📅 2017-yil 16-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 16 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 16 октября 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 16 October 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Жисмоний шахслардан олинадиган солиқлар йиғилишини амалга ошириш учун солиқ инспекторларини тўлов терминаллари билан таъминлаш тўғрисида
Ўзбекистон Республикаси Президентининг «Солиқ маъмуриятчилигини тубдан такомиллаштириш, солиқлар ва бошқа мажбурий тўловларнинг йиғилувчанлигини ошириш чора-тадбирлари тўғрисида»ги 2017 йил 18 июлдаги ПФ-5116-сон Фармонини бажариш юзасидан Вазирлар Маҳкамаси қарор қилади:
1. Солиқ инспекторлари ўзларига бириктирилган участкада мол-мулк солиғи ва ер солиғи тўловчи жисмоний шахсларни, шунингдек тадбиркорлик фаолияти билан шуғулланаётган жисмоний шахсларни ҳисобга олиш юзасидан тегишли ишларни бажаришлари ҳамда уларнинг тегишли солиқларни ўз вақтида тўлашини назорат қилиши маълумот учун қабул қилинсин.
2. Ўзбекистон Республикаси давлат солиқ хизмати органлари томонидан жисмоний шахслардан олинадиган солиқ тўловлари ҳисобига маблағлар электрон платформада ишлашга мослаштирилган кўп функцияли махсус тўлов дастурлари ёхуд тўлов терминаллари орқали бевосита банк пластик карточкалари ва нақд пул шаклида ундирилиши тартиби белгилансин.
3. Тижорат банклари:
Ўзбекистон Республикаси Давлат солиқ қўмитасига 2017 йил 1 ноябрга қадар участка солиқ инспекторлари учун 2190 та замонавий кўп функцияли тўлов терминаллари ажратсинлар;
Ўзбекистон Республикаси давлат солиқ хизмати органларидан тўлов терминаллари ажратиш тўғрисидаги мурожаати келиб тушган даврдан бошлаб етти иш куни давомида уларни тегишли дастурий таъминотли замонавий кўп функцияли тўлов терминаллари билан таъминласинлар, шунингдек уларни участка солиқ инспекторлари томонидан қўллаш тартиби тўғрисида тушунтириш ишларини олиб борсинлар;
электрон платформада ишлашга мослаштирилган кўп функцияли махсус тўлов дастурлари ёхуд тўлов терминаллари орқали тўланган пул маблағлари Ўзбекистон Республикаси Давлат бюджетининг даромадлар бўйича тегишли ғазна ҳисобварақларига кейинги банк иш кунидан кечиктирмаган ҳолда ўтказилишини таъминласинлар.
4. Ўзбекистон Республикаси Давлат солиқ қўмитаси жисмоний шахслар томонидан мол-мулк ва ер солиқларининг тўлов терминаллари орқали банк пластик карточкаларидан давлат солиқ хизмати органларига ва тижорат банкларига келмасдан тўлаш имконияти мавжудлигини аҳоли ўртасида оммавий ахборот воситалари орқали кенг ёритилишини таъминласин.
5. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Қўчқоров ва Ўзбекистон Республикаси давлат солиқ қўмитаси раиси Б.Р. Парпиев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2017 йил 16 октябрь,
832-сон
Oʻzbekiston Respublikasi Vazirlar Mahkamasining
qarori
Jismoniy shaxslardan olinadigan soliqlar yigʻilishini amalga oshirish uchun soliq inspektorlarini toʻlov terminallari bilan taʼminlash toʻgʻrisida
Oʻzbekiston Respublikasi Prezidentining “Soliq maʼmuriyatchiligini tubdan takomillashtirish, soliqlar va boshqa majburiy toʻlovlarning yigʻiluvchanligini oshirish chora-tadbirlari toʻgʻrisida”gi 2017-yil 18-iyuldagi PF-5116-son Farmonini bajarish yuzasidan Vazirlar Mahkamasi qaror qiladi:
1. Soliq inspektorlari oʻzlariga biriktirilgan uchastkada mol-mulk soligʻi va yer soligʻi toʻlovchi jismoniy shaxslarni, shuningdek tadbirkorlik faoliyati bilan shugʻullanayotgan jismoniy shaxslarni hisobga olish yuzasidan tegishli ishlarni bajarishlari hamda ularning tegishli soliqlarni oʻz vaqtida toʻlashini nazorat qilishi maʼlumot uchun qabul qilinsin.
