📅 2017-yil 12-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 12 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 12 октября 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 12 October 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
миқдорлари
киритилаётган ўзгартириш
РЎЙХАТИ
Қимматбаҳо металлардан ясалган заргарлик ва бошқа буюмларнинг асиллик даражасини белгилаш ва тамғалаш билан боғлиқ юридик аҳамиятга эга ҳаракатларни амалга оширганлик учун асиллик даражаси тўловини ундириш тартибини янада такомиллаштириш чора-тадбирлари тўғрисида
Ўзбекистон Республикаси Президентининг «Заргарлик саноатини давлат томонидан қўллаб-қувватлаш чора-тадбирлари тўғрисида» 2017 йил 10 августдаги ПҚ-3199-сон қарори ижроси юзасидан Вазирлар Маҳкамаси қарор қилади:
1. Қуйидагилар:
Қимматбаҳо металлардан ясалган заргарлик ва бошқа буюмларнинг асиллик даражасини белгилаш ва тамғалаш билан боғлиқ юридик аҳамиятга эга ҳаракатларни амалга оширганлик учун асиллик даражаси тўловини ундириш тартиби тўғрисидаги низом 1-иловага мувофиқ;
Қимматбаҳо металлардан ясалган заргарлик ва бошқа буюмларнинг асиллик даражасини белгилаш ва тамғалаш, таҳлиллар ўтказиш ва бошқа хизматлар кўрсатиш учун асиллик даражаси тўлови миқдорлари 2-иловага мувофиқ тасдиқлансин.
2. Вазирлар Маҳкамасининг 2009 йил 15 июлдаги 200-қарори (Ўзбекистон Республикаси ҚТ, 2009 й., 7-сон, 56-модда) билан тасдиқланган Давлат даромадига ўтказиладиган мол-мулкни олиб қўйиш, сотиш ёки йўқ қилиб ташлаш тартиби тўғрисидаги низомга 3-иловага мувофиқ ўзгартириш киритилсин.
3. Ўзбекистон Республикаси Ҳукуматининг 4-иловага мувофиқ айрим қарорлари ўз кучини йўқотган деб ҳисоблансин.
4. Белгилаб қўйилсинки, асиллик даражаси тўловидан келиб тушадиган маблағларнинг эллик фоизи Ўзбекистон Республикаси Молия вазирлиги ҳузуридаги Давлат асиллик даражасини белгилаш палатаси ихтиёрига ўтказилади ва улардан Давлат асиллик даражасини белгилаш палатасининг моддий-техник базасини мустаҳкамлаш учун мақсадли фойдаланилади.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Қўчқоров ва Ўзбекистон Республикаси молия вазири Т.А. Ишметов зиммасига юклансин.
Вазирлар Маҳкамасининг 2017 йил 12 октябрдаги 819-сон қарорига 1-ИЛОВА
Қимматбаҳо металлардан ясалган заргарлик ва бошқа буюмларнинг асиллик даражасини белгилаш ва тамғалаш билан боғлиқ юридик аҳамиятга эга ҳаракатларни амалга оширганлик учун асиллик даражаси тўловини ундириш тартиби тўғрисида
1-боб. Умумий қоидалар
1. Ушбу Низом Ўзбекистон Республикаси Молия вазирлиги ҳузуридаги Давлат асиллик даражасини белгилаш палатаси (кейинги ўринларда Асиллик даражасини белгилаш палатаси деб аталади) томонидан қимматбаҳо металлардан ясалган заргарлик ва бошқа буюмларнинг асиллик даражасини текшириш ва тамғалаш (қимматбаҳо металлардан ясалган заргарлик ва бошқа буюмларни текшириш ва тамғалаш, таҳлиллар ўтказиш ва бошқа хизматларни кўрсатиш) учун асиллик даражаси тўловини тўлаш тартибини белгилайди.
2. Асиллик даражаси тўлови қўшилган қиймат солиғи ҳисобга олинмаган ҳолда ундирилади.
3. Асиллик даражасини белгилаш палатаси томонидан қимматбаҳо металлардан ясалган заргарлик ва бошқа буюмларнинг асиллик даражасини текшириш ва тамғалаш билан боғлиқ юридик аҳамиятга эга ҳаракатларни амалга оширганлик учун юридик шахслар ҳамда якка тартибдаги тадбиркорлардан, шунингдек Ўзбекистон Республикасининг жисмоний шахслари-резидентлари ва норезидентларидан асиллик даражаси тўлови ундирилади.
Асиллик даражаси тўловини ҳисоблашда базавий ҳисоблаш миқдорининг фоизлари камайтирилиш тарафига бутун сон кўринишига келгунга қадар яхлитланган ҳолда сўмга ўгирилади.
4. Асиллик даражаси тўловлари Ўзбекистон Республикасининг ваколатли банклари орқали Асиллик даражасини белгилаш палатасининг ҳисоб рақамига ўтказилади.
5. Ҳисобот даврида Асиллик даражасини белгилаш палатасининг ҳисоб рақамига тушган маблағлар уч банк куни давомида қуйидаги тартибда тақсимланиши керак:
50 фоизи — Ўзбекистон Республикасининг Давлат бюджетига ўтказилади;
50 фоизи — Асиллик даражасини белгилаш палатасининг моддий-техник базани мустаҳкамлаш мақсадида палата ихтиёрида қолдирилади.
2-боб. Асиллик даражаси тўловини ундириш тартиби
6. Қимматбаҳо металлардан ясалган заргарлик ва бошқа буюмларнинг асиллик даражасини текшириш ва тамғалаш ишлари тўрт сутка мобайнида амалга оширилади.
7. Қимматбаҳо металлардан ясалган заргарлик ва бошқа буюмларнинг асиллик даражасини текшириш ва тамғалаш билан боғлиқ ишларни тезкор бажарганлик учун асиллик даражаси тўлови қуйидаги нисбатларда кўпаяди:
бир сутка мобайнида — уч баравар;
икки сутка мобайнида — икки баравар;
уч сутка мобайнида — бир ярим баравар.
Асиллик даражасини текшириш ва тамғалаш учун қимматбаҳо металлардан ясалган заргарлик ва бошқа буюмлар катта миқдорда келиб тушган тақдирда, топширувчи билан келишилган ҳолда ушбу бандда кўрсатилгандан бошқа муддат белгиланиши мумкин.
Ушбу бандда белгиланган ишларни бажариш муддатлари дам олиш ва байрам кунларини ўз ичига олмайди.
8. Асиллик даражасини текшириш ва тамғалаш ишларини бажариш учун номаълум металлдан ясалган буюмларни қабул қилишда асиллик даражаси тўлови хар бир буюм учун қуйидаги тартибда ундирилади:
сариқ рангли металлдан ясалган бўлса — олтин буюмлар учун белгиланган миқдорда;
оқ рангли металлдан ясалган бўлса — кумуш буюмлар учун белгиланган миқдорда;
кулранг металлдан ясалган бўлса — платина буюмлар учун белгиланган миқдорда.
9. Қимматбаҳо металларнинг таркибини аниқлаш жараёнида таҳлил учун олинган параллель намуналар тасдиқланган асиллик даражаси тўловига мувофиқ битта таҳлил сифатида инобатга олинади ва тўланади.
10. Асиллик даражасини белгилаш палатаси ходимлари томонидан танлаб олинган материалларнинг назорат намуналарини текширганлик учун тўлов юридик шахслар томонидан шартнома асосида тўланади.
