📅 2017-yil 14-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 14 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 14 октября 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 14 October 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«Қадимий Бухоро» туризм зонасини қуриш» лойиҳасини амалга оширишга доир ташкилий чора-тадбирлар тўғрисида
Ўзбекистон Республикаси Президентининг «2017 — 2019 йилларда Бухоро шаҳри ва Бухоро вилоятининг туризм салоҳиятини жадал ривожлантириш чора-тадбирлари тўғрисида» 2017 йил 19 майдаги ПҚ-2980-сон қарорини бажариш юзасидан, шунингдек «Қадимий Бухоро» туризм зонасини қуриш» лойиҳасини амалга ошириш билан боғлиқ ташкилий масалаларни жадал ҳал этиш мақсадида Вазирлар Маҳкамаси қарор қилади:
1. Бухоро вилояти ҳокимлиги, Ўзбекистон Республикаси Давлат архитектура ва қурилиш қўмитаси, Маданият вазирлиги ҳамда Туризмни ривожлантириш давлат қўмитасининг Бухоро шаҳридаги Ғиждувон кўчаси ва «Кўҳна ва боқий Бухоро» маданий-маърифий комплекси оралиғида 10,0 гектар ер майдони ажратиш тўғрисидаги таклифига розилик берилсин.
2. 2017 — 2019 йиллар даврида «Қадимий Бухоро» туризм зонасини қуриш» лойиҳаси (кейинги ўринларда лойиҳа деб аталади) амалга оширилишини самарали ташкил этиш мақсадида Ўзбекистон Республикаси Ташқи иқтисодий фаолият миллий банки томонидан Бухоро шаҳрида «NBU Bukhara Invest» МЧЖ инвестиция компанияси ташкил этилганлиги маълумот учун қабул қилинсин.
3. Ўзбекистон Республикаси Ташқи иқтисодий фаолият миллий банки:
Бухоро вилояти ҳокимлиги, Ўзбекистон Республикаси Давлат архитектура ва қурилиш қўмитаси ҳамда Туризмни ривожлантириш давлат қўмитаси билан биргаликда «Қадимий Бухоро» туризм зонаси ҳудудини архитектура-режалаштиришни ташкил этиш лойиҳасини, халқаро тажрибани ҳисобга олган ҳолда, уч ой муддатда ишлаб чиқсин ҳамда Ўзбекистон Республикаси Вазирлар Маҳкамаси ҳузуридаги Республика архитектура-шаҳарсозлик кенгашига келишиш учун белгиланган тартибда тақдим этсин;
«Қадимий Бухоро» туризм зонасини қуриш лойиҳаси ва зонада жойлашадиган объектлар лойиҳа-смета ҳужжатларининг ишлаб чиқилишини белгиланган тартибда таъминласин.
4. Ўзбекистон Республикаси Ташқи иқтисодий фаолият миллий банкига ва «NBU Bukhara Invest» МЧЖга Бухоро вилояти ҳокимлиги билан келишган ҳолда қуйидаги ҳуқуқлар берилсин:
лойиҳани амалга ошириш доирасида алоҳида объектлар қурилиши учун, шу жумладан инвесторлар иштирокида 100 фоизгача улушли корхоналар барпо этиш;
шу жумладан бошқа инвесторларга тижорат кредитлари ёки «Қадимий Бухоро» туризм зонаси корхоналарининг устав капиталларидаги улушни киритилган (миллий ва хорижий валютадаги) маблағларни бозор қиймати бўйича валютада, лекин барча харажатлар ва инвестициялар суммасидан кам бўлмаган миқдорда ажратган ҳолда объектни (объектлар комплексини) амалга ошириш.
