📅 2017-yil 4-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 4 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 4 октября 2017 г. · Постановления Президента
Официальный текст. Официальный документ. Редакционные примечания не включены.
📅 4 October 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
РЎЙХАТИ
Автомобиль йўллари кўприкларини, йўл ўтказгичлар ва бошқа сунъий иншоотларни қуриш ҳамда фойдаланишни ташкил этиш тизимини такомиллаштириш тўғрисида
Автомобиль йўллари кўприклари, йўл ўтказгичлар ва бошқа сунъий иншоотлар қуриш тизимини янада такомиллаштириш, транспорт инфратузилмасини ривожлантириш, шунингдек, улардан фойдаланиш самарадорлигини ошириш мақсадида:
1. «Ўзбекистон темир йўллари» акциядорлик жамиятининг «Кўприкқурилиш» трести» Унитар корхонаси (кейинги ўринларда — «Кўприкқурилиш» трести» УК деб юритилади) автомобиль йўллари кўприкларини, йўл ўтказгичлар (ёндошиш йўллари билан бирга 500 погон метрдан кўпроқ узунликда) ва бошқа сунъий иншоотларни эксплуатация қилиш бўйича ваколатли ташкилот этиб белгилансин.
2. «Ўзбекистон темир йўллари» акциядорлик жамиятининг «Кўприкқурилиш» трести» УК таркибида:
иккита ихтисослаштирилган филиал — автомобиль йўллари кўприклари, йўл ўтказгичлар ва бошқа сунъий иншоотлар қуриш ва реконструкция қилиш бўйича 1- ва 2-кўприк қурилиши отрядларини;
автомобиль йўллари, кўприкларини, йўл ўтказгичлар ва бошқа сунъий иншоотларни эксплуатация қилиш бўйича минтақаларда таркибий бўлинмалари бўлган унитар корхона;
«Ko`prikqurilishloyiha» — «Автомобиль йўллари кўприкларини, йўл ўтказгичлар ва бошқа сунъий иншоотларни лойиҳалаш институти» унитар корхонаси;
«Ko`prikqurilishta`mirlash Direksiyasi» — «Автомобиль йўллари кўприкларини, йўл ўтказгичлар ва бошқа сунъий иншоотларни қуриш ва реконструкция қилиш дирекцияси» унитар корхонаси;
«Қурилиш сифати бўйича лаборатория» унитар корхонаси;
«Кўприкқурилиш» трести» УКнинг 13-кўприк қурилиш отряди ишлаб чиқариш негизида «Темир-бетон буюмлар ва бошқа конструкциялар тайёрлаш заводи» унитар корхонаси;
«Мехмост» АЖни қайта ташкил этиш йўли билан «Махсус темир-бетон буюмлар ва конструкциялар ишлаб чиқариш заводи» унитар корхонасини ташкил этиш тўғрисидаги таклифи маъқуллансин.
3. Ўзбекистон Республикаси Бош вазирининг биринчи ўринбосари — «Ўзбекистон темир йўллари» акциядорлик жамияти бошқаруви раиси А.Ж. Раматов белгиланган тартибда «Кўприкқурилиш» трести» УКнинг ташкилий тузилмаси ҳамда ижро этувчи аппаратининг тузилмаси, шунингдек, унинг корхоналари ва филиалларининг тузилмалари тасдиқланишини таъминласин.
4. Қуйидагилар:
а) автомобиль йўллари кўприкларини, йўл ўтказгичлар ва бошқа сунъий иншоотларни қуриш, реконструкция қилиш ва мукаммал таъмирлаш бўйича:
«Ко`prikqurilishta`mirlash Direksiyasi» — «Автомобиль йўллари кўприкларини, йўл ўтказгичлар ва бошқа сунъий иншоотларни қуриш ва реконструкция қилиш дирекцияси» УК — буюртмачи этиб;
«Ko`prikqurilishloyiha» — «Автомобиль йўллари кўприкларини, йўл ўтказгичлар ва бошқа сунъий иншоотларни лойиҳалаш институти» УК — бош лойиҳа ташкилоти этиб;
«Кўприкқурилиш» трести» УКнинг таркибий бўлинмалари — бош пудратчи ташкилотлар этиб белгилансин;
б) «Кўприкқурилиш» трести» УКга топширилаётган автомобиль йўллари кўприклари, йўл ўтказгичлар ва бошқа сунъий иншоотларни эксплуатация қилиш, лойиҳалаш, мукаммал таъмирлаш, реконструкция қилиш ва қуришга:
умумфойдаланадиган автомобиль йўлларида жойлашган иншоотлар сарф-харажатларини молиялаштириш манбалари этиб — Ўзбекистон Республикаси республика бюджети маблағлари;
хўжалик автомобиль йўлларида, шаҳарлар ҳамда бошқа аҳоли пунктлари кўчаларида жойлашган иншоотларнинг сарф-харажатларини молиялаштириш манбалари этиб — Қорақалпоғистон Республикаси бюджети, вилоятлар ва Тошкент шаҳри маҳаллий бюджетларининг маблағлари, шунингдек, қонун ҳужжатларида тақиқланмаган бошқа манбалар белгилансин.
