📅 2017-yil 17-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2017 йил 17 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 17 октября 2017 г. · Постановления Кабинета Министров
Официальный текст. Официальный документ. Редакционные примечания не включены.
📅 17 October 2017 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
Докторантларнинг илмий-тадқиқот ишлари билан шуғулланишлари учун моддий шарт-шароитлар яратиш ва меҳнат фаолиятини янада рағбатлантириш тўғрисида
Ўзбекистон Республикаси Президентининг «Олий маълумотли мутахассислар тайёрлаш сифатини оширишда иқтисодиёт соҳалари ва тармоқларининг иштирокини янада кенгайтириш чора-тадбирлари тўғрисида» 2017 йил 27 июлдаги ПҚ-3151-сон қарори ижроси юзасидан, шунингдек докторантларни ишлаб чиқариш корхоналари ва ташкилотларга бириктириш ҳамда узоқ муддатли имтиёзли ипотека кредитлари бериш орқали уларнинг илмий-тадқиқот ишлари билан шуғулланишлари учун зарур шарт-шароитлар яратиш ва меҳнат фаолиятини янада рағбатлантириш мақсадида Вазирлар Маҳкамаси қарор қилади:
1. Ўзбекистон Республикаси Президентининг « 2017 — 2021 йилларда қишлоқ жойларда янгиланган намунавий лойиҳалар бўйича арзон уй-жойлар қуриш дастури тўғрисида » 2016 йил 21 октябрдаги ПҚ-2639-сон ҳамда « 2017 — 2020 йилларда шаҳарларда арзон кўп квартирали уй-жойлар қуриш ва реконструкция қилиш дастурини амалга оширишга доир чора-тадбирлар тўғрисида » 2016 йил 22 ноябрдаги ПҚ-2660-сон қарорларида (кейинги ўринларда дастурлар деб аталади) назарда тутилган тартибда ва маблағлар ҳисобидан узоқ муддатли имтиёзли ипотека кредитлари (кейинги ўринларда ипотека кредити деб аталади) беришнинг қуйидаги шартлари белгиланганлиги маълумот учун қабул қилинсин:
шаҳарларда кўп квартирали арзон уй-жойлар қуриш ва реконструкция қилиш учун — 3 йиллик имтиёзли давр ва дастлабки 5 йил мобайнида йиллик 7 фоиз миқдоридаги фоиз ставкаси билан ва кейинги даврда Ўзбекистон Республикаси Марказий банкининг қайта молиялаштириш ставкаси миқдорида 20 йил муддатга берилади, бунда дастлабки бадал квартира қийматининг 25 фоизини ташкил этади;
қишлоқ жойларда янгиланган намунавий лойиҳалар бўйича арзон уй-жойлар қуриш ва реконструкция қилиш учун — 3 йиллик имтиёзли давр ва дастлабки 5 йил мобайнида йиллик 7 фоиз миқдоридаги фоиз ставкаси билан ва кейинги даврда Ўзбекистон Республикаси Марказий банкининг қайта молиялаштириш ставкаси миқдорида 15 йил муддатга берилади, бунда дастлабки бадал қуйидаги миқдорни ташкил этади:
икки, уч қаватли кўп квартирали (2 ва 3 хонали) уйлар ва 2, 3 хонали бир қаватли уйлар учун — 15 фоиз;
икки қаватли 4 хонали бирлаштирилган уйлар учун — 25 фоиз.
2. Шундай тартиб ўрнатилсинки, унга мувофиқ таянч докторантуранинг 2-курсидан бошлаб, докторантлар учун ушбу қарорнинг 1-бандида назарда тутилган дастурлар доирасида шаҳарларда кўп квартирали арзон уй-жойлар ҳамда қишлоқ жойларда янгиланган намунавий лойиҳалар бўйича арзон уй-жойлар қуриш ва реконструкция қилиш учун тижорат банкларининг узоқ муддатли имтиёзли ипотека кредитлари 25 йил муддатга берилади.
3. Докторантларнинг илмий-тадқиқот ишлари билан шуғулланишлари учун моддий шарт-шароитлар яратиш ва меҳнат фаолиятини янада рағбатлантириш тартиби тўғрисида низом 1-иловага мувофиқ тасдиқлансин.
4. Ўзбекистон Республикаси Инновацион ривожланиш вазирлиги, Иқтисодиёт вазирлиги, Олий ва ўрта махсус таълим вазирлиги, Фанлар академияси, тасарруфидаги илмий-тадқиқот ва олий таълим муассасаларида олий таълимдан кейинги таълим институти мавжуд бўлган вазирлик ва идоралар:
Докторантларнинг илмий-тадқиқот ишлари билан шуғулланишлари учун моддий шарт-шароитлар яратиш ва меҳнат фаолиятини янада рағбатлантириш тартиби тўғрисидаги низом талабларига мувофиқ докторантларни ишлаб чиқариш корхоналари ва ташкилотларга бириктирилишини таъминласинлар;
манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.
5. Ўзбекистон Республикаси Ҳукуматининг айрим қарорларига 2-иловага мувофиқ ўзгартириш ва қўшимчалар киритилсин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Қўчқоров ва Ўзбекистон Республикаси Фан ва технологиялар агентлиги бош директори М.Р. Болтабаев зиммасига юклансин.
Вазирлар Маҳкамасининг 2017 йил 17 октябрдаги 839-сон қарорига 1-ИЛОВА
Докторантларнинг илмий-тадқиқот ишлари билан шуғулланишлари учун моддий шарт-шароитлар яратиш ва меҳнат фаолиятини янада рағбатлантириш тартиби тўғрисида
1-боб. Умумий қоидалар
1. Ушбу Низом Ўзбекистон Республикаси Президентининг «Олий маълумотли мутахассислар тайёрлаш сифатини оширишда иқтисодиёт соҳалари ва тармоқларининг иштирокини янада кенгайтириш чора-тадбирлари тўғрисида» 2017 йил 27 июлдаги ПҚ-3151-сон қарорига мувофиқ докторантларнинг илмий-тадқиқот ишлари билан шуғулланишлари учун моддий шарт-шароитлар яратиш ва меҳнат фаолиятини янада рағбатлантириш тартибини белгилайди.
