UzbekAI

Ўзбекистон Республикаси Вазирлар Маҳкамасининг

қарори

НИЗОМ

НАМУНАВИЙ ТАРКИБИ

Ёшлар масалалари бўйича республика идоралараро кенгаши тўғрисидаги низомни ҳамда Ёшлар масалалари бўйича ҳудудий идоралараро кенгашлар тўғрисидаги намунавий низомни тасдиқлаш ҳақида

Ўзбекистон Республикаси Президентининг «Ёшларга оид давлат сиёсати самарадорлигини ошириш ва Ўзбекистон ёшлар иттифоқи фаолиятини қўллаб-қувватлаш тўғрисида» 2017 йил 5 июлдаги ПФ-5106-сон Фармонига мувофиқ Вазирлар Маҳкамаси қарор қилади:

1. Қуйидагилар:

Ёшлар масалалари бўйича республика идоралараро кенгаши тўғрисидаги низом 1-иловага мувофиқ;

Ёшлар масалалари бўйича ҳудудий идоралараро кенгашлар тўғрисидаги намунавий низом 2-иловага мувофиқ тасдиқлансин.

2. Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари бир ой муддатда ушбу қарор билан тасдиқланган намунавий низом асосида Ёшлар масалалари бўйича ҳудудий идоралараро кенгашларнинг низомлари ишлаб чиқилиши ва тасдиқланишини таъминласинлар ҳамда амалга оширилган ишлар юзасидан Вазирлар Маҳкамасига ҳисобот берсинлар.

3. Мазкур қарорнинг бажарилишини назорат қилиш Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари зиммасига ҳамда Вазирлар Маҳкамасининг Таълим, илм-фан ва ёшлар сиёсати масалалари ахборот-таҳлил департаментига юклансин.

Вазирлар Маҳкамасининг 2017 йил 29 сентябрдаги 774-сон қарорига 1-ИЛОВА

Ёшлар масалалари бўйича республика идоралараро кенгаши тўғрисида

1-боб. Умумий қоидалар

1. Ушбу Низом Ёшлар масалалари бўйича республика идоралараро кенгашининг (кейинги ўринларда Идоралараро кенгаш деб аталади) асосий вазифалари ва функциялари, ҳуқуқ ва мажбуриятларини, шунингдек фаолиятини ташкил этиш тартибини белгилайди.

2. Идоралараро кенгаш ёшларга оид давлат сиёсатини амалга оширишда иштирок этувчи давлат органлари ва муассасалари фаолиятини мувофиқлаштирувчи коллегиал орган ҳисобланади.

3. Идоралараро кенгаш ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, ушбу Низомга ҳамда бошқа қонун ҳужжатларига амал қилади.

4. Идоралараро кенгаш ўз фаолиятини давлат органлари ва муассасалари, нодавлат нотижорат ташкилотлари ҳамда фуқаролик жамиятининг бошқа институтлари билан ўзаро ҳамкорликда амалга оширади.

5. Идоралараро кенгаш қарорларини бажариш ёшларга оид давлат сиёсатини амалга ошириш доирасида барча давлат органлари ва муассасалари, нодавлат нотижорат ташкилотлари ва фуқаролик жамиятининг бошқа институтлари учун мажбурийдир.

2-боб. Идоралараро кенгашнинг асосий вазифалари ва функциялари

6. Қуйидагилар Идоралараро кенгашнинг асосий вазифалари ҳисобланади:

Ўзбекистон ёшлар иттифоқи Марказий Кенгашига юкланган вазифаларни амалга оширишда яқиндан кўмаклашиш;

ёшларга оид давлат сиёсатини амалга оширишда иштирок этувчи давлат органлари ва муассасалари фаолиятини мувофиқлаштириш;

Ўзбекистон Республикасининг «Ёшларга оид давлат сиёсати тўғрисида»ги Қонуни талабларини ҳаётга тўлақонли жорий этиш ва бу борада таъсирчан назорат ўрнатиш.

7. Идоралараро кенгаш ўзига юкланган вазифаларни бажариш учун қуйидаги функцияларни амалга оширади:

а) Ўзбекистон ёшлар иттифоқи Марказий Кенгашига юкланган вазифаларни амалга оширишда яқиндан кўмаклашиш соҳасида:

Ўзбекистон ёшлар иттифоқини ёшларнинг кўмакчиси ва таянчига айлантириш;

Ўзбекистон ёшлар иттифоқи фаолиятини самарали йўлга қўйишга доир услубий тавсиялар бериш, ёшларга оид давлат сиёсатини амалга ошириш жараёнида вужудга келаётган муаммо ва йўл қўйилаётган камчиликларни бартараф этишда кўмаклашиш;

Ўзбекистон ёшлар иттифоқининг давлат органлари ва муассасалари, нодавлат нотижорат ташкилотлари ва фуқаролик жамиятининг бошқа институтлари билан ўзаро ҳамкорлик қилиш режаларини белгилашда, тадбирлар, анжуманлар ташкил этишда ва ўтказишида амалий ёрдам кўрсатиш;

ёшлар муаммолари ва ташаббусларини ўрганиш;

Ўзбекистон ёшлар иттифоқи фаолияти борасида кенг жамоатчилик фикрини ўрганиш, таҳлил қилиш, ушбу соҳадаги ишларни янада такомиллаштиришга доир таклифлар ишлаб чиқиш;

б) ёшларга оид давлат сиёсатини амалга оширишда иштирок этувчи ваколатли идоралар фаолиятини мувофиқлаштириш соҳасида:

давлат органлари ва муассасалари, нодавлат нотижорат ташкилотлари ва фуқаролик жамияти бошқа институтларининг ёшларга оид давлат сиёсатини амалга оширишда ўзаро ҳамкорлигини таъминлаш;

ёшларнинг ҳуқуқий онги ва ҳуқуқий маданиятини юксалтиришга доир фаолиятни мувофиқлаштириш;

ёшлар тадбиркорлигини тизимли равишда таҳлил қилиш ва уларда тадбиркорлик кўникмаларини шакллантиришга кўмаклашиш;

ёшларни маънавий-ахлоқий жиҳатдан ва ҳарбий-ватанпарварлик руҳида тарбиялашга доир тадбирлар ишлаб чиқилишини ташкил этиш;

ёшларнинг ҳуқуқлари, эркинликлари ва қонуний манфаатларини ҳимоя қилишга, уларнинг жамият ҳаётидаги роли ва фаоллигини оширишга, соғлом ва баркамол ёш авлодни тарбиялашга, оилада маънавий-ахлоқий муҳитни шакллантиришга йўналтирилган чора-тадбирлар ишлаб чиқиш;

ёшларни тарбиялаш масалалари борасида таълим муассасалари ва бошқа ташкилотларнинг ўзаро ҳамкорлигини ташкил этиш;

ёшларнинг бандлиги даражасини тизимли асосда таҳлил қилиш, уларнинг бандлигини таъминлашга кўмаклашиш, жумладан, уларни тадбиркорликка кенг жалб этиш;

миллий ўзликни англашда мустақиллик, юксак маънавият, инсонпарварлик анъаналарига садоқат ғояларини янада чуқур сингдириш, радикализм ва экстремизмнинг ёт ғояларига қарши иммунитетни мустаҳкамлаш борасида ёшлар ўртасида маърифий ишларнинг амалга оширилишини мувофиқлаштириш;

ёшлар ўртасида жисмоний тарбия ва спортни ривожлантириш, соғлом турмуш тарзини шакллантиришга бўлган интилишни ва спортга қизиқишни рағбатлантириш чора-тадбирларининг амалга оширилишини ташкил этиш;

ёшлар ўртасида санитария-гигиенага оид билимларни тарқатиш ва соғлом турмуш тарзини шакллантириш бўйича тарғиботлар ташкил этиш;

ёшларнинг таълими ва тарбияси сифатини ошириш, ўқув жараёнига таълимнинг замонавий шакллари ва усулларини жорий этиш чораларини кўриш;

в) Ўзбекистон Республикасининг «Ёшларга оид давлат сиёсати тўғрисида»ги Қонуни талабларини ҳаётга тўлақонли жорий этиш ва бу борада таъсирчан назорат ўрнатиш соҳасида:

ёшларга оид давлат сиёсати соҳасидаги давлат дастурларининг ишлаб чиқилиши ва амалга оширилишини назорат қилиш;

ёшларга оид давлат сиёсатини амалга оширишда иштирок этувчи давлат органлари ва муассасалари вакилларининг ҳисоботларини мунтазам эшитиш;

ёшларга оид давлат сиёсати соҳасидаги қонун ҳужжатларининг ижро этилиши юзасидан жамоатчилик назорати амалга оширилишини ташкил этиш;

ёшларга оид давлат сиёсатини амалга оширишнинг ҳолати таҳлил қилинишини ташкил этиш;

ёшларга оид давлат сиёсатини рўёбга чиқаришнинг самарадорлигини ошириш учун ёшларнинг эҳтиёжи мониторинги олиб борилишини ва баҳоланишини ташкил этиш.

Идоралараро кенгаш ўзига юкланган вазифаларнинг самарали бажарилиши юзасидан ҳар йили Ўзбекистон Республикаси Президентига ҳисобот киритади.