11. Ўлчовлар ўхшашлигига эришиш, турли лабораторияларда (ташқи назорат) бажарилган таҳлиллар натижаларидаги доимий тафовутларни ўз вақтида аниқлаш ва бартараф этиш мақсадида намуналарнинг кимёвий таҳлиллари натижаларининг аниқлик кўрсаткичларини бошқа ташкилот лабораториясида текшириш бўйича таҳлил ўтказилганлиги учун асиллик даражаси тўловлари тегишли ишлар учун назарда тутилган асиллик даражаси тўловининг икки баравари миқдорида тўланади.
12. Айнан битта намунанинг кимёвий таҳлил натижалари бўйича лабораториялар ўртасидаги келишмовчиликларни ҳал этиш мақсадида кимёвий таҳлиллар натижаларининг аниқлик кўрсаткичларини мустақил лабораторияда текширишлар (арбитраж назорати) ўтказилганлиги учун асллик даражаси тўловлари тегишли ишлар учун назарда тутилган асиллик даражаси тўловининг уч баравари миқдорида тўланади.
13. Ўзбекистон Республикаси Молия вазирлиги ва Асиллик даражасини белгилаш палатасининг таркибий тузилмалари учун ўтказиладиган таҳлил ва экспертизалар тўловсиз амалга оширилади.
14. Асиллик даражаси тўловининг тўлиқ ва тўғри ундирилганлиги учун жавобгарлик Асиллик даражасини белгилаш палатасига юкланади.
15. Асиллик даражасини белгилаш палатаси томонидан асиллик даражаси тўловини ундиришдан тушадиган маблағларнинг Ўзбекистон Республикаси Давлат бюджетига тўғри ажратилиши Ўзбекистон Республикаси Молия вазирлиги томонидан назорат қилинади.
16. Асиллик даражаси тўлови назарда тутилмаган бошқа юридик аҳамиятга эга бўлган ҳаракатлар учун тўлов шартнома асосида амалга оширилади.
3-боб. Якунловчи қоидалар
17. Асиллик даражаси тўловини ундириш билан боғлиқ низолар қонунчиликда белгиланган тартибда ҳал этилади.
18. Ушбу Низом талаблари бузилишида айбдор бўлган шахслар қонунчиликда белгиланган тартибда жавоб берадилар.
Вазирлар Маҳкамасининг 2017 йил 12 октябрдаги 819-сон қарорига 2-ИЛОВА
Қимматбаҳо металлардан ясалган заргарлик ва бошқа буюмларнинг асиллик даражасини белгилаш ва уларни тамғалаш, таҳлиллар ўтказиш ва бошқа хизматлар учун асиллик даражаси тўлови
Т/р Ишларнинг номи Ўлчов бирлиги Асиллик даражаси тўлови миқдори, базавий ҳисоблаш миқдорига нисбатан фоизларда Асиллик даражасини белгилаш ва тамғалаш учун тўлов (асиллик даражасини белгилаш учун тўлов асиллик даражаси тўлов миқдорининг 80, тамғалаш учун 20 фоизни ташкил қилади) 1.1. Ўзбекистон Республикасида юридик шахс ва якка тартибдаги тадбиркорлар томонидан қимматбаҳо металлардан ясалган заргарлик ва бошқа буюмлар (соат корпусларидан ташқари): олтин дона 2,76 кумуш дона 0,59 платина, палладий дона 2,67 1.2. Чет элда ишлаб чиқарилган ва юридик ва жисмоний шахслар томонидан тақдим этилган қимматбаҳо металлардан ясалган заргарлик ва бошқа буюмлар (соат корпусларидан ташқари): олтин дона 6,43 кумуш дона 1,83 платина, палладий дона 6,43 1.3. Ўзбекистон Республикаси давлат асиллик даражаси тамғаси ва собиқ Иттифоқ рамзи туширилган асиллик даражаси тамға изларини қайта тамғалаш учун жисмоний шахслар томонидан тақдим этилган қимматбаҳо металлардан ясалган заргарлик ва бошқа буюмлар (соат корпусларидан ташқари): олтин дона 2,94 кумуш дона 0,66 платина, палладий дона 2,94 1.4. Қимматбаҳо металлдан ясалган соат корпуслари (шу жумладан ажралмайдиган браслети билан): олтин дона 11,95 кумуш дона 2,94 платина, палладий дона 13,60 1.5. Заргарлик ва бошқа буюмларнинг таркибида элементлар* сони 5 тадан ошса, асиллик даражасини текшириш ва тамғалаш нархи икки баравар ошади. II. Музейлар томонидан тақдим этиладиган буюмлар таркибидаги қимматбаҳо металларни аниқлаш учун тўлов 2.1. 1 — 5 элемент мавжуд бўлган буюмларда: олтин, платина ва палладий дона 1,32 кумуш дона 0,33 2.2. Буюмларнинг асиллик даражасини текшириш нархи буюм таркибида: 6 тадан 15 тагача элемент* бўлганда — 2 баравар; 16 тадан 50 тагача элемент* бўлганда — 3 баравар; 51 тадан 100 тагача элемент* бўлганда — 4 баравар; 100 тадан ортиқ элемент* бўлганда — 5 баравар кўпаяди. * Элемент — заргарлик ва бошқа маҳсулотларнинг таркибий қисми III. Техник экспертизадан ўтказиш учун тўлов 3.1. Қуйидагиларни: Ўзбекистон Республикаси давлат асиллик даражаси тамғалари изларининг ҳақиқийлигини, Ўзбекистон Республикаси давлат асиллик даражаси тамғаларининг излари ва ишлаб чиқарувчининг шахсий тамғаси изи ҳамда белгиланган намунадаги асиллик даражаси белгиси қалбакилигини, шунингдек, буюмларда ҳар хил тамға излари мавжуд ёки мавжуд эмаслигини аниқлаш. дона 5,40 3.2. Асиллик даражасини аниқлаш: олтиннинг 750, кумушнинг 925, платинанинг 900 ва палладийнинг 850 асиллик даражаларидан юқори бўлганлари спектрометрда рентген-флуоресцентли усул билан; дона 18,20 металл туридан қатъий назар, юқорида кўрсатилган асиллик даражаларидан паст бўлганлари намуна тошида текшириш усули билан: дона 2,2 3.3. Қирраланган карат оғирлигидаги олмосларнинг (бриллиантлар) хусусиятларини аниқлаш (номланиши, оғирлиги, қиррасининг шакли, тозалик ва ранг гуруҳи): 0,29 гача 1 тош учун 11,51 0,30 дан 0,99 гача 1 тош учун 23,02 1,00 дан 2,99 гача 1 тош учун 57,55 3,00 дан 5,99 гача 1 тош учун 80,57 6,00 ва юқори 1 тош учун 109,34 3.4. Қирраланган карат оғирлигидаги зумрад, ёқут, сапфир ва александритларнинг хусусиятларини аниқлаш, (номланиши, оғирлиги, қиррасининг шакли, тозалик ва ранг гуруҳи): 0,29 гача 1 тош учун 5,75 0,30 дан 0,99 гача 1 тош учун 17,26 1,00 дан 2,99 гача 1 тош