2. Ушбу Низомда қуйидаги асосий тушунчалардан фойдаланилади:
таянч докторантура — Ўзбекистон Республикаси Давлат бюджети маблағлари ҳисобидан молиялаштириладиган, ишлаб чиқаришдан ажралган ҳолда мутахассисликни чуқур ўрганиш ва докторлик диссертациясини тайёрлаш ҳамда ҳимоя қилиш мақсадида илмий изланишлар олиб бориш бўйича фалсафа доктори (PhD) илмий даражаси изланувчилари учун олий таълим ва илмий-тадқиқот муассасаларида ташкил этиладиган олий малакали илмий ва илмий-педагог кадрлар ихтисосликлари бўйича олий таълимдан кейинги таълим шакли;
докторантура — Ўзбекистон Республикаси Давлат бюджети маблағлари ҳисобидан молиялаштириладиган, ишлаб чиқаришдан ажралган ҳолда мутахассисликни чуқур ўрганиш ва докторлик диссертациясини тайёрлаш ҳамда ҳимоя қилиш мақсадида илмий изланишлар олиб бориш бўйича фан доктори (DSc) илмий даражаси изланувчилари учун олий таълим ва илмий-тадқиқот муассасаларида ташкил этиладиган олий малакали илмий ва илмий-педагог кадрлар ихтисосликлари бўйича олий таълимдан кейинги таълим шакли;
докторант — олий таълим ва илмий-тадқиқот муассасасига таянч докторантура ёки докторантурага белгиланган тартибда қабул қилинган, фалсафа доктори (PhD) ёки фан доктори (DSc) илмий даражасини олиш учун изланишлар олиб бораётган шахс;
Идоралараро илмий-техник кенгашлар — Ўзбекистон Республикаси Инновацион ривожланиш вазирлигида (кейинги ўринларда Вазирлик деб аталади) тегишли фан тармоқлари бўйича ташкил этилган илмий-техник кенгашлар;
экспертлар гуруҳлари — Идоралараро илмий-техник кенгашлар ҳузурида фан йўналишлари бўйича ташкил этилган экспертлар гуруҳлари.
2-боб. Докторантларни ишлаб чиқариш корхоналари ва ташкилотларга бириктириш
3. Докторантларнинг илмий-тадқиқот ишлари билан шуғулланишлари учун моддий шарт-шароитлар яратиш ва меҳнат фаолиятини янада рағбатлантириш мақсадида муҳим илмий ютуқларга эришган докторантлар давлат ва хўжалик бошқаруви органлари тасарруфидаги ишлаб чиқариш корхоналари ва ташкилотларга (кейинги ўринларда корхоналар ва ташкилотлар деб аталади) бириктирилади.
4. Вазирлик томонидан ҳар йили 15 январгача корхоналар ва ташкилотларга илмий-тадқиқотлар ва инновация ишларига бўлган эҳтиёжлар рўйхатини Вазирликка тақдим этиш тўғрисида сўров юборилади.
5. Агентлик сўровига асосан корхоналар ва ташкилотлар ўзларининг илмий-тадқиқотлар ва инновация ишларига бўлган эҳтиёжлари рўйхатини 1 февралгача Агентликка тақдим этади.
Корхоналар ва ташкилотларнинг илмий-тадқиқотлар ва инновация ишларига бўлган эҳтиёжлари рўйхатини шакллантиришда иқтисодиётнинг тегишли тармоқ ёки соҳасини республикада амалга оширилаётган ижтимоий-иқтисодий ислоҳотлар талабларига мувофиқ янада ривожлантириш истиқболларига устувор аҳамият қаратилади.
6. Агентлик томонидан ҳар йили 5 февралгача корхоналар ва ташкилотларнинг илмий-тадқиқотлар ва инновация ишларига бўлган эҳтиёжлари рўйхати шакллантирилади.
Корхоналар ва ташкилотлар кесимида шакллантирилган эҳтиёжлар рўйхати 5 февралгача Агентликнинг расмий веб-сайтида эълон қилинади.
7. Докторантларни корхоналар ва ташкилотларга бириктириш Агентлик томонидан ташкил этиладиган танлов натижаларига кўра амалга оширилади.
8. Танлов ҳар йили 10 февралдан 28 февралгача ташкил этилади. Танлов тўғрисидаги маълумотлар танлов бошланишидан камида бир ой олдин оммавий ахборот воситалари, шунингдек, интернет-нашрлар, жумладан Вазирликнинг расмий веб-сайтида эълон қилинади.
9. Танловда иштирок этиш истагини билдирган докторантларнинг рўйхати улар таълим олаётган илмий-тадқиқот ва/ёки олий таълим муассасаси бевосита бўйсунувчи вазирлик ёки идораларнинг расмий хати асосида ушбу Низомнинг 10-бандида белгиланган талабларга мувофиқ тегишли ҳужжатларнинг нусхалари илова қилинган ҳолда Вазирликка тақдим этилади.
10. Танловда иштирок этиш истагини билдирган докторантларга қуйидаги талаблар қўйилади:
хорижий тиллардан бирини яхши ўзлаштирган бўлиши ва буни тасдиқловчи тегишли сертификатларнинг мавжудлиги (IELTS (ўртача 5,5 баллдан кам бўлмаган), TOEFL (РВТ) (567 баллдан кам бўлмаган), TOEFL (iBT) (87 баллдан кам бўлмаган) ҳамда камида В2 даражасидаги CEFR (Common European Framework of Reference), Test DaF (Test Deutsch als Fremdsprache fur auslandische Studienbewerber), GOETНE-ZERTIFIKAT, DALF (Diplome approfondi de langue francaise), Давлат тест марказининг малакавий сертификати);
докторлик диссертацияси мавзуси бўйича хорижий нашрларда камида 1 та, Ўзбекистон Республикаси Вазирлар Маҳкамаси ҳузуридаги Олий аттестация комиссияси рўйхатида кўрсатилган соҳавий журналларда камида 2 та илмий мақоласи чоп этилган бўлиши;
докторантлар томонидан бажарилаётган докторлик диссертацияси мавзуси корхоналар ва ташкилотларнинг илмий-тадқиқотлар ва инновация ишларига бўлган эҳтиёжлари рўйхатига мос бўлиши. Бунда докторант ва унинг илмий раҳбари (маслаҳатчиси) томонидан имзоланган асоснома тақдим этилади.
