📅 2017-yil 16-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 16 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 16 октября 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 16 October 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Наманган вилоятида гулчиликни янада ривожлантириш чора-тадбирлари тўғрисида
Наманган вилоятида гулчиликни ривожлантириш, маҳаллий ва хорижий гул навларини парваришлаш, замонавий ландшафт ва дизайн асосида гулзорлар ташкил этиш, гулчилик санъати сир асрорларини ўрганиш, илғор мамлакатлар билан тажриба алмашиш, аҳоли даромадларини ошириш, республика ва чет эллик туристларни жалб этиш ҳамда Наманган шаҳрини гуллар марказига айлантириш мақсадида Вазирлар Маҳкамаси қарор қилади:
1. Наманган вилояти ҳокимлиги ва Ўзбекистон Республикаси Савдо-саноат палатасининг Наманган вилояти ҳокимлиги ҳузурида давлат унитар корхонаси шаклидаги гулчиликни ривожлантириш марказини (кейинги ўринларда Марказ деб аталади) ҳамда Наманган вилоятининг туманларида Марказнинг филиалларини ташкил этиш тўғрисидаги таклифига розилик берилсин.
Наманган вилояти ҳокимлиги бир ой муддатда гулчиликни ривожлантириш Маркази уставини ишлаб чиқиб, тасдиқласин.
2. Қуйидагилар Марказнинг асосий вазифалари этиб белгилансин:
маҳаллий табиий-иқлим шароитларига мослаштирилган гулларнинг замонавий плантацияларини яратиш, шунингдек, гул етиштиришнинг илмий асосланган усулларини ва ресурсларни тежовчи технологияларни кенг жорий этиш;
вилоятда гул етиштириш ҳажмини кўпайтириш чораларини кўриш, маҳсулотни сотиш бозорларини кенгайтириш мақсадида маркетинг тадқиқотларини олиб бориш;
вилоят ҳудудларининг табиий-иқлим шароитларига мос манзарали ва бута гул ниҳолларини лаборатория шароитларида етиштиришни ташкил этиш;
инновация технологияларини гул етиштириш жараёнига жорий қилиш учун илмий-тадқиқот ишларини олиб бориш;
гул кўчатларини парвариш қилишга жалб этиладиган мутахассисларнинг махсус тайёрлов курсларида малакасини оширилишини ташкил этиш.
3. Белгилаб қўйилсинки, Марказ фаолиятини молиялаштириш маҳаллий бюджет маблағлари, гулчилик соҳасида фаолият кўрсатувчи жисмоний ва юридик шахсларнинг ҳомийлик хайриялари ҳамда қонун ҳужжатларида тақиқланмаган бошқа манбалар ҳисобидан амалга оширилади.
4. Наманган вилояти ҳокимлиги Ўзбекистон Республикаси Қишлоқ ва сув хўжалиги вазирлиги, Экология ва атроф-муҳитни муҳофаза қилиш давлат қўмитаси, Ер ресурслари, геодезия, картография ва давлат кадастри давлат қўмитаси билан биргаликда икки ой муддатда:
вилоятда гулчилик билан шуғулланувчи тадбиркорлик субъектларига, шу жумладан фермер хўжаликларига маҳаллий ва хорижий гул навларини парваришлаш мақсадида плантация ва иссиқхоналар ташкил этиш учун ер майдонлари ажратилишини;
ҳар бир туманда 5 тадан ва Наманган шаҳрида 10 та замонавий ва доимий фаолият олиб борадиган гул сотиш шахобчалари ташкил этилишини таъминласинлар.
5. Ўзбекистон Республикаси Иқтисодиёт вазирлиги, Олий ва ўрта махсус таълим вазирлиги Наманган вилояти ҳокимлиги билан биргаликда Наманган вилоятида замонавий ландшафт асосида гулзорлар ва хиёбонлар барпо этиш мақсадида гулчилик билан шуғулланувчи ташкилотлар ва тадбиркорлик субъектларининг талаб ва эҳтиёжлари асосида 2018/2019 ўқув йилидан бошлаб Наманган муҳандислик-технология институтида «Манзарали боғдорчилик ва кўкаламзорлаштириш» таълим йўналиши бўйича мутахассислик кафедраси ташкил этилсин.