5. Ўзбекистон Республикаси Ташқи иқтисодий фаолият миллий банкига ва «NBU Bukhara Invest» МЧЖга, шунингдек лойиҳани амалга ошириш иштирокчиларига — тадбиркорлик субъектларига, истисно тариқасида, 2017 — 2019 йиллар даврида «Қадимий Бухоро» туризм зонаси объектларини лойиҳалаш ва қуришга етакчи, шу жумладан хорижий архитекторлар ва муҳандисларни жалб қилишга, шунингдек энг яхши таклифларни танлаб олиш асосида тендер савдолари ўтказмасдан ёки тўғридан-тўғри музокаралар ўтказиш йўли билан пудрат ташкилотларини ҳамда товарлар (ишлар, хизматлар) етказиб берувчиларни аниқлашга, техник топшириқларни Ўзбекистон Республикаси Иқтисодиёт ва саноат вазирлиги ҳузуридаги Лойиҳалар ва импорт контрактларини комплекс экспертиза қилиш маркази» ДУК билан мажбурий тартибда келишиб олишга рухсат этилсин.
6. Бухоро вилояти ҳокимлиги қуйидагиларни белгиланган тартибда таъминласин:
Ўзбекистон Республикаси Ташқи иқтисодий фаолият миллий банкига ва «NBU Bukhara Invest» МЧЖга, лойиҳалаш ва пудрат ташкилотларига ушбу қарорда назарда тутилган чора-тадбирларни амалга оширишда ҳар томонлама кўмаклашиш;
Ўзбекистон Республикаси Уй-жой коммунал хизмат кўрсатиш вазирлиги, «Ўзбекнефтгаз» АЖ, «Ўзбекэнерго» АЖ билан биргаликда «Қадимий Бухоро» туризм зонаси объектларини зарур муҳандислик (газ қувурлари, электр тармоқлари, сув қувурлари ва канализация) коммуникацияларига улаш.
7. Ўзбекистон Республикаси Ташқи ишлар вазирлиги Ўзбекистон Республикаси Ташқи иқтисодий фаолият миллий банки томонидан тасдиқланадиган «NBU Bukhara Invest» МЧЖ буюртманомаларига биноан, лойиҳани амалга оширишда қатнашадиган хорижий мутахассисларга кириш визаларининг белгиланган тартибда расмийлаштирилишини таъминласин.
8. Ўзбекистон Республикаси Ички ишлар вазирлиги Ўзбекистон Республикаси Ташқи иқтисодий фаолият миллий банки томонидан тасдиқланадиган «NBU Bukhara Invest» МЧЖ буюртманомаларига биноан, лойиҳани амалга оширишда қатнашадиган хорижий мутахассисларга кўп марталик визаларнинг узайтирилишини, шунингдек уларнинг вақтинчалик яшаш жойларида вақтинчалик прописка қилинишини ҳамда унинг муддати узайтирилишини белгиланган тартибда таъминласин.
9. Ўзбекистон Республикаси Давлат архитектура ва қурилиш қўмитаси лойиҳани амалга ошириш доирасида қурилаётган объектларнинг лойиҳа-смета ҳужжатлари давлат экспертизасидан ўтказилишини амалга оширилаётган қурилиш-монтаж ишларининг сифати, шаҳарсозлик норма ва қоидаларига қатъий риоя этилиши юзасидан давлат архитектура-қурилиш назорати олиб борилишини таъминласин.
10. Ўзбекистон Республикаси Бандлик ва меҳнат муносабатлари вазирлиги Ўзбекистон Республикаси Ташқи иқтисодий фаолият миллий банки томонидан тасдиқланадиган «NBU Bukhara Invest» МЧЖ буюртманомаларига биноан, лойиҳани амалга оширишда қатнашадиган (Ўзбекистон Республикаси фуқаролари орасида мавжуд бўлмаган) юқори малакали хорижий мутахассисларни жалб этишга белгиланган тартибда рухсатномалар берилишини (муддати узайтирилишини), шунингдек кўрсатиб ўтилган хорижий мутахассисларга Ўзбекистон Республикаси ҳудудида меҳнат фаолияти билан шуғулланиш ҳуқуқига тасдиқномалар берилишини (муддати узайтирилишини) таъминласин.
