📅 2017-yil 9-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 9 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 9 октября 2017 г. · Постановления Президента
Официальный текст. Официальный документ. Редакционные примечания не включены.
📅 9 October 2017 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
дастури
«Кафолат суғурта компанияси» акциядорлик жамияти фаолиятини такомиллаштириш чора-тадбирлари тўғрисида
Республикада суғурта фаолиятини янада такомиллаштириш, халқаро стандартлар асосида аҳоли ва тадбиркорлик субъектлари учун суғурта хизматлари кўламини ошириш, замонавий ахборот-коммуникация технологияларини жорий этиш, жисмоний ва юридик шахсларнинг мулкий манфаатларини самарадор суғурталаш тизимини яратиш, шунингдек, корпоратив бошқарувнинг замонавий усулларини жорий этиш мақсадида:
1. Қуйидагилар «Кафолат суғурта компанияси» акциядорлик жамиятининг асосий вазифалари ва фаолияти йўналишлари этиб белгилансин:
биринчи, етказилган зарар, ўт ва бахтсиз ҳодисалардан гаров ҳамда лизинг объектларини суғурталаш йўли орқали тадбиркорлик субъектларини ҳимоя қилиш суғурталарини тақдим этиш, шунингдек, мулкни, йўлдаги ускуналар ва товарларни суғурталаш ҳамда тадбиркорлик фаолиятини барча таваккалчиликлардан суғурталаш;
иккинчи, саноат корхоналарини ва иқтисодиёт тармоқларидаги қурилиш объектларини барча хавф-хатарлардан комплекс суғурталашни таъминлаш;
учинчи, ҳудудларни ижтимоий-иқтисодий ривожлантириш давлат дастурлари доирасида юридик ва жисмоний шахсларга суғурта ҳимоясини тақдим этиш, «Маҳалла», «Нуроний» жамғармалари ва Ўзбекистон ёшлар иттифоқи билан биргаликда суғурта хизматларининг кенг кўламини тақдим этиш учун республиканинг барча ҳудудлари аҳолиси қамраб олинишини кенгайтириш;
тўртинчи, аҳолини шахсий суғурталаш бўйича, шу жумладан, инфекция орқали юқадиган касалликлардан суғурталаш бўйича суғурта ҳимоясини таъминлаш;
бешинчи, ёшлар учун уйлар қуриш бўйича дастурларга мувофиқ уй-жойни суғурталашни амалга ошириш;
олтинчи, янги инвестициявий суғурта маҳсулотларини яратиш орқали суғурта фаолиятини кенгайтириш;
еттинчи, замонавий ахборот технологиялардан фойдаланган холда виртуал офислар ва суғурта хизматлари сотишнинг янги каналларини яратиш, онлайн тўлаш имкониятлари орқали интернет-магазинлардан фойдаланган холда жаҳон Интернет тизимидан фойдаланган ҳолда суғурта хизматлари сотишни ривожлантириш;
саккизинчи, аҳолига суғурта хизматларини кўрсатиш учун Ўзбекистон Республикаси Ер ресурслари, геодезия, картография ва давлат кадастри давлат қўмитаси билан биргаликда кўчмас мулк объектлари тўғрисидаги ахборот алмашинувини автоматлаштириш механизмларини жорий этиш;
тўққизинчи, суғурталаш ва қайтадан суғурталаш соҳасида халқаро ташкилотлар билан ҳамкорлик қилиш.
ўнинчи, барча турдаги кредитларнинг қайтарилмаслиги хатарларини суғурталаш (кредит ва лизинг операциялари бўйича тадбиркорлик хатарини суғурталаш) шартномалари бўйича кичик бизнес ва тадбиркорлик субъектларига суғурта хизматларини кўрсатиш.
2. Ўзбекистон Республикаси Молия вазирлиги ва «Кафолат суғурта компанияси» акциядорлик жамиятининг «Кафолат суғурта компанияси» акциядорлик жамияти тизимида:
республика ҳудудларида бўлинмаларни ташкил этган ҳолда масъулияти чекланган жамият шаклида ҳаётни суғурталаш бўйича ихтисослаштирилган ташкилотларни;
тиббиёт суғуртаси, техник ва юридик ассистанс бўйича хизматлар кўрсатадиган ассистанс ташкилотларини ташкил қилиш тўғрисидаги таклифига розилик берилсин.
3. Қуйидагилар:
2017-2018 йилларда «Кафолат суғурта компанияси» акциядорлик жамиятини янада ривожлантириш дастури 1-иловага мувофиқ;
4. «Кафолат суғурта компанияси» акциядорлик жамияти бошқаруви раиси зиммасига «Кафолат суғурта компанияси» акциядорлик жамиятига юклатилган вазифа ва фаолият йўналишларини сифатли ва тўлиқ ҳажмда амалга оширилишини таъминлаш ҳамда мазкур қарор билан маъқулланган Дастурда белгиланган чора-тадбирларни кўрсатилган муддатларда бажариш юзасидан шахсий жавобгарлик юклансин.