5. «Ўзбекистон темир йўллари» АЖ ва Ўзбекистон Республикаси Автомобиль йўллари давлат қўмитаси Ўзбекистон Республикаси Ер ресурслари, геодезия, картография ва давлат кадастри давлат қўмитаси, Ўзбекистон Республикаси Ички ишлар вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда:
бир ой муддатда автомобиль йўллари кўприкларини, йўл ўтказгичлар (ёндашиш йўллари билан бирга 500 погон метрдан кўпроқ узунликда) ва бошқа иншоотларни хатловдан ўтказиш ва улар эксплуатациясини давом эттириш учун «Кўприкқурилиш» трести» УКга босқичма-босқич топшириш жадваллари ишлаб чиқилиши ва тасдиқлаш учун Вазирлар Маҳкамасига киритилишини;
тасдиқланган жадвалларга мувофиқ хатлов ўтказиш, ягона электрон базани яратган ҳолда қабул қилинаётган автомобиль йўллари кўприкларининг, йўл ўтказгичлар ва бошқа сунъий иншоотларнинг тавсифномаларини ҳамда баланс жиҳатдан мансублигини аниқлаштирсин, шунингдек, паспортлаштиришни таъминласин.
6. Ўзбекистон Республикаси Автомобиль йўллари давлат қўмитаси «Ўзбекистон темир йўллари» АЖнинг устав капиталида давлат улушини кўпайтириш ҳисобига «Трансйўлқурилиш» ДУКнинг кўприк қурилиш техникасини иловага * мувофиқ рўйхат бўйича хўжалик юритиш ҳуқуқи билан «Кўприкқурилиш» трести» УКга топширсин.
7. Ўзбекистон Республикаси Вазирлар Маҳкамаси «Ўзбекистон темир йўллари» АЖ, Ўзбекистон Республикаси Автомобиль йўллари давлат қўмитаси, Ўзбекистон Республикаси Давлат архитектура ва қурилиш қўмитаси, Иқтисодиёт вазирлиги, Молия вазирлиги, Ички ишлар вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари билан биргаликда 2018 йилнинг 1 январига қадар муддатда ушбу соҳадаги жаҳон тажрибасини ўрганишни ҳисобга олган ҳолда автомобиль йўллари кўприкларини, йўл ўтказгичлар ва бошқа иншоотларни қуриш, реконструкция қилиш ва мукаммал таъмирлаш бўйича дастурни (кейинги ўринларда — Дастур), шунингдек, «Кўприкқурилиш» трести» УКни модернизация қилиш ҳамда жиҳозлаш тадбирларини ишлаб чиқсин ва тасдиқласин.
8. Қуйидагилар белгилансин:
2018 йилнинг 1 январидан бошлаб «Минтақавий автомобиль йўлларини ривожлантириш» ва «Минтақавий автомобиль йўлларини ривожлантириш, 2-фаза» лойиҳалари бўйича Осиё тараққиёт банки (кейинги ўринларда — АТБ) қарзининг қолган суммасини тўлаш Республикасининг Давлат бюджети ҳисобидан амалга оширилади;
«Трансйўлқурилиш» ДУКнинг «Олти комплект ихтисослаштирилган мобиль асфальт-бетон комплексларини сотиш олиш» лойиҳаси доирасида кўрсатилган хизматлар учун Республика йўл жамғармаси олдидаги мажбурияти, шунингдек, Ўзбекистон Республикаси Автомобиль йўллари давлат қўмитаси корхоналарининг «Трансйўлқурилиш» ДУК олдидаги мажбуриятлари тўхтатилади.