11. Танловга тақдим этилган ҳужжатлар экспертлар гуруҳлари томонидан кўриб чиқилади.
Зарур ҳолларда экспертлар гуруҳлари таркибига нуфузли олим ва мутахассислар ҳамда корхона ва ташкилотларнинг вакиллари жалб этилиши мумкин. Бунда эксперт гуруҳлари таркибининг сони тоқ бўлиши лозим.
12. Эксперт гуруҳлари 10 мартгача танловга тақдим этилган ҳужжатларни ҳар томонлама кўриб чиқиб, Идоралараро илмий-техник кенгашларга тегишли хулоса тақдим этади.
13. Идоралараро илмий-техник кенгашлар эксперт гуруҳлари томонидан тақдим этилган хулоса асосида якуний хулоса ишлаб чиқади ва 15 мартгача Вазирликка киритади.
14. Идоралараро илмий-техник кенгашларнинг хулосаси асосида 20 мартгача бўлган муддатда Вазирлик бош директори томонидан докторантни корхона ёки ташкилотга бириктириш тўғрисидаги рўйхат тасдиқланади.
15. Танловдан муваффақиятли ўтган докторантни тегишли корхона ёки ташкилотга бириктириш ҳар йили 25 мартгача бўлган муддатда Вазирлик, манфаатдор корхона ёки ташкилот ҳамда олий таълим ёки илмий-тадқиқот муассасаси ўртасида тузиладиган уч томонлама шартнома асосида амалга оширилади.
Шартнома уч нусхада имзоланади, биринчи ва иккинчи нусхалар Вазирлик ва манфаатдор корхона ёки ташкилотда сақланади, унинг учинчи нусхаси Вазирлик томонидан докторант таълим олаётган илмий-тадқиқот ёки олий таълим муассасасига юборилади.
16. Шартномада докторантга корхона ёки ташкилот томонидан яратиб бериладиган шарт-шароитлар (илмий-тадқиқот ишларини олиб бориш учун хона ва зарур офис жиҳозлари ажратиш, илмий-таҳлилий маълумотлардан фойдаланиш имконияти, моддий рағбатлантириш миқдори), шунингдек докторант томонидан амалга ошириладиган илмий-тадқиқот ишлари режаси ва ундан кутилаётган натижалар аниқ белгилаб олинади.
17. Корхоналар ёки ташкилотларга бириктирилган ҳамда докторлик диссертацияларини ўз муддатида муваффақиятли ҳимоя қилган докторантура битирувчилари Вазирликнинг йўлланмаси асосида олий таълим ва илмий-тадқиқот муассасаларига илмий ва илмий-педагогик фаолиятини давом эттириш учун юборилади.
18. Докторантларнинг илмий-тадқиқот ишлари билан шуғулланишлари учун моддий шарт-шароитлар яратиш ва меҳнат фаолиятини янада рағбатлантириш тартиби ушбу Низомга илова қилинган схемага мувофиқ амалга оширилади.
3-боб. Докторантларни моддий рағбатлантириш
19. Корхоналар ва ташкилотларга бириктирилган докторантларнинг илмий-тадқиқот ишлари билан шуғулланиши учун моддий шарт-шароитлар яратиш мақсадида уларнинг ойлик стипендиясининг 50 фоизигача миқдорида моддий рағбатлантириш ушбу Низомнинг 15-бандида назарда тутилган уч томонлама шартнома асосида корхоналар ва ташкилотларнинг маблағлари ҳисобидан амалга оширилади.
Моддий рағбатлантириш тўловлари докторантларнинг корхоналар ва ташкилотларга бириктирилган даври мобайнида амалга оширилади.
20. Докторантларни корхоналар ва ташкилотларга бириктириш муддати якунланганидан сўнг илмий-тадқиқот ишлари хўжалик шартномалари асосида амалга оширилиши мумкин.
4-боб. Якунловчи қоида
21. Ушбу Низом талаблари бузилишига айбдор бўлган шахслар қонунчиликка мувофиқ жавоб берадилар.
Докторантларнинг илмий-тадқиқот ишлари билан шуғулланишлари учун моддий шарт-шароитлар яратиш ва меҳнат фаолиятини янада рағбатлантириш тартиби тўғрисидаги низомга ИЛОВА
Докторантларнинг илмий-тадқиқот ишлари билан шуғулланишлари учун моддий шарт-шароитлар яратиш ва меҳнат фаолиятини янада рағбатлантириш тартиби
Вазирлар Маҳкамасининг 2017 йил 17 октябрдаги 839-сон қарорига 2-ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг 2009 йил 25 майдаги 148-сон қарори (Ўзбекистон Республикаси ҚҲТ, 2009 й., 22-сон, 259-модда) билан тасдиқланган Якка тартибда ҳамда қишлоқ жойларда намунавий лойиҳалар бўйича арзон уй-жойлар қурилишида қатнашувчи тижорат банклари — «Қишлоқ қурилиш банк» АТБ, Ўзбекистон Республикаси ташқи иқтисодий фаолият миллий банки, «Ипотека банк» АТИБ, АТ «Халқ банки», «Асака банк» АТБ ва «Ўзсаноатқурилишбанк» АТБ томонидан имтиёзли ипотека кредити бериш тартиби тўғрисидаги низомнинг 7-банди қуйидаги мазмундаги хатбоши билан тўлдирилсин:
«Ипотека кредитлари уч йилдан иборат имтиёзли давр билан таянч докторантуранинг 2-курсидан бошлаб, олий таълимдан кейинги таълим институтида таҳсил олаётган докторантлар учун 25 йил муддатга берилади».