5. «Кафолат суғурта компанияси» акциядорлик жамияти:
Ўзбекистон Республикаси Савдо-саноат палатаси билан биргаликда Ўзбекистон Республикаси Савдо-саноат палатасининг туман (шаҳар) бўлимлари қошида доимий асосда тадбиркорлик субъектларига суғурта полисларини сотиш пунктларини ташкил этсин;
Ўзбекистон Республикаси Фавқулодда вазиятлар вазирлиги билан биргаликда сейсмик хавфга эга, сув тошқини вужудга келиши мумкин бўлган ҳамда сел хавф-хатарлари бўлган ҳудудлардаги иншоотлар, уй-жой, фуқароларнинг шахсий мулклари, ишлаб чиқариш ва ижтимоий аҳамиятга эга объектларини суғурталашни, шунингдек, аҳоли ва ташкилотлар ўртасида суғурталаш имтиёзлари тўғрисида тушунтириш ишлари олиб борилишини амалга оширсин.
6. Ўзбекистон Миллий телерадиокомпанияси ва Ўзбекистон Миллий ахборот агентлиги суғуртанинг мақсадлари, вазифалари, шунингдек, аҳамиятини аҳоли ўртасида Интернет тармоғини ҳисобга олган ҳолда босма ва электрон оммавий ахборот воситалари орқали кенг ёритилишини таъминласин.
7. Қуйидагилар:
Вазирлар Маҳкамасининг «Кафолат» давлат-акциядорлик суғурта компаниясини ташкил этиш тўғрисида» 1997 йил 14 мартдаги 144-сонли қарори ;
Вазирлар Маҳкамасининг «Суғурта хизматлари бозорини янада ривожлантириш чора-тадбирлари тўғрисида» 2002 йил 27 ноябрдаги 413-сонли қарори 3-иловасининг IХ банди (Ўзбекистон Республикаси ҚТ, 2002 йил, 11-сон, 72-бет) ўз кучини йўқотган деб ҳисоблансин.
8. «Кафолат суғурта компанияси» акциядорлик жамияти Ўзбекистон Республикаси Адлия вазирлиги ҳамда бошқа манфаатдор вазирликлар ва идоралар билан биргаликда бир ой муддатда қонунчиликка ушбу қарордан келиб чиқадиган ўзгартиш ва қўшимчалар тўғрисидаги таклифларни Ўзбекистон Республикаси Вазирлар Маҳкамасига киритсин.
9. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Ж.А. Қўчқоров ҳамда Ўзбекистон Республикаси молия вазири Б.А. Ходжаев зиммасига юклансин.
Ўзбекистон Республикаси Президентининг 2017 йил 9 октябрдаги ПҚ-3317-сон қарорига 1-ИЛОВА
2017-2018 йилларда «Кафолат суғурта компанияси» акциядорлик жамиятини янада ривожлантириш
Т/р Чора-тадбирларнинг номланиши Амалга ошириш шакли Ижро муддати I. СУҒУРТА ФАОЛИЯТИНИ ТАКОМИЛЛАШТИРИШ 1. Иқтисодиётнинг барча тармоқларида саноат корхоналари ва қурилиш объектларини барча хатарлардан комплекс суғурталашни таъминлаш мақсадида суғурта операцияларини амалга ошириш бўйича замонавий талаблар ва халқаро стандартларга жавоб берадиган янги инновацион суғурта маҳсулотлари ва махсус дастурлар яратиш. Махсус суғурта маҳсулотлари 2017-2018 йиллар 2. Тиббиёт суғуртаси, техник ва юридик ассистанс бўйича хизматлар кўрсатувчи ассистанс ташкилотини ташкил этиш. Ассистанс ташкилотини ташкил этиш 2018 йил II чорак 3. Республика ҳудудларида бўлинмаларини очган ҳолда масъулияти чекланган жамият шаклида ҳаётни суғурталаш бўйича ихтисослаштирилган ташкилот ташкил этиш. Суғурта ташкилотини ташкил этиш 2018 йил IV чорак 4. Акциядорлик жамиятлари менежерлари, шифокорлар, лойиҳа ва қурилиш ташкилотлари ва бошқаларнинг масъулиятини суғурталаш қоидаларини ишлаб чиқиш. Намунавий қоидалар 2018 йил III чорак 5. Ёшлар учун уйлар қуриш дастурларига мувофиқ уй-жойларни суғурталашни амалга ошириш. Суғурталаш шартномаларини тузиш 2017-2018 йиллар 6. Шартнома асосида суғурта бозорининг ихтисослаштирилган профессионал иштирокчиларини, бошқа мутахассисларни (шифокорлар, экспертлар, юристлар ва бошқалар) жалб этиш ва аутсорсинг ишларини давом эттириш. Ҳамкорлик тўғрисида тегишли шартномаларни тузиш 2017-2018 йиллар 7. 2017-2018 йиллар даврида суғурта хизматлари ҳажмини 1,5 баробарга ошириш. Чора-тадбирлар комплекси 2018 йил IV чорак 8. 