3-боб. Идоралараро кенгашнинг ҳуқуқ ва мажбуриятлари

8. Идоралараро кенгаш қуйидаги ҳуқуқларга эга:

ўз ваколатига кирадиган масалалар бўйича давлат органлари ва муассасалари, нодавлат нотижорат ташкилотлари ва фуқаролик жамиятининг бошқа институтларидан белгиланган тартибда маълумотларни сўраш ва олиш;

давлат органлари ва муассасаларининг ёшларга оид давлат сиёсатини амалга ошириш билан боғлиқ фаолияти самарадорлигини оширишга доир қарорлар қабул қилиш;

ўз ваколатига кирадиган масалалар бўйича давлат органлари ва муассасалари раҳбарларининг ёшларга оид давлат сиёсатини амалга ошириш билан боғлиқ фаолияти юзасидан ҳисоботларини эшитиш;

ёшларга оид давлат сиёсатини амалга ошириш билан боғлиқ ишларнинг ҳолатини ўрганиш учун ишчи комиссиялар ва (ёки) эксперт гуруҳлар ташкил этиш, шунингдек ушбу комиссия ва гуруҳлар фаолиятига тегишли мутахассисларни жалб қилиш;

ёшларга оид давлат сиёсатини амалга оширишда фаол иштирок этган шахсларни рағбатлантириш ташаббуси билан чиқиш;

ёшларга оид давлат сиёсатини амалга оширишга доир норматив-ҳуқуқий ҳужжатлар лойиҳаларини ишлаб чиқиш юзасидан таклифлар бериш.

Идоралараро кенгаш қонун ҳужжатларига мувофиқ бошқа ҳуқуқларга ҳам эга бўлиши мумкин.

9. Идоралараро кенгаш ўзига юкланган вазифалар ва функцияларнинг самарали бажарилиши учун жавоб беради.

4-боб. Идоралараро кенгаш фаолиятини ташкил этиш

10. Идоралараро кенгашнинг раис, раис ўринбосарлари ва аъзоларидан иборат таркиби Ўзбекистон Республикаси Президенти томонидан тасдиқланади.

11. Идоралараро кенгаш ўз фаолиятини доимий асосда амалга оширади ва мажлисларини заруратга кўра, аммо ҳар ойда камида бир марта ўтказади.

12. Идоралараро кенгаш раиси:

Идоралараро кенгаш фаолиятига умумий раҳбарликни амалга оширади;

раис ўринбосарлари ва аъзолари ўртасида вазифаларни тақсимлайди;

Идоралараро кенгаш йиғилишларини чақиради ва уларга раислик қилади;

Идоралараро кенгаш йиғилишлари кун тартибини тасдиқлайди;

Идоралараро кенгаш иш режаларини тасдиқлайди.

Идоралараро кенгашнинг самарали ишлашини таъминлаш бўйича бошқа вазифаларни амалга оширади.

13. Идоралараро кенгаш раиси ўринбосарлари раис томонидан ўзларига юкланган вазифаларни амалга оширади ҳамда ушбу вазифаларнинг ўз вақтида ва сифатли бажарилиши учун шахсан жавоб беради.

14. Идоралараро кенгаш ишчи органи функциясини Ўзбекистон ёшлар иттифоқи (кейинги ўринларда Ишчи орган деб аталади) бажаради.

15. Ишчи орган:

Идоралараро кенгашнинг иш режаларини ишлаб чиқади, уларнинг ижроси юзасидан назоратни амалга оширади;

тасдиқланган иш режасига мувофиқ Идоралараро кенгашнинг жорий фаолиятини ташкил этади;

Идоралараро кенгаш йиғилишлари кун тартибига киритиладиган масалалар бўйича материалларнинг тайёрланишини ташкил қилади;

Идоралараро кенгаш ўз ваколати доирасига кирувчи масалалар юзасидан қарорлар ва бошқа ҳужжатлар лойиҳаларини тайёрлайди;

Идоралараро кенгаш қарорларининг ижроси юзасидан назорат ва мониторингни ташкил қилади;

оммавий ахборот воситалари билан ўзаро ҳамкорлик қилади;

Идоралараро кенгаш фаолиятини ташкилий-техник таъминлашни амалга оширади.

Ишчи орган қонун ҳужжатларига мувофиқ бошқа функцияларни ҳам амалга ошириши мумкин.

16. Идоралараро кенгаш таркибига кирувчи давлат органлари ва муассасалари, нодавлат нотижорат ташкилотлари ўз ваколатлари доирасида ёшларга оид давлат сиёсати доирасида амалга оширилган ишлар тўғрисида Ишчи гуруҳга ҳар ойнинг йигирма бешинчи санасига қадар ҳисоботлар тақдим этиб борадилар.

17. Идоралараро кенгаш мажлисини унинг раиси бошқаради. Идоралараро кенгаш раиси бўлмаган тақдирда, мажлисни унинг ўринбосарларидан бири бошқаради.

Идоралараро кенгаш мажлиси аъзоларининг камида учдан икки қисми ҳозир бўлганда ваколатли ҳисобланади.

18. Идоралараро кенгаш қарорлари Идоралараро кенгаш аъзоларининг оддий кўпчилик овози билан қабул қилинади. Овозлар тенг бўлган тақдирда Идоралараро кенгаш раисининг овози ҳал қилувчи ҳисобланади.

Идоралараро кенгаш қарорлари йиғилишда иштирок этган Идоралараро кенгаш аъзолари томонидан имзоланадиган ва Идоралараро кенгаш раиси томонидан тасдиқланадиган баённома билан расмийлаштирилади. Баённомани имзолашда Идоралараро кенгаш аъзолари ўзларининг алоҳида фикрларини ёзма равишда билдириш ҳуқуқига эгадир.

19. Идоралараро кенгашнинг иш режалари унинг аъзоларидан келиб тушган таклифлар асосида ҳар ярим йилга тузилади, Идоралараро кенгаш йиғилишида кўриб чиқилади ва Идоралараро кенгаш раиси томонидан тасдиқланади.

5-боб. Якунловчи қоидалар

20. Идоралараро кенгаш фаолиятини ташкилий-техник жиҳатдан таъминлаш Ўзбекистон ёшлар иттифоқини ривожлантириш жамғармаси маблағлари ҳисобидан амалга оширилади.

21. Идоралараро кенгашни қайта ташкил этиш ва тугатиш қонун ҳужжатларида белгиланган тартибда амалга оширилади.

Вазирлар Маҳкамасининг 2017 йил 29 сентябрдаги 774-сон қарорига 2-ИЛОВА

Ёшлар масалалари бўйича ҳудудий идоралараро кенгашлар тўғрисида намунавий

1-боб. Умумий қоидалар

1. Ушбу Низом Ёшлар масалалари бўйича ҳудудий идоралараро кенгашининг (кейинги ўринларда ҳудудий идоралараро кенгаш деб аталади) асосий вазифалари ва функциялари, ҳуқуқ ва мажбуриятларини, шунингдек фаолиятини ташкил этиш тартибини белгилайди.

2. Ҳудудий идоралараро кенгаш ёшларга оид давлат сиёсатини амалга оширишда иштирок этувчи давлат органлари ва муассасалари фаолиятини мувофиқлаштирувчи коллегиал орган ҳисобланади.

3. Ҳудудий идоралараро кенгаш ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига,Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорлари ва фармойишларига, ушбу Низомга ҳамда бошқа қонун ҳужжатларига амал қилади.

4. Ҳудудий идоралараро кенгаш ўз фаолиятини маҳаллий ижро этувчи ҳокимият органлари, бошқа ташкилотлар, жойлардаги нодавлат нотижорат ташкилотлари ҳамда фуқаролик жамиятининг бошқа институтлари билан ўзаро ҳамкорликда амалга оширади.

5. Ҳудудий идоралараро кенгаш қарорларини бажариш ёшларга оид давлат сиёсатини амалга ошириш доирасида тегишли ҳудуддаги барча давлат органлари ва муассасалари, нодавлат нотижорат ташкилотлари ва фуқаролик жамиятининг бошқа институтлари учун мажбурийдир.

2-боб. Ҳудудий идоралараро кенгашнинг асосий вазифалари ва функциялари

6. Қуйидагилар Ҳудудий идоралараро кенгашнинг асосий вазифалари ҳисобланади:

Ўзбекистон ёшлар иттифоқи ҳудудий кенгашларига юкланган вазифаларни амалга оширишда яқиндан кўмаклашиш;

ёшларга оид давлат сиёсатини амалга оширишда иштирок этувчи маҳаллий ижро этувчи ҳокимият органлари ва бошқа ташкилотлар фаолиятини мувофиқлаштириш;

Ўзбекистон Республикасининг «Ёшларга оид давлат сиёсати тўғрисида»ги Қонуни талабларини жойларда ҳаётга тўлақонли жорий этиш ва бу борада таъсирчан назорат ўрнатиш.

7. Ҳудудий идоралараро кенгаш ўзига юкланган вазифаларни бажариш учун қуйидаги функцияларни амалга оширади:

а) Ўзбекистон ёшлар иттифоқи ҳудудий кенгашларига юкланган вазифаларни амалга оширишда яқиндан кўмаклашиш соҳасида:

Ўзбекистон ёшлар иттифоқини жойларда ёшларнинг кўмакчиси ва таянчига айлантириш;

Ўзбекистон ёшлар иттифоқи ҳудудий кенгашларининг фаолиятини самарали йўлга қўйишга доир услубий тавсиялар бериш, жойларда ёшларга оид давлат сиёсатини амалга ошириш жараёнида вужудга келаётган муаммо ва йўл қўйилаётган камчиликларни бартараф этишда кўмаклашиш;

Ўзбекистон ёшлар иттифоқи ҳудудий кенгашларининг маҳаллий ижро этувчи ҳокимият органлари, бошқа ташкилотлар, нодавлат нотижорат ташкилотлари ва фуқаролик жамиятининг бошқа институтлари билан ўзаро ҳамкорлик қилиш режаларини белгилашда, тадбирлар, анжуманлар ташкил этишда ва ўтказишида амалий ёрдам кўрсатиш;

жойлардаги ёшлар муаммолари ва ташаббусларини ўрганиш;

Ўзбекистон ёшлар иттифоқи ҳудудий кенгашларининг фаолияти борасида кенг жамоатчилик фикрини ўрганиш, таҳлил қилиш, ушбу соҳадаги ишларни янада такомиллаштиришга доир таклифлар ишлаб чиқиш;