Ўзбекистон Республикасининг Бош вазири А. АРИПОВ
Тошкент ш.,
2017 йил 17 октябрь,
839-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
Doktorantlarning ilmiy-tadqiqot ishlari bilan shugʻullanishlari uchun moddiy shart-sharoitlar yaratish va mehnat faoliyatini yanada ragʻbatlantirish toʻgʻrisida
Oʻzbekiston Respublikasi Prezidentining “Oliy maʼlumotli mutaxassislar tayyorlash sifatini oshirishda iqtisodiyot sohalari va tarmoqlarining ishtirokini yanada kengaytirish chora-tadbirlari toʻgʻrisida” 2017-yil 27-iyuldagi PQ-3151-son qarori ijrosi yuzasidan, shuningdek doktorantlarni ishlab chiqarish korxonalari va tashkilotlarga biriktirish hamda uzoq muddatli imtiyozli ipoteka kreditlari berish orqali ularning ilmiy-tadqiqot ishlari bilan shugʻullanishlari uchun zarur shart-sharoitlar yaratish va mehnat faoliyatini yanada ragʻbatlantirish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “ 2017 — 2021-yillarda qishloq joylarda yangilangan namunaviy loyihalar boʻyicha arzon uy-joylar qurish dasturi toʻgʻrisida ” 2016-yil 21-oktabrdagi PQ-2639-son hamda “ 2017 — 2020-yillarda shaharlarda arzon koʻp kvartirali uy-joylar qurish va rekonstruksiya qilish dasturini amalga oshirishga doir chora-tadbirlar toʻgʻrisida ” 2016-yil 22-noyabrdagi PQ-2660-son qarorlarida (keyingi oʻrinlarda dasturlar deb ataladi) nazarda tutilgan tartibda va mablagʻlar hisobidan uzoq muddatli imtiyozli ipoteka kreditlari (keyingi oʻrinlarda ipoteka krediti deb ataladi) berishning quyidagi shartlari belgilanganligi maʼlumot uchun qabul qilinsin:
shaharlarda koʻp kvartirali arzon uy-joylar qurish va rekonstruksiya qilish uchun — 3 yillik imtiyozli davr va dastlabki 5 yil mobaynida yillik 7 foiz miqdoridagi foiz stavkasi bilan va keyingi davrda Oʻzbekiston Respublikasi Markaziy bankining qayta moliyalashtirish stavkasi miqdorida 20 yil muddatga beriladi, bunda dastlabki badal kvartira qiymatining 25 foizini tashkil etadi;
qishloq joylarda yangilangan namunaviy loyihalar boʻyicha arzon uy-joylar qurish va rekonstruksiya qilish uchun — 3 yillik imtiyozli davr va dastlabki 5 yil mobaynida yillik 7 foiz miqdoridagi foiz stavkasi bilan va keyingi davrda Oʻzbekiston Respublikasi Markaziy bankining qayta moliyalashtirish stavkasi miqdorida 15 yil muddatga beriladi, bunda dastlabki badal quyidagi miqdorni tashkil etadi:
ikki, uch qavatli koʻp kvartirali (2 va 3 xonali) uylar va 2, 3 xonali bir qavatli uylar uchun — 15 foiz;
ikki qavatli 4 xonali birlashtirilgan uylar uchun — 25 foiz.
2. Shunday tartib oʻrnatilsinki, unga muvofiq tayanch doktoranturaning 2-kursidan boshlab, doktorantlar uchun ushbu qarorning 1-bandida nazarda tutilgan dasturlar doirasida shaharlarda koʻp kvartirali arzon uy-joylar hamda qishloq joylarda yangilangan namunaviy loyihalar boʻyicha arzon uy-joylar qurish va rekonstruksiya qilish uchun tijorat banklarining uzoq muddatli imtiyozli ipoteka kreditlari 25 yil muddatga beriladi.
3. Doktorantlarning ilmiy-tadqiqot ishlari bilan shugʻullanishlari uchun moddiy shart-sharoitlar yaratish va mehnat faoliyatini yanada ragʻbatlantirish tartibi toʻgʻrisida nizom 1-ilovaga muvofiq tasdiqlansin.
4. Oʻzbekiston Respublikasi Innovatsion rivojlanish vazirligi, Iqtisodiyot vazirligi, Oliy va oʻrta maxsus taʼlim vazirligi, Fanlar akademiyasi, tasarrufidagi ilmiy-tadqiqot va oliy taʼlim muassasalarida oliy taʼlimdan keyingi taʼlim instituti mavjud boʻlgan vazirlik va idoralar:
Doktorantlarning ilmiy-tadqiqot ishlari bilan shugʻullanishlari uchun moddiy shart-sharoitlar yaratish va mehnat faoliyatini yanada ragʻbatlantirish tartibi toʻgʻrisidagi nizom talablariga muvofiq doktorantlarni ishlab chiqarish korxonalari va tashkilotlarga biriktirilishini taʼminlasinlar;
manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
5. Oʻzbekiston Respublikasi Hukumatining ayrim qarorlariga 2-ilovaga muvofiq oʻzgartirish va qoʻshimchalar kiritilsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov va Oʻzbekiston Respublikasi Fan va texnologiyalar agentligi bosh direktori M.R. Boltabayev zimmasiga yuklansin.
Vazirlar Mahkamasining 2017-yil 17-oktabrdagi 839-son qaroriga 1-ILOVA
Doktorantlarning ilmiy-tadqiqot ishlari bilan shugʻullanishlari uchun moddiy shart-sharoitlar yaratish va mehnat faoliyatini yanada ragʻbatlantirish tartibi toʻgʻrisida
1-bob. Umumiy qoidalar
1. Ushbu Nizom Oʻzbekiston Respublikasi Prezidentining “Oliy maʼlumotli mutaxassislar tayyorlash sifatini oshirishda iqtisodiyot sohalari va tarmoqlarining ishtirokini yanada kengaytirish chora-tadbirlari toʻgʻrisida” 2017-yil 27-iyuldagi PQ-3151-son qaroriga muvofiq doktorantlarning ilmiy-tadqiqot ishlari bilan shugʻullanishlari uchun moddiy shart-sharoitlar yaratish va mehnat faoliyatini yanada ragʻbatlantirish tartibini belgilaydi.