2017-2018 йилларда активларнинг ўсишини 1,3 баробарга етказган ҳолда уларни ошириш. Чора-тадбирлар комплекси 2018 йил IV чорак 9. «Кафолат суғурта компанияси» АЖ томонидан таклиф этиладиган суғурталаш ва хизматлар афзалликлари тўғрисида оммавий ахборот воситаларида кенг ёритилишини ташкиллаштириш. Чора-тадбирлар комплекси 2017-2018 йиллар II. ХАЛҚАРО ҲАМКОРЛИКНИ РИВОЖЛАНТИРИШ 10. Жамиятнинг суғурта портфелини диверсификация қилиш ва самарали бошқариш мақсадида суғурталаш ва қайта суғурталаш соҳасида халқаро ташкилотлар билан ҳамкорлик қилиш, тўлов қобилиятига бўлган зарур талабларга риоя қилиш ҳамда тақдим этилаётган суғурта ва қайта суғурталаш хизматларининг юқори сифатини ушлаб туриш. Ҳамкорлик тўғрисида тегишли шартномаларни тузиш 2017-2018 йиллар 11. Жаҳон суғурта ҳамжамиятибилан интеграциялашув. Етакчи хорижий суғурта ва қайта суғурталаш компаниялари билан ҳамкорлик тўғрисида шартномалар тузиш. Ҳамкорлик тўғрисида шартномалар тузиш 2018 йил III чорак 12. Халқаро рейтинг баҳоларини олиш учун халқаро нормалар, мезонлар ва стандартларни жорий этиш, халқаро аудитни ўтказиш ва ISO сифат менежменти тизимини қўллаб бориш. Шартномалар тузиш 2018 йил IV чорак III. ФАОЛИЯТ САМАРАДОРЛИГИНИ БАҲОЛАШ 13. Мустақил экспертлар томонидан корпоратив бошқарув тизимини ҳар чоракда баҳолаб бориш. Баҳолаш тўғрисида ҳисобот Ҳар чоракда 14. Фаолият самарадорлигини баҳолаш мезонларини (KPI) такомиллаштириш. Жамиятнинг бизнес-режасига ўзгартиришлар киритиш 2018 йил I чорак 15. Жамият бўлинмаларининг фаолиятини такомиллаштириш мақсадида уларни тезкор таҳлил қилиш. Таҳлилий маълумот 2017 йил IV чорак IV. КОРПОРАТИВ БОШҚАРИШ ТИЗИМИНИ ТАКОМИЛЛАШТИРИШ 16. Жамиятнинг миноритар акциядорлари қўмитасини ташкил этиш Акциядорларнинг умумий йиғилиши қарори 2018 йил II чорак 17. Хатар-менежменти, аудит, кадрлар ва мукофотлар масалалари бўйича жамиятнинг кузатув кенгаши ҳузурида турдош қўмиталар ташкил этиш. Акциядорларнинг умумий йиғилиши қарори 2017 йил IV чорак 18. Корпоратив бошқарув Кодекси талабларини жорий этиш ва унга риоя қилиш. Чора-тадбирлар комплекси 2017 йил IV чорак 19. Жамиятнинг веб-сайтини янада такомиллаштириш. Веб-сайтни такомиллаштириш 2017 йил IV чорак V. НR-МЕНЕЖМЕНТИ САМАРАДОРЛИГИНИ ОШИРИШ 20. Жамият бошқаруви сони ва тузилмасини мақбуллаштириш. Штат жадвалига ўзгартиришлар киритиш 2017 йил III чорак 21. Жамиятнинг юқори ва ўрта бўғини менежерларини корпоратив менежмент ва бизнес-жараёнларини бошқариш бўйича курсларда, шу жумладан хорижда ўқитиш. Чора-тадбирлар комплекси 2018 йил I чорак 22. Асосан масофавий туриб семинар-тренинглар ўтказиш (видеоконференциялар, тестлар, ўқитиш). Семинар ва тренинглар ташкил этиш 2017-2018 йиллар 23. Суғурта тармоғи учун мутахассисларни тайёрлаш бўйича республиканинг олий таълим муассасалари билан биргаликда иш олиб бориш. Чора-тадбирлар комплекси 2018 йил II чорак VI. ЗАМОНАВИЙ АХБОРОТ-КОММУНИКАЦИЯ ТЕХНОЛОГИЯЛАРИНИ ЖОРИЙ ЭТИШ 24. Маҳаллий ва халқаро тўлов тизимлари орқали онлайн тўловни амалга ошириш имконияти билан кўптилли интернет-магазинини қўллаган ҳолда бутунжаҳон Интернет тармоғи орқали суғурталаш хизматлари реализациясини ривожлантириш. Чора-тадбирлар комплекси 2017 йил IV чорак 25. Замонавий ахборот технологияларидан фойдаланган ҳолда суғурта хизматларини реализация қилишнинг виртуал офис ва янги каналларини яратиш. Чора-тадбирлар комплекси 2017 йил IV чорак 26. Молия операцияларининг тўлиқлиги ва ўз вақтида амалга оширилаётганлиги устидан назоратни кучайтириш. Чора-тадбирлар комплекси 2017 йил IV чорак
Ўзбекистон Республикаси Президенти Ш. МИРЗИЁЕВ
Тошкент ш.,
2017 йил 9 октябрь,
ПҚ-3317-сон
Oʻzbekiston Respublikasi Prezidentining
Qarori
dasturi
“Kafolat sugʻurta kompaniyasi” aksiyadorlik jamiyati faoliyatini takomillashtirish chora-tadbirlari toʻgʻrisida