9. Ўзбекистон Республикаси Молия вазирлиги Ўзбекистон Республикаси Давлат бюджетининг 2018 йилги ва кейинги йиллардаги параметрларини шакллантиришда ушбу қарорнинг 8-бандида кўрсатилган лойиҳалар доирасида АТБнинг қарзларини тўлашга зарур маблағларни назарда тутсин.
10. Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари бир ой муддатда «Кўприкқурилиш» трести» УКнинг буюртманомалари бўйича:
«Кўприкқурилиш» трести» УКнинг янгидан ташкил этилаётган таркибий бўлинмаларини жойлаштириш учун Тошкент шаҳрида зарур ҳудуди ва ишлаб чиқариш инфратузилмаси бўлган иккита маъмурий бино текин фойдаланиш ҳуқуқи билан берилишини;
«Кўприкқурилиш» трести» УКнинг минтақалардаги таркибий бўлинмаларини жойлаштириш учун зарур ҳудуди ва ишлаб чиқариш инфратузилмаси бўлган бинолар текин фойдаланиш ҳуқуқи билан тақдим этилишини таъминласин.
11. Ўзбекистон Республикаси Вазирлар Маҳкамасининг Норуда фойдали қазилмалари бўлган ер қаъри участкаларидан фойдаланиш ҳуқуқига лицензиялар бериш комиссияси (Ғ.И. Ибрагимов), Ўзбекистон Республикаси Давлат геология ва минерал ресурслар қўмитаси (Б.Ф. Исломов) «Кўприкқурилиш» трести» УК ҳамда Ўзбекистон Республикаси Автомобиль йўллари давлат қўмитасининг буюртманомалари бўйича очиқ савдоларни ўтказмасдан, тўғридан-тўғри музокаралар асосида норуда ва инерт материаллар қазиб чиқариш учун лицензиялар билан таъминласин.
Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари «Кўприкқурилиш» трести» УК ҳамда Ўзбекистон Республикаси Автомобиль йўллари давлат қўмитасининг буюртманомалари бўйича норуда ва инерт материаллар қазиб чиқариш учун ер участкалари ажратилишини таъминласин.
13. «Ўзбекистон темир йўллари» АЖ Ўзбекистон Республикаси Инвестициялар бўйича давлат қўмитаси, Иқтисодиёт вазирлиги, Молия вазирлиги, бошқа вазирликлар ва идоралар билан биргаликда 2019 йилнинг 1 июлига қадар муддатда автомобиль йўллари кўприкларини, йўл ўтказгичлар ва сунъий иншоотларни лойиҳалаш ва қуриш, шунингдек, халқаро стандартларга мос келувчи технологиялар асосида темир-бетон буюмлар ва конструкциялар ишлаб чиқариш бўйича қўшма корхоналар барпо этиш учун инвестициялар, шу жумладан хорижий инвестицияларни жалб этиш масаласини ишлаб чиқсин.
14. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» акциядорлик жамияти бошқаруви раиси А.Ж. Раматов зиммасига юклансин.
Ўзбекистон Республикаси Президентининг 2017 йил 4 октябрдаги ПҚ-3309-сон қарорига ИЛОВА
Ўзбекистон Республикаси Автомобиль йўллари давлат қўмитаси «Ўзбекистон темир йўллари» АЖнинг устав капиталида давлат улушини кўпайтириш ҳисобига «Трансйўлқурилиш» ДУКнинг хўжалик юритиш ҳуқуқи билан «Кўприкқурилиш» трести» УКга топширадиган кўприк қурилиш техникаси
Т/р Техниканинг номланиши Модели Сони (дона) 1. Уриб бурғиловчи ускуна BG36V BV2000 1 2. 20 метр фойдали баландликка эга 16 тонна қувватли дезель-болғали мобил копер WOLTMAN PVE 5021 2 3. Чуқурлиги 30-50 метр бўлган, дм 130-160 мм бўлган бурғулаш-портлатиш ускунаси Нausherr НSB 3000 4 4. Ротор бурғулаш ускунаси (мобил бурғулаш машинаси) PRAKLA RB40 1
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 4 октябрь,
ПҚ-3309-сон
Oʻzbekiston Respublikasi Prezidentining
Qarori
ROʻYXATI
Avtomobil yoʻllari koʻpriklarini, yoʻl oʻtkazgichlar va boshqa sunʼiy inshootlarni qurish hamda foydalanishni tashkil etish tizimini takomillashtirish toʻgʻrisida
Avtomobil yoʻllari koʻpriklari, yoʻl oʻtkazgichlar va boshqa sunʼiy inshootlar qurish tizimini yanada takomillashtirish, transport infratuzilmasini rivojlantirish, shuningdek, ulardan foydalanish samaradorligini oshirish maqsadida:
1. “Oʻzbekiston temir yoʻllari” aksiyadorlik jamiyatining “Koʻprikqurilish” tresti” Unitar korxonasi (keyingi oʻrinlarda — “Koʻprikqurilish” tresti” UK deb yuritiladi) avtomobil yoʻllari koʻpriklarini, yoʻl oʻtkazgichlar (yondoshish yoʻllari bilan birga 500 pogon metrdan koʻproq uzunlikda) va boshqa sunʼiy inshootlarni ekspluatatsiya qilish boʻyicha vakolatli tashkilot etib belgilansin.