маҳаллий ижро этувчи ҳокимият органлари, нодавлат нотижорат ташкилотлари ва фуқаролик жамияти бошқа институтларининг ёшларга оид давлат сиёсатини амалга оширишда ўзаро ҳамкорлигини таъминлаш;

жойларда ёшларнинг ҳуқуқий онги ва ҳуқуқий маданиятини юксалтиришга доир фаолиятни мувофиқлаштириш;

жойларда ёшлар тадбиркорлигини тизимли равишда таҳлил қилиш ва уларда тадбиркорлик кўникмаларини шакллантиришга кўмаклашиш;

жойларда ёшларни маънавий-ахлоқий жиҳатдан ва ҳарбий-ватанпарварлик руҳида тарбиялашга доир тадбирлар ишлаб чиқилишини ташкил этиш;

жойларда ёшларнинг ҳуқуқлари, эркинликлари ва қонуний манфаатларини ҳимоя қилишга, уларнинг жамият ҳаётидаги роли ва фаоллигини оширишга, соғлом ва баркамол ёш авлодни тарбиялашга, оилада маънавий-ахлоқий муҳитни шакллантиришга йўналтирилган чора-тадбирлар ишлаб чиқиш;

жойларда ёшларни тарбиялаш масалалари борасида таълим муассасалари ва бошқа ташкилотларнинг ўзаро ҳамкорлигини ташкил этиш;

жойларда ҳудудларнинг ўзига хос хусусиятларини инобатга олган ҳолда, ёшларнинг бандлиги даражасини тизимли асосда таҳлил қилиш, уларнинг бандлигини таъминлашга кўмаклашиш, жумладан, уларни тадбиркорликка кенг жалб этиш;

жойларда ёшлар ўртасида жисмоний тарбия ва спортни ривожлантириш, соғлом турмуш тарзини шакллантиришга бўлган интилишни ва спортга қизиқишни рағбатлантириш чора-тадбирларининг амалга оширилишини ташкил этиш;

жойларда ёшлар ўртасида санитария-гигиенага оид билимларни тарқатиш ва соғлом турмуш тарзини шакллантириш бўйича тарғиботлар ташкил этиш;

жойларда ёшларнинг таълими ва тарбияси сифатини ошириш, ўқув жараёнига таълимнинг замонавий шакллари ва усулларини жорий этиш чораларини кўриш;

ёшларга оид давлат сиёсати соҳасидаги давлат ва ҳудудий дастурларнинг ишлаб чиқилиши ва амалга оширилишини назорат қилиш;

ёшларга оид давлат сиёсатини амалга оширишда иштирок этувчи ҳудудий давлат органлари ва муассасалари вакилларининг ҳисоботларини мунтазам эшитиш;

жойларда ёшларга оид давлат сиёсати соҳасидаги қонун ҳужжатларининг ижро этилиши юзасидан жамоатчилик назорати амалга оширилишини ташкил этиш;

жойларда ёшларга оид давлат сиёсатини амалга оширишнинг ҳолати таҳлил қилинишини ташкил этиш;

жойларда ёшларга оид давлат сиёсатини рўёбга чиқаришнинг самарадорлигини ошириш учун ёшларнинг эҳтиёжи мониторинги олиб борилишини ва баҳоланишини ташкил этиш.

Ҳудудий идоралараро кенгаш ўзига юкланган вазифаларнинг самарали бажарилиши юзасидан ҳар йили Республика идоралараро кенгашига ҳисобот киритади.

3-боб. Ҳудудий идоралараро кенгашнинг ҳуқуқ ва мажбуриятлари

8. Ҳудудий идоралараро кенгаш қуйидаги ҳуқуқларга эга:

ўз ваколатига кирадиган масалалар бўйича ҳудудий давлат органлари ва муассасалари, нодавлат нотижорат ташкилотлари ва фуқаролик жамиятининг бошқа институтларидан белгиланган тартибда маълумотларни сўраш ва олиш;

ҳудудий давлат органлари ва муассасаларининг ёшларга оид давлат сиёсатини амалга ошириш билан боғлиқ фаолияти самарадорлигини оширишга доир қарорлар қабул қилиш;

ўз ваколатига кирадиган масалалар бўйича ҳудудий давлат органлари ва муассасалари раҳбарларининг ёшларга оид давлат сиёсатини амалга ошириш билан боғлиқ фаолияти юзасидан ҳисоботларини эшитиш;

жойларда ёшларга оид давлат сиёсатини амалга ошириш билан боғлиқ ишларнинг ҳолатини ўрганиш учун ишчи комиссиялар ва (ёки) эксперт гуруҳлар ташкил этиш, шунингдек ушбу комиссия ва гуруҳлар фаолиятига тегишли мутахассисларни жалб қилиш;

жойларда ёшларга оид давлат сиёсатини амалга оширишда фаол иштирок этган шахсларни рағбатлантириш ташаббуси билан чиқиш;

Ҳудудий идоралараро кенгаш қонун ҳужжатларига мувофиқ бошқа ҳуқуқларга ҳам эга бўлиши мумкин.

9. Ҳудудий кенгаш ўзига юкланган вазифалар ва функцияларнинг самарали бажарилиши учун жавоб беради.

4-боб. Ҳудудий идоралараро кенгаш фаолиятини ташкил этиш

10. Вилоят, туман (шаҳар) ҳудудий идоралараро кенгашларнинг таркиби ушбу Низомга 1 ва 2-иловаларга мувофиқ шакллантирилади.

11. Ҳудудий идоралараро кенгаш ўз фаолиятини доимий асосда амалга оширади ва мажлисларини заруратга кўра, аммо ҳар ойда камида бир марта ўтказади.

12. Ҳудудий идоралараро кенгашга тегишли Қорақалпоғистон Республикаси Жўқорғи Кенгеси Раиси, вилоятлар, Тошкент шаҳри, туманлар ва шаҳарлар ҳокимлари раислик қилади.

Ҳудудий идоралараро кенгаш раиси:

Ҳудудий идоралараро кенгаш фаолиятига умумий раҳбарликни амалга оширади;

раис ўринбосари ва аъзолари ўртасида вазифаларни тақсимлайди;

Ҳудудий идоралараро кенгаш йиғилишларини чақиради ва уларга раислик қилади;

Ҳудудий идоралараро кенгаш йиғилишлари кун тартибини тасдиқлайди;

Ҳудудий идоралараро кенгаш иш режаларини тасдиқлайди.

Ҳудудий идоралараро кенгашнинг самарали ишлашини таъминлаш бўйича бошқа вазифаларни амалга оширади.

13. Ҳудудий идоралараро кенгаш раиси ўринбосари раис томонидан ўзига юкланган вазифаларни амалга оширади ҳамда ушбу вазифаларнинг ўз вақтида ва сифатли бажарилиши учун шахсан жавоб беради.

14. Ҳудудий идоралараро кенгаш ишчи органи функциясини тегишли Ўзбекистон ёшлар иттифоқи ҳудудий кенгашлари (кейинги ўринларда Ишчи орган деб юритилади) бажаради.

15. Ишчи орган:

Ҳудудий идоралараро кенгашнинг иш режаларини ишлаб чиқади, уларнинг ижроси юзасидан назоратни амалга оширади;

тасдиқланган иш режасига мувофиқ Ҳудудий идоралараро кенгашнинг жорий фаолиятини ташкил этади;

Ҳудудий идоралараро кенгаш йиғилишлари кун тартибига киритиладиган масалалар бўйича материалларнинг тайёрланишини ташкил қилади;

Ҳудудий идоралараро кенгаш ўз ваколати доирасига кирувчи масалалар юзасидан қарорлар ва бошқа ҳужжатлар лойиҳаларини тайёрлайди;

Ҳудудий идоралараро кенгаш қарорларининг ижроси юзасидан назорат ва мониторингни ташкил қилади;

оммавий ахборот воситалари билан ўзаро ҳамкорлик қилади;

Ҳудудий идоралараро кенгаш фаолиятини ташкилий-техник таъминлашни амалга оширади.

Ишчи орган қонун ҳужжатларига мувофиқ бошқа функцияларни ҳам амалга ошириши мумкин.

16. Ҳудудий Идоралараро кенгаш таркибига кирувчи давлат органлари ва муассасалари, нодавлат нотижорат ташкилотлари ўз ваколатлари доирасида ёшларга оид давлат сиёсати доирасида амалга оширилган ишлар тўғрисида Ишчи гуруҳга ҳар ойнинг йигирма бешинчи санасига қадар ҳисоботлар тақдим этиб борадилар.

17. Ҳудудий идоралараро кенгаш мажлисини унинг раиси бошқаради. Идоралараро кенгаш раиси бўлмаган тақдирда, мажлисни унинг ўринбосари бошқаради.

Ҳудудий идоралараро кенгаш мажлиси аъзоларининг камида учдан икки қисми ҳозир бўлганда ваколатли ҳисобланади.

18. Ҳудудий идоралараро кенгаш қарорлари Ҳудудий идоралараро кенгаш аъзоларининг оддий кўпчилик овози билан қабул қилинади. Овозлар тенг бўлган тақдирда Ҳудудий идоралараро кенгаш раисининг овози ҳал қилувчи ҳисобланади.

Ҳудудий идоралараро кенгаш қарорлари мажлисида иштирок этган Ҳудудий идоралараро кенгаш аъзолари томонидан имзоланадиган ва Ҳудудий идоралараро кенгаш раиси томонидан тасдиқланадиган баённома билан расмийлаштирилади. Баённомани имзолашда Ҳудудий идоралараро кенгаш аъзолари ўзларининг алоҳида фикрларини ёзма равишда билдириш ҳуқуқига эгадир.