2. Ushbu Nizomda quyidagi asosiy tushunchalardan foydalaniladi:
tayanch doktorantura — Oʻzbekiston Respublikasi Davlat budjeti mablagʻlari hisobidan moliyalashtiriladigan, ishlab chiqarishdan ajralgan holda mutaxassislikni chuqur oʻrganish va doktorlik dissertatsiyasini tayyorlash hamda himoya qilish maqsadida ilmiy izlanishlar olib borish boʻyicha falsafa doktori (PhD) ilmiy darajasi izlanuvchilari uchun oliy taʼlim va ilmiy-tadqiqot muassasalarida tashkil etiladigan oliy malakali ilmiy va ilmiy-pedagog kadrlar ixtisosliklari boʻyicha oliy taʼlimdan keyingi taʼlim shakli;
doktorantura — Oʻzbekiston Respublikasi Davlat budjeti mablagʻlari hisobidan moliyalashtiriladigan, ishlab chiqarishdan ajralgan holda mutaxassislikni chuqur oʻrganish va doktorlik dissertatsiyasini tayyorlash hamda himoya qilish maqsadida ilmiy izlanishlar olib borish boʻyicha fan doktori (DSc) ilmiy darajasi izlanuvchilari uchun oliy taʼlim va ilmiy-tadqiqot muassasalarida tashkil etiladigan oliy malakali ilmiy va ilmiy-pedagog kadrlar ixtisosliklari boʻyicha oliy taʼlimdan keyingi taʼlim shakli;
doktorant — oliy taʼlim va ilmiy-tadqiqot muassasasiga tayanch doktorantura yoki doktoranturaga belgilangan tartibda qabul qilingan, falsafa doktori (PhD) yoki fan doktori (DSc) ilmiy darajasini olish uchun izlanishlar olib borayotgan shaxs;
Idoralararo ilmiy-texnik kengashlar — Oʻzbekiston Respublikasi Innovatsion rivojlanish vazirligida (keyingi oʻrinlarda Vazirlik deb ataladi) tegishli fan tarmoqlari boʻyicha tashkil etilgan ilmiy-texnik kengashlar;
ekspertlar guruhlari — Idoralararo ilmiy-texnik kengashlar huzurida fan yoʻnalishlari boʻyicha tashkil etilgan ekspertlar guruhlari.
2-bob. Doktorantlarni ishlab chiqarish korxonalari va tashkilotlarga biriktirish
3. Doktorantlarning ilmiy-tadqiqot ishlari bilan shugʻullanishlari uchun moddiy shart-sharoitlar yaratish va mehnat faoliyatini yanada ragʻbatlantirish maqsadida muhim ilmiy yutuqlarga erishgan doktorantlar davlat va xoʻjalik boshqaruvi organlari tasarrufidagi ishlab chiqarish korxonalari va tashkilotlarga (keyingi oʻrinlarda korxonalar va tashkilotlar deb ataladi) biriktiriladi.
4. Vazirlik tomonidan har yili 15-yanvargacha korxonalar va tashkilotlarga ilmiy-tadqiqotlar va innovatsiya ishlariga boʻlgan ehtiyojlar roʻyxatini Vazirlikka taqdim etish toʻgʻrisida soʻrov yuboriladi.
5. Agentlik soʻroviga asosan korxonalar va tashkilotlar oʻzlarining ilmiy-tadqiqotlar va innovatsiya ishlariga boʻlgan ehtiyojlari roʻyxatini 1-fevralgacha Agentlikka taqdim etadi.
Korxonalar va tashkilotlarning ilmiy-tadqiqotlar va innovatsiya ishlariga boʻlgan ehtiyojlari roʻyxatini shakllantirishda iqtisodiyotning tegishli tarmoq yoki sohasini respublikada amalga oshirilayotgan ijtimoiy-iqtisodiy islohotlar talablariga muvofiq yanada rivojlantirish istiqbollariga ustuvor ahamiyat qaratiladi.
6. Agentlik tomonidan har yili 5-fevralgacha korxonalar va tashkilotlarning ilmiy-tadqiqotlar va innovatsiya ishlariga boʻlgan ehtiyojlari roʻyxati shakllantiriladi.
Korxonalar va tashkilotlar kesimida shakllantirilgan ehtiyojlar roʻyxati 5-fevralgacha Agentlikning rasmiy veb-saytida eʼlon qilinadi.
7. Doktorantlarni korxonalar va tashkilotlarga biriktirish Agentlik tomonidan tashkil etiladigan tanlov natijalariga koʻra amalga oshiriladi.
8. Tanlov har yili 10-fevraldan 28-fevralgacha tashkil etiladi. Tanlov toʻgʻrisidagi maʼlumotlar tanlov boshlanishidan kamida bir oy oldin ommaviy axborot vositalari, shuningdek, internet-nashrlar, jumladan Vazirlikning rasmiy veb-saytida eʼlon qilinadi.
9. Tanlovda ishtirok etish istagini bildirgan doktorantlarning roʻyxati ular taʼlim olayotgan ilmiy-tadqiqot va/yoki oliy taʼlim muassasasi bevosita boʻysunuvchi vazirlik yoki idoralarning rasmiy xati asosida ushbu Nizomning 10-bandida belgilangan talablarga muvofiq tegishli hujjatlarning nusxalari ilova qilingan holda Vazirlikka taqdim etiladi.
10. Tanlovda ishtirok etish istagini bildirgan doktorantlarga quyidagi talablar qoʻyiladi:
xorijiy tillardan birini yaxshi oʻzlashtirgan boʻlishi va buni tasdiqlovchi tegishli sertifikatlarning mavjudligi (IELTS (oʻrtacha 5,5 balldan kam boʻlmagan), TOEFL (RVT) (567 balldan kam boʻlmagan), TOEFL (iBT) (87 balldan kam boʻlmagan) hamda kamida V2 darajasidagi CEFR (Common European Framework of Reference), Test DaF (Test Deutsch als Fremdsprache fur auslandische Studienbewerber), GOETNE-ZERTIFIKAT, DALF (Diplome approfondi de langue francaise), Davlat test markazining malakaviy sertifikati);
doktorlik dissertatsiyasi mavzusi boʻyicha xorijiy nashrlarda kamida 1 ta, Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi roʻyxatida koʻrsatilgan sohaviy jurnallarda kamida 2 ta ilmiy maqolasi chop etilgan boʻlishi;
doktorantlar tomonidan bajarilayotgan doktorlik dissertatsiyasi mavzusi korxonalar va tashkilotlarning ilmiy-tadqiqotlar va innovatsiya ishlariga boʻlgan ehtiyojlari roʻyxatiga mos boʻlishi. Bunda doktorant va uning ilmiy rahbari (maslahatchisi) tomonidan imzolangan asosnoma taqdim etiladi.
11. Tanlovga taqdim etilgan hujjatlar ekspertlar guruhlari tomonidan koʻrib chiqiladi.
Zarur hollarda ekspertlar guruhlari tarkibiga nufuzli olim va mutaxassislar hamda korxona va tashkilotlarning vakillari jalb etilishi mumkin. Bunda ekspert guruhlari tarkibining soni toq boʻlishi lozim.