учун 34,53 3,00 дан 5,99 гача 1 тош учун 63,30 6,00 ва юқори 1 тош учун 86,32 3.5. Қирраланган ва қирраланмаган тошларнинг номланишини аниқлаш (қимматбаҳо тошлардан ташқари) ҳар бир ном учун 0,81 3.6. Қирраланмаган қимматбаҳо ва бошқа тошларнинг номланиши ва оғирлигини аниқлаш ҳар бир ном учун 3,74 3.7. ярим тайёр, тайёр, тугалланмаган, фойдаланишда бўлган, шикастланган ва/ёки шикаст етказувчи заргарлик буюмларини визуал аниқлаш учун: 200 гача грамм 50,0 201 дан 500 гача грамм 100,0 501 дан 1 000 гача грамм 200,0 1 001 дан 5 000 гача грамм 500,0 5 001 дан 10 000 гача грамм 1 000,0 10 001 дан юқори грамм 3 000,0 IV. Таҳлил ўтказилганлик учун тўлов 4.1. Заргарлик, ясама тиш қотишмалари ва бошқа қотишмаларда: купеляция усули билан олтинни аниқлаш (чеки билан) 1 текширув 58,82 кумушни аниқлаш (титрометрик усул билан) 1 текширув 32,99 атом-эмиссия спекторометрида платина, палладийни аниқлаш 1 текширув 103,12 4.2. 4.2. Электролитлар, яхоб сув ва эритмаларда (суюқ олтинда): олтинни аниқлаш (сўнгги купеляция усули билан) 1 текширув 58,82 кумушни аниқлаш (титрометрик усул билан) 1 текширув 32,99 атом-эмиссия спекторометрида платина, палладийни аниқлаш 1 текширув 103,12 4.3. Қопламалар, заргарлик крецлари, шлифлар ва шламларда: олтинни аниқлаш (сўнгги купеляция усули билан) 1 текширув 58,82 кумушни аниқлаш (титрометрик усул билан) 1 текширув 32,99 4.4. Ёруғликни сезадиган турли кино-фото-рентген материаллар ва фиксаж эритмаларда: кумушни аниқлаш (титрлаш усули билан) 1 текширув 32,99 4.5. Рудалар, жинслар, концентрантларни эритиш усули билан асиллик даражасини текшириш: олтин ва кумушнинг асиллик даражасини текшириш 1 текширув 73,80 олтин ва кумушнинг асиллик даражасини квартлаб текшириш 1 текширув 88,60 платина гуруҳига кирувчи металларнинг асиллик даражасини жамлаш 1 текширув 57,53 4.6. Атом-эмиссия спектометрида 1 — 8 элемент бўйича миқдорий текшириш 1 текширув 103,12 4.7. Намунадаги намликни аниқлаш 1 текширув 13,33 4.8. Намуналарда қиздириш пайтидаги йўқотишларни аниқлаш 1 текширув 13,33 4.9. Катализаторларда платинани спектрофотометрик аниқлаш 1 текширув 88,69 4.10. Рентген-флуоресцент спектрометрда заргарлик саноати буюмлари, қотишмалари ва парчаларини миқдорий текшириш 1 текширув 18,20 4.11. Рентген микроанализаторда бир нуқтада намунанинг (металл, қотишма, буюмнинг) кимёвий таркибини текшириш 1 текширув 84,09 4.12. ICP-масс-спектрометрда намунадаги кимёвий элементлар таркибини миқдорий текшириш 1 текширув 258,80 V. Турли ишларни амалга ошириш 5.1. Пробир реактивларни тайёрлаш (уларни тайёрлашда ишлатиладиган қимматбаҳо металларни ҳисобга олмасдан): кислотали, тузли (олтин учун) 1 миллилитр 0,28 хромпик (кумуш учун) 1 миллилитр 0,28 Азот-кислотали кумуш (кумуш учун) 1 миллилитр 0,28
Вазирлар Маҳкамасининг 2017 йил 12 октябрдаги 819-сон қарорига 3-ИЛОВА
Давлат даромадига ўтказиладиган мол-мулкни олиб қўйиш, сотиш ёки йўқ қилиб ташлаш тартиби тўғрисидаги низомга
Вазирлар Маҳкамасининг «Давлат даромадига ўтказиладиган мол-мулкни олиб қўйиш, сотиш ёки йўқ қилиб ташлаш тартибини такомиллаштириш тўғрисида» 2009 йил 15 июлдаги 200-сон қарори (Ўзбекистон Республикаси ҚТ, 2009 й., 7-сон, 56-модда) билан тасдиқланган Давлат даромадига ўтказиладиган мол-мулкни олиб қўйиш, сотиш ёки йўқ қилиб ташлаш тартиби тўғрисидаги низомнинг 6-бандидаги еттинчи хатбоши қуйидаги таҳрирда баён қилинсин:
«Олиб қўйилган қимматбаҳо металлар ва қимматбаҳо тошлар, улардан ясалган буюмлар, шунингдек таркибида қимматбаҳо металлар бўлган материаллар ваколатли органнинг мансабдор шахси томонидан асиллик даражасини текшириш учун ихтисослаштирилган лабораторияларга юборилади. Қимматбаҳо металлардан ясалган заргарлик ва бошқа буюмлардаги Ўзбекистон Республикаси давлат асиллик даражаси тамға изларининг ҳақиқийлигини аниқлаш учун Ўзбекистон Республикаси Марказий банки ҳузуридаги Қимматбаҳо металлар агентлигининг Давлат асиллик даражасини белгилаш палатасига (кейинги ўринларда Асиллик даражасини белгилаш палатаси деб аталади) техник экспертизадан ўтказишга юборилади. Асиллик даражасини белгилаш палатаси томонидан ўтказилган техник экспертиза учун қонун ҳужжатларида белгиланган миқдорда асиллик даражаси тўлови ундирилади. Зарур ҳолларда, Асиллик даражасини белгилаш палатаси қимматбаҳо металлардан ясалган тамға босилиши лозим бўлган заргарлик ва бошқа буюмларни Ўзбекистон Республикаси давлат асиллик даражаси тамғаси билан ўн кун муддатда асиллик даражаси тўлови ундирмасдан тамғалайди».
Вазирлар Маҳкамасининг 2017 йил 12 октябрдаги 819-сон қарорига 4-ИЛОВА
Ўзбекистон Республикаси Ҳукуматининг ўз кучини йўқотган деб эътироф этилаётган айрим қарорлари
1. Вазирлар Маҳкамасининг «Асиллик даражаси тўлови ва асиллик даражаси тўловини тўлаш тартиби тўғрисида» 2003 йил 27 майдаги 232-сон қарори (Ўзбекистон Республикаси ҚТ, 2003 й., 5-сон, 42-модда).
3. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида» 2005 йил 22 январдаги 28-сон қарори (Ўзбекистон Республикаси ҚТ, 2005 й., 1-сон, 3-модда) иловадаги 5-банд .
4. Вазирлар Маҳкамасининг «Олиб қўйилган ва давлат даромадига ўтказилган бойликлардан самарали фойдаланилишини таъминлаш чора-тадбирлари тўғрисида» 2013 йил 5 июндаги 156-қарорига (Ўзбекистон Республикаси ҚҲТ, 2013 й., 23-сон, 304-модда) 1-иловадаги 5-банднинг б) кичик банди .