19. Ҳудудий идоралараро кенгашнинг иш режалари унинг аъзоларидан келиб тушган таклифлар асосида ҳар ярим йилга тузилади, Идоралараро кенгаш мажлисида кўриб чиқилади ва Идоралараро кенгаш раиси томонидан тасдиқланади.

5-боб. Якунловчи қоидалар

20. Ҳудудий идоралараро кенгаш фаолиятини ташкилий-техник жиҳатдан таъминлаш Ўзбекистон ёшлар иттифоқини ривожлантириш жамғармаси маблағлари ҳисобидан амалга оширилади.

21. Ҳудудий идоралараро кенгашни қайта ташкил этиш ва тугатиш қонун ҳужжатларида белгиланган тартибда амалга оширилади.

Ёшлар масалалари бўйича ҳудудий идоралараро кенгашлари тўғрисидаги низомга 1-ИЛОВА

Ёшлар масалалари бўйича Қорақалпоғистон Республикаси, вилоятлар ва Тошкент шаҳри идоралараро кенгашларининг

1. Қорақалпоғистон Республикаси Жўқорғи Кенгесининг Раиси, вилоятлар ва Тошкент шаҳри ҳокимлари, Кенгаш раиси.

2. Ўзбекистон ёшлар иттифоқи Қорақалпоғистон Республикаси, вилоятлар ва Тошкент шаҳри кенгашлари раиси, Кенгаш раиси ўринбосари.

3. Қорақалпоғистон Республикаси Вазирлар Кенгаши Раисининг, вилоятлар ва Тошкент шаҳри ҳокимларининг Ёшлар сиёсати, ижтимоий ривожлантириш ва маънавий-маърифий масалалар бўйича ўринбосарлари.

4. Қорақалпоғистон Республикаси Вазирлар Кенгаши Раиси ўринбосари — Оила ва хотин-қизлар қўмитаси раиси, вилоятлар ва Тошкент шаҳар ҳокимлари ўринбосарлари — оила ва хотин-қизлар бошқармалари бошлиқлари.

5. Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳри Кенгашларининг Қонунийлик, ҳуқуқ-тартибот ва фуқаролар хавфсизлигини таъминлаш масалалари бўйича доимий комиссиялари раислари (келишув асосида).

6. Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳри Кенгашларининг Ёшлар сиёсати ва соғлом авлодни тарбиялаш масалалари бўйича доимий комиссиялари раислари (келишув асосида).

7. Қорақалпоғистон Республикаси Халқ таълими вазири, Тошкент шаҳри халқ таълими бош бошқармаси ва вилоятлар халқ таълими бошқармалари бошлиқлари.

8. Қорақалпоғистон Республикаси, вилоятлар ва Тошкент шаҳри ўрта махсус, касб-ҳунар таълими бошқармалари бошлиқлари.

9. Қорақалпоғистон Республикаси Молия вазири, Тошкент шаҳри молия бош бошқармаси ва вилоятлар молия бошқармалари бошлиқлари.

10. Қорақалпоғистон Республикаси Иқтисодиёт вазири, Тошкент шаҳри иқтисодиёт бош бошқармаси ва вилоятлар иқтисодиёт бошқармалари бошлиқлари.

11. Қорақалпоғистон Республикаси Соғлиқни сақлаш вазири, Тошкент шаҳри соғлиқни сақлаш бош бошқармаси ва вилоятлар соғлиқни сақлаш бошқармалари бошлиқлари.

12. Қорақалпоғистон Республикаси Маданият вазири, Тошкент шаҳри маданият бош бошқармаси ва вилоятлар маданият бошқармалари бошлиқлари.

13. Қорақалпоғистон Республикаси Бандлик ва меҳнат муносабатлари вазири, вилоятлар ва Тошкент шаҳри бандлик бош бошқармалари бошлиқлари.

14. Қорақалпоғистон Республикаси Ички ишлар вазири, Тошкент шаҳри ички ишлар бош бошқармаси ва вилоятлар ички ишлар бошқармалари бошлиқлари.

15. Қорақалпоғистон Республикаси, вилоятлар ва Тошкент шаҳри мудофаа ишлари бошқармалари бошлиқлари.

16. Қорақалпоғистон Республикаси Адлия вазири, вилоятлар ва Тошкент шаҳри адлия бошқармалари бошлиқлари.

17. Ўзбекистон Республикаси Ахборот технологиялари ва коммуникацияларини ривожлантириш вазирлигининг Қорақалпоғистон Республикаси, вилоятлар ва Тошкент шаҳри ҳудудий бошқармалари бошлиқлари.

18. Қорақалпоғистон Республикаси Давлат солиқ қўмитаси раиси, Тошкент шаҳри давлат солиқ бош бошқармаси ва вилоятлар солиқ бошқармалари бошлиқлари.

19. Қорақалпоғистон Республикаси Жисмоний тарбия ва спорт давлат қўмитаси, вилоятлар ва Тошкент шаҳри жисмоний тарбия ва спорт бошқармалари бошлиқлари.

20. Қорақалпоғистон Республикаси, вилоятлар ва Тошкент шаҳри бош имом-хатиблари.

21. Қорақалпоғистон Республикаси, вилоятлар ва Тошкент шаҳри телерадиокомпаниялари директорлари.

22. Қорақалпоғистон Республикаси ва вилоятлар фермер, деҳқон хўжаликлари ва томорқа ер эгалари кенгашлари раислари.

23. Қорақалпоғистон Республикаси, вилоятлар ва Тошкент шаҳри Касаба уюшмалари ташкилотлари бирлашмалари раислари.

24. Ўзбекистон фахрийларининг ижтимоий фаолиятини қўллаб-қувватлаш «Нуроний» жамғармаси Қорақалпоғистон Республикаси, вилоятлар ва Тошкент шаҳри бўлимлари раислари.

25. Савдо-саноат палатаси Қорақалпоғистон Республикаси, вилоятлар ва Тошкент шаҳри бошқармалари раислари.

26. Мудофаага кўмаклашувчи «Ватанпарвар» ташкилоти Қорақалпоғистон Республикаси, вилоятлар ва Тошкент шаҳри кенгашлари раислари.

27. Республика Маънавият ва маърифат марказининг Қорақалпоғистон Республикаси, вилоятлар ва Тошкент шаҳри бўлимлари раҳбарлари.

Ёшлар масалалари бўйича ҳудудий идоралараро кенгашлар тўғрисидаги намунавий низомга 2-ИЛОВА

Ёшлар масалалари бўйича туман (шаҳар) ҳудудий идоралараро кенгашларининг

1. Туман (шаҳар) ҳокими, Кенгаш раиси.

2. Ўзбекистон ёшлар иттифоқи туман(шаҳар) кенгашлари раиси, Кенгаш раиси ўринбосари.

3. Туман (шаҳар) ҳокимининг Ёшлар сиёсати, ижтимоий ривожлантириш ва маънавий-маърифий масалалар бўйича ўринбосарлари.

4. Туман (шаҳар) ҳокимининг ўринбосарлари — оила ва хотин-қизлар бўлимлари бошлиқлари.

5. Халқ депутатлари туман (шаҳар) кенгашларининг Қонунийлик, ҳуқуқ-тартибот ва фуқаролар хавфсизлигини таъминлаш масалалари бўйича доимий комиссиялари раислари.

6. Халқ депутатлари туман (шаҳар) кенгашларининг Ижтимоий-маданий ривожланиш масалалари бўйича доимий комиссиялари раислари.

7. Халқ депутатлари туман (шаҳар) кенгашларининг Ёшлар сиёсати ва соғлом авлодни тарбиялаш масалалари бўйича доимий комиссиялари раислари.

8. Туман (шаҳар) молия бўлими бошлиғи.

9. Туман (шаҳар) иқтисодиёт бўлими бошлиғи.

10. Туман (шаҳар) ички ишлар бўлими бошлиғи.

11. Туман (шаҳар) мудофаа ишлари бўлими бошлиғи.

12. Туман (шаҳар) бандликка кўмаклашиш маркази директори.

13. Туман (шаҳар) халқ таълими бўлими бошлиғи.

14. Туман (шаҳар) тиббиёт бирлашмаси раҳбари.

15. Туман (шаҳар) маданият бўлими раҳбари.

16. Туман (шаҳар) ФҲДЁ бўлими мудири.

17. Туман (шаҳар) бош имом-хатиби.

18. Ўзбекистон фахрийларининг ижтимоий фаолиятини қўллаб-қувватлаш «Нуроний» жамғармаси туман (шаҳар) бўлими раиси.

19. Мудофаага кўмаклашувчи «Ватанпарвар» ташкилоти туман (шаҳар) бўлими раиси.

20. Республика Маънавият ва маърифат марказининг туман (шаҳар) бўлими раҳбари.

21. Туман (шаҳар) ҳудудидаги касб-ҳунар коллежлари раҳбарлари.

22. Туман фермер, деҳқон хўжаликлари ва томорқа ер эгалари кенгаши раиси.

23. Туман (шаҳар) маҳалла (шаҳарча, қишлоқ, овул) фуқаролар йиғини раислари (3 нафаргача).