2. “Oʻzbekiston temir yoʻllari” aksiyadorlik jamiyatining “Koʻprikqurilish” tresti” UK tarkibida:
ikkita ixtisoslashtirilgan filial — avtomobil yoʻllari koʻpriklari, yoʻl oʻtkazgichlar va boshqa sunʼiy inshootlar qurish va rekonstruksiya qilish boʻyicha 1- va 2-koʻprik qurilishi otryadlarini;
avtomobil yoʻllari, koʻpriklarini, yoʻl oʻtkazgichlar va boshqa sunʼiy inshootlarni ekspluatatsiya qilish boʻyicha mintaqalarda tarkibiy boʻlinmalari boʻlgan unitar korxona;
“Ko`prikqurilishloyiha” — “Avtomobil yoʻllari koʻpriklarini, yoʻl oʻtkazgichlar va boshqa sunʼiy inshootlarni loyihalash instituti” unitar korxonasi;
“Ko`prikqurilishta`mirlash Direksiyasi” — “Avtomobil yoʻllari koʻpriklarini, yoʻl oʻtkazgichlar va boshqa sunʼiy inshootlarni qurish va rekonstruksiya qilish direksiyasi” unitar korxonasi;
“Qurilish sifati boʻyicha laboratoriya” unitar korxonasi;
“Koʻprikqurilish” tresti” UKning 13-koʻprik qurilish otryadi ishlab chiqarish negizida “Temir-beton buyumlar va boshqa konstruksiyalar tayyorlash zavodi” unitar korxonasi;
“Mexmost” AJni qayta tashkil etish yoʻli bilan “Maxsus temir-beton buyumlar va konstruksiyalar ishlab chiqarish zavodi” unitar korxonasini tashkil etish toʻgʻrisidagi taklifi maʼqullansin.
3. Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” aksiyadorlik jamiyati boshqaruvi raisi A.J. Ramatov belgilangan tartibda “Koʻprikqurilish” tresti” UKning tashkiliy tuzilmasi hamda ijro etuvchi apparatining tuzilmasi, shuningdek, uning korxonalari va filiallarining tuzilmalari tasdiqlanishini taʼminlasin.
4. Quyidagilar:
a) avtomobil yoʻllari koʻpriklarini, yoʻl oʻtkazgichlar va boshqa sunʼiy inshootlarni qurish, rekonstruksiya qilish va mukammal taʼmirlash boʻyicha:
“Ko`prikqurilishta`mirlash Direksiyasi” — “Avtomobil yoʻllari koʻpriklarini, yoʻl oʻtkazgichlar va boshqa sunʼiy inshootlarni qurish va rekonstruksiya qilish direksiyasi” UK — buyurtmachi etib;
“Ko`prikqurilishloyiha” — “Avtomobil yoʻllari koʻpriklarini, yoʻl oʻtkazgichlar va boshqa sunʼiy inshootlarni loyihalash instituti” UK — bosh loyiha tashkiloti etib;
“Koʻprikqurilish” tresti” UKning tarkibiy boʻlinmalari — bosh pudratchi tashkilotlar etib belgilansin;
b) “Koʻprikqurilish” tresti” UKga topshirilayotgan avtomobil yoʻllari koʻpriklari, yoʻl oʻtkazgichlar va boshqa sunʼiy inshootlarni ekspluatatsiya qilish, loyihalash, mukammal taʼmirlash, rekonstruksiya qilish va qurishga:
umumfoydalanadigan avtomobil yoʻllarida joylashgan inshootlar sarf-xarajatlarini moliyalashtirish manbalari etib — Oʻzbekiston Respublikasi respublika budjeti mablagʻlari;
xoʻjalik avtomobil yoʻllarida, shaharlar hamda boshqa aholi punktlari koʻchalarida joylashgan inshootlarning sarf-xarajatlarini moliyalashtirish manbalari etib — Qoraqalpogʻiston Respublikasi budjeti, viloyatlar va Toshkent shahri mahalliy budjetlarining mablagʻlari, shuningdek, qonun hujjatlarida taqiqlanmagan boshqa manbalar belgilansin.