Respublikada sugʻurta faoliyatini yanada takomillashtirish, xalqaro standartlar asosida aholi va tadbirkorlik subyektlari uchun sugʻurta xizmatlari koʻlamini oshirish, zamonaviy axborot-kommunikatsiya texnologiyalarini joriy etish, jismoniy va yuridik shaxslarning mulkiy manfaatlarini samarador sugʻurtalash tizimini yaratish, shuningdek, korporativ boshqaruvning zamonaviy usullarini joriy etish maqsadida:
1. Quyidagilar “Kafolat sugʻurta kompaniyasi” aksiyadorlik jamiyatining asosiy vazifalari va faoliyati yoʻnalishlari etib belgilansin:
birinchi, yetkazilgan zarar, oʻt va baxtsiz hodisalardan garov hamda lizing obyektlarini sugʻurtalash yoʻli orqali tadbirkorlik subyektlarini himoya qilish sugʻurtalarini taqdim etish, shuningdek, mulkni, yoʻldagi uskunalar va tovarlarni sugʻurtalash hamda tadbirkorlik faoliyatini barcha tavakkalchiliklardan sugʻurtalash;
ikkinchi, sanoat korxonalarini va iqtisodiyot tarmoqlaridagi qurilish obyektlarini barcha xavf-xatarlardan kompleks sugʻurtalashni taʼminlash;
uchinchi, hududlarni ijtimoiy-iqtisodiy rivojlantirish davlat dasturlari doirasida yuridik va jismoniy shaxslarga sugʻurta himoyasini taqdim etish, “Mahalla”, “Nuroniy” jamgʻarmalari va Oʻzbekiston yoshlar ittifoqi bilan birgalikda sugʻurta xizmatlarining keng koʻlamini taqdim etish uchun respublikaning barcha hududlari aholisi qamrab olinishini kengaytirish;
toʻrtinchi, aholini shaxsiy sugʻurtalash boʻyicha, shu jumladan, infeksiya orqali yuqadigan kasalliklardan sugʻurtalash boʻyicha sugʻurta himoyasini taʼminlash;
beshinchi, yoshlar uchun uylar qurish boʻyicha dasturlarga muvofiq uy-joyni sugʻurtalashni amalga oshirish;
oltinchi, yangi investitsiyaviy sugʻurta mahsulotlarini yaratish orqali sugʻurta faoliyatini kengaytirish;
yettinchi, zamonaviy axborot texnologiyalardan foydalangan xolda virtual ofislar va sugʻurta xizmatlari sotishning yangi kanallarini yaratish, onlayn toʻlash imkoniyatlari orqali internet-magazinlardan foydalangan xolda jahon Internet tizimidan foydalangan holda sugʻurta xizmatlari sotishni rivojlantirish;
sakkizinchi, aholiga sugʻurta xizmatlarini koʻrsatish uchun Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi bilan birgalikda koʻchmas mulk obyektlari toʻgʻrisidagi axborot almashinuvini avtomatlashtirish mexanizmlarini joriy etish;
toʻqqizinchi, sugʻurtalash va qaytadan sugʻurtalash sohasida xalqaro tashkilotlar bilan hamkorlik qilish.
oʻninchi, barcha turdagi kreditlarning qaytarilmasligi xatarlarini sugʻurtalash (kredit va lizing operatsiyalari boʻyicha tadbirkorlik xatarini sugʻurtalash) shartnomalari boʻyicha kichik biznes va tadbirkorlik subyektlariga sugʻurta xizmatlarini koʻrsatish.
2. Oʻzbekiston Respublikasi Moliya vazirligi va “Kafolat sugʻurta kompaniyasi” aksiyadorlik jamiyatining “Kafolat sugʻurta kompaniyasi” aksiyadorlik jamiyati tizimida:
respublika hududlarida boʻlinmalarni tashkil etgan holda masʼuliyati cheklangan jamiyat shaklida hayotni sugʻurtalash boʻyicha ixtisoslashtirilgan tashkilotlarni;
tibbiyot sugʻurtasi, texnik va yuridik assistans boʻyicha xizmatlar koʻrsatadigan assistans tashkilotlarini tashkil qilish toʻgʻrisidagi taklifiga rozilik berilsin.
3. Quyidagilar:
2017-2018-yillarda “Kafolat sugʻurta kompaniyasi” aksiyadorlik jamiyatini yanada rivojlantirish dasturi 1-ilovaga muvofiq;
4. “Kafolat sugʻurta kompaniyasi” aksiyadorlik jamiyati boshqaruvi raisi zimmasiga “Kafolat sugʻurta kompaniyasi” aksiyadorlik jamiyatiga yuklatilgan vazifa va faoliyat yoʻnalishlarini sifatli va toʻliq hajmda amalga oshirilishini taʼminlash hamda mazkur qaror bilan maʼqullangan Dasturda belgilangan chora-tadbirlarni koʻrsatilgan muddatlarda bajarish yuzasidan shaxsiy javobgarlik yuklansin.