12. Ekspert guruhlari 10-martgacha tanlovga taqdim etilgan hujjatlarni har tomonlama koʻrib chiqib, Idoralararo ilmiy-texnik kengashlarga tegishli xulosa taqdim etadi.
13. Idoralararo ilmiy-texnik kengashlar ekspert guruhlari tomonidan taqdim etilgan xulosa asosida yakuniy xulosa ishlab chiqadi va 15-martgacha Vazirlikka kiritadi.
14. Idoralararo ilmiy-texnik kengashlarning xulosasi asosida 20-martgacha boʻlgan muddatda Vazirlik bosh direktori tomonidan doktorantni korxona yoki tashkilotga biriktirish toʻgʻrisidagi roʻyxat tasdiqlanadi.
15. Tanlovdan muvaffaqiyatli oʻtgan doktorantni tegishli korxona yoki tashkilotga biriktirish har yili 25-martgacha boʻlgan muddatda Vazirlik, manfaatdor korxona yoki tashkilot hamda oliy taʼlim yoki ilmiy-tadqiqot muassasasi oʻrtasida tuziladigan uch tomonlama shartnoma asosida amalga oshiriladi.
Shartnoma uch nusxada imzolanadi, birinchi va ikkinchi nusxalar Vazirlik va manfaatdor korxona yoki tashkilotda saqlanadi, uning uchinchi nusxasi Vazirlik tomonidan doktorant taʼlim olayotgan ilmiy-tadqiqot yoki oliy taʼlim muassasasiga yuboriladi.
16. Shartnomada doktorantga korxona yoki tashkilot tomonidan yaratib beriladigan shart-sharoitlar (ilmiy-tadqiqot ishlarini olib borish uchun xona va zarur ofis jihozlari ajratish, ilmiy-tahliliy maʼlumotlardan foydalanish imkoniyati, moddiy ragʻbatlantirish miqdori), shuningdek doktorant tomonidan amalga oshiriladigan ilmiy-tadqiqot ishlari rejasi va undan kutilayotgan natijalar aniq belgilab olinadi.
17. Korxonalar yoki tashkilotlarga biriktirilgan hamda doktorlik dissertatsiyalarini oʻz muddatida muvaffaqiyatli himoya qilgan doktorantura bitiruvchilari Vazirlikning yoʻllanmasi asosida oliy taʼlim va ilmiy-tadqiqot muassasalariga ilmiy va ilmiy-pedagogik faoliyatini davom ettirish uchun yuboriladi.
18. Doktorantlarning ilmiy-tadqiqot ishlari bilan shugʻullanishlari uchun moddiy shart-sharoitlar yaratish va mehnat faoliyatini yanada ragʻbatlantirish tartibi ushbu Nizomga ilova qilingan sxemaga muvofiq amalga oshiriladi.
3-bob. Doktorantlarni moddiy ragʻbatlantirish
19. Korxonalar va tashkilotlarga biriktirilgan doktorantlarning ilmiy-tadqiqot ishlari bilan shugʻullanishi uchun moddiy shart-sharoitlar yaratish maqsadida ularning oylik stipendiyasining 50 foizigacha miqdorida moddiy ragʻbatlantirish ushbu Nizomning 15-bandida nazarda tutilgan uch tomonlama shartnoma asosida korxonalar va tashkilotlarning mablagʻlari hisobidan amalga oshiriladi.
Moddiy ragʻbatlantirish toʻlovlari doktorantlarning korxonalar va tashkilotlarga biriktirilgan davri mobaynida amalga oshiriladi.
20. Doktorantlarni korxonalar va tashkilotlarga biriktirish muddati yakunlanganidan soʻng ilmiy-tadqiqot ishlari xoʻjalik shartnomalari asosida amalga oshirilishi mumkin.
4-bob. Yakunlovchi qoida
21. Ushbu Nizom talablari buzilishiga aybdor boʻlgan shaxslar qonunchilikka muvofiq javob beradilar.
Doktorantlarning ilmiy-tadqiqot ishlari bilan shugʻullanishlari uchun moddiy shart-sharoitlar yaratish va mehnat faoliyatini yanada ragʻbatlantirish tartibi toʻgʻrisidagi nizomga ILOVA
Doktorantlarning ilmiy-tadqiqot ishlari bilan shugʻullanishlari uchun moddiy shart-sharoitlar yaratish va mehnat faoliyatini yanada ragʻbatlantirish tartibi
Vazirlar Mahkamasining 2017-yil 17-oktabrdagi 839-son qaroriga 2-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining 2009-yil 25-maydagi 148-son qarori (Oʻzbekiston Respublikasi QHT, 2009-y., 22-son, 259-modda) bilan tasdiqlangan Yakka tartibda hamda qishloq joylarda namunaviy loyihalar boʻyicha arzon uy-joylar qurilishida qatnashuvchi tijorat banklari — “Qishloq qurilish bank” ATB, Oʻzbekiston Respublikasi tashqi iqtisodiy faoliyat milliy banki, “Ipoteka bank” ATIB, AT “Xalq banki”, “Asaka bank” ATB va “Oʻzsanoatqurilishbank” ATB tomonidan imtiyozli ipoteka krediti berish tartibi toʻgʻrisidagi nizomning 7-bandi quyidagi mazmundagi xatboshi bilan toʻldirilsin:
“Ipoteka kreditlari uch yildan iborat imtiyozli davr bilan tayanch doktoranturaning 2-kursidan boshlab, oliy taʼlimdan keyingi taʼlim institutida tahsil olayotgan doktorantlar uchun 25 yil muddatga beriladi”.