2. Oʻzbekiston Respublikasi davlat soliq xizmati organlari tomonidan jismoniy shaxslardan olinadigan soliq toʻlovlari hisobiga mablagʻlar elektron platformada ishlashga moslashtirilgan koʻp funksiyali maxsus toʻlov dasturlari yoxud toʻlov terminallari orqali bevosita bank plastik kartochkalari va naqd pul shaklida undirilishi tartibi belgilansin.
3. Tijorat banklari:
Oʻzbekiston Respublikasi Davlat soliq qoʻmitasiga 2017-yil 1-noyabrga qadar uchastka soliq inspektorlari uchun 2190 ta zamonaviy koʻp funksiyali toʻlov terminallari ajratsinlar;
Oʻzbekiston Respublikasi davlat soliq xizmati organlaridan toʻlov terminallari ajratish toʻgʻrisidagi murojaati kelib tushgan davrdan boshlab yetti ish kuni davomida ularni tegishli dasturiy taʼminotli zamonaviy koʻp funksiyali toʻlov terminallari bilan taʼminlasinlar, shuningdek ularni uchastka soliq inspektorlari tomonidan qoʻllash tartibi toʻgʻrisida tushuntirish ishlarini olib borsinlar;
elektron platformada ishlashga moslashtirilgan koʻp funksiyali maxsus toʻlov dasturlari yoxud toʻlov terminallari orqali toʻlangan pul mablagʻlari Oʻzbekiston Respublikasi Davlat budjetining daromadlar boʻyicha tegishli gʻazna hisobvaraqlariga keyingi bank ish kunidan kechiktirmagan holda oʻtkazilishini taʼminlasinlar.
4. Oʻzbekiston Respublikasi Davlat soliq qoʻmitasi jismoniy shaxslar tomonidan mol-mulk va yer soliqlarining toʻlov terminallari orqali bank plastik kartochkalaridan davlat soliq xizmati organlariga va tijorat banklariga kelmasdan toʻlash imkoniyati mavjudligini aholi oʻrtasida ommaviy axborot vositalari orqali keng yoritilishini taʼminlasin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov va Oʻzbekiston Respublikasi davlat soliq qoʻmitasi raisi B.R. Parpiyev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 16-oktabr,
832-son
Кабинета Министров Республики Узбекистан
Постановление
О мерах по обеспечению налоговых инспекторов платежными терминалами для осуществления сбора налогов с физических лиц
Во исполнение Указа Президента Республики Узбекистан от 18 июля 2017 года УП-5116 «О мерах по коренному совершенствованию налогового администрирования, повышению собираемости налогов и других обязательных платежей» Кабинет Министров постановляет:
1. Принять к сведению, что налоговые инспектора на закрепленном участке проводят работу по учету физических лиц-плательщиков налога на имущество и земельного налога, а также физических лиц, занимающихся предпринимательской деятельностью, и осуществляют контроль за своевременностью уплаты ими причитающихся налогов.
2. Установить порядок, в соответствии с которым органами государственной налоговой службы Республики Узбекистан средства в счет налоговых платежей с физических лиц взимаются через многофункциональные специальные платежные программы, приспособленные для работы на электронной платформе, или платежные терминалы непосредственно с банковских пластиковых карточек и в наличной форме.
3. Коммерческим банкам:
до 1 ноября 2017 года выделить Государственному налоговому комитету Республики Узбекистан современные многофункциональные платежные терминалы в количестве 2190 штук для обеспечения участковых налоговых инспекторов;
в течение семи рабочих дней с момента поступления заявок органов государственной налоговой службы Республики Узбекистан о выделении платежных терминалов предоставлять им современные многофункциональные платежные терминалы с соответствующим программным обеспечением, с проведением с участковыми налоговыми инспекторами соответствующей разъяснительной работы о порядке использования платежных терминалов;
обеспечить поступление денежных средств, уплаченных через многофункциональные специальные платежные программы, приспособленные для работы на электронной платформе, или платежные терминалы, на соответствующие казначейские счета по доходам в Государственный бюджет Республики Узбекистан не позднее следующего банковского рабочего дня.
4. Государственному налоговому комитету Республики Узбекистан обеспечить широкое оповещение населения через средства массовой информации о предоставленной возможности уплаты физическими лицами налога на имущество и земельного налога через платежные терминалы с банковских пластиковых карточек, без посещения органов государственной налоговой службы и коммерческих банков.
5. Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова и председателя Государственного налогового комитета Республики Узбекистан Б.Р. Парпиева.
Премьер-министр Республики Узбекистан А. АРИПОВ
г. Ташкент,
16 октября 2017 г.,
№ 832