11. Мазкур қарорнинг бажарилишини назорат қилиш Ўзбекистон Республикаси Вазирлар Маҳкамасининг Маданият, санъат ва туризмни ривожлантириш масалалари ахборот-таҳлил департаментига ҳамда Коммунал соҳа, транспорт, капитал қурилиш ва қурилиш индустрияси масалалари ахборот-таҳлил департаментига, Ўзбекистон Республикаси Ташқи иқтисодий фаолият миллий банки бошқаруви раиси С.Р. Холмуродов ҳамда Бухоро вилояти ҳокими Ў.И. Барноев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2017 йил 14 октябрь,
825-сон
Oʻzbekiston Respublikasi Vazirlar Mahkamasining
qarori
“Qadimiy Buxoro” turizm zonasini qurish” loyihasini amalga oshirishga doir tashkiliy chora-tadbirlar toʻgʻrisida
Oʻzbekiston Respublikasi Prezidentining “2017 — 2019-yillarda Buxoro shahri va Buxoro viloyatining turizm salohiyatini jadal rivojlantirish chora-tadbirlari toʻgʻrisida” 2017-yil 19-maydagi PQ-2980-son qarorini bajarish yuzasidan, shuningdek “Qadimiy Buxoro” turizm zonasini qurish” loyihasini amalga oshirish bilan bogʻliq tashkiliy masalalarni jadal hal etish maqsadida Vazirlar Mahkamasi qaror qiladi:
1. Buxoro viloyati hokimligi, Oʻzbekiston Respublikasi Davlat arxitektura va qurilish qoʻmitasi, Madaniyat vazirligi hamda Turizmni rivojlantirish davlat qoʻmitasining Buxoro shahridagi Gʻijduvon koʻchasi va “Koʻhna va boqiy Buxoro” madaniy-maʼrifiy kompleksi oraligʻida 10,0 gektar yer maydoni ajratish toʻgʻrisidagi taklifiga rozilik berilsin.
2. 2017 — 2019-yillar davrida “Qadimiy Buxoro” turizm zonasini qurish” loyihasi (keyingi oʻrinlarda loyiha deb ataladi) amalga oshirilishini samarali tashkil etish maqsadida Oʻzbekiston Respublikasi Tashqi iqtisodiy faoliyat milliy banki tomonidan Buxoro shahrida “NBU Bukhara Invest” MCHJ investitsiya kompaniyasi tashkil etilganligi maʼlumot uchun qabul qilinsin.
3. Oʻzbekiston Respublikasi Tashqi iqtisodiy faoliyat milliy banki:
Buxoro viloyati hokimligi, Oʻzbekiston Respublikasi Davlat arxitektura va qurilish qoʻmitasi hamda Turizmni rivojlantirish davlat qoʻmitasi bilan birgalikda “Qadimiy Buxoro” turizm zonasi hududini arxitektura-rejalashtirishni tashkil etish loyihasini, xalqaro tajribani hisobga olgan holda, uch oy muddatda ishlab chiqsin hamda Oʻzbekiston Respublikasi Vazirlar Mahkamasi huzuridagi Respublika arxitektura-shaharsozlik kengashiga kelishish uchun belgilangan tartibda taqdim etsin;
“Qadimiy Buxoro” turizm zonasini qurish loyihasi va zonada joylashadigan obyektlar loyiha-smeta hujjatlarining ishlab chiqilishini belgilangan tartibda taʼminlasin.