Ўзбекистон Республикасининг Бош вазири А. АРИПОВ

Тошкент ш.,

2017 йил 29 сентябрь,

774-сон

(Қонун ҳужжатлари маълумотлари миллий базаси, 04.10.2017 й., 09/17/774/0050-сон, 27.12.2017 й., 09/17/1021/0465-сон; Қонунчилик маълумотлари миллий базаси, 10.08.2022 й., 09/22/438/0726-сон; 16.12.2025 й., 09/25/791/1167-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

NAMUNAVIY TARKIBI

Yoshlar masalalari boʻyicha respublika idoralararo kengashi toʻgʻrisidagi nizomni hamda Yoshlar masalalari boʻyicha hududiy idoralararo kengashlar toʻgʻrisidagi namunaviy nizomni tasdiqlash haqida

Oʻzbekiston Respublikasi Prezidentining “Yoshlarga oid davlat siyosati samaradorligini oshirish va Oʻzbekiston yoshlar ittifoqi faoliyatini qoʻllab-quvvatlash toʻgʻrisida” 2017-yil 5-iyuldagi PF-5106-son Farmoniga muvofiq Vazirlar Mahkamasi qaror qiladi:

1. Quyidagilar:

Yoshlar masalalari boʻyicha respublika idoralararo kengashi toʻgʻrisidagi nizom 1-ilovaga muvofiq;

Yoshlar masalalari boʻyicha hududiy idoralararo kengashlar toʻgʻrisidagi namunaviy nizom 2-ilovaga muvofiq tasdiqlansin.

2. Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bir oy muddatda ushbu qaror bilan tasdiqlangan namunaviy nizom asosida Yoshlar masalalari boʻyicha hududiy idoralararo kengashlarning nizomlari ishlab chiqilishi va tasdiqlanishini taʼminlasinlar hamda amalga oshirilgan ishlar yuzasidan Vazirlar Mahkamasiga hisobot bersinlar.

3. Mazkur qarorning bajarilishini nazorat qilish Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari zimmasiga hamda Vazirlar Mahkamasining Taʼlim, ilm-fan va yoshlar siyosati masalalari axborot-tahlil departamentiga yuklansin.

Vazirlar Mahkamasining 2017-yil 29-sentabrdagi 774-son qaroriga 1-ILOVA

Yoshlar masalalari boʻyicha respublika idoralararo kengashi toʻgʻrisida

1-bob. Umumiy qoidalar

1. Ushbu Nizom Yoshlar masalalari boʻyicha respublika idoralararo kengashining (keyingi oʻrinlarda Idoralararo kengash deb ataladi) asosiy vazifalari va funksiyalari, huquq va majburiyatlarini, shuningdek faoliyatini tashkil etish tartibini belgilaydi.

2. Idoralararo kengash yoshlarga oid davlat siyosatini amalga oshirishda ishtirok etuvchi davlat organlari va muassasalari faoliyatini muvofiqlashtiruvchi kollegial organ hisoblanadi.

3. Idoralararo kengash oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, ushbu Nizomga hamda boshqa qonun hujjatlariga amal qiladi.

4. Idoralararo kengash oʻz faoliyatini davlat organlari va muassasalari, nodavlat notijorat tashkilotlari hamda fuqarolik jamiyatining boshqa institutlari bilan oʻzaro hamkorlikda amalga oshiradi.

5. Idoralararo kengash qarorlarini bajarish yoshlarga oid davlat siyosatini amalga oshirish doirasida barcha davlat organlari va muassasalari, nodavlat notijorat tashkilotlari va fuqarolik jamiyatining boshqa institutlari uchun majburiydir.

2-bob. Idoralararo kengashning asosiy vazifalari va funksiyalari

6. Quyidagilar Idoralararo kengashning asosiy vazifalari hisoblanadi:

Oʻzbekiston yoshlar ittifoqi Markaziy Kengashiga yuklangan vazifalarni amalga oshirishda yaqindan koʻmaklashish;

yoshlarga oid davlat siyosatini amalga oshirishda ishtirok etuvchi davlat organlari va muassasalari faoliyatini muvofiqlashtirish;

Oʻzbekiston Respublikasining “Yoshlarga oid davlat siyosati toʻgʻrisida”gi Qonuni talablarini hayotga toʻlaqonli joriy etish va bu borada taʼsirchan nazorat oʻrnatish.

7. Idoralararo kengash oʻziga yuklangan vazifalarni bajarish uchun quyidagi funksiyalarni amalga oshiradi:

a) Oʻzbekiston yoshlar ittifoqi Markaziy Kengashiga yuklangan vazifalarni amalga oshirishda yaqindan koʻmaklashish sohasida:

Oʻzbekiston yoshlar ittifoqini yoshlarning koʻmakchisi va tayanchiga aylantirish;

Oʻzbekiston yoshlar ittifoqi faoliyatini samarali yoʻlga qoʻyishga doir uslubiy tavsiyalar berish, yoshlarga oid davlat siyosatini amalga oshirish jarayonida vujudga kelayotgan muammo va yoʻl qoʻyilayotgan kamchiliklarni bartaraf etishda koʻmaklashish;

Oʻzbekiston yoshlar ittifoqining davlat organlari va muassasalari, nodavlat notijorat tashkilotlari va fuqarolik jamiyatining boshqa institutlari bilan oʻzaro hamkorlik qilish rejalarini belgilashda, tadbirlar, anjumanlar tashkil etishda va oʻtkazishida amaliy yordam koʻrsatish;

yoshlar muammolari va tashabbuslarini oʻrganish;

Oʻzbekiston yoshlar ittifoqi faoliyati borasida keng jamoatchilik fikrini oʻrganish, tahlil qilish, ushbu sohadagi ishlarni yanada takomillashtirishga doir takliflar ishlab chiqish;

b) yoshlarga oid davlat siyosatini amalga oshirishda ishtirok etuvchi vakolatli idoralar faoliyatini muvofiqlashtirish sohasida:

davlat organlari va muassasalari, nodavlat notijorat tashkilotlari va fuqarolik jamiyati boshqa institutlarining yoshlarga oid davlat siyosatini amalga oshirishda oʻzaro hamkorligini taʼminlash;

yoshlarning huquqiy ongi va huquqiy madaniyatini yuksaltirishga doir faoliyatni muvofiqlashtirish;

yoshlar tadbirkorligini tizimli ravishda tahlil qilish va ularda tadbirkorlik koʻnikmalarini shakllantirishga koʻmaklashish;

yoshlarni maʼnaviy-axloqiy jihatdan va harbiy-vatanparvarlik ruhida tarbiyalashga doir tadbirlar ishlab chiqilishini tashkil etish;

yoshlarning huquqlari, erkinliklari va qonuniy manfaatlarini himoya qilishga, ularning jamiyat hayotidagi roli va faolligini oshirishga, sogʻlom va barkamol yosh avlodni tarbiyalashga, oilada maʼnaviy-axloqiy muhitni shakllantirishga yoʻnaltirilgan chora-tadbirlar ishlab chiqish;

yoshlarni tarbiyalash masalalari borasida taʼlim muassasalari va boshqa tashkilotlarning oʻzaro hamkorligini tashkil etish;

yoshlarning bandligi darajasini tizimli asosda tahlil qilish, ularning bandligini taʼminlashga koʻmaklashish, jumladan, ularni tadbirkorlikka keng jalb etish;

milliy oʻzlikni anglashda mustaqillik, yuksak maʼnaviyat, insonparvarlik anʼanalariga sadoqat gʻoyalarini yanada chuqur singdirish, radikalizm va ekstremizmning yot gʻoyalariga qarshi immunitetni mustahkamlash borasida yoshlar oʻrtasida maʼrifiy ishlarning amalga oshirilishini muvofiqlashtirish;

yoshlar oʻrtasida jismoniy tarbiya va sportni rivojlantirish, sogʻlom turmush tarzini shakllantirishga boʻlgan intilishni va sportga qiziqishni ragʻbatlantirish chora-tadbirlarining amalga oshirilishini tashkil etish;

yoshlar oʻrtasida sanitariya-gigiyenaga oid bilimlarni tarqatish va sogʻlom turmush tarzini shakllantirish boʻyicha targʻibotlar tashkil etish;

yoshlarning taʼlimi va tarbiyasi sifatini oshirish, oʻquv jarayoniga taʼlimning zamonaviy shakllari va usullarini joriy etish choralarini koʻrish;

v) Oʻzbekiston Respublikasining “Yoshlarga oid davlat siyosati toʻgʻrisida”gi Qonuni talablarini hayotga toʻlaqonli joriy etish va bu borada taʼsirchan nazorat oʻrnatish sohasida:

yoshlarga oid davlat siyosati sohasidagi davlat dasturlarining ishlab chiqilishi va amalga oshirilishini nazorat qilish;

yoshlarga oid davlat siyosatini amalga oshirishda ishtirok etuvchi davlat organlari va muassasalari vakillarining hisobotlarini muntazam eshitish;

yoshlarga oid davlat siyosati sohasidagi qonun hujjatlarining ijro etilishi yuzasidan jamoatchilik nazorati amalga oshirilishini tashkil etish;

yoshlarga oid davlat siyosatini amalga oshirishning holati tahlil qilinishini tashkil etish;

yoshlarga oid davlat siyosatini roʻyobga chiqarishning samaradorligini oshirish uchun yoshlarning ehtiyoji monitoringi olib borilishini va baholanishini tashkil etish.

Idoralararo kengash oʻziga yuklangan vazifalarning samarali bajarilishi yuzasidan har yili Oʻzbekiston Respublikasi Prezidentiga hisobot kiritadi.

3-bob. Idoralararo kengashning huquq va majburiyatlari

8. Idoralararo kengash quyidagi huquqlarga ega:

oʻz vakolatiga kiradigan masalalar boʻyicha davlat organlari va muassasalari, nodavlat notijorat tashkilotlari va fuqarolik jamiyatining boshqa institutlaridan belgilangan tartibda maʼlumotlarni soʻrash va olish;

davlat organlari va muassasalarining yoshlarga oid davlat siyosatini amalga oshirish bilan bogʻliq faoliyati samaradorligini oshirishga doir qarorlar qabul qilish;

oʻz vakolatiga kiradigan masalalar boʻyicha davlat organlari va muassasalari rahbarlarining yoshlarga oid davlat siyosatini amalga oshirish bilan bogʻliq faoliyati yuzasidan hisobotlarini eshitish;

yoshlarga oid davlat siyosatini amalga oshirish bilan bogʻliq ishlarning holatini oʻrganish uchun ishchi komissiyalar va (yoki) ekspert guruhlar tashkil etish, shuningdek ushbu komissiya va guruhlar faoliyatiga tegishli mutaxassislarni jalb qilish;

yoshlarga oid davlat siyosatini amalga oshirishda faol ishtirok etgan shaxslarni ragʻbatlantirish tashabbusi bilan chiqish;

yoshlarga oid davlat siyosatini amalga oshirishga doir normativ-huquqiy hujjatlar loyihalarini ishlab chiqish yuzasidan takliflar berish.