Ўзбекистон Республикасининг Бош вазири А. АРИПОВ
Тошкент ш.,
2017 йил 12 октябрь,
819-сон
Oʻzbekiston Respublikasi Vazirlar Mahkamasining
qarori
NIZOM
miqdorlari
kiritilayotgan oʻzgartirish
ROʻYXATI
Qimmatbaho metallardan yasalgan zargarlik va boshqa buyumlarning asillik darajasini belgilash va tamgʻalash bilan bogʻliq yuridik ahamiyatga ega harakatlarni amalga oshirganlik uchun asillik darajasi toʻlovini undirish tartibini yanada takomillashtirish chora-tadbirlari toʻgʻrisida
Oʻzbekiston Respublikasi Prezidentining “Zargarlik sanoatini davlat tomonidan qoʻllab-quvvatlash chora-tadbirlari toʻgʻrisida” 2017-yil 10-avgustdagi PQ-3199-son qarori ijrosi yuzasidan Vazirlar Mahkamasi qaror qiladi:
1. Quyidagilar:
Qimmatbaho metallardan yasalgan zargarlik va boshqa buyumlarning asillik darajasini belgilash va tamgʻalash bilan bogʻliq yuridik ahamiyatga ega harakatlarni amalga oshirganlik uchun asillik darajasi toʻlovini undirish tartibi toʻgʻrisidagi nizom 1-ilovaga muvofiq;
Qimmatbaho metallardan yasalgan zargarlik va boshqa buyumlarning asillik darajasini belgilash va tamgʻalash, tahlillar oʻtkazish va boshqa xizmatlar koʻrsatish uchun asillik darajasi toʻlovi miqdorlari 2-ilovaga muvofiq tasdiqlansin.
2. Vazirlar Mahkamasining 2009-yil 15-iyuldagi 200-qarori (Oʻzbekiston Respublikasi QT, 2009-y., 7-son, 56-modda) bilan tasdiqlangan Davlat daromadiga oʻtkaziladigan mol-mulkni olib qoʻyish, sotish yoki yoʻq qilib tashlash tartibi toʻgʻrisidagi nizomga 3-ilovaga muvofiq oʻzgartirish kiritilsin.
3. Oʻzbekiston Respublikasi Hukumatining 4-ilovaga muvofiq ayrim qarorlari oʻz kuchini yoʻqotgan deb hisoblansin.
4. Belgilab qoʻyilsinki, asillik darajasi toʻlovidan kelib tushadigan mablagʻlarning ellik foizi Oʻzbekiston Respublikasi Moliya vazirligi huzuridagi Davlat asillik darajasini belgilash palatasi ixtiyoriga oʻtkaziladi va ulardan Davlat asillik darajasini belgilash palatasining moddiy-texnik bazasini mustahkamlash uchun maqsadli foydalaniladi.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov va Oʻzbekiston Respublikasi moliya vaziri T.A. Ishmetov zimmasiga yuklansin.
Vazirlar Mahkamasining 2017-yil 12-oktabrdagi 819-son qaroriga 1-ILOVA
Qimmatbaho metallardan yasalgan zargarlik va boshqa buyumlarning asillik darajasini belgilash va tamgʻalash bilan bogʻliq yuridik ahamiyatga ega harakatlarni amalga oshirganlik uchun asillik darajasi toʻlovini undirish tartibi toʻgʻrisida
1-bob. Umumiy qoidalar
1. Ushbu Nizom Oʻzbekiston Respublikasi Moliya vazirligi huzuridagi Davlat asillik darajasini belgilash palatasi (keyingi oʻrinlarda Asillik darajasini belgilash palatasi deb ataladi) tomonidan qimmatbaho metallardan yasalgan zargarlik va boshqa buyumlarning asillik darajasini tekshirish va tamgʻalash (qimmatbaho metallardan yasalgan zargarlik va boshqa buyumlarni tekshirish va tamgʻalash, tahlillar oʻtkazish va boshqa xizmatlarni koʻrsatish) uchun asillik darajasi toʻlovini toʻlash tartibini belgilaydi.
2. Asillik darajasi toʻlovi qoʻshilgan qiymat soligʻi hisobga olinmagan holda undiriladi.
3. Asillik darajasini belgilash palatasi tomonidan qimmatbaho metallardan yasalgan zargarlik va boshqa buyumlarning asillik darajasini tekshirish va tamgʻalash bilan bogʻliq yuridik ahamiyatga ega harakatlarni amalga oshirganlik uchun yuridik shaxslar hamda yakka tartibdagi tadbirkorlardan, shuningdek Oʻzbekiston Respublikasining jismoniy shaxslari-rezidentlari va norezidentlaridan asillik darajasi toʻlovi undiriladi.
Asillik darajasi toʻlovini hisoblashda bazaviy hisoblash miqdorining foizlari kamaytirilish tarafiga butun son koʻrinishiga kelgunga qadar yaxlitlangan holda soʻmga oʻgiriladi.
4. Asillik darajasi toʻlovlari Oʻzbekiston Respublikasining vakolatli banklari orqali Asillik darajasini belgilash palatasining hisob raqamiga oʻtkaziladi.
5. Hisobot davrida Asillik darajasini belgilash palatasining hisob raqamiga tushgan mablagʻlar uch bank kuni davomida quyidagi tartibda taqsimlanishi kerak:
50 foizi — Oʻzbekiston Respublikasining Davlat budjetiga oʻtkaziladi;
50 foizi — Asillik darajasini belgilash palatasining moddiy-texnik bazani mustahkamlash maqsadida palata ixtiyorida qoldiriladi.
2-bob. Asillik darajasi toʻlovini undirish tartibi
6. Qimmatbaho metallardan yasalgan zargarlik va boshqa buyumlarning asillik darajasini tekshirish va tamgʻalash ishlari toʻrt sutka mobaynida amalga oshiriladi.
7. Qimmatbaho metallardan yasalgan zargarlik va boshqa buyumlarning asillik darajasini tekshirish va tamgʻalash bilan bogʻliq ishlarni tezkor bajarganlik uchun asillik darajasi toʻlovi quyidagi nisbatlarda koʻpayadi:
bir sutka mobaynida — uch baravar;
ikki sutka mobaynida — ikki baravar;
uch sutka mobaynida — bir yarim baravar.
Asillik darajasini tekshirish va tamgʻalash uchun qimmatbaho metallardan yasalgan zargarlik va boshqa buyumlar katta miqdorda kelib tushgan taqdirda, topshiruvchi bilan kelishilgan holda ushbu bandda koʻrsatilgandan boshqa muddat belgilanishi mumkin.
Ushbu bandda belgilangan ishlarni bajarish muddatlari dam olish va bayram kunlarini oʻz ichiga olmaydi.
8. Asillik darajasini tekshirish va tamgʻalash ishlarini bajarish uchun nomaʼlum metalldan yasalgan buyumlarni qabul qilishda asillik darajasi toʻlovi xar bir buyum uchun quyidagi tartibda undiriladi:
sariq rangli metalldan yasalgan boʻlsa — oltin buyumlar uchun belgilangan miqdorda;
oq rangli metalldan yasalgan boʻlsa — kumush buyumlar uchun belgilangan miqdorda;
kulrang metalldan yasalgan boʻlsa — platina buyumlar uchun belgilangan miqdorda.
9. Qimmatbaho metallarning tarkibini aniqlash jarayonida tahlil uchun olingan parallel namunalar tasdiqlangan asillik darajasi toʻloviga muvofiq bitta tahlil sifatida inobatga olinadi va toʻlanadi.
10. Asillik darajasini belgilash palatasi xodimlari tomonidan tanlab olingan materiallarning nazorat namunalarini tekshirganlik uchun toʻlov yuridik shaxslar tomonidan shartnoma asosida toʻlanadi.