6. Ўзбекистон Республикаси Олий ва ўрта махсус таълим вазирлиги. Матбуот ва ахборот агентлиги Наманган вилояти ҳокимлиги билан биргаликда гулчилик санъати сир-асрорларига бағишланган қўлланма, монографиялар ишлаб чиқиб, нашр эттириш ва аҳоли ўртасида кенг тарғиб этилишини таъминласин.
7. Наманган вилояти ҳокимлиги Ўзбекистон Республикаси Ташки савдо вазирлиги билан биргаликда замонавий ва манзарали хорижий гул навларини олиб келиш, уларни маҳаллий иқлимга мослаштириш, қурғоқчиликка чидамли ва вируссиз навларини ўзлаштириш, гулчилик соҳасида илғор мамлакатлар билан тажриба алмашиш ва ҳамкорлик ишларини йўлга қўйиш юзасидан икки ой муддатда Вазирлар Маҳкамасига таклиф киритсин.
8. «Ўзтрансгаз» АЖ, «Ўзбекэнерго» АЖ ва Наманган вилояти ҳокимлиги ҳудудларда ташкил этиладиган маҳаллий ва хорижий гул навларини парваришлаш плантация ва иссиқхоналарни табиий газ, оқова сув ва электр энергияси билан узлуксиз таъминлаш чораларини кўрсин.
9. Наманган вилояти ҳокимлиги, Ўзбекистон Республикаси Қишлоқ ва сув хўжалиги вазирлиги ҳамда Экология ва атроф муҳитни муҳофаза қилиш давлат қўмитасининг вилоятда анъанавий тарзда ўтказиб келинаётган «Гул байрами» тадбирларини ҳар йили май ойининг охирги ҳафтасида ўтказилиши тўғрисидаги таклифи маъқуллансин.
10. Наманган вилояти ҳокимлиги бир ой муддатда:
вилоятда «Гул байрами»ни ташкил этиш юзасидан чора-тадбирлар дастурини ишлаб чиқиб, тасдиқласин;
Наманган шаҳрини «Гуллар шаҳри» сифатида акс эттирадиган рамзини яратиб, шаҳарнинг марказий йўлларига ўрнатиш ҳамда шаҳар марказий кўчаларида архитектура талаблари ҳамда замонавий ландшафт асосида гул павильонларини ташкил этсин.
12. Наманган вилояти ҳокимлиги, Ўзбекистон Республикаси Маданият вазирлиги, Туризмни ривожлантириш давлат қўмитаси, Ўзбекистон Миллий телерадиокомпанияси, «Тасвирий ойна» уюшмасига Наманган вилоятида анъанавий «Гул байрами»ни кўтаринки руҳда ўтказиш, республика ва чет эллик меҳмонларни таклиф этиш, ғолибларни рағбатлантириш ҳамда оммавий ахборот воситаларида тарғибот-ташвиқот ишларини олиб бориш ҳамда гулчилик соҳасини ривожлантиришда ўз ҳиссасини қўшаётган тадбиркорлар ва аҳоли хонадонларида амалга оширилаётган ишларни оммавий ахборот воситаларида кенг ёритиб бориш тавсия этилсин.