5. “Kafolat sugʻurta kompaniyasi” aksiyadorlik jamiyati:
Oʻzbekiston Respublikasi Savdo-sanoat palatasi bilan birgalikda Oʻzbekiston Respublikasi Savdo-sanoat palatasining tuman (shahar) boʻlimlari qoshida doimiy asosda tadbirkorlik subyektlariga sugʻurta polislarini sotish punktlarini tashkil etsin;
Oʻzbekiston Respublikasi Favqulodda vaziyatlar vazirligi bilan birgalikda seysmik xavfga ega, suv toshqini vujudga kelishi mumkin boʻlgan hamda sel xavf-xatarlari boʻlgan hududlardagi inshootlar, uy-joy, fuqarolarning shaxsiy mulklari, ishlab chiqarish va ijtimoiy ahamiyatga ega obyektlarini sugʻurtalashni, shuningdek, aholi va tashkilotlar oʻrtasida sugʻurtalash imtiyozlari toʻgʻrisida tushuntirish ishlari olib borilishini amalga oshirsin.
6. Oʻzbekiston Milliy teleradiokompaniyasi va Oʻzbekiston Milliy axborot agentligi sugʻurtaning maqsadlari, vazifalari, shuningdek, ahamiyatini aholi oʻrtasida Internet tarmogʻini hisobga olgan holda bosma va elektron ommaviy axborot vositalari orqali keng yoritilishini taʼminlasin.
7. Quyidagilar:
Vazirlar Mahkamasining “Kafolat” davlat-aksiyadorlik sugʻurta kompaniyasini tashkil etish toʻgʻrisida” 1997-yil 14-martdagi 144-sonli qarori ;
Vazirlar Mahkamasining “Sugʻurta xizmatlari bozorini yanada rivojlantirish chora-tadbirlari toʻgʻrisida” 2002-yil 27-noyabrdagi 413-sonli qarori 3-ilovasining IX bandi (Oʻzbekiston Respublikasi QT, 2002-yil, 11-son, 72-bet) oʻz kuchini yoʻqotgan deb hisoblansin.
8. “Kafolat sugʻurta kompaniyasi” aksiyadorlik jamiyati Oʻzbekiston Respublikasi Adliya vazirligi hamda boshqa manfaatdor vazirliklar va idoralar bilan birgalikda bir oy muddatda qonunchilikka ushbu qarordan kelib chiqadigan oʻzgartish va qoʻshimchalar toʻgʻrisidagi takliflarni Oʻzbekiston Respublikasi Vazirlar Mahkamasiga kiritsin.
9. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov hamda Oʻzbekiston Respublikasi moliya vaziri B.A. Xodjayev zimmasiga yuklansin.
Oʻzbekiston Respublikasi Prezidentining 2017-yil 9-oktabrdagi PQ-3317-son qaroriga 1-ILOVA
2017-2018-yillarda “Kafolat sugʻurta kompaniyasi” aksiyadorlik jamiyatini yanada rivojlantirish
T/r Chora-tadbirlarning nomlanishi Amalga oshirish shakli Ijro muddati I. SUGʻURTA FAOLIYATINI TAKOMILLASHTIRISH 1. Iqtisodiyotning barcha tarmoqlarida sanoat korxonalari va qurilish obyektlarini barcha xatarlardan kompleks sugʻurtalashni taʼminlash maqsadida sugʻurta operatsiyalarini amalga oshirish boʻyicha zamonaviy talablar va xalqaro standartlarga javob beradigan yangi innovatsion sugʻurta mahsulotlari va maxsus dasturlar yaratish. Maxsus sugʻurta mahsulotlari 2017-2018-yillar 2. Tibbiyot sugʻurtasi, texnik va yuridik assistans boʻyicha xizmatlar koʻrsatuvchi assistans tashkilotini tashkil etish. Assistans tashkilotini tashkil etish 2018-yil II chorak 3. Respublika hududlarida boʻlinmalarini ochgan holda masʼuliyati cheklangan jamiyat shaklida hayotni sugʻurtalash boʻyicha ixtisoslashtirilgan tashkilot tashkil etish. Sugʻurta tashkilotini tashkil etish 2018-yil IV chorak 4. Aksiyadorlik jamiyatlari menejerlari, shifokorlar, loyiha va qurilish tashkilotlari va boshqalarning masʼuliyatini sugʻurtalash qoidalarini ishlab chiqish. Namunaviy qoidalar 2018-yil III chorak 5. Yoshlar uchun uylar qurish dasturlariga muvofiq uy-joylarni sugʻurtalashni amalga oshirish. Sugʻurtalash shartnomalarini tuzish 2017-2018-yillar 6. Shartnoma asosida sugʻurta bozorining ixtisoslashtirilgan professional ishtirokchilarini, boshqa mutaxassislarni (shifokorlar, ekspertlar, yuristlar va boshqalar) jalb etish va autsorsing ishlarini davom ettirish. Hamkorlik toʻgʻrisida tegishli shartnomalarni tuzish 2017-2018-yillar 7. 2017-2018-yillar davrida sugʻurta xizmatlari hajmini 1,5 barobarga oshirish. Chora-tadbirlar kompleksi 2018-yil IV chorak 8. 