4. Oʻzbekiston Respublikasi Tashqi iqtisodiy faoliyat milliy bankiga va “NBU Bukhara Invest” MCHJga Buxoro viloyati hokimligi bilan kelishgan holda quyidagi huquqlar berilsin:
loyihani amalga oshirish doirasida alohida obyektlar qurilishi uchun, shu jumladan investorlar ishtirokida 100 foizgacha ulushli korxonalar barpo etish;
shu jumladan boshqa investorlarga tijorat kreditlari yoki “Qadimiy Buxoro” turizm zonasi korxonalarining ustav kapitallaridagi ulushni kiritilgan (milliy va xorijiy valyutadagi) mablagʻlarni bozor qiymati boʻyicha valyutada, lekin barcha xarajatlar va investitsiyalar summasidan kam boʻlmagan miqdorda ajratgan holda obyektni (obyektlar kompleksini) amalga oshirish.
5. Oʻzbekiston Respublikasi Tashqi iqtisodiy faoliyat milliy bankiga va “NBU Bukhara Invest” MCHJga, shuningdek loyihani amalga oshirish ishtirokchilariga — tadbirkorlik subyektlariga, istisno tariqasida, 2017 — 2019-yillar davrida “Qadimiy Buxoro” turizm zonasi obyektlarini loyihalash va qurishga yetakchi, shu jumladan xorijiy arxitektorlar va muhandislarni jalb qilishga, shuningdek eng yaxshi takliflarni tanlab olish asosida tender savdolari oʻtkazmasdan yoki toʻgʻridan-toʻgʻri muzokaralar oʻtkazish yoʻli bilan pudrat tashkilotlarini hamda tovarlar (ishlar, xizmatlar) yetkazib beruvchilarni aniqlashga, texnik topshiriqlarni Oʻzbekiston Respublikasi Iqtisodiyot va sanoat vazirligi huzuridagi Loyihalar va import kontraktlarini kompleks ekspertiza qilish markazi” DUK bilan majburiy tartibda kelishib olishga ruxsat etilsin.
6. Buxoro viloyati hokimligi quyidagilarni belgilangan tartibda taʼminlasin:
Oʻzbekiston Respublikasi Tashqi iqtisodiy faoliyat milliy bankiga va “NBU Bukhara Invest” MCHJga, loyihalash va pudrat tashkilotlariga ushbu qarorda nazarda tutilgan chora-tadbirlarni amalga oshirishda har tomonlama koʻmaklashish;
Oʻzbekiston Respublikasi Uy-joy kommunal xizmat koʻrsatish vazirligi, “Oʻzbekneftgaz” AJ, “Oʻzbekenergo” AJ bilan birgalikda “Qadimiy Buxoro” turizm zonasi obyektlarini zarur muhandislik (gaz quvurlari, elektr tarmoqlari, suv quvurlari va kanalizatsiya) kommunikatsiyalariga ulash.
7. Oʻzbekiston Respublikasi Tashqi ishlar vazirligi Oʻzbekiston Respublikasi Tashqi iqtisodiy faoliyat milliy banki tomonidan tasdiqlanadigan “NBU Bukhara Invest” MCHJ buyurtmanomalariga binoan, loyihani amalga oshirishda qatnashadigan xorijiy mutaxassislarga kirish vizalarining belgilangan tartibda rasmiylashtirilishini taʼminlasin.
8. Oʻzbekiston Respublikasi Ichki ishlar vazirligi Oʻzbekiston Respublikasi Tashqi iqtisodiy faoliyat milliy banki tomonidan tasdiqlanadigan “NBU Bukhara Invest” MCHJ buyurtmanomalariga binoan, loyihani amalga oshirishda qatnashadigan xorijiy mutaxassislarga koʻp martalik vizalarning uzaytirilishini, shuningdek ularning vaqtinchalik yashash joylarida vaqtinchalik propiska qilinishini hamda uning muddati uzaytirilishini belgilangan tartibda taʼminlasin.