5. “Oʻzbekiston temir yoʻllari” AJ va Oʻzbekiston Respublikasi Avtomobil yoʻllari davlat qoʻmitasi Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, Oʻzbekiston Respublikasi Ichki ishlar vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda:
bir oy muddatda avtomobil yoʻllari koʻpriklarini, yoʻl oʻtkazgichlar (yondashish yoʻllari bilan birga 500 pogon metrdan koʻproq uzunlikda) va boshqa inshootlarni xatlovdan oʻtkazish va ular ekspluatatsiyasini davom ettirish uchun “Koʻprikqurilish” tresti” UKga bosqichma-bosqich topshirish jadvallari ishlab chiqilishi va tasdiqlash uchun Vazirlar Mahkamasiga kiritilishini;
tasdiqlangan jadvallarga muvofiq xatlov oʻtkazish, yagona elektron bazani yaratgan holda qabul qilinayotgan avtomobil yoʻllari koʻpriklarining, yoʻl oʻtkazgichlar va boshqa sunʼiy inshootlarning tavsifnomalarini hamda balans jihatdan mansubligini aniqlashtirsin, shuningdek, pasportlashtirishni taʼminlasin.
6. Oʻzbekiston Respublikasi Avtomobil yoʻllari davlat qoʻmitasi “Oʻzbekiston temir yoʻllari” AJning ustav kapitalida davlat ulushini koʻpaytirish hisobiga “Transyoʻlqurilish” DUKning koʻprik qurilish texnikasini ilovaga * muvofiq roʻyxat boʻyicha xoʻjalik yuritish huquqi bilan “Koʻprikqurilish” tresti” UKga topshirsin.
7. Oʻzbekiston Respublikasi Vazirlar Mahkamasi “Oʻzbekiston temir yoʻllari” AJ, Oʻzbekiston Respublikasi Avtomobil yoʻllari davlat qoʻmitasi, Oʻzbekiston Respublikasi Davlat arxitektura va qurilish qoʻmitasi, Iqtisodiyot vazirligi, Moliya vazirligi, Ichki ishlar vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda 2018-yilning 1-yanvariga qadar muddatda ushbu sohadagi jahon tajribasini oʻrganishni hisobga olgan holda avtomobil yoʻllari koʻpriklarini, yoʻl oʻtkazgichlar va boshqa inshootlarni qurish, rekonstruksiya qilish va mukammal taʼmirlash boʻyicha dasturni (keyingi oʻrinlarda — Dastur), shuningdek, “Koʻprikqurilish” tresti” UKni modernizatsiya qilish hamda jihozlash tadbirlarini ishlab chiqsin va tasdiqlasin.
8. Quyidagilar belgilansin:
2018-yilning 1-yanvaridan boshlab “Mintaqaviy avtomobil yoʻllarini rivojlantirish” va “Mintaqaviy avtomobil yoʻllarini rivojlantirish, 2-faza” loyihalari boʻyicha Osiyo taraqqiyot banki (keyingi oʻrinlarda — ATB) qarzining qolgan summasini toʻlash Respublikasining Davlat budjeti hisobidan amalga oshiriladi;
“Transyoʻlqurilish” DUKning “Olti komplekt ixtisoslashtirilgan mobil asfalt-beton komplekslarini sotish olish” loyihasi doirasida koʻrsatilgan xizmatlar uchun Respublika yoʻl jamgʻarmasi oldidagi majburiyati, shuningdek, Oʻzbekiston Respublikasi Avtomobil yoʻllari davlat qoʻmitasi korxonalarining “Transyoʻlqurilish” DUK oldidagi majburiyatlari toʻxtatiladi.
9. Oʻzbekiston Respublikasi Moliya vazirligi Oʻzbekiston Respublikasi Davlat budjetining 2018-yilgi va keyingi yillardagi parametrlarini shakllantirishda ushbu qarorning 8-bandida koʻrsatilgan loyihalar doirasida ATBning qarzlarini toʻlashga zarur mablagʻlarni nazarda tutsin.
10. Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bir oy muddatda “Koʻprikqurilish” tresti” UKning buyurtmanomalari boʻyicha:
“Koʻprikqurilish” tresti” UKning yangidan tashkil etilayotgan tarkibiy boʻlinmalarini joylashtirish uchun Toshkent shahrida zarur hududi va ishlab chiqarish infratuzilmasi boʻlgan ikkita maʼmuriy bino tekin foydalanish huquqi bilan berilishini;
“Koʻprikqurilish” tresti” UKning mintaqalardagi tarkibiy boʻlinmalarini joylashtirish uchun zarur hududi va ishlab chiqarish infratuzilmasi boʻlgan binolar tekin foydalanish huquqi bilan taqdim etilishini taʼminlasin.
11. Oʻzbekiston Respublikasi Vazirlar Mahkamasining Noruda foydali qazilmalari boʻlgan yer qaʼri uchastkalaridan foydalanish huquqiga litsenziyalar berish komissiyasi (Gʻ.I. Ibragimov), Oʻzbekiston Respublikasi Davlat geologiya va mineral resurslar qoʻmitasi (B.F. Islomov) “Koʻprikqurilish” tresti” UK hamda Oʻzbekiston Respublikasi Avtomobil yoʻllari davlat qoʻmitasining buyurtmanomalari boʻyicha ochiq savdolarni oʻtkazmasdan, toʻgʻridan-toʻgʻri muzokaralar asosida noruda va inert materiallar qazib chiqarish uchun litsenziyalar bilan taʼminlasin.
Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari “Koʻprikqurilish” tresti” UK hamda Oʻzbekiston Respublikasi Avtomobil yoʻllari davlat qoʻmitasining buyurtmanomalari boʻyicha noruda va inert materiallar qazib chiqarish uchun yer uchastkalari ajratilishini taʼminlasin.
13. “Oʻzbekiston temir yoʻllari” AJ Oʻzbekiston Respublikasi Investitsiyalar boʻyicha davlat qoʻmitasi, Iqtisodiyot vazirligi, Moliya vazirligi, boshqa vazirliklar va idoralar bilan birgalikda 2019-yilning 1-iyuliga qadar muddatda avtomobil yoʻllari koʻpriklarini, yoʻl oʻtkazgichlar va sunʼiy inshootlarni loyihalash va qurish, shuningdek, xalqaro standartlarga mos keluvchi texnologiyalar asosida temir-beton buyumlar va konstruksiyalar ishlab chiqarish boʻyicha qoʻshma korxonalar barpo etish uchun investitsiyalar, shu jumladan xorijiy investitsiyalarni jalb etish masalasini ishlab chiqsin.
14. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” aksiyadorlik jamiyati boshqaruvi raisi A.J. Ramatov zimmasiga yuklansin.
Oʻzbekiston Respublikasi Prezidentining 2017-yil 4-oktabrdagi PQ-3309-son qaroriga ILOVA
Oʻzbekiston Respublikasi Avtomobil yoʻllari davlat qoʻmitasi “Oʻzbekiston temir yoʻllari” AJning ustav kapitalida davlat ulushini koʻpaytirish hisobiga “Transyoʻlqurilish” DUKning xoʻjalik yuritish huquqi bilan “Koʻprikqurilish” tresti” UKga topshiradigan koʻprik qurilish texnikasi
T/r Texnikaning nomlanishi Modeli Soni (dona) 1. Urib burgʻilovchi uskuna BG36V BV2000 1 2. 20 metr foydali balandlikka ega 16 tonna quvvatli dezel-bolgʻali mobil koper WOLTMAN PVE 5021 2 3. Chuqurligi 30-50 metr boʻlgan, dm 130-160 mm boʻlgan burgʻulash-portlatish uskunasi Nausherr NSB 3000 4 4. Rotor burgʻulash uskunasi (mobil burgʻulash mashinasi) PRAKLA RB40 1
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 4-oktabr,
PQ-3309-son
Президента Республики Узбекистан
Постановление
ПЕРЕЧЕНЬ
Об усовершенствовании системы организации строительства и эксплуатации автодорожных мостов, путепроводов и других искусственных сооружений
В целях дальнейшего совершенствования системы строительства автодорожных мостов, путепроводов и других искусственных сооружений, развития транспортной инфраструктуры, а также повышения эффективности их эксплуатации:
1. Определить Унитарное предприятие «Трест «Куприккурилиш»» АО «Узбекистон темир йуллари» (далее — УП «Трест «Куприккурилиш»») уполномоченной организацией по эксплуатации автодорожных мостов, путепроводов (протяженностью свыше 500 погонных метров с подходами) и других искусственных сооружений.
