. Операции по реализации драгоценных металлов между Центральным банком и головными коммерческими банками, а также между коммерческими банками и производителями ювелирных изделий осуществляются на основании отдельных договоров.
Глава 3. Осуществление расчетов за драгоценные металлы
13. Центральный банк реализует драгоценные металлы в виде пластин весом от 100 грамм за национальную валюту на условиях полной предоплаты.
14. Расчет стоимости драгоценного металла в пересчете на чистый вес, а также суммы депонируемых в коммерческом банке средств осуществляется на основе утреннего фиксинга Лондонской биржи драгоценных металлов и курса Центрального банка, действующих на дату подачи коммерческим банком заявки в Центральный банк.
Стоимость драгоценного металла определяется на основе расчетов согласно приложению № 4 к настоящему Положению.
15. По требованию коммерческого банка сумма депонируемых средств должна быть дополнена производителем ювелирных изделий на основе выставленной Центральным банком счет-фактуры на оплату, рассчитанной исходя из точного веса пластин драгоценных металлов, и должна быть достаточной для покупки заявленного объема драгоценных металлов. В сумму депонируемых средств также входит маржа коммерческого банка согласно пункту 16 и комиссия, уплачиваемая Центральному банку согласно пункту 17 настоящего Положения.
Заявки производителей ювелирных изделий, по которым сумма депонированных средств для покупки драгоценных металлов недостаточна, аннулируются.
16. Коммерческие банки реализуют драгоценные металлы производителям ювелирных изделий.
При этом коммерческие банки ведут учет драгоценных металлов на соответствующих счетах и взимают маржу от производителей ювелирных изделий в размере не более 1 процента от стоимости реализуемых драгоценных металлов.
Коммерческим банкам предоставляется право самостоятельно приобретать у ГП «Навоийский ГМК» и АО «Алмалыкский ГМК» драгоценные металлы (золото и серебро) в виде мерных пластин, а также гранул весом от 5 грамм и выше за национальную валюту по цене с учетом утреннего фиксинга Лондонской биржи драгоценных металлов (в пересчете на чистый вес металлов).
17. Коммерческие банки также взимают с производителей ювелирных изделий комиссию в размере 1 процента от стоимости реализованных драгоценных металлов, сумма которой в последующем уплачивается Центральному банку для покрытия расходов, связанных с производством (переработкой, транспортировкой, хранением и др.) пластин драгоценных металлов.
В случае самостоятельного приобретения драгоценных металлов у ГП «Навоийский ГМК» и АО «Алмалыкский ГМК» комиссия Центральному банку для покрытия расходов, связанных с производством (переработкой, транспортировкой, хранением и др.) пластин из драгоценных металлов, не выплачивается и остается в распоряжении банка.
18. В случае прекращения деятельности по производству ювелирных изделий, производитель имеет право реализовать неиспользованные драгоценные металлы, приобретенные в соответствии с настоящим Положением, другому производителю ювелирных изделий.
Глава 4. Заключительные положения
19. Пробирная палата и органы государственной налоговой службы в соответствии с законодательством осуществляют контроль за целевым использованием драгоценных металлов, приобретаемых производителями ювелирных изделий (за исключением юридических лиц, не имеющих государственной доли в уставном фонде или с долей государства менее 50 процентов, а также индивидуальных предпринимателей).
20. Производители ювелирных изделий несут персональную ответственность за целевое использование драгоценных металлов, приобретенных для производства ювелирных изделий.
21. Лица, виновные в нарушении требований настоящего Положения, несут ответственность в соответствии с законодательством.
ПРИЛОЖЕНИЕ № 1 к Положению о порядке реализации и осуществления расчетов за драгоценные металлы для производства ювелирных изделий
реализации пластин драгоценных металлов производителям ювелирных изделий
ПРИЛОЖЕНИЕ № 2 к Положению о порядке реализации и осуществления расчетов за драгоценные металлы для производства ювелирных изделий
на приобретение пластин драгоценных металлов для производства ювелирных изделий
ПРИЛОЖЕНИЕ № 3 к Положению о порядке реализации и осуществления расчетов за драгоценные металлы для производства ювелирных изделий
(наименование банка * ) на приобретение пластин драгоценных металлов для последующей реализации производителям ювелирных изделий
№ Наименование производителей ювелирных изделий Номер, дата выдачи и срок действия лицензии Наименование драгоценного металла Объем драгоценного металла, (в граммах) 1. 2. … Итого (объем драгоценного металла) Руководитель (Ф.И.О., подпись) Главный бухгалтер (Ф.И.О., подпись)
ПРИЛОЖЕНИЕ № 4 к Положению о порядке реализации и осуществления расчетов за драгоценные металлы для производства ювелирных изделий
Расчет стоимости драгоценного металла *
1. Цена 1 грамма драгоценного металла рассчитывается по следующей формуле:
P G/UZS = ((P W / Y) * E CB ) округляется до 2 знаков после запятой
при этом:
P G/UZS — цена за один грамм в сумах;
P W — утренний фиксинг Лондонской биржи драгоценных металлов (долл./тр.унц.);
Y — эквивалент одной тройской унции в метрических граммах (1 тройская унция = 31,1035 грамм);
E CB — курс Центрального банка, доллара США к узбекскому суму.
2. Общая стоимость, приобретаемого драгоценного металла определяется по следующей формуле:
∑= (V* P G/UZS ) округляется до 2 знаков после запятой
при этом:
∑ — общая сумма оплаты за драгоценный металл в сумах;
V — вес металла в граммах;
P G/UZS — цена за один грамм в сумах.
Премьер-министр Республики Узбекистан А. АРИПОВ
г. Ташкент,
30 сентября 2017 г.,
№ 778