9. Oʻzbekiston Respublikasi Davlat arxitektura va qurilish qoʻmitasi loyihani amalga oshirish doirasida qurilayotgan obyektlarning loyiha-smeta hujjatlari davlat ekspertizasidan oʻtkazilishini amalga oshirilayotgan qurilish-montaj ishlarining sifati, shaharsozlik norma va qoidalariga qatʼiy rioya etilishi yuzasidan davlat arxitektura-qurilish nazorati olib borilishini taʼminlasin.
10. Oʻzbekiston Respublikasi Bandlik va mehnat munosabatlari vazirligi Oʻzbekiston Respublikasi Tashqi iqtisodiy faoliyat milliy banki tomonidan tasdiqlanadigan “NBU Bukhara Invest” MCHJ buyurtmanomalariga binoan, loyihani amalga oshirishda qatnashadigan (Oʻzbekiston Respublikasi fuqarolari orasida mavjud boʻlmagan) yuqori malakali xorijiy mutaxassislarni jalb etishga belgilangan tartibda ruxsatnomalar berilishini (muddati uzaytirilishini), shuningdek koʻrsatib oʻtilgan xorijiy mutaxassislarga Oʻzbekiston Respublikasi hududida mehnat faoliyati bilan shugʻullanish huquqiga tasdiqnomalar berilishini (muddati uzaytirilishini) taʼminlasin.
11. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining Madaniyat, sanʼat va turizmni rivojlantirish masalalari axborot-tahlil departamentiga hamda Kommunal soha, transport, kapital qurilish va qurilish industriyasi masalalari axborot-tahlil departamentiga, Oʻzbekiston Respublikasi Tashqi iqtisodiy faoliyat milliy banki boshqaruvi raisi S.R. Xolmurodov hamda Buxoro viloyati hokimi Oʻ.I. Barnoyev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 14-oktabr,
825-son
Кабинета Министров Республики Узбекистан
Постановление
Об организационных мерах по реализации проекта «Строительство туристской зоны «Кадимий Бухоро»»
Во исполнение постановления Президента Республики Узбекистан от 19 мая 2017 года № ПП-2980 «О мерах по ускоренному развитию туристского потенциала города Бухары и Бухарской области на 2017 — 2019 годы», а также в целях ускоренного решения организационных вопросов, связанных с реализацией проекта «Строительство туристской зоны «Кадимий Бухоро»», Кабинет Министров постановляет:
1. Согласиться с предложением хокимията Бухарской области, Государственного комитета Республики Узбекистан по архитектуре и строительству, Министерства культуры Республики Узбекистан и Государственного комитета Республики Узбекистан по развитию туризма о выделении земельного участка площадью 10,0 га, расположенного между улицей Гиждуван и культурно-просветительским комплексом «Кухна ва бокий Бухоро» города Бухары.
2. Принять к сведению, что в целях эффективной организации реализации проекта «Строительство туристской зоны «Кадимий Бухоро»» (далее — проект) в период 2017 — 2019 годы Национальным банком внешнеэкономической деятельности Республики Узбекистан создана инвестиционная компания ООО «NBU Bukhara Invest» в городе Бухаре.
3. Национальному банку внешнеэкономической деятельности Республики Узбекистан:
совместно с хокимиятом Бухарской области, Государственным комитетом Республики Узбекистан по архитектуре и строительству и Государственным комитетом Республики Узбекистан по развитию туризма в трехмесячный срок разработать с учетом международного опыта и представить в установленном порядке на согласование в Республиканский архитектурно-градостроительный совет при Кабинете Министров Республики Узбекистан концепцию проекта архитектурно-планировочной организации территории туристской зоны «Кадимий Бухоро»;
обеспечить в установленном порядке разработку проекта застройки туристской зоны «Кадимий Бухоро» и проектно-сметной документации размещаемых в зоне объектов.