13. Ушбу қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси А.Ж. Раматов, Ўзбекистон Республикаси Бош вазири ўринбосари — қишлоқ ва сув хўжалиги вазири З.Т. Мирзаев ва Наманган вилояти ҳокими Х.Х. Бозаров зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2017 йил 16 октябрь,
830-сон
Oʻzbekiston Respublikasi Vazirlar Mahkamasining
qarori
Namangan viloyatida gulchilikni yanada rivojlantirish chora-tadbirlari toʻgʻrisida
Namangan viloyatida gulchilikni rivojlantirish, mahalliy va xorijiy gul navlarini parvarishlash, zamonaviy landshaft va dizayn asosida gulzorlar tashkil etish, gulchilik sanʼati sir asrorlarini oʻrganish, ilgʻor mamlakatlar bilan tajriba almashish, aholi daromadlarini oshirish, respublika va chet ellik turistlarni jalb etish hamda Namangan shahrini gullar markaziga aylantirish maqsadida Vazirlar Mahkamasi qaror qiladi:
1. Namangan viloyati hokimligi va Oʻzbekiston Respublikasi Savdo-sanoat palatasining Namangan viloyati hokimligi huzurida davlat unitar korxonasi shaklidagi gulchilikni rivojlantirish markazini (keyingi oʻrinlarda Markaz deb ataladi) hamda Namangan viloyatining tumanlarida Markazning filiallarini tashkil etish toʻgʻrisidagi taklifiga rozilik berilsin.
Namangan viloyati hokimligi bir oy muddatda gulchilikni rivojlantirish Markazi ustavini ishlab chiqib, tasdiqlasin.
2. Quyidagilar Markazning asosiy vazifalari etib belgilansin:
mahalliy tabiiy-iqlim sharoitlariga moslashtirilgan gullarning zamonaviy plantatsiyalarini yaratish, shuningdek, gul yetishtirishning ilmiy asoslangan usullarini va resurslarni tejovchi texnologiyalarni keng joriy etish;
viloyatda gul yetishtirish hajmini koʻpaytirish choralarini koʻrish, mahsulotni sotish bozorlarini kengaytirish maqsadida marketing tadqiqotlarini olib borish;
viloyat hududlarining tabiiy-iqlim sharoitlariga mos manzarali va buta gul nihollarini laboratoriya sharoitlarida yetishtirishni tashkil etish;
innovatsiya texnologiyalarini gul yetishtirish jarayoniga joriy qilish uchun ilmiy-tadqiqot ishlarini olib borish;
gul koʻchatlarini parvarish qilishga jalb etiladigan mutaxassislarning maxsus tayyorlov kurslarida malakasini oshirilishini tashkil etish.
3. Belgilab qoʻyilsinki, Markaz faoliyatini moliyalashtirish mahalliy budjet mablagʻlari, gulchilik sohasida faoliyat koʻrsatuvchi jismoniy va yuridik shaxslarning homiylik xayriyalari hamda qonun hujjatlarida taqiqlanmagan boshqa manbalar hisobidan amalga oshiriladi.
4. Namangan viloyati hokimligi Oʻzbekiston Respublikasi Qishloq va suv xoʻjaligi vazirligi, Ekologiya va atrof-muhitni muhofaza qilish davlat qoʻmitasi, Yer resurslari, geodeziya, kartografiya va davlat kadastri davlat qoʻmitasi bilan birgalikda ikki oy muddatda:
viloyatda gulchilik bilan shugʻullanuvchi tadbirkorlik subyektlariga, shu jumladan fermer xoʻjaliklariga mahalliy va xorijiy gul navlarini parvarishlash maqsadida plantatsiya va issiqxonalar tashkil etish uchun yer maydonlari ajratilishini;
har bir tumanda 5 tadan va Namangan shahrida 10 ta zamonaviy va doimiy faoliyat olib boradigan gul sotish shaxobchalari tashkil etilishini taʼminlasinlar.
5. Oʻzbekiston Respublikasi Iqtisodiyot vazirligi, Oliy va oʻrta maxsus taʼlim vazirligi Namangan viloyati hokimligi bilan birgalikda Namangan viloyatida zamonaviy landshaft asosida gulzorlar va xiyobonlar barpo etish maqsadida gulchilik bilan shugʻullanuvchi tashkilotlar va tadbirkorlik subyektlarining talab va ehtiyojlari asosida 2018/2019 oʻquv yilidan boshlab Namangan muhandislik-texnologiya institutida “Manzarali bogʻdorchilik va koʻkalamzorlashtirish” taʼlim yoʻnalishi boʻyicha mutaxassislik kafedrasi tashkil etilsin.