11. Oʻlchovlar oʻxshashligiga erishish, turli laboratoriyalarda (tashqi nazorat) bajarilgan tahlillar natijalaridagi doimiy tafovutlarni oʻz vaqtida aniqlash va bartaraf etish maqsadida namunalarning kimyoviy tahlillari natijalarining aniqlik koʻrsatkichlarini boshqa tashkilot laboratoriyasida tekshirish boʻyicha tahlil oʻtkazilganligi uchun asillik darajasi toʻlovlari tegishli ishlar uchun nazarda tutilgan asillik darajasi toʻlovining ikki baravari miqdorida toʻlanadi.
12. Aynan bitta namunaning kimyoviy tahlil natijalari boʻyicha laboratoriyalar oʻrtasidagi kelishmovchiliklarni hal etish maqsadida kimyoviy tahlillar natijalarining aniqlik koʻrsatkichlarini mustaqil laboratoriyada tekshirishlar (arbitraj nazorati) oʻtkazilganligi uchun asllik darajasi toʻlovlari tegishli ishlar uchun nazarda tutilgan asillik darajasi toʻlovining uch baravari miqdorida toʻlanadi.
13. Oʻzbekiston Respublikasi Moliya vazirligi va Asillik darajasini belgilash palatasining tarkibiy tuzilmalari uchun oʻtkaziladigan tahlil va ekspertizalar toʻlovsiz amalga oshiriladi.
14. Asillik darajasi toʻlovining toʻliq va toʻgʻri undirilganligi uchun javobgarlik Asillik darajasini belgilash palatasiga yuklanadi.
15. Asillik darajasini belgilash palatasi tomonidan asillik darajasi toʻlovini undirishdan tushadigan mablagʻlarning Oʻzbekiston Respublikasi Davlat budjetiga toʻgʻri ajratilishi Oʻzbekiston Respublikasi Moliya vazirligi tomonidan nazorat qilinadi.
16. Asillik darajasi toʻlovi nazarda tutilmagan boshqa yuridik ahamiyatga ega boʻlgan harakatlar uchun toʻlov shartnoma asosida amalga oshiriladi.
3-bob. Yakunlovchi qoidalar
17. Asillik darajasi toʻlovini undirish bilan bogʻliq nizolar qonunchilikda belgilangan tartibda hal etiladi.
18. Ushbu Nizom talablari buzilishida aybdor boʻlgan shaxslar qonunchilikda belgilangan tartibda javob beradilar.
Vazirlar Mahkamasining 2017-yil 12-oktabrdagi 819-son qaroriga 2-ILOVA
Qimmatbaho metallardan yasalgan zargarlik va boshqa buyumlarning asillik darajasini belgilash va ularni tamgʻalash, tahlillar oʻtkazish va boshqa xizmatlar uchun asillik darajasi toʻlovi
T/r Ishlarning nomi Oʻlchov birligi Asillik darajasi toʻlovi miqdori, bazaviy hisoblash miqdoriga nisbatan foizlarda Asillik darajasini belgilash va tamgʻalash uchun toʻlov (asillik darajasini belgilash uchun toʻlov asillik darajasi toʻlov miqdorining 80, tamgʻalash uchun 20 foizni tashkil qiladi) 1.1. Oʻzbekiston Respublikasida yuridik shaxs va yakka tartibdagi tadbirkorlar tomonidan qimmatbaho metallardan yasalgan zargarlik va boshqa buyumlar (soat korpuslaridan tashqari): oltin dona 2,76 kumush dona 0,59 platina, palladiy dona 2,67 1.2. Chet elda ishlab chiqarilgan va yuridik va jismoniy shaxslar tomonidan taqdim etilgan qimmatbaho metallardan yasalgan zargarlik va boshqa buyumlar (soat korpuslaridan tashqari): oltin dona 6,43 kumush dona 1,83 platina, palladiy dona 6,43 1.3. Oʻzbekiston Respublikasi davlat asillik darajasi tamgʻasi va sobiq Ittifoq ramzi tushirilgan asillik darajasi tamgʻa izlarini qayta tamgʻalash uchun jismoniy shaxslar tomonidan taqdim etilgan qimmatbaho metallardan yasalgan zargarlik va boshqa buyumlar (soat korpuslaridan tashqari): oltin dona 2,94 kumush dona 0,66 platina, palladiy dona 2,94 1.4. Qimmatbaho metalldan yasalgan soat korpuslari (shu jumladan ajralmaydigan brasleti bilan): oltin dona 11,95 kumush dona 2,94 platina, palladiy dona 13,60 1.5. Zargarlik va boshqa buyumlarning tarkibida elementlar* soni 5 tadan oshsa, asillik darajasini tekshirish va tamgʻalash narxi ikki baravar oshadi. II. Muzeylar tomonidan taqdim etiladigan buyumlar tarkibidagi qimmatbaho metallarni aniqlash uchun toʻlov 2.1. 1 — 5 element mavjud boʻlgan buyumlarda: oltin, platina va palladiy dona 1,32 kumush dona 0,33 2.2. Buyumlarning asillik darajasini tekshirish narxi buyum tarkibida: 6 tadan 15 tagacha element* boʻlganda — 2 baravar; 16 tadan 50 tagacha element* boʻlganda — 3 baravar; 51 tadan 100 tagacha element* boʻlganda — 4 baravar; 100 tadan ortiq element* boʻlganda — 5 baravar koʻpayadi. * Element — zargarlik va boshqa mahsulotlarning tarkibiy qismi III. Texnik ekspertizadan oʻtkazish uchun toʻlov 3.1. Quyidagilarni: Oʻzbekiston Respublikasi davlat asillik darajasi tamgʻalari izlarining haqiqiyligini, Oʻzbekiston Respublikasi davlat asillik darajasi tamgʻalarining izlari va ishlab chiqaruvchining shaxsiy tamgʻasi izi hamda belgilangan namunadagi asillik darajasi belgisi qalbakiligini, shuningdek, buyumlarda har xil tamgʻa izlari mavjud yoki mavjud emasligini aniqlash. dona 5,40 3.2. Asillik darajasini aniqlash: oltinning 750, kumushning 925, platinaning 900 va palladiyning 850 asillik darajalaridan yuqori boʻlganlari spektrometrda rentgen-fluoressentli usul bilan; dona 18,20 metall turidan qatʼiy nazar, yuqorida koʻrsatilgan asillik darajalaridan past boʻlganlari namuna toshida tekshirish usuli bilan: dona 2,2 3.3. Qirralangan karat ogʻirligidagi olmoslarning (brilliantlar) xususiyatlarini aniqlash (nomlanishi, ogʻirligi, qirrasining shakli, tozalik va rang guruhi): 0,29 gacha 1 tosh uchun 11,51 0,30 dan 0,99 gacha 1 tosh uchun 23,02 1,00 dan 2,99 gacha 1 tosh uchun 57,55 3,00 dan 5,99 gacha 1 tosh uchun 80,57 6,00 va yuqori 1 tosh uchun 109,34 3.4. Qirralangan karat ogʻirligidagi zumrad, yoqut, sapfir va aleksandritlarning xususiyatlarini aniqlash, (nomlanishi, ogʻirligi, qirrasining shakli, tozalik va rang guruhi): 0,29 gacha 1 tosh uchun 5,75 0,30 dan 0,99 gacha 1 tosh uchun 17,26 1,00 dan 