2. Одобрить предложение АО «Узбекистон темир йуллари» о создании в составе УП «Трест «Куприккурилиш»»:
двух специализированных филиалов — мостостроительных отрядов № 1 и 2 по строительству и реконструкции автодорожных мостов, путепроводов и других искусственных сооружений;
унитарного предприятия по эксплуатации автодорожных мостов, путепроводов и других искусственных сооружений с региональными структурными подразделениями;
унитарного предприятия «Koʼprikqurilishloyiha» — «Институт по проектированию автодорожных мостов, путепроводов и других искусственных сооружений»;
унитарного предприятия «Ko'prikqurilishtaʼmirlash Direksiyasi» — «Дирекция по строительству и реконструкции автодорожных мостов, путепроводов и других искусственных сооружений»;
унитарного предприятия «Лаборатория по качеству строительства»;
унитарного предприятия «Завод по изготовлению железобетонных и других конструкций» на производственной базе Мостоотряда № 13 УП «Трест «Куприккурилиш»»;
унитарного предприятия «Завод по производству специальных железобетонных изделий и конструкций» путем реорганизации АО «Мехмост».
3. Первому заместителю Премьер-министра Республики Узбекистан — председателю правления АО «Узбекистон темир йуллари» А.Ж. Раматову в установленном порядке обеспечить утверждение организационной структуры и структуры исполнительного аппарата УП «Трест «Куприккурилиш»», а также структуры его предприятий и филиалов.
4. Определить:
а) по строительству, реконструкции и капитальному ремонту автодорожных мостов, путепроводов и других искусственных сооружений:
заказчиком — УП «Ко'prikquri 1ishta'mirlash Direksiyasi» — «Дирекция по строительству и реконструкции автодорожных мостов, путепроводов и других искусственных сооружений»;
генеральной проектной организацией — УП «Koʼprikqurilishloyiha» — «Институт по проектированию автодорожных мостов, путепроводов и других искусственных сооружений»;
генеральными подрядными организациями — структурные подразделения УП «Трест «Куприккурилиш»»;
б) источниками финансирования расходов на эксплуатацию, проектирование, капитальный ремонт, реконструкцию и строительство автодорожных мостов, путепроводов и других искусственных сооружений, передаваемых УП «Трест «Куприккурилиш»» и расположенных на:
автомобильных дорогах общего пользования — средства Государственного бюджета Республики Узбекистан;
хозяйственных автомобильных дорогах, улицах городов и иных населенных пунктов — средства бюджета Республики Каракалпакстан, местных бюджетов областей и г. Ташкента, а также иные источники. не запрещенные законодательством.
5. АО «Узбекистон темир йуллари» и Государственному комитету Республики Узбекистан по автомобильным дорогам совместно с Государственным комитетом Республики Узбекистан по земельным ресурсам, геодезии, картографии и государственному кадастру, Министерством внутренних дел Республики Узбекистан, Советом Министров Республики Каракалпакстан, хокимиятами областей и г. Ташкента обеспечить:
в месячный срок разработку и внесение на утверждение в Кабинет Министров графиков инвентаризации и поэтапной передачи УП «Трест «Куприккурилиш»» для дальнейшей эксплуатации автодорожных мостов, путепроводов (протяженностью свыше 500 погонных метров с подходами) и других сооружений;
проведение инвентаризации в соответствии с утвержденными графиками, уточнение характеристик и балансовой принадлежности, а также паспортизации принимаемых автодорожных мостов, путепроводов и других искусственных сооружений с созданием единой электронной базы.
6. Государственному комитету Республики Узбекистан по автомобильным дорогам передать на праве хозяйственного ведения УП «Трест «Куприккурилиш»» за счет увеличения государственной доли в уставном капитале АО «Узбекистон темир йуллари» мостостроительную технику ГУП «Трансйулкурилиш» по перечню согласно приложению.
7. Кабинету Министров Республики Узбекистан совместно с АО «Узбекистон темир йуллари», Государственным комитетом Республики Узбекистан по автомобильным дорогам, Государственным комитетом Республики Узбекистан по архитектуре и строительству, Министерством экономики, Министерством финансов. Министерством внутренних дел Республики Узбекистан, Советом Министров Республики Каракалпакстан, хокимиятами областей и г. Ташкента в срок до 1 января 2018 года разработать и утвердить Программу по строительству, реконструкции и капитальному ремонту автодорожных мостов, путепроводов и других искусственных сооружений (далее — Программа), с учетом изучения мирового опыта в данной сфере, а также модернизации и оснащения УП «Трест «Куприккурилиш»».