6. Oʻzbekiston Respublikasi Oliy va oʻrta maxsus taʼlim vazirligi. Matbuot va axborot agentligi Namangan viloyati hokimligi bilan birgalikda gulchilik sanʼati sir-asrorlariga bagʻishlangan qoʻllanma, monografiyalar ishlab chiqib, nashr ettirish va aholi oʻrtasida keng targʻib etilishini taʼminlasin.
7. Namangan viloyati hokimligi Oʻzbekiston Respublikasi Tashki savdo vazirligi bilan birgalikda zamonaviy va manzarali xorijiy gul navlarini olib kelish, ularni mahalliy iqlimga moslashtirish, qurgʻoqchilikka chidamli va virussiz navlarini oʻzlashtirish, gulchilik sohasida ilgʻor mamlakatlar bilan tajriba almashish va hamkorlik ishlarini yoʻlga qoʻyish yuzasidan ikki oy muddatda Vazirlar Mahkamasiga taklif kiritsin.
8. “Oʻztransgaz” AJ, “Oʻzbekenergo” AJ va Namangan viloyati hokimligi hududlarda tashkil etiladigan mahalliy va xorijiy gul navlarini parvarishlash plantatsiya va issiqxonalarni tabiiy gaz, oqova suv va elektr energiyasi bilan uzluksiz taʼminlash choralarini koʻrsin.
9. Namangan viloyati hokimligi, Oʻzbekiston Respublikasi Qishloq va suv xoʻjaligi vazirligi hamda Ekologiya va atrof muhitni muhofaza qilish davlat qoʻmitasining viloyatda anʼanaviy tarzda oʻtkazib kelinayotgan “Gul bayrami” tadbirlarini har yili may oyining oxirgi haftasida oʻtkazilishi toʻgʻrisidagi taklifi maʼqullansin.
10. Namangan viloyati hokimligi bir oy muddatda:
viloyatda “Gul bayrami”ni tashkil etish yuzasidan chora-tadbirlar dasturini ishlab chiqib, tasdiqlasin;
Namangan shahrini “Gullar shahri” sifatida aks ettiradigan ramzini yaratib, shaharning markaziy yoʻllariga oʻrnatish hamda shahar markaziy koʻchalarida arxitektura talablari hamda zamonaviy landshaft asosida gul pavilyonlarini tashkil etsin.
12. Namangan viloyati hokimligi, Oʻzbekiston Respublikasi Madaniyat vazirligi, Turizmni rivojlantirish davlat qoʻmitasi, Oʻzbekiston Milliy teleradiokompaniyasi, “Tasviriy oyna” uyushmasiga Namangan viloyatida anʼanaviy “Gul bayrami”ni koʻtarinki ruhda oʻtkazish, respublika va chet ellik mehmonlarni taklif etish, gʻoliblarni ragʻbatlantirish hamda ommaviy axborot vositalarida targʻibot-tashviqot ishlarini olib borish hamda gulchilik sohasini rivojlantirishda oʻz hissasini qoʻshayotgan tadbirkorlar va aholi xonadonlarida amalga oshirilayotgan ishlarni ommaviy axborot vositalarida keng yoritib borish tavsiya etilsin.
13. Ushbu qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari — “Oʻzbekiston temir yoʻllari” AJ boshqaruvi raisi A.J. Ramatov, Oʻzbekiston Respublikasi Bosh vaziri oʻrinbosari — qishloq va suv xoʻjaligi vaziri Z.T. Mirzayev va Namangan viloyati hokimi X.X. Bozarov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 16-oktabr,
830-son