📅 2017-yil 7-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 7 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 7 октября 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 7 October 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Тошкент шаҳар Учтепа туманида кичик саноат зонасини ташкил этиш тўғрисида
Тадбиркорлик субъектлари фаолиятини рағбатлантириш учун янада қулай шарт-шароитлар яратиш, ички ва ташқи бозорларда харидоргир, рақобатбардош маҳсулотлар тайёрлаш бўйича замонавий ишлаб чиқаришларни ташкил этишга инвестицияларни кенг жалб қилиш, ишлаб чиқариш қувватларидан оқилона ва самарали фойдаланишни таъминлаш мақсадида Вазирлар Маҳкамаси қарор қилади:
1. Қуйидагилар маълумот учун қабул қилинсин:
Ўзбекистон Республикаси Президентининг «Тошкент шаҳрида кичик саноат зоналарини ташкил этиш тўғрисида» 2017 йил 18 майдаги ПҚ-2973-сон қарорига мувофиқ Вазирлар Маҳкамасига Тошкент шаҳрида кичик саноат зоналарида ташкил этиладиган ишлаб чиқариш майдонлари ва ер участкалари рўйхатига ўзгартириш ва қўшимчалар киритиш ҳуқуқи берилган:
Тошкент шаҳар туманлараро иқтисодий судининг қарори билан Тошкент шаҳар, Учтепа тумани, Чилонзор-26, 36-уйда жойлашган умумий майдони 5,1 гектар бўлган «AOKS Plus Business» МЧЖнинг (собиқ «Сигнал» илмий-ишлаб чиқариш бирлашмаси) бино ва иншоотлари (кейинги ўринларда объект деб аталади) Тошкент шаҳар ҳокимлигига берилади:
2. Тошкент шаҳар ҳокимлиги, Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси, Ўзбекистон Республикаси Иқтисодиёт вазирлигининг объект негизида Учтепа кичик саноат зонасини ташкил этиш тўғрисидаги таклифига розилик берилсин.
3. Тошкент шаҳар ҳокимлиги:
бир ой муддатда Учтепа кичик саноат зонаси дирекциясини ташкил этсин ва уни юқори малакали мутахассислар билан тўлдирилишини таъминласин;
манфаатдор тижорат банклари билан биргаликда икки ой муддатда Учтепа кичик саноат зонаси ҳудудида жойлаштириш учун таклиф этилаётган инвестиция лойиҳаларини амалга оширишнинг тармоқ жадвалларини тасдиқласин.
4. Ўзбекистон Республикаси Президентининг 2017 йил 18 майдаги ПҚ-2973-сон қарори билан тасдиқланган Тошкент шаҳрида кичик саноат зоналарида ташкил этиладиган ишлаб чиқариш майдонлари ва ер участкалари рўйхатига (Ўзбекистон Республикаси ҚҲТ, 2017 й., 21-сон, 384-модда) иловага мувофиқ ўзгартиришлар киритилсин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Қўчқоров ва Тошкент шаҳар ҳокими Р.Ж. Усмонов зиммасига юклансин.
Вазирлар Маҳкамасининг 2017 йил 7 октябрдаги 806-сон қарорига ИЛОВА
Ўзбекистон Республикаси Президентининг 2017 йил 18 майдаги ПҚ-2973-сон қарори билан тасдиқланган Тошкент шаҳрида кичик саноат зоналарида ташкил этиладиган ишлаб чиқариш майдонлари ва ер участкалари рўйхатига киритилаётган ўзгартиришлар
1. 2-банддан иккинчи сатр чиқариб ташлансин;
2. 3-банд қуйидаги таҳрирда баён қилинсин:
« 3 Учтепа кичик саноат зонаси «Аокс плюс бизнес» МЧЖ (собиқ «Сигнал» ИИБ) ишлаб чиқариш ҳудуди 5,1 25,6 ».
3. **** ҳаволанинг матни чиқариб ташлансин.
Ўзбекистон Республикасининг Бош вазири А. АРИПОВ
Тошкент ш.,
2017 йил 7 октябрь,
806-сон
Oʻzbekiston Respublikasi Vazirlar Mahkamasining
qarori
Toshkent shahar Uchtepa tumanida kichik sanoat zonasini tashkil etish toʻgʻrisida
Tadbirkorlik subyektlari faoliyatini ragʻbatlantirish uchun yanada qulay shart-sharoitlar yaratish, ichki va tashqi bozorlarda xaridorgir, raqobatbardosh mahsulotlar tayyorlash boʻyicha zamonaviy ishlab chiqarishlarni tashkil etishga investitsiyalarni keng jalb qilish, ishlab chiqarish quvvatlaridan oqilona va samarali foydalanishni taʼminlash maqsadida Vazirlar Mahkamasi qaror qiladi:
1. Quyidagilar maʼlumot uchun qabul qilinsin:
Oʻzbekiston Respublikasi Prezidentining “Toshkent shahrida kichik sanoat zonalarini tashkil etish toʻgʻrisida” 2017-yil 18-maydagi PQ-2973-son qaroriga muvofiq Vazirlar Mahkamasiga Toshkent shahrida kichik sanoat zonalarida tashkil etiladigan ishlab chiqarish maydonlari va yer uchastkalari roʻyxatiga oʻzgartirish va qoʻshimchalar kiritish huquqi berilgan:
Toshkent shahar tumanlararo iqtisodiy sudining qarori bilan Toshkent shahar, Uchtepa tumani, Chilonzor-26, 36-uyda joylashgan umumiy maydoni 5,1 gektar boʻlgan “AOKS Plus Business” MCHJning (sobiq “Signal” ilmiy-ishlab chiqarish birlashmasi) bino va inshootlari (keyingi oʻrinlarda obyekt deb ataladi) Toshkent shahar hokimligiga beriladi:
2. Toshkent shahar hokimligi, Oʻzbekiston Respublikasi Xususiylashtirilgan korxonalarga koʻmaklashish va raqobatni rivojlantirish davlat qoʻmitasi, Oʻzbekiston Respublikasi Iqtisodiyot vazirligining obyekt negizida Uchtepa kichik sanoat zonasini tashkil etish toʻgʻrisidagi taklifiga rozilik berilsin.