Oʻzbekiston Respublikasining Bosh vaziri A. ARIPOV
Toshkent sh.,
2017-yil 17-oktabr,
839-son
Кабинета Министров Республики Узбекистан
Постановление
ПОЛОЖЕНИЕ
СХЕМА
О создании материальных условий докторантам для осуществления научно-исследовательских работ и дальнейшем стимулировании их трудовой деятельности
Во исполнение постановления Президента Республики Узбекистан от 27 июля 2017 года № ПП-3151 «О мерах по дальнейшему расширению участия отраслей и сфер экономики в повышении качества подготовки специалистов с высшим образованием», а также в целях создания дополнительных материальных условий докторантам для осуществления научно-исследовательских работ и дальнейшего стимулирования их трудовой деятельности путем прикрепления докторантов к производственным предприятиям и организациям, предоставления им долгосрочных льготных ипотечных кредитов Кабинет Министров постановляет:
1. Принять к сведению, что установлены следующие условия предоставления долгосрочных льготных ипотечных кредитов (далее — ипотечный кредит) в порядке и за счет средств, предусмотренных постановлениями Президента Республики Узбекистан от 21 октября 2016 года № ПП-2639 « О Программе по строительству доступных жилых домов по обновленным типовым проектам в сельской местности на 2017 — 2021 годы » и от 22 ноября 2016 года № ПП-2660 « О мерах по реализации Программы по строительству и реконструкции доступных многоквартирных домов в городах на 2017 — 2020 годы » (далее — программы);
для строительства и реконструкции доступных многоквартирных домов в городах — сроком на 20 лет, включая 3-х летний льготный период, с процентной ставкой в размере 7 процентов годовых в течение первых 5 лет и в размере ставки рефинансирования Центрального банка Республики Узбекистан в последующем периоде, с первоначальным взносом в размере 25 процентов от стоимости квартиры;
для строительства доступных жилых домов по обновленным типовым проектам в сельской местности — сроком на 15 лет, включая 3-х летний льготный период, с процентной ставкой в размере 7 процентов годовых в течение первых 5 лет и в размере ставки рефинансирования Центрального банка Республики Узбекистан в последующем периоде, с первоначальным взносом в размере:
15 процентов — для двух-, трехэтажных многоквартирных (2-х и 3-х комнатные) жилых домов и одноэтажных 2, 3-х комнатных жилых домов;
25 процентов — для двухэтажных 4-х комнатных сблокированных жилых домов.
2. Установить порядок, в соответствии с которым, в рамках программ, предусмотренных в пункте 1 настоящего постановления, начиная со второго курса базовой докторантуры, для докторантов предоставляются долгосрочные льготные ипотечные кредиты коммерческих банков на 25 лет для приобретения квартир в доступных многоквартирных домах в городах и для строительства и реконструкции доступных жилых домов по обновленным типовым проектам в сельской местности.
3. Утвердить Положение о порядке создания материальных условий докторантам для проведения научно-исследовательских работ и дальнейшее стимулирования их трудовой деятельности согласно приложению № 1 .
4. Министерству инновационного развития Республики Узбекистан, Министерству экономики, Министерству высшего и среднего специального образования Республики Узбекистан, Академии наук Республики Узбекистан, министерствам и ведомствам, имеющим в своем ведении научно-исследовательские и высшие образовательные учреждения, при которых действуют институты послевузовского образования:
в соответствии с требованиями Положения о порядке создания материальных условий докторантам для проведения научно-исследовательских работ и дальнейшем стимулировании их трудовой деятельности обеспечить прикрепление докторантов к производственным предприятиям и организациям;
совместно с заинтересованными министерствами и ведомствами в месячный срок привести действующие ведомственные нормативные акты в соответствие с настоящим постановлением.
5. Внести изменения и дополнения в некоторые решения Правительства Республики Узбекистан согласно приложению № 2 .
6. Контроль за исполнением настоящего постановления возложить на заместителя премьер-министра Республики Узбекистан Д.А. Кучкарова и генерального директора Агентства по науке и технологиям Республики Узбекистан М.Р. Болтабаева.
ПРИЛОЖЕНИЕ № 1 к постановлению Кабинета Министров от 17 октября 2017 года № 839
о порядке создания материальных условий докторантам для осуществления научно-исследовательских работ и дальнейшем стимулировании их трудовой деятельности
Глава 1. Общие положения
1. Настоящее Положение разработано в соответствии с постановлением Президента Республики Узбекистан от 27 июля 2017 года № ПП-3151 «О мерах по дальнейшему расширению участия отраслей и сфер экономики в повышении качества подготовки специалистов с высшим образованием» и определяет порядок создания материальных условий докторантам для осуществления научно-исследовательских работ и дальнейшего стимулирования их трудовой деятельности.
2. В настоящем Положении применяются следующие основные понятия:
базовая докторантура — форма послевузовского образования по специальности научных и научно-педагогических кадров высшей квалификации, организуемого в высших образовательных и научно-исследовательских учреждениях для соискателей ученой степени доктора философии (PhD) по углубленному изучению специальности и ведению ими научных изысканий в целях подготовки и защиты докторской диссертации с отрывом от производства, финансируемая за счет средств Государственного бюджета Республики Узбекистан;
докторантура — форма послевузовского образования по специальности научных и научно-педагогических кадров высшей квалификации, организуемого в высших образовательных и научно-исследовательских учреждениях для соискателей ученой степени доктора наук (DSc) по углубленному изучению специальности и ведению ими научных изысканий в целях подготовки и защиты докторской диссертации с отрывом от производства, финансируемой за счет средств Государственного бюджета Республики Узбекистан;
докторант — лицо, зачисленное в установленном порядке в базовую докторантуру или докторантуру в высших образовательных и научно-исследовательских учреждениях для подготовки и защиты диссертации на соискание ученой степени доктора философии (PhD) или доктора наук (DSc).
Межведомственные научно-технические советы — научно-технические советы по соответствующим отраслям науки, организованные в Министерстве инновационного развития (далее — Министерство).
Экспертные группы — экспертные группы, организованные по соответствующим направлениям науки при Межведомственном научно-техническом совете.
Глава 2. Прикрепление докторантов к производственным предприятиям и организациям
3. В целях создания материальных условий докторантам для осуществления научно-исследовательских работ и дальнейшего стимулирования их трудовой деятельности, докторанты, имеющие важные научные достижения, прикрепляются к производственным предприятиям и организациям при государственных и хозяйственных органах управления (далее — предприятия и организации).
4. Министерство ежегодно до 15 января отправляет запрос предприятиям и организациям о представлении в Министерство списка потребностей в научных исследованиях и инновационных работах.
5. Согласно запросам Агентства предприятия и организации до 1 февраля представляют в Агентство список потребностей в научных исследованиях и инновационных работах.
При формировании списка потребностей в научных исследованиях и инновационных работах приоритет будет отдаваться работам, содержащим перспективы дальнейшего развития отраслей и секторов экономики в соответствии с социально-экономическими реформами, проводимыми в стране.