2,99 gacha 1 tosh uchun 34,53 3,00 dan 5,99 gacha 1 tosh uchun 63,30 6,00 va yuqori 1 tosh uchun 86,32 3.5. Qirralangan va qirralanmagan toshlarning nomlanishini aniqlash (qimmatbaho toshlardan tashqari) har bir nom uchun 0,81 3.6. Qirralanmagan qimmatbaho va boshqa toshlarning nomlanishi va ogʻirligini aniqlash har bir nom uchun 3,74 3.7. yarim tayyor, tayyor, tugallanmagan, foydalanishda boʻlgan, shikastlangan va/yoki shikast yetkazuvchi zargarlik buyumlarini vizual aniqlash uchun: 200 gacha gramm 50,0 201 dan 500 gacha gramm 100,0 501 dan 1 000 gacha gramm 200,0 1 001 dan 5 000 gacha gramm 500,0 5 001 dan 10 000 gacha gramm 1 000,0 10 001 dan yuqori gramm 3 000,0 IV. Tahlil oʻtkazilganlik uchun toʻlov 4.1. Zargarlik, yasama tish qotishmalari va boshqa qotishmalarda: kupelyatsiya usuli bilan oltinni aniqlash (cheki bilan) 1 tekshiruv 58,82 kumushni aniqlash (titrometrik usul bilan) 1 tekshiruv 32,99 atom-emissiya spektorometrida platina, palladiyni aniqlash 1 tekshiruv 103,12 4.2. 4.2. Elektrolitlar, yaxob suv va eritmalarda (suyuq oltinda): oltinni aniqlash (soʻnggi kupelyatsiya usuli bilan) 1 tekshiruv 58,82 kumushni aniqlash (titrometrik usul bilan) 1 tekshiruv 32,99 atom-emissiya spektorometrida platina, palladiyni aniqlash 1 tekshiruv 103,12 4.3. Qoplamalar, zargarlik kretslari, shliflar va shlamlarda: oltinni aniqlash (soʻnggi kupelyatsiya usuli bilan) 1 tekshiruv 58,82 kumushni aniqlash (titrometrik usul bilan) 1 tekshiruv 32,99 4.4. Yorugʻlikni sezadigan turli kino-foto-rentgen materiallar va fiksaj eritmalarda: kumushni aniqlash (titrlash usuli bilan) 1 tekshiruv 32,99 4.5. Rudalar, jinslar, konsentrantlarni eritish usuli bilan asillik darajasini tekshirish: oltin va kumushning asillik darajasini tekshirish 1 tekshiruv 73,80 oltin va kumushning asillik darajasini kvartlab tekshirish 1 tekshiruv 88,60 platina guruhiga kiruvchi metallarning asillik darajasini jamlash 1 tekshiruv 57,53 4.6. Atom-emissiya spektometrida 1 — 8 element boʻyicha miqdoriy tekshirish 1 tekshiruv 103,12 4.7. Namunadagi namlikni aniqlash 1 tekshiruv 13,33 4.8. Namunalarda qizdirish paytidagi yoʻqotishlarni aniqlash 1 tekshiruv 13,33 4.9. Katalizatorlarda platinani spektrofotometrik aniqlash 1 tekshiruv 88,69 4.10. Rentgen-fluoressent spektrometrda zargarlik sanoati buyumlari, qotishmalari va parchalarini miqdoriy tekshirish 1 tekshiruv 18,20 4.11. Rentgen mikroanalizatorda bir nuqtada namunaning (metall, qotishma, buyumning) kimyoviy tarkibini tekshirish 1 tekshiruv 84,09 4.12. ICP-mass-spektrometrda namunadagi kimyoviy elementlar tarkibini miqdoriy tekshirish 1 tekshiruv 258,80 V. Turli ishlarni amalga oshirish 5.1. Probir reaktivlarni tayyorlash (ularni tayyorlashda ishlatiladigan qimmatbaho metallarni hisobga olmasdan): kislotali, tuzli (oltin uchun) 1 millilitr 0,28 xrompik (kumush uchun) 1 millilitr 0,28 Azot-kislotali kumush (kumush uchun) 1 millilitr 0,28
Vazirlar Mahkamasining 2017-yil 12-oktabrdagi 819-son qaroriga 3-ILOVA
Davlat daromadiga oʻtkaziladigan mol-mulkni olib qoʻyish, sotish yoki yoʻq qilib tashlash tartibi toʻgʻrisidagi nizomga
Vazirlar Mahkamasining “Davlat daromadiga oʻtkaziladigan mol-mulkni olib qoʻyish, sotish yoki yoʻq qilib tashlash tartibini takomillashtirish toʻgʻrisida” 2009-yil 15-iyuldagi 200-son qarori (Oʻzbekiston Respublikasi QT, 2009-y., 7-son, 56-modda) bilan tasdiqlangan Davlat daromadiga oʻtkaziladigan mol-mulkni olib qoʻyish, sotish yoki yoʻq qilib tashlash tartibi toʻgʻrisidagi nizomning 6-bandidagi yettinchi xatboshi quyidagi tahrirda bayon qilinsin:
“Olib qoʻyilgan qimmatbaho metallar va qimmatbaho toshlar, ulardan yasalgan buyumlar, shuningdek tarkibida qimmatbaho metallar boʻlgan materiallar vakolatli organning mansabdor shaxsi tomonidan asillik darajasini tekshirish uchun ixtisoslashtirilgan laboratoriyalarga yuboriladi. Qimmatbaho metallardan yasalgan zargarlik va boshqa buyumlardagi Oʻzbekiston Respublikasi davlat asillik darajasi tamgʻa izlarining haqiqiyligini aniqlash uchun Oʻzbekiston Respublikasi Markaziy banki huzuridagi Qimmatbaho metallar agentligining Davlat asillik darajasini belgilash palatasiga (keyingi oʻrinlarda Asillik darajasini belgilash palatasi deb ataladi) texnik ekspertizadan oʻtkazishga yuboriladi. Asillik darajasini belgilash palatasi tomonidan oʻtkazilgan texnik ekspertiza uchun qonun hujjatlarida belgilangan miqdorda asillik darajasi toʻlovi undiriladi. Zarur hollarda, Asillik darajasini belgilash palatasi qimmatbaho metallardan yasalgan tamgʻa bosilishi lozim boʻlgan zargarlik va boshqa buyumlarni Oʻzbekiston Respublikasi davlat asillik darajasi tamgʻasi bilan oʻn kun muddatda asillik darajasi toʻlovi undirmasdan tamgʻalaydi”.
Vazirlar Mahkamasining 2017-yil 12-oktabrdagi 819-son qaroriga 4-ILOVA
Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan ayrim qarorlari
1. Vazirlar Mahkamasining “Asillik darajasi toʻlovi va asillik darajasi toʻlovini toʻlash tartibi toʻgʻrisida” 2003-yil 27-maydagi 232-son qarori (Oʻzbekiston Respublikasi QT, 2003-y., 5-son, 42-modda).
3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida” 2005-yil 22-yanvardagi 28-son qarori (Oʻzbekiston Respublikasi QT, 2005-y., 1-son, 3-modda) ilovadagi 5-band .
4. Vazirlar Mahkamasining “Olib qoʻyilgan va davlat daromadiga oʻtkazilgan boyliklardan samarali foydalanilishini taʼminlash chora-tadbirlari toʻgʻrisida” 2013-yil 5-iyundagi 156-qaroriga (Oʻzbekiston Respublikasi QHT, 2013-y., 23-son, 304-modda) 1-ilovadagi 5-bandning b) kichik bandi .