2017-2018-yillarda aktivlarning oʻsishini 1,3 barobarga yetkazgan holda ularni oshirish. Chora-tadbirlar kompleksi 2018-yil IV chorak 9. “Kafolat sugʻurta kompaniyasi” AJ tomonidan taklif etiladigan sugʻurtalash va xizmatlar afzalliklari toʻgʻrisida ommaviy axborot vositalarida keng yoritilishini tashkillashtirish. Chora-tadbirlar kompleksi 2017-2018-yillar II. XALQARO HAMKORLIKNI RIVOJLANTIRISH 10. Jamiyatning sugʻurta portfelini diversifikatsiya qilish va samarali boshqarish maqsadida sugʻurtalash va qayta sugʻurtalash sohasida xalqaro tashkilotlar bilan hamkorlik qilish, toʻlov qobiliyatiga boʻlgan zarur talablarga rioya qilish hamda taqdim etilayotgan sugʻurta va qayta sugʻurtalash xizmatlarining yuqori sifatini ushlab turish. Hamkorlik toʻgʻrisida tegishli shartnomalarni tuzish 2017-2018-yillar 11. Jahon sugʻurta hamjamiyatibilan integratsiyalashuv. Yetakchi xorijiy sugʻurta va qayta sugʻurtalash kompaniyalari bilan hamkorlik toʻgʻrisida shartnomalar tuzish. Hamkorlik toʻgʻrisida shartnomalar tuzish 2018-yil III chorak 12. Xalqaro reyting baholarini olish uchun xalqaro normalar, mezonlar va standartlarni joriy etish, xalqaro auditni oʻtkazish va ISO sifat menejmenti tizimini qoʻllab borish. Shartnomalar tuzish 2018-yil IV chorak III. FAOLIYAT SAMARADORLIGINI BAHOLASH 13. Mustaqil ekspertlar tomonidan korporativ boshqaruv tizimini har chorakda baholab borish. Baholash toʻgʻrisida hisobot Har chorakda 14. Faoliyat samaradorligini baholash mezonlarini (KPI) takomillashtirish. Jamiyatning biznes-rejasiga oʻzgartirishlar kiritish 2018-yil I chorak 15. Jamiyat boʻlinmalarining faoliyatini takomillashtirish maqsadida ularni tezkor tahlil qilish. Tahliliy maʼlumot 2017-yil IV chorak IV. KORPORATIV BOSHQARISH TIZIMINI TAKOMILLASHTIRISH 16. Jamiyatning minoritar aksiyadorlari qoʻmitasini tashkil etish Aksiyadorlarning umumiy yigʻilishi qarori 2018-yil II chorak 17. Xatar-menejmenti, audit, kadrlar va mukofotlar masalalari boʻyicha jamiyatning kuzatuv kengashi huzurida turdosh qoʻmitalar tashkil etish. Aksiyadorlarning umumiy yigʻilishi qarori 2017-yil IV chorak 18. Korporativ boshqaruv Kodeksi talablarini joriy etish va unga rioya qilish. Chora-tadbirlar kompleksi 2017-yil IV chorak 19. Jamiyatning veb-saytini yanada takomillashtirish. Veb-saytni takomillashtirish 2017-yil IV chorak V. NR-MENEJMENTI SAMARADORLIGINI OSHIRISH 20. Jamiyat boshqaruvi soni va tuzilmasini maqbullashtirish. Shtat jadvaliga oʻzgartirishlar kiritish 2017-yil III chorak 21. Jamiyatning yuqori va oʻrta boʻgʻini menejerlarini korporativ menejment va biznes-jarayonlarini boshqarish boʻyicha kurslarda, shu jumladan xorijda oʻqitish. Chora-tadbirlar kompleksi 2018-yil I chorak 22. Asosan masofaviy turib seminar-treninglar oʻtkazish (videokonferensiyalar, testlar, oʻqitish). Seminar va treninglar tashkil etish 2017-2018-yillar 23. Sugʻurta tarmogʻi uchun mutaxassislarni tayyorlash boʻyicha respublikaning oliy taʼlim muassasalari bilan birgalikda ish olib borish. Chora-tadbirlar kompleksi 2018-yil II chorak VI. ZAMONAVIY AXBOROT-KOMMUNIKATSIYA TEXNOLOGIYALARINI JORIY ETISH 24. Mahalliy va xalqaro toʻlov tizimlari orqali onlayn toʻlovni amalga oshirish imkoniyati bilan koʻptilli internet-magazinini qoʻllagan holda butunjahon Internet tarmogʻi orqali sugʻurtalash xizmatlari realizatsiyasini rivojlantirish. Chora-tadbirlar kompleksi 2017-yil IV chorak 25. Zamonaviy axborot texnologiyalaridan foydalangan holda sugʻurta xizmatlarini realizatsiya qilishning virtual ofis va yangi kanallarini yaratish. Chora-tadbirlar kompleksi 2017-yil IV chorak 26. Moliya operatsiyalarining toʻliqligi va oʻz vaqtida amalga oshirilayotganligi ustidan nazoratni kuchaytirish. Chora-tadbirlar kompleksi 2017-yil IV chorak
Oʻzbekiston Respublikasi Prezidenti Sh. MIRZIYOYEV
Toshkent sh.,
2017-yil 9-oktabr,
PQ-3317-son
Президента Республики Узбекистан
Постановление
ПРОГРАММА
О мерах по совершенствованию деятельности Акционерного общества «Страховая компания Кафолат»
В целях дальнейшего совершенствования страховой деятельности в республике, увеличения спектра страховых услуг для населения и субъектов предпринимательства на основе международных стандартов, внедрения современных информационно-коммуникационных технологий, создания эффективной системы страхования имущественных интересов физических и юридических лиц, а также внедрения современных методов корпоративного управления:
1. Определить основными задачами и направлениями деятельности Акционерного общества «Страховая компания Кафолат»:
первое, предоставление страховой защиты субъектам предпринимательства путем страхования объектов залога и лизинга от ущерба, огня и стихийных бедствий, а также страхования имущества, оборудования и товаров в пути и страхования от всех рисков предпринимательской деятельности;
второе, обеспечение комплексного страхования от всех рисков промышленных предприятий и объектов строительства в отраслях экономики;