6. Агентство ежегодно до 5 февраля формирует список потребностей предприятий и организаций в научных исследованиях и инновационных работах.
Список потребностей, сформированный в разрезе предприятий и организаций, публикуется на официальном веб-сайте Агентства до 5 февраля.
7. Прикрепление докторантов к предприятиям и организациям осуществляется по результатам проводимого Агентством конкурса.
8. Конкурс проводится ежегодно с 10 февраля по 28 февраля. Информация о конкурсе публикуется в средствах массовой информации не позднее, чем за месяц до начала конкурса, а также в публикациях Интернета, в том числе на официальном веб-сайте Министерства.
9. Для участия в конкурсе головное министерство или ведомство вносит в Министерство официальным письмом список докторантов, обучающихся в высших образовательных и научно-исследовательских учреждениях, желающих принять участие в конкурсе, отвечающих предъявляемым к ним требованиям, изложенным в пункте 10 настоящего Положения, с приложением копий соответствующих документов.
10. К докторантам, желающим принять участие в конкурсе, предъявляются следующие требования:
знание одного из иностранных языков с приложением соответствующих сертификатов (IELTS — не менее 5,5 баллов), TOEFL (RVT — не менее 567 баллов), TOEFL (IBT — не менее 87 баллов), а также минимальный уровень B2 CEFR (Common European Framework of Reference), Тест DаF (Test Deutsch als Fremdsprache fur auslandische Studienbewerber), GOETНE сертификат, DALF (Diplome approfondi de Langue française), квалификационного сертификата Государственного тестового центра);
иметь не менее 1 статьи, опубликованной в зарубежных изданиях по теме докторской диссертации и не менее 2 научных статей, в журналах по одной из специальностей, указанных в перечне Высшей аттестационной комиссии при Кабинете Министров Республики Узбекистан;
тема докторской диссертации должна соответствовать потребностям в научно-исследовательских и инновационных разработках предприятий и организаций, с представлением обоснования, подписанного докторантом и его руководителем (консультантом).
11. Документы, представленные в конкурсную комиссию Министерства, рассматриваются экспертными группами.
При необходимости в состав экспертных групп привлекаются известные ученые и специалисты, также представители предприятий и организаций. При этом число членов в составе экспертных групп должно быть нечетным.
12. До 10 марта экспертные группы всесторонне рассматривают документы, представленные на конкурс и представляют соответствующее заключение Межведомственным научно-техническим советам.
13. До 15 марта Межведомственные научно-технические советы разрабатывают заключительные выводы на основе заключений, представленных экспертными группами и вносят их в Министерство.
14. В срок до 20 марта на основе заключений Межведомственных научно-технических советов Генеральным директором Министерства утверждается список о прикреплении докторантов к предприятиям и организациям.
15. Ежегодно до 25 марта осуществляется заключение трехстороннего контракта между Министерством, заинтересованным предприятием или организацией, а также высшим образовательным или научно-исследовательским учреждением о прикреплении к соответствующему предприятию или организации докторанта, успешно прошедшего конкурс.
Договор подписывается в трех экземплярах, из которых первый и второй сдаются на хранение в Министерство и заинтересованному предприятию или организации, а третий экземпляр направляется научно-исследовательскому или высшему образовательному учреждению, где обучается докторант.
16. Договор предусматривает создание условий предприятием или организацией для докторанта (выделение помещения, офисного оборудования, необходимого для научных исследований, предоставление возможности доступа к научно-аналитической информации, предоставление материального стимулирования), а также формирование плана научно-исследовательских работ, осуществляемых докторантом с ожидаемыми результатами.
17. Выпускники докторантуры, прикрепленные к предприятиям или организациям, успешно защитившие свои докторские диссертации в течение срока их закрепления, направляются Министерством в высшие образовательные и научно-исследовательские учреждения для осуществления дальнейшей научной и научно-педагогической деятельности.
18. Порядок создания материальных условий докторантам для выполнения научно-исследовательских работ и дальнейшего стимулирования их трудовой деятельности осуществляется в соответствии со схемой , прилагаемой к настоящему Положению.
Глава 3. Материальное стимулирование докторантов
19. Материальное стимулирование докторантов, прикрепленных к предприятиям и организациям, в размере до 50 % их ежемесячных стипендий, производится за счет предприятий и организаций на основе трехстороннего соглашения, предусмотренного пунктом 15 настоящего Положения.
Материальное стимулирование докторантов производится в период их прикрепления к предприятиям и организациям.
20. По истечении срока прикрепления докторантов к предприятиям и организациям, научно-исследовательские работы могут проводиться на основе хозяйственных договоров.
Глава 4. Заключительное положение
21. Лица, виновные в нарушении требований настоящего Положения, несут ответственность в порядке, установленном законодательством.
ПРИЛОЖЕНИЕ к Положению о создании материальных условий докторантам для осуществления научно-исследовательских работ и дальнейшем стимулировании их трудовой деятельности
порядка создания материальных условий докторантам для осуществления научно-исследовательских работ и дальнейшего стимулирования их трудовой деятельности
ПРИЛОЖЕНИЕ № 2 к постановлению Кабинета Министров от 17 октября 2017 года № 839
Изменения и дополнения, вносимые в некоторые решения Правительства Республики Узбекистан
1. Пункт 7 Положения о порядке льготного ипотечного кредитования участвующими коммерческими банками — АКБ «Кишлок курилиш банк», Национальным банком внешнеэкономической деятельности Республики Узбекистан, АКИБ «Ипотека банк», АК «Народный банк», АКБ «Асака банк» и АКБ «Узпромстройбанк» строительства индивидуальных жилых домов и новых типов доступных жилых домов по типовым проектам в сельской местности, утвержденного постановлением Кабинета Министров от 25 мая 2009 г. № 148 (СЗ Республики Узбекистан, 2009 г., № 22, ст. 259) дополнить абзацем вторым следующего содержания:
«Ипотечные кредиты предоставляются обучающимся докторантам, начиная со 2-го курса базовой докторантуры в институтах послевузовского образования на срок 25 лет с трехлетним льготным периодом».
Премьер-министр Республики Узбекистан А. АРИПОВ
г. Ташкент,
17 октября 2017 г.,
№ 839