Oʻzbekiston Respublikasining Bosh vaziri A. ARIPOV
Toshkent sh.,
2017-yil 12-oktabr,
819-son
Кабинета Министров Республики Узбекистан
Постановление
ПОЛОЖЕНИЕ
РАЗМЕРЫ
Изменение
ПЕРЕЧЕНЬ
О мерах по дальнейшему совершенствованию порядка взимания пробирной платы за совершение юридически значимых действий, связанных с определением проб и клеймением ювелирных и других изделий из драгоценных металлов
Во исполнение постановления Президента Республики Узбекистан от 10 августа 2017 года № ПП-3199 «О мерах по государственной поддержке ювелирной промышленности» Кабинет Министров постановляет:
1. Утвердить:
Положение о порядке взимания пробирной платы за совершение юридически значимых действий, связанных с определением проб и клеймением ювелирных и других изделий из драгоценных металлов, согласно приложению № 1 ;
Размеры пробирной платы за опробование и клеймение ювелирных и других изделий из драгоценных металлов, проведение анализов и иные услуги согласно приложению № 2 .
2. Внести изменение в Положение о порядке изъятия, реализации или уничтожения имущества, подлежащего обращению в доход государства, утвержденное постановлением Кабинета Министров от 15 июля 2009 г. № 200 (СП Республики Узбекистан, 2009 г., № 7, ст. 56), согласно приложению № 3 .
3. Признать утратившими силу некоторые решения Правительства Республики Узбекистан согласно приложению № 4 .
4. Установить, что пятьдесят процентов поступающих средств от взимания пробирной платы направляются в распоряжение Государственной пробирной палаты при Министерстве финансов Республики Узбекистан, с целевым их использованием на укрепление материально-технической базы Государственной пробирной палаты.
5. Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова и — министра финансов Республики Узбекистан Т.А Ишметова.
ПРИЛОЖЕНИЕ № 1 к постановлению Кабинета Министров от 12 октября 2017 года № 819
о порядке взимания пробирной платы за совершение юридически значимых действий, связанных с определением проб и клеймением ювелирных и других изделий из драгоценных металлов
Глава 1. Общие положения
1. Настоящее Положение определяет порядок взимания пробирной платы за совершение юридически значимых действий, связанных с определением проб и клеймением ювелирных и других изделий из драгоценных металлов (опробование и клеймение ювелирных и других изделий из драгоценных металлов, проведение анализов и иные услуги), выполняемые Государственной пробирной палатой при Министерстве финансов Республики Узбекистан (далее — Пробирная палата).
2. Пробирная плата взимается без учета налога на добавленную стоимость.
3. Пробирная плата взимается с юридических лиц и индивидуальных предпринимателей, а также физических лиц-резидентов и нерезидентов Республики Узбекистан за совершение юридически значимых действий, связанных с определением пробы и клеймением ювелирных и других изделий из драгоценных металлов, выполняемых Пробирной палатой.
При проведении расчета пробирной платы проценты базовой расчетной величины переводятся в сумы с округлением в меньшую сторону до образования целого числа.
4. Оплата пробирной платы производится через уполномоченные банки Республики Узбекистан на расчетный счет Пробирной палаты.
5. Денежные средства, поступившие на расчетный счет Пробирной палаты за отчетный период, подлежат распределению в течение трех банковских дней в следующем порядке:
50 процентов — подлежат зачислению в республиканский бюджет Республики Узбекистан;
50 процентов — остаются в распоряжении Пробирной палаты для укрепления ее материально-технической базы.
Глава 2. Порядок взимания пробирной платы
6. Опробование и клеймение ювелирных и других изделий из драгоценных металлов осуществляется в течение четырех суток.
7. За срочность работ, связанных с опробованием и клеймением ювелирных и других изделий из драгоценных металлов, пробирная плата увеличивается в следующих соотношениях:
в течение суток — в три раза;
в течение двух суток — в два раза;
в течение трех суток — в полтора раза.
При поступлении большого объема ювелирных и других изделий из драгоценных металлов на опробование и клеймение по согласованию со сдатчиком может устанавливаться иной срок, чем предусмотрено настоящим пунктом.
Сроки выполнения работ, предусмотренные настоящим пунктом, не включают в себя выходные и праздничные дни.
8. При приеме для проведения работ по опробованию и клеймению изделий из неизвестного металла пробирная плата взимается в следующем порядке за каждое изделие:
из желтого цвета — как за золотые изделия;
из белого цвета — как за серебряные изделия;
из серого цвета — как за платиновые изделия.
9. При проведении исследований по определению содержания драгоценных металлов взятые параллельные пробы на анализ учитываются и оплачиваются как один анализ, в соответствии с утвержденной пробирной платой.
10. Оплата за проведенные анализы контрольных образцов материалов, отобранных работниками Пробирной палаты, производится юридическими лицами в соответствии с договором.
11. Оплата пробирной платы за проведение анализов по проверке показателей точности результатов химических анализов проб в лаборатории другой организации с целью достижения единства измерений, своевременного выявления и устранения систематических расхождений в результатах анализов, выполненных в различных лабораториях (внешний контроль), производится в двойном размере от пробирной платы, предусмотренной за соответствующие работы.
12. Оплата пробирной платы за проведение проверки показателей точности результатов химических анализов независимой лабораторией с целью разрешения разногласий между лабораториями по результатам химического анализа одних и тех же проб (арбитражный контроль) производится в тройном размере от пробирной платы, предусмотренной за соответствующие работы.
13. Анализы и экспертизы, проводимые для Министерства финансов Республики Узбекистан и структурных подразделений Пробирной палаты, выполняются без оплаты.
14. Ответственность за полноту и правильность взимания пробирной платы возлагается на Пробирную палату.
15. Контроль за правильностью отчисления Пробирной палатой поступающих средств от взимания пробирной платы в Государственный бюджет Республики Узбекистан контролируется Министерством финансов Республики Узбекистан.
16. Оплата иных юридически значимых действий, не предусмотренных пробирной платой, осуществляется на договорной основе.
Глава 3. Заключительные положения
17. Споры, связанные с взиманием пробирные платы разрешаются в установленном законодательством порядке.
18. Лица, виновные в нарушении требований настоящего Положения, несут ответственность в порядке, установленном законодательством.