3. Toshkent shahar hokimligi:
bir oy muddatda Uchtepa kichik sanoat zonasi direksiyasini tashkil etsin va uni yuqori malakali mutaxassislar bilan toʻldirilishini taʼminlasin;
manfaatdor tijorat banklari bilan birgalikda ikki oy muddatda Uchtepa kichik sanoat zonasi hududida joylashtirish uchun taklif etilayotgan investitsiya loyihalarini amalga oshirishning tarmoq jadvallarini tasdiqlasin.
4. Oʻzbekiston Respublikasi Prezidentining 2017-yil 18-maydagi PQ-2973-son qarori bilan tasdiqlangan Toshkent shahrida kichik sanoat zonalarida tashkil etiladigan ishlab chiqarish maydonlari va yer uchastkalari roʻyxatiga (Oʻzbekiston Respublikasi QHT, 2017-y., 21-son, 384-modda) ilovaga muvofiq oʻzgartirishlar kiritilsin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov va Toshkent shahar hokimi R.J. Usmonov zimmasiga yuklansin.
Vazirlar Mahkamasining 2017-yil 7-oktabrdagi 806-son qaroriga ILOVA
Oʻzbekiston Respublikasi Prezidentining 2017-yil 18-maydagi PQ-2973-son qarori bilan tasdiqlangan Toshkent shahrida kichik sanoat zonalarida tashkil etiladigan ishlab chiqarish maydonlari va yer uchastkalari roʻyxatiga kiritilayotgan oʻzgartirishlar
1. 2-banddan ikkinchi satr chiqarib tashlansin;
2. 3-band quyidagi tahrirda bayon qilinsin:
“ 3 Uchtepa kichik sanoat zonasi “Aoks plyus biznes” MCHJ (sobiq “Signal” IIB) ishlab chiqarish hududi 5,1 25,6 ”.
3. **** havolaning matni chiqarib tashlansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 7-oktabr,
806-son
Кабинета Министров Республики Узбекистан
Постановление
О создании малой промышленной зоны в Учтепинском районе города Ташкента
В целях дальнейшего формирования благоприятных условий для стимулирования деятельности субъектов предпринимательства и широкого привлечения инвестиций в организацию современных производств по выпуску востребованной, конкурентоспособной на внутреннем и внешнем рынках продукции, обеспечения рационального и эффективного использования производственных мощностей Кабинет Министров постановляет:
1. Принять к сведению, что:
в соответствии с постановлением Президента Республики Узбекистан от 18 мая 2017 года № ПП-2973 «О создании малых промышленных зон в городе Ташкенте» Кабинету Министров предоставлено право вносить дополнения и изменения в перечень производственных площадей и земельных участков в городе Ташкенте, на которых создаются малые промышленные зоны;
решением Ташкентского межрайонного экономического суда здания и сооружения ООО «AOKS Plus Business» (бывший НПО «Сигнал») общей площадью 5,1 га, находящиеся по адресу: город Ташкент, Учтепинский район, Чиланзар-26, дом 36 (далее — объект), передаются хокимияту города Ташкента.
2. Согласиться с предложением хокимията города Ташкента, Государственного комитета Республики Узбекистан по содействию приватизированным предприятиям и развитию конкуренции и Министерства экономики Республики Узбекистан о создании на базе объекта Учтепинской малой промышленной зоны.
3. Хокимияту города Ташкента:
в месячный срок создать дирекцию Учтепинской малой промышленной зоны и обеспечить ее укомплектование высококвалифицированными специалистами;
в двухмесячный срок совместно с заинтересованными коммерческими банками утвердить сетевые графики реализации инвестиционных проектов, предлагаемых к размещению на территории Учтепинской малой промышленной зоны.
4. Внести в Перечень производственных площадей и земельных участков в городе Ташкенте, на которых создаются малые промышленные зоны, утвержденный постановлением Президента Республики Узбекистан от 18 мая 2017 г. № ПП-2973 (СЗ Республики Узбекистан, 2017 г., № 21, ст. 384), изменения согласно приложению .
5. Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова и хокима города Ташкента Р.Ж. Усманова.
ПРИЛОЖЕНИЕ к постановлению Кабинета Министров от 7 октября 2017 года № 806
Изменения, вносимые в Перечень производственных площадей и земельных участков в городе Ташкенте, на которых создаются малые промышленные зоны, утвержденный постановлением Президента Республики Узбекистан от 18 мая 2017 г. № ПП-2973
1. Из пункта 2 строку вторую исключить.
2. Пункт 3 изложить в следующей редакции:
« 3 Учтепинская малая промышленная зона Производственная территория ООО «Аокс плюс бизнес» (бывший НПО «Сигнал») 5,1 25,6 ».
3. Текст сноски **** исключить.
Премьер-министр Республики Узбекистан А. АРИПОВ
г. Ташкент,
7 октября 2017 г.,
№ 806