третье, предоставление страховой защиты юридическим и физическим лицам в рамках государственных программ социально-экономического развития регионов, расширение охвата населения во всех регионах республики для предоставления широкого спектра страховых услуг совместно с фондами «Махалла», «Нуроний» и Союзом молодежи Узбекистана;
четвертое, обеспечение страховой защиты по личному страхованию населения, в том числе по страхованию от инфекционных заболеваний;
пятое, осуществление страхования жилья в соответствии с программами по строительству домов для молодежи;
шестое, расширение страховой деятельности путем создания новых инновационных страховых продуктов;
седьмое, создание виртуальных офисов и новых каналов реализации услуг страхования с использованием современных информационных технологий, развитие реализации услуг страхования через всемирную сеть Интернет с применением интернет-магазина, с возможностью онлайн оплаты;
восьмое, внедрение механизмов автоматизированного обмена информацией об объектах недвижимого имущества совместно с Государственным комитетом Республики Узбекистан по земельным ресурсам, геодезии, картографии и государственному кадастру для предоставления страховых услуг населению;
девятое, сотрудничество с международными организациями в сфере страхования и перестрахования.
десятое, предоставление страховых услуг субъектам малого бизнеса и предпринимательства по договорам страхования (страхование предпринимательского риска по кредитам и лизинговым операциям) риска невозврата по всем видам кредита.
2. Согласиться с предложениями Министерства финансов Республики Узбекистан и Акционерного общества «Страховая компания Кафолат» о создании в системе Акционерного общества «Страховая компания Кафолат»:
специализированной организации по страхованию жизни в форме общества с ограниченной ответственностью, с открытием подразделений в регионах республики;
ассистанской организации, предоставляющей услуги по медицинскому страхованию, техническому и юридическому ассистансу.
3. Одобрить:
Программу по дальнейшему развитию Акционерного общества «Страховая компания Кафолат» на 2017-2018 годы согласно приложению № 1 ;
4. Возложить на председателя правления Акционерного общества «Страховая компания Кафолат» персональную ответственность за обеспечение качественной и в полном объеме реализации задач и направлений деятельности, возложенных на Акционерное общество «Страховая компания Кафолат» и выполнение в установленные сроки мероприятий, указанных в одобренной настоящим постановлением Программе .
5. Акционерному обществу «Страховая компания Кафолат» совместно с:
Торгово-промышленной палатой Республики Узбекистан организовать на постоянной основе в районных (городских) отделах Торгово-промышленной палаты Республики Узбекистан пункты продажи страховых полисов субъектам предпринимательства;
Министерством по чрезвычайным ситуациям Республики Узбекистан осуществлять страхование строений, жилья, личного имущества граждан, объектов производственного и социального назначения, находящихся в сейсмически опасных, паводковых и селеопасных зонах, а также проведение разъяснительной работы среди населения и организаций о преимуществах страхования.
6. Национальной телерадиокомпании Узбекистана и Национальному информационному агентству Узбекистана обеспечить широкое освещение среди населения целей, задач, а также значения страхования с привлечением печатных и электронных средств массовой информации, включая всемирную сеть Интернет.
7. Признать утратившими силу:
постановление Кабинета Министров от 14 марта 1997 года № 144 «О создании Государственно-акционерной страховой компании «Кафолат»;
пункт IX приложения № 3 к постановлению Кабинета Министров от 27 ноября 2002 года № 413 «О мерах по дальнейшему развитию рынка страховых услуг» (СП Республики Узбекистан, 2002 г., № 11, ст. 72).
8. Акционерному обществу «Страховая компания Кафолат» совместно с Министерством юстиции Республики Узбекистан и другими заинтересованными министерствами и ведомствами в месячный срок внести в Кабинет Министров Республики Узбекистан предложения об изменениях и дополнениях в законодательство, вытекающих из настоящего постановления.
9. Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова и министра финансов Республики Узбекистан Б.А. Ходжаева.