Idoralararo kengash qonun hujjatlariga muvofiq boshqa huquqlarga ham ega boʻlishi mumkin.

9. Idoralararo kengash oʻziga yuklangan vazifalar va funksiyalarning samarali bajarilishi uchun javob beradi.

4-bob. Idoralararo kengash faoliyatini tashkil etish

10. Idoralararo kengashning rais, rais oʻrinbosarlari va aʼzolaridan iborat tarkibi Oʻzbekiston Respublikasi Prezidenti tomonidan tasdiqlanadi.

11. Idoralararo kengash oʻz faoliyatini doimiy asosda amalga oshiradi va majlislarini zaruratga koʻra, ammo har oyda kamida bir marta oʻtkazadi.

12. Idoralararo kengash raisi:

Idoralararo kengash faoliyatiga umumiy rahbarlikni amalga oshiradi;

rais oʻrinbosarlari va aʼzolari oʻrtasida vazifalarni taqsimlaydi;

Idoralararo kengash yigʻilishlarini chaqiradi va ularga raislik qiladi;

Idoralararo kengash yigʻilishlari kun tartibini tasdiqlaydi;

Idoralararo kengash ish rejalarini tasdiqlaydi.

Idoralararo kengashning samarali ishlashini taʼminlash boʻyicha boshqa vazifalarni amalga oshiradi.

13. Idoralararo kengash raisi oʻrinbosarlari rais tomonidan oʻzlariga yuklangan vazifalarni amalga oshiradi hamda ushbu vazifalarning oʻz vaqtida va sifatli bajarilishi uchun shaxsan javob beradi.

14. Idoralararo kengash ishchi organi funksiyasini Oʻzbekiston yoshlar ittifoqi (keyingi oʻrinlarda Ishchi organ deb ataladi) bajaradi.

15. Ishchi organ:

Idoralararo kengashning ish rejalarini ishlab chiqadi, ularning ijrosi yuzasidan nazoratni amalga oshiradi;

tasdiqlangan ish rejasiga muvofiq Idoralararo kengashning joriy faoliyatini tashkil etadi;

Idoralararo kengash yigʻilishlari kun tartibiga kiritiladigan masalalar boʻyicha materiallarning tayyorlanishini tashkil qiladi;

Idoralararo kengash oʻz vakolati doirasiga kiruvchi masalalar yuzasidan qarorlar va boshqa hujjatlar loyihalarini tayyorlaydi;

Idoralararo kengash qarorlarining ijrosi yuzasidan nazorat va monitoringni tashkil qiladi;

ommaviy axborot vositalari bilan oʻzaro hamkorlik qiladi;

Idoralararo kengash faoliyatini tashkiliy-texnik taʼminlashni amalga oshiradi.

Ishchi organ qonun hujjatlariga muvofiq boshqa funksiyalarni ham amalga oshirishi mumkin.

16. Idoralararo kengash tarkibiga kiruvchi davlat organlari va muassasalari, nodavlat notijorat tashkilotlari oʻz vakolatlari doirasida yoshlarga oid davlat siyosati doirasida amalga oshirilgan ishlar toʻgʻrisida Ishchi guruhga har oyning yigirma beshinchi sanasiga qadar hisobotlar taqdim etib boradilar.

17. Idoralararo kengash majlisini uning raisi boshqaradi. Idoralararo kengash raisi boʻlmagan taqdirda, majlisni uning oʻrinbosarlaridan biri boshqaradi.

Idoralararo kengash majlisi aʼzolarining kamida uchdan ikki qismi hozir boʻlganda vakolatli hisoblanadi.

18. Idoralararo kengash qarorlari Idoralararo kengash aʼzolarining oddiy koʻpchilik ovozi bilan qabul qilinadi. Ovozlar teng boʻlgan taqdirda Idoralararo kengash raisining ovozi hal qiluvchi hisoblanadi.

Idoralararo kengash qarorlari yigʻilishda ishtirok etgan Idoralararo kengash aʼzolari tomonidan imzolanadigan va Idoralararo kengash raisi tomonidan tasdiqlanadigan bayonnoma bilan rasmiylashtiriladi. Bayonnomani imzolashda Idoralararo kengash aʼzolari oʻzlarining alohida fikrlarini yozma ravishda bildirish huquqiga egadir.

19. Idoralararo kengashning ish rejalari uning aʼzolaridan kelib tushgan takliflar asosida har yarim yilga tuziladi, Idoralararo kengash yigʻilishida koʻrib chiqiladi va Idoralararo kengash raisi tomonidan tasdiqlanadi.

5-bob. Yakunlovchi qoidalar

20. Idoralararo kengash faoliyatini tashkiliy-texnik jihatdan taʼminlash Oʻzbekiston yoshlar ittifoqini rivojlantirish jamgʻarmasi mablagʻlari hisobidan amalga oshiriladi.

21. Idoralararo kengashni qayta tashkil etish va tugatish qonun hujjatlarida belgilangan tartibda amalga oshiriladi.

Vazirlar Mahkamasining 2017-yil 29-sentabrdagi 774-son qaroriga 2-ILOVA

Yoshlar masalalari boʻyicha hududiy idoralararo kengashlar toʻgʻrisida namunaviy

1-bob. Umumiy qoidalar

1. Ushbu Nizom Yoshlar masalalari boʻyicha hududiy idoralararo kengashining (keyingi oʻrinlarda hududiy idoralararo kengash deb ataladi) asosiy vazifalari va funksiyalari, huquq va majburiyatlarini, shuningdek faoliyatini tashkil etish tartibini belgilaydi.

2. Hududiy idoralararo kengash yoshlarga oid davlat siyosatini amalga oshirishda ishtirok etuvchi davlat organlari va muassasalari faoliyatini muvofiqlashtiruvchi kollegial organ hisoblanadi.

3. Hududiy idoralararo kengash oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga,Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, ushbu Nizomga hamda boshqa qonun hujjatlariga amal qiladi.

4. Hududiy idoralararo kengash oʻz faoliyatini mahalliy ijro etuvchi hokimiyat organlari, boshqa tashkilotlar, joylardagi nodavlat notijorat tashkilotlari hamda fuqarolik jamiyatining boshqa institutlari bilan oʻzaro hamkorlikda amalga oshiradi.

5. Hududiy idoralararo kengash qarorlarini bajarish yoshlarga oid davlat siyosatini amalga oshirish doirasida tegishli hududdagi barcha davlat organlari va muassasalari, nodavlat notijorat tashkilotlari va fuqarolik jamiyatining boshqa institutlari uchun majburiydir.

2-bob. Hududiy idoralararo kengashning asosiy vazifalari va funksiyalari

6. Quyidagilar Hududiy idoralararo kengashning asosiy vazifalari hisoblanadi:

Oʻzbekiston yoshlar ittifoqi hududiy kengashlariga yuklangan vazifalarni amalga oshirishda yaqindan koʻmaklashish;

yoshlarga oid davlat siyosatini amalga oshirishda ishtirok etuvchi mahalliy ijro etuvchi hokimiyat organlari va boshqa tashkilotlar faoliyatini muvofiqlashtirish;

Oʻzbekiston Respublikasining “Yoshlarga oid davlat siyosati toʻgʻrisida”gi Qonuni talablarini joylarda hayotga toʻlaqonli joriy etish va bu borada taʼsirchan nazorat oʻrnatish.

7. Hududiy idoralararo kengash oʻziga yuklangan vazifalarni bajarish uchun quyidagi funksiyalarni amalga oshiradi:

a) Oʻzbekiston yoshlar ittifoqi hududiy kengashlariga yuklangan vazifalarni amalga oshirishda yaqindan koʻmaklashish sohasida:

Oʻzbekiston yoshlar ittifoqini joylarda yoshlarning koʻmakchisi va tayanchiga aylantirish;

Oʻzbekiston yoshlar ittifoqi hududiy kengashlarining faoliyatini samarali yoʻlga qoʻyishga doir uslubiy tavsiyalar berish, joylarda yoshlarga oid davlat siyosatini amalga oshirish jarayonida vujudga kelayotgan muammo va yoʻl qoʻyilayotgan kamchiliklarni bartaraf etishda koʻmaklashish;

Oʻzbekiston yoshlar ittifoqi hududiy kengashlarining mahalliy ijro etuvchi hokimiyat organlari, boshqa tashkilotlar, nodavlat notijorat tashkilotlari va fuqarolik jamiyatining boshqa institutlari bilan oʻzaro hamkorlik qilish rejalarini belgilashda, tadbirlar, anjumanlar tashkil etishda va oʻtkazishida amaliy yordam koʻrsatish;

joylardagi yoshlar muammolari va tashabbuslarini oʻrganish;