8. Установить, что:
с 1 января 2018 года погашение остаточной суммы займа Азиатского банка развития (далее — АБР) по проектам «Развитие региональных автомобильных дорог» и «Развитие региональных автомобильных дорог, Фаза 2» осуществляется за счет Государственного бюджета Республики Узбекистан;
обязательства за оказанные услуги в рамках проекта «Приобретение шести комплектов специализированных мобильных асфальтобетонных комплексов» ГУП «Трансйулкурилиш» перед Республиканским дорожным фондом, а также предприятий Государственного комитета Республики Узбекистан по автомобильным дорогам перед ГУП «Трансйулкурилиш» прекращаются.
9. Министерству финансов Республики Узбекистан при формировании параметров Государственного бюджета Республики Узбекистан на 2018 и последующие годы предусматривать необходимые средства на погашение займов АБР в рамках проектов, указанных в пункте 8 настоящего постановления.
10. Государственному комитету Республики Узбекистан по содействию приватизированным предприятиям и развитию конкуренции. Совету Министров Республики Каракалпакстан, хокимиятам областей и г. Ташкента в месячный срок обеспечить по заявкам УП «Трест «Куприккурилиш»»:
предоставление на праве безвозмездного пользования двух административных зданий в г. Ташкенте с необходимой территорией и производственной инфраструктурой для размещения вновь создаваемых структурных подразделений УП «Трест «Куприккурилиш»»;
предоставление на праве безвозмездного пользования зданий с необходимой территорией и производственной инфраструктурой для размещения региональных структурных подразделений УП «Трест «Куприккурилиш»».
11. Комиссии Кабинета Министров Республики Узбекистан по выдаче лицензий на право пользования участками недр, содержащими нерудные полезные ископаемые (Г.И. Ибрагимов), Государственному комитету Республики Узбекистан по геологии и минеральным ресурсам (Б.Ф. Исламов) обеспечить по заявкам УП «Трест «Куприккурилиш»» и Государственного комитета Республики Узбекистан по автомобильным дорогам лицензий для добычи нерудных и инертных материалов, без проведения публичных торгов, на основе прямых переговоров.
Совету Министров Республики Каракалпакстан, хокимиятам областей и г. Ташкента обеспечить по заявкам УП «Трест «Куприккурилиш»» и Государственного комитета Республики Узбекистан по автомобильным дорогам отвод земельных участков для добычи нерудных и инертных материалов.
13. АО «Узбекистон темир йуллари» совместно с Государственным комитетом Республики Узбекистан по инвестициям, Министерством экономики. Министерством финансов Республики Узбекистан, другими министерствами и ведомствами в срок до 1 июля 2019 года проработать вопрос привлечения инвестиций, в том числе иностранных, для создания совместного предприятия по проектированию и строительству автодорожных мостов, путепроводов и других искусственных сооружений, а также производству железобетонных изделий и конструкций по технологиям, отвечающим международным стандартам.
14. Контроль за исполнением настоящего постановления возложить на первого заместителя Премьер-министра Республики Узбекистан — председателя правления АО «Узбекистон темир йуллари» А.Ж. Раматова.
ПРИЛОЖЕНИЕ к постановлению Президента Республики Узбекистан от 4 октября 2017 года № ПП-3309
мостостроительной техники ГУП «Трансйулкурилиш» Государственного комитета Республики Узбекистан по автомобильным дорогам, передаваемой на праве хозяйственного ведения УП «Куприккурилиш» за счет увеличения государственной доли в уставном капитале АО «Узбекистон темир йуллари»
№ Наименование техники Модель Количество (единиц) 1. Буронабивная установка BG36V BV2000 1 2. Копермобильный с дезель-молотом мощностью 16 тонн с полезной высотой 20 м WOLTMAN PVE 5021 2 3. Буровзрывное оборудование, глубина 30 — 50 м, дм 130 — 160 мм Нausherr НSB 3000 4 4. Установка для роторного бурения (мобильная бурильная машина) PRAKLA RB40 1
Президент Республики Узбекистан Ш. МИРЗИЁЕВ
г. Ташкент,
4 октября 2017 г.,
№ ПП-3309