ПРИЛОЖЕНИЕ № 1 к постановлению Президента Республики Узбекистан от 9 октября 2017 года № ПП-3317
по дальнейшему развитию Акционерного общества «Страховая компания Кафолат» на 2017-2018 годы
№ Наименование мероприятия Форма реализации Сроки исполнения I. Совершенствование страховой деятельности 1. Создание новых инновационных страховых продуктов и специальных программ, отвечающих современным требованиям и международным стандартам, но осуществлению страховых операций с целью обеспечения комплексного страхования от всех рисков промышленных предприятий и объектов строительства во всех отраслях экономики. Специальные страховые продукты 2017-2018 гг. 2. Создание ассистанской организации, предоставляющей услуги по медицинскому страхованию, техническому и юридическому ассистансу. Создание ассистанской организации II квартал 2018 г. 3. Создание специализированной организации по страхованию жизни в форме общества с ограниченной ответственностью, с открытием подразделений в регионах республики. Создание страховой организации IV квартал 2018 г. 4. Разработка правил страхования ответственности менеджеров акционерных обществ, врачей, проектных и строительных организаций и др. Типовые правила III квартал 2018 г. 5. Осуществление страхования жилья в соответствии с программами по строительству домов для молодежи. Заключение договоров страхования 2017-2018 гг. 6. Продолжение работы по аутсорсингу, привлечению специализированных профессиональных участников страхового рынка, других специалистов на договорной основе (врачи, эксперты, юристы и др.). Заключение соответствующих договоров о сотрудничестве 2017-2018 гг. 7. Увеличение объемов страховых услуг в период 2017-2018 годы в 1,5 раза. Комплекс мер IV квартал 2018 г. 8. Увеличение активов, с увеличением их роста за 2017-2018 годы в 1,3 раза Комплекс мер IV квартал 2018 г. 9. Организация широкого освещения в средствах массовой информации о преимуществах страхования и услугах, предлагаемых АО «Страховая компания Кафолат». Комплекс мер 2017-2018 гг. II. Развитие международного сотрудничества 10. Сотрудничество с международными организациями в сфере страхования и перестрахования с целью диверсификации и эффективного управления страховым портфелем общества, соблюдения необходимых требований к платежеспособности и поддержания высокого качества предоставления страховых и перестраховочных услуг. Заключение соответствующих договоров о сотрудничестве 2017-2018 гг. 11. Интеграция с мировым страховым сообществом. Заключение договоров о сотрудничестве с ведущими зарубежными страховыми и перестраховочными компаниями. Заключение договоров о сотрудничестве III квартал 2018 г. 12. Внедрение международных норм, критериев и стандартов для получения международных рейтинговых оценок, проведение международного аудита и поддержание системы менеджмента качества ISO. Заключение договоров IV квартал 2018 г. III. Оценка эффективности деятельности 13. Проведение ежеквартальной оценки системы корпоративного управления независимыми экспертами. Отчет об оценке Ежеквартально 14. Совершенствование критериев оценки эффективности деятельности (KPI). Внесение изменений в бизнес-план общества I квартал 2018 г. 15. Оперативный анализ подразделений общества с целью совершенствования их деятельности. Аналитическая записка IV квартал 2017 г. IV. Совершенствование системы корпоративного управления 16. Создание комитета миноритарных акционеров общества. Решение общего собрания акционеров II квартал 2018 г. 17. Создание профильных комитетов при наблюдательном совете общества но вопросам риск-менеджмента, аудита, кадров и вознаграждений. Решение общего собрания акционеров IV квартал 2017 г. 18. Внедрение и соблюдение требований Кодекса корпоративного управления. Комплекс мер IV квартал 2017 г. 19. Дальнейшее совершенствование веб-сайта общества. Поддержка веб-сайта IV квартал 2017 г. V. Повышение эффективности НR-менеджмента 20. Оптимизация численности и структуры управления общества. Внесение изменений в штатное расписание III квартал 2017 г. 21. Обучение менеджеров высшего и среднего звена общества на курсах по корпоративному менеджменту и управлению бизнес-процессами, в том числе за рубежом. Комплекс мер I квартал 2018 г. 22. Проведение семинаров-тренингов, в основном дистанционных (видеоконференции, тесты, обучение). Организация семинаров и тренингов 2017-2018 гг. 23. Совместная работа с высшими образовательными учреждениями республики по подготовке специалистов для страховой отрасли. Комплекс мер II квартал 2018 г. VI. Внедрение современных информационно-коммуникационных технологий 24. Развитие реализации услуг страхования через всемирную сеть Интернет с применением мультиязычного интернет-магазина, с возможностью онлайн оплаты через отечественные и международные платежные системы. Комплекс мер IV квартал 2017 г. 25. Создание виртуальных офисов и новых каналов реализации услуг страхования с использованием современных информационных технологий. Комплекс мер IV квартал 2017 г. 26. Усиление контроля за полнотой и своевременностью осуществляемых финансовых операций. Комплекс мер IV квартал 2017 г.
Президент Республики Узбекистан Ш. МИРЗИЁЕВ
г. Ташкент,
9 октября 2017 г.,
№ ПП-3317