Oʻzbekiston yoshlar ittifoqi hududiy kengashlarining faoliyati borasida keng jamoatchilik fikrini oʻrganish, tahlil qilish, ushbu sohadagi ishlarni yanada takomillashtirishga doir takliflar ishlab chiqish;

b) yoshlarga oid davlat siyosatini amalga oshirishda ishtirok etuvchi vakolatli idoralar faoliyatini muvofiqlashtirish sohasida:

mahalliy ijro etuvchi hokimiyat organlari, nodavlat notijorat tashkilotlari va fuqarolik jamiyati boshqa institutlarining yoshlarga oid davlat siyosatini amalga oshirishda oʻzaro hamkorligini taʼminlash;

joylarda yoshlarning huquqiy ongi va huquqiy madaniyatini yuksaltirishga doir faoliyatni muvofiqlashtirish;

joylarda yoshlar tadbirkorligini tizimli ravishda tahlil qilish va ularda tadbirkorlik koʻnikmalarini shakllantirishga koʻmaklashish;

joylarda yoshlarni maʼnaviy-axloqiy jihatdan va harbiy-vatanparvarlik ruhida tarbiyalashga doir tadbirlar ishlab chiqilishini tashkil etish;

joylarda yoshlarning huquqlari, erkinliklari va qonuniy manfaatlarini himoya qilishga, ularning jamiyat hayotidagi roli va faolligini oshirishga, sogʻlom va barkamol yosh avlodni tarbiyalashga, oilada maʼnaviy-axloqiy muhitni shakllantirishga yoʻnaltirilgan chora-tadbirlar ishlab chiqish;

joylarda yoshlarni tarbiyalash masalalari borasida taʼlim muassasalari va boshqa tashkilotlarning oʻzaro hamkorligini tashkil etish;

joylarda hududlarning oʻziga xos xususiyatlarini inobatga olgan holda, yoshlarning bandligi darajasini tizimli asosda tahlil qilish, ularning bandligini taʼminlashga koʻmaklashish, jumladan, ularni tadbirkorlikka keng jalb etish;

joylarda yoshlar oʻrtasida jismoniy tarbiya va sportni rivojlantirish, sogʻlom turmush tarzini shakllantirishga boʻlgan intilishni va sportga qiziqishni ragʻbatlantirish chora-tadbirlarining amalga oshirilishini tashkil etish;

joylarda yoshlar oʻrtasida sanitariya-gigiyenaga oid bilimlarni tarqatish va sogʻlom turmush tarzini shakllantirish boʻyicha targʻibotlar tashkil etish;

joylarda yoshlarning taʼlimi va tarbiyasi sifatini oshirish, oʻquv jarayoniga taʼlimning zamonaviy shakllari va usullarini joriy etish choralarini koʻrish;

v) Oʻzbekiston Respublikasining “Yoshlarga oid davlat siyosati toʻgʻrisida”gi Qonuni talablarini hayotga toʻlaqonli joriy etish va bu borada taʼsirchan nazorat oʻrnatish sohasida:

yoshlarga oid davlat siyosati sohasidagi davlat va hududiy dasturlarning ishlab chiqilishi va amalga oshirilishini nazorat qilish;

yoshlarga oid davlat siyosatini amalga oshirishda ishtirok etuvchi hududiy davlat organlari va muassasalari vakillarining hisobotlarini muntazam eshitish;

joylarda yoshlarga oid davlat siyosati sohasidagi qonun hujjatlarining ijro etilishi yuzasidan jamoatchilik nazorati amalga oshirilishini tashkil etish;

joylarda yoshlarga oid davlat siyosatini amalga oshirishning holati tahlil qilinishini tashkil etish;

joylarda yoshlarga oid davlat siyosatini roʻyobga chiqarishning samaradorligini oshirish uchun yoshlarning ehtiyoji monitoringi olib borilishini va baholanishini tashkil etish.

Hududiy idoralararo kengash oʻziga yuklangan vazifalarning samarali bajarilishi yuzasidan har yili Respublika idoralararo kengashiga hisobot kiritadi.

3-bob. Hududiy idoralararo kengashning huquq va majburiyatlari

8. Hududiy idoralararo kengash quyidagi huquqlarga ega:

oʻz vakolatiga kiradigan masalalar boʻyicha hududiy davlat organlari va muassasalari, nodavlat notijorat tashkilotlari va fuqarolik jamiyatining boshqa institutlaridan belgilangan tartibda maʼlumotlarni soʻrash va olish;

hududiy davlat organlari va muassasalarining yoshlarga oid davlat siyosatini amalga oshirish bilan bogʻliq faoliyati samaradorligini oshirishga doir qarorlar qabul qilish;

oʻz vakolatiga kiradigan masalalar boʻyicha hududiy davlat organlari va muassasalari rahbarlarining yoshlarga oid davlat siyosatini amalga oshirish bilan bogʻliq faoliyati yuzasidan hisobotlarini eshitish;

joylarda yoshlarga oid davlat siyosatini amalga oshirish bilan bogʻliq ishlarning holatini oʻrganish uchun ishchi komissiyalar va (yoki) ekspert guruhlar tashkil etish, shuningdek ushbu komissiya va guruhlar faoliyatiga tegishli mutaxassislarni jalb qilish;

joylarda yoshlarga oid davlat siyosatini amalga oshirishda faol ishtirok etgan shaxslarni ragʻbatlantirish tashabbusi bilan chiqish;

yoshlarga oid davlat siyosatini amalga oshirishga doir normativ-huquqiy hujjatlar loyihalarini ishlab chiqish yuzasidan takliflar berish.

Hududiy idoralararo kengash qonun hujjatlariga muvofiq boshqa huquqlarga ham ega boʻlishi mumkin.

9. Hududiy kengash oʻziga yuklangan vazifalar va funksiyalarning samarali bajarilishi uchun javob beradi.

4-bob. Hududiy idoralararo kengash faoliyatini tashkil etish

10. Viloyat, tuman (shahar) hududiy idoralararo kengashlarning tarkibi ushbu Nizomga 1 va 2-ilovalarga muvofiq shakllantiriladi.

11. Hududiy idoralararo kengash oʻz faoliyatini doimiy asosda amalga oshiradi va majlislarini zaruratga koʻra, ammo har oyda kamida bir marta oʻtkazadi.

12. Hududiy idoralararo kengashga tegishli Qoraqalpogʻiston Respublikasi Joʻqorgʻi Kengesi Raisi, viloyatlar, Toshkent shahri, tumanlar va shaharlar hokimlari raislik qiladi.

Hududiy idoralararo kengash raisi:

Hududiy idoralararo kengash faoliyatiga umumiy rahbarlikni amalga oshiradi;

rais oʻrinbosari va aʼzolari oʻrtasida vazifalarni taqsimlaydi;

Hududiy idoralararo kengash yigʻilishlarini chaqiradi va ularga raislik qiladi;

Hududiy idoralararo kengash yigʻilishlari kun tartibini tasdiqlaydi;

Hududiy idoralararo kengash ish rejalarini tasdiqlaydi.

Hududiy idoralararo kengashning samarali ishlashini taʼminlash boʻyicha boshqa vazifalarni amalga oshiradi.

13. Hududiy idoralararo kengash raisi oʻrinbosari rais tomonidan oʻziga yuklangan vazifalarni amalga oshiradi hamda ushbu vazifalarning oʻz vaqtida va sifatli bajarilishi uchun shaxsan javob beradi.

14. Hududiy idoralararo kengash ishchi organi funksiyasini tegishli Oʻzbekiston yoshlar ittifoqi hududiy kengashlari (keyingi oʻrinlarda Ishchi organ deb yuritiladi) bajaradi.

15. Ishchi organ:

Hududiy idoralararo kengashning ish rejalarini ishlab chiqadi, ularning ijrosi yuzasidan nazoratni amalga oshiradi;

tasdiqlangan ish rejasiga muvofiq Hududiy idoralararo kengashning joriy faoliyatini tashkil etadi;

Hududiy idoralararo kengash yigʻilishlari kun tartibiga kiritiladigan masalalar boʻyicha materiallarning tayyorlanishini tashkil qiladi;

Hududiy idoralararo kengash oʻz vakolati doirasiga kiruvchi masalalar yuzasidan qarorlar va boshqa hujjatlar loyihalarini tayyorlaydi;

Hududiy idoralararo kengash qarorlarining ijrosi yuzasidan nazorat va monitoringni tashkil qiladi;

ommaviy axborot vositalari bilan oʻzaro hamkorlik qiladi;

Hududiy idoralararo kengash faoliyatini tashkiliy-texnik taʼminlashni amalga oshiradi.

Ishchi organ qonun hujjatlariga muvofiq boshqa funksiyalarni ham amalga oshirishi mumkin.

16. Hududiy Idoralararo kengash tarkibiga kiruvchi davlat organlari va muassasalari, nodavlat notijorat tashkilotlari oʻz vakolatlari doirasida yoshlarga oid davlat siyosati doirasida amalga oshirilgan ishlar toʻgʻrisida Ishchi guruhga har oyning yigirma beshinchi sanasiga qadar hisobotlar taqdim etib boradilar.

17. Hududiy idoralararo kengash majlisini uning raisi boshqaradi. Idoralararo kengash raisi boʻlmagan taqdirda, majlisni uning oʻrinbosari boshqaradi.

Hududiy idoralararo kengash majlisi aʼzolarining kamida uchdan ikki qismi hozir boʻlganda vakolatli hisoblanadi.

18. Hududiy idoralararo kengash qarorlari Hududiy idoralararo kengash aʼzolarining oddiy koʻpchilik ovozi bilan qabul qilinadi. Ovozlar teng boʻlgan taqdirda Hududiy idoralararo kengash raisining ovozi hal qiluvchi hisoblanadi.

Hududiy idoralararo kengash qarorlari majlisida ishtirok etgan Hududiy idoralararo kengash aʼzolari tomonidan imzolanadigan va Hududiy idoralararo kengash raisi tomonidan tasdiqlanadigan bayonnoma bilan rasmiylashtiriladi. Bayonnomani imzolashda Hududiy idoralararo kengash aʼzolari oʻzlarining alohida fikrlarini yozma ravishda bildirish huquqiga egadir.