ПРИЛОЖЕНИЕ № 2 к постановлению Кабинета Министров от 12 октября 2017 года № 819
пробирной платы за опробование и клеймение ювелирных и других изделий из драгоценных металлов, проведение анализов и иные услуги
№ Наименование работ Единица измерения Размер пробирной платы, в процентах от базовой расчетной величины 1. Плата за опробование и клеймение (плата за опробование составляет 80%, а клеймение — 20% от общего размера пробирной платы) 1.1. Ювелирные и другие изделия (кроме корпусов часов) из драгоценных металлов, изготовленные в Республике Узбекистан юридическими лицами и индивидуальными предпринимателями: золотые штук 2,76 серебряные штук 0,59 платиновые, палладиевые штук 2,67 1.2. Ювелирные и другие изделия (кроме корпусов часов) из драгоценных металлов иностранного производства, представленные юридическими и физическими лицами: золотые штук 6,43 серебряные штук 1,83 платиновые, палладиевые штук 6,43 1.3. Ювелирные и другие изделия (кроме корпусов часов) из драгоценных металлов, представленные физическими лицами, для переклеймения имеющихся на изделии оттисков государственных пробирных клейм Республики Узбекистан и оттисков пробирных клейм с символикой бывшего СССР: золотые штук 2,94 серебряные штук 0,66 платиновые, палладиевые штук 2,94 1.4. Корпуса часов (в том числе с несъемным браслетом) из драгоценных металлов: золотые штук 11,95 серебряные штук 2,94 платиновые, палладиевые штук 13,60 1.5. Стоимость опробования и клеймения увеличивается в два раза в случае наличия в составе ювелирных и других изделий более 5 элементов*. 2. Плата за определение драгоценных металлов в предметах, предъявляемых музеями 2.1. Предметы, имеющие 1 — 5 элементов* золотых, платиновых, палладиевых штук 1,32 серебряных штук 0,33 2.2. Стоимость опробования предметов увеличивается при наличии в изделии: от 6 до 15 элементов* — в 2 раза от 16 до 50 элементов* — в 3 раза от 51 до 100 элементов* — в 4 раза свыше 100 элементов* — в 5 раз * Элемент — составная часть ювелирного и другого изделия 3. Плата за проведение технической экспертизы 3.1. Установление: определение подлинности оттиска государственного пробирного клейма Республики Узбекистан, поддельности оттиска государственного пробирного клейма Республики Узбекистан и оттиска личного клейма изготовителя, а также знака пробы установленного образца, а также наличия или отсутствия различных оттисков клейм на изделиях штук 5,40 3.2. Установление пробы: золота пробой выше 750, серебра – 925, платины – 900 и палладия – 850 рентгенофлуоресцентным методом на спектрометре; штук 18,20 независимо от вида металла, пробой ниже указанных выше методом опробования на пробирном камне штук 2,2 3.3. Определение характеристик (наименование, вес, форма огранки, группа чистоты и цвета) ограненных алмазов (бриллиантов) при массе в каратах: до 0,29 за 1 камень 11,51 от 0,30 до 0,99 за 1 камень 23,02 от 1,00 до 2,99 за 1 камень 57,55 от 3,00 до 5,99 за 1 камень 80,57 от 6,00 и выше за 1 камень 109,34 3.4. Определение характеристик (наименование, вес, форма огранки, группа чистоты и цвета) ограненных изумрудов, рубинов, сапфиров и александритов при массе в каратах: до 0,24 за 1 камень 5,75 от 0,25 до 0,99 за 1 камень 17,26 от 1,00 до 2,99 за 1 камень 34,53 от 3,00 до 5,99 за 1 камень 63,30 от 6,00 и выше за 1 камень 86,32 3.5. Определение наименования ограненных и неограненных камней (кроме драгоценных камней) за каждое наименование 0,81 3.6. Определение наименования и веса неограненных драгоценных и других камней за каждое наименование 3,74 3.7. Наименование работ для визуального определения полуфабрикатов, готовых, незаконченных, бывших в употреблении, поврежденных и/или повреждающих ювелирных изделий: до 200 грамм 50,0 от 201 до 500 грамм 100,0 от 501 до 1 000 грамм 200,0 от 1 001 до 5 000 грамм 500,0 от 5 001 до 10 000 грамм 1 000,0 свыше 10 001 грамм 3 000,0 4. Плата за проведение анализов 4.1. Ювелирных, зубопротезных и других сплавов на определение: золота методом купеляции (с чеком) 1 анализ 58,82 серебра (методом титрования) 1 анализ 32,99 платины, палладия на атомно-эмиссионном спектрометре 1 анализ 103,12 4.2. Электролитов, промывных вод и растворов (жидкое золото) на определение: золота (с купеляционным окончанием) 1 анализ 58,82 серебра (методом титрования) 1 анализ 32,99 платины, палладия на атомно-эмиссионном спектрометре 1 анализ 103,12 4.3. Покрытий, ювелирных крецов, шлифов и шламов на определение: золота (с купеляционным окончанием) 1 анализ 58,82 серебра (методом титрования) 1 анализ 32,99 4.4. Различных светочувствительных кино-фоторентгеноматериалов и фиксажных растворов: на определение серебра (методом титрования) 1 анализ 32,99 4.5. Пробирный анализ методом плавки руд, пород и концентратов: пробирное определение золота и серебра 1 анализ 73,80 пробирное определение золота и серебра с квартованием 1 анализ 88,60 пробирное концентрирование металлов платиновой группы 1 анализ 57,53 4.6. Количественный анализ на 1 — 8 элементов на атомно-эмисионном спектрометре 1 анализ 103,12 4.7. Определение влаги в пробах 1 анализ 13,33 4.8. Определение потерь при прокаливании в пробах 1 анализ 13,33 4.9. Спектрофотометрическое определение платины в катализаторах 1 анализ 88,69 4.10. Количественный анализ изделий, сплавов и лома ювелирной промышленности на рентгенофлуоресцентном спектрометре 1 анализ 18,20 4.11. Анализ химического состава образца (металла, сплава, изделия) в одной точке на рентгеновском микроанализаторе 1 анализ 84,09 4.12. Количественный анализ состава химических элементов в образце на ICP масс-спектрометре 1 анализ 258,80 5. Проведение различных работ 5.1. Изготовление пробирных реактивов (без учета стоимости драгоценных металлов, израсходованных на их изготовление): кислотных, соляных (для золота) 1 мл 0,28 хромпик (для серебра) 1 мл 0,28 азотнокислое серебро (для серебра) 1 мл 0,28
ПРИЛОЖЕНИЕ № 3 к постановлению Кабинета Министров от 12 октября 2017 года № 819
вносимое в Положение о порядке изъятия, реализации или уничтожения имущества, подлежащего обращению в доход государства
Абзац седьмой пункта 6 Положения о порядке изъятия, реализации или уничтожения имущества, подлежащего обращению в доход государства, утвержденного постановлением Кабинета Министров от 15 июля 2009 г. № 200 (СП Республики Узбекистан, 2009 г., № 7, ст. 56) изложить в следующей редакции:
«Изъятые драгоценные металлы и драгоценные камни, изделия из них, а также материалы, содержащие драгоценные металлы, направляются должностным лицом уполноченного органа в специализированные лаборатории для определения пробы. Ювелирные и другие изделия из драгоценных металлов для определения подлинности оттисков государственных пробирных клейм Республики Узбекистан направляются в Государственную пробирную палату Агентства по драгоценным металлам при Центральном банке Республики Узбекистан (далее — Пробирная палата) для проведения технической экспертизы. За проведенную техническую экспертизу Пробирной палатой взимается пробирная плата, в размере установленном законодательством. При необходимости Пробирной палатой осуществляется клеймение государственным пробирным клеймом Республики Узбекистан подлежащих клеймению ювелирных и других изделий из драгоценных металлов без взимания пробирной платы в десятидневный срок».
ПРИЛОЖЕНИЕ № 4 к постановлению Кабинета Министров от 12 октября 2017 года № 819
некоторых решений Правительства Республики Узбекистан, признаваемых утратившими силу
1. Постановление Кабинета Министров от 27 мая 2003 г. № 232 «О пробирной плате и порядке внесения пробирной платы» (СП Республики Узбекистан, 2003 г., № 5, ст. 42).
3. Пункт 5 приложения к постановлению Кабинета Министров от 22 января 2005 г. № 28 «О внесении изменений в некоторые решения Правительства Республики Узбекистан» (СП Республики Узбекистан, 2005 г., № 1, ст. 3).
4. Подпункт б) пункта 5 приложения № 1 к постановлению Кабинета Министров от 05 июня 2013 г. № 156 «О мерах по обеспечению эффективного использования изъятых и обращенных в доход государства ценностей» (СЗ Республики Узбекистан, 2013 г., № 23, ст. 304).
Премьер-министр Республики Узбекистан А. АРИПОВ
г. Ташкент,
12 октября 2017 г.,
№ 819