4. Предоставить право Национальному банку внешнеэкономической деятельности Республики Узбекистан и ООО «NBU Bukhara Invest» по согласованию с хокимиятом Бухарской области:
создавать предприятия с долей до 100 процентов (включительно), в том числе с участием инвесторов, для строительства отдельных объектов в рамках реализации проекта;
реализовывать, в том числе с выделением коммерческих кредитов, другим инвесторам объекты (комплекс объектов) или доли в уставных капиталах предприятий туристской зоны «Кадимий Бухоро» по рыночной стоимости в валюте вложенных средств (в национальной и иностранной валютах), но не менее суммы всех расходов и инвестиций.
5. Разрешить Национальному банку внешнеэкономической деятельности Республики Узбекистан и ООО «NBU Bukhara Invest», а также другим субъектам предпринимательства — участникам реализации проекта, в порядке исключения, в период 2017 — 2019 годы привлекать к проектированию и строительству объектов туристской зоны «Кадимий Бухоро» ведущих архитекторов и инженеров, в том числе иностранных, а также определять подрядные организации и поставщиков товаров (услуг, работ) без проведения тендерных (конкурсных) торгов, на основе отбора наилучших предложений или путем проведения прямых переговоров, с обязательным согласованием технических заданий с ГУП «Центр комплексной экспертизы проектов и импортных контрактов при Министерстве экономики и промышленности Республики Узбекистан.
6. Хокимияту Бухарской области в установленном порядке обеспечить:
всемерное содействие Национальному банку внешнеэкономической деятельности Республики Узбекистан, ООО «NBU Bukhara Invest», проектным и подрядным организациям в реализации мер, предусмотренных настоящим постановлением;
совместно с Министерством жилищно-коммунального обслуживания Республики Узбекистан, АО «Узбекнефтегаз» и АО «Узбекэнерго» подключение объектов туристской зоны «Кадимий Бухоро» к необходимым инженерным коммуникациям (газопровод, электросети, водопровод и канализация).
7. Министерству иностранных дел Республики Узбекистан по заявкам ООО «NBU Bukhara Invest», подтверждаемым Национальным банком внешнеэкономической деятельности Республики Узбекистан, обеспечить в установленном порядке оформление въездных виз иностранным специалистам, участвующим в реализации проекта.
8. Министерству внутренних дел Республики Узбекистан по заявкам ООО «NBU Bukhara Invest», подтверждаемым Национальным банком внешнеэкономической деятельности Республики Узбекистан, обеспечить в установленном порядке продление многократных виз, а также временную прописку и ее продление по месту временного проживания иностранных специалистов, участвующих в реализации проекта.
9. Государственному комитету Республики Узбекистан по архитектуре и строительству в рамках реализации проекта обеспечить проведение государственной экспертизы проектно-сметной документации строящихся объектов, с осуществлением государственного архитектурно-строительного надзора за качеством проводимых строительно-монтажных работ, неукоснительным соблюдением градостроительных норм и правил.
10. Министерству занятости и трудовых отношений Республики Узбекистан обеспечить по заявкам ООО «NBU Bukhara Invest», подтверждаемым Национальным банком внешнеэкономической деятельности Республики Узбекистан, выдачу (продление) в установленном порядке разрешений на привлечение в Республику Узбекистан высококвалифицированных иностранных специалистов (не имеющихся из числа граждан Республики Узбекистан), участвующих в реализации проекта, а также выдачу (продление) указанным иностранным гражданам подтверждений на право трудовой деятельности на территории Республики Узбекистан.
11. Контроль за исполнением настоящего постановления возложить на Информационно-аналитический департамент по вопросам развития культуры, искусства и туризма и Информационно-аналитический департамент по вопросам коммунальной сферы, транспорта, капитального строительства и стройиндустрии Кабинета Министров Республики Узбекистан, председателя правления Национального банка внешнеэкономической деятельности Республики Узбекистан С.Р. Холмурадова и хокима Бухарской области У.И. Барноева.
Премьер-министр Республики Узбекистан А. АРИПОВ
г. Ташкент,
14 октября 2017 г.,
№ 825