19. Hududiy idoralararo kengashning ish rejalari uning aʼzolaridan kelib tushgan takliflar asosida har yarim yilga tuziladi, Idoralararo kengash majlisida koʻrib chiqiladi va Idoralararo kengash raisi tomonidan tasdiqlanadi.

5-bob. Yakunlovchi qoidalar

20. Hududiy idoralararo kengash faoliyatini tashkiliy-texnik jihatdan taʼminlash Oʻzbekiston yoshlar ittifoqini rivojlantirish jamgʻarmasi mablagʻlari hisobidan amalga oshiriladi.

21. Hududiy idoralararo kengashni qayta tashkil etish va tugatish qonun hujjatlarida belgilangan tartibda amalga oshiriladi.

Yoshlar masalalari boʻyicha hududiy idoralararo kengashlari toʻgʻrisidagi nizomga 1-ILOVA

Yoshlar masalalari boʻyicha Qoraqalpogʻiston Respublikasi, viloyatlar va Toshkent shahri idoralararo kengashlarining

1. Qoraqalpogʻiston Respublikasi Joʻqorgʻi Kengesining Raisi, viloyatlar va Toshkent shahri hokimlari, Kengash raisi.

2. Oʻzbekiston yoshlar ittifoqi Qoraqalpogʻiston Respublikasi, viloyatlar va Toshkent shahri kengashlari raisi, Kengash raisi oʻrinbosari.

3. Qoraqalpogʻiston Respublikasi Vazirlar Kengashi Raisining, viloyatlar va Toshkent shahri hokimlarining Yoshlar siyosati, ijtimoiy rivojlantirish va maʼnaviy-maʼrifiy masalalar boʻyicha oʻrinbosarlari.

4. Qoraqalpogʻiston Respublikasi Vazirlar Kengashi Raisi oʻrinbosari — Oila va xotin-qizlar qoʻmitasi raisi, viloyatlar va Toshkent shahar hokimlari oʻrinbosarlari — oila va xotin-qizlar boshqarmalari boshliqlari.

5. Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahri Kengashlarining Qonuniylik, huquq-tartibot va fuqarolar xavfsizligini taʼminlash masalalari boʻyicha doimiy komissiyalari raislari (kelishuv asosida).

6. Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahri Kengashlarining Yoshlar siyosati va sogʻlom avlodni tarbiyalash masalalari boʻyicha doimiy komissiyalari raislari (kelishuv asosida).

7. Qoraqalpogʻiston Respublikasi Xalq taʼlimi vaziri, Toshkent shahri xalq taʼlimi bosh boshqarmasi va viloyatlar xalq taʼlimi boshqarmalari boshliqlari.

8. Qoraqalpogʻiston Respublikasi, viloyatlar va Toshkent shahri oʻrta maxsus, kasb-hunar taʼlimi boshqarmalari boshliqlari.

9. Qoraqalpogʻiston Respublikasi Moliya vaziri, Toshkent shahri moliya bosh boshqarmasi va viloyatlar moliya boshqarmalari boshliqlari.

10. Qoraqalpogʻiston Respublikasi Iqtisodiyot vaziri, Toshkent shahri iqtisodiyot bosh boshqarmasi va viloyatlar iqtisodiyot boshqarmalari boshliqlari.

11. Qoraqalpogʻiston Respublikasi Sogʻliqni saqlash vaziri, Toshkent shahri sogʻliqni saqlash bosh boshqarmasi va viloyatlar sogʻliqni saqlash boshqarmalari boshliqlari.

12. Qoraqalpogʻiston Respublikasi Madaniyat vaziri, Toshkent shahri madaniyat bosh boshqarmasi va viloyatlar madaniyat boshqarmalari boshliqlari.

13. Qoraqalpogʻiston Respublikasi Bandlik va mehnat munosabatlari vaziri, viloyatlar va Toshkent shahri bandlik bosh boshqarmalari boshliqlari.

14. Qoraqalpogʻiston Respublikasi Ichki ishlar vaziri, Toshkent shahri ichki ishlar bosh boshqarmasi va viloyatlar ichki ishlar boshqarmalari boshliqlari.

15. Qoraqalpogʻiston Respublikasi, viloyatlar va Toshkent shahri mudofaa ishlari boshqarmalari boshliqlari.

16. Qoraqalpogʻiston Respublikasi Adliya vaziri, viloyatlar va Toshkent shahri adliya boshqarmalari boshliqlari.

17. Oʻzbekiston Respublikasi Axborot texnologiyalari va kommunikatsiyalarini rivojlantirish vazirligining Qoraqalpogʻiston Respublikasi, viloyatlar va Toshkent shahri hududiy boshqarmalari boshliqlari.

18. Qoraqalpogʻiston Respublikasi Davlat soliq qoʻmitasi raisi, Toshkent shahri davlat soliq bosh boshqarmasi va viloyatlar soliq boshqarmalari boshliqlari.

19. Qoraqalpogʻiston Respublikasi Jismoniy tarbiya va sport davlat qoʻmitasi, viloyatlar va Toshkent shahri jismoniy tarbiya va sport boshqarmalari boshliqlari.

20. Qoraqalpogʻiston Respublikasi, viloyatlar va Toshkent shahri bosh imom-xatiblari.

21. Qoraqalpogʻiston Respublikasi, viloyatlar va Toshkent shahri teleradiokompaniyalari direktorlari.

22. Qoraqalpogʻiston Respublikasi va viloyatlar fermer, dehqon xoʻjaliklari va tomorqa yer egalari kengashlari raislari.

23. Qoraqalpogʻiston Respublikasi, viloyatlar va Toshkent shahri Kasaba uyushmalari tashkilotlari birlashmalari raislari.

24. Oʻzbekiston faxriylarining ijtimoiy faoliyatini qoʻllab-quvvatlash “Nuroniy” jamgʻarmasi Qoraqalpogʻiston Respublikasi, viloyatlar va Toshkent shahri boʻlimlari raislari.

25. Savdo-sanoat palatasi Qoraqalpogʻiston Respublikasi, viloyatlar va Toshkent shahri boshqarmalari raislari.

26. Mudofaaga koʻmaklashuvchi “Vatanparvar” tashkiloti Qoraqalpogʻiston Respublikasi, viloyatlar va Toshkent shahri kengashlari raislari.

27. Respublika Maʼnaviyat va maʼrifat markazining Qoraqalpogʻiston Respublikasi, viloyatlar va Toshkent shahri boʻlimlari rahbarlari.

Yoshlar masalalari boʻyicha hududiy idoralararo kengashlar toʻgʻrisidagi namunaviy nizomga 2-ILOVA

Yoshlar masalalari boʻyicha tuman (shahar) hududiy idoralararo kengashlarining

1. Tuman (shahar) hokimi, Kengash raisi.

2. Oʻzbekiston yoshlar ittifoqi tuman(shahar) kengashlari raisi, Kengash raisi oʻrinbosari.

3. Tuman (shahar) hokimining Yoshlar siyosati, ijtimoiy rivojlantirish va maʼnaviy-maʼrifiy masalalar boʻyicha oʻrinbosarlari.

4. Tuman (shahar) hokimining oʻrinbosarlari — oila va xotin-qizlar boʻlimlari boshliqlari.

5. Xalq deputatlari tuman (shahar) kengashlarining Qonuniylik, huquq-tartibot va fuqarolar xavfsizligini taʼminlash masalalari boʻyicha doimiy komissiyalari raislari.

6. Xalq deputatlari tuman (shahar) kengashlarining Ijtimoiy-madaniy rivojlanish masalalari boʻyicha doimiy komissiyalari raislari.

7. Xalq deputatlari tuman (shahar) kengashlarining Yoshlar siyosati va sogʻlom avlodni tarbiyalash masalalari boʻyicha doimiy komissiyalari raislari.

8. Tuman (shahar) moliya boʻlimi boshligʻi.

9. Tuman (shahar) iqtisodiyot boʻlimi boshligʻi.

10. Tuman (shahar) ichki ishlar boʻlimi boshligʻi.

11. Tuman (shahar) mudofaa ishlari boʻlimi boshligʻi.

12. Tuman (shahar) bandlikka koʻmaklashish markazi direktori.

13. Tuman (shahar) xalq taʼlimi boʻlimi boshligʻi.

14. Tuman (shahar) tibbiyot birlashmasi rahbari.

15. Tuman (shahar) madaniyat boʻlimi rahbari.

16. Tuman (shahar) FHDY boʻlimi mudiri.

17. Tuman (shahar) bosh imom-xatibi.

18. Oʻzbekiston faxriylarining ijtimoiy faoliyatini qoʻllab-quvvatlash “Nuroniy” jamgʻarmasi tuman (shahar) boʻlimi raisi.

19. Mudofaaga koʻmaklashuvchi “Vatanparvar” tashkiloti tuman (shahar) boʻlimi raisi.

20. Respublika Maʼnaviyat va maʼrifat markazining tuman (shahar) boʻlimi rahbari.

21. Tuman (shahar) hududidagi kasb-hunar kollejlari rahbarlari.

22. Tuman fermer, dehqon xoʻjaliklari va tomorqa yer egalari kengashi raisi.

23. Tuman (shahar) mahalla (shaharcha, qishloq, ovul) fuqarolar yigʻini raislari (3 nafargacha).

Oʻzbekiston Respublikasining Bosh vaziri A. ARIPOV

Toshkent sh.,

2017-yil 29-sentabr,

774-son

(Qonun hujjatlari maʼlumotlari milliy bazasi, 04.10.2017-y., 09/17/774/0050-son, 27.12.2017-y., 09/17/1021/0465-son; Qonunchilik maʼlumotlari milliy bazasi, 10.08.2022-y., 09/22/438/0726-son; 16.12.2025-y., 09/25/791/1167-son)

lex.uz